الفصل 4
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵ بنفسجية.العينين.tt*
*❴🔢❵☟الـــبـــــــــــ❴4️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#بنفسجية_العينين_الكاتبة_روان_الشبلاق
الجزء الرابع
كان عم يتطلع فيها توقع انها رح تعصب وتنزعج او ع الأقل تبكي وتروح على غرفتها بس انصدم لما شافها ظلت واقفه قدامو متل ماهي
وحتى الدموع تحجرو بعيونها
شهم. مطوله وانتي تتأمليني ؟ ان شاء الله كون عجبتك
يلا روحي جهزي حالك ورانا سفر
آيلا بهدوء. كيف بتحب قهوتك ؟
.. شهم كان ناسي انو طلب منها تسويلو قهوه وفطور
اصلا لما طلب منها ماتوقع انو توافق لانو مافي وقت ويادوب تجهز حالها ..
لك يعني اجت على غرفتي لحتى تسألني كيف بشرب قهوتي ؟ وانا اللي قسيت عليها لانو توقعت انها جايه وبكل جرأه على غرفتي لحتى تلمح على شي
لك بس خجلها ووقت تلبكت هي اللي خلتني فكر وافهم هيك
يعني البنت ما اجت تعرض حالها علي
لك بس هي ليش سكتت او حتى ليش لتجي على غرفتي بهالوقت وظلت ساكته
وانا بكل قسوه ادبتها وطلع تفكيري هو الغلط ..
شهم وهو في بصوتو نبرة اعتذار. بحبها ساده بدون سكر
بس لا تسويها وروحي جهزي حالك
( طلعت آيلا بدون ولا كلمه ونزلت ع المطبخ جهزت فطور سريع وقهوه وحطتهم ع الطاولة
دخل شهم وشافها )
شهم. مو قلتلك لا تسوي شي .. ليش عم تعاندي روحي جهزي حالك
آيلا بهدوء. تمام
( بعد عشر دقايق نزلت ومعها شنتتها
كان عم يشرب قهوتو وماكان الو نفس ياكل شي )
شهم. آيلا تعالي افطري لانو مبارح شفتك ما اكلتي شي
آيلا. شكراً مو جوعانه
( انقهر منها شهم ، بكل مره كان يجرحها كان بيتوقع تشيل قناع الطيبه والبرائه لكن ماكان يصير هالشي
حتى لما فهمها غلط وفسر جيتها ع غرفتو على كيفو وجرحها وسمعها حكي
ماشاف منها الا الهدوء
حتى مابكيت وراحت جهزتلو الفطور
كان عم يعذبها على غلطتها مع اخوها اللي بنظرو مابتنغفر
بس اللي ماكان ملاقيلو تفسير انو ليش كل مايعذبها بيتعذب هو معها )
وصلو عالمطار وخلصو اوراقهم وطلعو بالطياره
اول مابلشت الطياره تتحرك
تذكرت آيلا خوفها من الطيران
لكن بكل مره كانت تكون ايلول جنبها وتهديها
انتبه شهم عليها ولاحظ خوفها حس فيها وقرب منها
شهم. شبك ؟ خايفه !!
آيلا. ـــــــــــــــ خوفها عم يزيد كل مازادت سرعت الطياره
قرب منها وحاول يمسكها ويهديها لكن ماسمحتلو وبعدتو عنها
طالع حبوب المنوم من الشنته ونادى على المضيفه طلب منها كاس مي
ولما جابتلو المي حاول يعطيها الكاس بدون مايلمسها لكن ماقبلت تاخد منو شي
شهم. آبلا خدي الحبه بتريحك وبتساعدك حتى تنامي
آيلا. ـــــــــــــــ
طلب شهم من المضيفه انو تعطيها الحبه
قربت منها المضيفه وقالتلا. يلا حبيبتي خدي الحبه لحتى ترتاحي وماتحسي بالخوف
لما شافها شهم كيف خايفه منو وماقبلت منو شي كره حالو كتير ع الحركه اللي عملها معها اليوم الصبح
لما نامت آيلا قربها منو وحط ايدو وراها
وراسها على صدرو
على قد ماعم يقسى عليها وهو بيعرف انها بتستاهل اكتر من هيك
على قد ماعم بيتقطع قلبو عليها
طول عمرو كان قلبو وعقلو على رأي واحد وخط مستقيم
لكن هلأ ضايع مابين عقلو الي بيطلب منو يعاقبها ويطلقها ويخلص منها
وبين قلبو اللي حبها وعم يتعذب عليها ويقول بكفيها اللي شافتو بحياتها
لا تكون انت والزمن عليها
قبل ماتهبط الطياره بالمطار بعدها عنو وسندها ع المقعد
وصار يهزها بأيدو يناديها
شهم. آيـــــــــــــــلا يلا وصلنا
مشيت معو وخلصو الأجراءات بالمطار
وكان في سيارة بأنتظارهم طلعو فيها
وبعدا اخدها على كفي شوب
شهم. شو بتحبي اطلبلك ؟
آيلا. مابدي شي خلينا نروح لعند جدي
شهم. رح نروح ان شاء الله ، لكن هلأ شو اطلبلك ؟
آيلا. ـــــــــــــــ
.. بعد مرور ربع ساعة من الهدوء
طلعو بالسيارة ..
آيلا. رايحين لعند جدي ؟
شهم. لا رح نروح نرتاح بالفندق وبعدا بنروح لعندو
آيلا. بترجاك خلينا نروح هلأ
شهم. ـــــــــــــــ
آيلا. شـــو !!
شهم. لحظه امي عم تتصل
ام عمر. الو .. شهم .. الحمدلله على سلامتك يا امي .. ان شاء الله ماتعذبتو
شهم. هلا امي .. الله يسلمك .. لا الحمدلله ماتعذبنا
ام عمر. لك خلص اسكتـــــــــــــــي بدي اعرف احكي
شهم. هي ألماس المجنونه هههههه اعطيني احكي معا
ألماس. والله عرفت انو امي عم تحكي معك لانو بس تسمع صوتك مابعرف شو بصير لـ عقلا
شهم. هههههههه لك اعقلي بلا ما اجي ادبحك
ألماس. ههههههه لا انت هلأ بعيد عني على قد بعد العرس عني
شهم. ياعلقة هالعرس اللي مدخليتو بكل قصه
ألماس. بدي اصرع رأسكم لحتى تزوجوني ههههههه
شهم. اذا متت هداك الوقت بتتزوجي غير هيك لا
ألماس. لك انا كل ماقلت لواحد فيكن بدي اتزوج بقول بس اموت
لا تتحدوني لانو والله اخرتا رح اعمل فيكن مجزره جماعيه
شهم. ههههههه منيح نبهتيني مشان اذا صار علي شي لا سمح الله وقالو بـ مين عم تشك بقوللهم انتي
وبقى اتحملي اللي رح يجيكي لانو اعدائي كتار
ألماس. السجن والعنوسه اسمين لمعنى واحد يعني مابتفرق عنديشهم. ههههههههه لك الله يكون بعونو اللي بدو يبتلي .. ليكي برجع بحكي معكم من عند جدي لانو عم سوق السيارة هلأ
آيلا. يعني مو على الفندق رايحين ؟
شهم. لا ع المشفى
.. نزلو شهم وآيلا من السيارة ودخلو ع المشفى
كانت كتير مشتاقه لجدها
وقف شهم عند غرفه وعرفت انو هي غرفة جدها .. دق الباب شهم ودخل وهي دخلت معو
سلم شهم على جدو ودمعو عيونها من لقائهم
لانو شهم كمان كتير بحب جدو
شافت جدها وهو نايم ع السرير وكانت صحتو تعبانه
لكن رغم هيك كان مبين على وجهو القوه والثبات
مد جدها ايديه وهو عم يقول هلا يا بنتي
ركضت لعندو وضمتو وهي عم تبكي
ماعم تصدق انها هلأ بحضن الأنسان الوحيد اللي حبها حب كبير بهالدنيا
ماكانت حابه تبعد عنو ..
ابو عبد الرحمن. ليش عم تبكي ياقلبي انتي ، ولا حابه تضايقيني وتزعليني منك
آيلا. سلامة قلبك ياعمري ، والله لو بقدر كون مكانك وتكون انت متعافي ومافيك شي ماكنت ترددت لحظه وحده
ليت الوجع الي ولا الك
ابو عبد الرحمن. اذا بسمع منك هالحكي مره تانيه يا آيلا مابقى بحكي معك طول ما انا عايش
آيلا. تمام رح اسكت ، كل شي الا زعلك
( انتبه ابو عبد الرحمن على الزراق اللي بوجه آيلا واتوقع انو شهم ضاربها والسبب انو جبرو عليها ) اتطلع بشهم وبعصبيه حكالو. هي الأمانه اللي امنتك عليها يا شهم ؟
هي وانا لساتني عايش وعملت هيك
كيف لو انا متت
شهم بقهر. بعيد الشر عنك لكن انا والله ما الي علاقه بكل القصه
من وقت اخدتها من بيت ابوها وهي هيك
واذا حابب تعرف شو القصه اسألها ليكا جنبك
ابو عبد الرحمن. حسبي الله عليك ياخليل اللي بسبب افعالك بتخليني ادعي عليك
آيلا. لا جدي ابوس ايدك لا تدعي عليه انا غلطت اكيد والا ماكان ضربني
شهم. اي منيح واخيراً اعترفتي
ابو عبد الرحمن. شهم خلص اوراقي من المشفى واحجز على اول رحله ع البلد
ـــــــــــــ في بيت ام عمر ـــــــــــــــ
ألماس. امي اتصلي على جارتنا ام لؤي وقوليلها تبعت بنتا ندى لحتى ادرسها
ام عمر. هاا من ايمتى ؟ ليكون مرتفعه حرارتك
ألماس. لا امي بس بما انو ما الي مستقبل بالزواح ع الاقل خليني كون نافعه بشي تاني
ام عمر. هههههههه اذا عم تلمحي مشان ابنهم لؤي فـ هو خاطب بنت خالتو
ألماس. الله يبشرك بالخير وخليكي كل ماتشوفيني لقيت أمل فوراً حطميني
اصلاً انسي امي وماما وجميلة وجوجو
مابقى ناديلك غير يا ام العانس مشان تحسي بمعاناتي
ام عمر. ههههههه ، اي ماقلتيلي اتصل عليهم ولا بطلتي
ألماس. اي اتصلي
( بعد مرور ربع ساعة وصلت ندى لعند ألماس
ندى طفله عمرها 10 سنوات
ألماس بعتتلا تجي لحتى تلعب معها مو لحتى تدرسها )
ندى. هي الشنته فيها الكتب ، على شو بدك تدرسيني
ألماس. لك شو شايفيتني مجنونه لحتى ادرسك ، انتي 1+1 مابتعرفي ( اذا اخوكي طلع خاطب اللي ما الو حظ لا يتعب ولا يشقى )
ناديتلك حتى نلعب سوا واتسلا فيكي
بس ماقلت هالحكي لأمي لانو ماكانت رح توافق
ندى. شو بدنا نلعب
ألماس. تعالي نلعب بالكردور الخارجي هاد اللي بمدخل البيت لحتى امي ماتشوفنا
ندى. شو اللعبه
ألماس. ليكي انتي جيبي صابون وعبي السيراميك كلياتو
وانا رايحه جيب المي وجيب العربايه اللي بالأرض جنب البيت
ندى. لشو العربايه ؟
ألماس. بنطلع فيها بالدور انا بدفشك وانتي بتدفشيني وبتصير العربايه تزحلق من الصابون
( جهزت كل شي ألماس وصارو وحده تطلع بالعربايه والتانيه تدفشها بكل قوه
مره يخبطو بالحيط ومره بـ باب البيت الخارجي ومن كتر الصابون بالأرض مايقدرو يوقفو ع رجليهن )
.. حظ ألماس ماكان حلو لما كان دورها بالعربايه وانفتح باب البيت
كان مصيرها اما تظل مكمله ع الشارع او تكون بأحضان الشخص اللي فتح الباب
انفتح الباب وصرخت بأعلى صوت لما شافت الشب اللي واقف قدامها وبسرعه غطت وجها بأيديها
وكانت رح تصدمو وتسحبو معها ع الشارع
مو مهم المهم مايشوف وجهها وهي بهالحاله
اما نورس انصدم بالمجنونه اللي جايه بأتجاهو ولو تحرك من مكانو كانت وصلت لنص الشارع
وقف مكانو واول ماوصلت العربايه مسكها بكل قوه ووقفها
اما ام عمر طلعت على صوت عياط ألماس ..
ام عمر بصدمه وهي عند باب البيت. لك شو هاد ؟
نورس. عمتي لا تتحركي الأرض كلها مي وصابون
.. طلع نورس براب مدخل البيت وسكر الباب لحتى يعطي مجال لـ ألماس حتى تنزل من العربايه وتدخل ع البيت
اول مانزلت زحلقت ووقعت وبعد معاناه قدرت تفوت ع البيت
اما ندى وقعت بالأرض وغميانه من الضحك ..
دخل نورس وهو كل مايمشي خطوه يتمايل يمين وشمال ويرجع يثبت حالو ويمشي خطوه تانيه ويدعي على ألماس
ام عمر. انتبه وانت عم تمشي .. اسفه يا عمتي ، لك هي المجنونه ألماس كانت عم تشطف مدخل البيت اول مره بتفكر بتعمل شي منيح بحياتها وليك النتائج
نوس يتطلع بعمتو ويحاول يخفي ضحكتو على كذبة عمتو اللي مابتتصدق
ام عمر. مابتتصدق صح ، استنى خليني ادور على كذبه تتصدق واقولك ياها.. ضحك نورس من كل قلبو على عمتو اللي طول عمرو بحبها لأنها بتختلف عن اخوتها بكل شي
انسانه ماخده الدنيا ببساطه وضحك ومافي بقلبها غير الحب
ومابتعرف تكره حدا
وبعمرها المصاري ماغيرتها
وربت اولادها على الطيبه والبساطه
رفضت انها تطلع من بيت زوجها او تغيرو بعد مامات
برغم انو بتقدر تشتري اللي افخم منو بألف مره
لكن ماقدرت تتخلى عن ذكريات زوجها اللي فيه
ومابتتخلى عن جيرانها اللي حبتهم وحبوها
ام عمر فعلاً كانت ام للكل ..
نورس. عنجد مشتاقلك يا امي
.. ام عمر عرفت انو نورس صاير معو مشكله لانو مابقوللها يا امي الا لما يكون صاير معو شي ومتضايق ..
ام عمر. نورس لك عمتي شبك شو صاير معك
نورس. مافيني شي ياغاليه بس مشتقلك والله
ام عمر. نورس احكيلي شو صاير معك والا والله بزعل منك
نورس. امي صدقيني مافي شي
ام عمر. يا اما بتحكيلي او انسى انو الك عمه وحتى امي لا بقى تحكيلي
.. استسلم نورس وحكالها كل شي صار
هو كان محتاج شخص يشكيلو
وماممكن يلاقي حده يفهمو ويحس فيه اكتر من عمتو ..
( طلع نورس من بيت عمتو وراحت ألماس حتى تعتذر من امها )
ألماس. امي والله خلص بوعدك اعقل وما اعمل اي شي الا برضاكي
.. ام عمر ماكانت زعلانه من ألماس لانو بتعرف بنتها مجنونه ومتقبليتها بكل عيوبها لكن اللي كان زاعجها موضوع نورس
وآيلا اللي تعاقبت على ذنب هي متأكده انها ماعملتو ..
ام عمر بزعل. خلص سامحتك
ألماس. لا لسا حاسستك متضايقه ، وهي بوسه لحتى ترضي
ام عمر. حسبي الله عليكي لك حفرتي راسي على قد مابوستيني خلص والله مو زعلانه منك
ألماس. لكن من شو زعلانه ؟
.. ام عمر بتعرف انو ألماس مارح تتركها بحالها وهي مابدها تخبرها ..
ام عمر. زعلانه لانو نورس قبل فتره كان طالب ايدك مني وقتا قلتلو لحتى يجي عمر من السفر بيتفاهم معو
بس هلأ لما شافك حاسستو غير رأيو
ألماس. متأكده انو غير رأيو ولا بس مجرد احساس ؟
ام عمر. لا متأكده
ألماس. خلص امي انا مابقى بدي هالحياه كلياتها ، في شوكلا جلكسي بدرج الكومدينه اللي بغرفتي ، وفي علبة ببسي بالفريزة طالعيهم واكليهم مسامحك فيهم و ..
ام عمر قاطعتها. لك ولعيه ، خلص ارجعي داومي على قيام الليل بلكي بغير رأيو نورس
ألماس. يعني مارح تعترفي انو بتمزحي ولسا بدو ياني ؟
ام عمر. لا والله ماعم بمزح
ألماس. اصلا حتى لو هو ماغير رأيو انا ماكان بدي ياه
ام عمر. وليش بقى ؟
ألماس. شافني وهو شعري مو مسشور
وعليه رغوه وصابون
والبلوزه اللي كنت لابستها مشقوقه و ..
ام عمر. ما الك.حق كان لازم تروحي ع الكوافيره ولبستي فستان وجهزتي حالك قبل ماتلعبي
ألماس. اي اتمسخري يا جوجو اصلاً المره الجايه مارح خليه يشوفني الا وانا بكامل اناقتي
ام عمر. لك يا قليله الأدب تعودتي انو يشوفك
ــــــــــــــــــــــــــــــــــــــــــــــــــــــ
في المشفى
طلعو آيلا وشهم من غرفة جدهم
آيلا. شهم بترجاك قول للدكاتره لا يوافقو انو جدي يطلع من المشفى
لانو لو صارلو شي والله مابسامح حالي
شهم. آيلا اهدي يعني هادا قرارو ومابقدر اعمل شي
ماشفتيه كيف مصمم
آيلا. لك ابوس ايدك لا تخليه يرجع ع البلد
نفذلي هالطلب وبوعدك أي شي بدك ياه بصير
وأي شي بدك ياه اعملو فيني
بس المهم جدي مايترك علاجو ويرجع بسببي
.. شهم شافها كيف متوتره وخايفه ع جدها
قرب منها وحاول يهديها
لكن لما قرب منها خافت وبعدت عنو
ما استغرب من حركتها وكان متوقع تبعدو عنها
كيف بعد كل الكلام اللي حكالها ياه رح تقبل انو يكون قريب منها ..
شهم. صدقيني مابقدر اعمل شي مو لانو جدي مصمم ع رأيو لا
بس لانو حكي الدكاتره نفس حكي جدي
وانو اذا كان علاجو هون او بالبلد مارح يتغير شي
آيلا. كيف يعني مارح يتغير شي ؟
شهم بزعل. يعني الدكاتره بقولو انو مافيه شي ممكن يعملوه لحالتو
وضعو هون متل وضعو بالبلد مافي اي تحسن
وحكولي الأفضل انو تنفذولو رغبتو
آيلا بصوت عالي. كــــــــــــذاب انت كذاب والدكاتره كذابين
كلياتكم كذابين
انت عم تحكي هيك لحتى تقهرني
انت عم تستغل مرض جدي وبدك تخاطر بحياتو بس لانو انا خايفه عليه
انت مابهمك جدي ولا بتخاف عليه
شهم بعصبيه. لك اخرســــــــــــي ( وضربها كف ) لانها جرحتو بكلامها
شهم. اصحي من جنانك وحاج تخبصي
اذا انتي بتحبيه مره فـ أنا بحبو مليون مره واتمنى لو بقدر افديه بعمري
4 سنين انا وجدي سوا لوحدنا
لو يطلب روحي مابتغلى عليه
قوليلي ابوكي وين كان خلال الـ 4 سنين ؟
هلأ جايه بكل بساطه تتهميني اني مابحبو ومابدي مصلحتو
شو شفتي مني حتى حكمتي علي هيك بكل قسوه
كل اللي قلتو اني حابب حققلو رغبتو بـ أنو يرجع ع البلد ويتعالج هنيك
بشو غلطت انا ؟
انا لو شايف في فائدة من قعدتو هون كنت بقبل خليه يرجع ؟
اسمعيني منيح
قدامو رح نكون احلى زوجين فاهمه
وكرهنا لبعض بظل بقلوبنا
يلا امشي نروح نبدل تيابنا ونرتاح شوي ونرجع آيلا. لا انا بدي ظل هون ، روح انت
شهم. لا مابدي يشوفك وانتي بهي الحاله
خلينا نروح نرتاح وبس تهدي شوي وتتحكمي بأعصابك بنرجع
.. طلعت معو بالسيارة وطول الطريق ساكتين ..
وقفت السياره عند فيله صغيره
اتطلعت فيها آيلا بأستغراب ..
آيلا. ليش مارحنا ع الفندق ؟
شهم. بما انو عندي بيت ليش لنروح ع الفندق من 4 سنين وانا بألمانيا مستحيل قضي كل وقتي بالفنادق
.. دخلو ع البيت وشهم طلب من الخادمه تطالع شناتي آيلا على غرفتها
دخلت ع الغرفه
وبعد مرور ساعتين لما ارتاحت اتصلت بـ ايلول ..
آيلا. جدي تعبان يا ايلول ومصر انو يرجع
ايلول. ياقلبي ليش عم تبكي نحن من زمان بنعرف بمرض جدي ومو طالع بأيدنا شي غير ندعيلو
آيلا. والله بكل صلاه عم ادعيلو
ايلول. آيلا بدي اسألك لو خيروكي بين ابي وجدي مين بتختاري ؟
آيلا. مجنونه انتي كيف بخيروني بين ابي وجدي
لو حدا خيرك بين وحده من عيونك الثنتين مين بتختاري ؟
ايلول. رغم كل شي شفتيه من امي وابي لسا بتحبيهم ؟
آيلا. وانتي قلتيها امي وابي يعني مهما قسيو علي بظل ادعيلهم الله يهديهم
وبقول ربي ارحمهما كما ربياني صغيراً
( شهم كان واقف ورى الباب عم يسمع مكالمتها مع ايلول لكن بدون ماتعرف
ماكان قصدو يتسمع عليها
لكن بدو يعرف هالأنسانه بتتصرف بغيابو نفس بحضورو ولا رح تشيل القناع اللي لابستو وتظهر وجها الحقيقي
لكن الحكي اللي سمعو خلاه يشك بكلام البنت اللي اتصلت فيه وخبرتو عن مشكلة آيلا ونورس
لان مامعقول حتى وهي لوحدها عم تمثل وتتمسكن ) لما خلصت المكالمه دق باب الغرفه عليها ودخل وماحكا شي
آيلا. في شي ؟
شهم. لا بس مابدك تروحي لعند جدي
آيلا. اكيد ثواني بس حتى اللبس وانزل
شهم. تمام
ــــــــــــــــــــــــــــــــــــــــــــــــ
بعد مرور نص ساعة وصلو ع المشفى ودخلو على غرفه جدهم وسلمو عليه
اول مادخل شهم رن تلفونو وكانت ام عمر
شهم. هلا وغلا بـ حبيبتي وعمري وحياتي
( آيلا بـ رغم كل قسوتو لكن حست بالغيره ، مين هي اللي بقلا عمري وحياتي وبغازلها وانا بعاملني معامله الخدم )
ام عمر. مشتاقتلك كتير
شهم. وانا الله بيعلم اديش مشتقلك
ام عمر. اعطيني جدك خليني سلم عليه
شهم. اي خدي بس لا تغازليه بغار عليكي
ام عمر. ههههههه
ابو عبد الرحمن. الله لا يحرمني هالضحكة يا ام عمر
ام عمر. ولا يحرمني منك يانظر عيني ، طمني عنك
ابو عبد الرحمن. مو ناقصني غير شوفتك انتي وبنتك الهبله
طمنيني ان شاء الله تكون عقلت
ام عمر. اذا دخل الشيطان ع الجنه هداك الوقت ألماس بتعقل
ابو عبد الرحمن. ههههههههه لكن اذا دخل ابليس الجنه بتعقل هاا
ام عمر. الله يديم عليك الضحكه والصحه ، اذا شهم لسا عندك اعطيني احكي معو
( اخد شهم التلفون من جدو وطلع برات الغرفه وكان حاسس من صوت امو انها متضايقه ومهمومه )
شهم. اي امي اتركينا من المزح واحكيلي شبك
ام عمر. مافيني شي بس انت انتبه ع آيلا ولا تزعلها
شهم. امي صوتك مو عاجبني احكيلي شبك والا والله بنزل بأول طياره
ام عمر. ما اسرعك لما بتحلف ، لك يا امي مافيني شي بس متضايقه على نورس
شهم بحقد. شبو نورس ؟
( حكتلو ام عمر كل شي حكالها ياه نورس )
شهم. كــــــــــــذاب هو بيعرف شو عامل
ام عمر بعصبيه. لا ياشهم مو كذاب وانا مو بنت صغيره حتى ينضحك علي
بعرف مين اللي بيكذب ومين اللي بيحكي الحقيقه
ولا تنسى انو نورس انا ربيتو متل ماربيتك انت وعمر
وبعرف الشي اللي بنفسكم قبل ماتحكو وبعرف مين اللي بيكذب علي ومين لا
وياما كشفتك انت يا شهم
لكن ماكنت بحب احرجك واجرحك
ولا بتفكر انو ماعرفت لما غيرت نظرتك لـ آيلا
قبل ماتاخدها بيومين كنت ماتحب تفارقها لحظه
ولما اجيت لعندك ع البيت كنت تعاملها احقر معامله وتشبهها للخدم واذا مفكر هالشي مشي علي فـ بتكون غلطان
انا كنت بعرف انك بتقصد آيلا واستمريت معك
كان بدي اعرف شو سبب هالتغيير
شهم. هــــــــــــه لحقت تشكيلك ؟
ام عمر. لا والله ماشكت لي
الله يحرمني ضو عيوني اذا حكتلي حرف
انا وقتا قلتلك ليش ماتقلعها وانا قاصده انو ليش ماتطلقها
وعرفت من ردك انو اللي بيمنعك جدك
لما رديت علي ( لو الشغله علي زمان قلعتها )
اسمع مني كم كلمه يا شهم
انت عاقل وفهمان ومانك طايش وانا بعرف مين عم بحاكي
الظلم ظلمات يا ابني
وانا امك ومستعده احلف عن آيلا انها بريئه
وانت تسطفل حكم عقلك واعمل اللي بتشوفو مناسب .. يلا السلام عليكم
شهم. وعليكم السلام
( سكر الخط شهم وهو يحس تفكيرو مشتت
معقول يكون ظالمها ؟
كل مره بكون معها بحس بحزنها وبرائتها ومكالمتها مع اختها خلتو يتأكد من هالشي
لانو كان واضح من حكيها انها انسانه مابتعرف الحقد
انهيارها ودخولها ع المشفى من مجرد كلام قاسي سمعتو
وكانت دائماً تترجاه بدها تعرف شو الذنب اللي عملتو
وحتى نورس لو كان عارف شو الذنب اللي عملو ماكان راح واشتكى لأمي وفضح حالو ، اذا ابوه ستر عليه وماحكا بالقصه مع حدا ، نورس لو عامل شي ليش ليفضح حالو ؟طيب والبنت اللي اتصلت فيني وهي عرفانه بكل القصه حتى قبل ما اعرف انا
وكمان معها رقم آيلا اللي ماكان صرلي كم ساعه اخدلا ياه )
طالع تلفونو واتصل بـ اوس
اوس. زعلان لا تحكي معي
شهم. اول مره بشوف حدا زعلان وبرد وبقول زعلان لا تحكي
بما انك زعلان ليش ترد هههههه
اوس. انت مسويلي سحر حتى لو زعلان بتتحرك ايدي لا شعورياً وبرد عليك
شهم. رح راضيك بالشي اللي بتتمناه بس بعد ماتعملي هالخدمه
اوس. بخدمك بدون ماتعملي شي
شهم. لا عنجد طلعت انا ساحرك هههههه
المهم بدي ياك تحكي مع اصحابك اللي بالأتصالات شوفلي مين فيهم مداوم بدي استفسر عن شغله مهمه
اوس. ليش مستعجل خليها لبكره
شهم. لك لا صعب
رح استناك دقيقتين شوف وردلي خبر
اوس. تمام
( بعد مرور خمس دقائق )
اوس. محمد مداوم وليكو معي ع الخط عاملو انتظار
بس لا تخبص وتورط الشب
شهم. لك لا شغله بسيطه
اعطيه هاد الرقم *****
وبدي معلومات عنو
اوس. تمام سكر وارجع اتصل بعد دقيقتين
محمد. اي اوس انت معي ؟
اوس. اي هاد الرقم *****
محمد. ثواني .. هاد الرقم مستخدم لأتصال واحد فقط ومبعوت منو رساله وحده
اوس. تمام شكراً الك
( اتصل اوس بـ شهم وخبرو )
شهم. ارجع اتصل فيه وخليه يشوفلي الرقم بأسم مين
اوس. الله يصبرني عليك يعني انت مارح ترتاح الا اذا قلعو الشب من شغلو
شهم. اذا قلعوه هو الكسبان بوظفو بضعف راتبو
اوس. رح شوف بأسم مين وخبرك
( بعد دقيقتين عرف اوس الخط بأسم مين )
شهم. شو صار معك ؟
اوس. بأسم ايلول خليل الـــ ...
شهم. تمام ذكرني بس ارجع انو الك عندي طلب مارح قلك عليه لا مهما كان طلبك
اوس. اي رح فكر منيح كيف استغل هالطلب
شهم. هههههههه
اوس. ع كل حال مارح اسألك عن شي هلأ لكن بس ترجع بدك تحكيلي كل شي
شهم. ان شاء الله .. الله معك
( سكر شهم الخط واتأكد من براءة آيلا بس معقول تكون ايلول هي الي عملت هيك عمله لانو الخط بأسمها )
شهم. جدي انا بدي اطلع اعشي هالحلوه
وانت نام وارتاح
ومن بكرا الصبح ان شاء الله بنكون عندك
آيلا. لا انا بدي ظل عند جدي
ابو عبد الرحمن. وجدك بدو ينام ، حبيبة قلبي انتو روحو تعشو وارتاحو .. بس ماقلتلي يا شهم ايمتى حجزت ؟
شهم. بعد يومين رحلتنا
ابو عبد الرحمن. كتير منيح وبدي منك تتصل على اوس ابن خالك واحكيلو جدي بسلم عليك وبدو يشوفك اول مايوصل
شهم. تكرم عينك بس ليش ؟
ابو عبد الرحمن. بدون ليش اعمل متل ماقلتلك
( مسك شهم ايد آيلا وسلمو على جدهم وطلعو وكل تفكير شهم كان
كيف آيلا رح تسامحو ع الشي اللي عملو معها
كل شي ممكن تسامحو عليه الا انو شبهها بـ بنات الليل
والأعظم من هيك حركتو اللي عملها قبل مايسافرو
لأنو كسر ثقتها بنفسها وحطمها
اول ماطلعو من الغرفه آيلا سحبت ايدها من ايد شهم )
شهم. ليش سحبتي ايدك
آيلا. خلص المشهد وطلعنا من عند جدي مافي داعي نكمل تمثيل
شهم. واذا قلتلك انو انا حابب نكمل ؟
آيلا. مافي شي بالدنيا بيجبرني اني امثل واكذب بمشاعري غير سعادة جدي
.. مسك ايديها الثنتين ولفها بأتجاهو ..
شهم. آيلا انا مابعرف اترجى بس لو انا حابب هالشي يكون حقيقه مو تمثيل بتوافقي ؟
آيلا. انت شايف انو المكان مناسب لـ هيك حكي ؟ وبعدين ياريت تترك ايدي لانو بخاف تتوسخ بقذارتي
شهم. معك حق المكان مو مناسب ( وترك ايد وحده من ايديها )
آيلا. ممكن تترك ايدي وتاخدني ع البيت
شهم. لا بدنا نروح ع المطعم نتعشى
آيلا. بس انا مابدي روح وياريت تاخدني ع البيت
شهم. من عيوني أي اوامر تانيه ؟
آيلا. لااا
.. مشيو بأتجاه السياره وهو لسا ماسك ايدها ..
آيلا. لو سمحت ممكن تترك ايدي
شهم. سألتك أي اوامر تانيه قلتي لا
.. سكتت وماحبت تناقشو
طلعو بالسيارة وكل تفكير شهم كان انو معقول تسامحو
اما آيلا كان تفكيرها بكلامو
شو بيقصد بأنو بدو يحول التمثيل لـ حقيقه
وشو اللي غيرو بلحظه .. لكن بعد شو ؟
نزلو دموعها ورفعت ايدها لتمسحهم لكن شهم كان اسرع منها
مسح دموعها ومسك ايدها وباسها ..
شهم. ساميحني
آيلا. ــــــــــــ عم تبكي
.. اتطلع فيها وهي عم تحاول تخفي دموعها واتمنى لو انو مات قبل مايظلمها
لانو هو انظلم من اعمامو كتير
وبحياتو ما ظلم حدا
ولما ظلم .. ظلم اكتر انسانه حبتو ووثقت فيه
لما وصلو نزل شهم من السياره وفتحلها الباب
شهم. يلا يا قلبي انزلي وصلنا
( نزلت من السياره ودخلت ع البيت وهي عم تركض على غرفتها
لحقها شهم فوراً وماكان عندو صبر بدو يعتذر منها ويحكيلها اللي بقلبو
قرب منها ومسك ايدها غصباً عنها
حاولت تسحب ايدها منو بس كان اقوى منها )
آيلا. ابوس ايدك اتركني واطلع من الغرفه
شهم. انا اللي ابوس ايدك اعطيني فرصه واسمعيني
آيلا. مابدي اسمع منك شي
شهم. اسمعني اذا مو مشاني ع الأقل مشان تعرفي الذنب اللي عملتيه
مو كنتي تترجيني دائماً لحتى احكيلك ؟ وهلأ رح قلك
آيلا تبكي. كنت بدي اعرف بس هلأ لا مابقى تفرق عندي( ماقدر يشوف دموعها وكان هو السبب بظلمها وعذابها
سحبها بقوه لصدرو وكان بدو يوصللها بقلبو اللي عجز يوصلو بلسانو
كانت تحاول تبعد عنو بكل قوتها
وتذكرت اللي عملو فيها قبل السفر بساعات
بعدها عنو وظل ماسك ايدها )
شهم. آيلا اقعدي واسمعيني وبوعدك ما ألمسك
.. جلسها ع الكنبه وسحب الطاوله وقعد عليها مشان يكون قريب منها ومقابل وجها لانو حابب يشوف تعابير وجها اذا رح تسامحو او لا ..
#قصص_روان_الشبلاق
شهم. آيلا انا ماتعودت افتح قلبي لـ حدا واحكيلو شي
بس انتي مو اي حدا انتي زوجتي ومن حقك تعرفي كل شي .. آيلا وانا طفل حاولت اكسب محبة اعمامي لكن عاملوني بكل قسوه
وكلو بسبب الورثه
لما كان عمري 11 سنه رحت على بيت عمي ياسر لحتى العب مع ابنو امير لانو كان اقرب واحد الي بالعمر
بس وقتا عمي ضربني قدام مرتو واولادو وتف بوجهي وقلعني من بيتو
هاد موقف بسيط من الشي اللي تعرضتلو
هي كانت نقطه تحول بحياتي
رحت لعند جدي وقلتلو بدي اسافر لعند خالي الوحيد ابو اوس ولما سألني جدي عن السبب رفضت احكيلو
وهو رفض السفر بس ظليت مصمم ع السفر حتى اقتنع جدي وسفرني لعند خالي
مابنسى وقتا دموع جدي وامي ام عمر وهم يودعوني
كان قلبي يتقطع ع فراقهم
بس ماكنت بدي ابقى بمكان موجودين فيه اعمامي
سافرت لعند خالي واستقريت سنين طويله وكنت انزل كل فتره لحتى شوف امي وجدي
عشت مع خالي ومرتو وابنهم اوس اللي كنت انا وياه متل التؤام ومتعلقين جداً ببعض
وحتى اصدقاء ماكان عندي غيرو
رفضت اكون صداقات وظليت مصمم ع هاد الشي لحتى دخلت ع الجامعه
وهنيك غصباً عني دخل على حياتي شب من عمري رغم انو كنت رافض تماماً يكون الي اصدقاء غير اوس
لكن هالشخص قدر يغيرلي نظرتي وخلاني اعيد التفكير
هالشب هو ( مراد ) صديق مقرب جداً
غصباً عني خلاني احبو وصرنا اصدقاء بسبب مواقفو ومحبتو لـ الي اللي ماكنت اعرف سببها
المهم اكتفيت بهدول الأشخاص وكنت متأكد انو مستحيل انجرح منهم
وحتى سكرت قلبي عليهم فقط
وكنت ضد فكرة انو اكون علاقه مع بنت متل باقي الشباب
ورافض هالشي تماماً
لحتى حكا معي جدي وأصر على زواجنا
وخيرني بين موافقتي او غضبو علي
وافقت غصباً عني
مو كره فيكي لا
سبب الكره انك بنت عمي
لكن لما شفتك بصراحه انبهرت بجمالك لكن مع هيك ماغيرت احساسي بالكره
وتوقعتك دلوعه وتافهة
لكن لما قعدت معك وشفت دموعك وشفت خوفك مني وبراءتك
حلفت انو رح عيشك بسعاده وماخليكي تعرفي الزعل
وكنت بتمنى ادفع كل شي بملكو مقابل انو ظل معك وقت زياده
ولما جهزتيلي العشا مابعرف ليش حسيت بحنيتك ودخلتي قلبي غصباً عني
وصلت ع البيت وحكولي امي وألماس عنك وعن حياتك
بهديك اللحظه لو طلب مني عمي اتنازل عن كل شي بملكو بس المهم يحبك ويعاملك منيح صدقيني ماكنت ترددت ولا لحظه
حتى لما حكيتي مع ألماس وصرتي تبكي
انقهرت وكان بدي اجي اما اقتلهم كلياتهم او اخدك
وفعلاً حكيت معك وطلبت منك انو اخدك وانتي رفضتي وانا ما اعترضت ووافقت استنا يومين
مستحيل تصدقي كيف مر علي الوقت حتى اجا اليوم اللي بدي اخدك فيه
وقتا داومت بالشركه ولأول مره عقلي مو بـ شغلي
كل تفكيري كان فيكي
وماقدرت كمل دوامي وطلعت ع البيت
واجاني اتصال سرق مني كل سعادتي وسرق كل الأحلام اللي بنيتها
حكولي عن شي بشــــــــــــع انتي عملتيه
اول شي ماصدقتهم
لكن حكولي انو انتي خبرتيهم بنفسك واعطوني الرقم اللي حكيتي معهم منو
وكان نفس رقمك اللي جبتلك ياه
وانا كنت متأكد انك ما اعطيتي الرقم لحدا
لكن كيف عرفوه وقالو اذا مو مصدقنا
روح وشوف شو صاير بـ بيت عمك وشوف شو صاير بـ آيلا واخوها
رحت على بيتكم وطول الطريق عم ادعي يارب يكون كل شي كذب
لكن لما وصلت وشفت منظرك تأكدت ماقدرت اتحمل وطلعت وانا مابدي احكي معك أي كلمه حتى ما أئذيكي وقلت بطلقك وخلص
بس كرمال جدي انجبرت اتحملك
وعاملتك بكل قسوه وانانيه لحتى انتقم منك لأنك كسرتي قلبي
انا اللي ظليت اكتر من 17 سنه محافظ على قلبي وما اسمح لأي انسان يغلط بحقي او يأذيني
اجيتي انتي بلحظه وكسرتيني
ظليت عم عاقبك لانو مجبور ابقى معك ..
( آيلا عم تسمعو وهي تبكي على حالها وعليه .. لما طفل يتيم ينظلم من اعمامو اللي المفروض يكونو آب الو بعد وفاه ابوه بس هم باعوه كرمال المصاري وبسبب طمعهم ودناوة نفسهم )
آيلا. طيب احكيلي شو الشي اللي انا عملتو ؟
وشو سبب تغييرك المفاجئ حتى قررت تحكيلي وندمت ع الشي اللي صار ؟
شهم. مابقدر احكيلك
آيلا. لا بدك تحكي ومن حقي اعرف
شهم. قلتلك مارح احكي
لانو الأفضل ماتعرفي لحتى ماتنصدمي وتزيد همومك
اما سبب تغييري لأنو تأكدت انك ما اتصلتي من تلفونك الا علي انا وعلى ايلول
آيلا بعصبيه. بدي اعرف شو الذنب اللي عملتو ؟
لك انا شفت الموت الف مره واحترق قلبي من ظلمكم
لك ماظل شي مافكرت فيه
لك بس كان بدي اعرف شو هو ذنبي
لك بعترف بس احكولي
لكن لا
انت اكتفيت بأنو تجرحني وتعاقبني على ذنب انا مابعرفووهلأ بدك تحكيلي وبدي اعرف الذنب بيستاهل كل شي صار فيني ؟
شهم. انا مارح احكيلك لانو اذا عرفتي رح تخسري ناس بتحبيهم
كل هالشي بسبب لعبه حقيره من وحده مابتخاف من الله .. آيلا هي انا حكيتلك كل شي صار وكنت صادق معك بكل حرف
آيلا بتقدري تسامحيني وترجعي تحبيني ؟
يتبع في الجزء الخامس ..
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```