الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم حب ثلاثي الابعاد`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
رواياتي📚:
#رواية_حب_ثلاثي_الاطراف
#حب_ثلاثي_الاطراف
#ياسمينة
#الحلقة_الثانية
..
تاني يوم الصبح
فتحت ايلا عيونا شوي شوي وحاولت تستوعب يلي صار ووين هي بعدين تذكرت مبارح كيف حكت كل شي قدام عمر .. قامت بسرعة ونزلت لتحت ودورت على عمر بكل البيت ما لقتوو
- ايلا : اكيد خبرن بكل شي اكيد .. وهلأ هو راح وانا لازم اهرب لان اذا خبرن بكونو ع الطريق جاين .. ليش هيك لك عمر ليشش . لا لا مستحيل يكون خبرن يعني هو شاف حالتي كيف كانت ووعدني ما يخبر حدا .. احسن شي اتصل بماما ووقتا بعرف اذا خبرن او لا
#مسكت ايلا الموبايل واتصلت ب امها
- ام عماد : الوو وينك لك بنتي وينك من مبارحة مختفية ومو قادرين نوصلك ولا نعرف عنك شي والله شغلتي بالي والله الليل ما نمتو وانا عم فكر اذا صايرلك شي او لا
- ايلا : ماما انا منيحة ما تخافي
- ام عماد : وينك قوليلي لاجي لعندك
- ايلا : مافي داعي قلتلك انا منيحة
- ام عماد : طيب ليش هيك طلعتي من الحفلة فجأة شو يلي صار
- ايلا : ماما مو حابة اني احكي شي بس انا بحاجة لحتى ارتاح من كل شي صار .. وبوعدك اول ما ارجع ع البيت وكون منيحة رح خبرك بكل شي صار
- ام عماد : طيب بس قوليلي وينك
- ايلا : ماما وين ما كنت كون لا تخافي معي عمر ورح يحميني واكيد ما ح يصرلي شي اتطمني
- ام عماد : بس يا بنتي يوس..
- ايلا : ماما بدك شي انا بدي سكر
#وسكرت الخط ..
- ايلا : وبدا تحكيلي عن يوسف كمان .. الله ياخدك والله ما بكون ايلا اذا ما بفضح خطتك قدام الكل يا واطي
#سمعت صوت حدا حوالي البيت .. خافت كتير وضلت واقفة مكانا بعدين صار في حدا يحاول يفتح الباب ركضت ايلا ع المطبخ ومسكت سكين وانفتح الباب .. ودخل شخص ع البيت وكان معو غراض كتير
- عمر : حطيا من ايدك هاد انا
- ايلا : كيف عرفت اني ماسكة سكين وانت ما طلعت فيي لسه
- عمر : احساس
- ايلا : وين كنت
- عمر : البيت كان شبه مهجور وما فيه غراض ف رحت جبت شوي غراض مشانك
- ايلا : انا مبارحة ما كان لازم احكيلك القصة ف يا ريت ما تدخل وما تحكي شي قدام حدا
#حط الغراض من ايدو وفتل لعندها
- عمر ؛ ماني متل ما مفكرة انا مو حشري متلك لاتدخل بخصوصيات غيري
- ايلا : شو قصدك انا بتدخل بخصوصيات غيري !!!!
- عمر : لا اعوذ بالله
- ايلا : عفكرة اصلا انا
- عمر : ع كلن ما تخافي ما رح احكي شي قدام حدا واعتبريني ما عرفت
- ايلا : بس
- عمر : اذا جوعانة فيكي تحضري شي سريع وتاكليه
- ايلا : وانت !
- عمر : عندي شوية شغل برا
- ايلا : طيب
#طلع عمر لبرا ووقفت ايلا وحطت ايديها ع خصرها وتطلعت شمال ويمين
- ايلا : وانا هلأ شو بعمل ما بعرف غراض المطبخ وين
#خبصت الدنيا ايلا لحتى قدرت تحضر فطور بسيط لحالها
- ايلا : اووف يا اووف .. لازم نضف المكان
#بلشت ترتب الاكل بالبراد وتغسل الصحون بس انبلت كل تيابها مي .. طلعت لبرا لعند عمر
- ايلا : عمرر
- عمر : شو في
- ايلا : فيك توصلني ع البيت
- عمر : بهالسرعة صار بدك ترجعي
- ايلا : لا مو هيك بس بدي غراضي
- عمر : يعني باقية هون كتيرررر
- ايلا: كأنو ما عم يعجبك شو ما حكيت
- عمر : لا ما هيك قصدي هلأ شوي تانية منروح
- ايلا : عمر فيك تروح انت لحالك
- عمر : ليش
- ايلا : مو حابة شوف حدا
- عمر : بس..
- ايلا : هلأ انا بحكي مع ماما وبقلا تضبلي غراضي
- عمر : لحظة ! امك بتعرف انك هون !!!!
- ايلا : اي انا قلتلا لان ما بدي ياها تخاف وبنفس الوقت مو حابة ارجع ولا شوف حدا ولا احكي مع حدا
- عمر : طيب ..
__
#بعد_ساعتين
#طلعت ايلا من الحمام ووقفت ع الشباك وعم تنشف شعرهاا وتطلع ع عمر يلي كان عم يزبط الورود والشجر ويقطع الغصون وهيك .. صفنت ايلا فيه لمدة .. بعدين عمر رفع راسو وشافا وهي سحبت حالا لورا فورا
#المسا
- ايلا : انت من وين متعلم الطبخ
- عمر : شب ساكن لحالو اكيد بدو يتعلم كل شي
- ايلا : امم
- عمر : ايي روحي عالصالون شوي وبيجهز الاكل
- ايلا : عمر
- عمر : نعم
- ايلا : شو لازم اعمل
- عمر: بخصوص
- ايلا : هلأ عم تعمل حالك ما بتعرف
#ترك السكين من ايدو وتنهد وقال
- عمر : مو قلتيلي لا تدخل
- ايلا : بس انا تعبت كتير من التفكير وما عرفت شو بدي اعمل
- عمر : طيب ..
- ايلا : شو طيب
- عمر : اول شي روحي ع الصالون شوي وبيجهز الاكل وبعدا منقعد ومنحكي
- ايلا : طيب
بلشت ايلا تزبط سفرة الاكل وعمر خلص طبخ وقعدو وبلشو ياكلو
- ايلا : ايييي
- عمر : ايي ؟
- ايلا : قلتلي رح نحكي ع الاكل
- عمر : انا ما الي الحق اني اتدخل او اعطي رأي حتى
- ايلا : بس انا عم بطلب منك هاد الشي هاد ما اسمو تدخل
- عمر : يعني .. برأي
- ايلا : عم فكر افسخ الخطبة
- عمر : يلي كنت بدي قلك ياه غير هيك تماما
- ايلا : كيف !! بدك ياني ضل مع هاد الحقير بعد ما كشفت انو عم يضحك عليي
- عمر : انا ما عم قلك ضلي معو بس لازم تتصرفي شوي ع طبيعتك وما تبيني شي لحتى ع القليلة تفهمي الموضوع كلو صح وقتا بتعرفي شو بدك تشتغليي
- ايلا : ما بعتقد اقدر اتحمل شوف وجهو
- عمر : انتي طلبتي نصيحتي صح!
- ايلا : صح
- عمر : طيب وانا عم قلك غلط انك تفسخي هلأ يعني ممكن يلاقي حجج او اي تفسير ويكذب حكيك لهيك لازم تكملي وتحاولي ما تخليه ياخد مصاري وانا الي رفقات بظن بساعدوني وبقدر اعرف شو المشكلة ولشو بدو المصاري
- ايلا: طيب
___
بعد الاكل .. جهزت ايلا الشاي وراحت قعدت مع عمر وفتحت تلفونها واتصلت ب امها
- ام عماد : ايلااا
- ايلا : كيفك ماما
- ام عماد : منيحة انا انتي كيفك يا امي طمنيني عنك
- ايلا: ماما انا كتير منيحة ما قلتلك لا تشغلي بالك علي
- ام عماد : شو صاير معك يا بنتي
- ايلا : ماما ما بقدر احكي هلأ
- ام عماد : طيب ما بدك ترجعي عالبيت حاج والله مو متعودة تضلي برا البيت
- ايلا : بهاليومين رح ارجع
#وقت كانت ايلا عم تحكي مع امها فجأة بتسمع صوت يوسف وبتنقلب فجأة
- يوسف: مرة خالي هي ايلا
- ام عماد : اي ابني
- يوسف : عطيني .. الو ايلا
- ايلا : اهلين
- يوسف : كيفك وينك قليلي لاجي اخدك هلأ بعدين ليش اختفيتي وما خبرتيني انشغل بالي قوليلي شو اللي صار ايلااا
- ايلا : انا منيحة بس كنت حابة بعد شوي
- يوسف : ليش قوليلي
- ايلا : يوسف بعدين منحكي
- يوسف : طب قوليلي وينك لاجي وضل معك
- ايلا : مافي داعي عمر معي .. باي
_____
- يوسف: الو ... الووو
سكرت
- ام عماد : الله واعلم هالبنت شو صاير معها
- يوسف: عمر
- ابو عماد : شبو عمر
- يوسف : خالييي ايلا خطيبتي انا صح
- ابو عماد : صح ابني
- يوسف : وخطيبتي اناااا قاعدة مع رجال غريب
- ابو عماد : ايلا لما تكون مع عمر متل كأنها معي لا تخاف
- يوسف : انا مو خايف يعني .. يعنيي
يعني ايلا وعمر لحالن بالبيت وهي ع ذمتي ووو
#قبل ما يكمل يوسف كلامو كان خالو ضاربو كف بكل ما فيه من عزم
- ام يوسف: يوسسسسسف
- ابو عماد : لما بدك تحكي عن بنتي بتحكي باحترام .. ابنك شكلو بدو ترباي من اول وجديد
- ام يوسف : ما تواخذو هو غار شوي وبطل يعرف شو يحكي روق انت اخي وانا بحكي معو
_____
#فصلت ايلا المكالمة ورمت الجوال ع الارض
- ايلا : عامل حالو بحبنيييي .. ليششش ليشش هيك يا الله ليشش
#ضمت ايلا رجليها وقعدت تبكي وتبكي.. قرب عمر لعندا
- عمر : لا تبكي
- ايلا : ليش هيك صار فيني
- عمر : تأكدي انو خير الك يعني كان بدك تكملي ولما ياخد يلي بدو ياه يتركك ويهرب
- ايلا : ما الي حظ .. ما لحقت افرح حتى
- عمر : تمام اهدي هلأ وروحي نامي
- ايلا : ...
- عمر: يلا
- ايلا : تصبح ع خير
- عمر : وانتي من اهلو
______________
#قام عمر ووقف عند الشباك بعد ما طلعت ايلا ع غرفتها ..
- عمر : مستحيل.. مستحيل .. عمر اصحى قلبك ما لازم يرجع يدق .. واصلا حتى لو حبيتا ما رح تستفاد شي هي بتحب غيرك .. اصحى اصحى ما رح حب .. ما رح عيد الغلطةة .. لازم ترجع لعند اهلها لازم بعد عنها بس ...
بس وعدتا اني ساعدها وما رح اتركها من اول الطريق .. رح بعد .. رح ساعد من بعيد
ما رح حبا .. انا مستحيل حبا
___________________
#اليوم_التاني
- ايلا : صباح الخير
- عمر : صباح النور
- ايلا : طالع
- عمر : اي
- ايلا : لوين
- عمر : صايرة عم تدخلي كتير
- ايلا : ما كان قصدي ازعجك بس حبيت اسأل فضول يعني
- عمر: لا تكوني فضولية احسن الك.
#طلع عمر من البيت وسكر الباب وراه بقوة
- ايلا : شبو هاد .. بلشت خاف منو
اكيد عندو شغل ومعصب من شغلو .. اكيد
واكيد انا هلأ عم حاول طمن حالي بس مو اكتر افف يا افف
__________
#فاتت ايلا ع المطبخ وبلشت تجهز وتتفنن بالاكل
- ايلا : مشان يعرف مو بس هو بيقدر يتفنن
#خلصت بعد تعب طويل وقعدت تنطر عمر ونطرت ونطرت وعمر ما كان يجي .. وقفت ع الشباك وعم تتفرج ع الحديقة وبعدين قررت تنزل تسقي الورد والشجر يلي بالحديقة
طلعت ع الحديقة وهي عم تسقي كانت الجارة يلي جنبا عم تطلع عليها كتير .. حاولت ايلا ما تبين انو شايفتا بعدين
- انت شو بتقربيه لعمر
- ايلا: عفوا عم تحكي معي انا ؟
- اي معك ليش في حدا غيرك
#كانت صبية بالعشرينات شعرا قصير وطويلة ونحيفة
- ايلا : مافي
- شو بتقربي عمر
- ايلا : ليش هالسؤال
- لان عمر معروف عنو شب عذابي وما الو حدا وكمان ما الو شغل بناات وهالقصص فالكل مستغرب من وجودك ببيت عمر يعني
- ايلا : عمر ..
- شبك تلبكتي ! يه يه لتكوني هربانة من بيت اهلك
#طلعت جارة تانية ع بلكونة بيتا
- تركي هالبنت بحالا شو بدك
- ما بدي شي يا خالتي كنت عم اسألا من فضولي بس الله يستر ع الجميع
- ايلا : انا ما بقربو لعمر بس انااا
- انتي شو صرلك ساعة بتقولي انا وبتتلبكي وبتفوتي بالحيط.. يعني جارنا ومنعرفو ما عندو هالقصص بس الله العليم شو عم تعملي عندو
#بلشوا الجارتين يهمسو بين بعض وايلا واقفة وكتير مزعوجة وبنفس الوقت متلبكة وما عرفانة شو تحكي .. وفعلا بلشت تفكر هي ليش قاعدة هون مين هو لتقعد ببيتو
- حرام شوفي كيف خجلتيا للبنت
- خالتي محدا بيخجل الا اذا كان عامل شي والعياذ بالله
- ايلا : بس انا مو عاملة شي
- لكن ليش ما عم تقولي مين بتكوني
- ايلا : اناا بكون .. انااا
- عمر : مرتي
- ايلا : 😳😳😳
- شوووو !! مستحيلل عمر ايمتى تزوجت
- عمر : ما ضروري الدنيا كلا تعرف اني تزوجت
- قصدي نحن الجيران كنا عملنا عرس وفرحنالك
- عمر : فرحتكن واصلة .. يلا ايلا
#حط ايدو ع كتف ايلا وابتسم .. وردت ايلا بابتسامة مصتنعة وهي مو فاهمة شي .. ودخلو ع البيت
- عمر : ليش طالعة ع الحديقة
- ايلا : ليششش قلت اني مرتك
- عمر : انا يلي سألت بالاول
- ايلا : سؤالك ابدا مو مهم فيك تقلي ليش حكيت قدامن اني مرتك
- عمر : لانك طلعتي لبرا
- ايلا : وشو دخل هاد بهاد ..
- عمر : هنن شافوكي ببيتي شو بقول
- ايلا : فيك تقول رفيقتي
- عمر : وليش ما قلتيا انتي
- ايلا : لانو ...
- عمر: لانو ؟؟ ايلا هون كل شي بيختلف عن مجتمعكن هون رح ياكلوكي بلا ملح .. ما عندن انك تتواجدي ببيتي بلا زواج شي عادي لهيك حكيت
- ايلا : انا ما رح اضل هون شو رح تقلن
- عمر : تطلقنا
- ايلا : الزواج والطلاق عندك سهل لهدرجة
- عمر: بلا كتر حكي وفيكي تخبريني ليش طلعتي برا البيت
- ايلا : لانك طولت
- عمر: كنتي ناطرتيني ؟
- ايلا : لا
- عمر : واضح
- ايلا : مليت وانت مانك موجود قلت بطلع ع الحديقة وبتسلا شوي بس ما كنت بعرف انو جيرانك حشرين لهي الدرجة
- عمر : ما كان لازم تطلعي
- ايلا : انت الصح وانا الغلط دائما اوف يا
#طلعت ايلا ع غرفتها بسرعة وسكرت الباب ورمت حالا ع التخت ..
اما عمر .. ف راح ع المطبخ وشاف طاولة الاكل جاهزة ومرتبة بشكل كتير حلو
- عمر : واضح ابدا انك مو ناطرتيني
#طلع عمر ودق الباب عليها
- ايلا : نعممم
- عمر : ما بدك تاكلي
- ايلا : لا شكرا
- عمر : بس انا تعذبت وعملت هالاكل شكلو ما الك نصيب فيه
#ركضت ايلا وفتحت الباب
- ايلا : انا يلي عملت الاكل
#تضحك عمر من تحت لتحت ونزل وهي لحقتو
- ايلا : ليش عم تضحك
- عمر : ولا شي تعي كلي
_______________
- ام يوسف : اخي بدي احكي معك بموضوع بس بتمنى ما تنزعج
- ابو عماد : شوفي اختي احكي
- ام يوسف : ايلاا .. ما لازم ترجع ع البيت عاد
- ابو عماد : اليوم رح احكي معها
- ام يوسف : اخي يعني بلا مؤاخذة والله انت عاطيها وجه كتير
- ابو عماد : انا بعرف بنتي كتير منيح يا اختي بعدين عمر ابني وانا حكيت لما تكون ايلا مع عمر متل كأنها معي انا
- ام يوسف : بسس
- ابو عماد : اختيييي
- ام يوسف : سكتت
- ام عماد : هلأ انت بتعرف وين بيت عمر
- ابو عماد : بعرف ليش
- ام عماد : خدني لعندا والله ما عاد فيني مو متعودة تغيب عني هيك
- ابو عماد : بكرى الصبح بروح انا بتطمن عليها وبشوف شو صاير معها واذا بدها تجي
- ام يوسف: اذااا بدها تجي !!!
- ابو عماد: انا ما بجبر بنتي ع شي
- ام يوسف : اي ع راحتك اخي .. تصبحو ع خير.
- ام عماد : وانت بخير ... بدك رأي اختك معها حق تفكر هيك هلأ صارت ع ذمة ابنها
- ابو عماد: لو مافي خطر ع حياة بنتك ما بخليها بس هنيك اضمن
- ام عماد : خطر شو ؟
- ابو عماد : كالعادة مشاكل بالشغل واكيد ح يحاولو يخطفوها ليجبروني ع شي وانا كنت كتير خايف عليها وكتير ارتحت انو راحت لعند عمر وانو اجت منها مو مني
- ام عماد : بس يلي شاغل بالي هو شو ممكن يكون صاير معها لتفكر تترك البيت وتروح ع بيت عمر
- ابو عماد : بكرى بحكيهااا
_______________
#اليوم_التاني
#كان الوقت الصبح بكير وايلا كانت نايمة وفاقت ع صوت الباب عم يندق بشكل همجي كتير .. خافت ايلا كتير ونزلت ع الدرج وراحت ع غرفة عمر دقت الباب شوي شوي مرتين بس ما فتحلا .. فتحت الباب ودخلت كان عمر نايم
وقفت ايلا لثوواني وقربت منو ومدت ايدا لتحاول تصحيح وفجأة مسك ايدها ولواهااا
- ايلا : ايديييي
- عمر : هي انتي
- ايلا : مين بدو يكون
- عمر : وليش فايتة ع الغرفة متل الحرامية
- ايلا : مو هيك بس ..
#رجع اندق الباب
- ايلا : مشان هيك اجيت .. شو رأيك تقوم تشوف مين
#قام عمر وراح باتجاه الباب ولحقتو ايلاا .. ولما فتح الباب كانت جارتن الصبية تطلعت اول شي بعمر وابتسمت بعدين شافت وراه ايلا واختفت ابتسامتا
- عمر : اهلين نهى
- نهى : يسعد صباحكك كنت جاي خبركن انو امي اليوم حبت تعزمكن بتعرف انت دائما نحن بنعزم العرسان
- عمر : عرسان ! اا اي مزبوط مزبوط
#كانت ايلا منتبهة ل نهى كيف عم تطلع بعمر والحب مبين بعيونا .. انزعجت ايلا من هاد الشي وقربت تلقائيا من عمر وحطت راسا ع كتفو وحاوطت ايدو ب ايديها
- ايلا : اي منجي ليش لا .. مو هيك حبيبي
- عمر : اي اي منجي ان شاء لله منجي
- نهى : طيب .. انا رايحة
#دفشت الباب ايلا وتسكر بقوة
- ايلا : شرنة 😏
#ومشت ايلا باتجاه المطبخ وعمر لساتو واقف مكانو
- عمر : حبيبي !
- ايلا : اي انا يعني انو هيك بقصد حكيتا بس مشان نبين انو متزوجين بس .. بس يعني مو اكتر من هيك
- عمر : مزبوط
- ايلا : ايي
#رجع اندق الباب .. ركضت ايلا وفتحت الباب بسرعة
- ايلا : خلص جاين لشو راجع... بابا
- ابو عماد : مين جاي ومين هي
يلي راجعة
- ايلا : ما حدا
- ابو عماد : ح ضل واقف ع الباب
- ايلا: لاا .. تفضل ..
- ابو عماد : عم تتعاملي وكأنو البيت بيتك
- ايلا: لا عادي يعني انو هيك
- ابو عماد : ما قلتيلي ليش تركتي البيت
- ايلا : بابا تشرب قهوة .. رح اعمل
- ابو عماد : ايلااا
- ايلا : كنت مزعوجة
- ابو عماد : شو صاير معك حكيلي بتعرفي بحرق كل مخلوق بفكر يزعجك
#سكتت ايلا لثواني وفكرت انها تحكي لابوها و
..
يتبع ...
#اعادة_توجية_للفائدة
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`