الفصل 10
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵ بنفسجية.العينين.tt*
*❴🔢❵☟الـــبـــــــــــ❴🔟والأخير❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#بنفسجية_العينين_الكاتبة_روان_الشبلاق
الجزء العاشر الأخير
ــــــــــــــــــــــــــــــــــــــــــــــــــ
تاني يوم اتصل اوس بـ شهم
شهم. الحمدلله ع السلامه ، شو ايمتى رجعت
وين انت هلأ
اوس. الله يسلمك
ماطلعت من البلد حتى ارجع
اوس. بس شوفك بحكيلك
هلأ لا تسألني عن شي
شهم. طيب وين انت هلأ
اوس. ليش عم تسأل
شهم. نحن كمان شوي رح نطلع ع المزرعه
امك موجوده معنا
وانت تعال وبشوفك هنيك
اوس. تمام رح اجي بس لا تخبر حدا
شهم. مفاجأة يعني ؟
اوس. هيك شي
( راح اوس لعند ايلول وخبرها انو رح يتخدها تشوف آيلا فرحت كتير وتشكرتو )
ــــــــــــــــــــــــــــــــــــــــــــــــــ
طلعو كلياتن ع المزرعه
ليلى كانت كتير مبسوطه انو رح تخلي منال تعترف بكل شي عملتو قدام الكل
اما منال اول مره بتكون ضعيفه وخايفه ومستسلمه
لانو كانت عنجد مصدقه انو السي دي فيه فيديو لألها
واذا مانفذت اللي بدها ياه ليلى وعرف معتز ممكن يأذيها ويخبر اهلها
كيف رح تبرر موقفها وشو رح تحكي قدام شهم والكل
شو رح تكون نظرتو الها
واديش رح تكبر آيلا بعينو لما يعرف انو منال كانت السبب بكل شي
ــــــــــــــــــــــــــــــــــــــــ
ع الطريق بالسياره
ألماس. شهـــــــم بدي اسألك رفيقك مراد متزوج ؟
شهم. لا مو متزوج
ألماس. عم قول لحالي بلكي بتخليه يشوفني عأساس صدفه
مابتعرف بلكي بصير نصيب
( لما سمع هالحكي شهم وقف السياره على طرف الطريق )
ام عمر. لك شبك عصبت لتكون مصدق حكي هاامجنونه
شهم بعصبيه وهو عم يتطلع بألماس. عيدي شو قلتي ماسمعت ؟
ألماس من الخوف عم تقلد حكي امها. شبك عصبت لتكون مصدق حكي هالحلوه
.. مد ايدو لحتى يمسكها لكن تخبت ورى امها ..
نزل مراد من سيارتو ودق على شباك سيارة شهم
لانو شافهم وقفو فجأة خاف انو يكون صاير معهم شي
حكالو شهم انو مو صاير شي
ورجع مراد على سيارتو
ألماس لما شافت مراد . هــــــــــا شايف ، انما الأعمال بالنيات وانما لكل امرىً مانوى
ليكو اجا برجليه لعنا
هي اشارة من رب العالمين انو ممكن يصير نصيب
شهم. يارب دخيــــــــــلك تصبرني قبل ما ابتلي فيها
ــــــــــــــــــــــــــــــــــــــــ
وصلو ع المزرعه تقريباً الكل مع بعض
حاولت منال تعتذر من ليلى لكن ليلى ماقبلت وظلت مصممه انو منال تخبر شهم وآيلا بكل شي عملتو
لحتى ماتفكر مره تانيه تأذيهم او تقرب منهم
ام نورس. شو المناسبه ليش جمعتنا هون بالمزرعه ؟
ابو عبد الرحمن. بعد شوي رح تعرفو
بعد مرور اقل من ساعه
كان ابو عبد الرحمن قاعد بالصاله وكل العيله معو
سمعو صوت سيارة وقفت قدام الفيله اللي بالمزرعه
شهم. انا طالع شوف مين ( كان متوقع اوس )
ابو عبد الرحمن. تعال يا شهــم
هلأ رح يفوت شخص غالي على قلبي
كنت حابب اعمللكم ياها مفاجئه
( دخل عمر ابن ام عمر وكانت صدمه الهم وبنفس الوقت مفاجأه حلوة ومو متوقعينها
عمر لما شاف امو ركض لعندها يبوس ايديها ويضمها
ويبوس راسها كان لقائهم كتير حلو
عمر. ياعمري انتي
يانبض قلبي يا امي
اشتقتــــــــــلك كتير
ام عمر. وانا اشتقتلك يا امي
الله يرضا عليك ياقلبي يا امي
الحمدلله اللي رب العالمين اكرمني بشوفتك
ياحبيب قلبي انت
( سلم عمر على كل الموجودين
وكان كتير مشتاق لنورس وشهم
كان لقائهم مؤثر وفرحو بشوفتو
بعد مرور نص ساعه وصلو اوس وايلول
فتحلها باب السياره ونزلت
مسك ايدها ودخلو ع الفيله
والكل شافو نظرات الحب بعيونهم
سلمت على ابوها غصباً عنها وهي مو طايقه تشوفو
اكتر شي كانت مشتاقه لنورس وآيلا
وكانت مفاجأة حلوة لما شافوهم )
ابو عبد الرحمن. الحمدلله على سلامتكم ومنيح انو اجيتو لحتى تكمل فرحتنا بهالمناسبة الحلوة
ليلى. بعد اذنك جدي
وبهي المناسبة منال حابه تحكيلكم شي وياريت الكل يسمعوها
ابو عبد الرحمن. شو عندك يا منال احكي
منال. بدي تسمعوني بدون ماتقاطعوني
انا غلطت كتير بحياتي وأذيت ناس كتير
بدي اعترف انو نورس بريئ من الشي اللي صار
كانت خطه مني لحتى اتهمو هو وآيلا
ولحتى فرق آيلا عن شهم
اخدت هوية ايلول بدون علمها واشتــ ..
اوس قاطعها. شــــــــــوو يعني انتي
شهم بعصبيه. اوس خليها تكمل
منال. اخدت هوية ايلول بدون علمها واشتريت خط تلفون على اسمها
وخليت رفيقتي تحكي مع شهم
وتخبرو انو آيلا في علاقه بينها وبين اخوها
واقنعتو بهاد الشي مع الأدلة
كنت متوقعه شهم يطلق آيلا لكن ماصار هالشي
رجعت حاولت مره تانيه
وحكيت من تلفون آيلا مع شب بعرفو وبعتلو رسائل حب وغزل على اساس انو آيلا
لكن مع هيك فشلت خطتي
كنت بدفع عمري كلو لحتى ابعد آيلا عن شهم
اوس. لك انتي شــــــــــو
انتي اكيد في بعقلك شي
منال. غلطه وندمانه عليها
ايلول. لك الله لا يوفقك
عم تحكي وبكل وقاحه
ولا كأنك عامله شي
لك نورس بسببك تقلع من البيت وآيلا انظلمت وانا انظلمت
وعشنا ايام صعبه كلو بسببك
لك انتي مافيكي احساسشهم. ليش كان بدك تبعدي آيلا عني
منال. لانو بدي ياك
شهم. هــه وانا اجدب رحت صدقت انو انتي منيحه وغير عن الكل
طيب ولما غميتي كانت خطه ؟
منال. اي
آيلا. لك انتي وحده رخيصه ووقحه
كيف بتقبلي على حالك
تحطي حالك بهيك موقف وترخصي حالك
لك انتي بتعرفي الطريقة اللي طلعت منها من بيت ابي لك انا كنت بتمنى الموت
على الشي اللي شفتو واللي عشتو بسببك
انتي مابتخاف من الله
لو بتخافي من الله ماكنت ظلمتينا بهالطريقه
منال. لك اخرسي اصلاً لهلأ انا مو ندمانه
لأني حبيت شهم وعشقتو وبدي ياه
ومستعده اقتلك يا آيلا لانو اخدتيه مني
ياسر. لك لسا الك عين تحكي اخرسي العما ضربك
فضحتيني وسودتي وجهي الله يسود وجهك
ابو عبد الرحمن. حاجتك تمثيل يا ياسر
هي نتيجة عدم تربايتك
شهم. ليش انتي من وين بتعرفيني حتى تحبيني ؟ انتي اكيد مريضه
ام نورس. الله لا يسامحك لك انا انحرمت من نورس بسببك
طلعتي انتي ورى القصه يابنت الــ ..
ابو عبد الرحمن. وآيلا ما انحرمتي منها يا ام نورس ؟
ام نورس. آيلا الله يغضب عليها
ابو عبد الرحمن. بس انتي مو امها لحتى تغضبي عليها
شهم. شو قصدك
آيلا. جدي ليش عم تقول هيك
ايلول. كيف يعني مو امها
ابو عبد الرحمن. قربي مني يا آيلا
هي البنت بتكون بنتو لـ ابو نورس مزبوط لكن
قبل 21 سنه وبسبب شغلنا بألمانيا
واقامتنا المؤقته هنيك
تزوج ابو نورس من وحده ألمانيه
ولانو جبان من يوم يومو
تزوجها بالسر بدون ماتعرف ام نورس
بالوقت اللي اتزوجها فيه كانت ام نورس حامل بأيلول
والبنت الألمانيه حامل من ابو نورس
لكن بعد فتره قصيره اضطرينا نوقف شغلنا اللي بألمانيا
وبسبب رجعتنا ع البلد وخوفو من ام نورس انو تعرف قرر يطلقها وهي حامل منو
وقبل مايطلقها خبرتو انو مابدها البنت اللي ببطنها وانو رح تتركلو ياها
وهو لأنو جبان رفض ياخد بنتو
لكن انا ماقبلت تنظلم البنت قبل ماتخلق ع الدنيا
هالبنت اللي رح تجي رح تكون بنتنا لمين نتركها ؟
منعتو من انو يطلقها قبل الولاده
وخبرت ام نورس بالموضوع
وقلتلا زوجك تزوج عليكي ومرتو حامل
يا اما رح اعلن زواجو وخلي كل الناس تعرفو انو تزوج عليكي
او انو لما بتخلق البنت بتاخديها وبتربيها مع البنت اللي ببطنك
رفضت رفض تام وجنت
لكن لما شافت انو فعلاً رح خبر الكل بزواج ابو نورس
ورح تنفضح ويحكو الناس عليها انو زوحها تزوج عليها من بنت ألمانيه
ولما خيرتها بين انو تربي البنت مع بنتها ونسكر ع السيره
او تنفضح كل القصه ومع هيك رح احرم ابو نورس من الورثه ورح خليه يشحد مو بس يفلس
ولأنها كانت مصاحبه كل سيدات المجتمع المخملي والطبقة الراقيه خافت تنفضح
انجبرت وانحطت تحت الأمر الواقع
وقبلت انو تربي البنت مع بنتها ايلول
وكان بين ولادة ايلول و ولادة آيلا اسبوع واحد فقط
ولانو بالمصاري كل شي بصير قدرنا انو نسجل آيلا على انو بنت ام نورس
وسكرنا ع القصه
وهاد السبب يا بنتي لمعاملة ام نورس الك معاملة الخدم
لانو بعمرها ماحبتك
ولولا وجودي ودفاعي عنك وخوفها انو احرمها من الورثه
كانت من زمان قلعتك
لاتزعلي مني يابنتي لكن هي الحقيقه
ابوكي مو رجال
لو رجال كان دافع عنك ووقف بوجه كل شخص بحاول يظلمك
لكن هو تركك ووقف مع مرتو
مرتو اللي فرقت بينك وبين اخوتك
وصدقيني يا بنتي لو كانت امك بدا ياكي ماكنت حرمتك منها
ولا بعدتك عنها
لكن هي اللي رفضتك
سامحيني انجبرت اعمل هيك
( الكل كانو عم يسمعو ومصدومين وماحدا فيهن حكا حرف
آيلا قاعده جنب جدها عم تسمع وتبكي
وشهم واقف فوق راسها وماسك ايدها )
آيلا تبكي. لو قلتلي هالحكي من زمان ياجدي
ماكنت انتظرت محبه من امي وماكنت ظليت عايشه على امل انو رح يجي يوم وتحبني وتحس بمحبتي الها
كنت كل يوم اسأل حالي شو السبب بمعاملتها هيك
شو سبب قسوتها علي هي وابي
كنت غار كتير من اخوتي ونحن صغار لما تناديلهم وتلعب معهم وتحضنهم
وانا واقفه بعيد عم شوفهم وابكي
كنت غار لما تشتري العاب للكل وكل واحد فيهم تعطيه لعبتو بأيدو
وانا احكيلها ماما وانا ، ماما وانا
تحكيلي انت ما الك انقلعي من وجهي
لكن رغم هيك لما يشوفني نورس واقفه بعيد وماعم العب معهم
كان يجي يحضني ويعطيني لعبتو
نورس اخي وحبيبي ونور عيوني
ولما اكتر من مره امي تشتري تياب بس لأيلول وماتقبل ايلول تلبسهم وتصير تبكي
بدها امي تشتريلي والبس متلها
حبيبة قلبي وعمري وكل حياتي وتؤامي ايلول
ليلى تبكي. انا ماشفتي مني الا القسوه ومافي ولا ذكرى حلوه بينا
آيلا قربت منها وضمتها. ياعمري انتي
انتي اختي الكبيره الحلوه
انتو كلياتكن اخواتي
وانت ابي وانتي رح تبقي امي
الله يسامحكم على كل شي
هلأ ع الأقل لقيتلك عذر يا امي لحتى مابتحبيني
هلأ مارح لومك ولا اسأل حالي ليش بس انا ..
ايلول. حبيبتي آيلا نحن كلياتنا معك وبنحبك
آيلا. جــدي حبيبي شو ماقلت وشو ماحكيت مابوفيك حقك
كنت الي بصغري الأب والأم والأخوحتى لما انا كبرت ماتخليت عني وزوجتني بأحلى واحن واطيب شب بكل الدنيا
شهم هو كل حياتي انا بدونو مابقدر عيش
الله لا يحرمني منك ياعمري انت
شهم. ولا منك ياقلبي
ألماس. خلص بقى بكيتوني هلأ بينتزع مكياجي واول مره بتشوفوني انسانه طبيعيه ( بتقصد نورس )
وليكو على هالأستقبال اللي استقبلنا فيه عمر
اول شي فضايح
وبعدين اعترافات
ــــــــــــــــــــــــــــــــــــــــــــــــــ
بعد مرور 3 ساعات كل واحد كان قاعد بمكان وساكتين
كل واحد فيهن عم بفكر بالشي اللي صار معو
اوس. ايلول سامحينــــــي
ايلول. بسامحك بشرط
اوس. شو هو الشرط
ايلول. بدي تضمنيــــي ، بتتذكر وقت قلتلي بتمنى ضمك
اوس. ولهلأ بتمنى
ايلول. بحبك يامجنون
ــــــــــــــــــــــــــــــــــــــــــ
شهم. ياقلبي انسي كل شي ولا تفكري بشي
وانسي الماضي وافتحي صفحه جديده
وانا معــك ورح نتخطى كل شي صار ورح تكوني اقوه
آيلا. انا معك وبوجودك بكون قويه
بغيابك بضعف
لا تبعد عني خليك دائماً معي
قرب منها وضمها وقاللها. انا معك ياقلبي
ألماس. الله ع الحب ، وانا كمان معكن
شهم. بس اذا بيوم من الأيام متت بالجلطه وتركتك اعرفي انو هي البنت هي السبب
آيلا. لا تحكي هيك بعيد الشر عن قلبك
والله ألماس مافي منها ههههههه
ألماس. والله مرتك احسن منك
شهم. كان في خبر حلو بدي خبرك ياه بس اذا هيك صار الحكي بطلت
ألماس. خلص احكي والله انت مافي منك غالي علي
واغلى من عمر كمان
شهم. ههههههههه اسمعي لكن
هلأ من شوي شخصين طلبو ايدك من جدي وعمر
ألماس. شــــــــــوو يعني رح اتزوج
مين هن
وكيف بدي اتزوج من واحد واترك التاني بكلي زعل
شهم. شو رأيك تتزوجي لتنين يعني ؟
ألماس. مابصير صح ؟
شهم. لك انقلعي من وجهي
ألماس. هلأ بروح بس احكلي مين هن اللي طلبوني
شهم. مــراد و نورس
ألماس. والله حرام اذا اخترت واحد بيزعل التاني
شهم. استغفر الله ، ياربي صبرني
لك هي اخوكي عمر اجا روحي لعندو حلي عني وبطلت مابقى بدي محبتك
آيلا. هههههههههه
ألماس. خلص رح اختار نورس ع الأقل هاد شافني بأبشع صوره ومع هيك طلبني
بس والله حرام مراد كمان شكلو حبني لما شافني اليوم
شو رح يصير فيه
المشكله مابحب اكسر بخاطر حدا
شهم بعصبيه. ألمــــــــــاس
ألماس. اي خلص رايحه
.. ( النهاية ) ...
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```