الفصل 11
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *وتين.الوطن.tt* 🤎🫂
*❴🔢❵☟الـــبـــــــــــ❴1️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بعد مرور اسبوع بيوم كتب الكتاب بتصحى وتين وكلها نشاط وحيوية بتقوم بتغسل وجها وبتقعد تسرح شعرها الطويل بيندق الباب ..
وتين : تفضل ... بفوتو نور وميرا ومعهن صبيتين مايا ونتالي رفقات وتين بس كانو مسهرين
وتين : اهليننن ولله
بقربو نتالي ومايا وبضموها وبيحكو : الف مبروك وتينووو شتقنالك كتيرر
وتين بتبادلهن الضمة : وانا شتقتلكن كتير بضلو فترا ضامين بعضهن ببعدو عن بعض
نور : شو حنضل هيك اليوم عنا شغل كتير
وتين : اي ولله شو بدنا نعمل هلق
نور : انا بقلكن اول شي مايا لح تمكيجك وحتلبسي هالفستان قبل ماتلبسي لح نعملك تنضيف بشرة
وتين اوك يلا لكان منفطر ومنبلش
بيفطرو وبعدها بجهزو عدة التنضيف تبع البشرة وبتقعد مايا وبتتسطح وتين وبتصير تعمللها التنضيف ويحكو
مايا : اديش مهرك وتينو
وتين بفخر : انا كان مهري رجل ابن رجل مهري مش فلوس مهري زلمة مهري حب مهري استقرار مهري ابن حلال فا مهري رجل مش مصاري
مايا بأبتسامة : الله يهني البك يا عمري ويطعمنا وعنا ما يتخلى الله يخليكن لبعض
وتين: تسلمي لقلبي ويخليلك حبابك
مايا: دخيل قلبك بتقاطعهن ميرا وهيي جاية
ميرا : وتينو خدي وطن عم يدقلك
وتين : هاتي حاكيه بتجي لتاخدو بتقرب نور وبتسحب التلفون منها وبتقول
نور : مافيي تحكو لينكتب كتابكن يكنن
وتين: لك هلق بعصب امانة
نور : هئ انا حرد عليه
وتين : اففف طيب يلا بترد نور
نور : الوو
وطن بينصدم انو مو وتين بفكر انو مخربط بالرقم بشوف الرقم بكون رقم وتين ...
وطن : مرحبا
نور : اهلين
وطن : مو هاد تلفون وتين
نور : ايه مبلا انا نور وتين مو فاضية هلق لهيك انا رديت
وطن بأنزعاج : اي ممكن بس تخلص تخليها تحاكيني
نور : اي تكرم
وطن : الله يكرمك يلا سلام
نور : الله معك باي
وطن : باي بسكر معها ونور بتفرط ضحك
نور : هههههههه
وتين : اي ضحكي ياحقيرة ماشي لتنخطبي ولله لجننو لتيم
نور : اوك ههههههه روق ابو الفضل
وتين بضحك : اصلا رايقة انا 😝
بتخلص وتين تنضيف البشرة بكون بقيان ليجي الشيخ تلت ساعات بتبلش بالميكب بعد ساعتين ونص بكون الكل جاهز ووتين جاهزة وطالعا بتجنن لابسة
فسطان زهر فاتح طويل وناعم وحمالتين رفاع ع كتافا ومكياج ناعم زهر وشعرا عاملتو فير كانت كتير حلوة
ام وتين بتلبس طقم رسمي اسود
جاد وجان بيلبسو متل بعض بدلات سود وتحتهن قميص خمري مفتوح اول زرين مع سنسال عالرقبة كانو طالعين كتير حلوين وجذابين
بصير موعد انو يجي الشيخ وحفلة الرجال تبلش بتلبس وتين فوق الفستان جاكيت اسود مناسب مع الفستان وحلو بتظبط شعرها بطريقة انو ماتنزع موديل شعرها بيندق الباب وبتكون ام وطن واختو وعد بسلمو عالكل وبتطلع وتين لتسلم وعد مابتعرفها بتنصدم بجمالها ووتين بتنصدم اديش بتشبه وطن
بتقرب وبتسلم عليها
وتين : مرحبا
وعد : اهلا وسهلا ماشالله وصفولي ياكي لكن طلعتي احلى من الوصف بمية مرا
وتين : يا عمري عيونك الحلوة
وعد : دخيل هالملسن الحلو ولله اخي صبر ونال الف مبروك يا عمري
وتين : يبارك فيكي عقبال بنوتك
بتسلم على ام وطن
وتين بأبتسامة ناعمة: مرحبا مرة عمو
ام وطن : اهلين والله يسعد هالوجه الحلو الله يحميكي متل القمر طالعا
وتين : يا روحي ويسعد قلبك يارب
ام وطن : يلا يا البي الشيخ وصل وبدو يسألك اذا موافقة (طبعا الرجال عاملين حفلة بساحة كبيرة ) بيطلع الشيخ وبتوقف وتين ورا الباب و بيسألها الشيخ : يا بنتي انتي وتين ابراهيم
وتين بلبكة : اي شيخي انا
الشيخ : بتقبلي الزواج بالشاب وطن الآغا انو يكون زوجك على سنة الله ورصولو
وتين بفرح : اي شيخي بقبل بقبل
الشيخ : مين بتريدي يكون وكيلك يابنتي
وتين : اممم اخي جاد هو وكيلي
الشيخ : انشالله بالتمام والرفاه والبنين الف مبروك يابنتي
وتين : الله يبارك فيك شيخنا
راح الشيخ والكل صار يباركلي رقصنا شوي قال جاد انو خلصت حفلة الرجال وانو وطن رح يطلع بكون قاعدة وانا فرحانة بتجي بتقعد حدها وعد
وعد : ليش هيك بدك اخي يشوفك هيك
وتين : اي انا رح فوت ظبط حالي عبين مايطلع
وعد : اي تمام يلا بتفوت وتين بتظبط حالها ومكياجها وشعرها بتبخ بارفان وبتقعد تنطر يندهولها
برا عند وطن بيطلع على بيت وطن وهو قلبو على نار على انو يشوف وتين بكون فرحان كتير انو البنت البحبها صارت الو وبأسمو بفوت بتبلش امو وام وتين واختو تباركلو ويسلمو ومن هالاشياء بيطلع وطن مابلاقي وتين بيهمس بأدن اختو
وطن بهمس : وعد وين وتين
وعد : وتين جوا تكة لح ناديلها
وطن : اي .. بتفوت بتناديلها وبتطلع وهيي خجلانة ودايبا من الخجل بتطلع بينسحر وطن من نعومتها وجمالها انوثتها طاغية اللون الزهري عاكس على جسمها شعرها الطويل كلها طالعا حلوة وبتتطلع فيو بتجي عيونها بعيونو بتنسحر بجمالو واديش طالع حلو كان لابس بدلة رسمية سودة كان طالع كتير حلو وجنتل رجولتو وهيبتو طاغيين عالكل بتبتسملو ابتسامة ناعمة بتقربوبتسلم بخجل عليه بتمد ايدها وبتقول ، وتين: مرحبا
وطن : اهلين حبيبتي
بتخجل وتين
من كلمة حبيبتي قدام اهلها ومابتحكي شي بيحكي وطن
وطن : مبروك عليي انتي
وتين : الله يبارك فيك بقرب وطن وبيطبعلها بوسة على جبينها وهي دايبة من الخجل لانو قدام اهلا هالشي ببوسها وببعد وبقلها ....
وطن : طالعا كتير حلوة
وتين : عيونك الحلوة احم احم اظدي شكرا
وعد : شبكك مرت اخي لح تدوبي من الخجل مافي حدا غريب لا تستحي
وتين : لا عادي بس انو متوترة شوي
وطن: حبي لشو التوتر سترخي حبي
وتين بأبتسامة ناعمة: حاضر هيك منيح
وطن : كتير منيح بضلو شو ساعة مع العائلة بيتعشو وبعدها بيسهرو بالسهرة الكل قاعد بيحكي جاد لوطن : صهر اذا بتحب خود خطيبتك وقعدو بغرفة الضيوف شوي
وطن : لا متونسين معكن
ام وتين : لاصهري تفضلو وصلكن
وطن : هههه متل مابدك بتاخدهن على غرفة الضيوف بفوت وطن وبتفوت وراه وتين بتسكر الباب ام وتين وبتطلع بيقعد وطن وبتقعد حدو وتين وهي خجلانة
وطن : وتيني الحلوة
وتين : ياعيونها
وطن : يأبروني عيونها والبها وروحها
وتين : بعيد الشر عنك يالبي
وطن : لك دخيلو انا
وتين : بتعرف انو طالع بتجنن اليوم
وطن : ههههه ولله
وتين : ولله ليش عندك شك
وطن :هههههه لا
وتين : اي تمام 😂
وطن : اكيد لح اطلع حلو لانو انتي حبيبتي
وتين : يخليلي وبتمسك خدودو
بشدها وطن وبتصير بحضنو وقريبا منو كتير بيرجف قلبها بتحكي بصعوبة
وتين : و وطن شو عم تعمل
وطن : هه ولا شي بقربها اكتر لدرجة بيخطلتو انفاسهن مع بعض
وتين : وطن هلق حدا بيجي
وطن : ويجي انا عم قرب على حدا غريب
وتين : وطن ب... مابخليها تحكي بكون مقرب بيسرق بوسة منها بيرجف قلب وتين بتحاول تبعدو بس هو اقوة منها فابتستسلم للامر الواقع لانو بتعشقو والها تلتين الخاطر 😂😋
بعد بوسة نارية ببعد عنها وطن وهو عم يلهت وبيحكيلها : اديش بستك بس هي اطيب بوسة
وتين : بتخجل ومابترد بتغمر راسها بصدرو بعد شوي بتبعد وبتقلو
وتين : وطني عطيني تلفونك
وطن : لي
وتين : لنتصور
وطن : تفضلي بيعطيها التلفون وبتصير تتصور هيي وياه وبيطلعو الصور كتير حلوة بعد مابخلصو بتفوت وتين لحتا تبعت الصور من عالواتس بتبعتهن وبتقلو
وتين : وطني
وطن : ياعيونو
وتين : عادي اذا قلبت بجوالك
وطن : لك الجوال وصاحبو على حسابك
وتين : لك يأبرني بتصير تقلب اول شي بالاستديو بكونو في الو صور كتير حلوة بتتفرج عليهن كلهن وبعدها بتقلب بالفيس بتفوت عالمسنجر بكون طلبات المراسلة شو 1000 بتفوت عليهن كلهن بنات شعور الغيرة بيتملكها بس مابتبين بتفوت عالانستا كمان طلبات المراسلة كتيرة
وتين بغيرة : ماشالله مافي بنت الا مو طالبة مراسلتك
وطن : اي بعرف بس مابرد على حدا حدا عندو القمر وبيطلع عالنجوم
وتين : قبل مايكون عندك هالقمر كنت ترد
وطن : حسب فضاتي
وتين : ايوا
وطن : دخيلو الغيران
وتين : اذا عليك مابدي غار على مين بدي غار بتكمل تقليب وكل شوي تسألو سؤال بعد شو ساعة بيستأذن وطن واهلو بأنو لازم يروحو
وطن : يلا نحنا منستأذن يا جماعة صار لازم نمشي
جاد : خليكن عنا
ام وطن : ياريت بس ولله عنا بكرا شغل كتير كنتي الحلوة بكرة عالعشرة جهزيلي حالك لنروح عالكوافيرة
وتين : تكرمي مرت عمي
بودعو بعد ووتين بتوقف مع وطن شوي اهلو بيركبو بالسيارة واهل وتين بفوتو ووتين بتضل برا شوي مع وطن بودعو بعض ووطن قبل مايروح بيسرق بوسة سريعة من شفايفها وبروح وهيي بتفوت بتمسح المكياج وبتتحمم وبتنام لانو بكرا عندهن شغل كتير ....😴
الصبح بتفيق وتين على رنة تلفونها بكون وطن بترد عليه وهي مبتسما
وتين بأبتسامة : صباحو
وطن : يسعدلي هالصباح العسل يا عروس كيفك
وتين : الحمدلله مشتاقتلك وانت
وطن : وانا مشتقلك كتيرر حبيت فيقك لصبح عليكي وقلك تجهزي حالك لانو امي ليكها عالطريق لعنكن
بتكون وتين متسطحة بتقوم بتقعد وبقول : يلا يلا منيح فيقتني بحبك باي
وطن بضحك : يا مجنونة اهدي لسا ما حكيتك كلمة
وتين : ها اي لك عنا كتير شغل
وطن : ياعمري كلو بينلحقلو
وتين : اي
وطن : انا لح اتخيلك كيف لح تطلعي بس بعرف انو انتي حتطلعي احلى من التخيل بمية مرة
وتين : تسلملي يا عيوني انت بحبك
وطن : وانا بموت فيكي
وتين : بدك شي يا عيوني
وطن : لا سلامة البك يالبي
وتين : باي بتسكر معو وبتقوم دغري بتتحمم وبتطلع بتلبس بنطلون اسود وكنزة شوكو وبترفع شعرها ديل حصان بهالوقت بتكون ام وطن وصلت بتطلع بتسلم على ام وتين ووتين وبينزلو وبروحو لعند الكوافيرة .... ♡
_________
عند وطن بكون عند الحلاق وعم يحلق شعرو ويظبط حالو بكون معو تيم وغيث وحسين بعد فترة بكون وطن خالص حلاقة وطلاع بيفلج ... بيحكي تيمتيم : اييييه شو هالجمال يا عريس
وطن : جمال لعيونك يا صاحبي عقبال عندك
تيم : امين يلا بعدك مو مطولين
وطن : ايي بركي منعمل العرس سوا
بحكي غيث : يا كلاب وانا برا الخط
وطن : لك له يا شريك انت الاساس
غيث : اها الي عقلي غير هيك
تيم : كول هوا
غيث : بخاف اتشردق بعصفور هههههه
الكل : ههههه بيحكي حسين
حسين : وطن وطن
وطن : نعم شبكك
حسين : عم يدقلك الرائد
وطن بسرعة : شو هات هات بسرعة بياخد التلفون وبرد
وطن : احترامي سيدي
الرائد : اهلين بالعريس انشالله الف مبروك
وطن : الله يباركلنا فيك ويطوللنا بعمرك
الرائد : تسلم
وطن : الله يسلمك يارب ليش ما اجيت مبارح كتير زعلت وقت ماشفتك
الرائد : حقك عليي ولله ماقدرت انشالله العرس بجي
وطن : بتنور ولله
الرائد : منورة بوجودك حضرة الضابط ماحطول عليك صار لازم سكر
وطن : تمام شكرا على اتصالك سيدي
الرائد : عفوا يلا سلام
وطن : سلام بسكر وطن التلفون وبيروح بعدها عالقصر ببدل تيابو وبيلبس البدلة الرسمية لانو بكون صار وقت انو يروح ياخد وتين عالتصوير ....
________
عند وتين بتكون جاهزة بمعنى الكلمة طالعة بتجنن كتير طالعا حلوة واللون عليها طالع كتير حلو ولابقلها بتكون لابسة فستان ملكي لون سماوي فاتح ، عالصدر فتحة صغيرة وحمالتين رفاع ع كتافا وستراست ناعم عالصدر مع عقد فضي مع مكياج تقيل وناعم بنفس الوقت بارزلها جمالها موديل شعرها عاملتو فير كلو ورافعتو من قدام بتاج الماس ومنزلتلها خصلتين ناعمين طالعة جميلة الجميلات 🤗💙
نور وميرا ونتالي ومايا لبسو نفس الشي لانو رفقات العروس فالبسو فستان احمر دانتيل من عالأيدين ومكسم عالجسم كلو بس من تحت في نفشا صغير 😍❤
ام وتين لبست فستان فضي مناسب مع عمرها وطالعا كتير حلوة
ام وطن لابسة فستان سومو كتير اكابري وحلو ومناسب مع عمرها
وعد لبست هيي وبنتها نفس الشي فستان خمري مفتوح من عالضهر والو شقة من عند الركبة لتحت وستراس ناعم عالصدر وموديل شعر رفع طالعا كتير حلوة ونعومة ♥
بتحكي الكوافيرة لأم وطن
الكوافيرة : ماشالله الله يحميها من العين عروستكن طالعا اميرة بهاللون
ام وطن : ولله خايفة عليها وعد عطيني كيس الملح بتعطيها يا وبتحطلها ياه لوتين منشان العين بعلملهن وطن انو وصل بلبسوها لوتين الكاب وبطالعوها وهنن عم يزلغطو بينزل وطن وبقرب وهو عم ياكلها اكل بعيونو بقرب وهو دايب بجمالها بيمسك ايدها وببوسها و بيحكيلها
وطن : توقعتك انو تطلعي حلوة بس مو لهالدرجة طالعا بتجنني
وتين بخجل: شكرا وانت طالع كتير كتير حلو
وطن : لانك حبيبتي تفضلي خلينا نمشي
وتين : اي يلا
وطن : بدك شي مرت عمي
ام وتين : لا سلامت البك
وطن : الله يسلمك امي روحو عالصالة وانا بجيبها لوتين لهونيك
ام وطن : اي يلا ... بياخد وطن وتين بعند المصورة لحتى يتصورو بيوصلو لهنيك وبينزلو بيعملو الجلسة وبتطلع كتير حلوة اهل وتين ووطن صارو بالصالة بيخلصو الجلسة وبروحو بيوصلو لقدام الصالة بدق وطن لأمو لتطلع تاخد وتين بتطلع ام وطن وام وتين بينزلوها وبظبطوها وطن بروح بينزلو بيعلنو انو وصلت العروس الاضوية بتنطفي بتشعل اضوية خافتة الدخنة بتشعل بالارض الشرار بيطلع حوالين الدرج ليصير الجو حلو بتنفتح البواب تبع الصالة بتطل بفستانها الملكي عالكل على غنية نانسي عجرم يانجوم العالي لا تنامي الكل بينبهر بجمالها وطلتها
مرت عم وطن : ماشالله الله يحميها شو حلوة
مرت عم وطن التانية : اي ولله عرف ينقي ماشالله
خالة وطن : الله يحميكي متل القمر
ام وطن بترفع راسها بغرور عيلة اهل وطن كلها بتنبهر فيها
بترقص هيي ورفقاتها وحماتها وامها وكلهن بمر الوقت حوالي شو 4 ساعات
بصير وقت انو وطن يفوت بتعلن الصالة على وصول العريس بتطلع ام وطن وبتقول لوتين تطلع تستقبلو بتمشي وتين لقدام الدرج رجفة صغيرة بتتملك قلب وتين بتتوتر بينزل وطن بكل هيبة ورجولية البنات يلي بالصالة كلهن نسحرو بجمال وطن بيوصل وطن لقدام وتين بسلم عليها وبيطبع بوسة على جبينها ليعرف الكل انها صارت ملكو بسلمو عليه الحضور وبيرقصو هو ووتين والعيلة بعدها بصير وقت انو وطن ووتين يرقصو رقصة خاصة لحالهن بوقفو بنص الساحة بقرب وطن من وتين وبحط ايدو على خصرها وهيا بتلف ايديها حوالي رقبتو وببلشو رقص على اغنية{ نسيني الدنيا }
_ نسيني الدنيا نسيني العالم دوبني حبيبي وسبني اقولك احلى كلام لو الف الدنيا لو الف العالم مش ممكن زي غرامك انت الاقي غرام لو اقلك اني بحبك الحب شوية عليك لو ثانية انا بببعد عنك برجع مشتاق لعنيك
ضمني خليك ويايا دوبني ودوب بهواية تعال نعيش اجمل ايام كان اجمل يوم بحياتي يوم مقبلتك يحياتي مقدرتش اتحمل من غير ما افكر لحظة لقتني بدوب بهواك خدتني من كل الناس عشت بأجمل احساس ونسيت يحبيبي الدنيا معاكانا شايلك جوا عنيا والدنيا دي شاهدة عليا انا جنبك وبحبك مش ممكن اقدر انا يحبيبي بيوم انساك بتمنى العمر يطول وافضل احبك على طول دنا ياما حلمت اكون وياك . . ♡
بتخلص الغنية ووطن ووتين لسا عم يتطلعو بعيون بعض ويبتسمو مابخلي اللحظة تفوت منو والا وقرب على وتين وخاطفلها شفافة بين شفافو الكل ببلش يسفقلهن عالرقصة الحلوة وعالبوسة ببعد عنها وطن وبتكون دايبا خجل انو قدام الكل باسها بعد هيك بجيبولهن الكيك وبقطعوه بصير وقت انو يروحو بيطلع وطن ووتين بسيارة والعيلة بسيارة بروحو وطن ووتين والكل بتبقى نتالي ومايا وميرا ونور
نور : لعمى الكل راح ونحنا هون
ميرا : اي والعمل تعو ناخد taxi
مايا : اي تعو نوقف شو وحدا
بتقرب مايا لتوقف بتسمع زمور جاية من وراهن بيطلع جاد وجان بينزلو جاد بيحكي
جاد : صبايا شو عم تعملو هون لسا
ميرا : ولله الكل راح ونسونا هههه
جاد : جد اذا مافي مشكلة تعو نوصلكن معنا
مايا : بلا ما نعزبكن معنا
جاد : ولو عزابك راحة
مايا : شكرا شو رأيكن صبايا
الكل : اي مافي حل تاني بيطلعو معهن وبوصلو نور وميرا بتبقى نتالي ومايا
بيوصلو لبيت نتالي بتنزل بتبقى مايا وجاد وجان بيحكي جان
جان : جاد وقف نزلني هون
جاد : ليش لوين رايح
جان : لهون لعند رفيقي بدي منو شغلة مابطول
جاد : يلا نزيل بوقف السيارة وبينزل جان بيبقى جاد ومايا بيمشي بالسيارة والصمت عامم بالمكان بتوصل مايا لبيتها بتحكي قبل ماتنزل
مايا : شكرا كتير
جاد : ولو هاد واجبي
مايا : عزبتك معي
جاد : لح ازعل منك اذا بتحكي هيك
مايا : هههه اوك حاضر يلا عن ازنك
جاد : ازنك معك
مايا : تفضل شراب فنجان قهوة
جاد : انشالله غير مرة
مايا : بتنور يلا باي
جاد : باي بتنزل مايا على بيتها وجاد بروح على بيتو
وطن بوصل وتين على بيتها وبينزل بكمل السهرا عندهن وبعدين بروح بعد مابروح وتين بتتحمم وبتنام من تعبها ....😴
بيمرق عالخطبة اسبوعين بيوم بيتصل وطن بوتين وبقلها انو حددو العرس
وتين : لك لا مامنلحق وطن بلا جنانك
وطن : قلتلك انا انو بعد اسبوع العرس نتهينا
وتين: اففف منك اففف اوك تعا لعنا لتقول لأمي
وطن: تمام المسا بجي بشوفك وبحكي لأمك يلا بدك شي
وتين : لا سلامتك دير بالك على حالك
وطن : تمام بحبك باي
وتين : وانا بحبك باي
بيجي وطن المسا وبقول ل ام وتين وبحددو العرس وبيتفقو على كلشي
وبحددو موعد العرس بعد اسبوع
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```