الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *يبقى.الأثر.tt* ♥
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
((بعد مرور اسبوع))
*واقفة قبال المراية عم اتأمل تسريحة شعري و مكياجي و الدمعة بعيني...
أمل : اجيت ركبلك الطرحة يا عروس
ياسمين : يسلم ايديكي
أمل : عم تبكي ؟ امسحي دموعك بسرعة رح تخربي مكياجك ، هلأ بيوصل عريسك بيشوف الكحلة سايحة على خدودك بيقلك خليكي عند اهلك.
ياسمين : مو بإيدي يا أمل ، قلبي عم يحترق على حبيب عمري ، بكرا اول جلسة كيماوي الو
أمل : لا تفكري ببكرا ، عيشي اليوم كل لحظة حلوة و ابتسمي و خليه يبتسم و اتركي حزن بكرا لبكرا
ياسمين : حبينا بعض ١٠ سنين ، ١٠ سنين ونحن عم نتخيل يوم عرسنا و نحلم فيه ، ١٠ سنين مليانين ذكريات و حب و ضحك و دموع ، كيف هيك بكل بساطة بين يوم و ليلة بلشت اخسرو
أمل : لا تكملي ، بعيد الشر عنو ، بإذن الله ما رح تخسريه ، رح يتعافى و تختيرو سوا
ياسمين : يا رب
أمل : يلا مسحي دموعك بسرعة رح يوصلو بيت حمانا هههه
ياسمين : هههه من لما كنا صغار وانتي بتقوليلي بدي صير سلفتك ونحكي على بيت حمانا
أمل : الحمدلله صرت سلفتك و طلعو بيت حمانا مافي منهن وما بينحكى عليهن اصلا
ياسمين : الحمدلله
ميرنا : خالتو ياسمين انتي طالعة حلوة كتير
ياسمين : انتي الاحلى يا روح خالتك ، ان شاء الله بتكبري و بتصيري احلى عروس
أمل : يا رب
ميرنا : ماما صورينا بتلفوني انا وخالتو ياسمين
ياسمين : صار عندك تلفون والله مانك قليلة يا ميرنا
أمل : بنت ابوها اذا حطت براسها شي لازم تحققو
ام رضوان : لهلا ما خلصتو؟
أمل : خلصنا خالة
ام رضوان : ياسمين ، يا عمري انتي ما اجملك ، يا ريت ابوكي عايش و يشوفك كيف كبرتي و صرتي احلى عروس
ياسمين : الله يرحمو و يخليلي ياكي يا امي
أمل : صوت زمامير وصلو بيت حمانا
ياسمين : ماما ادعيلي
ام رضوان : الله يرضى عليكي و يبيض ايامك يا عيون امك
ميرنا : ماما عمو يحيى عالباب
أمل : تفضلي لعند حبيب عمرك ست ياسمين ، الله يسعدكن يا رب
#بقلم_فتاة_من_ورق_بسمه_السباعي
*طلعت من غرفتي و عم ادعي ربي اني ما ارجعلها...رفعت راسي اجت عيني بعين يحيى..
يحيى : الحمد و الشكر لله انو اعطاني عمر و شفتك بالفستان الابيض يا اميرتي
ياسمين : الله يطول عمرك و يخليلي ياك
*ركضت و ضميت يحيى بقوة...يا ريت فيني اخد مرضو و وجعو...يا ريت فيني اعطيه صحتي و عمري..
يحيى : بتوصينا شي مرت عمي
ام رضوان : انتبهو على بعض الله يرضى عليكن
يحيى : الله يخليلنا ياكي
*طلعت من بيت أهلي بالزفة يلي بتمناها و عرسي كان العرس يلي حلمت فيه كل هالسنين بس قلبنا كان مليان حزن و وجع...
*خففو إضاءة الصالة و بلشت موسيقى الغنية يلي طلبتا ، حطيت ايدي على كتف يحيى و تطلعت بعيونو ، و عم غنيلو مع الغنية...
ياسمين : يا احلى عمري اللي جاية .. بدي احكيلك حكاية .. قلك فيها إنك انتا حبي و نصيبي يا حبيبي .. لإلك فرحي و بسماتي ، لإلك ليلي و دمعاتي ، قدري كلو يا حياتي مرسوم بعينيك ، حبيبي يا حبيبي.
*كانت عيونو مدمعة ، كان حاسس بحزني متل ما انا حاسة بوجعو ، كان كلشي حلو ما عدا مستقبلنا سوا ، مستقبلنا يلي شفنا نهايتو قبل ما نمشي أيا خطوة فيه.
____________
#بقلم_فتاة_من_ورق_بسمه_السباعي
كمال : الو
د.جهينة : مساء الخير كمال
كمال : مساء النور
د.جهينة : طمني عن الوالدة ، حددتولا موعد للعملية؟
كمال : لا دكتورة لسا ما حددنا شي ولا عملنا شي.
د.جهينة : انت شو عم تستنى ، انا فكرت انك لقيت متبرع وعملتو التحاليل ورح تعملو العملية
كمال : انا عم اسعى
د.جهينة : بشو عم تسعى ؟ امك عم تموت كمال
كمال : بعرف انها عم تموت و قلبي كل يوم عم يتقطع وراها ، عم اسعى لحتى امن تكاليف العملية ، بعت سيارتي و حاولت اخد قرض بس ما حدا قبل يعطيني لانو ما الي راتب ثابت.
د.جهينة : يعني يلي موقف بوجهك هو الوضع المادي
كمال : اي
د.جهينة : والدتك من ريحة المرحومة امي و رفيقة امي من قبل ما نخلق على هالدنيا و انا ما بسمح انها تفارقنا بسبب شوية مصاري ما تأمنو ، بكرا بتحاكي المشفى وكل التكاليف عليي.
كمال : بس يا دكتورة
د.جهينة : بدون بس ، كلامي مو للنقاش كمال ، فيك تعتبر انو التكاليف دين بتوفيني ياهن على مهلك لما تتعافى خالتي ، هلأ المهم صحتها ترجع متل اول واحسن
كمال : انا ما بعرف كيف بدي اشكرك.
د.جهينة : ما بدي تتشكرني ، بدي خالتي تتعافى
كمال : يا رب
د.جهينة : تصبح على خير
كمال : وانتي بخير دكتورة
*سكرت الخط وبقيت مصدوم من وقفة جهينة معي...
كمال : الحمد والشكر الك يا رب
____________
#بقلم_فتاة_من_ورق_بسمه_السباعيميرنا : خليني سهرانة كمان ماما
أمل : صارت الساعة ١٢ و اميرتي الحلوة اذا سهرت اكتر من هيك رح يدبلو عيونها
ميرنا : طيب غطيني و لا تطفي الضو لاني بخاف
أمل : من عيوني
ميرنا : انا ايمتى رح صير عروس متل خالتو ياسمين
أمل : هههه ان شاء الله يا روحي بتكبري وبتصيري احلى عروس ، يلا غمضي عيونك الحلوين و اغفى
ميرنا : تصبحي على خير ماما
أمل : و انتي بألف خير.
*سكرت الباب على ميرنا و حضرت كاستين عصير و قعدت جنب وليد...
أمل : ما عطيتني رأيك بشعري و مكياجي
وليد : حلوين
أمل : و فستاني ؟
وليد : حلو
أمل : وليد انت بتحبني ولا بتكرهني؟
وليد : بحبك
أمل : طيب تطلع بعيوني لما بحكي معك
وليد : انا بدي نام هلأ ، لازم فيق بكير مشان روح مع يحيى عالمشفى ، تصبحي على خير
أمل : وانت بخير
*وقفت قبال المراية بالحمام و صرت امسح الحمرة بعصبية و دموعي عم تنزل...
أمل : بكرهك بكرهك بكرهككككك يا وليد بكرهك
____________
#بقلم_فتاة_من_ورق_بسمه_السباعي
ابو وليد : لهلأ عم تبكي؟
ام وليد : كيف ما ابكي و ابن قلبي مريض
ابو وليد : الله يعافيلنا ياه ، الحمدلله زوجناه من البنت يلي بيحبها و بيتو احلى بيت ، و بإذن الله رح يتعافى ونشوف ولادو عم يركضو حوالينا
ام وليد : يا رب الله يسمع منك
ابو وليد : وكلي امرك لله و نامي بكرا يومنا طويل
ام وليد : تصبح على خير
ابو وليد : وانتي بخير
____________
#بقلم_فتاة_من_ورق_بسمه_السباعي
سمر : ولو تشوف العراضة يلي صارت لاخي ما صارت بكل الشام ، صحيح انت ليش ما اجيت على عرس الرجال؟
كمال : اذا انتي نسيانة امي انا ما بنساها ، امي ما بتنترك سمر
سمر : عطيتها الدوا ؟
كمال : اي
سمر : صار معك شي مشان مصاري العملية؟
كمال : أمنت المبلغ
سمر : كنت متوقعة انك رح تقدر تأمنو لهيك ما بعتلك دهباتي
كمال : ولا يهمك
سمر : بدك تضل عم تحضر اخبار؟
كمال : اي
سمر : معناها تصبح على خير
كمال : وانتي بخير
____________
#بقلم_فتاة_من_ورق_بسمه_السباعي
*سمعت صوت مفاتيح ابني على الباب .. تطلعت بالساعة شفتا 2 الفجر .. ركضت لعند الباب ملهوفة اتطمن على رضوان....
رضوان : يااااا محلاااااا الفسحة يا عييييني
ام رضوان : تأخرت كتير يا ابني خوفتني عليك
رضوان : يا عييييينيييييي ني ني ني هههههه
ام رضوان : رضوان شبك
رضوان : كم عين هدول هههههه
ام رضوان : ليش ريحتك هيك بتقرّف
رضوان : بس ريحتي بتقرّف ؟ ههههه انا كلي بقرّف هههههه
ام رضوان : سكران ؟ سكراااان ؟
رضوان : وطي صوتك هلا عيون الناس بتسمعنا ههههههههه
ام رضوان : الله يغضب علييييييك
*رحت على غرفتي عم ابكي ، قفلت على حالي الباب لحتى ما شوف ابني بهالحالة....
رضوان : ياسميييييييييين ، ياسميييييييييييين ، يانحيييييييييف ههههههههه ، لك وينك يا بومة يا ياسمين ، لعما وين راحت هي.
*قمت من مكاني لحتى روح على غرفتي...وقعت بالارض وغفيت...
____________
#بقلم_فتاة_من_ورق_بسمه_السباعي
((بصباح اليوم التالي))
*فتحت عيوني شفت يحيى نايم جنبي .. ابتسمت و صرت اتأملو بحب و حنية .. اخدت وردة من باقتي و صرت مررها على وجه يحيى...
ياسمين : يمكن ما قلتلك إنك انتا حبيبي .. لكن قدمتلك حياتي يا حبيبي .. يا احلى عمري اللي جاية بدي احكيلك حكاية قلك فيها انك انتا حبي و نصيبي.
يحيى : الله لا يحرمني من هالصوت
ياسمين : صباح الخير يا حبيبي
يحيى : صباحك خير بس انا صباحي ياسمين
ياسمين : بحبك
يحيى : عم يندق الباب
ياسمين : هي اكيد أمي
يحيى : او يمكن أمي انا هههه
ياسمين : رح قوم افتح
*رفعت شعري بالملقط و فتحت الباب...
ام وليد : صباح الخير يا عروس
ياسمين : صباح الورد مرت عمو
يحيى : صباح النور يا امي هاتي ايدك
ام وليد : الله يرضى عليك
يحيى : الله يخليلنا ياكي
ام وليد : جبتلكن الفطور ، افطرو و جهزو حالكن مشان نروح عالمشفى
يحيى : يسلم ايديكي
ام وليد : و ايديك يا عيوني ، بالاذن
*ادركت وقتها انو هاليوم الحلو انتهى و رح نبلش رحلة العلاج يلي ما بنعرف شو نهايتا...
____________
#بقلم_فتاة_من_ورق_بسمه_السباعي
أمل : صباح الخير
وليد : صباح النور
أمل : شايفتك عم تجهز حالك
وليد : رايح لعند يحيى
أمل : انطرني غسل وجهي و بدل تيابي و روح معك
وليد : مافي داعي ، خليكي مع ميرنا انتي واذا احتجتو شي اتصلي فيني
أمل : بس حابة كون جنب ياسمين
وليد : ياسمين بدها تكون جنب يحيى ما حدا فاضيلك ، اهتمي ببنتك ، سلام
أمل : سلام
____________
#بقلم_فتاة_من_ورق_بسمه_السباعي
*طلعت من غرفتي شفت رضوان نايم بالارض .. جبت كاسة مي و رشيتها على وجهو....رضوان : شوفي شوفي
ام رضوان : قوم الله يغضب عليك
رضوان : شبك امي ليش عم تغضبي عليي
ام رضوان : ابني انا يرجع عالبيت وجه الصبح سكران ؟
رضوان : انا ما بعرف شو صار معي ولا بعرف كيف وصلت لهون ولا بعرف ليش شربت.
*قربت من رضوان و ضربتو كف بكل قوتي...
رضوان : عم تضربيني يا امي؟
ام رضوان : قوم تحمم خلي ريحة هالقرف تطلع منك و ارجع لعندي لهون لنحكي.
رضوان : بعد هالكف ما عاد في شي ينحكى
ام رضوان : رضوااااان
رضوان : نعم
ام رضوان : اذا بتطلع من البيت رح اغضب عليك و اتبرى منك ليوم الدين
*تطلعت بعيون امي بعصبية .. و دخلت على غرفتي و خبطت الباب بقوة...
____________
#بقلم_فتاة_من_ورق_بسمه_السباعي
سمر : كمال يلا قوم
كمال : بسم الله حدا بيفيق حدا هيك
سمر : قوم مشان تشرب قهوة معي
كمال : شو مفيقك بكير انتي؟
سمر : اليوم يحيى رح يبلش علاج وانا مافيني كون جنبو لاني حامل
كمال : لانك شو؟
سمر : حامل
كمال : عم تمزحي معي صح؟
سمر : مافي مزح بهيك موضوع كمال ، انا حامل ، من شوي عملت الاختبار وتأكدت
كمال : يا عمري انتي هي الاخبار يلي بتنسمع قايم خبر امي
سمر : خلينا نشرب القهوة سوا بعدين بتخبرها
كمال : لا لا هي مو مصدقة ايمتى تسمع هالخبر ، هاد الخبر رح يفرحها و يخليها تتحسن
سمر : ان شاء الله
*دقيت الباب على امي و دخلت...
كمال : امي .. يا امي .. فتحي عيونك في خبر حلو لازم تسمعيه .. يا ام كمال رح تصيري تيتا
*قربت من امي و حطيت ايدي على جبينها...
كمال : ليش جبينك بارد هيك ، امي .. امي فتحي عيونك .. لا يا الله ، لا يا الله ، مو هلأ يا ربي ، اميييييي
#ويبقى_الأثر
#الجزء_السادس
#بقلم_فتاة_من_ورق_بسمه_السباعي
كمال : امي .. يا امي .. فتحي عيونك في خبر حلو لازم تسمعيه .. يا ام كمال رح تصيري تيتا
*قربت من امي و حطيت ايدي على جبينها...
كمال : ليش جبينك بارد هيك ، امي .. امي فتحي عيونك .. لا يا الله ، لا يا الله ، مو هلأ يا ربي ، اميييييي
*ركضت لعند كمال لما سمعت صوتو عم يصرخ بحرقة .. حطيت ايدي على كتفو و بكيت من ندمي ..
كمال : راحت قبل ما تفرح يا سمر
سمر : الله يرحمها
كمال : كنت متمني شوف ابتسامتها و شوف عيونها عم تضحك
*حطيت ايدي على تمي و عيوني مليانة دموع ، حاسة بندم كبير و انا عم اسمع صوت كمال المخنوق عم يحترق بحسرتو على امو ، يا ريت بعت دهبي ، يا ريت ما شفت كمال بهالحالة...
____________
#بقلم_فتاة_من_ورق_بسمه_السباعي
*فتحت الباب على رضوان...
ام رضوان : شايفتك عم تجهز حالك.
رضوان : رايح عالمحل
ام رضوان : رايح عالمحل ولا تشرب؟
رضوان : امي كانت اول مرة بحياتي
ام رضوان : و آخر مرة ، ربيتك انت و اختك كل شبر بندر مشان تطلعو مرضيين و تخافو الله بتروح بتشرب ؟!
رضوان : انا اسف
ام رضوان : انا ما بدي تتأسف انا بدي تستغفر ربك
رضوان : امي ممكن ما تعامليني كأني ولد صغير؟
ام رضوان : لو يصير عمرك مية سنة اذا بتغلط رح عاملك كأنك ولد صغير و كسر راسك
رضوان : بوعدك ماعاد اغلط
ام رضوان : الله يرضى عليك ، بدي تحط عقلك براسك لانو صار الوقت افرح فيك ، البيت صار فاضي بعد ما تزوجت اختك.
رضوان : اختاري البنت المناسبة و انا موافق ، انتي بس ارضي عليي
ام رضوان : الله يرضى عليك و يبعدك عن الحرام
رضوان : امين ، الله يخليلنا ياكي
____________
#بقلم_فتاة_من_ورق_بسمه_السباعي
*بلشت أول جرعة لحبيب عمري .. كان طول الوقت عم يتطلع فيني و يبتسم .. كان خايف عليي لا ازعل .. بس انا قلبي عم يحترق لانو عم يتوجع ...
يحيى : ياسمين بدي استفرغ
ياسمين : سلامة قلبك
*جبت كيس و قربتو من تم يحيى .. اول مرة بشوفو بهالحالة و يا ريت راحت روحي و ما شفتو هيك.
يحيى : اسف
ياسمين : على شو عم تتأسف يا نور عيوني
*مسحتلو تمو و رفعت راسي شفتو عم يتطلع بعيوني...
يحيى : كيف أقول لَك لاتحزني بشكلٍ لايجعلها تَبدو لا مُبالية؟ كيف أحتضنَك يا ضوء عَيني حتى لا تنامي حزينةً ولا وَحيدة ولا خائِفة؟
ياسمين : الحزن ما الو مكان بقلبي ولا بقلبك طول ما نحن سوا ، انا ما بدي شي من هالدنيا غير تتعافى ، شد حيلك كرمالي.
يحيى : بوعدك شد حيلي و اتغلب على المرض و ضل جنبك طول العمر
ياسمين : الله لا يحرمني منك ، عمو و مرت عمو و وليد قاعدين برا بتحب ناديلن يقعدو جنبك ؟
يحيى : لا ، لما تخلص الجرعة بشوفن ، هلأ ما بدي حدا غيرك جنبي.
ياسمين : انا جنبك و رح ضل مرافقتك ليخلص عمري.
____________
#بقلم_فتاة_من_ورق_بسمه_السباعي
رضوان : اعملي كاسة شاي يا طارق
طارق : امرك معلم
رضوان : ليش سطولة الدهان هون
طارق : عنا ورشة عالساعة ٢ معلم
رضوان : اي رجعهن ما رح نروح
طارق : ليش؟
رضوان : من يوم ورايح ما رح ندهن ايا حيط قبل ما يدفعولنا الاجرة كاملة.
طارق : متل ما بدك معلم.*مسكت تلفوني و اتصلت بسناء...
=====================================
سناء : الو
رضوان : وينك انتي؟
سناء : بالجامعة حبيبي في شي؟
رضوان : لا بس بدي اتطمن عليكي
سناء : الله لا يحرمني منك
تمارة : مع مين عم تحكي سناء خانم؟
سناء : مع رضوان
تمارة : مع النصاب اعطيني ياه
سناء : تمارة شبك
تمارة : هاتي التلفووون
سناء : تمارة لا
تمارة : كيفك يا نصاب
رضوان : اهلين بأم لسان طويل
تمارة : مبارح اجا صاحب الغرفة يتطمن علينا و عرفنا انو اجار الغرفة ١٠٠ الف و انت نصبت علينا
رضوان : اي شو المطلوب؟
تمارة : رجعلنا باقي المصاري يا ندل
رضوان : ضبي حالك يا قليلة الترباية
تمارة : ما حدا قليل ترباية غيرك
=====================================
طارق : الشاي معلم
رضوان : اشربها انت
*سكرت الخط بوجه تمارة و طلعت من المحل...
____________
#بقلم_فتاة_من_ورق_بسمه_السباعي
*طلعت بالسيارة مع الشوفير و سكرت الباب بعصبية...
أمل : امشي بسرعة سليمان بتكون ميرنا ناطرتنا عند باب المدرسة.
سليمان : حاضر
أمل : سليمان بتعرف وين بيدربو سواقة؟
سليمان : اكيد بعرف انا بشتغل بمركز تدريب سواقة
أمل : ممتاز اعطيني رقم المركز او الكرت اذا معك
سليمان : تفضلي ، مدام بدي اعتذر مشان بكرا ما بقدر وصل ميرنا على المدرسة ولا رجعها
أمل : ليش خير ؟
سليمان : بكرا ولادة زوجتي ولازم كون جنبها
أمل : هاد اول ولد ؟
سليمان : الرابع
أمل : ما شاء الله ، رابع ولد ولسا بتهتم تكون جنب زوجتك
سليمان : هي حبيبتي و ام ولادي هي كل عيلتي كيف ما كون جنبها بأصعب حالاتها.
*******
أمل : وليد انت بتحبني ولا بتكرهني؟
وليد : بحبك
أمل : طيب تطلع بعيوني لما بحكي معك
وليد : انا بدي نام هلأ
*******
سليمان : مدام عم تسمعيني؟
أمل : عفوا شردت شوي شو كنت عم تقول
سليمان : بقدر اخد اجازة بكرا؟
أمل : اكيد بتقدر سليمان ، الله يقومها بالسلامة يا رب
سليمان : آمين يا رب
____________
#بقلم_فتاة_من_ورق_بسمه_السباعي
د.خليل : هيك اول جرعة خلصت ، كيف حاسس حالك؟
يحيى : تعبان
ياسمين : استفرغ كتير دكتور
د.خليل : طبيعي هالشي ، خليكي جنبو و بعد ساعتين شربيه مي و عصير
ياسمين : ان شاء الله
د.خليل : بالاذن
ياسمين : اذنك معك ، عمو .. مرت عمو .. وليد .. اذا بتحبو تشوفو يحيى تفضلو
ام وليد : يا عيون امك انت شو حاسس هلأ يا روحي؟
يحيى : منيح انا منيح
ام وليد : ليش مغمض عيونك
يحيى : بدي نام
وليد : نحن جنبك اخي
ابو وليد : اتركوه ينام و خلونا نرجع عالبيت
ام وليد : لا بدي ضل جنب ابني
ابو وليد : ياسمين جنبو و الدكاترة و الممرضين معبيين المشفى ، وجودنا ما الو ايا فايدة ، امشو
ام وليد : يحيى بأمانتك ياسمين
ياسمين : يحيى بعيوني مرت عمو لا تخافي
ام وليد : بكرا الصبح بكون عندكن
ياسمين : ان شاء الله
وليد : مرت اخي ايا شي بتحتاجوه اتصلو فيني
ياسمين : ان شاء الله
ابو وليد : سلام
ياسمين : الله معكن
*سكرت باب الغرفة و غطيت يحيى بشرشف المشفى...
يحيى : لا تغطيني ياسمين عم احترق
ياسمين : شو عم تحترق يحيى؟ شو حاسس حبيبي؟
يحيى : حاسس جسمي من جوا عم يحترق
ياسمين : يا ريت انا ولا انت يا ضو عيوني
يحيى : بعيد الشر عنك ، الحمدلله انا ، و ما شوفك ولا لحظة عم تتعذبي هيك
*حاولت خبي دموعي...حسيت قلبي عم يحترق عليه...طلعت من الغرفة لحتى ابكي بدون ما يسمعني يحيى...
ياسمين : يا رب تخفف عنو وجعو ، يا رب ما فيني اتحمل شوفو هيك ، عافيلي ياه بأسرع وقت يا رب.
____________
#بقلم_فتاة_من_ورق_بسمه_السباعي
سمر : كمال تلفونك عم يرن
*مسحت دموعي و رديت عالتلفون...
=====================================
كمال : الو
د.جهينة : كمال شو صار معك؟ رحتو عالمشفى؟
كمال : ماتت
د.جهينة : شو
كمال : امي ماتت
د.جهينة : انا اسفة
*سكرت الخط بوجه كمال...حسيت بالوجع يلي حسيتو لما فقدت امي و كأني فقدتها مرة تانية...
د.جهينة : الله يرحمك يا خالتي
____________
#بقلم_فتاة_من_ورق_بسمه_السباعي
ميرنا : بابااااا
وليد : اهلين حبيبتي
أمل : اهلا وسهلا ، الغدا جاهز بتحب تاكل؟
وليد : لا ما الي نفس اعمليلي قهوة
أمل : من عيوني ، طمني كيفو يحيى
وليد : عم يكابر على حالو بس التعب واضح عليه
أمل : الله يعافيه ، وياسمين؟
وليد : ياسمين ولا كأنها كانت مبارح عروس ، مطفية و دمعتها ما نشفت
أمل : الله يصبرها يا رب
وليد : آمين
أمل : يلا ميرنا امشي معي على غرفتك مشان تحلي واجباتك
ميرنا : رح تساعديني؟
أمل : لا لما تخلصي بشوفن ، هلأ بدي ساوي قهوة للبابا و اقعد معو شوي
ميرنا : طيب
*ساويت فنجانين قهوة و قعدت جنب وليد...أمل : تفضل
وليد : يسلمو
أمل : انا حاسة بوجعك بس ما النا غير ندعيلو
وليد : الله يعافيه و يخفف عنو
أمل : آمين ، وليد
وليد : نعم
أمل : اليوم رحت جبت ميرنا من المدرسة و مريت على السوق
وليد : اي منيح
أمل : شفت تياب بيبي بيجننو ، تذكرت لما كنت حامل بميرنا و تذكرت فرحتك لما خلقت ميرنا ، و عم فكر نجيب اخ او اخت لميرنا يملو حياتنا
وليد : انتي وين وانا وين ؟ اخي بين الحياة والموت وانتي عم تفكري بهالتفاهات ، انتي ما عندك احساس ولا ضمير؟
أمل : وليد انا مو قصدي
وليد : انا طالع اقعد بالبرندا ويا ريت ما تلحقيني
____________
#بقلم_فتاة_من_ورق_بسمه_السباعي
رضوان : يلا عمي شيل شيل
سناء : شو هاد ليش باب غرفتنا مفتوح ؟ ليش عم تطالعو الفرش ؟
رضوان : هدول الجماعة بيشترو فرش مستعمل و انا هلأ بعتهن ياه ، دفعولي حقو و عم ياخدوه
سناء : بس هاد فرشنا
تمارة : انت واحد حقير
سناء : طيب وين تيابنا؟
رضوان : شحدتهن للجيران قبل ما بيع الفرش
سناء : الله لا يوفقكككك
*رفعت ايدي و ضربت سناء كف...
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h