بنفسجيه العينين - الفصل 9 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵ بنفسجية.العينين.tt* *❴🔢❵☟الـــبـــــــــــ❴9️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #بنفسجية_العينين_الكاتبة_روان_الشبلاق الجزء التاسع قربت وقعدت جنبو ومسكت ايدو. شهم شبك ليش كل هالعصبيه سحب ايدو وبعد عنها والشك دخل لقلبو لكن قبل بمره ظلمها ومابدو يظلمها هي المره كمان ورح يعطيها فرصه تدافع عن حالها شهم. مع مين كنتي عم تحكي وليش موبايلك كان مشغول كل الوقت ؟ آيلا بأستغراب. ماحكيت مع حدا واصلاً مامسكت موبايلي الا لما انت اتصلت شهم. متأكده ؟ آيلا. اي متأكده وليش عم تحكي كأنك مو مصدقني شهم. مصدقك ، طيب ماشفتي الرسالة اللي بعتلك ياها ؟ آيلا. لا ماشفتها عم قلك مامسكت الموبايل شهم. بس بين عندي انو الرساله مفتوحه معناها شفتيها آيلا. لك والله ماشفتها وشو قصه هي الرساله شهم. اليوم الف مره اتصل عليكي وموبايلك مشغول ولما اتصلت ع البيت وسألتك ليش موبايلك مشغول طنشتي وماجاوبتي مع مين كنتي تحكي كل الوقت ؟ آيلا. شهم بشو احلفلك انو ماحكيت مع حدا شهم. وهاد الرقم لمين ؟ وهي الرسائل ؟ بتعرفي تقرأي ولا اقرألك ياهم ( قرأت الرسائل والدموع بعيونها ) آيلا. شـــهم اقسم بالله العظيم انا مابعرف مين اللي بعت الرسائل ولا مين صاحب الرقم ومستعده احلفلك ع القرءان انو مابعرف شي ( شهم كان مصدقها وبيعرف انو مستحيل آيلا تخونو لكن بدو يعرف مين اللي لعب هاللعبه ) شهم. طيب ماشفتي حدا مسك تلفونك آيلا. لا ابداً شهم. طيب مين بتتوقعي انو اخدو بدون علمك وبعت هالرسائل آيلا. مابعرف مابقدر اظلم حدا شهم. طيب مين دخل على غرفتنا اليوم آيلا. شو دخل الغرفه اذا الموبايل كان تحت شهم. لا مجرد سؤال عادي آيلا. ماحدا طلع الا انا وليلى شهم. ايمتى آيلا. قبل ماتوصل انت بعشر دقائق شهم. شو كنتو عم تعملو آيلا. شهم لشو كل هالأسئلة شهم. مافي شي بس خايف عليكي آيلا. لك ليلى كانت تعبانه شوي وانا حاولت هديها شهم. ومنال طلعت معكم ؟ آيلا. لا حتى انا تركت ليلى بالغرفه ونزلت لعندا حتى ماتزعل شهم. في شب كان واقف تحت البيت وعم يتطلع على شباك غرفتنا ولما شافني هرب وانا لمحت شخص بغرفتنا واقف ع الشباك ، مراد عم يدقلي اكيد وصل خلص سكري ع القصه هلأ ( شهم تأكد انو هي ليلى بس مابيعرف اذا هي بدها تأذي اختها او هي لقت فرصه ببيتو لحتى تلتقي بشب بتعرفو وليش عم تحكي معو من موبايل آيلا وكيف آيلا ماشافتها وهي عم تحكي معو لانو المكالمات طويله ومعقول ليلى تكون هي الي من البداية كان بدها تأذي آيلا ونورس وانا ظلمت ايلول وتوقعت تكون هي كيف بدي اعرف الحقيقه انا لازم اتأكد اذا هالشب ليلى بتعرفو او كان بدا تتهم آيلا مابقى بدي اظلم حدا نزل شهم لعند مراد وآيلا دخلت لعند البنات وهي مبتسمه ولا كأنو صار شي وقعدت معهن بكل ثقه ) منال. لك صرلك ساعه وين اختفيتي ؟ آيلا. هههههه احمدي ربك انو اجا مراد والا ماكنتو شفتوني ليلى. الله يسعدكم ويهنيكم ويبعد عنكم كل شر آيلا بنظرات عتب. امين الله يسعدك ( بعد ساعتين طلعو منال وليلى بدهم يروحو لكن آيلا طلبت من ليلى تبقى لانو بدها تحكي معها بشي مهم منال انقهرت وخافت ليلى تكشف القصه وليلى خافت انو آيلا تكون عرفت بشي راحت منال وليلى دخلت مع آيلا ) ليلى كانت بحاله مابيعلم فيها غير الله ضميرها عم يعذبها لانو عم تأذي اختها وبنفس الوقت بتخاف من منال آيلا كانت مجهزه حكي تقولو لـ ليلى بس لما شافتها كيف خايفه نسيت كل حكي العتب الي كانت مجهزيتو صح هن بعمرهم ماكانو متل كل الأخوات لكن مهما كان بتظل ليلى اختها وخصوصاً اليوم آيلا حست انو في شي متغير بـ ليلى آيلا. مالقيتي الا بيتي يا ليلى توعدي الشب فيه .. تلبكت ليلى واستغربت لانو آيلا شكلا ماعرفت الحقيقه بس هيك الموضوع اهون من انو تعرف انو كانت اختها رح تأذيها .. ليلى. بس انــ .. انـــــا آيلا. لا تنكري لانو شهم شافك من شباك غرفتي ليلى. يعني شهم عرف انو هي انا ؟ آيلا. اي عرف وحتى لو شهم ابن عمك وزوج اختك كان اهون علي الموت ولا انو ينظر لأختي على انها مو مربيه او يشك لحظه فيها ( ليلى تأثرت كتير بحكي آيلا اللي اصغر منها كرهت حالها وكرهت منال ومع الأسف اكتشفت بوقت متأخر انو عندها اخت بتتقل بالدهب قربت من آيلا وضمتها وطلبت منها انو تسامحها ) آيلا. مسامحتك ياعمري بس اوعديني انو تكون هي اخر مره واوعديني انو ماتقطعتي صلاتك لانو كنت كتير انقهر عليكي وقت شوفك مابتصلي فرض او بتصلي وبتقطعي ليلى. بوعدك مابقى اترك ولا فرض بس انتي ادعيلي ( طلعت ليلى من عند اختها وهي انسانه تانيه وكانت رح تبدء حياه جديده وتبعد عن منال وسندس وترجع تلتزم بصلاتها وتقرب من رب العالمين اما ايلا فرحت كتير بالتغيير اللي شافتو من اختها واول مره بتحس انو اختها قريبه منها وضمتها وحست بمحبتها فعلاً كأي اخت لكن كان مشغول بالها على ايلول لانو من لما سافرت ماحدا سمع صوتها ) ــــــــــــــــــــــــــــــــــــــــــــــــــ في بيت اوساوس. يلا فوتي اعملي الغدى ايلول. اي تعال معي اوس. ليش بدي اجي معك ايلول. ساعدني يعني ليش .. دخل اوس معها ع المطبخ .. اوس. اي شو رح تعمليلنا اكل ايلول. بدي اقلي بيض وفي لبنة وفــ.. اوس. انا قلتلك غدى مو فطور ايلول. اي هاد شو لكن هاد هو الغدى وبعدين مين قلك انو انا بعرف اطبخ هديك اختي آيلا اللي بتعرف تطبخ اوس. بس ماهيك كان اتفاقنا انتي ضحكتي علي ايلول. صحلك تدلل بتعرف انو بـ بيت ابي ماكنت بعرف طريق المطبخ حتى لو كان بدي اتعلم او اشتغل امي ماكنت تسمحلي بس كانت تجبر آيلا ع كل شي اوس. بكل موضوع عم نحكي فيه عم تذكري اسم آيلا لهالدرجة ماعم بتروح من بالك ايلول. يمكن لانو كتير اشتقتلها اوس. كيف كانت علاقتك فيها ايلول. آيلا اختي وحبيبة قلبي صح شخصيتي مختلفه عن شخصيتها تماماً تفكيري غير عن تفكيرها هواياتنا بتختلف هي مسالمه جداً وانا مابسكت ع الغلط او ع الظلم هي بتقتنع فوراً وبتسامح فوراً وبترضى بأي شي وانا مابيعجبني اي شي مختلفين عن بعض كتيــــر لكن كانت كتير قريبه مني كتير غاليه على قلبي ماشفت بطيبه قلبها وحنيتها اوس. ليش دمعو عيونك ايلول. كتيــر اشتقتـها اوس. هلأ بخليكي تحكي معها ع النت بس مابتخبريها انو نحن بالبلد ايلول. لا بوعدك اوس. احترق البيض وانتي عم تحكي لو بعرف هيك كان طلبت اكل جاهز وماعذتك ايلول بمسخره. عذابك راحه ، وهلأ بتسمحلي احكي مع اختي ؟ اوس. تكرم عينك ايلول. الله يكرمك ، بس هاد الكرم المفاجئ الو علاقه بالهدنة ؟ اوس. هههههه اكيد الو علاقه وبس يخلص الأسبوع بورجيكي الوجه التاني الحق علي لانو بعمل منيح معك ايلول. دخيلو الحنون والمتواضع شايف ما احلاك هيك هههههه اوس. لك ولعيه ، خدي هي التلفون روحي احكي معا بالغرفه ايلول. وانت مابدك تكون موجود ؟ اوس. لا خدي راحتك بالحكي بس اوعديني مايعرفو انو نحن بالبلد ايلول. اكيد بوعدك ( اخدت تلفون اوس واتصلت على آيلا على الواتس اب وبعد ماسلمت عليها واتطمنت عنها ) آيلا. انا عرفت انو ابي جبرك على اوس وكتير خايفه عليكي ايلول. آبلا ياعمري لا ينشغل بالك صدقيني اوس شخص كتير منيح انا مابنكر اول فتره كانت حياتنا كلا مشاكل وانا ماكنت رافضه اوس انا كنت رافضه الطريقة اللي باعني فيها ابوكي انجبرت على طريقه زواج ماكنت بحياتي اتخيلها لكن هلأ مابندم على شي لانو بسبب الشي اللي صار اكتشفت انو ماعندي اب يحميني او يدافع عني ، ماعندي سند وصدقيني اوس بستاهل اعطيه فرصه متل ما انتي اعطيتي شهم فرصه وانا لو ماشفت بأوس شخص طيب وحنون ومابيعرف يكره ماكنت بقيت معو واخترت الحياه معو كنت حاولت اتركو بأي طريقه لكن انا هلأ متمسكه فيه ومستحيل اتخلى عنو آيلا. كتير ريحتيني بهاد الحكي الله بيعلم اديش كنت عم فكر فيكي وهكلانه همك وانا واثقه انو اوس شخص منيح لانو شهم حكالي عنو كتير وشهم بيعرف يختار اصدقائو كتير منيح بس خبريني ايمتى رح ترجعو ع البلد لانو كتير اشتقتلك ايلول. مابعرف لسا اوس ماقرر آيلا. طيب يا قلبي ظلي عم اتطنيني عنك ايلول. ان شاء الله ــــــــــــــــــــــــــــــــــــــــــــــــــــ بعد مرور ساعة في بيت ابو نورس وصلت ليلى ع البيت واتصلت فيها منال لحتى تعرف شو كان بدها تحكي معها آيلا فتحت الخط ليلى وردت عليها منال. ساعة لحتى تردي ليلى. شو بدك منال. طمنيني نجحت خطتنا ؟ رح يطلقها شهم ليلى. لا خطتك فاشله وكل مره بتخططي لشي رح يفشل ومهما حاولتي تخربي بيت آيلا بالنهايه رح يظهر الحق اقتنعي بقى انو مو كل شي بدك ياه بصير ومو بسهوله بتقدري تفرقي بين تنين بحبو بعض وبيعرفو بعض كتير منيح وخططك صارت قديمه وفاشله وبحب طمنك انو شهم مابشك بآيلا لو للحظه وحتى ماصار مشكله بينهم كل اللي صار انو شهم عرف انا اللي وقفت ع الشباك وفكر انا مواعدتو للشب وانا اللي حكيت معو وبعتت رسائل من تلفون آيلا منال. مستحيــــــــــل لهالدرجه غبي ؟ وانتي شو عم بسمع نغمه جديده منك ليلى. منال هاد اخر اتصال رح يكون بيني وبينك انا بس حكيت معك لحتى خبرك انو لا تحاولي تبعديهم عن بعض شهم بحب آيلا ومستحيل يتركها او يتخلى عنها وانا حابه بلش حياه جديده ونظيفه وبدي قرب من رب العالمين واترك كل شي حرام كنت اعملو ومابقى بدي اظلم حدا وندمانه على كل لحظه مشيت معك فيها اصلاً انا كنت غبيه كيف كرهت اختي البنت الطيوبه والي بتخاف من الله ولحقتك انتي اللي كل اعمالك وكل حياتك شر ياريت يامنال مابقى تتصلي فيني وتنسي شهم ولا تحاولي تهدديني بالشي اللي بتعرفيه عني لانو انا كمان بعرف كل بلاويكي وقصصك وانا ماكنت اغلط متل غلطك يعني الشي الي بتعرفيه عني ولا شي بالنسبه للشي الي بعرفو عنك ورح تقوليلي امير مابقى يتزوجك ومارح يقبل فيكي بحب قلك انو انا هلأ رح طالع امير من بالي واذا الله كاتبلي نصيب رح اخدو ورضيانه بأي شي بيكتبلي ياه رب العالمين وهلأ انا رح سكر بــاي( سكرت ليلى المكالمه ومنال جنت وماظل فيها عقل كيف ليلى اللي كانت ماشيه متل مابدها كيف هلأ تغيرت وتحولت لشخص تاني ومو خايفه من شي كيف طلعت عن سيطرتها هلأ شو رح تعمل منال كيف بدا تكمل خططها بدون ليلى مارح تتخلى عن شهم وزاد حقدها اكتر من الأول لكن هلأ هدفها ترجع ليلى تحت جناحها ) ـــــــــــــــــــــــــــــــــــــــــــــــــــــــ الساعة 11 في بيت اوس ايلول عرفت انو اوس عندو فوبيا من الظلام تركتو حتى دخل ع الحمام وكان زر ضو الحمام برات الحمام حطت ايد ع الكبسة وبأيدا التانيه فيها عصايه ضربت العصايه بقوه على باب الحمام وبالأيد التانيه فوراً طفت الضو سمعت صوت صرخه اوس وهو جوات الحمام فكر صار في انفجار وطلع عم يركض ومنظرو بضحك وهي غميت من الضحك على صوتو لما طلع وشافها واقعه بالأرض وغميانه من الضحك صار يتحلف ويتوعد لكن هيهات ماعم تسمعو هي بعالم تاني .. بعد مرور نص ساعه .. ايلول. لك اوس ليش ماعم تحكي معي لساتك زعلان يعني ؟ اوس. انا بدي روح نام لانو انتي مابتنعطي وجه ايلول. ههههههه لك والله حبيت امزح معك اوس. تضربي انتي وهالمزح ايلول. بس كان منظرك بموت من الضحك وانت طالع من الحمام ههههههههه اوس بعصبيه. ايــــــــــلول ايلول. هههههه خلص رايحه اعملك فنجان قهوه كرمال ترضى بس انا لحد الأن مابعرف كيف بتشرب قهوتك ؟ اوس. مشان تعرفي انك مقصره بحق زوجك ايلول. ليــك شايفه عجبتك قصة الزوج والزوجه هههههه عاملي فيها ابو عنتر وبدك زوجه مطيعه وماتقصر بحقك لسا مبارح ماكنت بتطيقني اوس. مجبور سايرك اسبوع ايلول. كذاب قول عجبتك القصه اوس. ههههههه انقلعي اعملي قهوه ـــــــــــــــــــــــــــــــــــــــــــــــــ بعد مرور 3 ايام اوس تعلق بأيلول وغير نظرتو الها تماماً صار يشوف صفاتها الحلوه وروحها المرحه والطيبه والحنيه الي فيها عاش هالكم يوم بعالم تاني ونسي تماماً قصة آيلا وشهم كل الوقت هو وايلول ضحك ومزح ومجاكره حتى ايلول نسيت الي عملو فيها اوس ونسيت معاملتو كأنها عايشه من شخص تاني مختلف تماماً شخص رايق وبحب المزح بحب الحياه مابيرفضلها طلب كريم وحنون وكل الصفات الحلوه فيه كانت تتمنى لو ماينتهي الأسبوع خايفه يرجع اوس العصبي المجنون اوس الي مابطيقها وبيكرها وبعاملها بقسوه اوس الي حاقد عليها بدون سبب ــــــــــــــــــــــــــــــــــــــــــــــــ في بيت شهم ابو عبد الرحمن. بكره لا تطلع ع الشركه شهم. ليش في شي ؟ ابو عبد الرحمن. اي لانو عزمت كل العيله ع المزرعه وانت اعزم مراد شهم. بس ماصرلنا فتره رايحين ع المزرعه شو السبب عزمت الكل لهنيك ؟ ابو عبد الرحمن. مفاجئه بكره بتعرف شهم. وافقو يروحو اعمامي ؟ ابو عبد الرحمن. انا بس احكي ممنوع حدا يعترض ــــــــــــــــــــــــــــــــــــــــــــــــ في بيت ابو نورس اجت منال لعند ليلى لانو ليلى خلال ال 3 ايام ماكانت ترد على اتصالات منال ابداً ام نورس. هلا منال لك زمان القمر ما بان منال. انتي القمر ام نورس. اكيد جايه لعند ليلى هي بغرفتا اطلعي لعندا ( طلعت منال على غرفة ليلى ودخلت لعندا انصدمت ليلى لما شافتها وخافت ) ليلى. ليش اجيتي منال. هلأ كنت رايحه لعند سندس قلت بجي باخدك لقينا طريقه انا وسندس رح تخلي شهم مو بس يطلق آيلا يمكن يقتلها هالمره مستحيل تقدر تطلع من القصه واذا ما قتلها شهم ابوكي رح يقتلها مستحيل يتركوها عايشه ليلى. انا مو قلتلك لا بقى تدخليني بقصصك واطلعي من حياتي وابعدي عن شهم وآيلا منال. لك بس انا فكرتك عم تمزحي ع التلفون ليلى. شو خطتك هالمره ؟ اكيد مجهزه شي تعمليه بكرا بالمزرعه منال. هون مابقدر احكيلك لانو اذا حدا بيسمعنا بيقتلونا كلياتنا قومي البسي وروحي معي لعند سندس وهنيك بتعرفي ليلى. مابدي روح معك اطلعي من حياتي عم قلك منال. تسطفلي انا رايحه لعند سندس لحتى نتفق ونبلش بالخطه ، يلا باي ليلى. استني رح البس وروح معك اصلاً مليت من القعده بالبيت منال. تمام ناطرتك ( ليلى بدها تروح مع منال لحتى تكشف شو هي خطتها ولحتى بس تعرف تخبر آيلا وحتى لو آيلا عرفت كل شي عملتو ليلى وزعلت منها مابقى يهمها المهم انو تنقذ اختها من شر منال اما منال ماكان في ببالها لا خطه ولا شي كل اللي بدا ياه انو تاخد ليلى معها لانو مجهزة مصيبه لـ ليلى بمساعدة سندس لحتى ترجع تحت جناحا وترجع تسيطر عليها ) طلعت ليلى بسياة منال واخدتا منال على بيت اعطتا سندس عنوانو وعلى اساس انو بيت سندس واتفقو انو يلتقو هنيك طبعاً ليلى مابتعرف بيت سندس لانو كانت دائناً تلتقي فيها عند منال لكن كانت بتعرف انو سندس عايشة لحالها لانو ابوها وامها منفصلين وكل واحد عايش حياتو نزلو من السياره وشافت ليلى البيت كان تقريباً فيله صغيره وحلوه فتحت سندس الباب ودخلتهم واول مادخلو سندس. اشلحو عباياتكم لحتى تاخدو راحتكن مافي حدا بالبيت غير انا ليلى. لا شكراً انا مرتاحه( شلحت منال عبايتها ودخلتهم سندس ع الصاله وقفلت الباب ) دخلو وانصدمت ليلى من الي شافتو كان موجود بالصاله اربع شباب وقفت دقيقه وهي عم تحاول تستوعب الي عم تشوفو وبعدها صرخت بأعلى صوت ليلى تصرخ. الله لا يسامحكن راحت تركض ع الباب لكن منال مسكتها من ايدها وحاولت تهديها منال. اهدي ناويه تفضحينا تعالي خلينا نقعد لحتى نلاقي حل ونطلع من هون ولا نسيتي انها قفلت الباب ليلى. بعدي عني اتركيني يامجنونه بدك ياني اقعد هون بين هدول الشباب ( عم تصرخ وتحاول تفتح الباب وتضرب عليه بجنون ) ليلى. افتحووو البــــــــــاب خليهــــــم يفتحوه طالعوني من هون منال. لك اهدي شو صرلك يامجنونه هلأ اذا حدا سمعك عم تصرخي وشك بشي واشتكا علينا بتفكري انو مارح تنفضحي وقتا كيف رح تبرري وجودنا بالبيب بين اربع شباب شو رح تحكي لأهلك انا متلك انخدعت وماكنت بعرف سندس هيك رح تعمل فينا لكن مو بالصراخ والعياط بنقدر نحل القصه تعالي خلينا نقعد وبوعدك انو طلعك من هون ( قرب منهم واحد من الشباب ولما شافتو ليلى تخبت ورى منال ) رامز. بدك تفوتي تقعدي ولا قعدك غصباً عنك وبطريقتي ليلى تبكي. منال الله يخليكي خليه يبعد عني منال بنعومه. خلص انت روح ونحن هلأ بنجي قرب من منال وباسها من خدها منال. دخيــــــــــلو انا ليلى. طالعيني من هون بسرعه منال. بأسلوبك هاد مارح نطلع من هون لازم نسايرهم شوي لحتى نقدر نطلع ليلى. انا رح ابقى هون وانتي روحي جيبي المفتاح منال. اي لانو فوراً رح يعطوني المفتاح ماشفتيه كيف اجا بدو يفوتك غصباً عنك دخلو وكانت ليلى عم ترجف من الخوف وماسكه بأيدين منال اما منال دخلت وهي عم تتغنج وتتمايل وقعدت جنب سندس ع الكنبايه وبجنبهم واحد من الشباب ليلى ظلت واقفه لانها خايفه تبعد عن منال رامز. ليش هي لساتا واقفه ؟ ( وهو عم يأشر ع الكنبه لتجي تقعد جنبو ) لكن ليلى خافت وراحت قعدت ع كنبه مفرده لوحدها وعم تدعي انو الله يحفظعا وعم تقرء آية الكرسي ــــــــــــــــــــــــــــــــــــــــــــــــــ منال. الله ياخدك على هالخطه انا قلتلك بدي خطه نرجع ليلى تحت سيطرتنا مو هيك رح تضيعينا كلياتنا سندس. لا تخافي عمار الي قاعد جنبي بكون حبيبي وهدول لتنين اصحابو رامز وغسان اما هداك معتز صاحب هاد البيت واول مره انا بشوفو وبوعدك ليلى تطلع من هون متل الخاتم بأصبعك سندس عرفت منال على الشباب ولفت انتباهها معتز صاحب البيت كان شب حلو ومبين مختلف عن الشباب الموجودين منال. تشرفت بمعرفتك معتز معتز. اهلاً جنت منال لما معتز ما اعطاها وجه ورد عليها بدون نفس غسان. تشرفنا يا منال منال وهي تتطلع بمعتز. الشرف الي ( ليلى كانت غرقانه بدموعها وعم ترجف من الخوف لما شافتهم طالعو المشروب وصارو يشربو وعم تردد اية الكرسي وماوقفت لحظه وحده ) سندس ماكان عندها خطوط حمرا عم تشاركهم بالشرب اما منال بالأول مارضيت تشرب لكن سندس شجعتها وخلتا تشرب اول كاس والتاني .. معتز كان متل ليلى ماعم بشاركهم لا الحديث ولا الشرب ولا حتى الرقص بعد مرور ساعه على نفس الحال رقص واغاني وشرب طلعت سندس مع حبيبها عمار على الغرفه اما منال ظلت عم ترقص مع رامز وغسان وكانت عيونها على معتز ورح تجن ليش ماعم يعبرها ولا حتى عم يتطلع فيها طلعت منال مع رامز على الغرفه وليلى كانت عم تصرخ وتحاول تناديلها لكن من صوت الأغاني ماسمعتها ولو سمعتها كانت رح تطنش قرب غسان من ليلى وهي هربت ووقفت بزاوية الغرفه وعم تصرخ غسان. ماحدا رح يسمعك لا اتعبي حالك وتعالي معي دفشتو من قدامها بكل قوتها وراحت ركضت لعند معتز قربت منو وتمسكت برجلــيه وبصوت بقطــع القلــــــب. ابوس رجلك استــر علي وارحم ضعفــي دفشها برجلو بكل قوه بقسوه واحتقــــــار وحكالها مو انتي جايه لهون برجليكي اتحمــلي اللي رح يصيــر فيكــي قربت من رجليـــه مره تانيـــه وتمســـكت فيه بكل قوه وعم تتوســـل لحتى يطالعها من هاد المكان لأنها تأمــلت فيــــــه بعد الله لانو شافتو ماعم يشرب ولا شاركهم بشي قرب منها غسان وقبل مايمد ايدو عليها وقفو معتز معتز. اتركــــــها غسان. مستحيل اتركها تطلع خطوه من هون قبل مـــ .. قاطعو معتز وقلو. بعد ما اخــد انا اللي بدي ياه منهـا وقتا اعمـل شو مابــــــدك صرخت بأعلى صوت. لااااااا ( للحظه وحده حست بالأمل لما معتز طلب من غسان يتركها لكن بعد جملتو الأخيره صرخت بأعلى صوت لاااااااا حاولت تقوم وتهرب وتضرب بالأبواب والشبابيك على امل انو حدا يسمعها ويساعدها لكن هيهات ) ماوقفت دعاء ولا لحظه وهي عم تقول يارب تحميني منهم سحبها معتز ع الغرفه وقفل الباب حست انو حياتها انتهت وانو الموت ارحم الها ما استسلمت ورجعت تبوس ايديه وتترجاه حتى صوتها ماعد طلع من الخوف وعلى قد مابكيت وصرخت ليلى. ابوس ايدك استر علي انا والله مو متل هدوك البنات معتز. لو مانك متلهن ماكنت اجيتي معهنليلى. اقسم بالله اجيت مع بنت عمي على اساس على بيت رفيقتها والله العظيم مابعرف انو هيك رح يعملو فيني معتز. وبما انك بتعرفي بنت عمك انو بنت مو نظيفه ليش لحتى تمشي معها ليلى تبكي. ماكنت بعرفا هيك هي بدا تدمرلي حياتي بس لانو رفضت امشي معها ووافقها على انو تخرب بيت اختي الله يخليك استر علي واحميني منهم والله انا ما لجأت الك وطلبت مساعدتك الا لانو شفتك غير عنهم ابوس ايدك اعتبرني اختك واذا بترضا هالشي ع اختك بترضاه علي معتز. اسف ياحلوه لكن اختي مابتجي على هيك اماكن ــــــــــــــــــــــــــــــــــــــــــــــــــ بعد مرور نصف ساعه منال وسندس بالمطبخ منال. الله ياخدك كل الي صار فيني بسببك سندس. انا كنت متفقة مع عمار على انو مايقربو منك بس من ليلى بس انتي رحتي مع رامز برضاكي منال. بسبب السم الي شربتيني ياه سندس. لك انا اعطيتك وانتي مارفضتي ماحدا جبرك على شي هي ليلى جبرناها تقعد غصبا عنها ومع هيك مارضيت تفوت الا وهي لابسه عبايتها وحاولنا نشربها وماقدرنا لانو هي بداخلها رافضه اما انتي لو مانك حابه ماكنتي شربتي وماكان صار اللي صار ( منال ماقدرت تكذب سندس لانو هي الحقيقه ) سندس. وبعدين ليش مكبره القصه وهي بتنحل بعمليه صغيره اذا بتحبي بكرا بحجزلك عند دكتوره بعرفها منال. لا بكرا بدنا نطلع ع المزرعه بعد بكرا بتواصل معك وبنشوف سندس. تمام ياروحي انا هلأ لازم روح وانتي خدي بنت عمك المجنونه وروحو ــــــــــــــــــــــــــــــــــــــــــــــــــ طلع معتز من عند ليلى ودخلت لعندها منال وشافتها عم تبكي وحاولت تهديها منال. اهدي بوعدك كل شي بيتصلح ليلى. شو اللي بيتصلح لك حياتي انتهت انا خسرت كل شي عم تفهمي منال. خلص ليلى شبك كلا عمليه بتعمليها احسن ماتنفضحي وبترجعي متل الأول ليلى. ليش وانتي مو هامك اذا انفضحتي ؟ منال. انا ماصار معي شي ليلى. كيف ماصار معك شي وانا شفتك طلعتي مع واحد من الكلاب ع الغرفه منال. اي صح طلعت معو لاني بعرف لو ماطلعت كان رح يعمل اللي بدو ياه غصباً عني لكن انا سايرتو وضحكت عليه بكلمتين حلوين واقنعتو انو انا هلأ مابقدر وعدتو شوفو مره تانيه ليلى. ياربي شو هالظلم انا اللي دافعت عن حالي يصير فيني هيك وانتي اللي ضحكتي وشربتي ورقصتي معهم مايصير فيكي شي منال. خلص ليلى اهدي وامسحي دموعك نحنى لازم نطلع من هون ولا ناسيه انو بكرا عنا طلعه ع المزرعه ( طلعو ليلى ومنال من الغرفه ونزلو ع الصاله ماكان موجود حدا الا معتز وقبل مايطلعو من البيت ) معتز. وقفــــــــــو عندكن ــــــــــــــــــــــــــــــــــــــــ قبل نص ساعه في غرفة معتز معتز. احكيلي شو اللي جابك لهون وبدون كذب ليلى. والله اجيت لحتى اعرف شو خطة منال لانها بدها تأذي اختي حكتلي هاد بيت رفيقتها وانو عايشه لوحدها بالبيت معتز. كيف بدها تأذي اختك ؟ احكيلي كل شي ليلى. صرلا فتره عم تحاول تطلق اختي من زوجها وعم تخطط وتتهمها بشرفها وكل مره بتفشل خطتها وكل هالشي لانو بدها زوج اختي يتزوجها معتز. وانتي كيف عرفتي وشو كان دورك ؟ ليلى. منال بنت عمي وكمان رفيقتي بالجامعه وكل الوقت كانت تقنعني انو اختي بتكرهني وانو هي احلى مني كانت تجبرني ساعدها لحتى أئذي اختي وانا كنت خاف منها ومن كم يوم عملت خطه وكانت رح تخربلا بيتها لكن الحمدلله خطتها فشلت وانا عاهدت رب العالمين انو ما امشي معها ولا قرب منها ولا رد عليها وهي جنت بس عرفت هالشي واليوم خبرتني لحتى اجي معها لعند رفيقتها لانو خططو لقصه جديده وممكن بسببها ابي يقتل اختي او زوجها يقتلها لما سمعت هالحكي خفت كتير وسايرتها واجيت معها لحتى اعرف على شو ناويين ولحتى خبر اختي واكشف الحقيقه قدامها واحكي كل شي صار من البدايه لأختي لكن ماتوقعت انو هي كذبه من منال لحتى تأذيني وترجع تتحكم فيني كل الي عم يصير انا والله مابعرف فيه وما الي ذنب هي بدا تأذي اختي عن طريقي انا وكانت عم تجبرني ع الغلط لكن والله انا مو هيك ولا بعمري كنت هيك بترجاك تساعدني وتوقف معي معتز. طيب اسمعيني منيح وركزي معي انا لو ماشفتك انو مختلفه عنهم مستحيل كنت ساعدك اللي عجبني فيكي انو ظليتي عم تدافعي عن حالك لأخر لحظه وماوقفتي ذكر الله ولا لحظه كانت عيوني عليكي من البدايه وكنت رح ساعدك بدون ماتطلبي لكن كنت عم شوف اذا رح تمشي معهن بالنهاية او لا وهلأ بعد ماعرفت قصتك مستحيل اسمح انو حدا يقرب عليكي وانا من اول نظره عرفت انو بنت عمك مو نظيفه ولما شفتك عرفت في لعبه عم تصير انا اليوم راجع من السفر ولسا ما ارتحت واللي عم يصير بهاد البيت ماكنت بعرف فيه الشب اللي اسمو غسان وكان رح يقرب عليكي هاد ابن خالي طلب مني مفاتيح البيت قبل ماسافر وحكالي انو بيتهم بعيد عن شغلو مشان هيك وافقت لما وصلت ع البيت وشفت الشباب حكالي انو رفقاتو كنت بدي اطلع ارتاح بغرفتي لكن حكالي خليك محضرلك مفاجأهوالي شفتيه اليوم انا متلك عم شوفو لأول مره ومصدوم المشروب والرقص والأغاني ببيتي ولما شفت دخلو البنات ماكان عندي علم وكنت رح قوم قلعو هو وياهم لكن لما شفتك لفت نظري خوفك ومحاولتك لحتى تطلعي من هون واتحملت الشي اللي صار قدامي كرمالك قلت اذا هي البنت نظيفه حرام يضيعو مستقبلها واذا قلعتهم هلأ رح ياخدوكي على مكان تاني مشان هيك سكتت واتحملت ولما كنتي تطلبي مني المساعده وتحكيلي اعتبرني اختك تخيلت اختي بهاد الموقف وماقدرت اتركك لكن اللي بدي قلك عليه هلأ بتركزي فيه منيح هلأ بس اطلع انا رح اطلب من الشباب يروحو وبس تفوت لعندك بنت عمك بتلوميها وبتعاتبيها وعلى اساس صار اللي صار بينا وبتشوفي ردت فعلها وعلى شو ناويتلك ليلى. بس هيك بتفضحني ومستحيل ترجع تصدق انو ماصار شي معتز. لسا ماخلصت كلامي بتخبريها متل ماقلتل وانا عندي كميرات بالبيت بكل الغرف لكن مو شغالين رح نستغل هاد الشي ورح جبلك شريط سي دي فاضي وبقلك قدامها انو كل شي صار بهاد البيت مصور هون بهاد السي دي وليكا الكميرات قدامكن بعطيكي السي دي وانتي اتركيه معك لحتى ماتظل عم تهددك وتجبرك ع الغلط وبتقدري تجبريها انو تعترف لأختك بكل شي عملتو فبها لحتى ماتظل لاحقتا وتخربلا بيتها ليلى. وبلكي عرفت انو السي دي فاضي معتز. كيف بدا تعرف ليلى. خايفه تاخدو مني ونحن ع الطريق معتز. انا بوصلك على بيت اهلك ليلى. كيف بدي اتشكرك على كل شي معتز. بكفي انو تبعدي عن هالشيطانة ولا تمشي بطريق الغلط ليلى. مارح انسى وقفتك معي ورح ظل ادعيلك كل عمري معتز. يلا انا رح اطلع من الغرفه وبس تجي احكي متل ماقلتلك ــــــــــــــــــــــــــــــــــــــــــــــــــ معتز. وقفــــــــــو عندكن منال بدلع. ليش بدك شي ؟ معتز. اي بدي خبرك انو كل شي صار بالبيت موجود بهاد السي دي منال. انت شو عم تخبص معتز. اتطلعي ع الكاميرا وراكي البيت كلياتو كاميرات وانتي اللي اجيتي لهون برجليكي منال. اعطيني السي دي ياحيوان معتز. مو بهالسهوله بقدر طالع بدل السي دي عشره منال. وشو اللي بدك ياه معتز. هي البنت اللي واقفه جنبك بنت عمك انا مالمستا ولا قربت منا وماسمحت لحدا يقرب عليها منال. مو صحيح هالحكي لانو هي اعترفت ليلى. حكيت هيك لأعرف شو نيتك وصحيح انتي ليش خايفه ؟ مو قلتي ماصار شي معك منال. انتي متفقة مع هالحيوان معتز. اذا بتحكي كلمة تانيه كمان وقتا مابتردد انشر الي بالسي دي بكل مكان ورح يوصل لأهلك منال. حقيــــــــــر شو الي بدك ياه مقابل انو تخرس وتعطيني السي دي معتز. انا مابدي شي بس شوفي بنت عمك لبلى. بكرا رح نروح ع المزرعه وهنيك قدام الكل بدك تعترفي بكل شي عملتيه بشهم وآبلا وبكل خططك الوسخه منال. هيك لك ليلى ليلى. اذا ماعملتي متل ماعم قلك والله مارح اتردد لحظه بأنو اعطي الفيديوهات لأخوتك وابوكي منال. مابقدر اعترف بالشي اللي عملتو لانو بكل مره كنت اتهم اختك بشرفها وممكن شهم يدبحني ليلى. بدك تعترفي بكل شي صار بكل حرف منال. مو منال الي بتتهدد ومن مين من وحده غبيه متلك لك كنتي ماشيه متل الخاتم بأصبعي بقا هلأ مارح يطلع بأيدك شي لبلى. اقسم بالله يا منال بعد الي عملتيه فيني اليوم مارح اتردد لحظه بأنو افضحك والحمدلله خطتك فشلت ومعتز طلع ابن حلال وقف معي وساعدني وهلأ القرار الك يا اما بتعترفي بكل شي وانا مارح احكي لحدا عن الي صار فيكي اليوم او بعطيهم الفيديوهات وخليهم يشوفو قذارتك منال. تمام رح اعترف ماعندي مشكله لكن يكون بعلمك مارح اتخلى عن شهم ولو اخر لحظه بعمري رح اخدو واحرق قلب اختك ليلى. انتي وحده مريضة ( معتز وصل ليلى على بيتهم وهي اتشكرتو على وقفتو معها ) ــــــــــــــــــــــــــــــــــــــــــــــــــ الساعة 12 في بيت اوس اوس قاعد ع الكنبه وايلول متمدده وراسها على رجليه اللي بشوفهم بقول بيعشقو بعض كانو لتنين ساكتين وعم بفكرو ولتنين مشاعرهم مخربطه اوس مستغرب من حالو ومن ضعفو من كم يوم كان بيكرهها وهلأ هي جنبو وعم يلعب بشعراتها اما ايلول مستغربه من حالها كيف استسلمت وضعفت قدامو معقول حبتو ومابدها يفارقها ــــــــــــــــــــــــــــــــــــــــــــــــــــ ايلول. اوس تعا نلعب لعبة الجرأة والصراحه ع الأقل من خلال الأسئله بنتعرف ع شخصيات بعض ويمكن نفهم بعض احسن مانظل نتخانق ع كل شغله اوس. كيف هي ايلول. يعني مثلاً بسألك سؤال وبتجاوب عليه بكل صراحه وممنوع تكذب وبــ .. اوس. انا مابكذب وليه بس كيف بدي اعرف انو انتي عم تحكي الحقيقه ايلول. والله العظيم رح كون صادقه معك بكل حرف وانت احلف لحتى اتأكد انك رح تحكي الحقيقه اوس. لك وجع مارح اكذب والله ايلول. تمام انت بلش بالأسئلهاوس. شو كانت نظرتك ألي بأول مره شفتيني فيها ايلول. تمام بس لا تزعل من اجوبتي ، من اول مره شفتك فيها كنت كتير اكرهك حتى كرهتك من اول مكالمه لما رديت عليي ببيت شهم لأنك كنت كتير مستفز وانا كنت معصبه لانو امي ماسمحتلي روح شوف جدي اوس. كنتي بتكرهيني ؟ طيب وهلأ شو ايلول. ــــــــــ هاد سؤال تاني مارح جاوبك لانو صار دوري اسألك ليش تزوجتني ؟ اوس. ــــــــــ ماجاوب ايلول. انت حلفت مارح تكذب اوس. لما رجع جدك من ألمانيا حكالي انت غالي علي متل شهم ولاني بحبك وبدي مصلحتك بدي زوجك ورح تكون عديل شهم رح زوجك من ايلول بنت ابني هي البنت رح تسعدك وتحبك ايلول. جدي طلب منك تتزوجني يعني مشان هيك تزوجتني ؟ اوس. لا ايلول. لكن ليش اوس. هاد سؤال تاني وصار دوري ، شو بتحسي اتجاهي ؟ ايلول. هههههه هلأ بالهدنة مافي احلى منك اوس. لا بقصد بشكل عام ، شو انا بالنسبه الك ايلول. اوقات بتكون لئيــم واناني وحقود وعصبي ومجنون ومابتفكر غير بحالك ومعاملتك الي كتير بشعه وبتسمعني كلام بيجرح لأنك بلا احساس اوس. الله ياخدك انا بلا احساس ايلول. هههههه خليني كمل لسا ماخلصت ، ورغم كل هالشي اوقات بشوف فيك حنيه وطيبه وبحس بالأمان بوجودك ماكنت اعرف شو سبب هالتناقض بشخصيتك مره بتجرح ومره بتداوي وهلأ صار دوري اسألك ( بعد مرور ساعة من الأسئله والأعترافات وكانو عم يحكو بكل صراحه ووضوح ) اوس. ايلول شو حاسه بهي اللحظه ايلول. بخاف قلك وتــ اوس قاطعها. ايلول احكي اللي بقلبك ايلول. بدي تبقى بحياتي دائماً بدي تبقى هيك متل ما انت هلأ بدي حس معك بالأمان وحس بحنيتك بدي نعطي بعض فرصه مابدي تكون شي مؤقت بحياتي انا عم اتعلق فيك اوس. ايلول خايف تصديني اذا قربت منك هلأ وضميتك ، ايلول انا بحبــك حبيتك كتير صرتي جزء من حياتي برغم كل المشاكل اللي بينا انا مابقدر ابعد عنك مابقدر اتخيل حالي بدونك بدون نكدك انا بعترف تعلقت فيكي غصباً عني كنت حارب كل شعور جواتي وقول لحالي لا تضعف لكن ماقدرت يمكن ماتصدقي اذا بقلك من اول مره شفتك قلت هي البنت اللي بتتمناها يا اوس انتي احلى شي صار بحياتي ومو ندمان على شي صار بينا كنت حب حتى المشاكل اللي بينا بحبك وقت تعصبي بحبك وقت تضحكي بحبك وقت بحاول نكد عليكي وازعجك وانتي بتقتليني ببرودك بحب قوتك وشخصيتك المرحه كنت بخاف اعترفلك اني بحبك ومشان هيك بحاول ازعجك واعمل معك مشكله لحتى يصير في حكي بينا وشوف عنادك وعصبيتك وقوة شخصيتك ايلول. يعني اعترفت انو انت اللي بتنكد ؟ اوس. لك مابيلبقلك الرومنسيه هههههه ، انا تعلمت منك النكد ايلول. قلبت من لعبه صراحة لأعترافات رومنسيه هههههه اوس. وجع لابقى تقاطعيني خليني كمل ايلول. امم كمل اوس. ايلول رغم محبتي الك لكن مارح المسك او قرب منك لحتى اعترفلك بكل شي صار من وقت شفتك لحد هي اللحظه وانتي القرار الك اما بتسامحيني وبنبدء صفحه جديده بحياتنا او بتتركيني اذا شفتي انو انا مابستاهل فرصه تانيه وصدقيني مارح ازعل شو ماكان قرارك وهاد حقك ومارح اجبرك على شي ايلول. اوس خوفتني ليش عم تحكي هيك اوس. هلأ اسمعيني ولا تقاطعيني ابداً والله رح كون صادق معك بكل حرف ( حكالها اوس كل شي صار من البدايه وكيف كانو شاكين انو هي اللي ظلمت آيلا ونورس ) ايلول. لك معقول تشكو فيني لك انا مستحيل اعمل هيك شي انتو مابتعرفو شو آيلا بالنسبة الي لك يعني شهم مشان هيك غير معاملتو مع آيلا اوس. انا لما شفت اديش بتحبي اختك وبتخافي عليها اتأكدت انو ما الك علاقه وانو انتي كمان انظلمتي وكل القصه سوء تفاهم ايلول. لا مو سوء تفاهم انت قلت انو الرقم اللي حكا مع شهم عرفتو انو مسجل بأسمي لكن في حدا هو اللي عمل هالقصة و ورطني اوس. مين بتتوقعي ايلول. لك مابعرف انا لهلأ ماعم استوعب انتو كيف بتشكو فيني لك شو شفتو مني على أي اساس حكمتو علي لك لو خبرتني انت بالحقيقه يمكن كنت قدرت اعرف مين اللي عمل هيك شي اوس. كل اللي كان بهمني انو تكوني بعيده عن شهم ايلول. لهالدرجه بتحب رفيقك وضحيت بسعادتك كرمالو ؟ اوس. بتصدقي اذا قلتلك قبل ما اعرف بالشي اللي حكاه شهم ومن اول مره شفتك تمنيت تكوني زوجتي ولما خبرني شهم انزعجت كتير فوراً هدملي الحلم اللي رسمتو وتذكرت لما جدك طلب مني انو اتزوجك قلت اكيد بيتمنالي الخير متل شهم ورح اسمع نصيحتو لانو بيعتبرني ابنو وبدو مصلحتي وعشت بتناقض مابين أمرين كنت متأكد انك بنت منيحه ولولا هيك ماكان جدك طلب مني اتزوجك ومابين كلام شهم والخط اللي كان بأسمك ولحتى ما اظلم شهم هو ماحكا اي شي عنك بس خبرني انو الخط بأسمك وانو شاكك انو ممكن تكوني انتي ورى هالقصه وانا من خوفي عليه صار بدي بعدك عنو بأي طريقه ايلول. مابعرف شو بدي احكي ولا شو بدي رد عليك اوس. احكي اللي بدك ياه انا بعرف انو خسرتك لانو ماشفت منك الا كل خير انا ظلمتك كتير وانتي مابتستاهليايلول. كتير فرحت بحكيك عن شهم وانو ماهان عليك يصير شي على رفيقك او انو يتدمر زواجو والي متلك وبدافع بهالطريقة عن رفيقو فـ اكيد مارح يهون عليه بيوم من الأيام بأهل بيتو مارح يقبل انو ينظلمو او شخص يغلط عليهن والي متلك بيتأمن على بيت وعيله واكيد اللي بكون معك رح يكون حاسس بالأمان بقربك بس لك اوس كان لازم تتأكد انت حكمت علي لمجرد شكوك براس شهم واذا مشان الخط انو بأسمي فـ بيقدر اي شخص ياخد هويتي بدون علمي ويشتري خط ويسجلو بأسمي ماخطرلك هالشي ؟ اوس. صدقيني كل الوقت ضايع مابين عقلي وقلبي قلبي بقلي هالبنت بريئه ومظلومه وعقلي بقلي كل شي واضح قدامك لا تنخدع بتمثيلها وقت كنت زعلك واتخانق معك كنت اكره حالي وقول هاد مو انت لك اوس ليش عم تتصرف بهالطريقة واوعد حالي انو مابقى يتكرر هالشي بس ارجع قول انو بتستاهلي هالمعامله لأنك كنتي السبب بأنو شهم ظلم آيلا وحاولتي تفرقي بينهم ايلول. اوس رغم كل شي صار ماعم بقدر ازعل منك مو لأني حبيتك وتعلقت فيك لكن لانو كان كل همك اختي وسعادتها هي وزوجها وانو كانت نيتك تحميهم وتبعد الأذى عنهم اوس. انا مابتستاهل انو تسامحيني او حتى تبقي معي انا خنت الأمانة اللي امني فيها جدك انا وعدتو انو رح اسعدك وهنيكي وحطك بعيوني لك انا بالعكس ظلمتك وجرحتك وقسيت عليكي لكن هلأ والله مارح ازعل شو ماكان قرارك الك الحق بأنو تعملي اللي بدك ياه صعــــــــــب علي انو تبعدي عني ونفترق لكن اذا هاد كان قرارك انا بحترمو ومارح اجبرك على شي ايلول. اوس لا تحكي هيك انا مسامحتك من كل قلبي والاسبوع اللي طلبتو منك انو نكون منيحين مع بعض كان لحتى نتقرب من بعض ونحس ببعض ونقدر نعبر عن مشاعرنا انا حبيتك كتير وبدي تبقى معي والي ومستيحل اتخلى عنك او اسمح انك تكون لحدا غيري الا اذا انت مابدك ياني ؟ اوس. شو عم تحكي انتي انا مستحيل اقدر ابعد عنك حبيتك من كل قلبي لكن مابعرف كيف بدي اعتذر منك عن كل اغلاطي ايلول. لا تعتذر عن شي وعفى الله عما مضى اوس. ياعمري انتي اســــــــــف على كل شي والله شاهد انو رح عوضك عن كل شي ايلول. اوس بدي اسألك هلأ انت لسا شاكك بأنو انا الي عملت هيك بـ شهم لكن سامحتني او اتــ .. اوس قاطعها. هس لا تكملي انا لأول مره بالحياه بلحق احساسي وقلبي ومتأكد من انو ما الك علاقه بالشي اللي صار ( بعد حديث طويل دار بينهم وعتب نامت ايلول بدون ماتحس ) يتبع في الجزء العاشر الأخير .. *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```