بنفسجيه العينين - الفصل 3 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵ بنفسجية.العينين.tt* *❴🔢❵☟الـــبـــــــــــ❴3️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ #بنفسجية_العينين_الكاتبة_روان_الشبلاق الجزء الثالث آيلا. اكيد العيب فيني مو بأهلي اكيد المشكله مني انا لحتى ماحدا بدو ياني وماحدا بحبني لك بس انا شو عملت شو الشي اللي انا مابعرفو لك انا شو عملت شو الذنب اللي سويتو لك اهلي مابدهم ياني وشهم مابدو ياني ( وبصراخ ) ووووووين اروح قولولي ويــــــــــن اروح كانت ايلول بغرفتها وسمعت صوت آيلا وراحت ركض لعندها دخلت ع الغرفة وشافت كيف حالتها وجهها شاحب والدموع بعيونها كان شكلها بقطع القلب آيلا. ايلول انا وين اروح ؟ ايلول وهي تقرب منها وتضمها. ياعمري شبك وين بدك تروحي آيلا. هو بقول مكاني الزباله ايلول. مين اللي قال هيك آيلا. هو .. ايلول. قصدك ابي ؟ آيلا. ابي بقول بنت حرام .. وهو بقول مكاني الزباله وانا مابعرف مين انا ولا وين مكاني ايلول. انتي آيلا حبيبتي تعالي نامي ياعمري وانا رح ظل جنبك ومارح خلي حدا يزعلك او يأذيكي ( كلمة ايلول فجرت بداخل آيلا براكين من الألم .. ذكرتها بوعود شهم ) آيلا. ليش حكا انا رح اسعدك ليش حكا انا رح احميكي وكون جنبك ليش حكالي فكري بـ بكره وهي اجا بكره ــــــــــــ في غرفة ليلى كانت عم تحكي مع منال ع التلفون ليلى. منال قلتلك مابقدر اجي هلأ منال. وليش بقى مابتقدري .. قومي البسي وتعالي لانو سندس ليكا جايه لعندي ليلى. منال الوضع بالبيت مو متحمل امي تعبانه مشان نورس وابي هددها اذا بتجيب سيرتو بيطلقها وآيلا صوتها واصل لعندي وهي عم تبكي وتعيط واتوقع انها جنت ونورس مابنعرف وينو وكل هالشي بسببكم انتو وخطتكم منال. ليلى ياعمري اذا كرمال امك ونورس كلها يومين وبترجع المياه لمجاريها وبالنسبه لــ آيلا ان شاء الله مارح تشوف يوم حلو بحياتها هاد الناقص يا ليلى انو تنكدي ع حالك كرمال آيلا !! ليلى. بس هي اختي منال. نسيتي ضرب جدك الك وانتي صغيره اذا ضربتيها او زعلتيها نسيتي قسوتو علينا كلياتنا ومحبتو بس لـ آيلا ونسيتي من وهي عمرها 15 سنه والعرسان يجو ويخطبوها هي ويتجاهلو انو الها اخت اكبر منها وتذكري حكيك لما تقولي ماعندي الا اخت وحده وهي ايلول ليلى. بس هي ما الها ذنب والشهاده لله بعمرها ما شكت من تصرفاتي لجدي واذا بخصوص العرسان كمان مو ذنبها اذا هي احلى مني والكل بيتمنوها منال بخبث. وزواجها هلأ مابتعرفي انو رح يأثر عليكي ؟ حبيبتي اصحي على حالك ماحدا رح يتقدملك الناس رح تقول ماتركوها وزوجو اختها اللي اصغر منها الا لانو فيها شي ليلى. بس انا مابدي أي حدا بدي امير اخوكي وبس وبتعرفي اني بحبو منال. ليش امير مو متل هالشباب ؟ رح يفكر متلهن ومستحيل يقبل فيكي ليلى. لا تحكي هيك انا بحبو لـ امير وبخاف اخسرو منال. وانا متلك اذا بخسر شهم بموت صرلي 4 سنين وانا ابني احلامي معو واجت اختك بكل برود واخدتو مني .. يلا تعالي هلأ وبس تجي بنكفي حديثنا وبنشوف سندس شو عملت اليوم ــــــــــــــــــــــــــــــــــــــــــــــــــ كان عم يمشي بسيارتو بدون أي هدف ومابيعرف وين يروح حتى لـ صديقو وأقرب الناس الو ( اوس ) مابيقدر يحكيلو او يشكيلو لسا من كم ساعة كان عم يحكيلو وهو كتير مبسوط انو العصر رح يروح ياخدها وهلأ بيتمنى يقتلها طول عمرو كان يخاف يسلم مشاعرو لأي شخص حتى اصدقاء ماعندو واكتفى بـ اوس كان دائماً يخاف ينجرح كان باني حصون حوالي نفسو لكن هالأنسانه هدت احصونه وقت اللي شاف دموعها اول مره وهلأ استغرب من حالو ومن غبائو كيف بلحظه تحول كرهو الها لحب بيكرهها لأنها قدرت تعلقو فيها بيكرها لانو حبها كتير وجرحتو خلتو بنظر نفسو ساذج وغبي حتى مافكر بجدو شو رح يصير فيه بس يعرف كل همو هلأ كيف يداوي جروحو ويرجع شهم القوي اللي مابتهدو بنت انقطع تفكيرو وقت رن تلفونو وكان المتصل ( محمود مرافق الجد ابو عبد الرحمن ) محمود. مشغول ولا بتقدر تحكي ؟ شهم. عم سوق السيارة رايح ع البيت بس ليش في شي ؟ محمود. كان بدي احكيلك عن جدك ابو عبد الرحمن شهم بخوف. محمــــــــــود شبو جدي صرلو شي محمود. لا الحمدلله مافيه شي بس مصمم انو يرجع ع البلد شهم. لااا شو يرجع .. اذا انت جنبو اعطيني احكي معو ابو عبد الرحمن. هلا يا ابني شهم. هلا فيك ياغالي ، جدي شو هالكلام اللي عم اسمعو ؟ عنجد عم تفكر ترجع ابو عبد الرحمن. اي بدي ارجع لانو انت باين عليك مارح تجي شهم. لا بوعدك بكرا بكون عندك ابو عبد الرحمن بفرحه. الله يبشرك بالخير ، يعني خلصت اوراق آيلا ؟ ( تلبك شهم لما سمع بأسمها وماعرف شو يحكي وكيف بدو يخبر جدو او شو يحكيلو كيف بدو يقلو انو بدو يطلقها اذا هوي وافق يظل بألمانيا بالمشفى لانو شهم وافق يتزوج آيلا وهلأ جدو عم يفكر يرجع واذا سمع انو رح يتطلقو ممكن ينجلط ويصير عليه شي )ابو عبد الرحمن. شهم انت عم تسمعني ، قلتلك خلصو اوراق آيلا ؟ شهم. اي جدي بكرا ان شاء الله بتكون خلصت اوراقها ابو عبد الرحمن. مابدي وصيك بـ آيلا هي امانه عندك لا تقسى عليها ولا تظلمها لانو انظلمت بحياتها كتير والله بيعلم اديش انا ارتحت وراح هم كبير من على اكتافي وقت تزوجتو لأني كنت خايف عليك وعليها ولاني بعرف انك مارح تظلمها شهم وهو عم يحاول يتماسك نفسو. ان شاء الله ، مارح يصير الا اللي بيرضيك ( سكر شهم المكالمه وهو عم يفكر بقرار الطلاق وكان ناسي جدو شو رح يصير فيه جدو اللي ماقصر عليه بشي كان الو الأب والأم والأخ خسر اولادو مقابل انو يحافظلي على اموالي وعلى حقي وانا بكل أنانيه كنت رح اخد قرار الطلاق ومافكرت شو رح يصير فيه مسك تلفونو واتصل بـ آيلا لكن اللي ردت عليه ايلول لانو كانت نايمه جنب آيلا ايلول. الوو شهم. اسمعيني آيلا ايلول. انا ايلول شهم بعصبيه. وين آيلا ؟ ايلول. شهم آيلا تعبانه وهلأ نايمه ومابدي افيقها لحتى ماترجع تنهار من اول وجديد شهم. فيقيها واحكيلها بعد ساعه تكون جاهزه وعند الباب ايلول بصوت عالي بحكم شخصيتها القويه. عم قلك تعبانــــــــــــه وانت بتقلي بعد ساعه تكون جاهزه ؟ انت قلبك شو ؟ حجر ! شهم بعصبيه. مو شغلك اذا بتهمك مصلحة اختك اعملي متل ماقلتلك سكر الخط بوجها .. ايلول بعصبيه. الحقير التافه ( صحيت آيلا على صوتها ) آيلا. مين اللي زعلك ؟ ايلول. زوجك مين غيرو يعني آيلا. شــــــــــــو يعني شهــــــــــــم طلقني ؟ ايلول. ياريت لو طلقك شخص متلو مالازم تبقي معو دقيقه اذا هلأ هيك مجنون كيف بعدين آيلا. لا مابدي اتطلق ( آيلا ماكانت بدها تخسر شهم لأنها شافت منو الحنان اللي بعمرها ماشافتو من امها وابوها وكانت فاقده الأمل من انو يحبوها بيوم من الأيام ويحنو عليها لكن شهم شافت منو طيبه وحنيه وبدها تعرف سبب تغييرو وشو اللي خلاه قاسي واذا فشلت بأنو ترجعو شخص حنون ع الأقل بياخدها لعند جدها جدها اللي لو خيروها بينو وبين كل العالم بتختارو جدها اللي بكل لحظه بتدعيلو بالشفاء ) ايلول. لا تخافي ماطلقك .. بدو ياكي تكوني جاهزه بعد ساعه بدو يجي ياخدك آيلا بفرحه. ايلول قومي بسرعه لكن اعطيني عبايتي ايلول. قومي بالأول رح ساعدك حتى تتحممي وتلبسي لحتى يجي ــــــــــــ في بيت ام عمر ــــــــــــ دخلت ألماس ع الصاله لعند امها ألماس. وبعدين يعني مليت مافي شي جديد مافي تغيير مافي أكشن بحياتي ام عمر. امبلا في ألماس. شو ام عمر. في ناس حكو معي بدهم ياكي ألماس وهي عم تصرخ من الفرح ومو مصدقه اللي عم تسمعو. قولي واللــــــــــــه واووووووو ماعم صدق طيب مين العريس وايمتى حكو معك وايمتى رح يجو وحكولك ايمتى العرس ؟ ام عمر بهدوء. روحي اعمليلي قهوه وحطيلي بجنبا صحن حلو وبس تخلصي بخبرك راحت ألماس ركض ع المطبخ تعمل اللي طلبتو منها امها جابت القهوه وقالت لأمها. وهي احلى فنجان قهوه مع صحن حلو لأحلى ام بهالدنيا ام عمر. من ايمتى لسانك حلو هيك ؟ ألماس. لك انتي غاليه علي وبخدمك بعيوني .. خبريني مين العريس ام عمر. خليني بالأول اشرب قهوتي وانتي اعمليلي مساج لرجليي وبس تخلصي بحكيلك .. ألماس نفذت كل شي طلبتو منها امها لانو بتعرف لو عاندتها مارح تاخد منها حق ولا باطل .. ألماس. أي امي احكيلي والله ماظل عندي صبر ام عمر. جارتنا ام لؤي حكت معي وقالت بدي ألماس ( وسكتت شوي ) لحتى تحرق دم ألماس ألماس. اي كملي ؟ ام عمر. قالت بدي ألماس لحتى تدرس بنتي ندى لانو مسكينه قالت بنتها مابتفهم الرياضيات منيح وماحدا من اخوتها فاضي لحتى يدرسها ( قامت وقفت ألماس من هول الصدمه وهي عم تحاول تستوعب وبعدها وقعت ع الأرض واغمى عليها ) ام عمر وهي بتعرف انو ألماس عم تمثل. ياويلي انا شو عملت ( مسكت ايد ألماس وصارت تهزها ) لك ألماس يا امي قومي واذا عنجد بدك تتزوجي من بكره بزوجك بس قومي ألماس وهي عم تفتح عيونها ومبتسمه. قولي والله بتزوجيني ؟ ام عمر. حسبي الله عليكي وقف قلبي ألماس. لهالدرجة بتحبيني ام عمر. مابحبك بس عم سلي حالي فيكي لحتى يجي من السفر حبيب قلبي عمر ألماس. اي عادي المهم انك وعدتيني تزوجيني بكره ام عمر. لا هاد مابيعتبر وعد لأني كنت تحت ضغوط نفسيه بس هلأ برجع لكلامي الأول اذا متت هداك الوقت اتزوجي ههههههه ألماس. لك أمي انتي ليش بتحبي تلعبي بمشاعري ــــــــــــ في بيت ابو نورس ــــــــــــ ايلول عم تمكيج آيلا وحاولت تخفي الكدمات اللي بوجها ايلول. خلصت .. هاد اللي قدرت عليه آيلا. بدي روح ودع امي قبل ما اطلع ايلول. طيب خليني انا بالأول اطلع شوفها واجي انتي لا تتحركي من مكانك .. طلعت ايلول وراحت لعند امها وحاولت تقنعها انو تشوف آيلا وتودعها لكن ام نورس عصبت وصارت تدعي على آيلا ايلول حمدت ربها انو ماخلت آيلا تطلع تشوفها والا كانت انهارت من اول وجديدطلعت من غرفة امها وطلبت من الشغالات ينزلو الشناتي عند الباب وراحت على غرفة آيلا ) ايلول. حبيبتي امي تعبانه ونايمه لكن صدقيني بس تفيق بخليها تحكي معك آيلا وهي بتعرف انو امها رفضت تشوفها. خير ان شاء الله يلا خلينا ننزل هلأ اكيد شهم بكون ع الطريق ( رن تلفونها وهي عم تنزل ع الدرج وكان شهم ) آيلا. الو شهم بعصبيه. يلا انزلي بسرعه .. وسكر الخط .. شافت آيلا الشغالات وهن عم يحملو الشناتي ويطالعوهم اتطلعت بـ ايلول .. ايلول. شو بتفكري رح خليكي تطلعي بدون جهاز ؟ صح كان نفسي يكون جهازك غير هيك لكن هاد اللي قدرت عليه ياقلبي .. آيلا ضمت ايلول ومالقت أي كلام تقولو ودعو بعض وراحت آيلا تركب مع شهم وتركت وراها ايلول عم تبكي كانت ايلول عم تدعيلها انو تشوف السعاده برات هالبيت طلعت بالسياره آيلا وهي عم تبكي وتكتم شهقاتها .. شهم. مابدي اسمع صوتك فاهمه ــــــــــــ في بيت ياسر ، غرفة منال ــــــــــــ حكتلهم سندس ع الخطه اللي عملتها وكيف حكت مع شهم منال. ههههههههه ههههههه والله انك مجرمه لكن من ستر على مسلم ستر الله عليه هههههههه سندس. ههههههه لك ماشفتي شي من كتر ما اتقنت الدور صرت فكر انو اصير داعيه او ممثله منال. هههههههه اه بطني تقطع من كتر الضحك حسبي الله عليكي كيف خطرتلك هالفكره ههههههه سندس. هلأ اتركونا من هالسيره منال. شبك ليلى ليش ساكته ؟ ليلى. شو بدي احكي ، الله يهدينا احسن شي ( برغم كل اخطاء ليلى لكن كان دائماً ضميرها يعذبها وبكل مره تندم لكن الشيطان يرجع ويزين الها اعمالها وترجع تغلط من اول وجديد ) منال. بهالمناسبه احكولي وين حابين تتعشو اليوم ــــــــــــ وصلو شهم وآيلا على البيت ــــــــــــ دخلت ع البيت وكان كتير فخم برغم انو بيت ابوها فخم لكن مو متل بيت شهم لكن كل هالشي مالفت نظرها يمكن لو بنت غير آيلا كان ممكن يلفت انتباهها ويغريها هالشي لكن آيلا ماكانت محتاجه العز والجاه كانت محتاجه الحب والحنان والكلمه الحلوه والحياه المستقره شهم كان عم بتطلع بـ آيلا وكان متوقع يشوف بعيونها انبهار واعجاب بالشي الي عم تشوفو لكن ماشاف بعيونها غير الدموع والحزن هالأنسانه لو تمثل بتاخد كل جوائز الأوسكار لبراعتها بالتمثيل شهم بأحتقار. يكون بعلمك انا بكره كنت رايح لحتى اطلقك لانو مابشرفني تكوني مرتي لكن اللي منعني من هالشي هو رغبة جدي بانو يشوفك وزواجنا رح يكون لفتره محدوده مابيعلمها غير الله انا مستحيل اطلقك بالوقت الحالي وازعل جدي لكن ما الك عندي أي حقوق وجودك عندي متل وجود أي خادمه بأستثناء انو الخادمه لازم اعطيها حقها واعاملها بالحسنى لكن انتي كتير عليكي اكلك وشربك ( كان كلام شهم عم يتردد بأذنها وماعم تصدق اللي عم تسمعو قلبها عم ينزف من قسوة كلامو وين اللي حلف انو يسعدها ويحميها ومايسمح لأي شخص يأذيها ؟ كل شي كان كذب ) آيلا. شهــــــــــــم ..شهم وقف مكانو بعد ماكان ماشي بدو يطلع على غرفتو قربت منو وطلعت كم درجه مسكها من فكها بأيدو وشد عليه بكل قوه .. شهم. اسمي مابدي اسمعو على لسانك مره تانيه فاهمه آيلا. لك بس احكيلي انا شو عملت شو الذنب اللي عملتو وانا مابعرفو ؟ شهم. حاج تتمسكني اللي عملتيه بنات الليل والحرام اللي بايعات شرفهم مابيعملوه .. خلص كلامو ودفشها بقوه ع الأرض واغمى عليها مو بس بسبب دفشتو الها لا كمان الضرب اللي تعرضتلو كان كفيل يسحب أي قوه من جسمها وكان صرلها يومين بدون اكل وبدون نوم لما شافها مرميه ع الأرض توقع انها عم تمثل لكن لما شاف رأسها عم ينزل منو الدم بسبب ضربتها بالحديد اللي على طرف الدرج ووقعتها ع الأرض حملها بين ايديه وركبها بالسياره وراح بسرعه ع المشفى كان خايف عليها ومابيعرف شو سبب هالخوف لكن اللي بيعرفو انو مابدو يصير عليها أي شي يمكن مشان جدها .. ــــــــــــــــــــــــــــــــــــــــــــــــــــــــــــ بينما آيلا بالمشفى كانو شلة الشر عم يحتفلو بنجاحهم سندس. من لما دخلنا ع السوق وهاد الشب لاحقنا ، ارحمينا شوي يا منال منال بدلع. خليه يتعب شوي واذا مالقيت احلى منو باخد رقمو ليلى. شو بدك برقمو مو انتي بتحبي شهم ؟ منال. وامير وين مكانو من الأعراب لما كنتي تحكي مع شباب وتقولي بتحبي امير ؟ سندس. شو شايفتكم قلبتو على بعض وبلش مسلسل الفضايح ليلى بقهر. لا فضايح ولا شي بالعكس منال حبيبتي وبنمزح مع بعض سندس بخبث. ايوا قلتيلي بتمزحو هههههه منال. اي بنمزح ويلا خلينا نكمل تسوق وبعدا بنروح ع المطعم ـــــــــــــــ في المستشفى ـــــــــــــــ شهم بقلق. شو دكتور طمني الدكتور. عندها هبوط بالضغط وعوضناها بالسيروم واضح انو ماكانت تاكل او تنام منيح لكن اتوقع سبب الأغماء صدمه عاطفيه هي تعرضت لضغوط نفسيه او حدا زعلها او سمعت خبر مو منيح ؟شهم. لا دكتور ماصار شي .. طيب والجرح اللي براسها الدكتور. كانت وقعتها قويه شوي لكن الحمدلله ما اثرت عليها وبخصوص الجرح احتاجت اربع قطب لكن ممكن اسألك شو سبب الكدمات اللي بجسمها ؟ شهم. اتوقع بسبب الوقعه الدكتور. الكدمات اللي بجسمها مستحيل تكون بسبب الوقعه ع الأغلب اثار ضرب ؟ شهم بعصبيه. دكتور قلتلك بسبب الوقعه .. ايمتى بقدر اخدها الدكتور. بتقدر بعد ساعه بكون خلص السيروم بس بتمنى ماتتعرض لـ أي توتر .. طلع شهم من عند الدكتور وراح على غرفة آيلا فتح الباب بهدوء ودخل كانت آيلا نايمه والكدمات اللي بوجها والجرح اللي بشفايفها واضحين حتى اثار اصابعو على فكها لما شدها بقوه كمان واضحين كان عم يتأملها ويفكر بأنو رغم اثار الضرب اللي من عمو ومنو الا انو هالوجه لساتو حلو كتير لكن للأسف هي جمالها خارجي ومن جواتها هي بمنتهى البشاعه آيلا ماكانت نايمه كانت مغمضه عيونها لكن حست فيه وعرفتو من ريحة عطرو .. آيلا. ليش جبتني للمشفى ليش ماتركتني موت وارتحت مني شهم بقسوه. اذا متي او عشتي مابتهميني اهم شي ماتموتي بـ بيتي ( دمعو عيونها من كلامو وتقطع قلبو عليها وكان رح يضعف قدامها بس تذكر حقارتها وانو كل شي قدامو تمثيل ) آيلا. ايمتى رح نطلع شهم. بس يخلص السيروم .. وعلى شو مستعجله ؟ .. آيلا ماردت عليه وعم تسحب الأبره من ايدها وتضغط على مكان الأبره اللي صار يطالع دم .. شهم. مجنونه انتي ؟ .. ماردت عليه وقامت من على السرير مسكها من ايدها ورجعها غصباً عنها .. شهم بعصبيه. آيلا بلاها تصرفات الأطفال آيلا. اسمي لا تقولو على لسانك شهم بسخريه. كنت بعرف انك عم تمثلي دور الضعيفه والتعبانه بس ماتوقعت بهالسرعه تبيني وجهك الحقيقي .. طلعو من المشفى وطول الطريق ساكتين وصلو ع البيت وشهم نادا على الخادمه ريم حتى تساعد آيلا تطلع على الدرج .. شهم. ريـــــــــــــــم تعالي ساعدي المـ .. ( كان رح يقول ساعدي المدام لكن ماطلعت معو ) خديها وطالعيها لوحده من الغرف فوق .. دخلت آيلا ع الغرفة وطلبت من ريم تتركها لوحدها كان كل تفكيرها تحكي مع امها وتطلب منها انو ترجع ع البيت على الأقل ذلهم ولا ذل شهم طالعت تلفونها واتصلت على البيت .. ام نورس ردت بكل لهفه لانو كل مايرن التلفون تتوقع انو نورس ام نورس. الو نـــــــــــــــورس آيلا. الو .. امي سامحيني طلعت قبل ما اود .. ام نورس بعصبيه. لك هاد انتي مابدي تودعيني ان شاء الله درب يسد مايرد آيلا. امي انا بدي ارجع لعندكم ام نورس. هاد الناقص نحن ماصدقنا خلصنا منك وهلأ عم تقولي بدك ترجعي ابو نورس بغضب وهو داخل ع الصاله وسمعها. مين اللي بدو يرجع ؟ ام نورس بمسخره. هي بنتك عم تقول بدها ترجع ( واعطتو سماعه التلفون ) ابو نورس. الو .. اسمعيني اذا بشوفك راجعه رح قطعك وارميكي للكلاب انسي انو عندك اب وهالبيت لا تفكري ترجعيلو ابداً سكر الخط بدون مايسمع حتى ردها .. صارت تصرخ بصوت عالي سمعوها كل اللي بالبيت وبعدها صارت تبكي بهستيريا اجا شهم بسرعه بس سمع صوتها ودخل لعندها .. شهم. شو جنيتي ولا ناويه تفضحينا آيلا تبكي ونص كلامها مو مفهوم. بدو يقطعني .. ماعندي بيت روح عليه .. ماصدق خلص مني ..شهم عرف انو حكت مع اهلها من التلفون اللي بأيدها ومن الحكي اللي حاول يفهمو منها وبكل قسوه حكالها. شو كنتي متوقعه ياخدك ابوكي بالأحضان بعد كل شي عملتيه آيلا. لـك انا شو عملـــــــــــــــت شو ذنبي لك المذنب وهو عارف ذنبه بحاول ينكر لك انا واللـــــــــــــــه لأعترف بس احكولي شو عملت احكولي شو هو ذنبي .. طلع شهم من الغرفة بدون مايرد عليها ووقف قدام الباب كان يحس انو لو ظل لحظه وحده ممكن يضعف وياخدها بحضنو ويهديها لكن بكل مره كان يتذكر عملتها ويتراجع اما آيلا بكت حتى جفو دموعها وتذكرت انو ماصلت قامت توضت وصلت بكل خشوع شهم استغرب هدوئها وانو اختفا صوتها وخاف انو يكون اغمى عليها مره تانيه فتح باب الغرفه بهدوء وشافها عم تصلي تركها وطلع وهي كملت صلاتها وبس خلصت حطت رأسها على سجادة الصلاة ومابدها تترك هالمكان اللي حست فيه بالأمان وصارت تدعي ربها ناصر المظلومين وملاذ الخائفين لحتى نامت بدون ماتحس ـــــــــــــــ في اليوم الثاني ـــــــــــــــ سكر الخط شهم بعد ماكان عم يحكي مع عمتو ام عمر وعزمها على الغدا هي وألماس طلع على غرفة آيلا ودخل بدون مايدق الباب كانت قاعده على طرف السرير وكانت لابسه روب الحمام وواضح على شعرها انو تحممت شهم. عاجبك ؟ آيلا عرفت انو قصدو عن روب الحمام. مالقيت غيرو شهم. ايه صح الشناتي لسا بالسيارة من مبارح مو مشكله هلأ بخليهم يطالعوهن واحسبي حسابك امي وألماس رح يجو ع الغدا البسي احلى شي عندك وحاولي تعملي اي شي بوجهك تخفي اثار الضرب مابدي تفتح تحقيق ولا تبيني اي شي قدامها وانا بحاول قد ما اقدر تكون تصرفاتي عاديهآيلا. ليش خايف انها تعرف ؟ شهم بعصبيه. انا ياحقيره مابخاف غير من ربي لكن بتهمني سعادة جدي ومابدي يوصلو شي .. طلع من العرفة وتركها وبعد دقيقتين سمعت صوتو عم يناديها ونزلت لعندو .. آيلا. نعـم شهم. خدي شناتيكي ( كان بيقدر يقول للشغالات يطالعوهم لكن كان بدو يعذبها بأي طريقه .. آيلا عرفت قصدو وما اهتمت خدمت بيت بأكملو مو عجزانه تخدم حالها سحبت الشناتي بصعوبه وطلعت ع الدرج انقهر شهم من هدوئها كان حابب يقهرها لكن واضح انو ولا همها وهو اللي انقهر .. ـــــــــــــــ في بيت ياسر ، غرفة منال ـــــــــــــــ منال بعصبيه. شـــــــــــــــو ، انتي متأكده انو اخدها ؟ يعني خطتنا مانجحت ليلى. اللي بعرفو انو اجا مبارح العصر خمس دقايق وراح وبعدا آيلا صارت تصرخ وتبكي وانا اجيت لعندك ولما رجعت عرفت انو اجا بعد بساعة اخدها منال. مو معقول بعد كل شي عملناه ليلى. منال اهدي ولا تستعجلي وتعملي شي لانو امي قالت انو آيلا مبارح اتصلت وعم تبكي وبدها ترجع معناها اكيد عم يعذبها منال. لك اذا عذبها انا شو بستفيد اذا ما طلقها ليلى. مابتعرفي يمكن ياخدها لعند جدي وبعدين بطلقها منال. وانا شو رح يصبرني ؟ احسن شي اتصل على سندس تلاقيلي حل وانتي خلال نص ساعه بدي تكوني عندي .. سكرت منال الخط حتى قبل ماتسمع رد ليلى .. ــــــــــــــــــــ في غرفة آيلا ـــــــــــــــــــ فتحت اول شنته لقت فيها طقمين ألماس واكسسوارات فتحت الشنته التانية وطالعت تنوره قصيره لونها موف وبلوزه بدي بيضه عليها كتابة باللون الموف لبست وجهزت حالها واتمكيجت ومشطت شعرها وتعطرت لما شافت ماحدا اجا ولسا في وقت قررت تفتح باقي الشناتي وتشوف شو فيهم اول شنته كان فيها العبايات والشالات والملابس الخارجيه لكن الشنته التانيه لما فتحتها انصدمت بـ اللي شافتو كان فيها ملابس داخليه وملابس نوم وخجلت لما شافتهم كيف بقى لو لبستهم كان فيه كرت فوق الملابس لما اخدتو وصارت تقرء اللي مكتوب فيه نزلو دموعها دخل شهم لعندها بدون ماتنتبه عليه ولفت نظرو الكرت اللي عم تقرأو وتبكي شهم. اعطيني اللي بأيدك خافت لما سمعت صوتو وتبلكت وسكرت الشنته بسرعه وخبت الكرت ورا ظهرها آيلا. مابتعرف تدق الباب قبل ماتفوت ؟ شهم. بيتي وبفوت وين مابدي بدون استئذان وبعدين شو فيها هالشنته حتى تخافي كل هالخوف وتسكريها آيلا. مافيها شي .. ومو من اختصاصك .. قرب شهم من الشنته ولما كان رح يفتحها مسكت ايدو لحتى تمنعو تكهرب من لمستها ومع هيك بعدها وفتح الشنته ولما شاف اللي فيها انصدم وانحرج بس حاول مايبين هالشي .. قرب منها لحتى ياخد الكرت وقاللها. مين قلك انو مو من اختصاصي بالعكس هاد اهم اختصاص .. كانت بتتمنى تنشق الأرض وتبلعها .. شهم. اعطيني الكرت آيلا. مارح اعطيك كان رح يتراجع وماياخدو منها لكن ممكن يكون هاد دليل يثبت حقارتها قرب منها ومسكها بقوه وسحب ايدها واخد الكرت وقرء اللي مكتوب فيه ( الى تؤام روحي تمنيت انو يكون جهازك يليق بأروع اخت واجمل عروس بعرف انو اللي بالشناتي اغلبهن ملابسي بس والله ياعمري مو تقليل من قدرك بس انتي بتعرفي الوضع بالبيت كيف كان وبعدين مو نحن تؤام يعني مافي فرق بينا وعلى فكره هالشنته هي اللي فيها الكرت تعبت فيها كتير لكن اللي فيها مو ذوقي لأني مابعرف بهالشغلات بس تعرفت على وحده بالمحل وحكيتلها انو اختي بدها تتزوج وهي اختارتلي ياهم بتعرفي يا آيلا بتمنى شوف وجهك وانتي لابستيهم هههههه من كل قلبي بتمنالك السعاده اللي ماعشتيها ببيتنا تؤامك وحبيبتك ايلول ) خلص شهم قراءة الكرت وهو لحد الأن ماسك آيلا وهي منزله راسها رفعلها وجها وكانو عيونها مدمعين آيلا. ان شاء الله تكون ارتحت واشبعت فضولك .. شهم ما اهتم لكلامها لانو كان تايه بعيونها ومع لون التياب اللي لابستهم طالعه بتاخد العقل .. ( بعد مرور ربع ساعة وصلو ام عمر وألماس واول ماشافتها عمتها وشافت الكدمات اللي بوجها صارت تتطلع بغضب على شهم آيلا عرفت انو عمتها فكرت شهم هو اللي عامل فيها هيك ) آيلا. عمتي ليش عم تتطلعي بـ شهم هيك لتكوني مفكره هو اللي عمل هيك ام عمر. لكن مين ؟ آيلا. بتصدقيني لو قلتلك وقعت وهالشي قبل ما اجي اصلاً لعند شهم ام عمر وهي مقهورة. مين اللي عمل هيك ابوكي ولا امك ؟ آيلا. قلتلك وقعت ألماس. شوي شوي على البنت يا محقق كونان آيلا. دخيل قلبها عمتي خليها تاخد راحتها ام عمر. شايفه يا ألماس كيف الناس بتجاوب .. اتعلمي الأدب منها ألماس. اي بما انو هيك الحكي خليها تحقق معك تسطفلي اصلاً امي ماعندها خطوط حمرا شهم. هههههه بما انو مافي خطوط حمرا يلا امي بلشي اسألتك على بركت الله ام عمر. بسم الله نبدا .. اول شي روحي من هون يا ألماس روحي اشرفي ع الأكل او اتمشي بالحديقه ألماس. لك امي اتعوذي من الشيطان وبلشي اسألتك لا تستحي مني ام عمر. ليــك لك انا الأم مستحيه وهي ولا على بالها شهم. ههههههههام عمر. قومي انقلعي والا والله مابقى زوجك ألماس. اصلا غسلت ايدي من هالموضوع ام عمر. ليك خلص لزقت هون مابقى تتحرك ههههههه شهم. ألماس قومي اشرفي ع الشغالات ألماس. شو انا جايه حتى اقعد مع الشغالات شهم وهو يتطلع بـ آيلا. ليش شبهن الشغالات من شو بيشكو بالعكس كلهن ادب واخلاق والشغاله الوحيده فيهم اللي مافيها ادب ولا احترام وبتعمل مشاكل اعطيتها اجازه اليوم ام عمر. وشو بدك فيها لكن ليش ماتقلعها ؟ شهم وهو رجع يتطلع بـ آيلا لحتى يشوف الرساله وصلت. لو الشغله علي بقلعها اليوم قبل بكرا ألماس. خبرني عنها وبوعدك قلعها واشحطا من البيت شحط شهم. بيجي يوم وبخليكي توفي بهالوعد ام عمر. الله يكفيك شرها شهم. امين .. المهم قومو خلينا نتغدا ( قامو كلياتهم على طاولة الغدا الا آيلا اللي اول ماشافتهم قامو صارت دموعها تنزل ) شهم بصوت واطي وبعد مارجع لعندها. لا تمثلي دور البريئه وقومي قبل ماتلاحظ امي شي .. رفع وجها وشاف كيف مبلل بالدموع .. شهم. ليش كل هاد ماردت عليه مسحت دموعها وراحت ع الغدا وقعدت تاكل معهم او تمثل انها عم تاكل ــــــــــــــــــــــــــــــ في غرفة منال اجتمعو عندها سندس وليلى سندس. طيب يمكن يكون حكي ليلى صح يمكن بدو ياخدها لعند جدها مشان يشوفها وبعدين يطلقها منال. لا تحاولو تسكتوني بهاد الكلام بما انو ماطلقها لحد الأن معناها مارح يطلقها بعدين ليلى. يعني شو بدك نعمل ؟! سندس. منال اهدي واتركي الموضوع علي خليني افكر بشي مناسب منال بعصبيه. وعدتيني مايجي يوم السبت الا ويكون مطلقها وليكك ماوفيتي بوعدك سندس. بأسلوبك هاد وتهورك رح تخربي كل شي اهدي واسمعي مني شو رح نعمل منال. يلا احكي عم نسمعك ليلى. الله يستر منك انتي وافكارك وياريت هالمره ماتدخليني منال بصوت عالي. لك كلي هـــــــــــــــوا وخلينا نسمع ــــــــــــــــــــــــــــــ الساعة 9 في بيت شهم بعد ماراحو امو واختو شهم. روحي نامي لانو رحلتنا الساعه 5 ونص الفجر آيلا بهدوء. ان شاء الله .. في شي تاني ؟ شهم انقهر من استسلامها بدو ياها تعاندو لحتى يظل عم يجاكرها. لا انقلعي .. راحت على غرفتها وجهزت شنتتها واتوضت وصلت وقرأت قرءان ومتل العاده نامت بدون ماتحس وهي على سجادة الصلاة .. قبل الوقت بساعه دخل على غرفتها وقف يتطلع فيها وهي نايمه على سجادتها وكان المكيف شغال وواضح عليها انو بردانه قرب منها وهو مستغرب انو ليش عم تنام هون صار يتأملها وهو يفكر ليش دائماً بشوف البرائه بوجها معقول كل هالبرائه اللي بوجها مجرد قناع وتمثيل تنهـــــــــــــــد وبعد عنها خاف تصحى وتشوفو عم يتأملها شهم بصوت عالي. آيـــــــــــــــلا .. آيلا قومي ورانا سفر آيلا بصوت نعسان. تمام عشر دقايق وبكون جاهزه شهم. لا ياحلوه ماحزرتي لسا في وقت ساعه وبما اني جوعان والشغالات نايمين وحرام ازعجهن روحي انتي وجهزيلي الفطور والقهوه آيلا. فطور هلأ ؟ شهم. اي عندك مانع ؟ آيلا. شو بتحب تفطر شهم وهو عم يطلع من الغرفه. اي شي مو مهم ( وطلع ) اخدت تيابها اللي كانت مجهزيتهم ودخلت ع الحمام تجهز حالها لانو مابتقدر تغير بالغرفه بما انو شهم عم يفوت ويطلع بدون مايدق الباب خلصت وفرشت اسنانها ومشطت شعرها واتطلعت بالمرايه بلشت يخف الزراق اللي بوجها لكن خافت جدها يلاحظ شي وماكانت بتعرف اذا رح يروحو فوراً ع المشفى بس يوصلو او رح يروحو ع الفندق فـ قررت تحط مكياج وتخفي كل شي بوجهها طلعت من غرفتها واول مانزلت ع الدرج تذكرت انها مابتعرف كيف شهم بحب القهوه واحتارت شو تعمل تروح تسألو ؟ ولا تعملها ع ذوقها خافت ينكد عليها من الصبح وراحت على غرفتو ودقت الباب فتح شهم الباب وكان عم يلبس وعم يسكر ازرار القميص خجلت كتير لما شافتو نزلت عيونها من خجلها وصارت تطلع بالأرض وهي عم ترجف من الأحراج شهم استناها حتى تحكي بس ظلت ساكته وهو يتأمل تفاصيلها وشكلها واستغرب منها لما شافها اديش خجلانه ( شهم في نفسه معقول كمان كل هالخجل والرجفه يكون تمثيل ) شهم. ليش جايه في شي ؟ آيلا. ـــــــــــــــ شهم. لك اذا في شي احكي آيلا. ها .. لا .. بس .. بس كنت .. سحبها شهم من ايدها وضمها لـ صدرو وهو مستغرب من حركتو بيكره هالأنسانه لانو كل ماشافها بضيع وبيفقد سيطرتو ع نفسو اما آيلا كانت امنيتها قبل يومين تضمو وتبكي كل سنين القسوة اللي عاشتهم بسبب امها وابوها وليكها هلأ بين ايديه بس بعد ماشافت قسوتو كانت بتتمنى تسألو ليش هيك صار وليش تحول من شخص حنون لشخص قاسي ولئيم ضمها بقوه اكتر وقرب شفايفو من اذنها وهمس. ياعمري ليش عم ترجفي خايفه مني ؟ كانت عم تحاول تستوعب اللي عم يصير كلمة عمري اللي قالها بحنان وهمس .. كانت رح تصرخ وتقول ايــه خايفه منك جربت حنانك وجربت قسوتك ايـــه خايفه لأني تعلقت فيك من اول ماشفتك ايــه خايفه من كل حلم بنيتو بمخيلتي عن الحب والسعاده اللي بعيشهم معكلكن قبل ماتحكي أي كلمه كان شهم اسرع منها شهم. حبيبتي ليش مابنستفيد من زواجنا انتي استفدتي شخص ستر عليكي ووفرلك بيت لأنو ابوكي مابدو ياكي بس انا اللي طلعت خسران ع الأقل خليني استفيد واحصل على حقوقي كـ زوج وبالحلال مو بالحرام ( سكت شوي واستناها حتى تحكي ولما ظلت ساكته بعد خصلات من شعرها عن وجها وهمس بأذنها .. بس المشكله لما عم شوفك ماعم يتحرك فيني أي شعور وطبيعي ماحس بشي تجاه وحده حقيره وقذره متلك خلص كلمتو وبعد عنها يتبع في الجزء الرابع .. *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```