الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم احببتك بكل السبل`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#الجزء الثاني
#احببتك بكل السبل ㅤㅤ
عملت مثل ما قالت خالتي وبس خلصت حمام لبست اواعيي وبس وصلنا للصالون كان كبير مع انه ضيعة وطبعاً حسيت حالي انشليت من كل الجوانب شي بلش بشعري وقص وحمام لاعادة الحيوية والنعومة مثل ما فهمت وشي اضافري ومناكير وشي مكياج وشي تدليك وبعد ساعتين من هالحالة اتطلعت بالمراية عن نفسي انصدمت بشكلي هلأ صار اسمي بنت شابة 😂💔
ام لؤي :ما شاء الله بتجنني
بسملة :ليش كل هالمكياج
ام لؤي :عندنا حفلة
بسملة :حفلة !
ام لؤي :بنت خالة لؤي اليوم خطبتها يلا بلا ما نتأخر بعد علينا شغلات كثير
بسملة :بس
ام لؤي:اي لؤي جاي يوخذنا يلا
روحنا وبس فتنا لقيت فستان احمر مفتوح من الضهر قصير للركبة وسكربينة سودا لبست الفستان وعملت اخر التعديلات
وقعدنا نستنى بالجنينة ليجي لؤي
بسملة :ما شاء الله يا خالتي بتجنني طالعة
ام لؤي :مافي بعدك جمال
بسملة :تسلميلي
ام لؤي :يلا هي سيارة لؤي كالعادة المرافقة قد العرس بحاله
اتطلع فيني لؤي وبلش يمشي باتجاهي بلشت نبضات قلبي تدق بسرعة وبس وصل مشي وكمل لعند امه
لؤي :يقبرني جمال احلى صبية بالعالم
ام لؤي :تسلملي يلا تأخرنا فتح الباب لامه
مشيت بلا امل انو يوجبني ويفتحلي الباب وهو راح لعند مكانه ليفتح
لؤي :لحظة
فتحلي الباب
لؤي :يلا طلعي
تصرفاته الغير متوقعة بتصدمني دائماً ركبت وكالعادة الاكشن تبعو مسرع وحاط اغاني صخبة
ام لؤي :ابني انصرعنا حط اغنية هادية
لؤي :هي الاغاني ما بتقربلي
ام لؤي :ايه مو تجلطنا بالعرس هلأ وتصير بدك تروح 😒
لؤي :حاضر يا ست الكل
ام لؤي :وشغلة
لؤي :بتأمري
ام لؤي :هلأ بتمشي انت وبسملة وايديكم مع بعض فهمانين ...فهمانين؟؟
لؤي :حاضر😒
بسملة :...
ضلينا كل واحد ساكت لوصلنا
وبس نزلنا من دون استأذان او موافقة مني مسك ايدي ومشي
بس فتنا على الصالة كانت ضخمة والكل عيونه علينا ما خجلت ابداً كالعادة بالعكس افتخرت اني مرة العميد لؤي بس شفت عيون كل البنات على لؤي
قعدنا على طاولة كل العيلة من خالات وخوال لؤي والبنات حتى نطت بنت كانت طويلة ونحيفة ولابسة فستان كثير كثير قصير وفاردة شعراتها يعني ما بخبي كثير حلوة ومستغرب كيف خالتي ما زوجت لؤي لالها المهم
فاطمة : كيفك وين ما عاد بينت ولا خطرنا على بالك
لؤي :شغل الله وكيلك ما بفضى يا فاطمة
فاطمة:لؤي ما اتفقنا هيك انت من ايمت بتناديلي فاطمة
لؤي :ههه وكمان ما بنادي فوفو 🙍
فاطمة:ليش صاير مغرور
لؤي :لا ولو يا رفيقة عمري انتي
وحضنها وهي مبسوطة كثير
انقهرت لانو على الاقل يحترمني ويقدر انو مرته جنبه😒
ام لؤي :اجتمعوا لؤي وفاطمة وبقى فرقوهن
ما لقيت الا انو البعض بلش يضحك وشي يبتسم وانا حيط جنبه
قعدنا على الطاولة واغاني هادية وتبادل احاديث وانا قاعدة لا حس ولا خبر
ام لؤي: بسملة شبك يا بنتي
بسملة :لا ولا شي بس تعبانة
ام لؤي :لحظة
وقامت وراحت على غرفة بالصالة ورجعت مسكت ايدي وايد لؤي
وحطتنا بنص الصالة وبلشت الاغنية
ام لؤي :يلا بدي افتخر فيكن
لؤي :...
بسملة :بس
قربت خالتي لعند اذني وهمستلي
ام لؤي :انتي الاحق فيه لازم تثبتي للكل هيك لو ما بتحبي ولا هو بحبك
انطفى الضو وتوجه الضو لمكان رقصنا انا ولؤي
قرب لؤي وحط ايده على خصري وحطيت ايدي على كتافه وبلشنا نرقص
لؤي: تحولتي من جعفر لانثى يعني
بسملة :مفكر قلت شي بضحك يعني
لؤي :سألت وما مزحت معك 😒
بسملة :من يوم يومي انثى
لؤي :احم احم
بسملة :هداك الشي بسببك
لؤي :مهما كان طالعة اليوم بتجنني
بسملة :😊
لؤي :اييي!!
بسملة :ايي!!
لؤي :خلص ولا شي
بسملة :ايه تسطفل
لؤي :...
كملنا الرقصة وعيون حاسدة حاقدة علينا وانا مبسوطة 😅
وبس خلصنا رجعنا للطاولة
ام لؤي :كنتوا بتجننوا يا عيوني 😍
بسملة :تسلمي
لؤي :عيونك يلي بتجنن
خالته:ما شاء الله شو لابقين على بعض الله يخليكم لبعض
لؤي :شكراً خالتي
ام لؤي :اميين
فاطمة :كنتو حلوين بس انو حسيت بسملة متوترة
انقهرت منها لاني ما كنت متوترة ابداً
لؤي :لا ابداً شكلك بدك نضارات يا رفيقتي كنتي دقيقة الملاحظة بس مع بسملة ما قدرتي وانا بشهد انها كانت واثقة
بعدها مسك ايدي وابتسملي
على قد ما كنت مقهورة منها على قد ما فرحني جواب لؤي لالها طبعاً رديتله الابتسامة
لؤي :يلا بسملة وام لؤي
ام لؤي :😒😠
لؤي :طيب انا رح استأذنكم وبرجع باخدك انتي وبسملة
بسملة :لا وانا تعبانة كثير بتمنى لا تواخذوني لازم روح
ام لؤي :اي ماشي حبيبي
لؤي :😶
رحنا انا ولؤي لنبارك للعرسان سلمت على العاروس وباركتلها ومديت ايدي للعاريس
ماجد :نورتونا😍😉
بسملة :تسلم
وتلبكت لما ما بعد ايده عني ومستمر وهو يطلع فيني
لؤي :مبروك
بنت خالته:الله يبارك بعمرك
لؤي :يلا بسملة
واتطلع لؤي على ايده وحط ايده على كتفه وشد عليها
لؤي :مبروك
العاريس :اااه اي الله يبارك فيك يا عميدنا
لؤي :يلا بسملة 😒
ورمقني النظرة تبعته وطلعنا لبرا وبالسيارة
بسملة :شو خصني 😒
لؤي :ليش ما حضنتيه كان احسن
بسملة :اهتم بكلامك
لؤي :ليش ماعم احكي الحقيقة من لما شفتك اول يوم كان اشارة لمستواك
بسملة :لك لانو مسك ايدي بقوة تبلش هلأ بكلامك الزفت
لؤي :وليش سمحتيله لو انك ما سمحتيله ما كان صار هيك
بسملة:وانت شو خصك ليش متضايق هيك والا شوي رح تاكل حالك
لؤي :....
بسملة :نزلني هون
لؤي :بلشنا بالفلم الهندي 😃
بسملة :اي بلشنا خلصني
لؤي :تفضلي انزلي
بسملة:منيح ...يلا كمل انت
لؤي :بربك السيارات تبع المرافقة يلي ورانا وقفت مشان حضرتك تاخدي موقف وتعندي
بسملة :لكن انطر معي شوي
لؤي :ناطرك هون لا تطولي
بسملة :تمام لشم شوية هوا
لؤي: الله يصبرني
مشيت شوي بس الهوا ما بينوصف على قد ما حلو بالصيف وانا ماشية وماخدة شهيق وزفير بسبب كلام لؤي لالي وعدم احترامه واهانتي وحبسي يعني بيتلقب بكلشي الا زوجي ولا هديك فوفو 😒
بقطع ايدي الثنتين اذا مو حاطة عينها عليه وشو خصني يسطفل كل يوم مع بنت هلأ بدها توقف على فوفو بعد ما مشيت كثير وانا احكي انتبهت اني بعدت اتطلعت ورايي لاصطدم بشبين سكرانين
بسملة :بعد انت وياه عن طريقي
شب :له بدك تظلمينا معك ...وتجدبيها كمان بنت بهالوقت من الليل لحالها وفستان 😉 بلا دلال يعني
بسملة :اخرس انت وياه
مشيت حتى مسكني وبقوة من زندي
بسملة :بعد ايدك يا ندل
شب :خلصينا بلا غنج ودلال البنات
بسملة :لك اتركني ....يا عالم ...لؤيي..
ما حسيت الا لؤي وكم رجال اجوا ركض وبلشوا السكرانين يسحبوني ويركضوا ورجلي انلوت بسبب السكربينة والركض حتى وقفنا لما لؤي ورجاله مسكوهم ليبلش لؤي قتل فيهم من دون مساعدة رجاله
لؤي :اعملولهم اللازم بعد
بسملة :...
لؤي :وانتي امشي قدامي
ما كان في مجال للنقاش مشيت قدامه وانا اعرج
لؤي:خير شوفي مصايب بعد شبك بتمشي هيك
بسملة :....
لؤي:حيط وربي يا جعفر
بسملة :😒
لؤي:تعي لقلك بدي ضل ناطر لتمشي كل ربع ساعة خطوة
حملني لؤي وبلش يركض
بسملة :يا مجنون رح نوقع نزلني
لؤي :صرخي
بسملة :نعمم
لؤي :يلا انا وانتي قولي اي شي صرخي ورح ترتاحي
لؤي:1....2....
لؤي...بسملة: بحبببببك
اتطلعت بلؤي كان يبتسم وضل راكض فيني لوصلنا للسيارة وبعدها حط اغنية هادية انصدمت اول شي وبعدها بلش يغني معه وانا مثل الجدبة بتطلع فيه بانصدام
بسملة :على فكرة بدي قول شي
لؤي:ولا انا كنت قاصدها كمان
بسملة :منيح ...يلا خلينا نروح نجيب خالتي
لؤي:امي صارت بالبيت
بسملة :ايمت راحت ..خدني لكن على البيت
لؤي :احلمي
بسملة :شو عم تخبص وديني يلا
لؤي :رح وديكي بس على الفيلا مو لعند امي
بسملة :حقير مو بايدك..وليش لتاخدني على الفيلا
لؤي:حتى ما تخبصي اكثر وتنزعيلي سمعتي هيك بتضلي قدامي لولا ماكنت موجود اليوم رحتي بوساخة وقذارة شباب هالايام وتدهور البنات امثالك
بسملة :رجعنا
كملنا الطريق وانا ساكتة ومطنشة كلام لؤي لالي بس وصلنا نزلترمن السيارة وضل لؤي يحكي مكالمة
فتت على الفيلا كنت مشتاقة للخدم كثير خلود :اهلين مدام كيفك
بسملة :مشتاقيتلكن وانتو
خلود :ونحنا بالاكثر شتقنا لعصبيتك الصبح 😅
بسملة :هيك لكن
خلود :بعتذر منك كنت امزح
بسملة :ولا يهمك
سحبت حالي ورحت على غرفتي حطيت الشنتة على التخت وفتحت البرادي شفت لؤي معصب وهو يحكي سكرتهم من جديد وعملت دوش ولبست بيجامتي الفضفاضة اشتقت لراحتي وانا لابسيتها
واتسطحت على التخت وفتحت موبايلي تذكرت الرسائل يلي م الرقم الغريب
فتحتهم كان مكتوب
مجهول :مسا الخير كيفك.....مرحبا ...الو ...لازم نحكي ...ضروري تردي ....صباح الخير ...انا لازم شوفك واحكيلك شي
انصدمت من اصرار يلي باعتهم رديت عليه
بسملة :اهلين اي تفضل
وبسرعة شاف الرسائل وبلش يظهر يكتب وانا قلبي ناقزني من هالرقم
مجهول:بكرى الساعة 7 الصبح بحديقة ال****
سكر الوتس بعدها وما عاد وصلته رسالتي بالاعتذار
نمت وانا عم فكر مين بكون صحيت الصبح بكير وضليت فكر كيف ممكن روح وليش بدو ياني بهالوقت المهم جازفت ولبست اواعي خلود من بعد ما طلبت منها وطلعت قدام الحرس بحجة بدي اعطي تعليمات ليلي بنظفوا الحديقة وهيك تمكنت من اني اطلع من الفيلا ورحت للحديقة يلي قلي عنها
وبس وصلت كانت فاضية ومافيها حدا نهائياً
ضليت انطر واجا بعد نص ساعة
بسملة :خير
مجهول:بدي ساعدك
بسملة :بشو بدك تساعدني 😑
مجهول :انك تلاقي يلي كان سبب بانتحار راما رفيقة عمرك
بسملة :كيف عرفت مين انت ...راما ماتت بسبب مرض ما انتحرت
مجهول:هداك الحكي يلي الفوه ما بيمشي عليي انا بعرف انها انتحرت بسبب الحادثة يلي صارت ب9/7/2017
بسملة :بلشت خاف منك ليش لبعد سنة لضهرت وبدك تساعدني وليش !
مجهول :كلشي رح تعرفيه بمسيرة اكتشاف يلي كان السبب بموت راما
بسملة:وكيف بدي اوثق فيك
مجهول :خدي هود
بسملة :طوق راما!!
مجهول:هاد اثبات انو راما بتعنيلي مثل ما كانت تعنيلك واكثر
بسملة :موافقة
مجهول :كل يوم رح نلتقي بنفس الموعد والمكان
بسملة :اتفقنا ...بس شو يلي بدي اعمله حالياً
مجهول :رح خبرك
_____
بالطرف الثاني
لؤي :صباح الخير
هدى :صباح النور لؤي بيك
لؤي :وين خلود
هدى :تعبانة حبت ترتاح شوي
لؤي :ايواا ووين بسملة ليش ما صحيت لتفطر
هدى:اااه الست
لؤي :وينهااا
هدى:نايمة ما بدها حدا يصحيها وخبرتنا بانو بس تصحا رح تاكل
لؤي :اكيد
هدى:اكيد لؤي بيك
لؤي: خليهم يجهزوا السيارة
هدى:حاضر يا بيك
__
فتت على البيت وانا متأكدة بانو لؤي مو هون وخايفة لفكرة اني فوت على غرفته
طلعت فوراً وفتحت الباب بس كان مقفول
بسملة: خايف على غرفته من اني اكلها يعني
اووف وهلأ كيف بدي افتحها
_يا انسة بدك شي !!
بسملة :ايه صراحة لؤي قفل الغرفة ونسي انو انا ما معي مفتاح وبدي فوت ضروري زكاتك بدي مفتاح الاحتياط
_بس يا خانوم
بسملة :انا زوجته
_حاضر رح جيبه واجي
فتحت الغرفة وبلشت افتح بالدروجة درج درج ودور على الوراق يلي بدي ياهن ومهمات لؤي بعد ما ماتت راما ولوين كانت سجلت كلشي
بسملة :يا ترى انا معقول شك بلؤي هو كان يحبها مو معقول يعمل هيك
وتذكرت حكي المجهول
المجهول:راما الاولى تذكري هالشي لا تخلي افكارك تسيطر عليكي راما الاولى وضلو هالكلمتين يترددوا بدماغي حتى تشجعت وطلعت
بسملة :راما كانت الاولى ورح تضل الاولى
فتت على غرفتي وانا ماسكة قلبي بايدي الثنتين ونقزت على صوت موبايلي
امي :بسملة كيفك يا بنتي مارح تردي بعرف حابة خبرك اليوم رح بيكون عيد ميلاد ابوكي السنة الماضية كنتي تحتفلي بيناتنا لا تخجليني هالمرة بتعرفي ابوكي ما بيحتفل الا بوجودك لو كان الي خاطر عندك تعي وجيبي لؤي كمان
سكرت الخط بوجها كالعادة
رجعت فيني الذاكرة للسنة الماضية
بسملة :ماما شوفي هالفستان حلو ؟ ولا قلك اكيد هاد رح يعجب ابي اكثر ...صحيح شو بدلة ابي اليوم لونها وانتي اكيد رح تلبسي قريب منها ....ييي نسيت اتأكد اذا غلفوا هديتي ولا لأ
امي :بسملة حاسة اليوم عرس ابوكي مو عيد ميلاده شبك
بسملة:بتعرفي انو هاليوم بعنيلي هاليوم اجا ابي وكل حياتي اجا سندي وقوتي وكل اماني كيف مابدك اتوتر
صحيت من كابوسي لانه ماعاد يعنيلي كحلم ابي باعني للؤي مستحيل اضعف مستحيل شعلله الشمعات واطفيهم انا واتمنى بداله وانا متأكدة انو كل احلامه انو يتحققوا احلامي هالشي ماعاد موجود كلشي تغير مافيني روح
تسطحت على تختي وبعثتله
بسملة :الوراق صارو معي
وعم استغرب سرعة قرائته لرسائلي
مجهول:ممتاز طلعتي شاطرة وما بصعب عليكي شي مثل راما
بسملة :احكيلي شو بتعرف عن راما
_مجهول:سؤالك غبي
بسملة :عفواً
_مجهول:لازم تسأليني شو مابعرف عن راما
_بسملة:المهم شو بتعرف معلي انا غبية
_مجهول:هههه
_بسملة :ليش بتضحك
_مجهول:باي
بسملة: ناقصني مجانين بحياتي كمان
مليت كثير وبعدين خطرتلي فكرة
فتت عمواقع وبرامج كثير على امل تطلع هوية هالرقم او على الاقل اسم او مدينة بس عبث ضليت جرب ونزل برامج لليل ووقفت على فتحت باب غرفتي
لؤي :ليش بعدك بلا اكل
بسملة :شبعانة
فات وبايده صينية فيها اكل
لؤي :وهلأ رح تاكلي غصب عنك مو ناقصني انبلا فيكي...عندنا حفلة
بسملة :ماني رايح
لؤي:لأ رح تروحي
بسملة:لأ ماني رايحة
لؤي :لأ رح تروحي والا رح تسمعي خبر موت ابوكي
بسملة :لك انت شيطان شو رح تستفيد اذا رحت
لؤي :كثييير
قعد لؤي على مستواي
بسملة :بس انا ما بحبه لابي
لؤي :بس رح يضل ابوكي وقوتك وسندك وقدوتك ابوكي كل شي بالنسبة الك ورح يضل صدقيني ماحدا الو ذنب بهالقصة غيري
بسملة مهما صار ابوكي لا تتخلي عنه حتى بهيك ظروف ما حدا بيعرف الله ايمت بياخد امانة جسمنا
بسملة :بس هو باعني
لؤي:كوني الاحسن وروحي
بسملة:....
لؤي :وكمان شغلة يلا كلي
بسملة:لا مابدي
لؤي :شوعنيدة ...انا رح طعميكي بايدي الثنتين
بسملة:مافي داعي لؤي
لؤي:لأ فيي
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*