الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *وتين.الوطن.tt* 🤎🫂
*❴🔢❵☟الـــبـــــــــــ❴6️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بصباح جديد بتصحى وتين بكل نشاط بكون وطن نايم قدامها بتتأملو كيف نايم كان نايم متل الملاك شعراتو مبعثرين كان شكلو كتير حلو صحت وتين على حالها باستو بوسة صغيرة على خدو وقامت تعمل فنجان قهوة لانو بحب القهوة الصبح نزلت لقت الخدامة (ام فيصل )
وتين : صباح الخير خالتو
ام فيصل : يسعدلي هالصباح الحلو الله يحميكي على هالوجه شو حلو
وتين بخجل : تسلميلي ياروحي خالتو بدي اعمل قهوة ممكن تدليني على الغراض وين موجودين
ام فيصل : اي اكيد من عيوني اذا بتحبي انا بعملها عنك
وتين : لا حبي انا عبالي اعملها
ام فيصل : متل مابدك ... دلتها على الغراض و وتين عملت فنجانين وطلعت لعند وطن كان بعدو نايم قربت وتين وقعدت على طرف التخت قريبة منو مسكت خصلة من شعرها وصارت تلمسها على وجه وطن
وتين : وطن وطني حبيبي يلا قوم
وطن بنعس : حبيبي بدي نام تعبان
وتين بزعل مصطنع : اذا ما بتقوم انا لح ازعل وانزل اشرب القهوة مع خالتو ام فيصل ومدت شفافها بطفولة تطلع فيها وطن ومسك شفتها يلي ماددتها وقال ، وطن : لك يأبرني الزعلان ايييي ماعاش يلي بدو يزعلي وتيني
وتين بخجل : يلا حبيبي بردت القهوة
وطن بخبث : مو عبالي القهوة عبالي اكل كرز وغمزها 😉
وتين حمرو خدودها : عملت حالها مو فهمانا اي هلق بنزل بجبلك ،،، جذبها وطن لعندو وصارت قريبا منو كتير لدرجة انفاسهن ختلطو مع بعض وتين دقات قلبها فوق المليون وعم تتنفس بسرعة ...
وطن بهمس مغري : انا مابدي كرز انا بدي الشفايف يلي اطيب من العسل والكرز .. خجلت وتين كتير وقررت تنسحب بعدت عن حضنو بهدوء وقالت
وتين بخجل : القهوة بردت يلا
عرف انها خجلت ماحب يخجلها اكتر بقوم وطن وبيشرب القهوة يلي عملتها وتين وبتكون كتير طيبة
وتين : طيبة القهوة حبيبي
وطن : اطيب قهوة بدوقها بحياتي كتير طيبة
وتين : صحتين وهنا يالبي صحيح ايمت بدي روح
وطن : هلق بس نفطر بوصلك بس
وتين : بس شو
وطن : مافي اعدة بالسكن عاد
وتين : ليش
وطن : حبيبي ردي علي انا اخدتلك بيت بتقعدي في انتي ورفقاتك التنتين
وتين : ومين قلك اني موافقة
وطن : هههه انا ماعم اخد موافقتك انا عم قلك بس بعدين ماحتقعدي كتير مع الصبايا لانو مو مطولة لتصيري عندي وغمزها 😉
وتين : قلبت بوز وكشرت
وطن : دخيلو ابو كشرة اي
وتين بطفولة : هلق هيك صرت ابو كشرة ماشي يا وطن لاعاد تحاكيني وقامت لتروح
وطن : لك عم امزح معك لوين رايحة
وتين : ههههه وانا كمان بدي انزل حضرلك الفطور بأيدي يلا لاتطول
وطن : ههههه مجنونة وبعشقها دخل عالحمام حتى ياخد شور بعد شوي طلع من الحمام لبس البدلة العسكرية تبعو ولبس بوطو الجلد سرح شعرو لورا وبخ من عطرو الحلو وطلع بشلل ...😍
كان عم ينزل من عالدرج لمحتو وتين تذكرت فتحت تمها من جمالو وتذكرت اول مرة سمعت صوتو فيها ووقت تطلعت فيه واجت عيونها بعيونو وسرحت وكأنو غابت عن الوعي ماحست غير على وطن عم يلوحلها بأيدو
وطن : وتين وتين حبيبتي وينك
وتين : هااا ليكني معك
وطن : اي معي الي ساعة بحاكيكي مابتردي
وتين : اسفة شردت قلي شو كنت بتحكي
وطن : عادي بتصير عم قلك بعد الفطور انا لازم انزل عالفرع مابطول كتير بس ارجع باخدك
وتين : لا تعذب حالك بروح لحالي
وطن : مابتعرفي مكان البيت الجديد
وتين : بففففف اوك
وطن : يلي حبي تعي نفطر لح اتأخر
وتين : صحيح شو صار بالعصابة
وطن : هلق رايح لشوف شو لح يحكموهن
وتين : ايي وطن بدي تضربلي فراس كف قوي
وطن : ليش فراس بالزات
وتين : لانو هو يلي خطفني وضربني و نزلت دمعا من عينها
وطن : و شو
وتين : ولاشي بس عميل هيك
وطن بضحكة : هههههه ياعمري اكل مية كف بس من عيوني
وتين : يسلمولي عيونك قعدو عالفطور فطرو ووطن راح عالفرع لحتى يشوف شو صار رغم انو عطاه الرائد عطلة بس وطن بحب الشغل كتير دخل عالفرع بكل هيبة وشموخ وطن يلي بالبيت غير وطن يلي بالفرع ماشي والكل بيضربلو تحية شاف كم عسكري واقفين وعم يضحكو حكا بصوت جهوري ، وطن : شو يااا جبلكن اركيلة وكاسة متة العساكر رتعبت ماكانو شايفينو
العسكري : اسفين سيدي
وطن بعصبية : عشغلكن يلاااا ، بيمشي وطن بفوت لمكتبو بيدق لغيث ..
وطن : مرحبا شريك
غيث : ياهلا بالضابط وطن كيف خطرنا عبالك
وطن : خراس هلق ليك بدي منك تحكي مع البنت يلي عطيتك رقمها من يومين
غيث بمزح : ايوااا قلت مو لله هالاتصال حاكم مابتتذكرني غير وقت بدك شي وليش بدي اتصل فيها
وطن : بتتصل فيها وبتقلها تروح هي ورفيقتها عالمكان **** ويضبو غراضهن وغراض وتين
غيث : اهااا واذا سألتني مين طلب هالشيوطن : اممم بتقلها وتين رفيقتك وايي بتقلها انو عالساعة ٤ يكونو هنيك اي واذا من هلق بروحو بكون احسن
غيث : ايوا خير لح دقلها وردلك خبر
وطن : تكل عالله سلام
غيث : مع السلامة بسكر غيث مع وطن وبدق لميرا بترد ،،،،
ميرا : الو
غيث : مرحبا
ميرا : بيرجف قلبها بتحكي بتوتر ، اهلين
غيث : انا غيث تذكرتيني
ميرا : اي تذكرتك تفضل شو بتريد
غيث : بتسلم عليكي رفيقتك وتين وبتقلك بتروحي انتي ورفيقتك عالمكان **** عالساعة ٤ وبتجيبو غراضكن وغراضها
ميرا : وتين هيك قالت طيب وتين وين فيي حاكيها
غيث : مابعرف وينها بس عملي متل ماعم قلك واذا من هلق بتروحو بكون احسن
ميرا : طيب شكرا
غيث : اهلا ميرا
ميرا : نعم
غيث : ولاشي باي
ميرا : باي هههه بتسكر ميرا الخط مع غيث وبتركض لتخبر نور
ميرا بفرح : نوررر نورر وتين
نور : شبكك شبكك شبها وتين
ميرا : لك وتين قالت وبتحكيلها كلشي
نور : يبعتلك لعيا فكرت صرلها شي
ميرا : لك هلق يلا بسرعة خلينا نروح
نور : ايي يلا .. بضبو غراضن وبروح عالمكان يلي قلهن عليه بينزلو من السيارة وبيطلعو عالبناية عالشقة
نور : انو بيت ندق عليه
ميرا : ما الي
نور : ايي وشو عم تستني دقيلو
ميرا : يلا لح دقلو بتدق لغيث برد
غيث : الو
ميرا : مرحبا
غيث : هلا
ميرا : انا وصلت للمكان بس انو باب دق
غيث : ولله علمي علمك دقيقة وبرجع بحكيكي
ميرا : اوك لا تطول بسكر الخط وبدق لوطن دغري
وطن : شو
غيث : يعني سبك ولا شو
وطن : اييي شبكك معصب
غيث : بتعطيني المكان ومابتقول شو هو طلع المكان بناية
وطن : اي بناية لكان شو
غيث : اييي وانو باب يدقو البنات واقفين عم يستنو
وطن : بالطابق التاني الباب يلي عاليسار بدقو بتفتحلهن الخدامة سوها بقولولها انو هنن العالم يلي بدن يسكنو البيت
غيث : اي لح قلهن
وطن : ههههه يلا ظحلط عندي شغل
غيث : ييييي البرود يلا باي
وطن : ههههه باي بسكر مع غيث وغيث دغري بدق لميرا وبقلها بتعمل ميرا متل ماقلها بتفتحلها الخدامة
ميرا : مرحبا
سوها : اهلا وسهلا مين حضرتكن
نور: نحنا العالم يلي بدنا نسكن هون
سوها : هلا تفضلو تفضلو ، بفوتو ميرا ونور بتكون شقة تلت غرف وصالون ومنافعهن كتير مرتبة وديكورة بجنن
نور : نايس كتير حلوة هالشقة
ميرا : اي ولله كتير حلوة بس انا مالي فهمانة انو ليش قالتلنا نجي لهون
نور : ولله وانا كمان يلا هلق منفهم تعي نشوف المطبخ بيتفرجو عالبيت وبحطو الشناتي عجنب مابيفردوهن وبيقعدو بيستنو
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```