الفصل 7
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵ بنفسجية.العينين.tt*
*❴🔢❵☟الـــبـــــــــــ❴7️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#بنفسجية_العينين_الكاتبة_روان_الشبلاق
الجزء السابع
رن تلفون مراد من رقم غريب
كان بحاله مابتسمح انو يرد ع التلفون لكن اصرار المتصل خلاه يرد
لما فتح الخط كان بيعرف صاحب هاد الصوت ومو غريب عليه
اللي كان متصل فيه اوس
طلب منو اوس انو يجي ع المشفى واعطاه العنوان
راح فوراً ع المشفى وهو يدعي انو شهم يكون عايش والحكي اللي سمعو مايكون صحيح
ويدعي انو الله لا يحرمو من شهم
حاول مراد يعرف من اوس شو صاير مع شهم واذا عايش او لا
لكن اوس رفض يحكي شي ع التلفون
وصل مراد ع المشفى والتقى بـ أوس
مراد. اوس شهم عايش ؟
اوس بأستغراب. الناس بتسلم بالاول
مراد بعصبيه. اوس انا ماني ناقصك قولي شهم عايش ولا لا
اوس. لك عايش ومو صاير عليه شي وهو اللي طلب مني احكي معك وقلك تجي لهون لانو كان واعدك بالبيت
بس انت كيف عرفت ؟
مراد. وينو هلأ ؟
اوس. بغرفتو ، بس ماقلتلي كيف عرفت ومين خبرك
مراد. خدني لعندو وبعدين بحكيلك
( مراد كان كل همو انو يشوف شهم بعيونو ويتأكد انو عايش وانو بخير ) دخل ع الغرفه وشاف شهم
شهم بعصبيه عم يحكي مع الدكتور. صرلكن 3 ساعات عم تاخدوني من فحص لأشعه خلص بما انو اتأكدتو انو مافي نزيف داخلي ليش حتى ابقى هون ؟
الدكتور. الحمدلله اتطمنا انو امورك بخير لكن الأفضل تظل لـ بكرا
( كان رح يرد عليه شهم لكن سمع ضحكه بصوت قوي ولما اتطلع بأتجاه الباب شاف مراد و اوس )
مراد. هههههههه ( انفجر مراد من الضحك والكل عم يتطلعو فيه مستغربين
صار يضحك ودموعو تنزل
عم يبكي ويضحك بنفس الوقت
يبكي من الفرحه لانو الله استجاب دعائو وماحرمو من رفيقو
( طلع الدكتور ، ودخل مراد وسلم سلام حار على شهم وصار يمسح دموعو )
اوس. انا برأيي تبقى لبكرا واسمع كلام الدكتور
مراد. لا اذا حاسس حالو منيح الأفضل يطلع اليوم
اوس. لك بدل ماتقنعو يبقى لبكره عم تشجعو يطلع
شهم. اوس صدقني انا منيح ومافيني شي
اوس. كذاب لما كان مغمى عليك اول ماصحيت قلت انو نفسك تعبان
والدكتور قال انو صدرك تعرض لضربه كبيره
مراد. انا شايفو منيح وبرأيي يطلع اليوم بما انو اول يوم بالعزا
شهم بخوف. اي عزا عن شو عم تحكي ، جدي صرلو شي ؟
مراد. هههههههههههه
شهم. لك ليش عم تضحك قلي جدي صرلو شي
مراد. هههههههههه
شهم. لك والله بقوم بموتك احكي خلصني
مراد. ههههههه اخ والله على قد مابكيت عليك توقعت مابقى اضحك بحياتي
اتطمن جدك مافيه شي بس انت اللي ميت
اوس. العما بقلبك ليش عم تفاول عليه
مراد. هاد حكي نورس
والخبر منتشر بين اهلك انك متت
وحتى لما اتصل علي اوس كنت قدام بيتك والكل كانو مجتمعين
اوس. شو السبب اللي خلاهم يحكو هيك !!
شهم بصدمه وخوف على جدو. جدي سمع بهاد الحكي ؟
مراد. اي اكيد
.. قام من السرير شهم بسرعه وهو عم يحس بوجع قوي بصدرو ..
شهم. اوس روح جهز اوراق الخروج بسرعه
اوس. متأكد بدك تطلع
شهم. شو رأيك ابقى هون وانا مابعرف شو بتكون حالة جدي
( طلعو من المشفى وطلع شهم مع مراد بسيارتو
واوس راح ع الشركه لانو اتصلو عليله مشان امر مهم وضروري )
طول الطريق كانو يحكو وشهم حكالو انو تزوج بنت عمو
وانصدم مراد لما عرف لانو بيعرف اديش شهم بيكره اعمامو
ـــــــــــــــــــــــــــــــــــــــــــــــــــــ
في بيت شهم وصلت ليلى وامها وكان واصلهم الخبر انو ابو عبد الرحمن هو اللي مات
لكن ما مابتفرق عندهم سواءاً شهم او جدو
اتصلت ليلى على منال اللي ماتنازلت تجي لما عرفت انو جدها هو اللي ميت
منال بصدمه. ليلى قولي انك عم تكذبي
ليلى. لك في حدا بيكذب بالموت
عم قلك شهم هو اللي مات بحادث سياره
منال. لاااا مستحيل
يعني الختيار لساتو عايش وشهم يموت !
ليلى. لك ليش الموت بفرق بين كبير وصغير
( سكرت الخط منال وهي تبكي من القهر
اول شي انحرمت من شهم لما تزوج آيلا وهلأ انحرمت منو لانو مات
كانت حزينه ومصدومه مو زعل على شهم لكن هلأ وين رح تلاقي عريس متلو
شب غني وحلو وكل البنات بيتمنوه وفيه كل المواصفات اللي بتتمناها
زاد حقدها على آيلا لانو مات وهي لساتا مرتو ورح تورثو وهي مابتستاهل )
اما ليلى وام نورس لولا العيب كانو رح يضحكو على شكل ألماس اللي كانت متل المهرج بالمكياج اللي عملتو ايلول
ـــــــــــــــــــــــــــــــــــــــــــــــــــــ
وصل شهم ع البيت وشاف سيارات كل العيله
شهم. مراد انا رح فوت ورح وشوف جدي وانت مانك غريب البيت بيتك فوت ع الصاله لعند الشباب
مراد. مع انو بتمنى تفوت معي بالأول ع حابب شوف وجه اعمامك لما يشوفوك ههههههه
شهم. لك هلأ اهم شي عندي هو جدي وبعدين خلي الخبر يجيهم بالتدريج لانو بخاف اذا شافوني فجأه تصيبهم سكته قلبيه من القهر( دخل مراد على صالة الرجال
وشهم دخل ع البيت وقبل مايفوت قال يا الله يا الله لحتى اذا البنات مو لابسين يلبسو
ام نورس توقعت هاد يكون اوس وقالتلو تفضل يا ابني
دخل شهم وكان كل همو يروح ويشوف جدو لكن لما شاف ام عمر وام اوس كيف عم يبكو احترق قلبو عليهم
وكان بيتمنى يعرف مين اللي طالع كذبه انو ميت لحتى يدبحو )
الكل كانو بحالة صدمه لما شافوه لكن اول شخص صرخ هي ألماس
ألماس بصوت عالي. شهـــــــــــــم !
اتطلع فيها وهو مستغرب من الألوان اللي على وجها وطالعه متل المهرج وبصعوبه قدر يمسك ضحكتو لانو الوقت مو مناسب
قرب شهم من امو وباس رأسها لما شافها كيف ماعم تقدر تمشي على رجليها وتقرب لعندو
شهم. باعمري انتي ليش كل هالدموع هي انا قدامك ومافيني الا كل خير
ام عمر. ـــــــــــــ تبكي
ام اوس مصدومه. ـــــــــــــ ابتسمت لما شافتو وهي عم تبكي
( بعد مرور خمس دقايق وهو عم يحاول يهدي فيهم ويفهمهم انو بخير لكن ع الفاضي بس عم يبكو
عصب شهم )
شهم. رح تسكتو ولا روح موت حالي لحتى ماتروح دموعكم ع الفاضي
ام عمر. بعيد الشر عن قلبك ياريت يومي قبل يومك
ام اوس. الله يحميك يا ابني
شهم. الله يسعدكم ولا يحرمني منكم بس ماقلتولي وين جدي ؟
ألماس. جدي وراك
( ابو عبد الرحمن طلع من غرفتو اول ماسمع صوت شهم
ولما شافو ماحب يحكي لحتى يقدر يستوعب اللي صار
اما شهم اتطلع وراه وشاف جدو واستغرب لما شافو
معقول ما اتأثر بالخبر لكن ابو عبد الرحمن جاوبو على استغرابو )
ابو عبد الرحمن. كان قلبي حاسسني انك بخير وانك رح ترجعلنا
شهم. دخيل قلبك الله لا يحرمني منك
ابو عبد الرحمن. مطول وانت واقف ؟ انا مابمشي اذا مستني حتى انا اجي لعندك
( قرب شهم من جدو وباسو من راسو لكن ابو عبد الرحمن سحبو وضمو بقوه والدموع اللي حاول يخفيهم نزلو كلياتهم )
ابو عبد الرحمن. مابكفي انحرمت من ابوك ..
.. شهم توجع كتير من صدرو لما ضمو جدو بقوه لكن رغم الوجع ماتحمل يبعد عن جدو
ولما شاف دموع جدو نزلت دموعو هو كمان
رغم انو كان حالف انو ماتنزل دموعو من وقت ضربو عمو وهو طفل عمرو 11 سنه ..
ابو عبد الرحمن. مابدي اخسرك متل ماخسرت ابوك ياشهم
ليش كنت بدك تموتني بحسرتي عليك
شهم وهو يمسح دموع جدو لانو ماهان عليه جدو يبكي قدام الكل. ابوس ايدك لا تحكي هيك
مابهون علي شوفك هيك
انا بخير وليكني قدامك
ابو عبد الرحمن. احكيلي وفهمني شو اللي صار
شهم. اللي صار انو كنت عم احكي مع اوس وما انتبهت ع السياره اللي قطعت الأشاره وجايه بأتجاهي بسرعه كبيره
وماصحيت الا وانا بالمشفى
واللي ضربني بالسياره هو اللي اسعفني
ولما صحيت كان اوس فوق راسي وحالتو مابيعلم فيها غير الله
وعملولي فحوصات وأشعه
كانو خايفين يكون في نزيف داخلي بس الحمدلله ، الله ستر
وبعدا اجا مراد خبرني انكم بتفكرو اني ميت
بدي اعرف مين اللي طالع الأشاعه ؟
ام اوس وهي خايفه. انــا ، بس والله يا ابني هيك فهمت من مكالمتي مع اوس وهو يقول شهم راح وضربتو سياره
ام نورس بعصبيه. بالأول لازم تتأكدي قبل ماتطالعي اشاعات ع الناس
ولا مابتهمك مشاعرنا
ايلول. خالتي ام اوس معها حق لو اي حدا تاني مكانها كان فهم نفس الشي
هي شو ذنبها اذا اوس ماشرحلها اللي صار واكتفى بأنو يقول شهم راح شهم راح
( شهم ما اهتم لحكي ايلول وماعبرها هو من غير شي بيكرهها
كيف هلأ وهي عامله حالها ملاك )
شهم. ولا يهمك خالتي انا بعرف انو مو قصدك وانا كلي فداكي
واوس الغبي بس يجي انا بتفاهم معو
ابو عبد الرحمن. الحمدلله على سلامتك والحمدلله انقضت على خير
شهم. الله يسلمك ويطول بعمرك
( وصلو امير ونورس ودخلو لحتى يخبرو جدهم انو ما عرفو شي عن شهم
لكن انصدمو لما شافوه وكتير فرحو انو بخير وماصرلو شي
نورس شاف ألماس واجتو الضحكه وماقدر يتماسك حالو وطلع لبرا ولحقو امير )
شهم. ايـــه ماقلتيلي ألماس شو هالوجه اللي بخوف
والك عين تبكي علي وانتي مو تاركه لون مو حاطيتو على وجهك
لا ومع الدموع داخله كل الألوان ببعض وطالع وجهك متل الخرطيه ههههههههه
( قامت تركض على المرايه وجنت لما شافت وجها وتذكرت انو نورس شافها بهالحاله وصارت تتوعد بأنو تقتل ايلول
طبعاً ايلول هربت فوراً من لما شهم فتح الموضوع )
ام عمر. لك الله يسامحك يا شهم كنت جهزها للصدمه بالأول
ابو عبد الرحمن. ايمتى بدها تعقل بنتك ياجميلة
دخلت علي ع الغرفه وانا ماعرفت اضحك ولا ابكي
شهم. هههههههههه
ألماس. اذا خلصت ضحك اطلع على غرفتك وشوف البنت انهارت بسببك واعطوها مهدئات
( شهم كان ناسي آيلا تماماً والغريب انو شاف ايلول وتذكر انو هي اكتر وحده بتكره آيلا
ومع هيك ما اتذكر آيلا
طلع فوراً ع الغرفه )
ـــــــــــــــــــــــــــــــــــــــــــــــــــــ
في غرفة آيلاقامت وهي تحس اللي صار حلم مو حقيقه
كان عندها احساس قوي انو شهم عايش وبخير
وكان املها بالله كبير لانو اللي فهمتو انو شهم عمل حادث يعني في امل يكون لسا عايش
راحت توضت وصلت وصارت تدعي انو شهم يكون بخير
( يارب تحفظ لي شهم من كل مكروه
يارب استودعتك شهم وصحته وعافيته يامن لاتضيع عندك الودائع
يارب لا تريني فيه بأساً يبكيني )
وصل شهم عند باب الغرفه وسمعها وهي عم تدعي وماحب يقاطعها
استناها لحتى تخلص لكن طولت فـ حب ينبهها انو موجود
شهم بحنيه. آيــلا
( آيلا سمعت صوتو وعم تدعي يارب مايكون حلم
لفت بأتجاهو وكان عم يتطلع فيها بحنيه وشوق
فتح ايديه وهي راحت تركض لعندو وضمتو وعم تمسك أيديه وتتأكد انو حقيقه مو وهم )
آيلا. شهم بحبك والله بحبك
بترجاك لا تبعد عني لا تتركني انا مافيني عيش بدونك
ضمها بقوه وكان بيتمنى لو بيقدر يخليها تشوف مكانها بقلبو
شهم. ياعمري وانا والله بحبك ومابتخيل انو اقدر عيش يوم من دونك
واذا فينا حدا بيترجى فـ انا اللي بترجاكي تحبيني وما تتخلي عني
آيلا. انا كتير بحبكــك وكتير خفت عليك
شهم. ياقلبي انتي
آيلا. شهــــم
شهم. ياعيونو لـ شهم
آيلا. ليش قالولي انك مــ .. ( ماقدرت تكمل الكلمه )
شهم. لا تكملي ياقلبي
هلأ بحكيلك كل شي صار
ــــــــــــــــــــــــــــــــــــــــــــــــ
في صالة الرجال
كانت الصدمه واضحه على وجوه الكل لما خبرهم مراد
ابو نورس. اي الحمدلله على سلامتو
( كان الوضع متوتر بين ابو نورس ونورس لانو اضطرو ينجمعو بمكان واحد والكل لاحظو هاد الشي بس ماكانو بيعرفو شو السبب
بعد مرور نص ساعه وصل اوس ودخل لعندهم )
اوس بصوت واطي. والله نزلت من عيني يا مراد لما شفتك عم تبكي هههههه
مراد. انت اسكت احسنلك لانو كل شي صار العزا والزعل كلو بسببك وانت تبكي وتصرخ ع التلفون مع امك متل الاولاد
اوس. انا متل الاولاد ؟ ع كل حال رايح شوف امي هلأ
بدي شوف شو صار فيها
مراد. انقلع روح اعتذر منها وقوللها مراد بسلم عليكي وبقلك اذبحيني
اوس. وليش امي اللي تذبحك انا بذبحك غالي والطلب رخيص
مراد. هلأ اتأكدت انك غبي ومافي منك امل
( دخل اوس لعند امو )
ام اوس. المشكله قلبي طيب والا كنت دبحتك
اوس. ههههههههههه الله يصلحك لك امي كل شي صار من تحت راسك
ام اوس. لا والله من تحت راسك ولسا الك عين تضحك
خجلتني بين العالم لو مادافعت عني ايلول شو كان رح يصير فيني
اوس. ليش شو قالت ايلول ؟
ام اوس. امها سمعتني حكي وهي ردت على امها وقالت خالتي مو ذنبها بالشي اللي صار
وردت فعلها طبيعيه
والله يا اوس اني حمدت ربي انو هالبنت صارت مرتك
لانو كبرت بعيني كتير
اوس. امي معليش تناديلها شوي
ام اوس. شو بدك منها
اوس. زوجتي يعني شو بدي منها بدي سلم عليها ( اوي كبرت بعينو ايلول بعد الشي اللي سمعو )
( ام اوس خبرت ايلول انو اوس بدو يشوفها رفضت بالبدايه تشوفو )
ايلول. يعني هو شايف هلأ الوقت مناسب
ام اوس. والله يابنتي قلتلو لكن أصر انو يشوفك
طلعت لعندو وهي معصبه وبصوت عالي. خيـــــــــــــــررر
اوس. عأساس اللي بشوف هالوجه بشوف الخير
ايلول. شو بدك ؟
اوس. بدي قلك انو جرعة النكد اللي اخدتها الصبح ماكفتني
قلت بناديلك هلأ وبنكد على حالي لحتى اقدر كمل يومي
ايلول. بتعرف انك وقح وحقير ؟
اوس وهو يشد على ايدها. اسمعي ولي اذا بترفعي صوتك علي مره تانيه وبتغلطي لسانك بدي قصو
ايلول. والله اللي بدق الباب بيسمع الجواب .. لــــــــك ايدي وجعتني ياحيوان
اوس. مو مشكله هلأ مارح احكي معك شي
بس نصير ببيتنا بتشوفي وقتا الحيوان شو رح يعمل
ايلول. بأحلامك ياكلب
اوس. اقسم بالله اذا بتحكي كلمه تانيه كمان غير اخدك هلأ ع البيت وربيكي من اول وجديد
( خافت منو لما سمعت هيك
لكن مابين ضعفها
تركتو ودخلت ع غرفة مافيها حدا لحتى ماحدا يشوفها وهي تبكي )
.. اوس وايلول لتنين عنيدين ومافي امل انو واحد منهم يتنازل للتاني ..
كل اللي كانو موجودين بـ بيت شهم
فقدو الأمل بأنو شهم ينزل ويقعد معهم
وكل واحد اخد اولادو وراح على بيتو
حتى ام عمر وألماس راحو
( ع الطريق بالسياره )
ألماس. امي ليش ماخليتيني اطلع لعندهم واودعهم
ام عمر. ما انتي كل يوم وانتي بوجههم لك اتركيهم يرتاحو شوي منك
ألماس. حاسه ليلتهم رح تكون حمرا
ام عمر. ياقليلة الأدب حمرا ولا خضرا مو شغلك
ــــــــــــــــــــــــــــــــــــــــــــــــــ
تاني يوم الصبح في بيت شهم
فاقت قبل مايصحى شهم ولبست وتمكيجت ونزلت ع المطبخ تجهزلو الفطور وماقبلت انو الشغاله تساعدها
كانت حابه كل شي يكون شغلها
حطت الفطور بالصاله وطلعت ع الغرفه لحتى تناديلو
دخلت وكان عم يجهز حالو وعم يلبس قميصو
لما شافتو نزلت عيونها بالأرض
شهم عرف انو آيلا تذكرت الموقف اللي صار قبل سفرهم وقت جرحها
وبيتمنى لو يقدر يمسح هالموقف من ذاكرتها
قرب منها ووقف قدامها
شهم بحنيه. آيلا ارفعي راسك واتطلعي فيني.. رفعت راسها وهي خجلانه لانو لسا ماسكر ازرا القميص وقبل ماتطلع بوجهو
شافت الكدمات اللي على صدرو بسبب الحادث
خافت كتير ومررت اصابعها على صدرو وهي عم ترجف ..
آيلا. ياعمري انت
شهم. شيلي ايدك
( بعدت ايدها عنو واتطلعت فيه والاسئلة عم تدور براسها
معقول رجع تغير
معقول يتكرر نفس الموقف
ليش لما حاولت ألمسو بعدني عنو ) قرب من خدها وهمس بأذنها
شهم بخبث. بعرف انك بتحبيني بس خلينا عاقلين لانو لازم اطلع ع الشركه
.. انصدمت من كلمتو وظلت صافنه شوي عم تحاول تصفي نيتها لكن واضحه تمنت الأرض تنشق وتبلعها
حاولت تبرر وتفهمو انها كانت خايفه عليه لكن ماسمع منها
اكتفى بأنو يبستم وكل شوي يضحك
هو بيعرف قصدها ونيتها لكن حب يستغل الموقف ..
( نزلو ع الفطور وبس خلصو اعطاها ظرفين فيهم مصاري وطلب منها تعطيهم للشغالات بالبيت )
آيلا. وليش ما انت تعطيهم رواتبهم ؟
شهم. لا هاد مو راتبهم
آيلا. لكن شو
شهم. مبارح بعد اللي صار اثرت فيني دموعهم وخوفهم علي
مابعرف يعني فيكي تقولي مكافأه .. يلا انا لازم اطلع بدك شي جدي ؟
ابو عبد الرحمن. اي بدي خبرك انو عزمت اعمامك وعمتك ام عمر و اوس وامو على المزرعه بكره
وانت اعزم مراد
شهم. شو مناسبة العزيمه وانت بهالحاله ؟
ابو عبد الرحمن. بمناسبة طلعتك من المشفى بخير وسلامه
شهم. مع انو شايف انو ما الها داعي
ابو عبد الرحمن. انا اللي بقرر اذا الها داعي او لا
شهم. متل مابدك جدي اللي بريحك
ـــــــــــــــــــــــــــــــــــــــــــــ
في بيت ام عمر
ألماس. آآآآآه آآآه
ام عمر. خير ان شاء الله
ألماس. زوجيني واكسبي فيني اجر
ام عمر. اصبحنا واصبح الملك لله ، صبحتي تحلمي بالعريس
ألماس. ايـه مابحس بالنار الا اللي عم يحترق فيها
اصلاً انا قررت ارفع قضيتي لـ جمعيه حقوق الأنسان
وتخيلي ينشرو قصتي بكل الجرايد العربيه والأجنبيه وصير مشهوره
وانتي بتعرفي الأجانب بيعملو مظاهره على اتفه الأمور
وهون بالبلد بيطلعو مظاهرات وبيمشو بالشوارع ومعهم لافتات مكتوب عليها
زوجو ألماس ، لا للظلم زوجو ألماس
ام عمر. كل هالشي رح يصير مشانك انتي ، وياريتك مستاهلة كل هالضجه ههههههههه
ألماس. انتي خليكي هيك لا تقصري ظلك عم تحطمي معنوياتي
ام عمر. اي روحي انقلعي من وجهي رح يجي نورس ومابدي تسويلي مصيبه جديده
( هي سمعت هالكلمه وراحت فوراً على غرفتها طالعت احلى شي عندها ولبست وتمكيجت
واتطلعت على حالها بالمرايه واتطمنت انو شكلها هالمره حلو
وبس خلصت اخدت كتاب ودخلت ع الصاله
ام عمر شافتها لكن ماحكت شي بدها تشوف على شو ناويه المجنونه هالمره
وبعدا راحت ع المطبخ اخدت كاس عصير وطلعت ع الحديقه
قطفت ورده وقعدت ع الطاوله وفتحت الكتاب )
ام عمر بأستغراب. شو عم يصير معك
شو الأعراض اللي عم تحسي فيها ؟
ألماس. ولاشي بس قلت لحالي يمكن نورس يشوفني
خليني البس وزبط حالي احتياط
ام عمر. اي اللبس والمكياج فهمنا بس العصير والكتاب لـ شو ؟
ألماس. مشان البريستيج
خليه يفكرني مثقفه وفهمانة
ام عمر. هههههههه بعد كل شي شافو مابتوقع انو تتحسن صورتك بنظرو
( تركتها امها ودخلت ع البيت
وبعد ربع ساعه وصل نورس ودخل قعد بالصاله
وألماس بالحديقه عيونها بالكتاب وعم تحاول تبين انو مركزه بالقراءة ومابهمها اي شي تاني
لكن من سوء حظها راح نورس بدون مايشوفها
طلعت لعندها امها ع الحديقه )
ألماس. قسماً بالله انعمو عيوني ، شو طمنيني ان شاء الله كون طلعت بنتيجه
ام عمر. لا الحمدلله راح بدون مايشوفك او يسمع صوتك ههههههه
ألماس. الله يبشرك بالخير
والله شي بيقهر كل هالتعب راح ع الفاضي
ام عمر. قومي جهزي اغراضك بدنا نروح ع المزرعه بكره الصبح
وخدي معك تياب لـ 4 ايام
ألماس. واااااو رح نظل بالمزرعه 4 ايام ؟
ام عمر. لا رح نبقى يوم بالمزرعه وباقي الأيام بـ بيت شهم
ألماس. وليش حتى نبقى عند شهم ؟
ام عمر. مو شغلك
ــــــــــــــــــــــــــــــــــــــــــ
في بيت ابو نورس
كان موجود عندهم اوس
ابو نورس. لك با ابني انت ليش مصمم تعمل عرس برأيك الوضع مناسب لهيك قصص
اوس. لانو من حقها البنت تفرح
ابو نورس. بدل هالقصص اللي بلا طعمه
انا عندي حل بيرضيك وبيرضي ايلول
اوس. عم اسمعك
ابو نورس. لحتى نحفظ حقها اعطيني شيك بقيمة تكاليف الزواج
وهيك انا بكون ضمنت حق البنت والمبلغ رح يظل الها ومارح يروح عليها شي
( عرف اوس انو هاد اللي بدو ياه ابو نورس من البداية ومع هيك ما اعترض
كتبلو شيك بمبلغ كبير بيغطي تكلفة 100 عرس
ابو نورس طار عقلو لما شاف قيمة الشيك
وقال لحالو اذا من البداية قدر ياخد من اوس هيك مبلغ كبير كيف مع الأيام )
ابو نورس. انت بتعرف انو القصة مو قصة مصاري لكن قدام الناس مشان نسكت كل حدا بيحكي
اوس. معك حق لكن انا بدي خبرك انو انا بعد يومين بدي سافر بدي خلص اموري بالشغل برات البلد وبعتبر رايحين شهر عسل ( طلع اوس من بيت ابو نورس بعد ما اتفق معو على كل شي
طلع بسيارتو واتصل بـ ايلول
شافت الرقم وماردت لانو رقم غريب وكان مشغول بالها بـ شو حكا اوس مع ابوها
لكن وصلتها رسالة من نفس الرقم
مكتوب فيها ايلول ردي ضروري )
ايلول. الوو
اوس. ابشع كلمة الـو بسمعها بحياتي
ايلول. خيـــر ليش عم تتصل ، وبعدين من وين جبت رقمي ؟
اوس. رقم زوجتي واكيد بدو يكون موجود معي
ايلول. لا تقول زوجتي ، انت ولا شي بحياتي ياحـقيـ ..
اوس قاطعها. انتي الحكي معك بالمنيح مابيمشي حالو
اسمعي ولي حيوانه اليوم بتجهزي حالك وبتودعي اهلك لانو اليوم اخر يوم الك بينهم فاهمه
ايلول. لا مو فاهمه وبس تكون ابي هداك الوقت بتعطيني اوامر
اوس. نسيت اقلك انو ابوكي باعك بمبلغ وقدره ****
مع انو حرام ادفع فيكي ليره وحده
.. ما انصدمت من الحكي اللي سمعتو لانو بتعرف ابوها بدو يبيعها متل ماباع آيلا
سكرت الخط بوجه اوس
لحتى مايحس عليها وهي عم تبكي ويشوف ضعفها
اما اوس عرف انو سكرت الخط لانو كلامو زعجها
وندم ع الحكي اللي حكاه
لكن هي اللي استفزتو لحتى حكا هيك
كانت بتعجبو ايلول وكل الصفات اللي بيتمناها بالبنت موجوده فيها
لكن لو انو كانت قوتها على حق مو على باطل ومع الأسف ايلول بتمتلك قلب اسود مو ابيض
وانسانه حقوده ولئيمه لانو فكرت تأذي اختها وتؤامها
هيك كان اوس مفكر انو ايلول بنت مؤذيه وحقوده وقلبها اسود
وكل زواجو منها لحتى ينتقم منها ويبعد شرها عن صديقو واخوه شهم ..
ــــــــــــــــــــــــــــــــــــــــــــــــــ
في بيت ياسر
كانو مجتمعين منال وسندس وليلى
منال بعصبيه. لأيمتى رح تظلو تسكتوني وتحكولي اصبري واهدي
هي شهم وطلع عايش انا بدي حل فوراً لحتى يطلقها
ليلى. شو نعملك يعني
نروح نقتلها ونزوجك شهم ؟
سندس. منال اهدي لانو عصبيتك هي مارح تغير شي
منال. انتي بالذات اسكتي لانو سمعت منك كتير وعالفاضي ماشفت نتيجه
مشان هيك رح اتصل على مصطفى واعمل اللي براسي
سندس. اسمعيني ياغبيه لك شهم مارح يصدق هالحركه
لانو مبارح البنت انهارت واغمى عليها من الخوف عليه وانتي اليوم بدك تتهميها انو بتخونو
هو مانو غبي لحتى يصدق
منال. لك لكن احكيـــــــــــــلي شو اعمل لانو رح جن من كتر التفكير
سندس. اسمعيني اول شغله
انتي عملتي شي كتير منيح لما خليتي شهم يعرف انك غير عن اهلك وهالشي من صالحك
وبكره بالمزرعه بيني قدام شهم انك بتحبي جدك وبتموتي عليه
وحتى لو جدك صدك وما اعطاكي وجه
المهم تبيني قدام شهم انك البنت العاقله والمحترمه
ليلى. هههههههه قال محترمه قال
لك انتي ماشفتي التياب اللي مجهزيتهم لحتى تلبسهم ويشوفها شهم فيهم
كلياتن من فوق الركبه
منال. ياغبيه شو شايفيتني رح اطلع قدامو وقلو تفضل شوفني وهي عم اعرض حالي عليك
كل القصه انو رح خليه يشوفني عأساس بالصدفه وانو غصباً عني مو بأيدي
سندس. والله ماحدا غبي غيرك يا منال
لك الشب مهما كان وقح وجريء مابحب غير البنت اللي محافظه ع حالها واللي بتبين قدامو انو ملتزمه
ــــــــــــــــــــــــــــــــــــــــــــــــــــ
الساعه 11 في غرفه شهم
متل العاده آيلا عم تنام على طرف السرير
سبحها وقربها منو وحط راسها على صدرو
آيلا خجلت وحاولت تبعد عنو. لا شهم مو شايف كيف لسا الكدمات موجوده بصدرك
شهم بخبث. اذا بتبوسيهم بضمنلك انو يختفو ومايظللهم أثر
آيلا. ـــــــــــــ
شهم. ههههههه عم بمزح معك شبك
آيلا. شهم اسكت وخلينا انام لانو بكرا بدنا نطلع بكير ع المزرعه
شهم. آيلا بدي اسألك كيف علاقتك بأيلول ؟
آيلا. اختي وتؤامي وحبيبتي ورفيقتي
شهم. وهي بتبحك متل ما انتي بتحبيها ؟
آيلا. ويمكن اكتر ، شهم بتعرف احياناً بفكر بحياتي
وبقول انا شو عملت لحتى امي وابي بعاملوني هالمعامله
طول عمري كنت حريصه انو ما ازعلهم واكون البنت الباره لكن كل محاولاتي ع الفاضي
بس وقت اتذكر حب جدي الي وحب ايلول وخوفها علي
وحب نورس وحب عمتي جميله اللي بتعتبرني بنتها
وقتا بقول الله عوضني فيهم عن حب امي وابي وقسوتهم
شهم. غريب انو ذكرتي حب الكل الك ونسيتي تذكري حبي ، آيلا انتي لسا عندك شك بحبي الك ؟
آيلا. لااا
شهم. بحبــك كتير والله مابكذب عليكي اذا بقلك حبيتك من اول يوم
لكن صدقيني كل شي صار غصباُ عني
ياعمري خلينا ننسى كل شي ونعيش حياه كلها حلوه وكلها حب
لاني مابقدر عيش بدونك ولا لحظه
..قربت منو وباستو على خدو ..
شهـم حط ايدو على خدو. لا مستحيــل
ارجعي عيديها لحتى اتأكد انو اللي صار حقيقه !!
آيلا. لك شهـــم بدنا انام رح نطلع من الفجر وانت سهرتنا
شهم. هههههه حاضر بس يكون بعلمك انو هي اخر ليلــ ..
.. حطت ايدها على تمو وماخلتو يكمل الكلمه ..
آيلا. شــــــهم نام بقى
شهم. ههههههه اخر ليله
ـــــــــــــــــــــــــــــــــــــــ
تاني يوم الصبح طلعو على المزرعه سياره كان فيها شهم وآيلا وابو عبد الرحمن
والسياره التانيه كان فيها الممرض والشغالاتوصلو على المزرعه
نزلت آيلا من السياره ولما شافت المزرعه ماتوقعت تكون بهالجمال
انبهرت لما شافتها كانت فخمه جداً وداخلها فيله صغيره
شهم. عجبتك ؟
آيلا. بتاخد العقل ماتوقعت تكون بهالجمال
شهم. لك لسا ماشفتيها كيف حكمتي فوراً
آيلا. بكفي اللي شفتو لحد الأن
شهم وهو يحط ايدو على كتفها. لا مابكفي تعالي ورجيكي ياها قبل مايوصلو اعمامي
.. بعد مامشيو اكتر من نص ساعه داخل المزرعه ..
آيلا. لو ورجيتني ياها بالصور مستحيل كنت رح صدق انو هي المزرعه الك
شهم. بالمصاري بتقدري تعملي كل شي بدك ياه بالدنيا .. الا الصحه والعافيه
آيلا. معك حق ياعمري
شهم. اخ ياريتني تفلسفت من زمان لحتى اسمع منك كلمة عمري
آيلا. ههههههه شهم الجوع اثر عليك ، يلا تعال خلينا نروح نفطر
شهم. مابدي افطر بوسيني متل بوسه مبارح وبشبع
آيلا. شهـــــــــــــم
شهم. شبك على خدي
آيلا. خليك عاقل
شهم. ههههههههه اي لا تنسي كلامي مبارح انو كانت اخر ليــ
آيلا. هسس
( صارت الساعة 11 ولسا ماحدا وصل )
شهم. حكيت معهم وقالو بيوصلو ع الساعه 1
بس اوس رح يتأخر شوي لانو بدو يحجز بالفندق ويجهز كم شغله
آيلا. وليش يحجز بالفندق مو على أساس يبقو عنا
شهم. اي ام اوس رح تبقى عنا لكن اوس بدو ياخد زوجتو ع الفندق لانو بيتو لسا ماجهز وبدو يسافر بعد يومين
آيلا بأستغراب. ليش اوس تزوج !!
شهم. اي ليش مابتعرفي انو تزوج ايلول اختك ؟
آيلا. شـــــــــــــوو
شهم. شو شبك
آيلا. لك كيف تزوج ايلول وايمتى
ليكون عم تمزح معي
شهم. لك والله تزوجو بس يمكن ماصار فرصه حتى يخبروكي
آيلا. لك كيـــــــــــــف وانا اخر من يعلم
شهم. حتى انا ماعرفت الا بيوم الحادث
خبرني اوس انو كل شي صار بسرعه وعالسكت
وكنت عم احكي معو وصار الحادث
يمكن مشان هيك نسيو يخبروكي
وحتى عزيمه اليوم ع المزرعه عملها جدي اليوم بمناسبه سلامتي وبمناسبه زواجهم
وقبل مايسافر اوس لانو عندو شغل برات البلد وبدو يخلصو
آيلا. حتى جدي بيعرف وانا لا
طيب ايلول موافقه ولا ابي جبرها ؟
انا متأكده انو كل شي صار بالغصب لانو مستحيل ايلول توافق تتزوح بهالسرعه
نزلو دموعها وقالتلو لـ شهم
ليش ابي بيحرمنا نفرح بزواجنا متل كل البنات
انا تزوحت على طلب جدي وهيك كان رأيو
لكن ايلول ليش يحرمها تفرح بهاد اليوم
شهم وهو يقرب منها ويضمها. ياعمري انتي اللي كنتي دائماً تقولي انو ايلول شخصيتها قويه وبتفرض رأيها وكلمتها ع الكل
يعني اكيد ماحدا جبرها
اكيد وافقت برضاها
اما بالنسبه الك انا بعرف انك انحرمتي من هالفرحه وحقك متل اي بنت انـــ ..
.. قاطعتو وحطت اصابعها على شفايفو تمنعو يحكي ..
آيلا. لا تكمل ، شهم انت كل حياتي
انا بحمد رب العالمين كل الوقت انك انت نصيبي
انت فرحتي وسعادتي
مافي اي شي تاني بيسعدني الا انو تكون جنبي
كل اللي بحلم فيه وبتمناه انو حبنا يدوم وما انحرم منك
شهم وهو يبوس اصابعها. ولا يحرمني منك يا قلبي .. وبعدين يلا نامي ولا تختبري صبري
ـــــــــــــــــــــــــــــــــــــــ
في بيت ام عمر
ام عمر. والله لو اليوم عرسك ما كان اخدتي كل هالوقت لحتى تحهزي حالك
ألماس. يلا دقيقه وبكون جاهزه
ام عمر. انا نازله قدامك لانو نورس صرعني
صرلو ساعه عم يستنا فيكي
ألماس. لا امي استني بننزل سوا ، بس قوليلي شو احكي لما نطلع بالسياره وشو قلو لنورس
ام عمر. قوليلو قصه حياتك ومعاناتك مع الزواج
ألماس. طيب واسألو اذا لسا ناوي يتزوجني ولا خلص مافي امل
ام عمر. لا مافي امل لا تحرجي حالك ع الفاضي
ألماس. هيك قولتك
ام عمر. لك ولعيه يلا خلصيني اتأخرنا عليه ، بس تطلعي بالسياره سلمي وبعدا اخرسي لحتى نوصل
( طلعو ام عمر وألماس بالسياره
ام عمر ركبت قدام جنب نورس
وألماس ركبت وراهن ) ومن الأرتباك ماعرفت شو حكت
ألماس. السنـــام عليكم
( لما استوعبت شو حكت قالت لااااا يارب مايكون سمع ، دخيلك يارب مايكون سمعني لكن تفاجأت بردو عليها )
نورس وهو ماسك ضحكتو. وعليكم السنـــام
ام عمر كانت عم تحاول تشتت انتباهو حاولت انو تسعل اكتر من مره
نورس وهو يضحك وكاشف عمتو. صحه عمتي بدك مي ولا مافي داعي هههههه
ـــــــــــــــــــــــــــــــــــــــ
بعد مرور ساعتين وصلو اعمامو لـ شهم
ليلى. منال اهدي بلا ماحدا يسمعك
منال. لك قوليلي كيف بدي اهدى وكل هالعز اللي قدامك صار ملك آيلا
ألماس سمعتها وردت عليها. لسا ماشفتي شي
لسا ماشفتي الفيله اللي بألمانيا ولا البيوت والمزارع اللي برات البلد
مشان هيك قولي ماشاء الله ياحسوده قبل ماتصيبي اخي بالعين
منال. يامجنونه مين جاب سيرت اخوكي
ألماس. ماحدا غيرك مجنون ولا لتكوني بتفكري انو مابعرف بقصصك
حبيبتي ريحتك طالعه بالجامعه
ويكون بعلمك انا ألماس مو خالي او اخوتك اللي ياغافل الك الله
وهلأ قولي ماشاء الله
منال. ماشاء الله ، الله يزيد ويبارك
واصلاً عيب عليكي نحن ماكنا بنحكي عن اخوكيألماس. العيب هو الي عم تعلميه يا بنت خالــــــــي
منال. وبعدين معك
خلص احترمي حالك
سكتلك مره مو يعني انو رح اسكتلك دائماً
ألماس. يا امي خوفتيني
حبيبتي اسمعي حياة البنت بسمعتها وشرفها وهدول التنين انتي ماعندك ياهم ( تركتهم ألماس ومشيت )
ـــــــــــــــــــــــــــــــــــــــ
بعد صلاة العصر
كانو البنات قاعدين لوحدهم
رن موبايل آيلا
شهم. شتقتــلك
آيلا. اممم هلأ اتصلت لحتى تقول هالكلمه
شهم. شو هي الكلمه ؟
آيلا وهي ماقدرت تقول الكلمه لانو البنات جنبها. الكلمه اللي قلتها
شهم. ههههههههه ، اسمعي اطلعي انتي وامي وألماس بدي اخدكم تشوفو الخيول
( سكرت الخط وخبرت عمتها وألماس وطلعو )
منال. الله يلعن حظي
هي شو رح يخلصني منها
قال بيكرها قال
انا شايفه انو هي مو معطيتو وجه
وهو ماترك كلمة غزل ماقلا ياها
ليلى. ليش انتي سمعتي المكالمه حتى تقولي عم يتغزل فيها
منال. لا ياغبيه بس واضح وجهها اللي صار احمر ، قومي خلينا نمشي وراهم
بدي شوفو وهو يغازلها خليه ينحرق قلبي اكتر
( ندمت منال انها اجت ع المزرعه بعد الشي اللي شافتو
كيف شهم عم يهتم بـ آيلا وعم يدللها
وجنت اكتر وقت شافتو كيف طلع على الخيل وقعد آيلا قدامو
كانت رح تنفجر من الحقد والكره والغيره
بعد ماخلصو ورجعو
دخلت آيلا على الغرفة اللي فيها ايلول
راحت لحتى تتطمن عليها لانو من وقت وصلو قالت انها تعبانه وطلعت ع الغرفه وقفلت على حالها
دقت الباب آيلا وطلبت من ايلول تفتحلا
قامت ايلول فوراً ع الحمام وغسلت وجها لحتى مايبين اثار الدموع وفتحت الباب )
ايلول. هلا ياقلبي .. كم الساعه ؟
آيلا. الساعة 5 وانتي لساتك حابسه حالك
ايلول. لك ليش مافيقتوني
آيلا. مو مهم المهم انو ارتحتي لانو بدي احكي معك
ايلول. بشو بدك تحكي
آيلا. انتي كنتي موافقه على كل شي صار ؟
ايلول. عن شو قصدك
آيلا. عن زواجك من اوس بهالسرعه
ايلول عم تحاول تكذب. اي من كتر مابنحبك انتي وشهم قلدناكم
آيلا. لك عم بحكي عنجد
ايلول بجديه. صحيح انا كنت بتمنى يصيرلي عرس ماصار متلو
بس خلص بما انو ظروف اوس مابتسمح
فـ انا ماعندي مشكله واهم شي بالنسبة الي هو راحتو
وصدقيني كل شي صار بموافقتي وماحدا جبرني على شي
آيلا. يعني انتي مبسوطه ؟
ايلول. كتير والله ، اكتر مابتتخيلي
آيلا. اذا هيك لكن الله يسعدكم ياقلبي ويهنيكم
ايلول. ياعمري انتي ، ليكي انا بدي نص ساعة لجهز حالي وبس خلص تعالي لعندي لحتى اعملك احلى مكياج ولحتى اعلمك شعرك
لانو عندي احساس انو الليله هي رح بتكون مميزه بالنسبه الك
بعد كمية الورد اللي شفتها ونحن جايين
آيلا. أي ورد ؟ عن شو عم تحكي
ايلول. عم بمزح معك بس عنجد حابه اعملك مكياجك
( ايلول عملت مكياج لـ آيلا بجنن لدرجة انو كل ماحدا شافها كان يصلي ع النبي
اما منال فشلت كل محاولاتها بأنو تشوف شهم وتمثل انو شافتو بالصدفة لانو الشباب قعدو لحالهم
وجنت اكتر لما حست انو شهم عم يجهز مفاجأة لـ آيلا
اما المفاجأة كانت من اختصاص ألماس وبمساعدة ايلول
لكن كانو رح ينكشفو بسبب ألماس وهي كل شوي تقول اه ياقلبي
واه يا حظي )
لما صارت الساعة 12 رن تلفون ايلول وكان اوس المتصل
اوس. انا اخدت شناتيكي اللي بسيارة ابوكي ، يلا ياسيدة ايلول انتي جاهزة ؟
ايلول. طلعت بتعرف قدرك منيح وبتعرف انو نحن اسيادك
اوس. هههههههه اطلعي هلأ وحسابك بعدين
( ودعتهم ايلول وطلعت وهي مابتعرف لوين رايحه ولا شو رح يكون مصيرها )
اما آيلا رن تلفونها وكان شهم ..
آيلا. هلا
شهم. هلا فيكي يا قلبي
آيلا. ليش عم تتصل بدك شي ؟
شهم. لك ياظالمه اليوم بعتلك اكتر من 50 رساله شعر غزل ماتركت شي وانتي ما عبرتيني
آيلا. لك حرام عليك والله بعتلك رساله
شهم. مكتره ياقلبي ان شاء الله ماتكوني تعبتي وانتي عم تبعتيها
آيلا. ههههههه دخت شوي بس هلأ انا منيحه
شهم. لك انا اللي دخت تعالي لعندي انا عند المدخل
( راحت آيلا مع شهم وطلعو ع الطابق التاني من الفيله
وعيون منال كانت عليها عم تراقبها وعم تاكل حالها من الغيره )
وقفت آيلا مصدومه من الشي اللي شافتو
كان الورد والشموع بكل مكان والاضاءه هاديه
وشغاله اغنيه رومنسيه بصوت ناعم وهادي
مسك ايديها قربها منو وضمها بقوه ..
ــــــــــــــــــــــــــــــــــــــــــــــــــــ
ألماس. لك آآآه ياقلبي كل وحده عم تاخد زوجها وتروح وانا ياحسرتي على حظي
يتبع في الجزء الثامن ..
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```