ويبقى الأثر - الفصل 5 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *يبقى.الأثر.tt* ♥ *❴🔢❵☟الـــبـــــــــــ❴5️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ د.خليل : ما بخبي عليكي وضعو عم يتراجع. ياسمين : شو قصدك دكتور ؟ د.خليل : بقصد ما عاد رح نعذبو بالكيماوي اكتر من هيك ، بكرا رح نخرجو من المشفى ، خليه يعيش الباقي من عمرو ببيتو و كل يلي بيحبهن و بيحبوه حواليه. *رجعت لعند يحيى .. قعدت على حرف تختو و عم اتأملو بقهر .. مسكت ايدو و بكيت بدون صوت.... يحيى : حبيبتي ياسمين : صح النوم يا روحي يحيى : ليش عم تبكي ؟ انا منيح و عم اتعافى ياسمين : يا رب يحيى : ايمتى رح نطلع ؟ ياسمين : قلي الدكتور الصبح يحيى : تمام لأني مليت هون ياسمين : معك حق *ابتسمت ليحيى و انا عم اتأمل عيونو و احفظ ابتسامتو .. صرت خايفة من بكرا .. خايفة الوقت يمر .. عم حس كل لحظة بتمضى عم تاخد من عمر يحيى .. خايفة اوصل لليوم يلي افقدو فيه... ____________ #بقلم_فتاة_من_ورق_بسمه_السباعي *غسلت وجهي و طلعت .. مريت من جنب غرفة ميرنا شفت الضو شاعل... أمل : ميرنا ، لهلأ فايقة ! ميرنا : مو جايني نوم أمل : رح تصير الساعة ٢ ولهلأ مو جايكي نوم ميرنا : مو نعسانه أمل : شو عم تخبي تحت اللحاف؟ ميرنا : ولا شي أمل : بعدي لشوف ميرنا : ماما ولا شي أمل : التلفون !!! ميرنا : انا اسفة ماما أمل : لسا كلك صف اول ولهلا معك التلفون اصلا انا كنت مخبيتو بالمكتبة كيف لقيتيه؟ ميرنا : شفتك وانتي عم تخبيه أمل : من يوم ورايح انتي محرومة من التلفون ميرنا : لا ماما أمل : بدون نقاش انتهى الموضوع و بكرا الصبح حسابك ، يلا نامي ميرنا : حاضر أمل : شو هالجيل هاد ____________ #بقلم_فتاة_من_ورق_بسمه_السباعي *دخلت على غرفتي .. حملت بنتي نور و ضميتا .. لأول مرة بحس حالي انا بحاجة بنتي مو هي بحاجتي .. رغم انها لسا ما كملت الشهرين من عمرها بس وجعي كان اكبر من انو اقدر اتحملو لحالي .. سمر : كمال نمت؟ كمال : لا سمر : بترجاك لا تتزوج كمال : انا رايح نام بغرفة امي ، تصبحي على خير *بكيت كتير هالليلة .. بكيت و كأني لأول مرة ببكي .. بكيت لحتى غفيت... ____________ #بقلم_فتاة_من_ورق_بسمه_السباعي *فتحت عيوني لما حسيت بضو الشمس على وجهي... ياسمين : صباح الخير يحيى : صباح الورد يا ياسمينتي ياسمين : ما بعرف كيف غفيت يحيى : كنتي نايمة متل الملاك ، ما قدرت شيل عيوني من عليكي. ياسمين : الله لا يحرمني منك ، كيف حاسس حالك هلأ؟ يحيى : انا منيح و بدي نرجع على بيتنا ياسمين : رح نرجع يا عمري ، رح قوم ضب اغراضنا لبين ما يجي الدكتور يوقعلنا خروج يحيى : ساعدك؟ ياسمين : لا يا روحي يسلم ايديك ____________ #بقلم_فتاة_من_ورق_بسمه_السباعي وليد : أمل .. أمل أمل : اي وليد خير ميرنا فيا شي وليد : لا بس ساويت قهوة وحابب اشربها معك قبل ما روح على شغلي أمل : يسلمو ايديك وليد : صحة و هنا *رفعت الابجور و فتحت الشباك... وليد : الجو حلو كتير أمل : اي و ريحة القهوة أحلى وليد : تفضلي أمل : يسلمو وليد : صحة و هنا أمل : ما كنت بعرف انك بتعمل قهوة طيبة هيك وليد : عم حاول ابدا بداية جديدة و حلوة معك أمل : بتمنى تكون بداية خير و تقدر تحبني وليد : انا بح أمل : لا تكمل .. ما بدي اسمعا اذا مو من قلبك ، لما تقدر تقولا من قلبك وقتا بسمعا وليد : كنتي حابة تدربي سواقة؟ أمل : غيرت رأيي هلأ ماعاد حابة وليد : لما ترجعلك هالفكرة رح ساعدك و دربك كل يوم أمل : شكرا وليد : انا لازم روح عالشغل هلأ ، انتبهي على حالك و على ميرنا. امل :وانت كمان انتبه على حالك. ____________ #بقلم_فتاة_من_ورق_بسمه_السباعي *فقت على صوت نور عم تبكي...قمت من تختي بسرعة و حملتا.... سمر : لا تبكي يا عيون امك ، انا هون جنبك *طلعت من غرفتي و انا حاملة نور بإيديي وعم هزلا... سمر : كمال .. كمال *تأكدت انو كمال مو بالبيت...رجعت على غرفتي وبلشت ضب تيابي وتياب نور بكل هدوء و برود مع انو النار يلي بقلبي مافي شي بالعالم بيقدر يطفيها... ____________ #بقلم_فتاة_من_ورق_بسمه_السباعي كمال : مبروك يا عروس جهينة : الله يبارك فيك و يخليلي ياك يا رب كمال : بوعدك نسيكي الماضي و تعيشي برفقتي احلى حياة جهينة : بعد ما نفصلت عن هالخاين فكرت انو بعمري ماعاد عيش الحب او عيش حياة حلوة او ارجع اتزوج مرة تانية اصلا بس لما دخلت انت على حياتي خليتني اتأكد انو رب العالمين عندو عوض و جبر كبير مستحيل يتخيلو الانسانكمال : من تاريخ اليوم بدي تنسي الماضي وما عاد تتذكريه ولا حتى بينك وبين حالك جهينة : ان شاء الله ، خبرت سمر؟ كمال : خبرتا و طلبت منها تضل بالبيت متل ما قلتيلي جهينة : سمر لازم تضل معززة مكرمة هي و نور ، انا وانت منعيش ببيت الاجار لبين ما يتحسن وضعنا ونقدر نشتري بيت كمال : الله يرزقني لحتى عزك و ريحك من شغل المشفى يا دكتورتي الحلوة جهينة : يا رب ____________ #بقلم_فتاة_من_ورق_بسمه_السباعي *دخلنا عالبيت انا و يحيى .. كانت الاضوية شاعلة و ريحة الطبخ الطيب معبية البيت... يحيى : الله الله روايح بتشهي ياسمين : هي اكيد مرت عمو ام وليد : اهلا وسهلا حبايبي يحيى : اهلين فيكي امي ياسمين : مو قلتلك اكيد مرت عمو عم تطبخ ام وليد : هالمرة كنتي الغالية غلطانة ياسمين : لكن مين عم يطبخ؟ ام رضوان : انا ياسمين : ماما اشتقتلك كتير ام رضوان : وانا اكتر يا قلبي يحيى : نورتينا مرت عمي ام رضوان : البيت منور بأهلو ، يلا بدلو تيابكن مشان تتغدو الاكل جاهز ياسمين : كيفن رضوان و مايا ؟ ام رضوان : ما بعرف لما طلعت من البيت كانو نايمين ياسمين : بتلاقيه هلأ عم يحضرلا الفطور لانو هو بس بيتقاوى على اختو ههههه ام رضوان : عيب يا بنت هاد اخوكي يحيى : الله يباركلو ويهنيه مرت عمي ام رضوان : الله يبارك فيك يا ابني ام وليد : طمنوني شو قال الدكتور؟ *حسيت بالغصة لما سمعت سؤال مرت عمي .. تذكرت وجعي يلي تناسيتو لمدة ٥ دقايق... ياسمين : قال انو يحيى : قال اني عم اتحسن و ماعاد بدي كيماوي ام وليد : يا عمري انت الف الحمدلله ام رضوان : هي الاخبار يلي بتنسمع الف الحمدلله يحيى : الحمدلله ، ياسمين ممكن تجي تطالعيلي بيجامتي ياسمين : من عيوني *لحقت يحيى على غرفتنا ، فتحا الخزانة وعم طالعلو بيجامتو... يحيى : انا سمعتكن شو حكيتو انتي والدكتور خليل ، اصلا ما كنت نايم لما اجا ليتطمن عني ، ولما رجعتي عملت حالي نايم لحتى ما زعلك اني صرت اعرف. ياسمين : يحيى يحيى : انا مو زعلان على شي والله ، هيك الله كتبلي و اكيد رب العالمين اخترلي الخير ، الشي الوحيد يلي مزعلني اني رح فارقك ياسمين : مشان الله لا تحكي هيك ، انت رح تعيش و كتير كمان يحيى : الله يسمع منك ، خلينا نضل نحكي قدام اهلي واهلك اني عم اتحسن ياسمين : حاضر ____________ #بقلم_فتاة_من_ورق_بسمه_السباعي *وصلت على باب بيت اهلي .. وقبل ما دق الباب بعتت رسالة لكمال... ~~~~~~ سمر : كمال .. انا تركت البيت و ماعاد ارجع بعمري .. ما تخيلت انو يجي يوم وتكسرني ، بس اجا هاليوم بكير كتير و كسرتني ، وحرقت قلبي و روحي ، بتمنى نتطلق بأقرب وقت لانو الطلاق اهون عليي مليون مرة من انو تشاركني فيك انسانة تانية .. انا ما كرهتك بس ماعاد قادرة شوفك ولا اسمع صوتك من يوم ورايح ، هيك منكون تصافينا .. احترق قلبك على وفاة امك وانت حرقت قلبي بزواجك ، موفق بحياتك ~~~~~~ ام وليد : سمر حاجة تدقي الباب نحن فوق ببيت اخوكي اطلعي لعنا سمر : مو حابة اطلع ، المفاتيح معي رح ادخل عالبيت و نام ، لما تنزلي فيقيني ام وليد : فيكي شي؟ سمر : لا بس نور ما نامت لهلا بدي نيمها ونام ام وليد : نوم الهنا حبيبتي *دخلت على بيت اهلي مكسورة الخاطر... سمر : قال اطلع على بيت اخي ، مو ناقصني غير ياسمين تقعد تتشمت فيني هلأ. ____________ #بقلم_فتاة_من_ورق_بسمه_السباعي *فتحت عيوني شفت مايا قبال المراية عم تمشط شعرها... رضوان : صباح الخير مايا : صباح الورد رضوان : يسعدلي صباحها مرتي الحلوة مايا : و صباحك يا رب ، جهزتلك الفطور رضوان : يسلم ايديكي يا عمري مايا : انت كنت بتعرف انك بتشخر بنومك؟ رضوان : اي ياسمين دايما كانت تقلي صوت شخيرك واصل للسطح هههه مايا : ههههه رح اعتبرك غشيتني رضوان : اف ليش؟ مايا : لانك ما قلتلي انك بتشخر و بسبب شخيرك ما عرفت نام. رضوان : معناها خدي غرفة ياسمين الك و انا بشخر هون براحتي مايا : موافقة رضوان : ما رح اسمحلك تنامي بعيدة عني يا عمري انتي مايا : هههه ____________ #بقلم_فتاة_من_ورق_بسمه_السباعي ام رضوان : انتبهو على حالكن ياسمين : اكيد وانتي كمان ماما ، سلميلي على اخي ام رضوان : الله يسلمك يحيى : خليني وصلك مرت عمي ام رضوان : مافي داعي يا ابني البيت مو بعيد ، بخاطركن ياسمين : الله معك ماما ام وليد : وانا كمان نازلة عالبيت بدكن شي؟ يحيى : سلامتك امي ام وليد : اذا احتجتو شي خبروني ياسمين : اكيد الله يخليلنا ياكي ام وليد : السلام عليكم ياسمين : وعليكم السلام *سكرت الباب و التفتت على يحيى و ابتسمتلو...يحيى : سكري الشبابيك حاسس حالي بردان كتير ياسمين : بس مافي برد يحيى : طيب غطيني ياسمين : حرارتك مرتفعة كتير ، رح اتصل بالدكتور يحيى : لا تتصلي بحدا مافي داعي ، خليكي جنبي ياسمين : كيف ما اتصل بحدا يحيى حرارتك مرتفعة يحيى : خليكي جنبي ، حطي ايدك على راسي و اقرأيلي قرآن ياسمين : بسم الله عليك *حطيت ايدي على راس يحيى وبلشت اقرألو قرآن و دموعي عم تنزل .. حسيت بالحرارة على ايدي .. يا ريت فيني احمل وجعك ومرضك كلو وتضل انت بخير.... يحيى : ياس ياسمين ياسمين : عيوني يحيى : لا تبكي يا روحي ، بالجنة ما رح نفترق ياسمين : يحيى مشان الله لا تحكي هيك .. يحيى لا تسكر عيونك حبيبي .. يحيى .. يحياااا *ركضت فتحت باب الدار و صرت اصرخ باعلى صوت... ياسمين : مرت عموووووووووو مرت عمووووووووووووو اطلعي بسرعة ام وليد : شبك حبيبتي شوفي ياسمين : يحيى ماعم يفتح عيونو ام وليد : يا ربي دخيلك *رجعت لعند يحيى و ضميت راسو بايديي.... ياسمين : بترجاك فتح عيونك حبيبي ، بترجاك لا تتركني هلأ انا بحاجتك ، يحيى فتح عيونك لا تتركني بهالدنيا يا حبيب عمري ، الدنيا ما بتسوى شي بدونك يحيااااااا ام وليد : ابني سمر : شو صرلو اخي ابو وليد : يحيى *راح يحيى .. راح و تركني لحالي بهالدنيا يلي ما فيها قلب حنون متل قلبو .. وما فيها حب حقيقي متل حبو الي و حبي الو .. راح و ترك وراه اشخاص انفطر قلبن على فراقو.... #ويبقى_الأثر #الجزء_العاشر #بقلم_فتاة_من_ورق_بسمه_السباعي *بعد ما انتهى العزا .. نزلت حماتي و سمر على بيتهن و بقيت لحالي ببيتي .. حسيت يحيى لساتو بغرفتنا نايم .. دخلت على الغرفة شفت التخت مرتب .. قربت و حملت مخدتو .. ضميتا و صرت شم ريحتا و الدموع عم تحرق خدودي .. بعد لحظات وقعت ورقة من قلب المخدة.... ===================================== كان بدي ياكي بكل شغفي بدي اوصل معك لبر الأمان وعانقك متل ما بيعانق الطفل ألعابو كان بدي ترافقيني بساحات هالأيام بدون ما يعيقني شوك الطريق كان بدي امشي معك بطريق بنحبو بدون ما تتعبنا الظروف كان بدي أيام حلوة وخفيفة معك يطيب خاطري وخاطرك فيها كان عندي أحلام كتير ناطر يجي يوم و نحققا سوا كان بدي يصير عنا بنت بتشبهك حلوة و ناعمة متلك كان بدي ارجع من شغلي كل يوم ملهوف لشوفك و اسمع صوتك و اتأمل ابتسامتك و تركضي لعندي متل طفلة صغيرة احملك و دور فيكي سامحيني يا صغيرتي انو رح اتركك وحيدة و امشي من هالحياة قبل ما نحقق ايا شي من احلامنا و امانينا سامحيني يا حبيبة روحي على كل دمعة نزلت من عيونك بسببي سامحيني لاني ما قدرت اوفي بوعدي لما وعدتك نختير سوا سامحيني وتذكري انو حبي الك رح يضل معلق بين السما و الارض لحتى نلتقي بالآخرة وقتها ما رح نفترق ولا رح نمرض ولا رح نتعب ولا رح نبكي بحبك يا وحيدتي لا تبكي انا بحبك كتير ===================================== *ضميت الورقة لقلبي وبكيت .. حسيت حالي عم اختنق .. حسيت هالورقة هي يحيى وكأنو واقف قدامي وعم يحاكيني... ياسمين : بترجاك ارجعلي ، بترجاك لا تتركني لحالي ، والله غيابك اصعب من انو اتحملو يا يحيى. سمر : ياسمين ياسمين : شوفي شو كاتبلي يا سمر ، عم يقلي لا تبكي ، والله لو بمضي طول عمري عم ابكي ما بخفف من وجعي وحرقة قلبي عليه. *ضميت ياسمين و بكيت معها لاني عجزت احكي .. مافي أيّ كلام بيهدي قلبها وبيخفف زعلها و وجعها على فراقو.... ____________ #بقلم_فتاة_من_ورق_بسمه_السباعي *غطيت حماتي و طفيت الضو و طلعت من الغرفة... وليد : نامت؟ أمل : ضلت تبكي لحتى نامت. وليد : انا رايح عالبيت بدك تجي معي؟ أمل : لا بدي اطلع لعند ياسمين وليد : متل ما بدك تصبحي على خير أمل : وانت بخير وليد : تصبح على خير ابي ابو وليد : وانت بخير وليد : السلام عليكم أمل : وعليكم السلام ابو وليد : أمل أمل : نعم عمو ابو وليد : خدي لياسمين اكل خليها تتعشى أمل : امرك عمو ____________ #بقلم_فتاة_من_ورق_بسمه_السباعي جهينة : ليش جبتنا نعيش ببيت اهلك يمكن سمر تقرر ترجع كمال : حتى لو قررت ترجع انا ماعاد رجعها جهينة : لا تكون قاسي كمال : مو قسوة ، انا تركتا بالبيت على راحتها بس هي اختارت تمشي وطلبت الطلاق جهينة : و بنتك؟ كمال : بنتي كل فترة و فترة بشوفها وكل شهر بيوصلها مصروفها لاخر يوم بعمري جهينة : عم تخوفني منك ، معقول يجي يوم وتعمل فيني هيك؟ كمال : مستحيل يجي هاليوم ، متل ما انا ما بشبه طليقك ، انتي كمان ما بتشبهي سمر جهينة : ان شاء الله كمال : شوفة عينك انا غيرت كل فرش البيت مشان نبلش بداية جديدة و حياة جديدة ، ممكن ماعاد تذكريني بالماضي؟ جهينة : حاضر كمال : الله يخليلي ياكي ____________ #بقلم_فتاة_من_ورق_بسمه_السباعيمايا : اهلا وسهلا حبيبي ، تأخرت رضوان : كان عندي شغل كتير اليوم مايا : غسل و غير تيابك ، العشا جاهز رضوان : يسلم ايديكي يا عمري ، وينها امي؟ مايا : بغرفتها ، اليوم طول النهار بغرفتها ما طلعت ، حتى الفطور و الغدا و العشا اخدتلها ياهن على غرفتها رضوان : غريب ليش هيك عم تعمل مايا : ما بعرف رضوان : رح روح شوفها مايا : خد راحتك انا رح ساوي الشاي *دقيت الباب على امي وبقيت واقف قدام الباب... ام رضوان : تفضل رضوان : مساء الخير امي ام رضوان : مساء النور رضوان : ايدك يامو ام رضوان : الله يرضى عليك رضوان : شبك يا امي ليش حابسة حالك بالغرفة ؟ زعلانة من مرتي شي ؟ ام رضوان : الله يرضى عليها مرتك والله مافي منها رضوان : لكن ليش حابسة حالك بالغرفة ماعم تطلعي ام رضوان : مشان مرتك تاخد راحتها بالبيت و تتعود عليه وتحسو بيتها رضوان : بتتعود بدون ما تحبسي حالك يا امي ام رضوان : كل بنت بتحلم يكون الها بيت لحالها لما تتزوج ، و مرتك من حقها تحس هالشعور هالكم يوم رضوان : ما فهمت ليش كم يوم؟ ام رضوان : نسيت انو يحيى توفى و اختك راجعة لهون رضوان : ما نسيت الله يرحمو و هالبيت بيتنا كلنا و بدنا نتعود على هالشي بدون ما تحبسي حالك ولا مرتي تحبس حالها ولا حتى ياسمين تحبس حالها ، وهلأ قومي تعشي معنا الله يخليلي ياكي يا امي ام رضوان : الله يرضى عليك يا حنون يا مرضي انت رضوان : الله لا يحرمنا منك ____________ #بقلم_فتاة_من_ورق_بسمه_السباعي أمل : كلي بس هاللقمة من ايدي ياسمين : ما الي نفس أمل : ما بيجوز تعملي بحالك هيك ياسمين ، يحيى لو كان عايش كان زعل منك كتير ياسمين : ما الي نفس اكل ولا شوف الاكل حتى سمر : تركيها على راحتها ، معها حق. أمل : متل ما بدكن ياسمين : لما طلعت من بيت اهلي دعيت ربي ما ارجع لغرفتي ، كان املي كبير انو يتعافى يحيى ونضل سوا ليخلص عمري ، بس هلا بلشت ضب غراضي شوي شوي لحتى ارجع على غرفتي وعيش ايامي بحسرة و قهر على فراق يحيى. سمر : مو بس انتي راجعة على بيت اهلك وغرفتك ، حتى انا رجعت على بيت اهلي و غرفتي أمل : شو قصدك سمر؟ سمر : رح اتطلق أمل : ليش سمر : كمال تزوج عليي أمل : شو عم تحكي ، ايمتى و ليش سمر : تزوج بنفس اليوم يلي توفى فيه يحيى ، رجعت على بيت اهلي لحتى خبرهن و صار يلي صار أمل : طيب ليش تزوج عليكي ، كلنا بنعرف انو كمال بيحبك كتير سمر : كرهني من لما توفت امو ، معتبر انو انا السبب بوفاتها لاني ما بعت دهباتي لعمليتها أمل : لا حول ولا قوة الا بالله سمر : يا ريتو توفى وما تزوج عليي ياسمين : يا ريت يحيى عايش و يتزوج عليي سمر : انتي عم تحكي هالحكي ؟ حبيتيه عشر سنين وقبلانة يتزوج عليكي ياسمين : مافي شي اصعب من الموت ، مافي شي بيكسر اكتر من الموت ، اذا تزوج بيضل فيني شوفو بس الموت خلص ، ماعاد فيني شوفو الا بالمنام هي اذا حلمت فيه أمل : كل وحدة فينا حاملة بقلبها هم و زعل ، عشت كل هالسنين مع وليد بعمري ما شفت يوم حلو معو سمر : كسر كمال الي نساني كل الايام الحلوة يلي عشتا معو ياسمين : انا ما باقي بذاكرتي الا الايام يلي عشتا مع يحيى وما رح تتكرر لانو راح ، راح و اخد قلبي و روحي معو ____________ #بقلم_فتاة_من_ورق_بسمه_السباعي *خلصت العدة و رجعت على بيت اهلي مكسورة القلب والخاطر .. دخلت على غرفتي و قفلت الباب .. بلشت افرد اغراضي بكل هدوء .. طالعت صورة يحيى و صرت اتطلع بعيونو.... ياسمين : انا و صورتك كل يوم منحكي .. هيك بيكون الك فترة منيحة بعيد .. لا سمعت صوتك ولا قدرت شوفك .. وكأنو الحكاية خلصت بدون نهاية بترضي الطرفين .. خلصت بنهاية مجبورين عليها .. الله يرحمك و يجعل مقامك الجنة يا روحي... *بست الصورة و ضميتا لقلبي .. ياسمين : يا الله شو اشتقت شم ريحتك و اسمع صوت ضحكتك. #بقلم_فتاة_من_ورق_بسمه_السباعي ام رضوان : اجت ياسمين؟ مايا : اي بس فاتت على غرفتها دغري ام رضوان : رح روح شوفها مايا : الله يهدي بالها يا رب ام رضوان امين *طلعت حماتي من المطبخ وانا واقفة عم اجلي... مايا : على هالعيلة بيتسابقو مين يحبس حالو بغرفتو اكتر ، وانتي يا مايا بس اطبخي و اجلي و نضفي ، الله يخلصني منكن على اهون سبب. ____________ #بقلم_فتاة_من_ورق_بسمه_السباعي *بعد ما خلصت عدة طلاقي من كمال .. قررت اشتغل وما وقف حياتي عند هالنقطة السودة .. توظفت معلمة بمدرسة قريبة على بيت اهلي .. بنتي و شغلي ملو حياتي و عم يخلوني انسى القهر يلي عشتو... سمر : بدك شي ماماام وليد : سلامتك حبيبتي سمر : انتبهي على نور ام وليد : عم توصيني الي ، اي انا احن منك عليها سمر : الله لا يحرمنا منك يا حنونة ، عالساعة ١٢ رح يجي كمال يشوف نور ، اعطيه هي الورقة فيها كلشي ناقصها لنور خليه يجيبو. ام وليد : والله مافي داعي نحن منجبلها سمر : هو ابوها ومجبور فيها ، انتي والبابا مو مجبورين تصرفو عليها ولا ليرة ، باي ام وليد : الله معك ____________ #بقلم_فتاة_من_ورق_بسمه_السباعي أمل : عم تجهزي حالك للمدرسة ليش التلفون بايدك ميرنا : لازم اربح بهاد المستوى قبل ما روح على المدرسة أمل : يا الله شو هالجيل والله ماعم اقدرلك ، اتركي من ايدك وتعالي افطري احسن ما خبر ابوكي ميرنا : طيب حاضر أمل : وليد رايح ؟ وليد : اي ، ميرنا جاهزة؟ أمل : ما بدك تفطر؟ وليد : لا امل : شو رأيك نطلع نتعشى سوا اليوم؟ وليد : لا ما الي نفس أمل : وليد شبك وليد : ميرناااا ميرنا : نعم بابا وليد : انا نازل جيبي شنتايتك و لحقيني ميرنا : حاضر وليد : سلام ميرنا : باي ماما أمل : الله معكن *قعدت لحالي عالسفرة عم اتأمل الصحون و فكر بوليد... أمل : وفاة يحيى خلتو يتذكر وفاة حبيبتو السابقة وكل محاولاتو يتحسن فشلت ، يعني هيك يا أمل رح تعيشي كل عمرك مع انسان متل الحيط ، جسد بلا روح ، الله يصبرني على هالعيشة. ____________ #بقلم_فتاة_من_ورق_بسمه_السباعي كمال : يلا يا جهينة تعالي افطري معي رح اشبع جهينة : اي حبيبي اجيت كمال : بدي شوفك قبل ما روح على شغلي جهينة : كمال كمال : عيونو جهينة : غمض عيونك حبيبي كمال : غمضت *فتحت ايديي وقربتهن لعند كمال... جهينة : فتح كمال : شو هاد جهينة : تطلع منيح شوفي بايديي كمال : انتي حامل جهينة : اي هههه كمال : يا فرحة عمري انتي ، الف حمد و شكر الك يا رب *حملت جهينة و صرت دور فيها... جهينة : ههههه كمال لا تدوخني مو ناقصة دوخة كمال : يا روحو لكمال انتي الف الحمدلله جهينة : الله لا يحرمني منك كمال : انا متأكد انك رح تكوني احلى واحسن وألطف وأحن أم بالعالم جهينة : برفقتك يا احسن اب بالدنيا كمال : من اليوم ما عاد تروحي عالمشفى ، خدي اجازة لحتى تولدي او قلك خلص قدمي استقالتك ، الحمدلله شغلي عم يتحسن و ماعاد محتاجين لشغلك جهينة : متل ما بدك ، لا تنسى اليوم عندك زيارة لنور الساعة ١٢ كمال : منيح ذكرتيني كنت نسيان والله ، الله يرضى عليكي وما يحرمني منك جهينة : آمين ____________ #بقلم_فتاة_من_ورق_بسمه_السباعي *جهزت العشا و دقيت الباب على حماتي... مايا : مرت عمو العشا جاهز و رح يوصل رضوان بعد شوي ام رضوان : مو جوعانة حبيبتي تعشو انتو مايا : متل ما بدك *دقيت الباب على ياسمين... مايا : ياسمين العشا جاهز حبيبتي ياسمين : مو جوعانة بس جوع بطلع لحالي وباكل مايا : متل ما بدك *رجعت على المطبخ ولأول مرة بلشت حس بكره اتجاه حماتي وبنتها وحتى هالبيت بلشت اكرهو... رضوان : ميوش مايا : اهلا وسهلا رضوان : شبك بشو شاردة؟ مايا : شاردة بهالعيشة رضوان : خير شوفي؟ مايا : كنت بأمك صرت بأمك و اختك رضوان : شو قصدك ما فهمت؟ مايا : طول اليوم لحالي وهن التنتين عم يتسابقو مين تحبس حالها بغرفتها اكتر ، والله طق قلبي من هالعيشة صرت حاكي الحيطان وهن ايمتى ما دقيت عليهن الباب بيردو من راس مناخيرهن و ما بيتنازلو انو يفتحو الباب حتى رضوان : طولي بالك مايا وانتبهي يلي عم تحكي عليهن امي و اختي *طلعت من غرفتي متل المجانين بعد ما سمعت مايا عم تشكينا لرضوان... ياسمين : انتي مين مفكرة حااااللكككككككككك ميييييين مفكرة حالك لحتى تحكي على امي هيكككك رضوان : ياسمين ياسمين : انتي شقفة وحدة لميناكي من الشارع وعملناكي بني ادمة وهلا بكل وقاحة صار الك لسان تحكي عليي وعلى امي رضوان : ياسميييييييين ياسمين : يا ريت رفعت صوتك على هالحية مرتك قبل ما ترفعو عليي ام رضوان : ياسمين مشان الله اهدي يا بنتي ياسمين : ما رح اهدااااا طول ما هي متل الحية عم تكب سمها بوجه اخي اول ما يرجع من شغلوووو عم تعلم اخي عليناااا ما بيكفينا المصايب يلي نحن فيها لحتى تجي هي يلي بلا اصل وبلا مربى تحكي عليناااا *رفعت ايدي وضربت ياسمين كف... رضوان : اخرسيييي مايا : رضوان لااا يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h