الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *يبقى.الأثر.tt* ♥
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
ليس بالضروة أن تنتهي كل الحكايات بالوصل
فالحرمان يكتب البعض منها لتكون الأصدق...
____________
يا أحلى عمري اللي جاية...بدي احكيلك حكاية..
قلك فيها إنك إنتا حبي و نصيبي..
حبيبي .. يا حبيبي..
*مشيت بخطوات هادية و طفيت المسجلة.
أمل : وهي اطيب فنجان قهوة للست ياسمين.
ياسمين : يسلمو ايديكي.
أمل : ليش طفيتيها ؟
ياسمين : لانك بتعرفي ما فيني اسمع هالغنية .
أمل : لساتك بتحبيه ؟
ياسمين : اي .. لساتني بحبو و ما عم اقدر انساه.
أمل : ما رح تقدري تنسيه لانو انتي ما بدك تنسيه.
____________
#بقلم_فتاة_من_ورق_بسمه_السباعي
((قبل 5 سنوات))
ياسمين : و انا معك بحس انو ما في غير انا و انت بالدنيا.
يحيى : وكل هالناس يلي حوالينا شو ؟
ياسمين : ايا ناس ؟ انا مو شايفة غيرك
يحيى : والله انا يلي مو شايف غيرك يا ياسمينتي
ياسمين : شبك ؟ كأنو تعبت من المشي ؟
يحيى : لا ابدا ، بس اليوم تعبت بالدوام شوي ، هلأ بوصل عالبيت برتاح.
ياسمين : نيالك بتحب توصل على بيتك ، انا بكره الساعة يلي بدي ارجع فيها على البيت من ورا اخي.
يحيى : هانت يا روحي ، كلو شهر بيكون بيتنا جاهز و منتزوج و بتعيشي اميرة ببيتنا.
ياسمين : ان شاء الله.
يحيى : يلا لشوف فوتي عالبيت
ياسمين : تفضل سلم على حماتك
يحيى : تعبان كتير بدي روح نام ، بشوفك المسا.
ياسمين : انتبه على حالك.
يحيى : و انتي كمان ، بحبك.
ياسمين : بحبك.
*مشيت خطوات سريعة بإتجاه البيت .. و لما وصلت عند الباب .. تنهدت و طالعت مفاتيحي و فتحت...
ياسمين : ماما انا اجيت
ام رضوان : اهلا و سهلا حبيبتي
ياسمين : رضوان بالبيت ؟
ام رضوان : لا لسا ما رجع.
ياسمين : الحمدلله.
ام رضوان : كيف كانت المقابلة؟ رح يوظفوكي؟
ياسمين : منيحة ، ان شاء الله خير
ام رضوان : يا رب ، الله ييسر امورك و يفرحني فيكي و بأخوكي.
ياسمين : هلأ فيني رح تفرحي عالاكيد بس اخي ما بعرف
ام رضوان : الله يهديه و يفرحني فيه
ياسمين : شو طابختيلنا ؟
ام رضوان : شوربة عدس
ياسمين : لساتنا بشهر تسعة
ام رضوان : بعرف بس مغيمة شوي
ياسمين : ههههه معك حق اقنعتيني.
ام رضوان : يلا روحي بدلي تيابك مشان نتغدى
ياسمين : حاضر
*دخلت على غرفتي و انا عم دندن غنية جوليا بطرس (حبيبي .. يا حبيبي)
____________
#بقلم_فتاة_من_ورق_بسمه_السباعي
*قعدت على الرصيف بعد ما حسيت بالارهاق..
يحيى : شو صرلك يا يحيى ، مشيت بهالعمر مسافات اطول من هيك ، ليش تعبت من هالكم خطوة هلأ !
رضوان : شو صهر شايفك عنا
يحيى : اهلين رضوان
رضوان : ما استقبلتك اختي لحتى قاعد متل الشحاد على الرصيف هههههه
يحيى : استغفر الله العلي العظيم
رضوان : شبك ما بتلقى مزح ، تفضل تفضل
يحيى : غير مرة ان شاء الله ، السلام عليكم
رضوان : وعليك السلام
____________
#بقلم_فتاة_من_ورق_بسمه_السباعي
أمل : و اخيرا نامت ميرنا
وليد : نوم الهنا
أمل : عذبتني كتير ما بدها تروح عالروضة بكرا
وليد : خليها تعطل
أمل : ما بدي دلعها اكتر من هيك صار عمرها ست سنين يلي قدها صف اول
وليد : اعملي يلي بيناسبك
أمل : حطلك عشا ؟
وليد : مو جوعان.
أمل : بدك تضل حاطط عيونك بالجريدة ؟
وليد : اي.
*قعدت جنب وليد و مسكتلو ايدو بحنية..
أمل : حبيبي قلي شو غلطي لحتى بتعاملني بهالبرود من لما تزوجنا لهلا.
وليد : انتي مو غلطانة انا هيك طبعي المفروض تكوني تعودتي.
أمل : المفروض كون تعودت بس انا لهلا كل يوم بفتح عيوني على امل اني شوفك تغيرت للاحسن
*سحب ايدو و تطلع بعيوني بحدة..
وليد : اذا بدك تعملي قهوة بشرب.
أمل : طيب ، رح ساويلك فنجان قهوة.
*رحت على المطبخ و الدمعة بعيني..
أمل : يا رب ما الي غيرك تغيرلي وليد للاحسن ، يا رب وحدك العليم بحبي الو حنن قلبو عليي يا رب.
____________
#بقلم_فتاة_من_ورق_بسمه_السباعي
ام رضوان : يلا قولو بسم الله
رضوان : يسلم ايديكي يا ام رضوان الشوربة بتشهي
ام رضوان : صحة وهنا
رضوان : ياسمين قومي نقبري جيبيلي ليمون
ياسمين : حسن ملافظك رضوان و الليمون قدامك
رضوان : شايفو قدامي وبدي ليمون من البراد قومي احسن ما خربطلك وجهك قومييي
ياسمين : الله ياخدني ويريحني منك قايمة
ام رضوان : شبك ابني ليش هيك بتعامل اختك
رضوان : لانو بدي احكي معك كلمتين
ام رضوان : شوفي؟
رضوان : يحيى كان عنا؟
ام رضوان : لا بس وصل ياسمين للباب و راح.رضوان : شفتو قاعد على الرصيف وانا راجع.
ام رضوان : اي ؟
رضوان : شو اي امي هالزلمي ماني مرتحلو و اذا بشوفو قاعد هيك قعدة مرة تانية رح كسرلو رجليه.
ام رضوان : ما بيصير تحكي هيك عن صهرك.
رضوان : لكن يجبلنا النا الحكي ؟ مين بيقعد على الرصيف غير الزعران يلي بدن يتحركشو بالرايحة والجاية و الابشع انو على رصيفنا وبحارتنا مشان نصير علكة بتم العالم.
ام رضوان : طول بالك امي اكيد الو عذرو.
رضوان : ان شاء الله.
ياسمين : تفضل اخي
رضوان : يسلم ايديكي
ياسمين : وايديك
____________
#بقلم_فتاة_من_ورق_بسمه_السباعي
أمل : تفضل
وليد : يسلمو ايديكي
أمل : بدك شي تاني
وليد : سلامتك
أمل : رح فوت نام
وليد : نوم الهنا
أمل : بكرا بدي زور ياسمين
وليد : روحي وين ما بدك
أمل : تصبح على خير
وليد : وانتي بخير
*اخدت فنجاني القهوة وطلعت عالبرندا..شربت شفة و بلشت اكتب...
((متل الحلم بتضلي..لا قريبة لإشفى ولا بعيدة لإرتاح..بينك وبين هالروح مليان اسرار...))
____________
#بقلم_فتاة_من_ورق_بسمه_السباعي
يحيى : امي
ام وليد : اهلا و سهلا حبيبي الله يعطيك العافية
يحيى : الله يعافيكي
ام وليد : شبك ليش وجهك اصفر؟
يحيى : تعبان شوي
ام وليد : شو عم يوجعك؟
يحيى : عضامي عم توجعني يمكن اخدت برد
ام وليد : رح جبلك حبتين مسكن
يحيى : اي الله يخليلي ياكي
ام وليد : حطلك اكل ؟
يحيى : لا امي بدي اشرب المسكن و نام
ام وليد : نوم الهنا يا عيوني فيهن العافية يا رب
يحيى : الله يعافيكي
ام وليد : الباب عم يندق رح شوف مين
يحيى : اذا حدا سألك عني قوليلو مو هون
ام وليد : حاضر ، نام ورتاح حبيبي
يحيى : الله يخليلي ياكي يا امي
*ركضت لعند الباب...
ام وليد : اي اي جاية
سمر : كيفك امي
ام وليد : اهلين بنتي خير شو جابك
سمر : ماعاد اقعد ولا دقيقة عند هالزفت يلي اسمو زوجي
ام وليد : كل اسبوع بسمع منك هالجملة ، خير شو عامل هالمرة ؟
سمر : تخيلي تخيلي ما رضي يجبلي خدامة قال انا فاضية طول النهار ليش لحتى ما اشتغل بالبيت
ام وليد : الله يجيبك يا طولة البال ، فوتي عمليلي فنجان قهوة لنحكي على رواق
سمر : حاضر
يحيى : الله يعينك يا صهري على هالاخت يلي عندي.
*حطيت راسي تحت المخدة مشان ما اسمع صوت صريخ سمر و غفيت بعمق..
____________
#بقلم_فتاة_من_ورق_بسمه_السباعي
رضوان : بدكن شي انا طالع
ام رضوان : سلامتك يا مرضي
ياسمين : هلا هاد مرضي
رضوان : شو قلتي ولي ياسمين
ياسمين : قلت سلامتك اخي
رضوان : يلا سلام
ام رضوان : الله معك
*طلعت من البيت شعلت سيكارة و رديت على تلفوني...
رضوان : ميوووش
مايا : وين غايب يا محتال
رضوان : مشغول يا ميوش مشغول للسما
مايا : شو رأيك نطلع اليوم؟
رضوان : اي منطلع بس على حساب مين؟
مايا : تطمن على حسابي
رضوان : اذا هيك موافق عالساعة 10 بكون ناطرك تحت بيتك
مايا : اتفقنا
رضوان : سلام يا حب
مايا : سلامات
*هه يخرب بيتك ما اغباكي ..فصلت و اتصلت بسناء...
رضوان : سنوئتيييي
سناء : خلصت شغل يا روحي ؟
رضوان : اي والله و تعبان كتير
سناء : الله يقويك يا عمري
رضوان : سنوئتي ما رح اقدر اطلع معك اليوم عندي ورشة دهان مسائية منخليها لبكرا.
سناء : يا الله بكرا يمكن ما تسمحلي صاحبة السكن اطلع
رضوان : تحايلي عليها حبيبتي بتسمحلك بعرفك مو هينة
سناء : طيب حبيبي بحاول
رضوان : سلام يا قطة
سناء : الله معك
*يعدمني ياكي انتي التانيه..
____________
#بقلم_فتاة_من_ورق_بسمه_السباعي
ام رضوان : لا تستفزي اخوكي تاني مرة مو ناقصنا يضربك شي ضربة يعطبك قبل عرسك
ياسمين : امي هو مستفز
ام رضوان : ياسمين خلصنا
ياسمين : امرك
ام رضوان : شبك ليش متوترة؟
ياسمين : عم اتصل بيحيى ما عم يرد عليي
ام رضوان : خير ان شاء الله
ياسمين : رح اتصل بحماتي اسألها عنو
ام رضوان : اي ما بتقصري
____________
#بقلم_فتاة_من_ورق_بسمه_السباعي
سمر : قوليلي بيرضيكي يلي عم يعملو صهرك يا امي؟
ام وليد : قومي جيبيلي تلفوني عم يرن
سمر : حاضر ، تفضلي
ام وليد : مين؟
سمر : ست الحسن والجمال كنتنا الصغيرة
ام وليد : هاتي
سمر : هلأ صارت الكنة اهم مني
ام وليد : اهلين حبيبتي
ياسمين : كيفك مرت عمو
ام وليد : بخير الحمدلله انتي كيفك
ياسمين : الحمدلله ، مرت عمو بدي اسألك عن يحيى ، اتصلت فيه كتير ما عم يرد
ام وليد : يحيى نايم يا حبيبتي
ياسمين : خير فيه شي؟
ام وليد : لا بس رجع تعبان و نام
ياسمين : لما يفيق خبريه اني اتصلت
ام وليد : تكرمي يا قلبي
ياسمين : تصبحي على خير مرت عمو
ام وليد : وانتي بألف خير يا روحيسمر : هلأ هي روحك ؟ و انا شو ؟
ام وليد : سمر بيكفي دلع قومي اتصلي بزوجك خليه يجي ياخدك اذا اجا ابوكي شافك حردانة على سبب سخيف رح يزعل منك كتير
سمر : مو سبب سخيف وما رح روح وهي قعدة.
ام وليد : الله يصبرني عليكي الله يصبرنييييي.
ابو وليد : ام وليد.
ام وليد : اجا ابوكي
سمر : لا تحكيلو المشكلة قوليلو عم زوركن.
ام وليد : اهلا وسهلا الله يعطيك العافية
ابو وليد : الله يعافيكي
سمر : اهلا وسهلا بابا
ام وليد : سمر تعالي ساعديني نحضر العشا لابوكي
سمر : حاضر
ابو وليد : سمر
سمر : نعم بابا
ابو وليد : زوجك عم يستناكي برا بسيارتو ضبي اغراضك و روحي معو.
سمر : بس يا بابا
ابو وليد : بدون نقاش ، زوجك اجا لعندي وحكالي كلشي ، انتي بنتي وغالية على قلبي بس ما بسمحلك تغلطي مع زوجك وتحردي عالفاضي.
ام وليد : معك حق حاولت فهمها هالشي بس ما بدها تفهم.
ابو وليد : لا تخلي زوجك يستنى اكتر من هيك ضبي اغراضك بسرعة واطلعي لعندو.
سمر : حاضر بابا
ام وليد : رح حضرلك العشا
ابو وليد : وينو يحيى؟
ام وليد : اجا على البيت تعبان شوي اخد مسكن و نام.
ابو وليد : مو من عادتو هالشي ، ان شاء الله خير.
#ويبقى_الأثر
#الجزء_الثاني
#بقلم_فتاة_من_ورق_بسمه_السباعي
ابو وليد : وينو يحيى؟
ام وليد : اجا على البيت تعبان شوي اخد مسكن و نام.
ابو وليد : مو من عادتو هالشي ، ان شاء الله خير.
سمر : انا رايحة بتوصوني شي؟
ام وليد : سلامتك حبيبتي
ابو وليد : زوجك منيح يا بنتي لا تخربي حياتك مشان امور سخيفة الله يرضى عليكي.
سمر : امرك بابا ، بخاطركن.
ابو وليد : الله معك.
ام وليد : الله يهديكي و يرضى عليكي.
*قعدت بالسيارة و لفيت وجهي على جهة الشباك...
كمال : اهلا وسهلا يا عمري.
سمر : اهلين.
كمال : ما بدك تطلعي فيني؟
سمر : لا
كمال : طيب ما بدك تاخدي هالوردة يلي بتشبهك من ايدي؟
*التفتت بسرعة اخدت الوردة ورجعت لفيت وجهي لجهة الشباك...
كمال : ههههه يسلملي الزعلان ما احلاه
سمر : رح تجبلي خدامة؟
كمال : بوعدك جبلك خدامة اول ما يتحسن وضعي يا اميرتي ، انتي بتعرفي هلأ امي مريضة وكل اسبوع عندها جلسة غسيل كلى اول ما تتحسن امي رح عوضك عن كل هالايام وجبلك كلشي بتتمنيه وبتطلبيه.
سمر : ان شاء الله.
كمال : الله لا يحرمني من نظرة عيونك.
سمر : وما يحرمني منك يا رب
كمال : نمشي؟
سمر : اي
____________
#بقلم_فتاة_من_ورق_بسمه_السباعي
مايا : رضوان
رضوان : نعم
مايا : ايمتى رح نتزوج؟
رضوان : ما عم اسمعك صوت الاغاني عالي
مايا : ايمتى رح نتزووووج
رضوان : هههههههه شي يوم
مايا : رضوان عم تتمسخر ؟
رضوان : عم اتمسخر متل ما انتي عم تتمسخري
مايا : بس انا ما عم اتمسخر ، انا عنجد عم احكي.
رضوان : كلكن هيك بتبلشو ، بالاول بحبك بعدين ايمتى بدنا نتزوج.
مايا : رضوان اذا مشان المصاريف انا بدفع كلشي انت بس يلي عليك تطلب ايدي من عمي
رضوان : واو ما اسهل الموضوع بالنسبة الك
مايا : ليش صعب بالنسبة الك؟
رضوان : طبعا صعب يا ميوش
مايا : عم قلك انا بتكفل بكل المصاريف انت بس اخطبني من عمي
رضوان : الصعوبة مو بس ماديا
مايا : شو قصدك؟
رضوان : قصدي صعب اخد وحدة متلك
مايا : وحدة متلي ؟!
رضوان : صرلك سنة بتطلعي معي وبترجعي ايمتى ما بدك و عمك مو سألان عنك ولا خايف عليكي ولا عم يحاول يربيكي ، بدك مني انا امن فيكي تربي ولادي؟
مايا : تفو عليك
رضوان : مقبولة منك ميوش
مايا : من هاللحظة بتنسى انو في بنت اسمها مايا بحياتك
رضوان : ههههه طولي بالك ادفعي الحساب قبل ما تروحي طيب.
مايا : واحد ندل
رضوان : مايا .. ماياااا .. الله لا يوفقك هيك بليتيني بدفع الحساب ، يا غبي كنت سايرها لحتى تدفع عنك وبعدين حاكيها يلي بدك ياه ، يلا الواحد ما بيتعلم الا من كيسو امري لله رح ادفعو انا.
____________
#بقلم_فتاة_من_ورق_بسمه_السباعي
ام وليد : اسماعيل ليش ما عم تاكل؟
ابو وليد : مشغول بالي على يحيى بدي قوم اتطمن عليه.
ام وليد : طول بالك للصبح ، بإذن الله عرضية.
ابو وليد : سمية يحيى طول عمرو بيكابر على حالو انا قايم اتطمن عليه.
ام وليد : والله خوفتني رح شيل الاكل و الحقك.
*دقيت الباب بهدوء...
ابو وليد : يحيى .. بابا
*كنت عم اسمع صوت ابي و ارجف .. مو قادر رد عليه ولا فتح عيوني...
ابو وليد : يحيى
ام وليد : شو؟
ابو وليد : ما عم يرد
ام وليد : افتح الباب
*فتحت الباب وقربت من يحيى ..
ابو وليد : يحيى
ام وليد : ليش عم يرجف
ابو وليد : حرارتو مرتفعة
ام وليد : ولي على قامتي
ابو وليد : قوم يا ابني خلينا نروح عالمشفى
ام وليد : رح بدل تيابي واجي معك
ابو وليد : بسرعة
يحيى : انا .. انا منيح
ابو وليد : قوم يحيى شد حالك يا ابني
*تسندت على كتف ابي و عم امشي بصعوبة .. لأول مرة بحياتي بحس حالي ضعيف .. ضعيف كتير.ام وليد : انا جاهزة
ابو وليد : افتحي الباب
ام وليد : حاضر
ابو وليد : جبلك الاسعاف؟
يحيى : لا لا
ام وليد : سلامة قلبك يا روح امك
يحيى : لا تخافو انا منيح
*قعدت بالسيارة وبلشت غيب عن الوعي...
ابو وليد : يحيى .. يحيى سامعني بابا
ام وليد : لا تنام يحيى
ابو وليد : فتح عيونك بابا رح نوصل
____________
#بقلم_فتاة_من_ورق_بسمه_السباعي
ياسمين : ماما ، ماما فتحي عيونك
ام رضوان : بسم الله شبك حبيبتي ليش عم تبكي؟
ياسمين : حاسة قلبي رح يوقف
ام رضوان : بعيد الشر عن قلبك شوفي
ياسمين : ما بعرف بس قلبي عم يوجعني كتير.
ام رضوان : بسم الله عليكي ، تعالي لحضني حبيبتي
ياسمين : خايفة على يحيى كتير
ام رضوان : لا تخافي يا عمري بكرا ما بتلاقيه غير اتصل فيكي و قلك حضريلي القهوة جاية اشربها معك
ياسمين : الله يسمع منك
ام رضوان : رجع اخوكي؟
ياسمين : لسا
ام رضوان : الله يحميه ويرجعو بالسلامة عم يتعب كتير بشغلو.
ياسمين : اذا ما اتصل فيني يحيى الصبح بدي روح لعند بيت حمايي واتطمن عليه.
ام رضوان : رح يتصل انا متأكدة ، اهدي ونامي كلشي رح يكون منيح بإذن الله
ياسمين : يا رب.
____________
#بقلم_فتاة_من_ورق_بسمه_السباعي
ابو وليد : يحيى فتح عيونك بابا وصلنا عالمشفى
ام وليد : شو صرلو ابني ليش ما عم يفتح عيونو
ابو وليد : خليكي جنبو رح نادي للممرضين
ام وليد : اسماعيل بسرعة الله يخليك
*فتحت عيوني بصعوبة .. شفت امي وسمعت صوتها .. و رجعت غمضت عيوني و ما عاد حسيت على شي...
((الساعة ٧ صباحًا))
ابو وليد : طمنا دكتور
د.خليل : الحمدلله نزلت الحرارة و طلعت نتائج التحاليل الاولى وهلأ بدنا نعمل تحاليل تانية وان شاء الله خير.
ام وليد : الف الحمدلله
ابو وليد : الله يطمنك يا دكتور
ام وليد : طيب ايمتى فينا نشوفو؟
د.خليل : هلأ فيكن تشوفوه.
ابو وليد : يعني اليوم بينام بالبيت؟
د.خليل : حاليا بدنا ننتظر نتائج التحاليل التانية وبعدها منقرر
ابو وليد : الله يعطيك العافية
د.خليل : الله يعافيك
____________
#بقلم_فتاة_من_ورق_بسمه_السباعي
وليد : صباح الخير
أمل : صباح النور تفضل الفطور جاهز
ميرنا : صباح الخير بابا
وليد : صباح الورد يا حلوتي ، رح غسل وجهي واجي
ميرنا : ما بدي اشرب حليب
أمل : ما بيصير يا روحي لازم تشربيها مشان تكبري وتصيري صبية حلوة كتير
ميرنا : انتي كمان اشربي حليب مشان تضلي صبية حلوة
أمل : ههههه حاضر وانا كمان رح اشرب حليب
وليد : صبيلي شاي
أمل : تفضل
وليد : يسلمو
أمل : عم فكر حط شوفير دائم الي و لميرنا
وليد : عملي يلي بتشوفيه مناسب
أمل : يعني ما بيزعجك هالشي؟
وليد : لا ابدا
أمل : بس يحيى ما بيقبل حدا غيرو يوصل ياسمين
وليد : لا تقارنيني بأخي كل واحد فينا الو طبعو ، انا شبعت الحمدلله
أمل : بس ما اكلت
وليد : حدا بيتصبح فيكي و بيقدر ياكل؟ رايح جهز حالي عندي شغل
أمل : يلا حبيبتي اشربي الحليب بسرعة
ميرنا : حاضر
____________
#بقلم_فتاة_من_ورق_بسمه_السباعي
ابو وليد : الحمدلله على سلامتك
يحيى : الله يسلمك بابا
ام وليد : يا عيون امك هيك بتخوفنا عليك
يحيى : لا تخافي حبيبتي انا منيح
ام وليد : بس لسا وجهك اصفر سلامتك يا روحي
يحيى : الله يسلمك ، كم الساعة ؟
ابو وليد : سبعة و نص
يحيى : وين تلفوني ؟ بتكون ياسمين ناطرتني صبح عليها
ابو وليد : تلفونك نسيناه بالبيت ، حاكيها من تلفوني
يحيى : ما بدي خوفها لما ارجع عالبيت بحاكيها
ام وليد : ياسمين عم تتصل فيني
يحيى : ردي بس لا تخبريها
ام وليد : متل ما بدك
=============================
ياسمين : صباح الخير مرت عمو
ام وليد : صباح النور حبيبتي
ياسمين : مرت عمو ما فاق يحيى؟
ام وليد : فاق
ياسمين : عم اتصل فيه ما عم يرد طمنيني عنو هو منيح؟
ام وليد : الحمدلله منيح كتير
ياسمين : انا جاية لعندكن هلأ
ام وليد : لا .. قصدي تعالي الضهر
ياسمين : مرت عمو شوفي؟ انتي بعمرك ما حاكيتيني هيك ، يحيى فيه شي ؟ بحلفك بغلاوة يحيى عم تخبي عني شي؟
ام وليد : ياسمين حبيبتي ، يحيى ارتفعت حرارتو بالليل و جبناه على المشفى
ياسمين : شووووو شوووو عم تحكي
ام وليد : طولي بالك يا بنتي يحيى منيح هلأ
ياسمين : سمعيني صوتو
ام وليد : ياسمين بدا تحاكيك
يحيى : صباح الخير حبيبتي
ياسمين : يا عيوني انت شو صرلك
يحيى : لا تخافي يا عمري انا منيح
ياسمين : كيف ما خاف عليك و انت روحي
يحيى : انا منيح كتير هلأ حبيبتي
ياسمين : انا جاية لعندك
يحيى : ناطرك
=============================
يحيى : ياسمين جاية
ام وليد : هالبنت بتموت فيك الله يخليكن لبعض و افرح بعرسكن عن قريب يا رب
يحيى : آمين
____________
#بقلم_فتاة_من_ورق_بسمه_السباعيرضوان : شو لوين طالعة من الصبح؟
ياسمين : يحيى بالمشفى بدي روح اتطمن عليه
رضوان : بدون اذني؟
ياسمين : اخي مشان الله مو وقت جنانك هلأ
رضوان : اذا بتطلعي من البيت بكسر رجلك
ياسمين : رضوان اعصابي تلفانة مو متحملة جنانك هلأ ، انا و يحيى مكتوب كتابنا هو زوجي شرعا و من حقو عليي زورو واتطمن عليه عم قلك بالمشفى
ام رضوان : يا ابني اترك اختك تروح و حاجة مشاكل من الصبح
رضوان : انا قلت ما رح تروح يعني ما رح تروح واذا بتخطي خطوة برات البيت رح هد البيت على رااااااسكن.
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h