الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵ بنفسجية.العينين.tt*
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#بنفسجية_العينين_الكاتبة_روان_الشبلاق
الجزء الأول
قربت منو وتمسكت برجلــيه وبصوت بقطــع القلــــــب. ابوس رجلك استــر علي وارحم ضعفــي
دفشها برجلو بكل قوه بقسوه واحتقــــــار وحكالها مو انتي جايه لهون برجليكي
اتحمــلي اللي رح يصيــر فيكــي
قربت من رجليـــه مره تانيـــه وتمســـكت فيه بكل قوه وعم تتوســـل لحتى يطالعها من هاد المكان لأنها تأمــلت فيــــــه بعد الله
قرب منها غسان وقبل مايمد ايدو عليها وقفو معتز
معتز. اتركــــــها
غسان. مستحيل اتركها تطلع خطوه من هون قبل مـــ ..
قاطعو معتز وقلو. بعد ما اخــد انا اللي بدي ياه منهـا وقتا اعمـل شو مابــــــدك
صرخت بأعلى صوت. لااااااا
( للحظه وحده حست بالأمل لما معتز طلب من غسان يتركها
لكن بعد جملتو الأخيره صرخت بأعلى صوت لاااااااا
حاولت تقوم وتهرب وتضرب بالأبواب والشبابيك على امل انو حدا يسمعها
ويساعدها لكن هيهات )
ـــــــــــــــــــــــــــــــــــــــــــــــــــ
برغم انو كبير بالعمر لكن لسا شخصيتو قوية جداً وقياديه واللي براسو لازم يعملو ( الجد ابو عبد الرحمن ) رغم كل قسوته لكن هو شخص طيب وحنون وخصوصاً مع الأشخاص اللي بحبهم
صارلو اربع سنوات بتعالج بألمانيا وبنزل زيارات ع البلد كل فتره والتانيه
عندو 3 اولاد وبنت وحيدة ، اولاده ( عبد الرحمن ، خليل ، ياسر ، جميلة )
ابنو الكبير عبد الرحمن كان بحبو اكتر شي من بين اولادو لكن توفى هو وزوجته بحادث سيارة قبل 24 سنة
وكان عندهن ولد واحد اسمو ( شهم )
شهم بعد وفاة ابوه وامه رباه جدو ابو عبد الرحمن وعمتو جميلة ( وخالو الوحيد )
شهم عمرو 29 سنة ( شب طويل ، جسمو رياضي جداً بسبب ممارسة رياضة رفع الأثقال ، بشرتو حنطية يميل الى البياض ، شخصية ومحبوب
شخصيتو غامضة وعنيد وخطواتو كلها مدروسة
محب للرياضة جداً )
( خليل ابو نورس ) الأبن الثاني للجد ابو عبد الرحمن
خليل عندو 3 بنات و ولد واحد ( نورس ، ليلى ، آيلا ، وأيلول )
آيلا وأيلول تؤام عمرهم 20 سنه
صحيح تؤام لكن مافي شبه بينهم ابداً
.... في بيت خليل ابو نورس ....
ليلى. آيــــــــــلااااااا
آيلا. لك شبك ليش عم تناديلي
ليلى. امي بتقول جهزي القهوة والفطاير والحلويات
رح يجو جاراتها بعد المغرب
آيلا. ليلى حرام عليكي تعالي ساعديني شوي والله تعبت وانا اشتغل لحالي
ليلى. والله لو تموتي مابساعدك اصلاً رايحه جهز حالي رح تجي لعندي منال بنت عمي ياسر ورح نطلع سوا
آيلا. طيب بدي أسألك ايلول رايحة معكن ؟
ليلى. لا ليش لتروح معنا ، انا طالعة غير جو ليش لأخدها بس ليش بتسألي ؟
آيلا. بقدر وصيكي على اغراض تشتريلي ياهم محتاجتهم ضروري
ليلى. لك حلي عني يااه اعطيتك وش زيادة ( طلعت ليلى على غرفتها وطنشت آيلا )
آيلا. اللي بشوفها بقول انا مو اختها
ماعندها غير آيلا جيبي وآيلا نظفي وآيلا رتبي تعبتتتت والله
ــــــــــ في ألمانيا في المستشفى عند الجد ابو عبد الرحمن وحفيده شهم ــــــــــ
ابو عبد الرحمن. كأنو كلامي مو عاحبك ؟
شهم. لك جدي مشان الله عنجد حاسس اني كرهت هالبنت على قد مابتحكي عنها وبتمدح فيها
ابو عبد الرحمن. الله يرضى عليك يا شهم
انا بعرف مين الي رح تفهمك ومين الي بتناسبك
شهم. لك جدي كرمال الله لاتفتح معي هالموضوع
بالنسبة الي موضوع الزواج منتهي
وزواج مارح اتزوج
ابو عبد الرحمن. هي جزاتي عندك يا شهم
هلأ هيك صار الحكي
بس انا الحق علي انا الغلطان لانو بدي مصلحتك
قوم اطلع لبرا مابدي شوف وجهك
وابعتلي محمود لانو انا مارح ابقى بهالمشفى ولا يوم ( محمود هو المرافق الشخصي للجد ابو عبد الرحمن )
شهم. خلص جدي انت اهدى واللي بدك ياه بصير
ابو عبد الرحمن. شايفني ولد صغير عم تضحك عليه ؟ قلتلك اطلع برااا وابعتلي محمود
شهم قرب من جدو وباس راسو . لك ياجدي والله اني غير اتزوجها اذا الله كتبلي نصيب
وهي انا حلفت ووعدتك
وانت بتعرف اذا شهم وعد
خلص اهدى ياغالي
انا ماعندي شي اهم من رضاك
وانا متأكد انك مارح تخترلي الا الشي الصحيح
ابو عبد الرحمن. آيلا مو شي حتى تقول الشي الصحيح
شهم وهو ضاغط ع أسنانه. آيلا هي اميرة كل البنات بس ولا تزعل
ــــــــــ في بيت خليل ابو نورس ــــــــــ
آيلا بالمطبخ عم تجهز الضيافة لجارات امها ، وعم تغني بصوتها الحلو
ام نورس. وجع تضربي انتي وهالصوت ، لسا ماخلصتي رح يوصلو جاراتي
آيلا. يلا امي ثواني وبكون كل شي جاهز
ام نورس. لا تطولي وبس تخلصي اغسلي الملابس
آيلا. لك امي والله تعبت من الصبح عم اشتغل وما ارتحت ، طيب والشغالات وينهم ولا عم تريحيهم ع حسابي
ام نورس. لك ان شاء الله بينقص لسانك
شايفك صرتي تردي علي بالكلام
آيلا. لا ياعمري الله يسامحك ، من عيوني هلأ بغسلهم
ام نورس. خلي عيونك الك وخلصي بسرعة واحكي لأخواتك ليلى وايلول يلبسو و ينزلو مشان يستقبلو الضيوف معيآيلا. وانا انزل استقبلهن معكم ؟!
صحيح ليلى طلعت مع منال بنت عمي ياسر
ام نورس. اي نسيت ، طيب انتي ريحي حالك والملابس مين بدو يغسلهم
آيلا. يعني لأيمتى هالمعاملة لك امي
ام نورس. اي حاج تتمسكني ولا ناوية تشكيني لجدك مو انتي دلوعتو وحبيبتو ؟
آيلا. لا مارح اشكيكي وجدي الله يشفيه ويرجعو النا بالسلامة
تركت امها عم تحكي وراحت لعند ايلول ع الغرفة
آيلا. بتقلك امي قومي البسي وانزلي استقبلي معها الضيوف
ايلول. مين الضيوف
آيلا. جاراتها
ايلول. اي لكن انزلي استقبليهم انتي للعجايز
آيلا. لا انا بدي روح اغسل الملابس
ايلول. ليش الشغالات وينهم
آيلا. تعبانات وصدر مرسوم من امك انو اشتغل بدالهم وريحهم
دمعو عيونها ل آيلا صارت تبكي وشافتها ايلول
ايلول. ياعمري شبك ليش هالدموع
آيلا. مقهورة يا ايلول بتمنى اعرف ليش امي بتعاملني غير عنكم
لك بتمنى اطلع والبس
واعزم رفقاتي واحكي معهن
لك نفسي لما اناديلها ترد علي متل مابترد عليكم مو تقلي نعم وهاا وشبك وشو بدك
ايلول. ياحبيبة قلبي لك انا تؤامك بحبك وبحس فيكي
آيلا بفرحة. عنجد بتحسي فيني ؟
ايلول. اكيد ياعمري وبعرف اذا كنتي متضايقة او لا اصلاً مابتسمعي بقولو انو الي عندهم تؤام بحسو ببعض واذا تألمت وحدة تتألم التانية
بس مشكلتنا انا وانتي انو مابنشبه بعض
وانتي مابتشبهي حدا من عيلتنا
آيلا. جدي بقول انو انا بشبه ستي
ايلول. اها مشان هيك هو بحبك اكتر شي
آيلا. لا تظلمي جدي هو بحب الكل ، المهم يلا قومي انزلي امك ناطرتك
ــــــــــ في بيت العمه جميلة ام عمر ــــــــــ
جميلة ارملة عندها ولد وبنت ( عمر ، ألماس ) لكن هي بتكون امو ل شهم بالرضاعه لانها رضعتو مع ابنها عمر ولأنها ربتو وقت توفو اهلو
عمر 29 سنة بيدرس طب خارج البلد
وألماس سنة ثانية جامعة
حياتها عبارة عن ضحك وخفة دم وشخصيتها كتير حلوة وقريبة من القلب
ألماس عم تنادي لأمها بصوت عالي. ماما ، ماميتو ، أمي ، لك جميلة ، جوجو وينك
ام عمر. جوجو بعينك ياللي مابتستحي شو شايفيتني قطه عندك بتناديني جوجو
خلصيني شو بدك ؟
ألماس. ولاشي بس اشتقتلك
وينك بالعادة بتترصدي لكل تحركاتي
ام عمر. كنت بالصالة لانو عندنا نورس ابن خالك خليل
ألماس. نورس عنا ، لك يا مية اهلا وسهلا عم قول ليش نور بيتنا
ام عمر. مابدك تروحي تضميه كمان ؟
ألماس. يا عمري ياجميلة لك انا من زمان بعرف انك ديمقراطية ومع الحرية الشخصية
ام عمر. لك ياقليلة الحيا
عنجد انا ماعرفت اربيكي
ألماس. لك انتي فوراً بتصدقي اصلاً انا بكرهو لنورس
ــــــــــ في السوق ليلى ومنال ــــــــــ
منال وهي تدلع بمشيتها بعبايتها المخصره وبالأسم محجبه. بتسدقي لك ليلى سمعت من ابي انو شهم رح يرجع من المانيا بعد يومين
ليلى. وانتي لحد الان عندك امل انو يتزوجك ؟ لك اصحي على حالك شهم بيكره ابي وابوكي كره العمى كيف رح يناسبهم
منال. لك يي دخيلك خليه يكرههم براحتو اهم شي يتزوجني
انا بحبو ومستحيل اتزوج غيرو
ليلى. انتي عم توهمي نفسك انك بتحبيه لكن انتي بتحبي مصاريه وشكلو ومركزو الأجتماعي وشخصيتو الحلوة
اما انك تقنعيني انك بتحبيه لشخصه أنتي كذابه لانو بكل عمرك ماشفتيه الا ببيت عمتي جميلة وكلن مره او مرتين
منال بعصبيه. هاد مو شغلك وياريت مابقى تتدخلي الحق علي انو عم احكي معك بهالموضوع
ليلى. ياعمري لك انتي بتعرفي انو انا بحبك ومابتمنى حدا يتزوج شهم غيرك
بس انا كنت عم ناقشك ووضحلك
منال. لا تناقشيني ولا بناقشك
تعالي خلينا نقعد بشي مكان
ــــــــــ المسا في بيت ابو نورس ــــــــــ
رن تلفون ايلول وكان الجد ابو عبد الرحمن
حكا مع ايلول وسلم عليها وطلب منها انو تعطي التلفون ل آيلا حتى يحكي معها
دخلت ايلول على غرفة آيلا وفيقتها من النوم
آيلا. لك شبك ليش عم تفيقيني ، تركيني نام والله تعبانة من الصبح شغل بالبيت
ايلول. لك قومي بسرعة جدي بدو ياكي على التلفون
سمع جدها حكيها انو تعبانة ومتل ماكان متوقع لما يغيب عنها بعاملوها بقسوه وبدون رحمة
وهالشي خلاه مصمم على رأيو بــ زواج شهم من آيلا
آيلا. طمني عنك ياغالي ايمتى رح تجي
ابو عبد الرحمن. انا تعبان يا آيلا وحابب شوفك قبل ما موت
آيلا تبكي. بعيد الشر عن قلبك ، بترجاك قول انك بخير وانك رح ترجعلنا عن قريب
ابو عبد الرحمن. يابنتي لا تبكي
واذا انتي بتحبيني بتجي وبتزوريني ان شاء الله
آيلا. كيف بدي اجي وحتى لو قلت لبابا انك تعبان رح يجي هو يزورك ومارح يقبل ياخدني معو
ابو عبد الرحمن. ابوكي وعمك ياسر مابهمهم اذا متت او عشت
كل همهم اديش رح يطلعلهم املاك بعد ما موت
لكن هالحكي هلأ مو مهم
انا بدي اطلب منك طلب اذا وافقتي بتجي وبتزوريني
واذا رفضتي وقتا بعوضني الله عنك وبعتبرك متل اولادي اللي مافيهم خير
آيلا. انت بتأمر مابتطلب
وبوعدك رح سوي كل شي بقدر عليهابو عبد الرحمن. اول شي بدي ياكي تعرفي انك مابتهوني علي ولولا حبي وخوفي عليكي ماكان خيرتك بين انو توافقي او تنسي انو الك جــــد
آيلا خايفة من الحكي اللي عم تسمعو ومنتظرة جدها يخلص كلامو
ابو عبد الرحمن. اسمعي بكرا رح يجي شهم ابن عمك ويطلب ايدك وتكتبو الكتاب بالمحكمه فوراً
وابوكي اكيد رح يوافق
وبعدها بيومين بتكوني جهزتي نفسك وبياخدك شهم وبتجو لعندي على المانيا
( آيلا مصدومة من الحكي اللي عم تسمعو )
ابو عبد الرحمن. شو شايفك ساكتة
يابنتي بفهم من سكوتك انك موافقة ؟
انا بعرف انو آيلا حبيبتي مارح ترفضلي طلب ولا تكسر كلمتي
آيلا. بس ياجدي كيف بدي اتزوج واختي ليلى اكبر مني لسا ماتزوجت
ابو عبد الرحمن. تتزوج او ماتتزوج مابهمني الا مايجي نصيبها
المهم هلأ انتي لا تخبري حدا قبل ماتكتبو الكتاب فاهمة
آيلا. ان شاء الله
ابو عبد الرحمن. الله يريح قلبك يا بنتي متل ماريحتيني
يلا مع السلامة وانتبهي لنفسك
سكرت الخط وهي لسا مصدومة من حكي جدها وانو سكتت وماقدرت تعارضو بشي
وصارت تحكي مع حالها. معقول انا اتزوج هيك بهي الطريقة وبهي السرعة
معقول اتزوج من شخص مابعرف عنو شي الا انو اسمو شهم واكبر مني ب 9 سنين وبكون ابن عمي
لك انا بسمع من اختو ألماس انو بخوف عصبي كتير وبحياتو ما ابتسم
الله يسامحك يا جدي ع هالأستفقادة
مضى ساعتين على مكالمتها مع جدها وهي لسا ماعم تستوعب
وقررت تقوم تصلي استخاره
( بعد ماخلص ابو عبد الرحمن المكالمة مع آيلا اتصل على شهم وقلو يحجز على اول رحله عالبلد )
وفعلاً شهم حجز بأول رحلة
وصل ع البلد تعبان ومهدود حيله وصل على بيتو
ومانام طول الليل وهو يفكر ويدعي على آيلا وحاقد عليها من كل قلبو
ــــــــــ في بيت العم ياسر وتحديداً بغرفة منال ــــــــــ
كانت عم تحكي مع ليلى على التلفون
منال. انا لازم شوفو يا ليلى بس المشكلة انو مابيروح غير على بيت عمتي ام عمر لانو بعتبرها امو وبحبها
وبسبب انو علاقتو بأبي وابوكي سيئة جداً وبيكرههم
ليلى. اي لكن كيف رح تشوفيه
منال. بس يوصل رح اتصل على الغبيه ألماس واعزم حالي عندها
واكيد هو رح يروح فوراً لعندهم
وقتا هنيك بلاقي طريقة لحتى شوفو
ليلى. لك لا اجليها لتاني يوم
لانو اكيد بكون بدو يروح على بيتو يرتاح
منال. هيك قولتك ، اي بصير
ع كل حال رح سكر هلأ لانو بدي روح ع السوق اشتري لبس حلو مشان يشوفني فيه
بتحبي تروحي معي ؟
ليلى. اي اكيد تعالي خديني
منال. اوك .. باي
ــــــــــ مساءاً في بيت شهم ــــــــــ
كل الوقت كان عم يفكر ومشغول بالو
وماعم يسدق انو رح يتزوج بنت عمو
بنت الشخص اللي بيكرهو
كتير اسئلة عم تدور براسو
واكتر شي شاغل بالو وبفكر فيه انو جدو بحبو كتير ليش عم يجبرو يتزوج من بنت مابدو ياها
تعب كتير ومالقا اجابة على اسألتو
اتصل بصديقو ورفيق عمرو وبنفس الوقت ابن خالو ( اوس ) وخبرو انو رجع من المانيا
اوس. هلا بالنسيب
شهم. اللي بسمعك بقول عندك اخت وحابب تزوجني ياها
اوس. مابتعرف يمكن انا اللي اناسبك
شهم. لك هلأ اتركك من هالحكي لانو والله الدنيا ضايقة فيني ولازم شوفك
اوس. خير شبك
شهم. بس شوفك بحكيلك
اوس. طيب بنلتقي بالمطعم انا عازمك ع العشاء
( بعد مرور ساعة )
اوس. اي احكيلي شبك شو الي مضايقك
شهم. جدي يا اوس
اوس. خير ليكون صرلو شي
شهم. لا وضعو مستقر لكن قرر يزوجني
اوس. لك هلأ هي المشكلة ؟! وانا فكرت صاير معك شي قصة كبيرة
لأن الي بشوفك كيف مهموم ومزعوج ومانك على بعضك بقول الله اعلم شو صاير
وبعدين ليش مابدك تتزوج ؟
كلا سنة وبتصير بال 30
شهم. لك المشكلة مو بالزواج
المشكلة بالبنت اللي بدي اتزوجها
اوس. ليش شبها ؟
شهم. بتكون بنت عمي ، انت بتعرف شو يعني اناسب واحد من اعمامي
اوس. لك لا تظلم البنت
يمكن تكون غير عن ابوها
بس ماقلتلي بنت مين هي ؟
بنت عمك ياسر او عمك خليل
شهم. بنت خليل
اوس. اي منيح بظل اهون من عمك ياسر
شهم. كلياتهن اضرب من بعض
اوس. لك انت شوفها بفترة الخطبة واتعرف عليها يمكن تغير رأيك
شهم. ههههههه ضحكتني قال خطبة
لك بكرا كتب الكتاب وبعد يومين لحتى يطلع جواز السفر باخدها وبنروح لعند جدي على المانيا يعني حتى عرس مافي
اوس بصدمة. بهالسرعة ؟
لك ليش ايمتى لحقت توافق البنت وايمتى طلبتها
كل هاللشي صاير وانا مابعرف
شهم. لك انت اول واحد بتعرف بالقصة
جدي مابدو حدا يعرف الا بنفس اللحظة
اوس. والله غريبة ليش كل هالأصرار من جدك
وليش هي البنت بالذات مع انو في اكبر منها
شهم. لك مابعرف لا تسألني
اخ يا اوس هيك اخرتا اناسب اعمامي اللي من وقت خلقت ع الدنيا ماشفت منهم الخير
ماشفت منهم غير الكره والعداوة
اوس. لك مستحيل يكونو بيكرهوك بتظل انت ابن اخوهم
بس بحز بخاطرهم انك بتمتلك اكثر من النص بشركة ابوهم
شهم. يا اوس انت عارف انو ما الهم شي عندي وانو الشي اللي بملكو هو ورثتي من ابي ومن امياوس. لك بعرف هالشي بس هم مو مقتنعين بفكرو انو جدك اعطاك اكثر من حقك
شهم. لا مو هيك قول الحقيقة انهم طماعين ومابيملا عينهم غير التراب
وبكفي اني ساكت عن بلاويهم
لك عمي ياسر بعد ماشبع سرقة من شركتنا فتح شركة خاصة فيه بس منيح خلصت منو
وعمي خليل ماشي على نفس خطاه كل يوم سرقة
وساكتلهم بمزاجي لانو بظل قول معليش بظلو اعمامي واكبر مني ولازم اسكت مشان جدي
اوس. لك انا بعرف كل هالشي الله يهديهم احسن شي بس لازم تعرف ليش جدك بدو هي البنت بالذات
شهم. قال انو هي اللي بتناسبني ورح تفهمني
اوس. جدك بحبها ولا بيكرها متل الكل ؟
شهم. ههههههه قال بحبها ، لك احياناً بشك انو بحبها اكثر مني ومن امي ( العمه جميلة ام عمر )
اوس. اي خلص لكن ليش مزعوج بما انو جدك بحبها معناها اكيد البنت منيحة وبتختلف عنهم
ولاتنسى انو جدك ذكي وبيعرف الأنسان من نظرة
وكاشف كل اعمامك على حقيقتهم
شهم. لك بعرف بس فكرت بهالشي وحاسس اني مغصوب ع هاد الزواج
اوس. خلصنا ولوو ليش انت بنت حتى تنغصب
اترك الأمور تمشي وشوف شو اخرتا
شهم. ان شاء الله
ــــــــــ في بيت ابو نورس في غرفة آيلا ــــــــــ
كانت نايمة وحست على شخص عم يحاول يهزها ويحاول يفيقها
فتحت عيونها وكانت ايلول ماسكتها وعم تسمي عليها
ايلول. شبك شو هالحلم اللي خلاكي تصرخي وتقولي مابدي جدي بترجاك مابدي
آيلا. اه ، مابعرف ماعم اتذكر
ايلول. طيب حبيبتي اشربي مي ونامي وانا رايحة على غرفتي
قامت آيلا توضت وصلت ركعتين وصارت تدعي الله يختارلها الخير
ــــــــــ في بيت شهم ــــــــــ
صحي من النوم الساعة 8 تحمم ولبس وطلع ع الشركة
شاف اغلب الموظفين مداومين
طلع ع مكتبو
وشاف اولاد اعمامه مداومين بالشركة ( نورس ، وامير ابن عمه ياسر )
شهم. بتذكر مره عارضت جدي وماوافقت انو نورس وامير يشتغلو بالشركة
لكن جدي ما وافق
لكن اثبتو انهم مخلصين ونشيطين بشغلهم
الله يحفظك ياجدي كل مرة تثبت لي انو قراراتك حكيمه
بس ان شاء الله يكون قرارك بزواجي من آيلا صحيح
وماتكون غلطة وغلطة الشاطر بألف
وقتا انا الي رح بدفع الثمن
ــــــــــ في بيت ابو نورس ــــــــــ
نزلت آيلا من غرفتها
آيلا. صباح الخير امي
ام نورس. عن اي خير عم تحكي صارت الساعة 11
قالتلي ايلول انك تعبانة مشان هيك مافقتي بكير
بس ليكك مافيكي شي
روحي ع المطبخ شوفي شغلك وبس تخلصي جهزي الغدى مع الشغالات
( الساعة 3 على الغداء )
ابو نورس. كيف كان الشغل اليوم
نورس. منيح وماشي متل مابدك وعلى فكره شهم داوم اليوم
سمعت آيلا اسم شهم وصار قلبها يدق من الخوف
ابو نورس. ليش شهم هون ؟
عمك ياسر حكالي انو الجمعة رح يجي
شو اللي جابو هلأ
نورس. والله مابعرف
ابو نورس. وعمك عرف انو شهم هون
نورس. اي اكيد امير بكون حكالو
ابو نورس. طيب انا طالع ع غرفتي لا حدا يزعجني
طلع ابو نورس على غرفتو واول مادخل رن تلفونو وكان المتصل ابوه ( الجد ابو عبد الرحمن )
ابو نورس يحاكي حالو. هاا ليش عم يتصل فيني ليكون شهم كشف شي بالشركة وحكالو
الله يستر
ابو نورس. الله يسعدلي هالصوت وصاحب الصوت
ابو عبد الرحمن. وينك بدي احكي معك بموضوع
ابو نورس. بما انو القصة فيها وينك لكن رحنا فيها بس مو مشكلة انت طمني عنك
ابو عبد الرحمن. ليش انا بهمك ؟
ابو نورس. اكيد بتهمني انت بتعرف غلاتك عندي بس مابعرف مين الي مغيرك علي
ابو عبد الرحمن. انا بغير مابتغير .. في حدا جنبك ؟
ابو نورس. لا لحالي
ابو عبد الرحمن. اسمعني ونفذ اللي رح قلك عليه ومابدي اي شخص يعرف بالقصة الا لما يتم كل شي
ابو نورس. اي تكرم بس احكي شغلتلي بالي
ابو عبد الرحمن. شهم خطب مني آيلا وانا وافقت وقلتلو انك موافق ورح يجي اليوم بعد المغرب لحتى تتفقو وبكره بتطلعو ع المحكمة وبتكتبو الكتاب
ابو نورس بعصبيه. شو هاد اللي عم اسمعو
شو يعني انا ما الي كلمة
وبعدين اختها ليلى اكبر منها ولسا ماتزوجت
ابو عبد الرحمن. ليلى بيجي نصيبها
ابو نورس. بما انك عم تخطبلو لشهم ليش ماخطبتلو من بناتي ليلى او ايلول
مالقيت غير آيلا
ابو عبد الرحمن بعصبيه. وآيلا كمان بنتك
ولا تعارضني يا ابو نورس والا اقسم بالله بسجل كل شي بملكو بأسم اختك ام عمر وشهم وآيلا ومابتركلك ليرة
ابو نورس. بس يا ابي لأيمتى انت بدك تظل تتحكم بحياتي صار عمري 50 سنة
مابكفي هيك ؟
ابو عبد الرحمن. انا بعمري ماتحكمت بحياتك او تدخلت فيك
لكن آيلا وشهم عندي خط احمر ولا تناقشني
ولا تخاف مارح ابخل عليك
بعد ما ينتهي الزواج رح حول لحسابك ربع مليون دولار
وكل اللي بدي ياه منك هلأ تتصل على شهم وتقلو انو عم تنتظرو بعد المغرب
ابو نورس. اي تمام اذا هيك اختلف الحكي تكرم عينك رح يصير متل مابدك بس لأيمتى بدك ياني ظل مخبي الموضوع ؟
ابو عبد الرحمن. بكره المسا بتسوي عشا وبتعزم كل العيلة وبعدا اذا سألوك شو المناسبة احكيلهم بمناسبة زواج شهم وآيلا
ابو نورس. خير ان شاء اللهسكر الخط ابو نورس وهو مقهور لكن اللي مهون عليه الموضوع هو المبلغ اللي رح ياخدو
( اتصل على شهم وخبرو انو بأنتظارو )
وبس خلص مكالمتو نزل عالصالة وقلا لأم نورس
ابو نورس. جهزو القهوة والضيافة وابعتوهم ع المجلس لانو بعد شوي رح يجيني ضيوف
ام نورس. مين ضيوفك ؟
ابو نورس. بعدين بخبرك
وصل شهم ودخل على بيت عمو
.. في المطبخ ..
آيلا. ياربي مين الضيوف اللي عند ابي
معقول يكون شهم
لا اكيد مو هو لانو ابي ماحكالي شي
وحتى امي مابتعرف مين هم الضيوف
( قطع تفكيرها صوت ابوها وهو عم يناديها )
ابو نورس. بتعرفي مين في عندي هلأ ؟
آيلا. لا كيف بدي اعرف
ابو نورس. شهم ابن عمك اجا وطلب ايدك وانا وافقت
آيلا. وافقت ؟! وبدون ماتسألني
ابو نورس بعصبيه. ليكني عم خبرك واكيد مارح تصحلك فرصة احسن من شهم
منيح اصلاً اللي قبل ياخدك
رح خبرهم انك موافقة لانو شهم مستعجل وبكره كتب الكتاب
آيلا. متل مابدك
طلع ابوها من عندها ورجع لعند شهم
وهي نزلت دموعها قهر وحزن من كلام ابوها
ليش هيك بعاملها مع انو ولا بعمرها رفضتلو طلب او رفعت صوتها بوجهو
كانت طول عمرها البنت الباره
حتى طلبات متل اخواتها ماتطلب
والمصاري اللي كان يعطيها ياهم جدها بالسر كانت تعطيهم لأبوها على امل انو تشوف ابتسامة منو او تسمع كلمة حلوة
لكن كل هالشي عالفاضي
كانو ابوها وامها يعاملوها معاملة الخدم
لكن لما يكون جدها موجود تختلف كل المعاملة
ومايسمح لحدا يقرب منها او يزعلها
شهم. اي عمي انا بستأذن وبخصوص العشا بكره انا تكفلت بكل شي
ابو نورس. ( كريم من مال غيرك ) خير ان شاء الله
طلع شهم من بيت عمو بعد ما اتفقو على كل شي
وهو يحس انو كل هموم الدنيا فيه واتصل على جدو ابو عبد الرحمن وخبرو انو كل شي صار متل مابدو
ابو عبد الرحمن. الف مبروك ياغالي
شهم. الله يبارك فيك ، طمني ارتحت هلأ
ابو عبد الرحمن. طول عمرك مريحني
الله يرضى عليك ويرحم ابوك اللي بعمرو مارفض لي طلب
شهم. الله يرحمو ويغفرلو
ابو عبد الرحمن. ايمتى رح تجو لعندي على المانيا
شهم. كم يوم لحتى يجهز الجواز والفيزا بتاخد وقت لكن ان شاء الله بجهز كل شي بيومين او ثلاثة
ابو عبد الرحمن. اشتريت ل آيلا ذهب لحتى تلبسها ؟
شهم. لا نسيت
ابو عبد الرحمن. يا شهم الله يرضى عليك لا تقصر عليها بشي
وحقها تفرح متلها متل كل البنات
ما بكفي انو مارح رح تعمللها عرس
شهم. والله ياجدي انت اللي مستعجل وبدك كل شي بسرعة
ابو عبد الرحمن. اي مزبوط لأن بدي اتطمن عليها قبل ما اموت
الواحد فينا مابيعرف ايمتى بتجي ساعتو
شهم. الله يطول بعمرك ويحفظك
وتكرم عينك هلأ بروح وبشتريبها الذهب
ــــــــــ في بيت العم ياسر ، في غرفة منال ــــــــــ
كانت عم تحكي مع ليلى ع التلفون
منال بفرحه. ليلي سمعت اخي امير اليوم عم يقول لأبي انو شهم اجا وداوم بالشركة
واكيد اليوم او بكره رح يروح على بيت عمتي ام عمر
ليلى. اي وانا كمان سمعت نورس عم يقلو لأبي هالحكي ، اي قررتي تروحي لبيت عمتي ؟
منال. اي اكيد بدي روح
ورح اتصل على ألماس وقوللها اني حابة سلم عليها وعلى عمتي واسهر عندهم بكره
شو رأيك تروحي معي ؟
ليلى. اي بروح ليش لا
منال. اوك باي
ـــــــــ تاني يوم في بيت ابو نورس ـــــــــ
آيلا فاقت من النوم الصبح بكير وطلعت مع ابوها ع المحكمه وحاول ابوها انو يطلعو بدون ماحدا يشوفهم وألتقت بشهم هنيك وكتبو الكتاب
لكن هي ظلو عيونها بالأرض
وهو من قهرو ما اتطلع فيها
بس خلصو رجعت مع ابوها ع البيت
ــــــــــ في بيت ابو نورس ــــــــــ
بعد مرور 3 ساعات
ابو نورس. وينك يا ام نورس
ام نورس وهي نازلة ع الدرج. لك اي شبك عم تعيط ليكني جاية
ابو نورس. بدي خبرك انو عنا عزيمة اليوم
وانا اتصلت على ام عمر وياسر وكم شخص من معارفنا وعزمتهم
وشوفي انتي اذا حابة تعزمي حدا غيرهم
ام نورس. لك من كل عقلك عم تحكي
هلأ جايي تحكي انو عزمتهن
لك ايمتى بدنا نلحق نجهز للعزيمة
ابو نورس. لا تهكلي هم شي
مافي داعي تعملي عشا
وصيت على اكل جاهز
وكل اللي مطلوب منك انتي وبناتك تجهزو حالكم وتلبسو
وبخصوص آيلا خليها تلبس مع اخواتها وتهتم بحالها متل البنات
ام نورس. خير .. ليش شو السبب ؟
ابو نورس. بعدين بحكيلك شو سبب العزيمة لانو هلأ مستعجل
تركها وطلع وهي نادت ع البنات ليلى وآيلا وايلول
ام نورس. ابوكم عازم عمتكم ام عمر وعمكم ياسر ع العشاء
وكم شخص من معارفنا
ليلى. شو سر هالعزيمة المفاجأة ؟
ام نورس. مابعرف عن ابوكي ، المهم ابوكم قال انو البسو احلى ماعندكم واهتمو بحالكم قدام الضيوف وانا هلأ بدي روح لعند الكوافيرة بتحبو تروحو معي ؟
ليلى. اي امي انا بروح
ايلول. لا انا بجهز حالي هون بالبيت
آيلا. اي انا حابه روح معكن
ام نورس. لا انتي لا تروحي بما انو ايلول مارح تروح خليكي بالبيت
دمعو عيونها وطلعت على غرفتها ولحقتها ايلولايلول. ياقلبي لا تزعلي
بوعدك هلأ رح خليكي ملكة جمال
وانا رح مكيجك واختارلك شي تلبسيه على ذوقي
ولا ناسية انو انا اختك خبيرة بالميك آب والشعر
آيلا. الله لا يحرمني منك
ــــــــــ في بيت ياسر ــــــــــ
كانت منال عم تحكي مع شب ع التلفون
منال. شوف يا مصطفى مو كل مرة تفتح لي هالموضوع
طلعة معك مارح اطلع ولا تخليني اعصب لانو انت اللي بتندم والله
مصطفى. يعني انا اطلع معك لما يكونو رفقاتك عالمطعم عادي بس نحن لوحدنا لا
شو فرقت معك يعني ؟
منال. اي ليكك قلتا مع رفقاتي يعني انت بس منظر ديكور قدامهم ولا تحلم بأكتر من هيك
مصطفى. لك مشتاقلك وحابب شوفك
مو ذنبي انا اذا حبيتك
منال. هههههههه ضحكتني لك على مين عم تلعب يا مصطفى
انت عارف انو انا مابحبك ولا انت بتحبني وانو اللي بينا مصلحة وبس
انت بدك مصاري وعز وجاه
وانا بدي شب حلو وجسمو رياضي شوف حالي فيه قدام البنات وبس
( مصطفى شب حلو وبحب المظاهر بس وضعو المادي مابساعد ومنال وفرتلو كل شي اللبس الماركة والسياره والمصروف والأكل بأفضل المطاعم مقابل انو ينفذ كل طلباتها )
مصطفى. كل ما احكي معك لازم تجرحيني وتحسسيني بالنقص
منال. لا بجرحك ولا تجرحني كل اللي بينا مصلحة وبس
ويلا باي بدي قوم جهز حالي عندي عزيمة ( منال لغت طلعتها على بيت عمتها ام عمر لما عرفت انو الكل معزومين ببيت عمها خليل )
ــــــــــ في بيت العمة ام عمر ــــــــــ
ألماس طلعت من غرفتها وعم تصرخ بصوت عالي مـــــــــــــــاما مـــــــــــــــاما تعـــــالي بسرعة
ام عمر بخوف. لك شبك شو في
ألماس. لك بيت خالي خليل عازمينا ع العشا يلا خلينا نروح
ام عمر وهي عم تحاول تمسك نفسها لحتى ماتذبح بنتها. حسبي الله عليكي انتي مارح ترتاحي لحتى تخليني موت والحق ابوكي
ألماس. ها ليش بقى
ام عمر وهي تشد ألماس من شعرها. اللي بيمسع كل هالعياط بفكر صاير شي
لك منيح ماوقف قلبي
ألماس. لك يا امي ما انتي بتعرفيني لما كون عم اصرخ بكون في موضوع عادي وبدي احكي فيه
اما لما تشوفيني ساكتة ومسكينه اعرفي انو في وراي مصيبه
( ام عمر انتبهت انو التلفون بأيدها وانو كانت عم تحكي مع شهم ع التلفون قبل ماتصرخ ألماس وتناديلها )
ام عمر. الو .. شهم انت لسا ع الخط
شهم. اي امي .. معك .. شو في
ام عمر. لا تأخذني خليتك تستنا .. لك هي المجنونة أختك السلك الوحيد الي بمخها فصل
شهم. هههههه مارح تعقل هالبنت
ام عمر. مستحيل قبل ماتجلطني وموت
.. بعد مرور ساعة في بيت ابو نورس
وصلو ام عمر وألماس ..
دقت ألماس الباب ع غرفة آيلا ودخلت وكان نفسها مقطوع من الركض لانو طلعت بسرعة ع الدرج
ايلول. هههههه خير شبك
آيلا. لك تعالي اقعدي وارتاحي ناسية انو معك الربو
مابدي تختنقي هلأ مو وقتك ههههههه
ألماس. تخيلو اختنق ومابقى اقدر اتنفس ويغمى علي ويجي فارس احلامي ينقذني بقبلة الحياه ويشيلني بين ايديه
آيلا. لك ايلول سكريلا تما هي وصلت للقبلة الله يستر من الباقي ههههههه
ألماس. الله ياخدك دائماً تفكيرك غلط المهم هلأ احكولي شو سر هالجمال
لك آيلا طالعة متل القمر اليوم شو القصة بتاخدي العقل
( كانت آيلا لابسه فستان بنفسجي ناعم
ومكياجها خيااال الميك آب طالع على عيونها بجنن ، وشعرها كان مفرود متل الحرير وبشرتها بيضه كانت مبهرة بجمالها ولون عيون لحالهم بيسحرو لونهم غريب جداً بنفسجي فاتح ولما بدهم يمزحو معها اخوتها ايلول ونورس وكانو ينادولها اليزابيث ) ملاحظه ذات العيون البنفسيجيه لقب اطلق على الفنانه إليزابيث
لما سمعت آيلا حكي ألماس انو اديه هي حلوة راحت اتطلعت ع حالها بالمرايه وظلت خمس دقايق تحاول تستوعب اللي عم تشوفو
كانت دائماً تسمع من الكل انها حلوة وجمالها مميز لكن هي اول مرة بتحس فعلاً انها حلوة
كانت محرومة من شغلات كتير وبعمرها ماحست انها متل باقي البنات
اتطلعت بأيلول بنظرات حزينة وراحت ضمتها وهي ساكته
كانت عارفة لو انها حكت كانت رح تنزل دموعها
( آيلا خبرت ايلول عن زواجها من شهم وانو جدها طلب منها ماتخبر حدا
وحتى امها لحد الأن مابتعرف
ايلول فرحت كتير لـــ آيلا ومشان هيك اهتمت بمكياجها واناقتها )
.. بعد مرور ساعة ..
كل الضيوف وصلو وآيلا لسا بغرفتها وخايفة تنزل
طلعت منال على غرفة ليلى
ليلى. لك وبعدين معك لك منال صرلك ساعة حابسيتنا بهالغرفة واقفة وعم تطلعي من الشباك اذا شهم وصل او لا
وبعدين اتطمني لو بدو يجي كان اجا من زمان
منال. لك مشتاقتلو كتير وحابة شوفو
ليلى. هههههههه اللي بسمعك بقول انو بحبك
منال. غصباً عنو بدو يحبني
ليلى. وبلكي هو حابب بنت وبدو يتزوجها
اديش صرلو غايب عنا وماشفناه
منال. لك والله بقتل اي وحده بتفكر تاخدو مني بقتلها وبشرب من دمها
ليلى. يخرب بيتك مجرمة كل هالشي مشان شب وياريت عم يفكر فيكي
منال. يعني انتي مابترتاحي الا اذا نكدتي علي
ليلى. روقي وتعالي ننزل نشوف الأوضاع تحت وبعدا بنرجع نطلع ع الغرفة( بنفس الوقت نزلو آيلا ومنال سوا ولما منال شافت آيلا جنت وطار عقلا وخصوصاً انو كانت ملفتة للنظر وكل العيون عليها والكل انبهرو بجمالها )
منال. متأكدة انها بتكون اختك ؟
ليلى. لك وانا مصدومة متلك
يخرب بيتا اديش طالعة حلوة
منال. تخيلي شهم يشوفها والله وقتا ولا بفكر يتطلع فيني مو يتزوجني
ليلى. لا تحكي هيك وانتي ماشاء الله عليكي مو ناقصك شي
منال. بعد اللي شفتو صرت شك بحالي ، المهم اتركينا من اختك وتعالي نكمل مراقبة
ليلى. اطلعي انتي قدامي وانا رح روح شوف طريقة اعرف فيها اذا شهم جايي او لا
طلعت منال ع الغرفة
وليلى راحت تحكي مع امها
( طبعاً بالعزيمة الشباب بيقعدو لحالهم والنسوان لحالهم لحتى الكل ياخدو راحتهم ولحتى الصبايا يقدرو يشلحو عباياتهم ويلبسو ع كيفهم )
الكل عم يتطلعو بآيلا ومصدومين اول مرة بشوفوها بهالجمال والأهتمام
كان دائماً مكانها بين الخدم
ليلى. امي ماسألتي ابي عن سر هالعزيمة ؟
ام نورس. لا والله عأساس يحكيلي وانشغل بس هلأ رايحة اسألو
لانو الكل هون عم يسألوني شو المناسبة وماعم اعرف جاوب
ليلى. اي واسأليه مين رح يجي كمان لانو عمتي جميلة سألتني اذا كمان جايي حدا ( عم تكذب لحتى تعرف اذا شهم جايي او لا )
ام نورس. اي يلا رايحة وانتي اقعدي مع الضيوف لحتى ارجع
طلعت ام نورس ع الصالة اللي فيها الشباب ولحقتها ليلى بدون ماتحس لحتى تسمع ابوها شو رح يقول
ام نورس. اي احكيلي شو سبب هالعزيمة
ابو نورس. بمناسبة زواج آيلا من شهم
ام نورس. شــــــــــــــــــــو
ابو نورس. كنت مجبور اني اوافق
ام نورس. لك انت كيف بتعمل هيك بدون ماتخبرني
ابو نورس. اللي سويتو كلو لمصلحتنا وبس يروحو الضيوف بفهمك كل شي ورح تعرفي انو اللي عملتو هو الصح
ام نورس. لك فهمنا بدك تزوجو لشهم بس كنت اعطيه ليلى او ايلول هن احق فيه من آيلا
( سمعت هالحكي ليلى وفوراً خططت لحتى تبعد منال عن المكان واستت امها حتى رجعت )
ليلى. امي منال تعبانه شوي وهي هلأ بغرفتي وطلبت مني روح وصلها ع بيتهم
ام نورس. ليش شبها
ليلى. وجع راس قوي ودوخه المهم انتي لا تخبري امها لحتى ماتخاف عليها وينشغل بالها
ام نورس. طيب بس توصلي طمنيني عليها
ليلى. ان شاء الله
( طلعت ليلى لعند منال ع الغرفة وواضح عليها انو متلبكة وملامحها تغيرت )
ليلى. شهم مارح يجي اليوم
وانا حاسة حالي تعبانه وحابه غير جو
مو حابه ابقى بالبيت
شو رأيك نطلع ؟
منال. اي بنطلع ليش لحتى ابقى هون وشهم مو جايي
( لبسو وطلعو من الباب الخلفي حتى ماحدا يشوفعم )
( بالسيارة )
ليلى. منال خلينا نروح على بيتكم
منال. اي بنروح
بعتت ليلى رسالة على موبايل رفيقتهم سندس وكتبت فيها ( سندس تعالي بسرعة على بيت منال في موضوع خطير بخص منال ومحتاجه مساعدتك ولا تتصلي تسأليني عن شي لأنها جنبي ومابقدر احكي )
( سندس بتكون صديقة منال وليلى ومعهم بالجامعه
وهي رأس الشر والفتنه
انسانه جمعت كل الصفات السيئة )
.. في بيت ابو نورس ..
ام نورس خبرت الكل سبب العزيمه
والكل تفاجئو لكن في منهم اللي كان حاقد وفي منهم اللي فعلاً انبسط
واكتر شي فرح بالخبر نورس وألماس
بعد مرور ساعتين
راحو كل الضيوف وماظل الا ام عمر وألماس
طبعاً آيلا لسا ماشافت شهم لانو كان مع الشباب بالصالة التانية
ألماس. لك آيلا انتي مابتستحي ليش ماخبرتيني انو اليوم زواجك
انا دائما بقول لأمي لا تخافي غير من الساكت
آيلا. لك والله كل شي صار بسرعة وماحدا بيعرف
ألماس. يارب ترزقني متل مارزقتها بأسرع وقت يارب
آيلا. ههههه ليك المجنونة
ألماس. ماحدا مجنون غيرك ، انا كل يوم بقوم صلي قيام الليل مع امي وبدعي الله يبعتلي عريس
ام عمر. وانا عم قول لحالي من ايمتى ألماس بتعمل شي لله
ألماس. الله يسامحك يا امي فوراً صدقتي
لك انا مستحيل اتزوج
بخاف يفضالك البيت وتروحي تتزوجي واحد ختيار
اي ولله بتعمليها وبتكتبيلو البيت بأسمو
ام عمر. الحمدلله هي في شهود اذا قتلتك ماحدا بلومني
آيلا وايلول. هههههههه
.. بيت خليل في غرفة منال ..
دق باب البيت وفتحت الشغالة الباب ودخلت سندس
منال. سندس !!
شو جابك بهالوقت
ليلى. انا طلبت منها تجي
منال. اي بس ليش ماخبرتيني
ليلى. بصراحة في شي بدي قلك ياه
منال. لك شبك ليش متلبكة وانتي سندس ليش ساكته
سندس. ليلى طلبت مني اجي مابعرف شو السبب
ليلى. منال شهم تزوج
منال مسكت ليلى بقوة من تيابها وقالتلا. لك كم مرة قلتلك مابحب هالمزح
سندس. منال اتركي البنت تكمل حكيها ونعرف شو القصه
ليلى. لك والله ماعم بكذب عليكي
ليلى. انتي من وين جبتي هالحكي ، ومين اللي تزوجهاليلى. ــــــــــــــــــــ
سندس. ليلى قولي مين
وبوعدكن مايجي يوم السبت الا وهو مطلقها
وانتو بتعرفوني منيح
منال. احكي ليلى مين اللي تزوجها شهم ؟
ليلى. آيلا ، واليوم العزيمه كانت ببيتنا بمناسبة زواجهم
سندس. آيلا اختك ؟
ليلى. لا تقولي اختي انا ماعندي الا اخت وحده وهي ايلول ، ومنال بعتبرها متل اختي
منال. لاااااااا مستحيل لااااا مو ممكن هالشي
سندس. كيف يعني ، اللي تزوجها شهم اختك ولا لا ؟
ليلى. اي اختي من امي وابوي بس ولا بعمري حبيتها
اخدت اهتمام جدي كلو وبحضورو لازم نعاملها كأميره او بتحل علينا اللعنه
كأنو ماعندو احفاد غيرها
لك حتى امي وابي مابحبوها
سندس. يعني عادي عندك اذا ضريناها ،
ليلى بخوف. ( صحيح مابتحب آيلا لكن بالنهاية هي اختها ) كيف يعني تضروها ؟
ليلى. اتطمني مارح مارح نعمللها شي الا انو نخلي شهم يطلقها وطبعاً بدنا مساعدتك
ليلى. بس ..
منال بعصبيه. بدون بس
حددي يا معي يا ضدي
ولا تنسي اني بعرف كل اسرارك
وبقدر سوي اي شي حتى بدون مساعدتك ووقتا بضرك انتي كمان
ليلى. انا معك اكيد انا معك
سندس. بما انو هيك الحكي
صدقيني يا منال رح احرقلك قلبها واخليها تبكي بدل الدموع دم
منال. يخليلي قلبك لكن انا ليش بحبك
سندس. ليلى احكيلي عن آيلا
ليلى. مافي شي احكيلك ياه ماعندها اغلاط ابداً لحتى الواحد يمسك عليها شي
وما الها صديقات ابداً
وامي وابي بيكرهوها
واللي بحبوها بالبيت هن بس نورس وايلول
وحياتها من البيت للجامعه ومن الجامعه للبيت
وحتى عالسوق مابتروح مابتطلع من البيت
سندس. كيف هيك عايشه ؟
ليلى. شكلها تأقلمت لانو امي مشغليتها مع الخدم بالبيت
سندس. وكيف بدنا نورطها هي
ليلى. مو قلتلك مافي شي تمسكيه عليها
سندس. قلتيلي اخوكي نورس بحبها ؟
ليلى. اي كتير بحبها ودائماً حرب مع ابي مشانها
سندس. عندي فكرة بس مابعرف رح توافقوني عليها او لا
منال. انا موافقه عليها بدون ما اسمعها
سندس. وانتي يا ليلى لانو مارح نقدر نعمل شي بدونك
ليلى. شو هي خطتكم ؟
.. في بيت ابو نورس ..
نورس طلب من عمتو ام عمر تنادي ل آيلا
وام عمر خبرت آيلا واخدتا لعند نورس
نورس. عمتي انا قلتلك نادي ل آيلا مو لـــ ملكه جمال الكون
ام عمر. ههههههه
نورس فتح ايديه. تعالي يا قلب اخوكي لحتى باركلك
مابكفي كل شي صار بدون علمي
قربها منو وضمها وباسها وحكالها مبروك
آيلا. الله يبارك فيك
نورس. يلا يا قمر تعالي مشان تسلمي على زوجك لانو ماظل حدا
آيلا بخوف. لا الله يخليك مابدي فوت
ام عمر. لك انتي خايفة من شهم ؟
نورس. فوتي انتي عمتي لعند شهم وانا وآيلا هلأ بنلحقك
ام عمر. اي لا تتأخرو
نورس. اي احكيلي من شو خايفه ؟
احمدي ربك انو رزقك شب كل البنات بيتمنوه
آيلا. مابعرف بحس انو شخصيتو بتخوف
نورس. ههههههه هلأ هو عنجد بخوف
آيلا. لك نورس عنجد بتحكي
نورس. شوفي يا آيلا
علاقتي بــ شهم سطحيه يعني بحدود الشغل
بس هو شب محترم وهيبه
وبخوف بس بالشغل
واكيد اي شب مارح يعامل زوجتو متل تعاملو بالشغل
يلا تعالي تأخرنا
آيلا. بس بتظل معي ومابتتركني
نورس. تمام فوتي
( قبل ماتفوت آيلا لعند شهم ، خبرتو عمتو ام عمر انو آيلا ماعم تفوت لانو خايفه وخجلانة )
شهم في نفسه. على اساس انا ميت على شوفتها
فتح تلفونو وكتب رسالة لــ اوس ابن خالو ( اذا ما اتصلت عليك بعد ساعة اعرف انو يا قتلت حدا يا مرتفع ضغطي وبتلاقيني بشي مشفى ) قبل مايحط ارسال للرسالة دخلت آيلا ومعها نورس
رفع راسو وشافها
وهي كانت عيونها بالأرض
شهم. ــــــــــــــــــــ
ام عمر. مابدك تسلم يا شهم ، لانو نحن خجلانين ( وتأشر بأيدها على آيلا )
شهم. السلام عليكم
آيلا. ــــــــــــــــــــ
شهم. كيفك
آيلا. ــــــــــــــــــــ ماردت وكانت تحس انو رح يغمى عليها لمى طلبو منعا تقعد جنبو
وعيونها كانو بالأرض
( ام عمر غمزت نورس مشان يطلعو
وطلعو وتركوهم لحالهم )
شهم. قلنا السلام عليكم
آيلا خايفه. ــــــــــــــــــــ
شهم. يعني رح تظلي ساكته ؟
آيلا. ــــــــــــــــــــ
سكت شهم لمدة خمس دقايق
شهم. خايفه مني ؟
آيلا. ــــــــــــــــــــ
شهم. اذا رح تظلي ساكته رح تشوفي الوجه اللي بخوف عنجد
آيلا وعيونها بالأرض. مابعرف شو بدي احكي
شهم. كيفك
آيلا. ( زفت ) الحمدلله بخير
شهم. ايوا هيك لما اسألك ردي .. طيب ليش خايفه مني
آيلا. مو خايفه
شهم. لكن شو بنسميه دلع وغرور ؟
آيلا. لا والله مو هيك
شهم. طيب رح احكيلك عن حالي مشان تعرفيني
بس بالأول ارفعي رأسك مابحب احكي مع حدا وهو ماعم يتطلع فيني
آيلا. سامعتك
شهم. قلت ارفعي راسك واتطلعي فيني
( رفعت رأسها بخوف واتطلعت فيه وكانت اول مرة بتشوفو
استغربت انو كل هالجمال يكون لشخص قاسي
كانت تتمنى يكون حنون ويعوضها عن قسوة امها وابوها
خانوها عيونها ودمعت وهي تفكر بحياتها )
يتبع في الجزء الثاني...
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```