الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم احبتتك بكل السبل`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
ㅤ
#الجزء_الاول❤️
#احببتك_ بكل _السبل
فقت الصبح على صوت كركشة بالصالة مع صوت أفئفة فتحت عيوني بملل واتطلعت بسقف الغرفة
بسملة :اووف لايمت هالشي ايمت بدي اخلص من هالحياة المشؤومة مع اللوح يلي برا
تجلست ورفعت شعراتي وبجامتي الفضفاضة المعتاد اني البس منهن كأني ببيت اخي
اتطلعت بالمراية كأني كبرانة عشر سنين والتجاعيد على وشك انها تطلع وانا لساتني بعمر الورد
توجهت للمطبخ لاعمل فنجان القهوة الصباحي
بسملة:شو مبكرة
خلود:الاستاذ لؤي حب نخلص الفيلا بكير جاي وفد عليه
بسملة :الله ياخده هو ويلي معه
خلود:بتريدي شي يا خانوم ...خليني اعملك فطور صرلك من امبارح بلا اكل
بسملة :لأ بس بدي اعمل قهوة على شغلك خلود:حاضر يا خانوم
عملت قهوتي وطلعت على البلكونة منظر بجنن كله خضار وصوت العصافير ونسمة هوا ...الجو الصباحي المعتاد يلي بحبه وبخربه لؤي
لؤي: شو بتسوي على البلكون
بسملة:اهلاً اخي
لؤي: بلشنا بنكدك على هالصبح ...مابطلقك افهمي ما بطلقك لو الشغلة بايدي كنت طلقتك هلأ بلا ما فكر
بسملة :ما فيك ما فيك العميد لؤي بحاله مافيو يقول كلمة طالق
لؤي :روحي تحممي صرلك اسبوع مو متحممة يلي بشوفك بقول انك رح تنعدمي وناطرة الحكم حتى تتحمي ...اقرف من هيك بعمري ما شفت
بسملة :ما بهمني رأيك فيني
لؤي:خلصيني فوتي على جوا جاي ضيوف بدك يشوفوا ست الحسن ببجامة جدي
بسملة :نذل مو بايدك😒🙍
ما حسيت الا على ايد لؤي لافة رقبتي وعم تقطع نفسي
بسملة :ببعد رحح اختنقق
لؤي:ليكي ولي مو ساكت الا لخاطر امي بموتك بارضك وبسيح الدم فهمتي
بسملة:لأ
لؤي:وهلأ
بسملة:لكك بععد...الله ياخدك كنت رح تخنقني
لؤي :انقبري على الغرفة ممنوع الطلعة منها ولا برا البيت
بسملة :بس انا صرلي سنة على هالحالة وكأني خدامة هون محبوسة حتى الخدم بيتنفسوا
لؤي:لانك اقل منهم بالنسبة الي
بسملة:بعد لروح على الغرفة ياريت ما طلعت
لؤي:اي ها هيك بدي ياكي 😊
بسملة:....
خبطت الباب ورايي واطلعت على حالي بالمراية عنجد الجني بخاف مني كيف صايرة كأني امو للؤي ...اي عاساس هو ملك جمال..اي هو هيك ليش لاكذب احياناً بحس اني اهملت حالي كثير كنت حلم كل رجال اي هسع الختيار ما بقبل بوحدة مثلي ...اي معلي بدي لؤي يقرف مني ويطلقني وبعدها بهتم بحالي على رواق وبرجع بسملة يلي بتمناها الف واحد 😌👌
رجعت على تختي وفتحت الموبايل تصفحت الفيس بعدها انستقرام بس مافي شي جديد كلو نفس الشي فتحت على الوتس لقيت رسائل كثيرة بس يلي خلاني استغرب بانو رقم غريب
كنت بدي افتح الرسائل بس اتصلت امي 😒
امي :كيفك يا بنتي
بسملة:....
ام حامد:لايمت رح تضلي هيك محاربة الكل وما بتحكي بتفتحي الخط وبتسكري وانتي ما حكيتي شي
بسملة :....
ام حامد :يا بنتي كم مرة بدي قول انو كنا مجبورين نزوجك لؤي صدقيني مافي بايدنا شي ولؤي مافي منه شب جمال وطول وعرض وشي مهم بالبلد وغني وبحترم الامرأة ومعززك وخدم وحشم شو بدك اكثر من هيك
سكرت الخط بوجه امي غصب عني الحرقة يلي سببولي ياها ماعم تروح من بالي زوجوني لؤي غصب عني وغصب عن ارادتي لانحبس بهالفيلا وهو طول النهار بالشغل والمؤتمرات
ضليت متسطحة مافي شي اعمله شغلت التلفزيون لك مشتهي اني عيش مثلي مثل البقية
فقت بعد الظهر على صوت رصاص ما استوعبت شي حتى الطلقة اقتحمت جدار غرفتي قعدت جنب التخت وخبيت راسي بين رجليي وانا برجف من الخوف حتى ما صيحت ابداً كان الصوت قوي كثير وبعدها بلش باب الفيلا يندق وسمعت
مجهول:لك والله لندمك يا كلب افتح يا لؤي يا نذل والا لهدم الفيلا فوق راسك
اجتني شجاعة مدري احساس بانو هالصوت بعرفه
طلعت برا الغرفة وفتحت الباب ودغري تصوب المسدس على راسي من جميع النواحي
بس كانت صدمة الي ولحامل المسدس يلي بنص راسي
كان عامر ابن خالتي
عامر:بسملة هي انتي ....نزلوا السلاح نزلوه ....لؤي وينو والله لانتقم منه عن كل ساعة اخذك مني فيها ...بسملة انتي الي يلا تعي معي خليني ريحك من حبس ابن الحرام
بسملة:.....
عامر :لك يلااا بسملة امشي
بسملة:لأ
عامر:لك هي فرصة حياتنا لنجتمع تحت سقف واحد بعيد عن اهلي واهلك.
بسملة:عامر اذا بتحبني خود رجالك وروح ولا بقا تيجي لهون انا تزوجت غصب للؤي بس مابقدر خونه وروح معك
عامر:لك اهلك خانوكي وهو خانك مع الف بنت كل العالم خانتك وانا امانك ومو راضية تروحي معي
سكرت الباب بلا خوف بعرف كمية حب عامر لالي بس طلعت بخوف ورجعت بغصة قلب شفت يلي قضيت معه اجمل قصة حب واحلى لحظات عمري الثقة الامان الحب الحنية كلهن كانو بعامر وانا ما قدرت وعجزت اطلع من هالحبس مافيني اغدر لو كان لؤي لاني بعرف انو رح يضر اهلي ويحط ملح على الجرح ويقطع قلبي بعامر لؤي انسان ما بصعب عليه شي معارف ورجال بتخلي عامر هباء منثور
رحت على المطبخ كان كل الخدم متجمعين بالزاوية وخايفين
وانا كنت خايفة اكثر لهيك ما تحملت المنظر ورحت لغرفتي
بس فتت شفت دم على الارض وانا بخاف منه كثيير قعدت وانا ابكي وارجف من المنظر يلي قدامي
سمعت صوت سيارات وجيش وشرطة عرفت بانه لؤي ضميت حالي اكثر مشمئزة منه كثير هو السبب بخوفي وحبسي
بالجهة الثانية
_____
لؤي :حاوطوا البيت بسرعة ما بدي اي خلل بنظام الامان
طلعت وانا خايف من يلي صار او يا ترى شو صار
توجهت لغرفة بسملة بسرعة بس فتت شفتها كيف عم ترجف وضامة حالها ودم قدامها
حسيت بنغزة بقلبي دم مين هاد
لؤي :بسملة انتي بخير
بسملة:....
لؤي:من مين هاد الدم ومين يلي اقتحم الفيلا بسملة ساعديني لاعرف يلا
بسملة:كلو منك يا كلب يا واطي معيشني بافلام الرعب تبعك وحابسني وكأني حشرة عندك وانت راكض من بنت لبنت وانا هون بين الحياة والموت لو صار للخدم شي شو كان ذنبهم ااه قول شو انخرس العميد لؤي
لؤي: خلصيني بلا فلسفتك الفاضية من ميين الدم
لؤي :من مين الدم
بسملة:ما بعرف
لؤي:احكيلي شو صار
بسملة :كنت قاعد بالحبس ما حسيت الا على صوت رصاص حوالي الفيلا حتى فاتت طلقة ويمكن اكثر لغرفتي كنت خايفة لؤي ما بتتخيل الموقف رعب وخوف وعدم قدرة انك تعمل شي ... ضمني لؤي لصدره وانا انصدمت من هالشي يمكن حس قدي اهملني واهمل امان الفيلا لانه مافي بالفيلا حدا يهتم اذا مات او لا
بسملة :بعد عني
لؤي :هسس خلص انا بعتذر منك
بسملة :نعمم
لؤي :يلي صار صعب عليكي وعلى الخدم ونتيجة اهمالي للفيلا ولحمايتها انا بعتذر عن الخوف يلي صار
بس لازم تساعديني شفتي حدا كيف راح المقدحم
ماقدرت جاوب بسبب الوجع يلي صار بس لمست ايد لؤي ضهري
لؤي:دم!!...بسملة انتي مجروحة افتلي
لك لك الرصاصة مارة من جنب ضهرك ومو حاسة كيف هيك تعي الجرح عميق رح اخدك على المشفى
بسملة :مافي داعي هلأ بعقمه انا
لؤي:جد 😃يلا عقميه
بسملة :اي يلا اطلع مضطر اشلح لعقمه
لؤي:بسملة بلا هبل لك مارح تقدري ايدك لحالها عم ترجف وكيف بدك توصلي للجرح وهو بضهرك
يلا خلصيني عندي شغل كثير
بسملة:من ايمت انا صرت مهمة لتترك شغلك ووفودك وتيجي مو عاساس هم جايين
لؤي:ياربي كم سؤال ...تعي لقلك
شحطني من ايدي لعند التخت وطلب من الخدم اسعافات اولية
لؤي:خلصيني بدي عقمه
كنت مترددة بس مو بايدي شي اذا اخذني على المشفى رح تصير فضيحة كيف شكلي وشو صار واعلام وحالة
بلشت اشلح بلوزتي وهو ساعدني
خجلت كثير من لؤي من الوضع مع اني كنت بلبس فساتين بس يمكن لاني معتبرته اخي😂💔 بلش يعقملي ياه وكان الوجع بزيد من قوة الضربة خدر ضهري وما حسيت بشي
لؤي:عم تتوجعي!!
بسملة :كثيير
لؤي:امسكي بزند ايدي وكل ما توجعتي اضغطي
بسملة :ليش شو بدك تسوي
لؤي:الجرح عميق وبدو يتقطب
بسملة :شووو وانت بدك تعمله لك انت بدك تموتني
لؤي:اعملي يلي حكيته بلا لعي
حطيت ايدي على زنده وفعلاً توجعت كثير وضغطت على ايده
لؤي:خلصنا لك شليتي ايدي قد ما ضغطتي
بسملة: تستاهل يلا روح شو ناطر
ما حسيت الا لؤي قرب مني وحاوط وجهي بايديه وباس جبيني
لؤي:الحمد لله على سلامتك
ما خلالي مجال رد لانه طلع فوراً
لؤي:نضفي غرفة بسملة بسرعة يلا ومابدي فوضى بالفيلا
خلود:حاضر يا بيك
لؤي:وشغلة ثانية ...انو اذا احتاجت شي يعني
خلود:فهمت عليك يا بيك نحنا جنبها لا تخاف
لؤي:كثير منيح
_____
لؤي:شو عرفتوا شي من الكاميرات
سامي يلي بكون ايده اليمين ورفيقه للؤي
سامي:...
لؤي:لك ماتحكي
سامي:شوف المقطع
لؤي:يعني
سامي:يعني عامر اجا والمدام هي يلي طلعت وخلته يروح
لؤي:الصوت ...الصوت ليش مو طالع
سامي :الكاميرات كلها عطلوها وهي الاحتياط بلا صوت
لؤي:لك الله يلعن اكيد كان جايي لحتى ياخد بسملة الواطي هو السبب
سامي :بشو!!
لؤي:بسملة انجرحت بسببه لك ما بكون لؤي ال****اذا ما دفنته بايديي
سامي:واذا نجرحت بسملة ليش انت من ايمت بتهتملها وعاساس بتتمنى موتها
لؤي:اااه اي بس ما يكون بسبب بسببي وبسبب اهمالي لامان الفيلا
سامي:اي معك حق
لؤي:بدي تتبعوا عامر وتخبروني بكلشي
سامي:حاضر
لؤي:يلا على الشغل
سامي :وانت؟
لؤي:بدي ارتاح
سامي:ولا لانو
لؤي:بدي ارتاح قلت
سامي :تمام يلا بدك شي
لؤي:سلامتك
طلع لؤي لغرفة بسملة وفتحها بهدوء وشاف انها نايمة سكرها من جديد وتوجه لغرفته
بس فات على غرفته تذكر ليلة الحادثة يلي غيرتله حياته
لؤي:مرحبا راما
راما :اهلين
لؤي:شو حبيبتي شبك
راما:ما بعرف حاسة رح يصير شي يبعدنا عن بعض
لؤي :لا سمح الله...لا تخافي من كثر حبك لالي هيك😜
راما:اي يعني انت ما بتحبي لهيك ما بتحس
لؤي :يا الله يا راما شو انو انتو البنات نكديين
راما:بالله جد
لؤي:ليكي هون في شاي بشهي مع المطر بطلع شي زاكي رايح جيب واجي
راما :لا تطول
لؤي:العميد لؤي ما بطول
راح لؤي طلب الشاي ورجع لتجهز
راما :مصدق حالك بانو رح تصير عميد
لؤي:اكيد ورح تجني يوميتها رح كون هيبة ومصاري والف بنت بتتمماني بس بنت وحدة يلي رح تكون ماخذة قلبي وعقلي وكل تفكيري 😍
راما:ومين هالبنت
العم حسين :يا لؤي الشاي جاهز
لؤي :رايح جيبه ...يسلمهن يا عم
العم حسين :شواخبار اهلك
لؤي:الحمد لله بسلمو وانت كيف المرة عندك
العم حسين :الحمد لله بندفش لادفع حق دوياتها
لؤي:خود هدول يلا
العم حسين:اعوذ بالله يا ابني
لؤي :خلص مو بيناتنا ..حبيبتي ...راما وينك
لؤي:راما...راما...
وفجأة سيارة شحطت ومشيت بسرعة عالية
لؤي :راما لك وين اخدينها والله لموتكم يا كلاب ..راما راما
العم حسين :يا ابني مافي سيارات بهالمطر خود البسكليت بسرعة
لؤي :ان شاء الله لحقهم
العم حسين :ان شاء الله ياابني
مشي لؤي بسرعة بس فرق السرعة بين السيارة والبسكليت كبير كثير الشي يلي خلا لؤي ياخد طريق يقطعهن بس شافهن ضلو ماشيين بسرعة ومشي وراهن حتى
وصلت السيارة على مكان شبه مهجور فيو كم ضو لا اكثر
لؤي :افتحوا افتحوا الباب يا وسخين
راما:لؤي لؤي الحقني
فتل لؤي من ورا المصنع ولقا شباك تسلق الخشب يلي موجود وقدر يفوت بس كان الضو معدوم كثير
الصدمة لما كان لؤي واقف وقدامه راما بحالة يرثى لها شلح الجاكيت وحطه عليها وباقي الشباب فلو كان ريحة الخمر بتقرف ومعشعة بالمكان "طبعاً هاد الشي يلي بنوصله بسبب الخمر يلي هو مجتمع مليئ بناس حقيرين هدفهم الاذية 💔"
حمل لؤي راما وكانت بسملة برا
بسملة :راما يا عمري ردي انا رفيقتك شو صاير
لؤي :بعدي عن طريقي
فتح السيارة وحط راما وطلعت بسملة بلا اذن من ورا
لؤي :مين انتي
بسملة :اااخ لك امشي الرصاص طخ بالسيارة بعدين بخبرك
شفت يومها دموع لؤي من المراية من خوفه على راما
ام لؤي :مين هي لؤي ليش جايبها مين بتكون احكي
لؤي :مو فاضي رد على اسئلتكم بعدوا هيك
ام لؤي :شو بتخبص مفوت بنت بهالحالة على قصر ال* وما بدي احكي شي
لؤي :اتصل بالممرضة بسرعة
الخادم :حاضر يا بيك
ام لؤي :ومين انتي كمان
بسملة :انا انا بكون رفيقتها
ام لؤي :كان ناقصني بعد رفيقة هالشرشوحة اكيد مثلك مثلها مو شكالكن غير شكال بنات ***
بسملة :لو سمحتي من المعيب جداً انك تحكمي على الناس لمجرد مظهر او كلمة او موقف القصة مو مثل ما انتي مفكرة انا بسملة ال****
ام لؤي :انتي بتكوني بنت رجل الاعمال
بسملة :اي بنته لعلي ال***
ام لؤي :اهلك واخوتك محترمين يا بنتي شو عملتي بسمعة ابوكي
بسملة :ما عملت شي انا كنت بالطريق وشفت راما يلي بتكون رفيقتي المقربة انخطفت ولحقها لؤي وعلى اثره لحقتهم مو اكثر يعني مثلي مثلك مابعرف شو صار
ام لؤي :الله يجيرنا بس
___
الدكتور:البنت بحالة صدمة ليلي صار لهيك ما لازم تصدموها بخبر سيئ او صدمة ثانية واي رغبة لالها لازم تتحقق
لؤي :اكيد
الدكتور:يلا عن اذنكم
لؤي :شكراً دكتور
الدكتور :ولو هاد واجبي
__؛؛
ام لؤي :لؤي بدي احكي معك
لؤي :اي تفضلي امي
ام لؤي :مابعرف شو يلي صار بس مثل ما رفضتلي اي طلب بحياتك مارح ترفضلي هلأ
لؤي :شو قصدك
ام لؤي :رح تتزوج بسلمة
لؤي :مستحيل انا بحب راما ومارح اتزوج الا فيها مهما صار اليوم
ام لؤي :لكن هلأ وفوراً لازم تنقي امك او راما
لؤي :ماما انا تعبان بدي ارتاح تصبحي على خير
ام لؤي:يعني نقيت راما
لؤي :لك ايمت قلت شي بس انتي مصدومة وحكيك ابداً مو منطقي
ام لؤي :اذا ما نقيت رح اسحب حالي وفل
بسملة :لؤيييي
لؤي:شو صار !!
ام لؤي :خلينا نروح نشوف بسرعة
بسملة :راما ...راما
لؤي :لك احكييي انخرستي
بسملة :انت...انتحرت
لؤي :....
ام لؤي :لؤي لؤي ..بسملة اتصلي على الدكتور بسرعة وال
لؤي:راما ... راما راحت حب عمري ماتت خلص كلشي انتهى الامان والحنان والسهر والضحك والجنان كلشي انتهى
انتهت ايام العزا على اخر كلمة من لؤي "انتهت "
لينتهي زمن حبه لراما ويعيش قصة جديدة مع بسملة لما امه اجبرته على الزواج زواج محكمة فيها وبسرعة متأملة ينسى راما يلي موتها اكل من عمره
فاق من كابوس الحادثة على صوت مكالمة من تلفونه
مجهول:كيفك يا معلم انت
لؤي :هاد انت
مجهول:وحياتك لدمرك
لؤي:مو انا يلي بدمر
مجهول:رح تبلش تخسر مثل ما خسرت راما
اتطلع لؤي على امه يلي نازلة من السيارة وجاية لعندهم
مجهول: عم تطلع على الجهة الغلط
لؤي:ما بتهمني بسملة
مجهول: رح نشوف بس تشوف الزمن يعيد نفسه وقدامك بسملة بنفس الوضع والمشهد لتحس بالالم نفسه
لؤي:لك افهم انا كنت حب راما كيف بدي كون مدبرلها هالشي ومين انت ...كون زلمة وقول
مجهول :9/7/2018 هاليوم انطرني لحتى تآمن بمقولة الدنيا دوارة عميد لؤي
لؤي :اعلى ما بخيلك اركبه وبسملة ببيعك ياها بيع
مجهول: روح اضحك على غيري ...good bay😃
لؤي :مع المقلعة يا كلب
طلع لؤي ليستقبل امه
ام لؤي: ياعمري كيفك انت بخير كيف بسملة كيف هيك صار وليش عرفت مين السبب
لؤي :هدي امي هدي ما صار شي وما عرفت مين يلي عمل هيك
ام لؤي :معقول!!....وين بسملة
لؤي :بغرفتها بترتاح
ام لؤي :بسملة صابها شي !!
لؤي :...
ام لؤي :شو صار
لؤي :انجرحت لان الطلقة مثل ما بتقولي شحطت بضهر بسملة
ام لؤي :...
لؤي:امي ليكي
ووقف لؤي حكيه لما ضربته امه كف
لؤي :امي !! كيف انتي هيك بتعملي
ام لؤي :كلو بسببك انا رح اخد بسملة معي اليوم
لؤي :ليش؟؟ ...بسملة ممنوع تطلع من هون
ام لؤي :مو على كيفك يلي قدامي ابني مو العميد لؤي ومافيك تجبرني على شي
لؤي :بس
تركته ومشيت متوجهة لغرفة بسملة بس وقف لؤي قدام الباب
لؤي :ولا انتي فيكي توخذي مرتي غصب عني وتجبريني على شي
ام لؤي :من ايمت اعتبرتها مرتك
لؤي :ليكي انا شددت الحراسة صدقيني ماعاد يتكرر هالشي
ام لؤي :بسملة بسملة
لؤي :بسملة نايمة وتعبانة امي لا تعملي هيك
بسملة :شو عم يصير هون ...خالتي انتي هون
لؤي :ممتاز اجتمعتن انتو الثنتين يلا بلشوا
ام لؤي :ضبي غراضك ماعاد في قعدة هون
ام لؤي :يلااا
بسملة :حاضر
لؤي :....
_
قعدت على البرندة هويات الضيعة بجننو والولاد بلعبوا بالحارة وكل الحارة نسوان مجتمعة على حكي وضحك وكل بيت ضام عيلة مجتمعة الا بيتنا خالتي ام لؤي على التلفزيون وانا قاعدة عم فكر بمستقبلي المجهول مع لؤي ايمت رح يطلقني بقا وكل واحد يعيش حياته وقطع تفكيري صوت خالتي
ام لؤي: يلا قومي
بسملة :لويين !!
ام لؤي :بدنا نروح على الكوافيرة قريبة مننا حجزت موعد عندها
بسملة :خالتي اعتقيني من هالشغلة الدنيا نص الليل
ام لؤي :عاساس لو الدنيا نهار رضيتي يلا قومي هلأ لفضيت
بسملة :طيب ليييش
ام لؤي :لك ما بتطلعي بحالك بالمراية قومي بدك نفض بنت بجمالك تروحي جمالك ليش يلا اعملي دووش واطلعي بسرعة
بسملة :ودووش!!
ام لؤي :معك خمس دقايق
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــا رابــط قنــاتــي لکيۡ نستمــر بنشــر اجمــل الــروايــات الممتعــة*