الفصل 8
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵ بنفسجية.العينين.tt*
*❴🔢❵☟الـــبـــــــــــ❴8️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#بنفسجية_العينين_الكاتبة_روان_الشبلاق
الجزء الثامن
ايلول بالسياره عم تحاول تخفي دموعها لانو بتتمنى الموت ولا انو اوس يحس بضعفها وبخوفها
اوس كان عم يتطلع فيها ومابيعرف اذا هي عم تبكي او عم يتهيألو
لما شاف دموعها
اوس بحنيه. ليش عم تبكي ؟
ايلول. ـــــــــــــ ماردت عليه وظلت ساكته لانو لو حكت كانت فوراً رح تبكي
اوس. ايلول ليش ماعم تدري عم اسألك ليش عم تبكي ؟
ايلول. في مجال تسكت لاني مابدي اسمع صوتك ياحقير
حاول اوس يتمالك نفسو لحتى يوصلو ع الفندق
طول عمرو كان يحتقر الشب اللي بمد ايدو على بنت او بيغلط عليها بالكلام
لكن هالأنسانه ممكن يعمل فيها كل شي
لانو بنظرو هي بتستاهل
وصلو ع الفندق
واول مادخلو كان عبارة عن صاله وغرفة نوم
وقفت بالصاله وهي حاسه بالخوف
كيف رح تبقى مع شخص ماصرلها يومين بتعرفو
وماشافت منو الا قسوتو وظلمو
كيف رح تبقى معو بمكان واحد ولوحدهم
بهي اللحظه ماكانت بتتمنى يكون ابوها معها او امها متل كل بنت
كانت بتتمنى يكون نورس معها لأنها بتحس بالأمان بوجودو
لكن وينو نورس هلأ ؟ ابوها حرمهم منو متل ماحرمهم من كل شي حلو بحياتهم
كانت متمسكه بعبايتها وجسمها كلو عم يرجف من الخوف
اما اوس حس بخوفها وماعرف يسمع صوت قلبو اللي عم يقلو خليها تفوت ع الغرفه يمكن تحس بالأمان اذا سكرت الباب ع حالها
او يسمع صوت عقلو اللي عم بقلو هالأشكال مابتنفع معهم الطيبه
ولا تغير معاملتك معها وخليك واضح من البدايه
.. اوس رغم طيبه قلبو الا انو مستحيل يعمل الا اللي بعقلو ..
اوس. تعالي اقعدي في حكي بدي قلك ياه
( احساسها بالخوف لسا موجود
راحت قعدت على ابعد كنبايه عن اوس )
اوس. بتوقع بتعرفي انو مشاعر الكره بينا متبادله
انتي بتكرهيني لأنو تزوجتك بدون موافقتك وكسر غرورك
وانا بكرهك لأنك أذيتي وحاولتي تدمري حياة اقرب الناس الك
.. اتطلعت فيه بأستغراب ومو مصدقه الشي اللي عم تسمعو ..
اوس بمسخره. ايلول وفري هالنظرات البريئه
لانو مابتمشي علي
ايلول. مين هم اللي حاولت ادمر حياتهم ؟
وليش تزوجتني بما انو لهالدرجة بخوف وممكن أئذي اقرب الناس الي
اوس. مابدي اناقشك واجاوبك على اسئلة انتي بتعرفي اجوبتها
اللي بدي ياكي تعرفيه انو ماتزوجتك لانو ميت عليكي وعلى جمالك
ولا لأني حبيتك وعشقتك
اذا هيك مفكره بتكوني غلطانه
انا تزوجتك مشان ابعدك وابعد شرك عن الناس الي انا بحبهم وبخاف عليهم
ايلول. اكيد انت في بعقلك شي ، مجنون
اوس. مجنون لانو رضيت انو يرتبط اسمي بأسمك
اسمعيني منيح مكالمات من اليوم ورايح على اهلك مافي الا بموافقتي وعن طريقي
وشهم وآبلا بتمسحي اسمهم من حياتك نهائياً
اما بالنسبه لموضوع انك زوجتي فـ انا مستحيل اتصورك
رح وفرلك اكل وشربك ولبسك وكل شي بيلزمك
واللي بينا ممنوع حدا يعرف فيه وخصوصاً امي فاهمه ؟
ايلول بعصبيه. لا مافهمت
وانت اللي لازم تفهم انو مستحيل اعيش مع واحد متلك مجنون
وبدي تطلقني اليوم قبل بكره
اوس. لا تستعجلي ع الطلاق لانو رح طلقك بالوقت المناسب وبالوقت اللي انا بدي ياه مو على كيفك انتي
وهلأ اعيطيني موبايلك
ايلول. على جثتي مابتاخدو ياواطي
اوس. هههههههه مو مستاهله القصه تعصبي وتشدي على حالك ( سحب الشنته من ايدها وطالع التلفون ورجع رماها عليها )
مو قلتلك مو مستاهله تعصبي ، يلا انقلعي ع الغرفه
ايلول. انت اللي انقلع واطلع من حياتي
الله لا يسامح شهم اللي عرفنا عليك
.. مسكها من ايدها وشدها بقوة ع الغرفة وقلا ، مو قلتلك اسم شهم بتنسيه ولا انتي مابتفهمي
تركها بالغرفه وراح ع الصاله
هو مستغرب من حالو كيف عم يتصرف بهالطريقه
لكن كان كل همو يبعدها عن شهم وآيلا
اتطلع بالساعه وكانت 3 الفجر
ــــــــــــــــــــــــــــــــــــــــــــــــــــ
في المزرعه
ليلى. لك منال كرمال الله نامي وخلينا انام
منال. كيف بدك ياني نام بعد كل شي شفتو
اسمعيني ليلى والله اذا ماساعدتيني لا تلومي الا حالك
ليلى. انتي كل ماتفشلي بخطتك بتتفششي فيني ؟ ليش ايمتى طلبتي مني شي وماعملتو
منال. لك لا تلوميني لانو اختك هي السبب لانها اخدت مني حبيبي وحرمتني منو
لازم احرق قلبها متل ماحرقت قلبي
ليلى. خلص اهدي ياقلبي وكل شي بدك ياه بصير
بس ماقلتيلي شو مخططه تعملي بكره
منال. مامعي وقت اعمل شي لانو بكره راجعين
بس رح حاول ازرع الشك بقلب شهم
مشان اذا عملت خطتي اللي اتفقت عليها مع مصطفى يصدق شهم بسهوله
ليلى. وكيف بدك تزرعي الشك بقلبو ؟
منال. مابعرف خليني افكر
ــــــــــــــــــــــــــــــــــــــــــــــــــــــ
تاني يوم العصر
شهم خبر كل الشباب لحتى يروحو قدامو ع المسبح وهو رح يبدل تيابو ويلحقهم
وطبعاً منال ماوفرت هالفرصه انو شهم ظل بالفيله وفورا جهزت خطه هي وليلى
استنو شهم حتى طلع وبعد شوي عن الفيله
كانت منال لابسه عبايه وفاتحه ازرارها ولابسه تحتها تياب فوق الركبهولما شافو شهم جايي بأتجاهم صارت ليلى تصرخ وتعمل حالها عم تفيق منال اللي واقعه ع الأرض ومابتعرف شبها
شهم شاف ليلى وهي عم تحاول تحمل منال لكن ماعم تقدر
قرب منهم بسرعه
شهم. شبها منال شو صاير معها
ليلى. لك مابعرف عم شوف يمكن شي قرصها برجلها
وعم حاول صحيها ماعم تصحى
بترجاك ساعدني خلينا ندخلها ع الفيله
حملها شهم بين ايديه ودخل فيها ع الفيله
اتفاجأت آيلا بمنظر شهم وهو حامل منال بين ايديه وعبايتها مفتوحه وكل جسمها مبين
شهم حط منال ع الكنبه وطلع برات الفيله لانو كان محرج من الموجودين
ريم ( الشغاله ) اتطلعت بـ آيلا اللي برغم طيبه قلبها وخوفها على منال لكن الغيره واضحه بعيونها
اتجمعو الكل حوالي منال وعم يسألو شبها ويحاولو يصحوها
ليلى. داخت ووقعت
قربت منها ريم وبأيدها كاس مي وبكل قوه كبتو على وجه منال
قامت منال من تمثيلتها بشهقه
ام منال. لك شوي شوي ع البنت شبك مجنونه انتي ؟
ريم. كنت عم حاول فيقها
ام منال. انقلعي من قدامي غبيـــــــــــــــه
آيلا. خالتي ريم ماغلطت وكانت نيتها طيبه لو سمحتي لا تغلطي عليها
( استغربت آيلا من حالها انو كيف بترد على مرت عمها بهي الطريقه بس لانو كانت حاسه بـ ريم لانو ببيت اهلها عاشت حياة الخدم
وبتعرف شعور لما ناس يشوفو حالهم افضل منها
مشان هيك ماقبلت انو ريم تنظلم )
لكن هي خلصت كلمتها وحست فوراً بـ كف على وجها
ومو مستوعبه شو اللي صار ومين اللي ضربها الكف
كانت امها واقفه قدامها والشر عم يطلع من عيونها ..
ام نورس. والله وصار عندك خدم وصرتي تدافعي عنهم
اسمعيني منيح مو يعني اذا تزوجتي صار بحقلك ترفعي صوتك على اللي اكبر منك
ـــــــــــــــــــــــــــــــــــــــــــــ
طلعت برات الفيله عم تركض
وكان شهم واقف عم يشوف اذا بيحتاجو شي
قربت منو وضمتو وهي عم تبكي
شهم. ليش كل هالدموع ياقليي شبك شو صاير ، منال صرلا شي !!!
آيلا. خليك معك ولا تتركني
.. بعد عنها شوي ورفع راسها لحتى يمسح دموعها ..
شهم. ياعمري انا معك ومارح اتركك بس ليش عم تبكــ .. ( شاف اثار الكف على وجه آيلا )
مين اللي عمل فيكي هيك ؟
آيلا تبكي. ـــــــــــــــ ماحدا
شهم بعصبيه. عم قـــــــــــلك مين اللي عمل هيك
آيلا. ـــــــــــــــ
( طالع تلفونو واتصل بـ ريم وسألها وحكتلو اللي صار
تغيرت ملامح وجهو وكان رح يدخل ع الفيله لكن آيلا وقفتو )
إيلا. شهم امي ماكانت بتقصد وانا اللي غلطت
شهم. آيـــــــلا ريم مابتكذب
آيلا. بعرف ياقلبي بس امي ماتحملت انو ارفع صوتي علـ ..
شهم قاطعها. شوفي آيلا اذا انتي بترضي بالأهانه ع حالك فـ هاد الشي بيرجعلك انتي وامك بتتفاهمو
بس انها تغلط على زوجتي وببيتي هي اهانه الي ومستحيل اقبل بهاد الشي
آيلا. ياعمري بترجاك كرمالي بس هالمره انسى اللي صار
واذا تكرر هالشي وقتا اعمل اللي بدك ياه
شهم. قلتلك مابحب هالكلمة بتظلي تقولي بترجاك
انتي مابتترحي انتي بتأمري
( باسها على خدها وراح لعند الشباب لانو لو ظل ماكان رح يسكت عن ام نورس )
ـــــــــــــــــــــــــــــــــــــــــــــ
في الفندق
فتح اوس باب الغرفه بهدوء ودخل لعندها
وقف يتطلع فيها وهي نايمه ولسا لابسه عبايتها ونايمه فيها
وكان واضح عليها انو بردانه من المكيف
ظل واقف وعم يتأملها ورغم كل شي عملتو ورغم انها قويه وماحدا بيقدرلا ولسانها طويل
لكن وهي نايمه كانت متل الملاك
وجها كتير بريء
قرب منها وحاول يغطيها لكن تراجع بأخر لحظه
وقال لحالو رغم كل شي عملتو بدك تحن عليها ..
اوس بجديه. ايـــــلول
ايلول. ـــــــــــــــ
اوس. لك ايلول اصحي
.. فاقت مرعوبه ومابتعرف وين هي ولا مين صاحب الصوت
مرت ثواني وتذكرت كل شي صار معها ..
اوس. معك خمس دقايق لحتى تجهزي حالك
ايلول. الله يكتر خيرك كتير خمس دقايق خليهن 3
اوس. يلا جهزي حالك وبلا فلسفه
( طلع من الغرفه
وصارت تحكي مع حالها
معقول انا ايلول البنت القويه
ليش هيك ضعفت واستسلمت وين راحت قوتي
اذا ابي لما قرر يزوجني حاربتو وصرت ردلو الكلمه بعشره
ليش هاد عم اسكتلو مابعرف
اخ وينك يا نورس
ياريت لو تلفوني معي واقدر احكي معك وقلك تجي تساعدني وتخلصني من هالحيوان
بس كيف بدو يساعدني ماهو خلص صار زوجي
لما شافها اوس انو تأخرت
رجع دخل ع الغرفه وشافها لسا مكانها )
اوس. لك خلصيني مطوله ؟
ايلول. مو شغلك وياريت تطلع برات الغرفه
اوس. لك انتي بقره مابتفهمي رح نتأخر ع موعد الطياره
ايلول. اي بقره
اوس. منيح انك معترفه
ايلول بهدوء. وليش حتى ما اعترف
بما اني متزوجه من ثور اكيد انا بقره
اوس بصدمه. عم تخففي دم خلصيني قومي مابدي بلش يومي بالنكد
ايلول. مو متحركه من مكاني
( قرب منها وسحبها من ايدها )
اوس. تمــام انا رح بدلك تيابك انتي خليكي مرتاحه
ايلول. لاااا خلص اطلع من الغرفه وخلال ثواني بكون جاهزة
اوس. لا والله صعب خلص حطيت الفكره براسيايلول بخوف ودمعو عيونها لما شافتو
بيحكي عنجد. لك خلص اتركني
اوس لما شاف عيونها. معك دقايق بس وبتكوني جاهزه
ايلول. تمام
ـــــــــــــــــــــــــــــــــــــــــــــ
في المزرعه الكل ركبو سياراتهم ورح يرجعو على بيوتهم
الا شهم اللي يقرر يبقى هو وآيلا
منال شافت شهم عم يحكي مع نورس وكان واضح انو يوصيه على جدو ..
منال. ابي انا نسيت تلفوني رح انزل جيبو
ياسر. بسرعه لا تتأخري
منال. تمام
( نزلت من السياره ووقفت قدام الفيله عم تستنى شهم لحتى يفوت
وصل شهم قريب من الفيله وكانت قاصده انو يسمع الحكي
راحت بأتجاه آيلا ووقفت معها )
آيلا. هلا منال ، شبك ليش رجعتي
منال بصوت عالي. اسمعي آيلا انتي هلأ متزوجه ولا ترجعي للقصص القديمه اللي بأيام المراهقه
لانو شهم شب الف بنت بتتمناه
آيلا بصدمه. منال عن شو عم تحكي ماعم افهم عليكي
منال بصوت اعلى. خلص عفى الله عما مضى
هلأ بلشي حياه جديده ونظيفه مع شهم لانو مابيستاهل الا كل خير
وحافظي على بيتك وزوجك
آيلا. منال عن شــ ..
منال. طيب حبيبتي انا تأخرت يلا باي
آيلا. باي
( شهم سمع جزء من الحكي
لانو كان واقف بعيد شوي لحتى تروح منال لكن بسبب صوتها العالي قدر يسمع شوي من الحكي )
اما آيلا ما استوعبت ليش منال عم تحكي معها بالطريقه وشو قصدها
قرب شهم من آيلا وهو عم يحاول يطالع حكي منال من عقلو
ولما وصل لعند آيلا حملها بسرعه وصار يلف فيها
آيلا. هههههه لك نزلني
شهم. بشرط
آيلا. مو موافقه
شهم. بدون ماتسمعي ؟
آيلا. انت اليوم حالف ماتترك بنت ماتشيلها ؟
شهم. أيــه قصدك منال ؟
آيلا. شايفتك مبسوط وفوراً تذكرت
شهم. ليش غيرانه هههههه
آيلا. وليش حتى غار
شهم. لأني زوجك وحبيبك ومن حقك تغاري
ياعمري والله غصباً عني
يعني بنت عمي واغمى عليها وماكان في حدا جنبها غيري شو بدك ياني اعمل
آيلا بغيره. اي المفروض ماقربت منها لما شفت كيف لبسها
شهم. لك دخيل الغيرانين ، خلص والله مابقى عيدها
وهلأ بما انو ماظل غيرنا بالمزرعه تعالي نروح نسبح شوي
آيلا. روح انت وانا بتفرج عليك
شهم. بالله
آيلا. والله
شهم وهو يضمها. ههههههه لك والله بحبكك
الله لا يحرمني منك
آيلا. ولا منــك
ـــــــــــــــــــــــــــــــــــــــــــــ
في الفندق لبست وطلعت من الغرفه وصل الفطور وقعد اوس يفطر واجبرها تقعد معو
أيلول. عأساس تأخرنا ع الطياره شايفك اخد راحتك
اوس. مو اليوم سفرنا كنت بمزح معك
ايلول. وليش خليتني جهز حالي ؟
اوس. قلتلك كنت بمزح معك
ايلول. ليش مين انت حتى يكون في بيني وبينك مزح
اوس. انا زوجك
بس انتي مين ؟
انتي اللي ابوكي باعك مقابل مبلغ مادي
ابوكي اللي طمع فيني وزوجك الي بدون حتى مايتعرف علي منيح
كل اللي بيعرفو اني ابن خالو لـ شهم
ابوكي اللي ماقبل ينتظر حتى اعملك حفلة عرس وخاف انو يصير شي وغير رأيي
ابوكي اللي كل يوم يتصل فيني ويقلي تعا خدا وانا بدي اسافر وبدي اخلص قبل السفر
.. دمعو عيونها من كلام اوس
وكان في كاسة عصير بأيدها صارت ترجف ووقعت الكاسه من ايدها وانكسرت ..
اجت عينو بعينها وشاف دموعها
لحتى تخفي دموعها نزلت ع الأرض تحاول تلم قطع الزجاج
قرب منها وقاللها. خلص ايلول انتي اتركي من ايدك وارتاحي بغرفتك
ماسمعت حكيو وظلت مستمره
وكانت بعالم تاني
عقلها ماعم يستوعب الحكي اللي سمعتو
صعب عليها بعد ماكانت البنت القويه
اللي مافي حدا بيجبرها على شي
هلأ شخص واحد قدر يذلها ويتحكم فيها
ويسمعها حكي مابيسوا
ابوها صح باعها
بس اوس ليش تزوجها وليش بعاملها بهالطريقه
ومين هم اللي اذا تزوجها بيحميهم من شرها
اوس. ايلول اتركيهم لاتجرحي ايدك
ايلول. وقع مني غصباً عني
اوس بحنيه. بعرف خلص اتركيهم من ايدك
( صارت تبكي وماعد قدرت تتحكم بحالها
وهو قلبو عم يتقطع عليها وتمنى لو انو ماحكا هالحكي معها
بكل مره كان يندم ويرجع يعيد نفس الحكي
من لما عرفها وهي كانت تبين انو قويه لكن اول مره بشوفها بضعفها
معقول يكون ظالمها
هو اللي كان ينصح شهم انو مايظلم آيلا
وهلأ هو عم يظلم ايلول وحكم عليها انو بنت سيئة وظالمة وبدو يبعدها عن شهم وآيلا وتزوجها لحتى يعاقبها لمجرد كلمه وحده سمعها من شهم
وحتى شهم بذاتو ماكان متأكد
اوس. ايلول خلص اهدي وانا اسف ع كل شي صار
قومي غسلي وجهك وارتاحي شوي
ايلول تبكي. اوس ليش تزوجتني
ليش ذليتني
ليش عم تحاول تكسرني وتخليني ضعيفه
اوس. بس تهدي بقلك كل شي بدك تعرفيه
ايلول. هــه خايف علي ؟
انا بعترفلك انو كل شي بدك ياه صار
هي انت حطمتني وهزمتني وكسرتني
مو هاد اللي كان بدك توصلو ؟
هي صار اللي بدك ياه
عملت اللي غيرك ماقدر يعملو يا اوس
ان شاء الله تكون مبسوط هلأ
( قرب منها وضمها وحاول يهديها
وكان الندم عم ياكلو
توقع انو ماتخليه يلمسها لكن حتى ماقاومت بالعكس استسلمت وهديت
باسها من راسها وبعدها عنو
اخدها حتى تغسل وجها
ودخلها ع الغرفه ونيمها ع السرير وقعد قريب منهاكانت مغمضه عيونها وبين الصاحيه والنايمه صارت تحكي وتهلوس بكلمات مو مفهومه
واوس عم يسمعها
ايلول. كل ش عم يصير فيني بسبب ظلم آيلا
آيلا انظلمت .. انا سكتت عن ظلم آيلا
انا عم ذوق نفس الظلم اللي انظلمتو ايلا
انا مادافعت عنها
( ايلول كان قصدها انو ما دافعت عن اختها وقت ظلمها ابوها
ومشان هيك الله عاقبها وانظلمت هي كمان )
اوس لما سمع هالحكي بعد عنها وطلع من الغرفه وهو كرهانها وكرهان حالو لانو قدرت تضحك عليه وتمثل انها مظلومه
كان بيتمنى لو اللي سمعو من شهم مو صحيح
وبيتمنى لو طلعت مظلومه
ولما شاف ضعفها ودموعها اتأكد انو في غلط بالموضوع واكيد ظالمها وكان رح يغير معاملتو معها ورح يحبها ويكون شخص تاني معها
لكن لما سمع حكيها من شوي حس انو ساذج وغبي لانو قدرت تقنعو بتمثيبها انها مظلومه
ــــــــــــــــــــــــــــــــــ
بعد مرور ساعه
ايلول عم تفكر وتقول انو تصرفو معها بيدل على انو شخص طيب وحنون لكن في سبب ورا تعاملو معها بهالطريقه
وحاولت تطبق النصيحه الي قالتها ل آيلا لما طلبت منها
انو تعطي شهم فرصه وانو اكيد رح يتغير
ـــــــــــــــــــــــــــــــــــــــــــــ
بعد مرور 3 اسابيع
شهم وآيلا كانت من احلى ايام حياتهم
اما اوس وايلول اغلب الأيام كان الوضع متوتر بينهم
كل يوم مشكله جديده وعلى اتفه الأسباب
وماحدا فيهم عم يتنازل للتاني
رغم انو اوقات تشوفو حنون ومعاملتو منيحه تحاول تعطيه فرصه
لكن اوس لما يشوفها منيحه معو بقول انو عم تمثل وبيرجع بغير معاملتو معها للأسوء
خلال هي الفترة ايلول ماتواصلت مع اهلها ابداً
وماسمحلها تمسك الموبايل
لحد ما بيوم دخل ع الحمام ونسي التلفون ع الطاوله
اخدتو وحاولت تفتحو لكن ماقدرت
طلع من الحمام وشاف التلفون بأيدها
عصب وجن عليها
اوس بعصبيه. لك انتي مابتفهمي انا مو قلتلك التلفون ممنوع تلمسيه
ايلول. كنت عم بشوف الساعه
اوس. حاجتك كذب
ايلول. انت اللي حاجتك مصخره تزوجتني وقلت لأهلي انو رح نسافر بعد يومين
واخدتني ع الفندق وظلينا كم يوم وبعدا جبتني على هاد البيت اللي مابعرف هو لمين
وقافل كل الأبواب والشبابيك
واخدت مني تلفوني ومابقظر اتواصل مع أي شخص
وكل الوقت عم نتخانق مع بعض
ليش وعلى شو مابعرف
اوقات بتكون حنون ومافي احلى منك
واوقات عصبي ومجنون ومابتتحمل كلمه وبتعمل مشكله على سبب تافه
انت شو اللي بدك ياه
قلي شو الذنب اللي انا عملتو لحتى استحق هالمعامله وهالقسوه منك
قلي شو هو ذنبي والله العظيم لأعترف
اما اذا كنت ظالمني بسامحك ونبدأ صفحه جديده وبنعيش حياتنا متل اي زوجين
وبننسى كل شي صار
اوس. هههههههه تسامحيني ؟ خجلتيني بكرمك
لك يكون بعلمك انو وجودك بحياتي شي مؤقت ورح اصبر عليكي واتحملك فتره قصيره مو اكتر
ــــــــــــــــــــــــــــــــــــــــــ
بعد مرور يومين الساعة 12 بالليل
ايلول. اوس
اوس. نعــــــــــــــم
ايلول. كتير حاسه بالملل
اوس. اي قومي نامي بروح الملل
ايلول. عنجد عم بحكي
اوس. اي شو المطلوب
ايلول. طيب مامليت من المشاكل اللي بينا ؟
اوس. انتي السبب
ايلول. تعا لحتى نتفق على شي
اوس. على شو
ايلول. بما انو مجبورين نظل بوجه بعض ومجبورين نتحمل بعض خلينا نعمل هدنة لمدة اسبوع
اوس. كيف يعني ؟
ايلول. يعني ممنوع المشاكل او العصبيه او النكد لمدة اسبوع
اوس. لا صعب
ايلول. ليش صعب ، عم قلك بنجرب اسبوع واحد
ومو انت قلت انو مجبور تتحملني فتره
وانا كمان قاعده معك غصباً عني
يعني نحنى لتنين مجبورين على بعض
خلينا ع الأقل نعيش هالفتره حياة طبيعيه بدو مشاكل
ماتعبت رح يصيرلنا شهر على هاد الحال عم نغلط على بعض ونعصب وماحدا فينا عم يقصر بالتاني
شو قلــــــــــــــت ؟
اوس. موافق بس بشرط بدي كل يوم تقومي وتطبخي لانو قرفت من الأكل الجاهز صرلي شهر
وكمان لسانك طويل بلكي ما التزمتي بالهدنة ؟
ايلول. لا بوعدك ما اغلط بحرف
بس انا كمان عندي شرط بدي احكي مع آيلا واتطمن عليها
اوس. رجعنا لسيرة آيلا ؟
ايلول. بحكي دقيقة وحده من تلفونك وقدامك
وهلأ قوم معي
اوس. لوين ؟
ايلول. ع المطبخ بدنا نعمل بوشار ونحضر فيلم ع الشاشه
اوس. مابحب احضر افلام
ايلول. لك فيلم رعب كتير حلو مارح تندم ابداً اذا تابعتو
اوس. شــــــــو شاطره والله
فكرت بدك تقولي فيلم رومنسي
قال فيلم رعب
مابكفي الرعب اللي عايش فيه
ايلول. لــــــك قوم معي وحاج تتفلسف
اوس. لما بقلك لسانك طويل
ايلول. لسا مابشلت الهدنة
( ايلول كانت مستعده تسامح اوس على كل شي وتبدء مهو حياه جديدة
لانو مستحيل تفكر ترجع على بيت ابوها بعد كل شي عملو فيها
كان عندها امل كبير انو اوس يتغير
ورح تظل تحاول معو
سحبتو من ايدو واخدتو معا ع المطبخ جهزت اغراض السهره وطفت الأضويه وشغلت الفيلم
الشي اللي مابتعرفو ايلول انو اوس كان عندو فوبيا من العتمه
حتى وقت ينام بخلي الضو شغال )اوس. لك لحظــــــــــــــه شغلي الأضويه
ايلول. ليش مانك شايف ؟
اوس. شغليهن ع الضو احلى
ايلول. لا بالعكس هاد الفيلم بدو هيك اجواء
اوس. اذا ماشغلتي الأضويه انا رح الغي السهرة كلا وروح نام
ايلول. لك ليكا الشاشة ضوها قوي وهيك احلى
لك اوس لتكون بتخاف
مشان هيك مابدك فيلم رعب ؟
اوس. فشرتــــــــــــــي كل القصه انو ع الضو احلى
ايلول. لا هيك احلى يلا تعال رح يبلش الفيلم
( قعدو ع الكنبايه جنب بعض واوس ماكان مرتاح ابداً وهو الضو مطفي
كل الوقت متوتر وعم يعرق
طبعاً هالشي مو بأيدو
وكملت معو وهو عم يتابع الفيلم الصوت عالي والمشاهد بتخوف
وهدوء حواليه وبالعتمه
مابحب افلام الرعب ابداً )
.. بعد مرور نص ساعه ..
ايلول عم تختبر اوس. اوس حاسه في شي ورانا
اوس. هي انتي متل تفكيري والله وانا هيك حاسس
شو رأيك تقومي تشغلي الأضويه
ايلول. لا انا خايفه قوم انت
اوس. يعني انا مو خايف ، قصدي مابدي اتركك لحالك
تعي معي وامسكي ايدي اذا خايفه
ايلول. لك اوس روح لانو عنجد بلشت اسمع اصوات غريبه
اوس. هاد اللي شاطره فيه ليش لتحضري رعب اذا بتخافي
( شغل ضو التلفون اوس ومشا اول ما مشا كم خطوة صرخت صوت ايلول بقوه
صرخ اوس برعب ووقع التلفون من ايدو )
ايلول. هههههههههه
اوس. ـــــــــــــــ لسا مصدوم وعم يحاول يستوعب شو صار
اوس. وجــــــــــــــع اي ، تضربي انتي واللي بيعمل معك هدنة
ايلول. هههههههههه قلتلي مابتخاف ماهيك
اوس. اي مابخاف وهي ردت فعل طبيعيه من اي حدا كان بشاهد رعب
ــــــــــــــــــــــــــــــــــــــــــــــــــــ
في بيت شهم
وصلو ليلى ومنال لعند .آيلا طبعاً منال جايه لحتى تنفذ خطتها الجديده
هي اول مره ليلى بتزور اختها من لما تزوجت
كتير فرحت آيلا لما شافتهم
( ماكان في بالبيت الا آيلا وألماس
وابو عبد الرحمن بغرفتو
اما ام عمر وام اوس كانو برات البيت
ألماس لما شافت ليلى ومنال
دخلت على غرفتها وماقبلت تقعد معهم )
آيلا. لو تعرفي اديش فرحتك بشوفتك
ليلى ضمت آيلا بحنيه وحب ولأول مره كانت مشاعرها حقيقيه
ليلى. سامحيني ياعمري على تقصيري بحقك
والله بيشهد اني ندمانة على معاملتي معك كل السنين اللي راحت
آيلا. انا مو زعلانة منك لحتى اسامحك
انتي حبيبتي واختي الكبيره
.. منال مقهوره وحاسة انو اللي عم يصير قدامها مشهد حقيقي مو تمثيل ..
منال. بس ماتكوني مشغوله لانو نحن اجينا بدون موعد
آيلا. لك لا شو هالحكي البيت بيتكن ، بس عن اذنكم خمس دقايق لحتى خبرهن يعملولنا شي نشربو ولحتى شوف جدي اذا محتاج شي
منال. خدي راحتك ياقلبي
( راحت آيلا
ومنال بسرعه اخدت تلفون آيلا اللي كان ع الطاوله واتصلت بمصطفى )
مصطفى. الوو
منال. انا منال اسمعني هاد الرقم اللي قلتلك عليه
لا تسكر الخط خليه مفتوح لحتى سكر انا
واذا بدي شي بحكي معك من تلفوني
مصطفى. تمام شرحتيلي هالشي الف مره
( تركت الخط مفتوح وحطت التلفون تحت المخده اللي ع الكنب )
منال بعصبيه. شو ليلى ليس حاسه انو اللي صار قدامي حقيقه مو تمثيل
ليلى. لك لا بس حرقت قلبي ماشفتي كيف دمعو عيونها وفرحت لما شافتني
بتعرفي منال ، والله برأيي انو تنسي شهم وتطالعيه من حياتك
لانو مو من نصيبك
واضح انو بحب آيلا كتير
ومستحيل يتقبل بنت تانيه بحياتو لو مهما عملتي
منال. في مجال تخرسي وتوفري نصايحك
والله يا ليلى اذا حسيت انك بتلعبي شي لعبه من ورايي لا تلومي غير حالك والله لأقلب الدنيا فوق راسك
وقتا علي وعلى اعدائي
ليلى. احكيلي شو ناويه تعملي
منال. قبل مايوصل شهم بشوي بتاخدي آيلا وبتطلعي معها على غرفتها وبتطالعي أي حجة لحتى تدخلي ع الغرفه
مثلاً احكيلها انو بدك تحكي معها بموضوع خاص
بتحطي تلفونك صامت ولما رنلك بتقوليلها تنزل لعندي
وانتي شوي وبتلحقيها
ولما تطلع آيلا من الغرفه بتحطي هي الصوره بشي مكان بالغرفه ( طالعت صوره شب من الشنته واعطتها ياها )
وبس تخلصي بتروحي بتوقفي ع شباك الغرفه اللي بطل على مدخل الفيله
رح يكون في سياره بيضا مابتتحركي من مكانك الا حتى تمشي هي السياره
بس تمشي السياره بتجي فوراً لعندي
ليلى وهي خايفه. لك فهميني شو رح تسفتيدي من هاد الشي
وشو قصه هي السياره
انا لحد الأن مافهمت شي من اللي بدك تعمليه
ــــــــــــــــــــــــــــــــــ
في غرفة ألماس
آيلا. لك ألماس عيب عليكي هدول بنات خالك قومي سلمي عليهن واقعدي معهن
ألماس. آيـــــــلا رجاءاً لا اتعبي حالك مارح اطلع
لك مابحبهن مابطيقهن
اذا كتير بتحبيهن روحي انتي واقعدي معهن
آيلا. تسطفلي
.. بعد مرور نص ساعة ..
( طالعت التلفون منال وبعتت رسالة لمصطفى مكتوب فيها
اسفه حبيبي سكرت بسرعة لانو بنت عمي عندي وبخاف تشك بشي
اول ماتصيرلي فرصه رح ارجع اتصل فيك )
رد عليها مصطفى برسالة مكتوب فيها ( ولا يهمك حبيبتي بس لا تطولي علي انا بأنتظارك )
رجعت اتصلت بمصطفى وتركت الخط مفتوح ..اما شهم كان كل الوقت يتصل على تلفون آيلا ويلاقيه مشغول
وكل شوي يرجع يحاول استغرب لانو آيلا مافي بالعاده تحكي كتير ع التلفون
بعتلا رساله مكتوب فيها ( ياحياتي وكل دنيتي اشتقتلك كتير وحابب اسمع صوتك )
فتحت منال الرساله وقرأتها وكانت رح تموت من الغيره والحقد
.. رن تلفون البيت الأرضي وكان شهم
ردت عليه آيلا ..
آيلا. هلا ياقلبي
شهم. منيح انك رديتي صرلي ساعه عم دقلك وابعت رسائل
ليش تلفونك مشغول
آيلا. والله ما انتبهت كنت مشغوله لانو عندي منال وليلى
بس ليش عم تتصل في شي ؟
شهم. لا بدي خبرك انو رح اجي انا ومراد بعد العصر ورح يتغدى عندي
آيلا. اي اهلا وسهلا
( سكرت الخط آيلا وكانت رح تشوف تلفونها وين
لكن منال لما انتبهت عليها حاولت تشغلها )
منال. اكيد هاد شهم اللي كان ع الخط لحتى هيك مبسوطه
آيلا. ههههه اي شهم عم يحكيلي انو بدو يجي هو ورفيقو ع الغدى
ليلى. لكن مو حلوه نبقى هون خلينا نمشي منال قبل مايوصلو
منال وهي عم تزور ليلى. لا بما انو صرنا جايين رح نبقى للمسا
آيلا. سامعه يا ليلى كيف منال بنت عمي عم تجبر بخاطري وانتي اختي بس بدك تخلصي وتروحي هههههه
منال. هههههه ، آيلا ممكن تعطيني حبة بنادول لانو حاسه راسي عم يوجعني
آيلا. اي تكرمي
منال بعصبيه. لااا انتي مو ناويه على خير
ليلى. لك شبك قلت هيك لحتى ماتشك فينا
منال. مو علي هالحكي ، بتشوفي يا ليلى مابكون اسمي منال اذا مابخليكي تندمي على تصرفك هاد
( اتصلت منال بمصطفى من تلفونها على تلفونو التاني وخبرتو انو شهم بعد العصر رح يوصل
طبعاً مصطفى كان واقف تحت الفيله بأتجاه الشباك اللي حكت عنو منال
وكان متفق مع رفيقو اللي واقف قدام الشركه وعم ينتظر شهم ليطلع لحتى يخبر مصطفى )
مصطفى. يعني ماظل كتير لحتى يجي
منال. اي لا تتحرك من مكانك
مصطفى. عم اتأمل بهالفيله اللي بدك تورطيني مع اصحابها
منال. لك بلا غباء بشو بدي ورطك هي الفيله لجدي ولا تخاف مارح يصير عليك شي
خبرت رفيقك مشان يخبرك بس يطلع شهم من الشركه ؟
مصطفى. اي
منال. اي لا تنسى تسكر الخط اللي على التلفون التاني لما تشوف سيارتو
بعد مرور نص ساعه ..
منال غمزت ليلى لحتى تبلش بخطتها
ليلى. منال من بعد اذنك انا بدي احكي مع آيلا بموضوع خاص شوي
منال. اي اكيد حبيبتي لكن انا رح اطلع وانتو خدو راحتكن
ليلى. لا والله مابتقومي
انا بطلع مع آيلا على غرفتها وانتي خليكي مرتاحه
آيلا. حبيبتي منال عن اذنك شوي ومابتأخر
منال. خدي راحتك واذا بتظلي تعامليني كأني ضيفه بزعل منك
______
في غرفة آيلا
ليلى. بدي اسألك عن ايلول مابتعرفي شو اخبارها
آيلا. ليش انتو ماعم تحكو معها ؟
ليلى. لا لانو زعلانه من امي وابي لانهم زوجوها اوس غصباً عنها
آيلا. لك كيف غصباً عنها انا سألتها لما كنا بالمزرعه وقالت انو هي موافقه ومبسوطه
ليلى. بتكذب عليكي لانو ما وافقت على اوس الا بعد ما ابي موتها من الضرب وحبسها بغرفتها
آيلا وهي رح تبكي. وليش ابي يعمل هيك بأيلول ؟ وانتو ليش مادافعتو عنها
ليلى. ابي ببيعنا مشان المصاري
واتوقع انتي بتعرفيه اكتر مني
آيلا. بتعرفي انو حتى انا ماسمعت صوتها من اخر لما كنا بالمزرعه
ليلى. لكن بما انو ماعم تحكي معك اكيد اوس هو اللي مانعها
آيلا. لا اوس مابيعملها انتي مابتعرفيه هو شخص كتير طيب وحنون
هيك خبرني شهم
وانا من كم يوم طلبت من شهم يجيب رقم اوس لانو برات البلد
ويمكن شهم نسي
ليلى تبكي ودموع حقيقيه. بس تحكي معها سلميلي عليها وقوليلها اني بحبها
والله يا آيلا ماحسيت بقيمتكم الا لما بعدتو عني
مابعرف ليش كنت بغار منكن
يمكن لانو انتو احلى مني
آيلا وهي تضم اختها. ومين قلك نحنى احلى منك
وبعدين كل شخص بهالدنيا رب العالمين ميزو بشي
وماحدا فينا كامل ، الكمال لله وحدو
والشخص فينا حلو بأخلاقو وصفاتو مو بشكلو ولونو
ليلى. حكيك كتير حلو وقلبك كتير طيب وحنونه رغم كل شي صار فيكي
آيلا. وانتي بتجنني ومافي منك
( ليلى حست بأهتزاز تلفونها لانو كان صامت )
ليلى. لك هلأ اتركك مني وانزلي لعند منال هلأ بتزعل
وانا دقيقتين رح عدل مكياجي وانزل لعندكم
آيلا. اي ياقلبي امسحي دموعك وانزلي
.. ليلى عم تدعي بقلبها الله يخلص اختها من شر منال ويبعدها عنها ..
وقفت ليلى ع الشباك متل ماطلبت منها منال
لكن ماحطت صوره الشب وتركتا معها
كان شهم بسيارتو وقرب يوصل ع البيت وعم يتصل بآيلا
تلفونها لساتو مشغول
وصل ولفت انتباهو سياره بيضا واقفه تحت البيت وواقف بجنبها شب عم يحكي بالتلفون وعم يتطلع لفوق ع البيت
وقف شهم ليشوف شو قصه هالشب
لكن لما شافو مصطفى طلع بسيارتو ومشي فوراً
اتطلع شهم مكان ماعم يتطلع الشب
وشاف شخص واقف على شباك غرفة نومو
ولما اتطلع شهم اختفى الشخص
دخل شهم سيارتو ع الكراج وكان عم يستنى مراد لحتى يوصل
كان مشغول بالو مين هالشب ومين اللي كان واقف على شباك الغرفهطالع تلفونو واتصل بآيلا واستغرب انو هلأ عم يرن مو مشغول
( كانت آيلا عم تسمع صوت تلفونها وعم تدور عليه
لحتى شافتو تحت المخده
كان شهم المتصل
فتحت الخط )
شهم. اطلعي لعند المدخل
( استغربت من اسلوبو ومن عصبيتو وطلعت لعندو )
شهم. عندك حدا
آيلا. اي ليلى ومنال هون
شهم. اعطيني تلفونك وفوتي خديلي طريق بدي اطلع ع الغرفه
آيلا. شهم شبك
وليش بدك تطلع ع الغرفه مو على اساس مراد جايي
شهم. روحي خديلي طريق بسرعه
آيلا. لااا لحتى تقلي شبك وليش معصب
شهم وهو عم يحاول يحارب الشك اللي اللي جواتو
قرب منها وسحب التلفون من ايدها وقاللها. بدي اطلع اخد اوراق مهمه من الغرفه
( اخدتلو طريق وطلع على غرفتو )
ليلى. بما انو اجا شهم خلينا نروح وخليه ياخد راحتو
آيلا. لك شو هالحكي شهم ابن عمكم ومانو غريب
وجايي ياخد اوراق من الغرفه ويطلع
رح اطلع شوفو خمس دقايق وبرجعلكن
( دخلت ع الغرفه وشافتو قاعد ع طرف السرير ومنزل راسو
وماسك الموبايل بأيديه وضاغط عليه بقوه وشوي تانيه رح ينكسر بين ايديه )
يتبع في الجزء التاسع..
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```