الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *يبقى.الأثر.tt* ♥
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
رضوان : انا قلت ما رح تروح يعني ما رح تروح واذا بتخطي خطوة برات البيت رح هد البيت على رااااااسكن
ياسمين : الله لا يسامحك
*ركضت على غرفتي و دموعي على خدي...
ياسمين : الله يخلصني منك يا رضوان.
ام رضوان : ليش هيك عملت يا ابني؟ بدل ما انت تروح توصل اختك و تطمن على صهرك؟
رضوان : هاد الناقص والله اتطمن على هيك واحد
ام رضوان : الله يهديك
____________
#بقلم_فتاة_من_ورق_بسمه_السباعي
ام وليد : يحيى بشو شارد حبيبي؟
يحيى : عم فكر بياسمين
ام وليد : شبها
يحيى : هلأ بيكون رضوان عملها مشكلة مشان طلعتها من البيت.
ام وليد : الله يساعدها ام رضوان على هالابن يلي عندها
يحيى : امين
ابو وليد : لا تشغل بالك يحيى انا رايح جيبها
يحيى : الله يخليلي ياك
ابو وليد : جبلكن معي شي؟
ام وليد : لا يسلم ايديك
ابو وليد : الله يسلمك
____________
#بقلم_فتاة_من_ورق_بسمه_السباعي
سمر : صباح الخير حبيبي
كمال : صباح النور يا عمري
سمر : ليش عم تلبس وين رايح؟
كمال : اليوم امي عندها جلسة غسيل كلى
سمر : بتحب روح معك؟
كمال : لا يا عمري كملي نومتك انتي
سمر : طيب بس لا تنسى تطفي الضو وانت طالع من الغرفة
كمال : من عيوني
____________
#بقلم_فتاة_من_ورق_بسمه_السباعي
ام رضوان : حاجة تبكي يا روحي
ياسمين : قلبي عم يحترق على يحيى وما فيني شوفو ولا اتطمن عليه
ام رضوان : بعد شوي بحاكي اخوكي و بقنعو نروح سوا ونتطمن عليه
رضوان : ياسمين .. ياسمييييين
ام رضوان : قومي شوفي اخوكي عم يناديكي
ياسمين : ما بدي شوفوو
رضوان : ياسمين عمك عالباب
ياسمين : عمي ، اهلا و سهلا
ابو وليد : اهلين فيكي يا عمي
ام رضوان : اهلا وسهلا ابو وليد تفضل
ابو وليد : مستعجل ، بس بعد اذنكن جاي اخد ياسمين عالمشفى تشوف يحيى
ياسمين : اخي بتسمحلي روح ؟
رضوان : طيب روحي بس لا تتأخري
ياسمين : رح جهز حالي.
ام رضوان : طمنا ابو وليد كيف وضعو هلأ ؟
ابو وليد : الحمدلله احسن و على الاغلب يطلع اليوم من المشفى
ام رضوان : الله يعافيه يا رب
ابو وليد : آمين
ياسمين : انا جاهزة عمو
ابو وليد : عن اذنكن
ام رضوان : الله معك
ياسمين : باي ماما
ام رضوان : الله معك ضلي طمنينا
ياسمين : ان شاء الله
*سكرت الباب و التفتت على رضوان...
ام رضوان : ابني انت ليش هيك عم تتصرف ؟ ايمتى بدك تعقل ؟
رضوان : انا عاقل و بعرف حالي منيح شو عم اتصرف
ام رضوان : يا ابني انا بدي افرح فيك وانت لسا عم تخانق اختك.
رضوان : عن اذنك امي عم يرن تلفوني
ام رضوان : الله يهديك يا ابني
=============================
رضوان : الو
سناء : رضوان ساعدني الله يخليك
رضوان : شبك سناء شوفي ليش عم تبكي
سناء : تخانقنا انا و رفقاتي مع صاحبة السكن و قلعتنا و ما بنعرف وين بدنا نروح بحالنا
رضوان : وهلأ انتو وين؟
سناء : لساتنا بالسكن عم نضب تيابنا مشان نطلع
رضوان : لا تبكي رح دورلكن على غرفة تستأجروها
سناء : الله يخليلي ياك
رضوان : معكن مصاري؟
سناء : اي معنا مصاري
رضوان : ممتاز ، يلا سكري هلأ ، بس زبط الوضع انا بتصل فيكي
سناء : باي
=============================
رضوان : امي انا طالع بدك شي
ام رضوان : لوين رايح؟
رضوان : بعدين بعدين سلام
ام رضوان : وعليكم السلام
____________
#بقلم_فتاة_من_ورق_بسمه_السباعي
د.جهينة : كمال
كمال : نعم دكتورة
د.جهينة : بعتذر منك ما رح نقدر نعمل الجلسة لوالدتك
كمال : ليش دكتورة ؟
د.جهينة : صحة والدتك عم تزيد سوء بشكل سريع
كمال : شو يعني ؟ شو الحل؟
د.جهينة : الحل هو زراعة الكلى يا اما
كمال : يا اما شو؟
د.جهينة : يا اما رح نخسر المريضة
كمال : شو
د.جهينة : كمال انت لازم تستوعب الموضوع ، هاد رقم مشفى بيجيه كتير متبرعين بالكلى تواصل معو و بلشو بالتحاليل بأسرع وقت
كمال : يعطيكي العافية
د.جهينة : الله يعافيك ، عن اذنك
*قعدت بأرض المشفى و مسكت راسي بايديي...
كمال : إلا امي يا الله ، إلا امي يا الله
____________
#بقلم_فتاة_من_ورق_بسمه_السباعي
ياسمين : يحيى
يحيى : يا عيون يحيى انتي
ياسمين : شو صرلك يا روحي
يحيى : انا منيح ما فيني شي
ياسمين : كيف ما فيك شي وجهك اصفر و نايم بالمشفى من مبارح
يحيى : عم خوفك عليي مشان تحبيني اكتر هههه
ياسمين : هههه الله يسامحك
يحيى : اي هيك اضحكي يا اميرتي ما بدي شوف هالعيون الحلوة عم تبكي ابدا
ياسمين : انت طيب و انا بوعدك ماعاد ابكي بعمري
يحيى : طبت يلا مسحي دموعك
ياسمين : ان شاء الله
____________
#بقلم_فتاة_من_ورق_بسمه_السباعي
*مسحت دموعي بسرعة و دخلت لعند امي...كمال : يلا امي خلينا نروح عالبيت
ام كمال : و الجلسة؟
كمال : تأجلت
ام كمال : قلتلك لا تجيبني عالمشفى خليني موت و ارتاح والله جسمي ما عاد يتحمل
كمال : بعيد الشر عن قلبك يا امي
ام كمال : الله يعطيني عمر شوف ابنك و بعدها موت
كمال : بعيد الشر عنك لا تحكي هيك
ام كمال : امنيتي الاخيرة شوف ابنك وماعاد بدي شي من هالدنيا
كمال : الله يطول عمرك و تشوفي ابني و احفادي
____________
#بقلم_فتاة_من_ورق_بسمه_السباعي
ميرنا : ماماااا انا كتير فرحت انك اجيتي تاخديني من المدرسة
أمل : وهلأ رح تفرحي اكتر لما تعرفي وين رايحين ؟
ميرنا : رايحين لعند خالتو ياسمين؟
أمل : لا رح نروح على المول و نتغدى سوا انا وانتي
ميرنا : ماما ايمتى رح تشتريلي تلفون و صير احضر عليه كل حلقات ماشا و الدب
أمل : اليوم رح اشتريلك احلى تلفون بس عندي شرط
ميرنا : شو
أمل : بتضلي بنوتي الشطورة وما بتحضري الا بأيام العطلة
ميرنا : حاضر ماما
أمل : يلا اطلعي بهي السيارة
ميرنا : بس هي مو سيارة بابا
أمل : لا هاد الشوفير الخاص فينا رح يصير هو كل يوم يوصلك ويجيبك من المدرسة
ميرنا : و البابا؟
أمل : البابا مو فاضيلنا ابدا يا روحي
ميرنا : طيب
____________
#بقلم_فتاة_من_ورق_بسمه_السباعي
*وقفت قبال المراية عم مشط شعري و اتأمل طولو...
سمر : يا رب اطلع حامل هالشهر
كمال : آمين
سمر : بسم الله انت ايمتى رجعتو؟
كمال : هلأ
سمر : ما تأخرتو اليوم
كمال : ما غسلت
سمر : ليش؟
كمال : سمر امي تعبانة كتير ، صحتها عم تزيد سوء و صار بدها عملية زراعة كلى
سمر : ان شاء الله بتعمل العملية عن قريب و بتتحسن
كمال : انا هاد يلي كاسر ضهري ما بملك شي غير السيارة و حتى لو بعتها ما بتكفي للعملية
سمر : شو بدك تعمل؟
كمال : ما بعرف
سمر : وينها مرت عمو هلأ؟
كمال : بغرفتها
سمر : انا رح روح اتطمن عليها
كمال : سمر
سمر : نعم
كمال : بدي اطلب منك طلب
سمر : كمال بعرف شو بدك تطلب تطمن مرت عمو بعيوني
كمال : لا ، انا بحاجة بيع السيارة و بيع دهبك لحتى اقدر اعمل العملية لأمي
سمر : دهبي ؟
كمال : اي
سمر : اكيد عم تمزح
كمال : لا ما عم امزح ، بوعدك لما تعمل امي العملية اشتغل ليل نهار و عوضلك كل دهبك و زيادة
سمر : كلكن بتحكو هيك وما بتعوضو شي
كمال : سمر امي عم تموت
سمر : مرت عمو ما رح تموت و انت فيك تدبر المصاري بأيا طريقة بس دهبي ممنوع تقرب عليه اصلا نص دهبي هدية من اهلي و النص التاني من مهري و حقي ، و ما رح اسمحلك تبيع ولا قطعة
كمال : متأكدة من كلامك؟
سمر : اي ، عن اذنك هلأ بدي اتطمن على مرت عمو و شوف اذا بدها شي
____________
#بقلم_فتاة_من_ورق_بسمه_السباعي
د.خليل : مساء الخير
ابو وليد : مساء النور دكتور
د.خليل : كيفك هلأ يحيى؟
يحيى : الحمدلله احسن
د.خليل : ايمتى علقتو هاد السيروم؟
الممرضة : من ربع ساعة دكتور ، كانت حرارتو عم ترتفع
ابو وليد : طمنا دكتور طلعت نتيجة التحليل ؟ فينا نطلع من المشفى؟
د.خليل : انا اجيت كرمال هالموضوع
ام وليد : خير دكتور طمنا
د.خليل : انا بعتذر على الكلام يلي رح تسمعوه مني
ابو وليد : شغلت بالنا دكتور
يحيى : خير دكتور
#ويبقى_الأثر
#الجزء_الرابع
#بقلم_فتاة_من_ورق_بسمه_السباعي
د.خليل : بعد الصور والتحاليل تبين معنا انو المريض مصاب بسرطان بالعضم ، و لازم يبلش العلاج بالكيماوي بأسرع وقت.
ابو وليد : عفوا دكتور ما فهمت ، يحيى ابني انا معو سرطان؟
د.خليل : انا اسف انو عم خبركن هالشي
ياسمين : دكتور انت متأكد؟
د.خليل : مع الاسف
ام وليد : اطلع لبرا ، ابني ما فيه شي انتو كذابين ، اطلع لبرااااااااا
يحيى : ماما
ام وليد : بدي شيل السيروم من ايدك عم يكذبو علينا انا ما بسمحلن يحكو هيك عن ابني ، انت منيح و هلأ رح نرجع على البيت و نكمل تحضيرات عرسكن انت و ياسمين.
ابو وليد : سهيلة خلص بعدي عن يحيى
ام وليد : عم يكذبو اسماعيل
ابو وليد : امشي معي لبرا نتأكد
د.خليل : بالاذن
*طلعت من الغرفة و الدمعة بعيني..يا الله كيف بيتغير قدر الانسان بشوية تحاليل..
د.خليل : هدى
الممرضة : نعم دكتور
د.خليل : اعطيها ابرة مهدئ للأم
الممرضة : حاضر
____________
#بقلم_فتاة_من_ورق_بسمه_السباعي
*شفت دمعة بعيون يحيى .. قربت منو و مسكت ايدو .. ما بعرف من وين اجتني هالقوة لحتى ضل ثابتة قدامو و جواتي عم ينهار .. حبنا و احلامنا و مستقبلنا بلشو ينهارو قدام عيوننا بكل بساطة...
ياسمين : ما بدي شوف هالدمعة بعيونك ، انت رح تشفىيحيى : ليش انا؟
ياسمين : لانو الله بيحبك ، واذا الله احب عبد ابتلاه ليرفعو درجات بالدنيا و الاخرة
يحيى : لسا مبارح ما كان فيني شي ، مبارح كنا عم نتمشى انا وياكي و نفكر ببيتنا و مستقبلنا سوا
ياسمين : يحيى انت قدري و انا قدرك ، مبارح و اليوم و بكرا رح نبقى سوا ، رح نتزوج و نسكن ببيتنا ، بيتنا رح يكون احلى بيت بالعالم.
*حطيت ايدي على خد ياسمين و عم اتطلع بعيونها يلي صارو مليانين حزن و قهر...
يحيى : الله لا يحرمني منك ولا من نظرة عيونك البريئة
____________
#بقلم_فتاة_من_ورق_بسمه_السباعي
رضوان : عجبتني هالغرفة شقد رح تحسبلي ياها؟
فاروق : انت صاحبي وما في بيناتنا حسابات
رضوان : الغرفة مو الي لجماعة بعرفهن يعني اطلب و قوي قلبك.
فاروق : طالما الجماعة من طرفك رح اخد ١٠٠ الف بالشهر
رضوان : اتفقنا وهي ١٠٠ الف
فاروق : يسلم ايديك.
رضوان : المفتاح
فاروق : تفضل
رضوان : سلام
فاروق : الله معك
*طلعت من المبنى شعلت سيكارة و اتصلت بسناء..
=============================
سناء : اي رضوان طمني
رضوان : جاهزين؟
سناء : اي
رضوان : انا بطريقي الكن ، لقيت غرفة و استأجرتلكن ياها
سناء : شو الاجار؟
رضوان : نفس السكن ٣٠٠ الف
سناء : الحمدلله ، الله يخليلي ياك
رضوان : يلا سكري و انطروني
سناء : باي
=============================
____________
#بقلم_فتاة_من_ورق_بسمه_السباعي
ميرنا : بابا شوف ماما شو اشترتلي.
وليد : لشو هاد التلفون؟
ميرنا : الي مشان احضر ماشا و الدب.
وليد : لساتها البنت صغيرة على التلفون.
أمل : انا بعرف انتبه على بنتي كتير منيح.
وليد : ان شاء الله
أمل : يلا ميرنا قومي البسي بيجامتك مشان تنامي
ميرنا : بس انا مو نعسانة
أمل : واذا حكيتلك حكاية؟
ميرنا : طيب موافقة
أمل : يلا يا روحي بسرعة
ميرنا : حاضر
أمل : وليد انا اتفقت مع شوفير يوصلنا انا و ميرنا
وليد : ساوي يلي بدك ياه ، انا طالع اقعد على البرندا
أمل : وليد
وليد : نعم
أمل : لأيمتى بدنا نضل هيك؟
وليد : من لما عرفتيني وانا هاد طبعي شو تغير هلأ؟
أمل : يلي تغير انو انا ماعاد اتحمل هالوضع
وليد : بيت اهلك موجود بتقدري ترجعي عليه ايمتى ما بدك
أمل : البيت موجود بس اهلي لا ، وليد انت كل اهلي
وليد : لحظة أمل تلفوني عم يرن
أمل : تصبح على خير
*مسحت دمعتي ومشيت باتجاه غرفة ميرنا .. كسرة الخاطر يلي حسيتها هالمرة كفيلة انو تبعدني عن وليد بعد السما عن الارض..
=============================
وليد : اهلين بابا
ابو وليد : انت وين؟
وليد : بالبيت
ابو وليد : نحن بالمشفى
وليد : ليش؟ بابا فيك شي؟
ابو وليد : يا ريت فيني شي
وليد : بابا شغلت بالي شوفي
ابو وليد : اخوك يحيى
وليد : شو صاير معو
ابو وليد : سرطان
وليد : شو ، يحيى مريض؟
ابو وليد : لا تتأخر ناطرينك ، امك بحاجتك هلأ
=============================
*سكرت المكالمة و بقيت واقف مكاني متل الصنم...
ميرنا : بدي بوس البابا قبل ما نام
أمل : يلا حبيبتي
ميرنا : بابا انا رح نام هلأ ، تصبح على خير
وليد:....
أمل : وليد رد على ميرنا ، بنتنا ما الها دخل بمشاكلنا.
*رفعت راسي و تطلعت بأمل...
أمل : شبك وليد؟ ليش عيونك حمر؟
وليد : انكسر ضهري يا أمل
أمل : بسم الله عليك شبك وليد خوفتني
وليد : انكسر ضهريييييييي
أمل : وليد وين رايح .. وليد .. ولييييد
*طلع وليد من البيت بدون ما افهم شي...لأول مرة بخاف عليه و كأنو ابني...ركضت على البرندا لحتى شوفو...طلع بسيارتو و مشي بسرعة...
ميرنا : ماما وين راح بابا؟
أمل : ما بعرف ، يا رب خير ، روحي على تختك حبيبتي
ميرنا : ما بدك تحكيلي حكاية؟
أمل : اسبقيني رح اشرب مي و إلحقك
____________
#بقلم_فتاة_من_ورق_بسمه_السباعي
سمر : تصبحي على خير مرت عمو
ام كمال : وانتي بخير حبيبتي
*سكرت باب الغرفة على مرت عمي و قعدت جنب كمال...
سمر : طفي الاخبار بتعرفني ما بحب اسمعا
كمال :.....
سمر : كمال عم احكي معك ، عم تسمعني ؟ عم قلك طفي الاخبار.
كمال : انا فايت نام
سمر : لسا بكير
كمال : عندي شغل الصبح ، تصبحي على خير
سمر : ليش متناشف فيني؟
كمال : بعتذر ، تصبحي على خير حبيبتي
سمر : اذا ما بتحسن اسلوبك معي رح اتركلك البيت و امشي ، كمال وقف عم احكي معك.
كمال : راسي عم يوجعني سمر ، منحكي الصبح
سمر : سلامتك
كمال : احضري مسلسلك ، تصبحي على خير
سمر : وانت بخير
*شغلت مسلسلي وعليت الصوت على الاخر...
سمر : عم تحاربني مشان بيع دهباتي يا كمال ، انا بورجيك المعاملة من يوم ورايح ، والله لو شو ما عملت ما رح بيع دهبي.
____________
#بقلم_فتاة_من_ورق_بسمه_السباعيسناء : شكرا رضوان
رضوان : عفوا
سناء : رح فوت لعند رفقاتي هلأ ، تصبح على خير
رضوان : سناء
سناء : نعم
رضوان : نسيتي تعطيني المصاري ٣٠٠ الف
سناء : فكرت انو رح تنطر لحتى نفرش الغرفة ونزبط وضعنا
رضوان : لا ما رح انطر
سناء : تفضل
رضوان : هلأ تصبحي على خير
تمارة : فكرناك جنتل مان طلعت عينك عال٣٠٠ الف
رضوان : سناء يا بتخرسي رفيقتك يا اما بخرسها على طريقتي
سناء : تمارة شو طالعك انتي؟
تمارة : ما بسمحلك تحكي معي هيك
سناء : تمارة خلص فوتي على الغرفة
تمارة : منتواجه يا جنتل مان
سناء : اسفة حبيبي هي رفيقتي لسانها طويل بعتذر منك
رضوان : اي قوليلها تقصر لسانها لما بتشوفني لانو ما كل مرة بتسلم الجرة
سناء : حاضر
رضوان : سلام
سناء : الله معك
____________
#بقلم_فتاة_من_ورق_بسمه_السباعي
وليد : بابا وينو يحيى
ابو وليد : بالغرفة
وليد : شو قال الدكتور؟
ابو وليد : فينا نخرجو اليوم بس بدنا نبلش بالكيماوي بأسرع وقت
وليد : وضعو سيء؟
ابو وليد : بالعضم ، بعضم الحوض و الرجلين و يمكن بعد فترة ماعاد يقدر يمشي نهائيا
وليد : وامي ؟ وين امي هلأ؟
ابو وليد : امك وياسمين بالغرفة معو
وليد : ما بقدر شوفو
ابو وليد : انت سندو ، هو بحاجتك هلأ
*وقفت عند الباب وصرت اتطلع على يحيى بدون ما يشوفني .. اخي الصغير رفيقي الوحيد بهالدنيا قرر يحملني قهر ما بتحملو جبال ...
وليد : كسرت ضهري يا اخي.
#يتبع
#بقلم_فتاة_من_ورق_بسمه_السباعي
*❴🖋️❵↵يـتـبـع...*
*❴📖❵↵تنسيق مشرفين مجموعة :*
*❴📚❵↵عــالــم الـــقــصـص والــروايــات🩶📚🖋️*
*❴🖤❵↵ننشر جميع انواع القصص والروايات :*
حــب♥️.
رعـــب♥️.
اكــشـن♥️.
حـــــــزن♥️.
*❴👑❵↵ان كنت من محبين القصص مكانك عندنا🩶.*
*❴♥️❵↵رابط المجموعة للأشتراك :*
```https://whatsapp.com/channel/0029Vap50sf9xVJZxz3u3n2o```
~*_❀{‹‹نـهـايـةة الـبـارت››}❀_*~يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h