الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم حب ثلاثي الابعاد`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
رواياتي📚:
#رواية_حب_ثلاثي_الاطراف
#حب_ثلاثي_الاطراف
#الحلقة_الثالثة
#ياسمينة 💚
..
#كانت ايلا عم تفكر تحكي لابوها بس تطلعت بعمر يلي اشرلها انو لا تحكي ..
- ايلا ؛ قصة تافهة بابا ما الك فيها .. بعدين انا كتير حابة الجو هون جيران وعالم جداد وما بيعرفو مين انا بيتصرفو معي بطبيعتن ما بخافو لاني بنتك .. يعني كنت مقررة ارجع تاني يوم بعد ما روق بس لما شفت الجو هون كتير حبيت ضل يومين تلاتة
- ابو عماد : متأكد في شي لانك فاشلة كتير بالكذب بس رح اتركك ع راحتك.. انا كنت جاي اتطمن عليكي واخد عمر واروح
- عمر : خمس دقايق وبكون جاهز
- ابو عماد : ماشي.. بنتي ديري بالك ع حالك ايي ؟
- ايلا : بابا عمر معي وانت قلتلي بتوثق فيه
- ابو عماد: بقصد وقت يكون عمر برا البيت اقفلي الباب ولا تتخالطي كتير مع العالم ولا تقوليلن انك بنتي
- ايلا : امرك بابا امرك
- عمر : انا جاهز
- ايلا : يا ريت لو ضليت تشرب قهوة معي
- ابو عماد: بكرى ح نجي الكل ونشربها
- ايلا : لاا
- ابو عماد : لا ؟
- ايلا : قصدي يعني ايي ممكن عمر ينزعج من الجمعة الكبيرة يعني ف تعال انت منشربها انا وانت ع رواق
- ابو عماد : لشوف بابا .. لشوف ..
- ايلا : الله معكن
#كانت ايلا واقفة ع الباب وعمر وابوها طالعين ولما اجت بدها تسكرو انتبهت على نهى واقفة ع البلكون كعادتا وكانت عم تبتسم لعمر بكل ود ومحبة
- ايلا: شرنة .. انا بورجيكي
#سكرت ايلا الباب وطلعت ع غرفتا
- ايلا : صار وقت نطالعكن انتو
#مسكت شنتة تيابها وبلشت تفرد فساتينها وتقيس وتجرب لحتى اعتمدت ع فستان خمري قصير وضهرو كلو خيوط واصلة بين طرفين الفستان وبلشت تحط ميك اب وسرحت شعراتا وهيك قضت كل يومها للمسا .. سمعت صوت الباب وركضت ع باب الغرفة وفتحتو ولقت عمر واقف .. تطلع فيها من فوق لتحت اكتر من مرة
- ايلا ؛ مو حلو يعني ؟
#ما رد عليها ضل واقف وعم يتطلع عليها بس
- ايلا : كنت عرفانة انو مو حلو رح روح غيرو
#مسكها من ايدها وسحبها لحتى صارت قريبة منو كتير
- عمر : كتير حلو
- ايلا : معناها رح .. رح ضب الغرفة شوي وبلحقك
#بلشت ايلا ترجع خطوة وعمر يقدم خطوة هيكك لوصلت لنهاية الغرفة
- ايلا : عمر ..
- عمر : هسس
#ضل هيك صافن فيها لمدة ثوانيي بعدين وعي ع حالو وبعد عنا وصار يبعد نظرو عنها يمين ويسار
- عمر : انا نازل لتحت
- ايلا : ما بدك تجهز حالك
- عمر : جهز حالي ! صحي ليش هيك مزبطة حالك
- ايلا : شوو نسيت انو اليوم اجت نهى و ..
- عمر: ايي تذكرت تمام انا خمس دقايق بكون جاهز
#طلع عمر وراح ع غرفتو وقفل الباب
- عمر : ما لازم تعمل هيك ما عم تفهم مممنوع تحب ممنوع تتأثر فيا .. في برقبتك دين ولتردو لازم تكون قد الثقة لازم لازم لازممم ما رح تتأثر فيا .. لازم ترجع .. لازم لاقيلا حل .. ما لازم تبقى هون ما لازم ما لاززززم
#وبوسط عجقة حكيو وتوترو دقت عليه ايلا الباب
- ايلا : عمر .. ما خلصت
#اخد نفس عميق وتنهد وقال : دقيقة
- ايلا : ناطرتك بالصالون تحت
- عمر : ماشي
#نزلت ايلا لتحت وبلش عمر يجهز حالو
وقفت ايلا ع الشباك وبلشت تفكر
- ايلا : ليش كتير حابة وجودي هون .. ليش كتير مرتاحة .. يعني هوو ..
- عمر : عم تحكي مع حالك !!
- ايلا : بسم الله
- عمر : يلا انا جاهز
- ايلا : وانا ..
#راحو عمر وايلا ع السهرة يلي عاملينها جيران عمر .. بعد الاكل قعدو الكل مع بعض بالصالة وبلشت الاسئلة تتكرفت على عمر وايلا وهنن ابدا مو مجهزين شي ..
- نهى :ايي حكولنا كيف تعرفتو ع بعض
- عمر : صدفة
- ايلا : ايي مزبوط
- نهى : طب حكولنا هالصدفة
- ايلا : هو يعني بيوم كنت رايحة ع جامعتي و .. و... و
- نهى : شبك.. شو نسيانة
- عمر: لا مو نسيانة بس ايلا ما بتحب تتذكر هاد الموقف لان كان في شلة زعران عم يهاجموها
- ايلا : وعمر ساعدني..
- نهى : اممم نيالك الله بعتلك الشخص المناسب بالوقت المناسب
- ايلا : عنجد نيالي
#حكت ايلا هالكلمتين وهي عم تطلع بعمر وعيونا مليانين حب .. بعدين تطلع فيها عمر وبعدت نظرها
- نهى : طيب حكيلي كيف قدرتي تخلي عمر يحبك ؟ هاد الشي من المستحيلات السبعة
- عمر : عند ايلا مافي شي مستحيل
- نهى : واضح .. بس كأنو ما عملتو عرس
- ايلا : لا
- نهى : ليش
#كانت ايلا قاعدة جنب عمر وكل سؤال يزيد توترها اكتر
- عمر : الصراحة عملنا حفلة ع قدنا بتعرفوني ما بحب الزحمة وهيك
- نهى : بس هي فرحة بالعمر .. بعدين دخلك وين اهلكك ما حدا منن بين معقول ما اجو زاروكي
- عمر : يا جماعة انا تأخرت وصار لازم روح
- ايلا : وانا قايمة
- نهى : ايلا خليكي منسهر .. عمر عندو شغل انتي شو عندك
#كان عمر عم يتطلع ع نهى يلي نظراتا ابدا مو طبيعية .. مسك ايلا من ايدا
- عمر : معلش ما بحب اتركا لحالا
- الله يديم المحبة بينكن يا ابني
- عمر : يخليلنا ياكي حجة
#راحو عمر وايلا ع البيت
- ايلا : بتحبك
- عمر : شو !
- ايلا : عم بحكي ع نهى
- عمر : شكلك نعسانة وبلشتي تخبصي
- ايلا : ابدا ما عم خبص حتى الغريب لما يشوف نظراتا تجاهك واهتماما فيك بي
عرف انها بتحبك
- عمر : حاج هبل
- ايلا : طيب ليش عاطيني ضهرك ومو هامك الموضوع
#التفت عليها ..
- عمر ؛ لان مو هاممني الموضوع
- ايلا : بس ..
- عمر : ايلا .. انتي هون ضيفة فيني اعرف ليش فاتحة معي تحقيق ؟؟؟ بعتقد بلشتي تلعبي دور مرتي حتى لما بنكون لحالنا
- ايلا : ما كان قصدي شي
- عمر ؛ بتقصدي كل شي بدون ما تقصدي شي
- ايلا : ما فهمت .. عمر شبك
- عمر : ايلا مو كانت قعدتك هون كلها يومين
- ايلا : متدايق من وجودي
- عمر : فيكي تقولي ندمان اني جبتك لهون
- ايلا : مو مشكلة فيك تحكي وبتركلك البيت فورا
- عمر : بكون منيح
- ايلا : شو صايرلككك
- عمر : بس قررتي تروحي خبريني لوصلك
#وطلع ع الدرج ومتل يلي مو مهتم .. دخل ع غرفتو
- عمر : ما تهتم ما تهتم انت عملت الصح لازم تروح من هون لتنساها .. انت ما لحقت تحبا مستحيل تنسى يلي صار مستحيل تخون .. مستحيل
__
- ايلا : ليش هيك عم يعمل !! انا شو عملتلو ..
بكفي ايلا ليش عم تبكي ومشان مين مشانوووو ما بيستاهل .. متدايق من وجودك ولازم تتركي اصلا الحكي يلي حكاه كان تقليعة الك بس مع شوية احترام .. هه ح اترك البيت بس انا بورجيك
#طلعت ايلا ع غرفتها وضبت غراضها بشنتة وطلعت من البيت وبلشت تمشي بهالطريق
- ايلا : شو مفكر حالو يعني هه .. نسيان انو عندي بيت وانو اصلا هو بيشتغل عند بابا .. كيف كيفففف بيتجرأ يحكي معي هيك ويهيني بنص بيتو وانتي كنتي مفكرة انو هوو كتير حابب وجودك معو هه شو غبية لا واضح كتير انو حابب وجودك معو عنجد غبية ايلا عنجد
#وهي ماشية وعم تحكي مع حالها وسيارات رايحة وجاي فجأة حست انو سيارة بلشت تهدي عندها .. تطلعت ايلا يمين ويسار
- ايلا : لعمى هون مافي لا استراحة ولا شي معقول بدن يأذونيييي .. وينك يا عمر يا ريتني ما طلعت
- عفوا لو سمحتي
- ايلا : تفضل
- عم دور ع الشارع ١٨ بتعرفي وينو
#انصدمت ايلا وقالت بقلبا : شارع ١٨ لعمى هاد الشارع يلي فيه بيت عمر
- يا انسة
- ايلا : ايي
- شكلك مو من سكان المنطقة
- ايلا : لا مبلا لازم تلف وترجع وبنهاية هاد الطريق ع ايدك اليسار في دخلة هنيك بتلاقي الشارع
- شكرا
- العفو
#مشت السيارة بس ايلا كانت كتير مرعوبة ومو مرتاحة ابدا
- ايلا : اتصل بالشرطة ؟ كيف بدك تتصلي بالشرطة ومافي شي تقوليلن ياه غبية .. طب ممكن ارجع لعندو .. اي وبركي مو رايحين لعند عمر هيك بهين حالي خلص رح اكمل هفف يا
#ولسه ما مشت ايلا خطوتين فجأة ..
يتبع...
#اعادة_توجية_للفائدة
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`