الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵ بنفسجية.العينين.tt*
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#بنفسجية_العينين_الكاتبة_روان_الشبلاق
الجزء الثاني
( اما شهم كان مصدوم بجمالها
ماكان متوقع انها بهالجمال خصوصاً لما رفعت شعرها عن وجها
كل شي فيها بينطق بالجمال
وعيونها آ آ آ هـ من عيونها بعمرو ماشاف لون عيون هيك وتوقع انها لابسه عدسات
لكن انصدم لما شاف دمعو عيونها وصارو ينزلو ع خدودها )
شهم بحنيه. ليش هالدموع خايفه مني ؟
آيلا. ــــــــــــــــــــ
لما ماردت قربها منو مسح دموعها وضمها ع صدرو
وحلف بنفسو انو رح يكون كل شي حلو بحياتها ويحاول يسعدها قد مابيقدر
لما شاف جمالها توقعها دلوعه مغروره وكان حابب يكسر غرورها
لكن الخوف اللي شافو بعيونها اثبتلو انو تفكيرو غلط
وفكر بكلام اوس
انو لو جدو ماشاف فيها الخير ماكان اختارها وجبرو عليها
اما آيلا كانت ساكته ومستسلمه وحاسة بالأمان
شعور اول مرة تحس فيه
بعدها عنو شوي ورفع رأسها واتطلع فيها
شهم. مارح اسألك شو سبب هالدموع لانو رح يجي يوم واعرف
لكن اللي بدي ياكي تعرفيه وتتأكدي منو
اذا كنتي الزوجه اللي بتحافظ على بيتها وزوجها
ثقي وقتا انو رح كون الك الزوج اللي بحبك ويعمل المستحيل كرمالك
( كان كلام شهم متل البلسم على جروحها )
آيلا. بدون ماتطلب مني او توعدني رح كون الك الزوجة اللي رح ترضيك
شهم بأبتسامه زادت من جمالو. وهاد اللي بتمناه
بس احكيلي شو لون عيونك
قصدي حابب اعرف لون عيونك بدون العدسات
آيلا. مو لابسه عدسات هاد لون عيوني
بعرف انو غريب لكن خلقة رب العالمين
انصدم شهم من لون عيونها وقال بنفسو لو وحده تانية مكانها كانت شافت حالها
شهم. اي صح غريب بس مميز وحلو .. في قلبه ( وبياخد العقل كمان )
ماقلتيلي انتي مين بتشبهي ؟
آيلا. جدي بقول اني بشبه ستي كتير
شهم. اها مشان هيك بحبك
ألماس. هههههه ياعيني ع الحب ياعيني
( اتطلعو شهم وآيلا ع الباب وكانت ألماس )
شهم. لك انتي ايمتى رح تعقلي
ألماس وهي خجلانة. بس اتزوج
آيلا. ههههههه والله كنت بعرف رح تقولي هيك
شهم. كنت ناوي اجي اضربك وسببلك عاهة دائمة بس بما انك ضحكتي آيلا سامحتك
ألماس وهي عم تمشي وتقرب منهم. ليكي آيلا رجعيلي اخي القديم انا بدي النسخة الأصلية هاد تقليد مستحيل يكون اخي
شهم. ليش شو شايفة فيني ؟
ألماس. عم تقول كلام اول مرة بسمعو وعم تضحك مشان هيك اتأكدت انت مو شهم
شهم. بلا حكي فاضي وتعالي باركيلي ولا ناوية ماتباركيلي
ألماس. لا بالعكس رح باركلك مرتين مره ع الزواج ومره ع التغيير
شهم. وهو يشد اذنها. هههههه والله وقعتي وماحدا سم عليكي
ألماس وهي تتألم. شهم اذني حرام عليك .. لك اذني رح تقطعها ، بكرا ماحدا بيقبل يتزوجني وانا عندي اذن وحده
شهم وهو يشد اذنها الثانية. وهلأ ؟
ألماس. بدل الوحده صارو الأتنين هلأ ماحدا بيتزوج وحده مابتسمع ابداً
شهم. لك انتي مابهمك الا العرس
ألماس بجدية. ليش في شي تاني مهم بالحياه غيره
( دخلت عليهم ام عمر )
ام عمر. لك بغيب عنك دقيقة بجي بلاقيكي عندهم
شهم. امي منيح اللي اجيتي بدي تساعديني البس آيلا الدهب
فكت ألماس الأكسسوارات اللي لابستهم آيلا ولبسها شهم الدهب
وباركولهم ام عمر وألماس
وام عمر سحبت ايد ألماس لحتى يطلعو
ألماس. امي تركيني بدي اتفرج عليهم ، شوفي ما احلاهم
ام عمر. شهم بس تخلص سهرتك مع آيلا انا ناطرتك نرجع سوا ع البيت وتنام عنا
شهم. تكرمي امي بس انا مابدي أخرك عن نومتك يمكن اتأخر هون
ام عمر. عادي ولا يهمك .. انا بدي ياك لانو في نار بقلبي ماعم تطفى لحتى تدبحلي هالبنت
شهم. هههههه هاد يوم المنى ، تكرم عينك الف طلب متل هالطلب
ام عمر. ههههههه
شهم. اي امي انا جوعان بس نوصل ع البيت سويلي اي شي خفيف
لاني ماتعشيت ماكان الي نفس لــ اكل المطاعم
ام عمر. من عيوني
طلعو ام عمر وألماس وظلو آيلا وشهم لحالهم وبعد مرور ساعة
طالع شهم تلفون جديد من جيبتو
شهم. بتلاقي رقمي مسجل بالتلفون وبتمنى اسمع صوتك هي اليله واذا مو حابه تستخدمي الشريحه اللي فيه
ابعتيلي رسالة من تلفونك مشان اعرف رقمك
آيلا. لا رح استخدم نفس الرقم لأن انا ماعندي تلفون
شهم استغرب من كلامها وماحب يدقق
وقف ووقفها معو ومسك ايديها
وقرب منها وباس راسها
شهم. تصبحي على خير .. ولا تنسي تحكي معي بأنتظار اتصالك
آيلا. ان شاء الله
رفع ايدها وباسها وطلع ( راح يقعد مع نورس شوي وبعدا يرجعو ع البيت )
وقفت آيلا مكانها وهي تلمس مكان البوسه وتقول معقول هاد هوي الأنسان اللي ابي حكا عنو وصورلي ياه انو وحش
معقول هاد اللي كنت خايفه من الزواج منو ؟
كتير اوقات كان ابي يشوف دموعي ومابتأثر
وشهم لما شاف دموعي تغير لشخص كله حنان وطيبه
ليش كنت اتمنى انو الزمن يوقف ومايطلع من عندي
معقول كون حبيتو بهالسرعة ؟
مابعرف بس اللي متأكدة منو انو بدي هالأنسان يظل بحياتي دائماً
طلعت من الصالة ودخلت ع المطبخ وطالعت التلفون واتصلت بـ شهم رغم انو لسا موجود ببيتهمشهم. هلا
آيلا. ــــــــــــ
شهم. آيلا ؟ متصلة مشان تسكتي
آيلا. لا بس
شهم. اشتقتيلي بهالسرعة ؟
آيلا.ــــــــــــ
شهم. هههههه خلص بسحب كلامي ، احكي عم اسمعك
آيلا. شهم بتقدر تجي ع الباب الخلفي بس دقيقة
شهم. ( يا الله ما احلى اسمي طالع منها ) طيب دقيقة وبكون هنيك
سكرت الخط واخدت سله فيها اكل وطلعت ع الباب الخلفي فتحتو وحطت السله وسكرت الباب
وبعتت رسالة ل شهم مكتوب فيها ( بتمنى تاخد السله فيها عشى خفيف الك وهاد طبخي مو اكل مطاعم )
اخد السله وهو مبسوط كتير انو فكرت فيه وماهان عليها
وصلو شهم وام عمر وألماس ع البيت
نزلهم وظل بالسيارة واتصل على اوس
اوس. طمني كيف كان يومك اكيد تخانقت مع الكل
شهم. لا
اوس. لكن شو عملت اعترف ؟
شهم. حبيت
اوس. شو ، كيف مافهمت شو يعني حبيت ؟
شهم. لك مابعرف شو صرلي
اوس. بسرعة احكيلي التفاصيل
شهم. خفت اتواضع .. ويكسرني تعاليها .. قلت اتعالا .. كسر قلبي تواضعها
اوس. انت ناوي تجلطني ، من ايمتى بتعرف تقول شعر لا وحابب كمان
شهم. اخ يا اوس خايف كون حبيتها
بس الي بعرفو انو بعمري ماحسيت بالشي الي حاسو هلأ
وكنت بتمنى ادفع كل مابملك بس ما اطلع من عندا
( بعد حديث طويل سكر شهم المكالمة وطلع ع البيت وفتح سله الأكل وهو يقول مارح اتعشى غير اللي موجود فيها حتى لو كان قطعت خبز )
اول ماذاق الأكل تأكد انو مو طبخها
مو معقول هالملاك اللي شافها تعرف تطبخ هيك
ــــــــــــ في بيت العم ياسر ، غرفه منال ــــــــــــ
ليلى بعصبيه. اكيد انتي مجنونه لانو مستحيل الشي اللي عم تحكيه
سندس. هلأ اسكتي شوي ، نحن لازم نعرف ايمتى رح ياخدها شهم ويسافرو
منال. انا رح اعرف
اتصلت منال بـ مرت عمها ام نورس
منال. الو
ام نورس. هلا منال .. كيفك .. طمنيني كيف صرتي
منال. الحمدلله صرت منيحه وتحسنت
ام نورس. الحمدلله
منال. سامحيني هلأ لحتى عرفت عن زواج آيلا ان شاء الله الف مبروك
ام نورس بقرف. الله يبارك فيكي
منال. ايمتى حددو موعد السفر ؟
ام نورس. رح ياخدها بعد يومين ويسافرو على المانيا لعند جدك
منال. طيب مرت عمي انا حبيت اباركلكم وهلأ تصبحي على خير
سندس. ايمتى
منال. بعد يومين رح ياخدها ويسافر
سندس. طيب اسمعوني للأخير وبعدا اعطوني رأيكم بكلامي
ليلى. احكي
سندس. انتي قلتي انو البنت ماحدا بيقدر يمسك عليها شي
وحتى روحتها ع الجامعه يا مع اختها ايلول او مع ألماس اخت شهم
وتلفون مامعها
وحتى صور الها مو موجود
ومابتطلع كل وقتها بالبيت صح كلامي ولا لا ؟
ليلى. صح
سندس. يعني لو قلنا لـ شهم انو آيلا بتحكي مع شباب وبتطلع معهم مستحيل يصدقنا
لكن لو سوينا خطه وبعدها زرعنا الشكوك براسو بيصدق بسهوله
ليلى. لا تحاولي تقنعيني مستحيل اوافق على خطتك
منال. رح توافقي لانو ماحدا رح يتضرر غيرها
ليلى. ونورس ؟
منال. نورس مارح يصير عليه شي ولا تنسي انو ابوكي بحبو مو متل الحيه آيلا
ليلى. لك مابقدر صعب هالشي
منال. انا قلتلك من الاول يا بتكوني معي او ضدي
ولاتنسي انا بعرف الشب اللي كنتي بتحاكيه وصورك معو وصوتك مسجل عندو
ولما تركتيه صرتي تحبي اخي امير ومع هيك ما اعترضت وتمنيت تكوني زوجتو
ومارح اسمح لأخي يتزوج غيرك
ليلى. اي بس انتي عم تهدديني
منال. ماعم هددك بس عم اسألك انتي معي او ضدي
ليلى. معك
( شرحتلها سندس شو اللي مطلوب منها )
سندس. كل اللي مطلوب منك انك تقولي الحكي اللي علمتك ياه
واتركي الباقي علينا
ليلى. تمام رح اعمل اللي بتطلبوه مني
سندس. تمام انا رح ارجع ع البيت لانو تأخر الوقت وأي شي بصير خبروني
ليلى. وانا كمان
ــــــــــــ في بيت ابو نورس ــــــــــــ
ام نورس. ايلول يلا على غرفتك
ايلول. ليش بلش حضر التجول ؟
ام نورس بعصبيه. انقلعي على غرفتك
ايلول وهي عم تمشي على غرفتها. بدل ماننجمع ونسهر وننبسط بزواج آيلا
كلو عياط ونكد ولازم ننحبس بغرفنا
ام. نورس. وانتي آيلا استرجي شوفك طلعتي على غرفتك قبل ماتخلصي شغل البيت
آيلا بخوف. ان شاء الله
استلمت آيلا شغل البيت رغم انو الشغالات رفضو وطلبو منها تترك الشغل عليهم وترتاح
لكن خوفها من امها منعها
.. في غرفة ابو نورس ..
ام نورس. ممكن تشرح لي الشي اللي عملتو
ابو نورس. لو كنتي بمكاني وانعرض عليكي مبلغ كبير مقابل هالزواج او انو تنحرمي من الورثه كلها وتصير الورثه لـ ام عمر وشهم وآيلا
شو كنتي رح تختاري ؟
ام نورس. ومين اللي خيرك ؟
ابو نورس. ابوي مين غيرو يعني
ام نورس. ومن ايمتى ابوك بيتدخل بحياتنا
ابو نورس. روحي اسأليه
ولا تسأليني ليش مازوجتو ليلى او ايلول
لانو بعرف شهم حتى لو ناسبتو مارح يتغير
ومارح اقدر اضرو من خوفي على ليلى وايلول
اما هلأ بقدر اضرو عادي حتى لو تضررت معو دلوعت ابوي
فهمتي علي ؟
( اقتنعت ام نورس بكلام ابو نورس
رغم انو لو يطلع بأيدها تقتل آيلا وجدها )
ــــــــــــ في بيت العمه جميلة ــــــــــــألماس. بــــــــــــووووو خوفتك صح ؟
شهم اي كتيــــــــــــر حرام عليكي كيف رح اقدر نام الليل
( وبعصبيه ) تعالي بسرعة خدي الأكل ع المطبخ او بقوم موتك هاا لانو والله امي وصتني فيكي
ألماس. اولاً نادي للشغالة تاخد الأكل ..
قطعت حكيها لما شافت الأكل
من وين جبت هاد الأكل اعترف ؟
شهم. مو شغلك
ألماس. هاد طبخ آيلا بعرف بس كيف وصل الك
شهم. ليش هي بتعرف تطبخ ؟
ألماس. هههههه آيلا شغاله وطباخه
شهم. اي كتير منيح اذا بتهتم ببيتها وطبخها شو بدي احلى من هيك
بس احكيلي شو هي عيوبها ؟
ألماس. قول بلاوي مو عيوب ، مستعد تسمع ؟
شهم وقف قلبو بس سمع هيك. اي احكي
ألماس. مابتعرف تسوق سيارة بعكس اخواتها ليلى وايلول لانو ممنوع تطلع
والأهتمام اللي شفتو بنفسها اليوم
هاد كلو شغل ايلول
وتانياً دمعتها اسرع منها مافي
وانا متأكدة انو كل يوم بتقفل باب غرفتها على حالها وبتظل تبكي لحتى يطلعو عيونها
شهم. لك هلأ مو وقت مزحك لك شي مره كوني جديه واتركي الهبل
ألماس. لك والله كل شي قلتلك ياه صحيح ، آيلا خارج محيط البيت والجامعه بتضيع ومابتعرف شي
شهم مصدوم من اللي بيسمعو. وليش كل هالشي ؟
ألماس. خالي وزوجتو قاسيين كتير عليها ودلوعتهم الوحيده هي ليلى والباقيين عادي لكن شخصيتهم قوية وبيقدرو ياخدو حقهم
اما آيلا جدي هو السبب بالشي اللي هي فيه
شهم. جدي شو دخلو ؟
ألماس. لأنها حبيبتو ودلوعتو
بوجودو بعاملوها منيح
وبغيابو بيتفششو فيها
شهم. وهي ؟
ألماس. هي بتحبهم ومهما يعملو فيها بتسكت وبتحاول تكسب رضاهم .. هلأ المهم لا تغير الحديث من وين الك هالأكل ؟
شهم. من آيلا
ألماس. ليك الحقيره وماقالتلك انو حاسبه حسابي معك بالعشى
شهم. لا ارتاحي ، واحترمي نفسك وانتي تحكي عنها
ألماس. دقيقة هلأ بتشوف
( ألماس اخدت رقم آيلا واتصلت عليها )
آيلا. الو
ألماس. ياحقيره مابتقولي بنت عمتي بتحب طبخي خليني ابعتلا عشى مع شهم
ولا مين لقا احبابو نسي اصحابو
آيلا. ــــــــــــ
ألماس عرفت انو آيلا عم تبكي من شهقاتها. آيلا شبك ليش عم تبكي
آيلا. لا ماعم ببكي
ألماس. امبلا عم تبكي واضح من صوتك
ماتحمل شهم وسحب التلفون من ايد ألماس
شهم. آيلا ليش عم تبكي شو صاير
آيلا. ( ياربي شو رح يقول عني ماصرلنا كم ساعة بنعرف بعض وكل الوقت عم ابكي ) حاولت تتماسك حالها وترد عليه
شهم بحنيه. ياعمري شبك
لما سمعت هالكلمة انهارت قدام صوتو الحنون ولما سمعت منو كلمة عمري صارت تبكي بحرقه
شهم. آيلا رح تقولي شبك والا والله العظيم لأجي هلأ
آيلا. لا الله يخليك لا تجي
( دخلت ام عمر ع الغرفة وسمعت حكيهم وانو آيلا عم تبكي سحبت التلفون من ايد شهم وحكت معها )
ام عمر. آيلا يا امي عم تسمعيني
آيلا. اي
ام عمر بحنيه. لا تبكي يا امي ولا تشغلي بالنا عليكي وخليكي مبسوطه وفرحانه بزواجك
والا حابة تزعليني منك ؟
آيلا. الله لا يحرمني منك
ام عمر. اتعوذي من الشيطان واذا خلصتي شغلك اطلعي على غرفتك صلي ركعتين وارتاحي وبعدا اتصلي بـ شهم طمنيه عنك
آيلا. ان شاء الله
( سكرت ام عمر الخط وهي مزعوجة ومتضايقه من ام نورس لانو بتعامل آيلا هالمعاملة )
ام عمر. الله لا يوفقك ، الله ينتقم منك
شهم. الله ينتقم من مين ؟ وشبها آيلا
ام عمر. مرت عمك حسبي الله عليها
شهم. احكيلي
ام عمر. ماشفتو وجه آيلا اليوم لو حدا حكا معها كلمة كانت انهارت وبكت قدام الكل
مع انو اليوم خطبتها والمفروض غيرو معاملتهم معها
ماسمعت كلمة مبروك غير من نورس وايلول
حتى امها ما تنازلت تدخلها لعند شهم كانت البنت خايفة وخجلانة وبهيك موقف بتحتاج اهلها يكونو جنبها
بس امها بالعكس ماشفت بعيونها غير نظرات التهديد كل ما مرت من جنبها
شهم. معقول في اهل بهالقسوة ؟ وليش آيلا مو بغرفتها بهالوقت
ام عمر. مابتقدر تطلع الا حتى ترتب كل البيت واليوم كان في عزيمه والبيت بدو شغل كتير
شهم. ليش ماعندهم شغالات
ام عمر. عندهم بدل الوحده اربعة بس مابيمنع انو تكون آيلا الخامسة
ألماس. لا مو هيك ، قولي انو امها بتريح الأربعة وبتشغلها مكانهم
شهم. مستحيل هي تكون ام
ام عمر. مرت عمك بعمرها ماكانت حنونه ، هلأ اتركنا من سيرتها واحكيلي شو رأيك بطبخ آيلا ؟
شهم. والله ماكنت مصدق انو طبخها الا حتى قالتلي ألماس
ام عمر. آيلا كامله والكمال لله
شهم. عرفت ليش جدي بحبها كل هالحب
ألماس اخدت الأكل وطلعت من الغرفة
وشهم لما شاف ألماس طلعت
قرب من امو وقال. امي بدك الصراحة ماتوقعتها هيك واول ماشفت عيونها استغـ ...
ألماس. شــــــــــــــــــــــــــــــــــــو
لما سمعت الحكي لفت ورجعت لعندهم
شهم. خير شبك
ألماس. لك اذاني رادار سمعت كلمات غزل
شهم بأستغراب. امي كيف متحمليتها
ام عمر. منيح عم تشوف بعينك ، الحمدلله على كل حال ، الله لا يبليك يا ابني متل ما ابتلاني
ألماس. خلصتو حكي ؟ شهم كمل غزل بـ بنت خالي كلي أذان صاغيه وعقبال عندي ما اسمع زوجي وهو يتغزل فينيام عمر. اذا متت هداك الوقت بتتزوجي اما غير هيك لا تحلمي
شهم. هههههههه امي بتعجبني اجوبتك
ألماس. امي حرام عليكي تخيريني بأمرين احلاهم مر
ام عمر بصدمه. هادا بدل ما تقولي بالناقص من الزواج اهم شي عندي امي
ألماس. امي ماسمعتي المثل اللي بقول قطع الأعناق ولا قطع الأرزاق
وبعدين ليش انقلبتو علي ، قومو خلونا ناخد لفه بالسياره ونفحط شوي بمناسبة الزواج
شهم. تفحطي ؟ امي متأكدة انها بنت
ام عمر. مابحط بذمتي يا ابني نحن بالمشفى حكولنا مبروك اجاكم بنت وابوها اعتمد على هاد الكلام وسماها
ألماس. والله اذا حدا بيسمع حكيكم بحياتي مابقى اتزوج
ام عمر. ليك يا شهم النار اللي بقلبي مابردت لهلأ
شهم بأبتسامه. ابشري
( حاولت ألماس تهرب بس كان اسرع منها ومسكها وكتفها وصار يضربها طبعاً بالمزح ، وهي تحاول تفك حالها لكن هيهات )
ــــــــــــ في بيت ابو نورس ــــــــــــ
خلصت آيلا شغلها وطلعت على غرفتها وكل عضله بجسمها عم توجعها
تحممت ولبست وصلت ركعتين
وبس خلصت مسكت تلفونها وكانت مترددة تتصل على شهم او لا
كانت خجلانه مم نفسها ومن ضعفها قدامو
بالأخير اتشجعت واتصلت عليه
آيلا. كيفك
شهم. الحمدلله ، وانتي كيفك هلأ ؟
آيلا. الحمدلله .. شهم
شهم بدون مايحس. عيــــــــــــونه
آيلا. ــــــــــــ
شهم. خلص بسحبها
آيلا. اسفه ع اللي صار اليوم
شهم. شو اللي صار ؟
آيلا. انــــــو .. ــــــــــــ
شهم. لأنك بكيتي .. مو عيب انو الشخص يعبر عن مشاعرو وحزنو
وانا مو حابب اناقشك بالشي اللي صار
لكن اتأكدي انو رح كون دائماً معك ومارح اسمح لأي شخض انو يزعلك بكلمه
آيلا اتشجعت وحكتلو. الله لا يحرمني منك
شهم. ولا منك .. آيلا انتي بتعرفي انو اتفاقنا يومين واخدك ونسافر
آيلا. اي بعرف
شهم. عندي اقتراح بس مابعرف رح توافقي عليه او لا
آيلا. شو هو ؟
شهم. انو بكرا الصبح نروح ع المحكمه ، واخدك العصر ونبقى هاليومين ببيتنا وبعدا بنسافر
( آيلا حست بالخوف
صح لو راحت معو بترتاح من مشاكل اهلها
لكن حاسه انو هي لسا مو مستعده لانو كل شي صار بسرعه )
آيلا. شهم بتزعل لو قلتلك لا
شهم. وليش حتى ازعل ؟ بالعكس من حقك وانا بعرف انو كل شي صار بسرعه بس بوعدك مارح تندمي وخلص اللي بدك ياه بصير
( استمرت مكالمتهم للصبح واغلب الوقت شهم كان يحكيلها عن حياتو وماكان حابب انو تحكي عن حالها
لانو اللي عرفو اليوم انو حياتها كلها معاناه ومو حابب يفتح جروحها )
ــــــــــــ في غرغة ايلول ــــــــــــ
اذن الفجر وايلول كانت مرتبه اخر شنته من جهاز آيلا
لانو بتعرف انو امها مارح تجهزلا ورح تطلع لعند شهم بدون تياب وبدون جهاز
ومافي وقت لحتى ايلول تاخدا وتروح تجهزلا
مشان هيك طلعت ايلول كل شي تياب جديدة عندا وفساتين وبلايز واكسسوارت ومكياج
وجهزتلا كل شي ممكن تحتاجو وبس خلصت صلت الفجر ونامت
ــــــــــ تاني يوم في بيت ابو نورس ــــــــــ
صحيت على صوت عياط امها لانو صارت الساعة 1 وآيلا لسا نايمة لانو سهرت للفجر مع شهم وطلعت الصبح بكير
وطبعاً ام نورس مابتترك فرصه الا وبتسمع آيلا حكي
كيف هلأ بعد ما اتزوجت بنتا اللي بتكرها لــ شب حلو وشخصيه والف بنت بتتمناه وغير هيك معو مصاري كتير وهاد المهم
مو خسارة يكون لـ آيلا
ايلول طلعت بعد العصر ع السوق لانو حست انو جهاز آيلا ناقصو كتير اشياء
اشترت فستان طويل فخم واشترت فساتين قصيره وظل عليها الملابس الداخليه
في البيت ..
ليلى طلبت من امها انو تحكي معها بموضوع خاص بدون ماحدا يسمعهم
ام نورس. شبك ياقلبي حدا مدايقك بشي ؟
ليلى. لا ماما بس بدي قلك على شغله حارمتني طعم النوم
( ليلى خبرت امها القصه ) اللي اتفقت عليها مع سندس ومنال
ام نورس. لا انتي اكيد مو صاحيه
ليلى. لا ماما هي الحقيقه وانا ماكنت حابه احكيلك
لكن القصه تعبتني وبطلت اقدر نام
وحتى اتصلت على شيخ وشرحتلو القصه وحكالي لازم تتصرفي او تخبري حدا اكبر منك خليه يعرف يتصرف
ام نورس. مستحيل ماعم صدق
ليلى. ماما صدقيني واذا بدك اثبات رح اثبتلك
ام نورس. شوفي يا ليلى اذا طلعت القصه مو صحيحه والله لأقتلك واشرب من دمك
ليلى. اكيد صحيحه ، ليش لأتبلى عليها
نزلت ام نورس ع الصاله وكل ماتشوف آيلا تسمعها حكي بسم البدن وببكي الحجر من قسوته
ـــــــــــ الساعة 11 مساءاً ـــــــــــ
نزلت ليلى وراحت ع المطبخ وشافت آيلا عم تشتغل والشغالات مو موجودين لانو امها اعطتهم يوم راحه
طلعت ليلى على غرفة آيلا بدون ماحدا يشوفها
واخدت تلفون آيلا وبعتت رساله لــ نورس
وكمان اخدت رقم شهم وسجلتو بتلفونها
وظلت شوي بالغرفة لحتى تشوف نورس رح يتصل او لا
لكن نورس ما اتصل واتطمنت
لكن وهي طالعه دخلت ايلول ع الغرفة
ايلول. شو عم تعملي هون بغرفة آيلا ؟
ليلى. اه .. ولاشي بس كنت عم شوف وين آيلا
ايلول. شبك خايفه كأنك مسويه جريمة
ليلى. لا خايفه ولاشي وهي تركتلكن الغرفة اشبعي فيها انتي واختك
ــــــــــــ في غرفة ليلىليلى عم تحكي مع منال ع التلفون. خلص قلتلك كل شي طلبتوه عملتو وهلأ عم استنى نورس ليرجع ع البيت
منال. اوك ياقلبي وخبريني شو بصير اول بأول
ليلى. اوك .. باي
ــــــــــــ الساعة 1 بالليل
دخلت آيلا على غرفتها وهي ماعم تشوف من التعب
تحممت ونامت على سريرها
مسكت تلفونها وشافت 3 مكالمات من شهم ورساله بيطلب منها تطمنو عليها
اتصلت بــ شهم ..
شهم. وينك طول الوقت عم اتصل عليكي وماعم تردي ؟!
آيلا. كنت مشغوله وهلأ خلصت شغل ودخلت على غرفتي
شهم. وتلفونك ليش مو معك
آيلا. مابقدر شيلو كل الوقت بخاف امي تزعل وتاخدو مني
شهم. ــــــــــــ ع كل حال هاد اخر يوم الك ببيت اهلك
آيلا. شهم
شهم. عيونو وروحو لـ شهم
آيلا. رح تجي تاخدني بكره ؟
شهم. آيلا اذا مو حابه بكره احكيلي عادي
اهم شي عندي راحتك
آيلا. لا مو هيك بس عم بسألك لحتى اعرف أي وقت رح تجي مشان كون جاهزه
شهم. بعد العصر ان شاء الله
آيلا. حاسه متل الحلم وكل شي عم يصير بسرعة
شهم. معك حق بس بوعدك انو رح عوضك عن كل شي
بعرف انك انحرمتي من كتير اشياء بسبب السرعة
لكن جدي هيك بدو
كتير مقهور كنت حابب نعمل حفله صغيرة ع الاقل مشان تفرحي
لكن مافي وقت
آيلا. لا تحكي هيك اللي بهمني انو كون معك وبس
شهم. ياعمري انتي .. انا مارح طول عليكي اكيد تعبانه رح سكر هلأ وانتي نامي
آيلا. كيف رح اقدر نام
عم فكر كتير بـ بكرا
شهم. حابه يمضى الوقت بسرعه ؟
آيلا. مابعرف .. تصبح على خير
شهم. وانتي بألف خير .. نوم العوافي
( طلع نورس من الكافيه اللي كان سهران فيه ولما فتح تلفونو شاف رسالة من رقم آيلا عم تطلب منو لما يجي ع البيت
يجي ع غرفتها ضروري
لما وصل ع البيت راح لعند غرفة آيلا وقبل مايدق الباب سمع صوتها عم تبكي
فتح الباب وشافها عم تبكي ومنظرها بقطع القلب
قرب منها وجلس ع طرف السرير )
نورس. شبها حبيبة اخوها عم تبكي ؟ مين اللي مزعلها
( ليلى لما شافت نورس دخل ع البيت وراح فوراً على غرفه آيلا راحت وخبرت امها ، عصبت ام نورس وحس عليها ابو نورس )
ابو نورس. لك شبــــــــــــك احكي شو في
ام نورس بعصبيه. شو احكيلك يعني
شي بسود الوجه
ابو نورس. رح تحكي شو في ولا لا
( ام نورس خبرتو بكل الكلام اللي خبرتها ياه ليلى
عصب وقام من مكانو وجنون الدنيا كلها بوجهو ، بعد ام نورس بقوه من قدامو
وراح على غرفه آيلا )
ــــــــــــ في غرفه آيلا
آيلا. لك نورس انا شو عامله بدنيتي لحتى يكرهوني كل هالكره
لك تخيل اي بنت مكاني هلأ بتكون بحاجة امها جنبها
انا ماعم شوف من امي الا الكره
مهما سايرتا وحاكيتا بالمنيح ومارفضتلا طلب مابلاقي منا الا الكره
انا بس بدي اعرف شو السبب
ليش مابتعاملك انت وايلول وليلى هيك
ليش بس انا
اديش بينحرق قلبي لما ليلى تناديلا ماما وترد عليها عيون الماما
( نورس وهو يحاول يضمها ويهديها دخل عليهم بهي اللحظه ابو نورس
واول ماشاف نورس وهو عم يضم آيلا اتأكد انو كل الحكي صحيح
سحب نورس من ايدو وبعدو عن آيلا )
ابو نورس. تفــــــــــــوو عليك ( وضربو كف )
( نورس مصدوم وايدو على خدو ماعم يستوعب اللي صار وشو سبب تصرف ابوه )
نورس. ابي شو في شو صاير
ابو نورس عم بسحب نورس برات الغرفه وبصوت عالي. لا تقول ابي مره تانيه
من هي اللحظه لا انت ابني ولا انا بعرفك
ومابدي شوف وجهك طول ما انا عايش
ام نورس وهي تحاول تمسك زوجها. لا يا خلـــــــــيل لا
الا ابني الا نورس حبيبي
اقتل اللي مابتخاف من ربها
موتها بس نورس لااا
ابو نورس وهو يبعدها عنو وعم يضرب نورس. عم قلك اطلع من بيتي انا متبري منك ليوم الدين
( نورس اللي عم يسمعو من ابوه كان اكبر صدمه بحياتو
كان يتمنى يعرف هو شو عمل ومين هي اللي ماتخاف من الله اللي حكت عنها امو
وطلبت من ابوه يقتلها
طلع نورس لحتى يهدى ابوه ويعرف شو سبب عصبيتو بهالشكل
وهو عم يطلع من الغرفة اتطلع بأمو اللي عم تبكي
واتطلع بـ آيلا كانت تبكي بهستيريا والصدمه على وجها من اللي صار قدامها
اما ليلى كانت عم تبكي بهدوء
طلع من البيت وهو عم يجر رجليه وكل اللي عم يفكر فيه
انا شو عملت
شو الذنب اللي عملتو لحتى ابي يعصب مني وقلعني من البيت ويتبرى مني
اما ابو نورس اتطلع بـ آيلا وبلش يضربها بوحشيه وماكان ع لسانو الا يا بنت الحرام ماعرفت اربيكي
آيلا استسلمت لضرب ابوها
واللي كان عم يوجعها اكتر من الضرب هو كلامو
وكانت تقول بنفسها اذا نورس اللي بحبو مارحمو لكن انا رح يرحمني
وانا بحياتي ماحسيت انو الي أي قيمه عند امي وابي ولا الي ذره محبه بقلوبهم
طلع ابو نورس وتركها مرميه ع الارض مابيعرف عايشه او ميته
وقفل باب الغرفه بالمفتاح
ايلول لما شافت ابوها طلع من غرفه آيلا راحت فوراً وقفت قدام باب الغرفه وكانت تنادي لـ آيلا بصوت واطي لحتى تطمن عليها
لكن مالقت أي رد من آيلا
صارت تفكر وحاولت تعرف سبب عصبيه ابوها وتصرفو بهاد الشكل وتذكرت وقت شافت ليلى عم تطلع من غرفه آيلا وهي متلبكهراحت بسرعة ع غرفه ليلى وفاتت بدون ماتدق الباب لقتها قاعده وعم تبكي )
ايلول بعصبيه. احكيلي بابا ليش عمل هيك ؟ شو اللي صار
ليلى بخوف. مابعرف علمي علمك
ايلول. مابعرف ليش مو مصدقتك
ليلى وخوفها عم يزيد وبتعرف انو اذا ايلول كشفتها مارح تسكت . ليش يعني حتى ماتصدقيني ؟
ايلول. شوفي يا ليلى والله العظيم اذا كان الك علاقه بالشي اللي صار وقتا لا تلومي الا حالك
وماحدا رح يوقف بوجهك غيري
طلعت من غرفه ليلى وراحت قعدت قدام غرفه آيلا
كانت ميته من الخوف على اختها
اما ليلى كان الندم عم يقتلها ع الشي اللي عملتو
لكن خلص مابقى تقدر تتراجع
مسكت تلفونها وبعتت رسالة لـ منال وخبرتها بالشي اللي صار
اما نورس كان عم يلف بالشوارع مابيعرف وين بدو يروح
ولا بيعرف ليش هيك صار وشو السبب
حاول يتصل بـ عمر ابن عمتو جميلة
لحتى يحكي معو ويشكيلو همو
لكن عمر بعيــــــــــــد كتير ومارد عليه ( عمر اعز اصدقائه لـ نورس )
ــــــــ في بيت ياسر وتحديداً غرفه منال ــــــــ
كانت عم تحكي مع سندس ع التلفون وتخبرها بالشي اللي صار
منال. وهلأ شو رح تعملي ؟
سندس. مابهمك شو رح اعمل
اتركي كل شي علي والنتيجة رح ترضيكي
منال. يعني معقول اسمع خبر ببرد القلب ؟
سندس. اكيد رح تسمعي انا وعدتك مايجي يوم السبت الا وهو مطلقها
منال. لو صار اللي بدي ياه يا سندس وقتا لو تطلبي عمري مابيغلى عليكي
ــــــــــــــــــــــــــــــــ
تاني يوم
طلع شهم من الشركه وهو تعبان وراح ع البيت
وطول الطريق وهو يفكر بـ آيلا وصار يحمد ربه انو سمع حكي جدو
صح انو لحد الان هو مابيعرفها منيح
لكن بكفيه اللي شافو منها ، طيبتها وتواضعها وجمالها
مو حرام هالجمال كلو والأدب وتعيش بــ بيت عمي .. عمي اللي مابهمو غير المصاري .. عمي اللي مستعد يبيع اولادو مقابل مبلغ مادي
بسبب الزعل اللي كان يشوفو بعيون آيلا كان حابب لو اخدها من اول يوم وماتركها تظل لحظه عندهم
وصل على بيتو وتحمم حاول ينام لمدة ساعه وبعدا بيروح وبياخد آيلا
واول ماغمض عيونو رن تلفونو
ابتسم وتوقع انو بتكون آيلا
لكن لما شاف الرقم استغرب لانو رقم غريب
قرر انو مايرد لكن رجع واتصل مره تانية وكمان مارد
وصلتو رسالة من نفس الرقم ( اخي شهم بتمنى انك ترد على اتصالي ضروري )
شهم. الوو
ــــــــــ السلام عليكم ورحمة الله
شهم بأستغراب. وعليكم السلام ، تفضلي مين معي ؟
ــــــــــ انا اسفه ع الأزعاج لكن انت شهم عبد الرحمن الــ..
شهم. اي انا تفضلي
ــــــــــ اخي شهم الموضوع اللي بدي احكيلك ياه خطير وبتمنى انك تسمعني للأخير
ويشهد الله انو صعب علي قول هالحكي لكن الساكت عن الشر شيطان اخرس
شهم. انا لحد الأن ماعرفتك .. تفضلي اختي احكي اللي عندك
ــــــــــ نحن مجموعة بنات محبين لعمل الخير وبنحضر دروس دين
وانضمت النا اخت ..
شهم وهو يقاطعها. عفواً بس انا ماعم افهم عليكي
انا شو علاقتي بالشي اللي عم تحكيه ؟
ــــــــــ انا طلبت منك تسمعني للأخير واكيد الك علاقه لأن هالأنسانه مصلحتها بتهمك
( شهم اول حدا خطر ببالو هي ألماس لأنها من فترة حكتلو انو بتحضر دروس دينيه كل فتره والتانيه )
شهم. كملي اختي عم اسمعك
ــــــــــ متل ماقلتلك انضمت النا اخت
كانت بتكره اهلها كتير
كانت تعمل اشياء غلط وتجاهر فيها
مو حابه احكي شو كانت تعمل
لما اكتشفو اهلها تصرفاتها حرموها من كل شي ماعدا الجامعه
كنا نقابلها بالجامعه وكنا نسمعها ومانلومها ونشجعها تصحح اخطائها
وننصحها بطريقه هاديه ومقنعه
لحتى ماتنفر منا وتكرهنا
لكن اللي صار انو اتصلت علي مبارح من رقم غريب وهي طايره من الفرح وعم تقول انها تزوجت
وهاد الرقم جابلها ياه زوجها
وحكتلي عن زوجها كتير
وبس خلصت صارت تبكي وتشكي من معاملة اهلها وتقول انو رح تحرق قلبهم متل ما خربو عليها فرحتها بزواجها
شهم وهو عرف انو عم تحكي عن آيلا. طيب كم نهاية الرقم اللي اتصلت عليكي منو ؟
ــــــــــ لحظه لحتى اشوفو .. 55 هاد هو
( شهم اتأكد انو البنت اللي عم تحكي معو صادقة لانو آيلا حكتلو ما اعطت رقمها الا لــ نورس وايلول وألماس )
شهم. كملي اختي عم اسمعك
ــــــــــ اليوم الصبح اتصلت وحكت معي وصوتها كان تعبان ولما سألتها شبها
حكتلي انو ابوها ضربها وقالت انو مو مهم
المهم حرقت قلبو هو وامي
حاولت استدرجها واعرف شو عملت
اعترفتلي انها استدرجت اخوها نورس على غرفتها وطلبت منو شي .. استغفر الله ، ولما عرف ابوها باللي صار اتبرى من ابنو وقلعو من البيت
شهم بعصبيه وماعم يستوعب الشي اللي عم يسمعو. انتي كيف بتسمحي لحالك تحكي هاد الحكي ؟
ــــــــــ لأنها الحقيقه للأسف هي الأنسانه اعترفت النا بأخطاء كتير لكن غلطتنا من البداية انو اكتفينا بالنصيحه وسترنا عليها لانو من ستر على مسلم ستر الله عليه
لكن بعد الشي اللي عملتو ندمنا انو ماخبرنا ابوها عن تصرفات بنتو
لو خبرناه ماكانت وصلت لهونشهم وهو عم يتمنى انو الشي اللي عم يسمعو غلط. وليش عم تحكيلي الي هالحكي ومن وين جبتي رقمي ؟
ــــــــــ بخصوص رقمك هي اللي قالت لي انها تزوجت شهم ابن عمها عبد الرحمن الـــ .. ولأني عرفت اسم العيله قدرت جيب رقمك من الأتصالات
اما ليش عم خبرك الك فــ من تصرف ابوها اللي اكتفى بس بضربها
ومالقيت قدامي غيرك لانو هالأنسانه مريضه ولازم تتعالج مابصير تتركوها هيك هي خطر ع نفسها وعلى اللي حواليها
سكر الخط شهم وكان بيتمنى لو ما رد على هالمكالمه
كان جواتو صوت عم يصرخ انو كل اللي سمعو كذب ومو صحيح
اخد تلفونو واتصل بــ نورس ومابيعرف اذا رد عليه نورس شو رح يحكيلو
لكن نورس مارد
اتصل مرتين وثلاث ومارد
وتذكر شهم انو نورس اليوم ما داوم بالشركه
اتصل بـ عمو ابو نورس
ابو نورس بعصبيه. نعــــــــــم
شهم. هلا عمي .. كيفك
ابو نورس. بخير .. ليش عم تحكي معي في شي ؟
شهم. لا بس حبيت اسأل عن نورس اليوم ماداوم بالشركه
وهلأ عم اتصل فيه ماعم يرد علي
ابو نورس بقرف. مابعرف بأي جهنم بكون .. ولا تسألني عنو
( شهم حاول يتماسك نفسو لانو حكي عمو عم يثبت كلام البنت اللي اتصلت فيه )
شهم. شبك عمي .. نورس صاير معو شي ؟
ابو نورس. مابعرف عنو شي لــ هالحيوان ، بدك شي تاني ؟
شهم. اي عمي بقدر اجي وشوف آيلا
ابو نورس. بكفيك انت وياها مو هي زوجتك تعال خدا وخلصني
شو عم تستنا
شهم. طيب انا رايح شوفها هلأ وبصير خير
ــــــــــ في بيت ابو نورس ــــــــــ
ابو نورس. ايمتى رح توقفي المناحه اللي مسويتها ؟
ام نورس. بترجاك ماتحرمني من ابني ، نورس ما الو علاقه
ابو نورس. انسي انو الك ولد اسمو نورس وياويلك اذا بسمعك عم تجيبي اسمو ع لسانك
والله وقتا ما الك قعده عندي بالبيت ولا ساعة
ام نورس تبكي. ــــــــــــ
ابو نورس. انا طالع وهاد مفتاح غرفة بنت الحرام
اذا اجا الكلب شهم خليها تطلع تشوفو
واذا رجعت ع البيت وماكان ماخدها رح اقتلها ونرتاح بقى
ــــــــــ في غرفة آيلا
حاولت تقاوم الألم اللي عم تحس فيه توضت وصلت الفروض اللي فاتتها وبعد ماخلصت بدلت تيابها ومشطت شعرها
كل ما مررت فرشايه الشعر كانت تضغط ع اسنانها من الوجع وتحس كأنو فروة راسها انتزعت من مكانها من كتر ماشدها ابوها
وصل شهم على بيت عمو وفتحتلو مرت عمو الباب
سلم عليها وشافها مو على بعضها وعرف انو كانت عم تبكي
طلب منها انو يشوف آيلا
طلعت على غرفة آيلا لحتى تناديلها
وشهم دخل على الصاله وعم يستنا وعم يدعي بقلبو انو تجي آيلا ويكون كل الحكي اللي سمعو كذب
ام نورس. قومي يا حقيره الله ياخدك ويريحنا منك ومن شرك
قومي انقلعي زوجك تحت روحي معو وخلصينا من شرك
( آيلا كانت تبكي من كلام امها وبتتمنى تعرف شو الذنب اللي عملتو
طلعت من غرفتها ونزلت لعند شهم
دخلت والدموع بعيونها
شهم انصدم وقت شافها
كان وجهها متورم وفيه كدمات كبيره
وشفتها مجروحه
ومستحيل أب يضرب بنتو هالضرب هاد الا اذا فعلاً الكلام اللي سمعو صحيح
وقف شهم بدون مايحكي ولا حرف وكان رح يطلع من الغرفة
مسكت ايدو وحكتلو )
آيلا. شهم وين رايح
ابوس ايدك خدني معك لا تتركني هون
شهم ماكان عم يقدر يتطلع فيها
سحب ايدو منها بقوه وطلع من بيت عمو
وماعم يصدق ايمتى يجي بكرا مشان يروح ع المحكمه ويبعتلا ورقة الطلاق
آيلا لحد الان عم تحاول تستوعب اللي صار
وراحت بتفكيرها لــبعيد خافت انو شهم يروح يتخانق مع ابوها لانو عمل فيها هيك
وماكانت حابه تكون سبب بزيادة المشاكل بينهم
طلعت على غرفتها واخدت تلفونها واتصلت على شهم واول مافتح الخط
آيلا بلهفه. شهم بترجاك لا تروح لعند ابي ولا تحكي معو شي
ياعمري مابدي المشاكل تكبر بينكم
شهم وهو يقاطعها بأحتقار. لا تحكي اسمي ع لسانك القذر
وكل اللي بيني وبين عمي كان ممكن اغفرلو مقابل انو يقتلك لانو انتي حرام تعيشي ع الارض
اسمعيني منيح انسي اسمي وانسي اني كنت زوجك
وياويلك اذا بتتصلي فيني مره تانيه
آيلا. وانا وين اروح
شهم. خليكي في زبالتك يا زباله
سكر شهم الخط ..
يتبع بالجزء الثالث ..
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```