الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *وتين.الوطن.tt* 🤎🫂
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بصباح يوم جديد بيصحى وطن من النوم على حدا عم يلعبلو بشعراتو ياحزركن مين بتكون بنت اختو التوأم (وعد) اختو متزوجة وعندها بنوتة نسحة عن وطن كتير بتشبهو منرجع
البنوتة (ريم ) : خالو قوم انا اذيت خالو يلا قوم
وطن بنعس ولسا مو مصحصح : عمرو وروحو لخالو
ريم : يلا قوم يلا خالو حبيبي الفطور جاهز
وطن : يلا ياعمرو لخالك سبقيني وانا لح الحقك وباسها من على خدها
ريم : اوك لا تطول اي
وطن : لا يا البي ما حطول بقوم وطن بيلعب شوية رياضة حتى يأدر يكمل نهارو وبعدها بيتحمم وبينزل بلاقي الكل على الفطور بتشوفو وعد وبتركد عليه وبتضمو
وعد : شتقتلك كتير اخي
وطن : وانا كمان ياروحو لا اخوكي وببوسها من على جبينها بتبعد عنو وبتسحبو من ايدو على طاولة السفرة وبتقعد جنبو
ابو وطن : ياميت اهلا وسهلا بوعد خانم منيح تذكرتينا
وعد : ولله يا بابا انتو بالبال وما بتروحو ابدا بس ماعم نفضى ابدا وكتير بعاد عنكن نحنا وانتو مابتجو الا بالمناسبات
ابو وطن : هههه ولله يا بابا مشاغل هالحياة مابتخلص بتعرفي وضعنا
وعد : اي ولله اي وطن سمعنا صوتك
وطن بكون شارد وعم يفكر بالعصابة و الخطة لانو بكرا لح يبدة اول خطوة
بيبتسم وطن منشان مايحسسهن وطن : ههههه عم استناكن لتخلصو اي ريمي تعي لعندي
ريم : يلا جاية بتجي ريم وبتقعد بحضن وطن ووطن بصير بطعميها وبلاعبها بيحكي وطن : صحيح بابا ماما انا عندي مهمة ومن بكرا لح بلش فيها
ام وطن : يوه وشو هي هالمهمة
وطن : لاتخافي امي
ام وطن : برضاي عليك يا ضنا عيني اذا فيها خطر عليك لاتروح
وطن : امي لاتخافي مالها خطرا رايح لا اصعب
ابو وطن : بعرفك رجال ومابينخاف عليك
وطن : من بعدك ياكبير
وطن بقوم ببوس راس امو وبقلها
وطن : لاتقلقي عليي امي انشالله انا قدها وطول ما دعاكي معي ما بصيبني شي
ام وطن بدمعو عيونها : الله يرضا عليكي يا ابني ويحميك من كل شر ويوجهلك ولاد الحلال يا ضنا البي
بيمسح وطن الدمعة من على عين امو وبقول : هالدموع غاليين عليي كتير مابدي شوفهن انا صار لازم روح بدك شي مني
ام وطن : بدي سلامتك يا روحي دير بالك على حالك
وطن : بأمرك بدك شي ابي
ابو وطن : السلامة ببوس ايد ابوه وببوس وعد وبيحمل ريم وببوسها بيطلع على الفرع بيوصل بينزل من السيارة بكل هيبة ووقار بيدخل ببدلتو العسكرية برجولة وبمشية سابتا ونظرة بتخوف الكل بقدملو التحية بيطلع على المكتب وبيحكي قبل مايفوت بصوت رجولي : جبلي فنجان قهوة بسرعة
العسكري : حاضر سيدي ........
******************
عند وتين بتكون قاعدة هي ورفقاتها على كرسي الجامعة وعم يستنو المحاضرة
وتين : افففف اليوم شو ممل
نور : ليش بالعكس كتير حلو حزرو شو صار معي مبارح تعو احكيلكن
ميرا : خير يابعدي شو صار
نور : اي عمي ميرا لح احكيلكن هاد ياستي بتتذكرو الضابط يلي بحثنا عليه بالانستا من فترة
وتين بتمرق بذاكرتها صورة وطن ووبتبتسم لا شعوريا
ميرا ووتين : اي منتذكر
نور : اي هاد ياسيدي مو لقينا حساب شبين بعدو من هالشباب ولي هو تيم مبارح لتقيت فيه وطلع معيد بالجامعة وحكيت معو شوي والمسا عملي فولو عل الانستا وحكينا ومشينا خطوة اولا
وتين : احاااا شو هالقصة السريعة هي
نور : اي تمسخري
ميرا : يا عين ياليل انتي لتقيتي بوطن وانتي بتيم صفي انا التقي بغيث هههههه ولي تخيلو ولله لنكيف
نور : ههههههههه تخيلي بس ولله شخصية التاني
وتين : افففف حاجتكن بياخة انا رايحة اشرب شي بدكن
نور وميرا : لا نقلعي
وتين : تفو بدال ماتقولو نجي معك
نور : ولله انا مو عبالي اتمشى وانتي ميرا
ميرا : وانا كمان بعدين بقيان عشر دقايق للمحاضرة
وتين : اي خليكن انا رايحة
بتروح وتين لحتى تشرب شي وقبل ماتفوت على الكافيه بيجيها صوت من وراها
مجهول : مرحبا يا انسة
وتين : هلا تفضل
مجهول : في بنتين بدهن ياكي
وتين : بيخطر ببالا ميرا ونور ، وين
مجهول : تعي معي ليكن هنيك
وتين : يلا تفضل
مشت وتين ومشي وراها فجأة حط محرمة فيها مخدر على تم وتين حاولت تقاوم بس ماقدرت وغابت عن الوعي
مجهول : بسرعة حطها قبل ماحدا يشوفا
بحطوها بالسيارة وبتمشي السيارة بيتصل الشب على المعلم تبعو
مجهول : مرحبا معلم
المعلم (فادي ) : هلا طمني مشي الحال
مجهول : ههههه اكيد ولله ضرب هالبنت حتجيب شغل ومصاري كتير
فادي بضحكة خبيثة : هههه اكيد ليش انا بختار شلون ما كان يلا جيبا وتعا
مجهول : بأمرك سكر مع معلمو ومشيو ليروحو وهو وعم يركب بيوصلو مسج بأنو في شخصية كتير معروفة بالبلد وبدها تتعامل معهن فرح كتير ودغري راح لعند المعلم (طبعا هالمسج من وطن)عند ميرا ونور
ميرا : يالله كانو تأخرت وتين
نور : اي ولله قومي ندور عليها بلكي منلاقيها
ميرا : قومي بس مابعرف البي مو مرتاح
نور : وانا قومي قومي توغوشت
بتقوم نور وميرا وببلشو يدورو مابلاقوها بتصير ميرا تبكي ونور كمان ماكانو يلاقوها
بشوفها تيم لنور وبلوحلها بأيدو
بتفتل نور لعندو بشوفها عم تبكي بيركض لعندها
تيم : نور شبك ليش هيك وشك لي عم تبكي
بتجي ميرا وعيونها منفخين : نور مالاقيتها ختفت وماعم ترد على تلفونها
تيم بعصبية : لك فهموني شبكن نور شو صاير
نور ببكي : رفيقتي وتين الها ساعتين غايبة وما عم نلاقيلها اثر وتلفونها مغلق
تيم : بركي راحت لعند شو حدا
نور : لك مابتعرف غيرنا هون شو بدو ياخدها على اساس تشرب شي وترجع
تيم : طيب ياعمري اهدي
ميرا : خلونا نروح نقدم بلاغ للشرطة امانة
تيم : طيب يلا امشو
بروحو نور وتيم وميرا على القسم ليقدمو بلاغ انو مختفيا
وصل لعند المعلم كان مكان كبير كتير شبه القصر بس ماحدا بيعرفو ونزلو وتين وكانت بعدها غايبة عن الوعي
فادي : ولله احلى من الصور بميت مرا
مجهول : معلم شيلك منها اجانا زبون معبا ممكن يشيل نص البضاعة
فادي بفرح : ايمت وكيف
مجهول : ههه لك معلم انا فراس وغمزو😉
فادي بخبث : معناها منبيعها معهن هههه
فراس : هههههه بس كنت حابب قضي شوية وقت معها
فادي : دورلك على شو بنت وخطفها وعد لخليك تقدي معها وقت
فراس : مشي هي بعد شي ساعة بتصحا
فادي : اي انا رايح ارتاح وانت ستناها لتفيق
وتواصل مع الزبون الجديد وفهملي شوبدو بالظبط وتأكد من المعلومات تبعو
فراس : اي تكرم عينك ببلش فراس يتواصل مع وطن وتفقو انو بعد يومين حيسلمو شحنة مخدرات و عشر بنات وسلاح ....
بلشت وتين تصحصح وعم تتطلع حواليها ماكان تلاقي حدا المكان غريب عليها تذكرت اخر شي انو كانت عم تحكي مع شب وماعاد تذكرت شي صارت تبكي وتصرخ قامت على الباب لقتو مقفول
وتين ببكي وصراخ : لك وين انا طالعوني من هون انا وين حدا عم يسمعني 😥
سمعها فراس انو صحيت واجا فتح الباب وكانت وتين ورا الباب وقت فتح الباب وقعت بالارض
فراس : شبكي ياحلوة هدي حيلك ليش حمشة
وتين : يا كلب يا حقير انا وين طالعني من هون بعدين انا كيف اجيت
فراس بخبث : هههههه انا جبتك
وتين : بتقوم بتمسكو مت قبا قميصو وبتبلش تضربو وتسب عليه
وتين : واحد كلب وحقير وتافه وبلا شرف انا صدقت وطلعت معك شو انا شو ذكيا ماكانو اجو لعندي
فراس : هعهههههه عرفتي حالك انك غبية
وتين : خراس بتطلع ستين غبي وتافه وكلب
فراس بعصبية بيمسكها من ايدها : مين التافه والغبي والكلب
وتين : انت بعدين مابصير نشبهك فيهن لانك اوسخ من هيك ومنظلمهن اذا شبهناهن فيك
بجن جنونو فراس وبيدفشها على التخت وبينحني عليها وتين عم تبكي وتصرخ : لك بعد عني حدا يساعدني
بحط ايدو على خصلة من شعرها وبصير يلحمسلها عليه بتعصب وتين كتير بتمسكلو ايدو ، وتين : على جستي ولا بخليك تلمس شعرا مني
فراس : ههههه مو بكيفك وبعدها بيهجم على شفافا ليبوسها بتضربو على بطنو بقوة وبتبعدو عنها
فراس : اخخخخ بيرجع بيدفشها وبيتطلع عليها وبيحكي المرا الجاية لاتعيدي هالكلمات ولا لح يكون العقاب اقوة من بوسة اوك ياحلوة وتين بخوف وبكي : حا حاضر
بقوم فراس عنها وبيحكي
فراس : بس بتعرفي لذيذة كتير لو بأيدي لكنت دقت شي غير شفافك وبيطلع من الغرفة
بتضم وتين رجليها وبتصير تبكي ودموعها ينزلو متل الشلال : الله يلعنك الله يلعنك ياربي ساعدني يارب خلصني ولله مو عاملة شي لحتا اتعاقب بهالشكل الله لايسامحك ياكلب
وبتضل تبكي فجأة بينفتح الباب وبفوت فراس
فراس : قومي ظبطي منظرك وتعي المعلم بدو يشوفك
وتين : مابدي شوف حدا نقلع من هون واحد واطي
فراس : ماسمعت عجبك الشي يلي عملتلك ياه الصبح ولله عم فكر عيدو وغمق شوي كمان
وتين بترجف وبتسكت وبتتذكر شو عمل
وتين : اسفة امانة ماتقرب عليي ولله بعمل شو مابدك بس لاتقرب
فراس : ايوا هاد يلي بدي ياه يلا امشي لعند المعلم بياخدها فراس لعند المعلم وبكون قاعد على الكرسي بتدخل وهي شبه منهارا
فادي : تؤ تؤ تؤ ليش هيك وشك ماتفقنا هيك بكرا لازم تروحي لعند الزبون بدي تكوني رايئا
بينتفض بدنها من كلمتو ، وتين : لي اي زبون وشو بدكن مني
فادي : قعدي لفهمك شغلك واذا عترضتي بيت اهلك لح يتفجر بالي فيي
وتين بسرعة : الا اهلي منشان الله ولله بعمل يلي بدكن ياه الا اهلي لاتؤذوهن
فادي : شطورة معناها هلق بتقومي بتاكلي وماعاد بدي شوفك عم تبكي منشان يكون وشك رايق وبكرا الساعة 10 المسا لح تروحي لعند الزبون الجديد
وتين : شو شوبدي اعمل عندو
فادي : ههههه شو بدك تعملي يعني بدك تروقي وغمزهاوتين: مستحيل مستحيل لا منشان الله لا
فادي : لاتكوني مشاكسة يا قطة لانو بتعرفي العواقب مو هنن شوية وقت بتقدي معو وبتروقو انتوو التنين
وتين : قتلني موتني عميل اي شي بس لاتخليني روح لعندو لك مين انتو انا شو عاملتلكن
فادي : لح تروحي مو بكيفك وشو عاملة ولا شي بس جسمك بشل وحلوة وحتجيبي مصاري كتير
وتين : تفو عليك كلب حقير انت ماعندك اخوات تخاف عليهن
فادي : خرسي وهلق نقلعي بكرا بدي شوفك على الساعة 10 غير هيك
وتين ببكي وصراخ : الله يلعنك واطي كلب حقير بيمسكها فراس وبيشدها من ايدها على الغرفة بزتا بالغرفة وبيقفل الباب وتين بتنهار بكي وطول الوقت بتبقا عم تبكي لتتعب وتغفى ......
عند وطن
بكون قاعد بالفرع وعم يفكر انو لح ينجح يلي ببالو ولا لا وعم يفكر بكتير اشياء بكون وطن صافن بهالاثناء بيدخل تيم وغيث بيطلع وطن
وطن : شو فايتين على زريبا ماتدقو الباب
تيم : ولله ياشريك دقينا بس انت ماسمعت بيطلع بغيث وبقول ابصر مين اخد عقلو
غيث : هههههه اي ولله يا برو صاير ما عم يتحاكا
وطن : بلا علاك مصدي انت وياه قعدو لنشرب شي
غيث : حل عن سماي نحنا جايين ناخدك ونطلع نسهر بشي مكان
تيم : اي ولو يلا قوم
وطن : اففف قومو بقوم وطن وتيم وغيث وبيطلعو بيمشي وطن بكل هيبة وركازة ورجولية طبعا وطن يلي بالفرع غير يلي مع اهلو ورفقاتو ولازم هيك يكون لطبيعة شغلو
بيركبو بالسيارة ...
وطن : اي لوين تروحو
غيث : في نايت كلوب كتير حلو تروحو عليه
وطن بيمرق ببالو صورة وتين : لا لا مو عبالي
غيث : ليش يزلما وانت تيم
تيم : لا لا عمي بعدوني عن هالشغلات
غيث بصدمة : من ايمتا كنا والشمس ترئعنا ليش يابعدي
تيم : لانو رتبطت
وطن : ايوا الله يسمعنا الاخبار الطيبة ليش ايمت ماكنت مرتبط
تيم : ههههه لا هالمرة جد ولله غير كل مرا
غيث : الله يقدم يلي في الخير عقبالنا
وطن : ههههه بس يطلع القرد عالشجرة معناها منروح على شو مطعم منتعشا ومنشرب نفس اركيلة لانو يمكن من هون لاسبوع اسبوعين ماتشوفوني
تيم : له له ليش ياشريك
وطن : ولله عندي مهمة مابقدر خبركن التفاصيل
غيث : وانشالله مافي خطر عليك
وطن : يعني في ومافي
تيم : ولله يزم انت الواحد مابياخد منك لاحق ولاباطل
وطن : سدو انت يلا وصلنا نزلو
تيم : طيب نزلو ليكني لاحقكم
بينزلو وطن وغيث وبيحجزو طاولة وبيطلبو اراكيل وتيم بيتصل بنور ليشوف اذا وتين رجعت او لا
تيم : مسالخير يالبي
نور : مسالنور
تيم : كيفك كيف صرتي
نور : الحمدلله احسن بس مشغول بالي على وتين
تيم : انشالله خير انا بكرا بمر عليكي لندور بالمشافي والمخافر وهلق رفيقي ضابط بسألو
نور : اوك عم عذبك بس بتضل رفيقتي واختي
تيم : ماتحكي هيك كلشي بخصك بخصني اخ لو تعرفي غلاتك عندي
نور : تسلملي
تيم : الله يسلمك ياروحي انا مع رفقاتي بس روح على البيت بتصل وبحاكيكي اوك ياعمري
نور : خود راحتك باي
تيم : باي بسكر مع نور وبيدخل لعند وطن وغيث بأركلو وبيتعشو وبقدوها دردشة وضحك وبعدهاا بروح كل واحد على بيتو ليرتاحو وينامو .....😴😴
بنام وطن شي ساعتين بفيق بتكون الساعة 2 باليل بيركب سيارتو وبروح على مكان تنفيذ الخطة بيوصل على قصر فخم وكبير كتير وحواليه العساكر متل القمل والكل لابس اسود لمايعرفوهن العصابة بيوصل وطن بسيارتو السودة الكبيرة والمفيمة ولابس طقم رسمي طالع جنتل مان بيفتحولو بواب القصر وبيلقو التحيا
الحارس : احترامي سيدي
وطن : كل شي جاهز
الحارس : اكيد سيدي
وطن : تمام خود السيارة ورجاع مابدي اي غلط بتعرف الغلط عندي شو
الحارس : حاضر سيدي
وطن بيحكي بصوت جهوري ومسموع : الكل ينتبه مابدي اي غلط وعيونكن عشرة على عشرة اي غلط تمنو كبير
الكل : بأمرك سيدي
وطن : الساعة عشرة المسا بدي يكون تنفيذ المهمة برجع بحذر مابدي غلط بيحكي هالكلام وبيدخل على القصر بشوف كلشي جاهز وكأنو رئيس مافيا وهاد يلي بدو ياه لحتى يقدر يخدع العصابة وقدر بيطلع بنام عبين بكرا لانو الوقت تأخر بفكر بفكر بيتعب وبنام .....😴
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```