الفصل 12
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴2️⃣1️⃣والاخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#بين اختيارين
#الجزء الثاني عشر الأخير
بعد اسبوع
بمكتب العميد عادل
كان انس قاعد عالكرسي يلي مقابل مكتب عادل
وعادل قاعد ورا مكتبو، تنيناتن ساكتين وماعم يحكو شي
عادل: شو ليش ساكت
انس(حاطت راسو بالارض): شو بدك ياني احكي سيدي
بيقوم عادل من مكانو وبجيب كرسي وبيقعد مقابل
انس،و بيبتسم
عادل: ارفاع راسك لشوف
انس(ماعمل اي ردة فعل):...
عادل(بصيغة امر): عم قلك ارفاع راسك انس
بيرفع راسو وبيتطلع بعادل بخجل وتأنيب ضمير
اول ماعادل،بيشوف نظراته بيحن عليه متل،الاب يلي،بحن ع ابنو بعد مايغلط
عادل: كان بدي عاقبك،اكتر من هيك لسا،بس ما اجا من قلبي،مشكلتي بحبك،ياازعر، وبعتبرك بمثابة ابن لاالي
انس:انا بتشرف اني كون عندك بهالمكانة سيدي، وانا برجع بكرر اعتزاري،وبعترف بغلطي
بيرفع اصبعتو بوجه انس (تحذير ):وبيضحك
عادل: هالمرة رح سامحك،ياويلك ياانس ازا بترجع بتكرر غلطك،او بتتصرف بدون ماترجعلي،لحتى حطك عالدولاب
بينزل راسو انس بالارض وبيحكي
انس: وانا جاهز لكل شي سيدي،ازا برجع بعيدها علق مشنقتي كمان
عادل(باابتسامة رضا): اي رفاع راسك رفاع،مابيلبقلك تحط راسك بالارض،من طول عمرك راسك مرفوع لفوق، رفاع راسك ياولد،سماع كلمة ابوك
بيرفع راسو انس وبيبتسم والدمعة بعيونو وبيحس بالغصة
انس: انا باامرك، يااحلا اب
عادل: يعني بترضا كون ابوك!
انس: مااحلاني ماارضا،يصحلي اصلا،
بيغير لهجتو وبيحكي معو بجدية
عادل:شوف ياانس،انا الله ماطعمني الولاد،
بس الله بيشهد انو عندي ياك انت وميسم بنت اخي بالدنيا كلا،وانا بردلكن الخير من كل قلبي،وبتمناكن تكونو احسن الناس،بتمنى ماتكرر الغلط الي غلطو، وتكون واعي،
انس: ان شالله سيدي ،بااذن الله مارح عيدها ابدا
عادل: وعد؟
انس: وعد للموت،اني مارح اتصرف اي تصرف مرة تانية، الا لاارجعلك واستشيرك
عادل: برافو عليك، معناها يلا قوم جهزلي حالك،،اليوم عندك تكريم
انس(مستغرب): تكريم شو سيدي!!
عادل(بنظرةشك): عااساس ماخبرتك ميسم ياكذاب مو
انس:سيدي ماعندي علم بشي
عادل: اي خلص هلق شوي بتعرف،روح خلي الشباب يعطوك بدلتك
البسها وجهز حالك ،وتعال ع قاعة الاجتماع
انس: سيدي مابدك تقلي شوالقصة؟!
عادل: خلص هلق بتعرف، خليها مفاجأة
انس: طيب سيدي،،متل مابدك
عادل: يلا روح محل ماعم قلك
انس: باامرك
بيقوم انس من مكانه وبيلف ضهرو ليطلع
بيتزكر شغلة وبيلتفت لعند عادل
انس: سيدي ممكن طلب،؟
عادل: شوبدك لسا؟
انس: فيني عانقك؟!
بيبتسم عادل وبيفتحلو ايده
عادل:تعا لهون تعا
بيقوم عادل من مكانو
وبيقرب لعندو انس بيعانقو وبيبوس راسه
انس:يخليلي ياك يااحلا اب واحلا عميد بكل الدنيا
بيبتسم عادل بوجهو بحنية وبيضربو ع كتفو
عادل(بمزح): يلا بقا حاجتك كولكة،روح مكان ماعم ابعتك
انس:حاضر حاضر
-------------------
ببيت جلال
كانت رولا عم تحضر سفرة الغدا
وجلال قاعد على كرسيه وقدامو لوحة عم يلونها بالالوان المائية
وفجأة بيسمعو صوت رنة جرس الباب
بيجي جلال ليقوم يفتح بتوقفو رولا
رولا: خليك انا بفتح
بتروح وبتفتح الباب
وبتتفاجئ بالشخص يلي عالباب
بيكون هو واقف وعم يتأمل وجها بحزن
وهي بتضل صافنة. بوجهو حصة،لتتذكر ملامحو
كانت عم تحس بشعور غريب اتجاهه وكانو قلبها عم يقلا هاد ابنك
بيقطع صفنتها جابر
جابر: مابدك تقوليلي تفضل؟ بدك تخليني واقفة عالباب امي؟ !!
بيتجمعو الدموع بعيونها، وبتصير تحكي بصعوبة
رولا: ا ا ان انت جااابر؟!!!
بيقرب هو لعندها وبيضمها بقوة وبيصير يبكي ع كتفها متل الطفل الصغير
جابر: اي امي اي، انا جابر ابنك،ابنك يلي كان يعذبك كتير
بتشد عليه اكتر وبتنفجر بالبكي،
وبتحكي بصوت مليان عتب
رولا: وضليت كل عمرك تعذبني، بس رغم هيك،،ماقدرت ولايوم ازعل منك، او شيل بقلبي عليك، ياتقبر قلبي شو شتقتلك شتقت لعنادك وشقاوتك،شتقتلك ياروح امك،كرمال الله لابقا تبعد عني،والله قلبي طق ع غيابك،ياعيوني انت
جابر: ماعاد بعد عنك، بحياتي امي،وماعاد زعلك، انا اصلا عضيت اصابعي ندم لانو ماكنت اسمع منك،
ببوس ايدك سامحيني وارضي عني
بتبعد عنو وبتحضن وجهو باايديها
رولا: الله يسامحك ويرضا عليك دنيا واخرة ياحبيب قلبي،،دخيل هالوجه انا اي؟!
بينحني لعند ايدها وبيبوسها وبيرجع بعانقها
جابر:يخليلي،ياكي ياروحي
جوا
جلال استعوق رولا واستغرب باانها طولت
صرخ عليها من عندو
جلال: لك شو صار معك يارولا، مين عالباب
وفجأة بتدخل رولا ومعاها جابر
بيجمد جلال باارضو
وبصير يطلع بجابر بنظرات تساؤول
بيضحك جابر بوجهو وبعيونو دموع وغصة بيقرب لعندو وبينحني ع ركبتو
جابر: ماعرفتني يابي ،انا جابر، نسيتني؟! نسيت ابنك!!
جلال(بصدمة): جااابر!!! انت جابر!
بيهزلو براسو (باايجاب)
جابر: اي انا جابر،بابا،
بيشدو جلال لعندو وهو لسا مو مستوعب وبيعانقو وبيبلش يبكي
جلال : لك وين رحت ياابني وتركتنا،ليش غليت قلبنا عليك،كيف اجا من قلبك ياابني كيف
جابر: غصب عني ابي،والله غصب عني،صدقني،
بيبعدو جلال عنو وبيطلع بوجهو وبيبتسم بفرح
جلال: ياروح ابوك انت،كبران وصاير رجال،لما تركتنا كنت فصعون، وعاملي فيها زلمة وكبير
جابر: بس كنت غبي ومابعرف مصلحتي
بينحني ع ايدو وبيبوسها
جابر: ارضا عليي يابي،
جلال: الله يرضا عليك ياابني ويحميلي،ياك، لابقا تعيدا لك ابني وتغلي قلبنا عليك
جابر: مارح عيدا والله مارح عيدا واذا عدتها،يبقا ساعتها تبرا مني،واغضب عليي اعمول الي،بدك ياه،خدامك انا ابو جابر
جلال: ياحبيب قلبي، ياابني، الله يرضا عليك دنيا واخرة
بتقرب لعندهن رولا وبتاخد جابر لحضنها
رولا(لجلال): حاجتك بقا عطيني ياه بدي اشبع منو
جابر: يخليلي قلبك ياحنونة انتي
جلال: الله لايحرمني من هالجمعة الحلوة، ويخليلي ياكن
-----------------------
طلعت ليمار من شغلها
وكانت راجعة عالبيت مشي
وفجأة بتشوف بنص الطريق خناقة بين شبين وفي
بنت واقفة ع جنب وعم تتفرج عليهن
بتوقف هي وبتصير تتفرج عليهن لتفهم شوالقصة
---: ياويلك ازا ،لسا بتدايقها، رح اقتلك واشرب من دمك
بتصفن فيهن وبيخطر عبالها جابر
لما كان يدافع عنها بكل مرة
كان حدا يتعرضلها ويتهجم عليها
حست بشعور غريب وكأنها اشتاقتلو دمعو عيونها
حطت ايدها ع قلبها واخدت نفس عميق
ليمار: الله يفك اسرك،ياجابر، والله الك فقدة،ماعرفت قيمتك لحتى بعدت عني
كملت طريقها وهي عم تتزكر كل المواقف الحلوة بين جابر وعم تبتسم
وفجأة بيقاطع افكارها هاني: شو وين شاردة
بتلتفت لوراها وبتحاول تبين طبيعي
ليمار: ولا شي، شو عم تعمل هون انت؟
هاني: طلعت من القناة ولقيت حالي ضجران،قلت بتمشا شوي، شفتك عم تمشي قلت منترافق بوصلك عالبيت وبروح ع بيتي
ليمار: اي شوعليه ، تفضل ياسيد هاني
هاني(بضحك): يزيد فضلك ليمار خانم ،يااامؤدبة ياموجبة،
ليمار: هههه اي امشي امشي بلا سقالة،
----------------------
بالفرع
بقاعة الاجتماعات
كانو كل الضباط مجتمعين
وعم يحضرو تكريم انس وميسم
قرب اللواء لعند
ميسم وحطلا وسام ع صدرها
اللواء: الف مبروك يابنتي،انتي هلق تحول اسمك من ملازم ميسم،للنقيب ميسم، منو للااعلى نشالله بتستاهلي كل خير
ميسم(بفرح): شكرا الك سيدي،انا عملت واجبي قدام بلدي، والله يقدرني وضلني عند حسن ظنك
بتضربلو تحية
بيبتسم بوجها
وبيقرب لعند انس
بيحطلو اشارة النسر ع كتافو
وبيدقلو ع كتفو
اللواء: وانت يابطل، هلق ماعدت نقيب،انت هلق صرت الرائد انس الصباغ،
انت عملت شي كتير كبير وعظيم،،وبتستاهل تكون بااعلا المراتب
بترتسم ع وجه انس علاماات الفرح،
وبيحس قلبو رح يطلع من محلو،من كتر مانو مبسوط
انس: بالعكس سيدي ،انا الي عملتو اقل من الواجب، شكرا لسيادتك،شرف كبير الي انك تحطلي الرتبة باايدك
اللواء: الله يحميك لشبابك، ويوفقك،،انت من احسن الشباب الي بيمرقو عليي بتاريخ السلطة،ياريت كل الشباب متلك
انس: شهادتك هي بتعز عليي كتير، ان شالله اقدر كون قد هالشهادة سيدي
اللواء: قدها وقدود ياابني، انت قدها وقدود انا متاكد
انس: ان شالله سيدي ،ان شالله
اللواء: يلا انا رح امشي،يعطيكن الف عافية، انتبهو عحالكن
ميسم. انس: الله معك سيدي
بيضربولو تحية
بيطلع اللواء
من غرفة الاجتماعات وبيطلعو وراه كل الضباط
وبيبقى عادل وانس وميسم بس بالقاعة
وبيقرب عادل لعند ميسم وانس
عادل: مبروك ياولاد منو للااعلا ان شاالله،بتستاهلو كل خير
انس: الله يبارك فيك سيدي،يخليلنا ياك
ميسم: يخليلنا ياك ياعمو ومايحرمنا منك
--------------------------
ببيت جلال
كانو رولا وجلال وجابر قاعدين ع السفرة وعم يتغدو سوا
وكانت رولا قاعدة جمب جابر وعم تطعميه باايدها
جابر: خلص بقا امي والله ماني،صغير، بعرف اكل لحالي،
رولا(بمزح): لاماحزرت بدك تاكل من ايدي وغصب عنك،ياويلك ازا مابتسمع كلمتي بكسرك
جلال:امر عسكري ياابني نفذ،
جابر; خلص خلص امركن رح نفذ متل مابدكن
رولا:شطور هيك بدي،ياك
بيتلفت حواليه يمين وشمال
وبيطلع فيهن بتساؤول
جابر: وينها ليمار،،ليش ماشفتها؟!!
رولا: ليمار بالشغل ابني، مابقا الا ترجع
جابر: طيب ليش ماقلتولي،كنا استنيناها عالغدا
رولا: حبيبي اتصلت فيها وقالتلي،انو تغدت مع رفقاتها بالشغل
جابر: اممم ايوا
جلال(بنظرة شك): شو ابني،شايفك مهتم فيها كتير،سبحان من غير الاحوال،من زمان اول ماجبتها عالبيت ماكنت طايقها
بيحط راسو بالارض وبيحك راسو بااحراج
جابر: اي زمان اول تحول ابو جابر
جلال: والله قلبي حاسسني ياولد انك طامس فيها للبنت
بيطلع جابر بجلال وبيتنهد بحرقة قلب
جابر: طامس وبس، والله غرقان ومكتر يابي،بس هي معندة ماعم تسامحني،مابعرف ازا حكتلكن قصتنا
جلال(بعصبية): حكتلنا ابني حكتلنا،الله يصلحك ويهديك،موحرام عليك تعمل هيك فيها،لك بنت متل القمر كيف اجا من قلبك تقصلا شعرها وتضربها
جابر(بزعل): ندمان ابي والله ندمان،
جلال: الله يسامحك بس
بتحط رولا ايدها ع كتف جابر وبتطبطبلو
رولا: لاتزعل امي،ليمار قلبها طيب،واصلا هي سامحتك
جابر(مستغرب):شوعرفك انها سامحتني!!
رولا: هي قالتلي
بتظهر ع وجهو علامات الفرح
وبيمسك ايدها وبيسالها
جابر: بربك؟ امي انتي عنجد عم تحكي؟
رولا: اي امي عنجد
بيقطع حديثهن صوت دقة الباب
بتبتسم رولا وبتأشر بعيونها ع جهة الباب
رولا: هي اكيد هي،اجت
انتفض جابر من مكانو بلهفة
جابر:خليكي انا رح افتحلا
وبيروح دغري ليفتح الباب
بيطلعو رولا وجلال ببعض وبيضحكو
جلال: هالضرسانة اخدتلو عقلو للصبي
رولا: هههه يقبرو قلبي تنيناتن، الله يفرحني فيهن، والله لااعملن عرس كل البلد تحكي فيه،،،،
فتح جابر الباب وكان كتير متحمس وحاسس بشوق كبير الها
لكن تلخبط كل كيانو
اول ماشاف ليمار واقفة مع هاني عالباب وعم يحكو ومدموجين بالحديث
هاني: طيب ع كل حال بكرا منلتقا وبنرجع بنحكي بالموضوع باي
ليمار: ماشي الله معك
بيروح هاني بدون ماينتبه لوجود جابر
بتلتفت ليمار لعند الباب
وبتتفاجئ لما بتشوف جابر واقف عالباب
وعم يتطلع فيها بعصبية
ليمار(بفرح):هاد انت؟ !! الحمدلله ع السلامة،انت ايمتا رجعت؟!
جابر: مين هاد يلي كنتي واقفة معو
ليمار:🙄هاد زميلي بالشغل
بيسحبها من ايدها وبيدخلها لجوا وبيسكر الباب
بيسندها عالحيط وبيحاصرها باايديه
جابر(بغيرة):بتحبيه!!
ليمار(متلبكة):....
جابر: جاوبيني لشوف بتحبيه،
ليمار: لا مابحبو، هو بس زميلي بالشغل مواكتر
جابر:اكيد؟!
ليمار: اي اكيد
بيحس بالراحة وبيصفن بعيونها بحب ولهفة
وهي بتكون عم تبادلو النظرات بيضلو حصة عهالحال صافنين بعيون بعض وعم يحكو بلغة العيون ،مابيعود يقدر يسيطر ع مشاعرو
بيقرب منها اكتر ويبوس جبينها
وبيتحسس وجها باايدو بحنية
جابر: اشتقتلك كتير
تلبكت وفاتت ببعضها
وضلت ساكتة وصرفت نظرها عنو
برملها وجها باايدو وثبت عيونها بعيونو
جابر: اطلعي فيني،انتي ماشتقتيلي ولو شوي؟!
ابتسمت بوجهو بحب ولااول مرة بادرت وضمتو
ليمار:مبلا اشتقتلك ،بس مو شوي، كتير جابر، كتير،
مابيعود بيصدق يلي،سمعو
بيبعدها عنو وبيطلع فيها بعدم تصديق
جابر:شوقلتي،عيدي،بربك شوقلتي
ليمار(بخجل):خلص بلا غلاظة
جابر: امانة رجعي قوليها،
بتطلع بعيونو بحب وبتحاوط رقبتو باايديها
ليمار: قلتلك اني اشتقتلك، اشتقتلك كتيير،
جابر: ياعيوني انتي،وانا اشتقتلك ،ليمار انا بحبك،وبموت فيكي،سامحيني امانة،بوعدك اني عوضك عن كل شي اذى تسببتلك فيه،بس سامحيني وكوني الي
ليمار: انا مسامحتك،مسامحتك جابر، انت صح اذيتني،بس بنفس الوقت عملت كتير لحتى تدافع عني وعن شرفي،وواحد متلك، بيستاهل اني سامحو وافتحلو قلبي،لاني بصراحة مارح لاقي رجال امن ع حالي معو متلك،انا بحبك جابر
بتظهر ع وجهو علامات الفرح وبحس الدنيا كلها مو وسعانته من كتر مانو سعيد
بيغمرها بين ضلوعو وبيبلشو دموع الفرح يتجمعو بعيونو
جابر: يالله شو حلوة هالكلمة منك،هي احلا كلمة بسمعا بحياتي،وانا بحبك ياعمري بعشق الارض الي بتمشي عليها
بيطلع بعيونها وهو مبسوط ومتحمس وبيسالها
جابر: ليمار؟!
ليمار: عيونها
زادت فرحتو وجن جنانو اكتر
جابر: ياااالله، لك يقبروني عيونها انا
ليمار: بعيد الشر عن قلبك، ماتحكي هيك حبيبي
جابر(بهبل): وحبيبي كمان!!!؟؟ اااخ الله يعينك ياقلبي شو بدك تتحمل
امرك امرك ياروح الروح، مارح احكي هيك
ليمار(بدلع): ايوا سماع الكلمة،احسن ماارجع احرد ودجلك حكي
جابر: دجي حكي لتشبعي،ع قلبي احلا من العسل،ولك الله لايحرمني منك ياام لسان
ليمار: ولايحرمني منك ومن حنيتك
بيحط راسو ع راسها وبيقرب منها ليختلطو انفاسو باانفاسها
جابر: بتقبلي تتزوجيني؟ !
ليمار: اي بقبل
جابر: يالله 😍😍😍 مو مصدق ياربي مو مصدق رح احسد حالي عالسعادة الي انا فيها
بيبعد عنها وبيلتفت لجوا
وبيصرخ
جابر: امييي، سمعيني زلغوطة،ابنكن رح يتزوج احلا بنت. بالكون كلو،
بتحط ايدها ليمار ع تمها وبتصير تضحك
وبتضربو ع صدرو
ليمار: مجنون بربي
،
جوا بتكون رولا عم تطلع بجلال بفرح
والدموع بعيونها
بترفع راسها للسما
وبتزلغط بااعلا صوت
رولا: للللوووووويش، الف الحمدلله ياربي،الف الحمدلله
------------------------
ببيت لميا
كانت قاعدة وبحضنها حياة عم تلعبها وتضحكها
وفجأة بتسمع صوت فتح الباب
بتحط البنت من ايدها وبتركض لعند الباب
واول مابتشوف انس داخل بتركض لعندو وبتعانقو وبتصير تبكي
لميا: حبيبي،اشتقتلك ياعمري، ياروح قلبي انت
انس (بعتب): اشتقتيلي وقسيتي عليي كل هالقسوة،كيف لومامشتاقتيلي
لميا: انا اسفة حبيبي مشان الله سامحني،انس انا بحبك وبعشقك،مافيني عيش بلاك بعرف انو كانت ردة فعلي قاسية عليك،بس انا عصبت عليك لاني ماني متعودة عليك تغلط، ماني متعودة عليك غير انس النضيف،يلي بعمرو مابيرضا بالغلط
انس: غصب عني لميا،والله غصب عني، كنت رح موت بدونك،ماقدرت اتحمل غيابك عني،
ماقدرت اتحمل فكرة انو يصرلك شي. حبك عمى ع قلبي ماعاد اقدر فرق بين صح وغلط،كل الي كان بهمني اني رجعك لحضني
لميا: الله يخليلي ياك ياتقبرني،يالله لوتعرف قديش تعذبت بدونك، كان الوقت عم يمرق عليي متل السم،ماغبت عن بالي ولالحظة،
انس(بحسرة): اااخ ع اساس انتي الي غبتي عن بالي. يابنت قلبي،جنيت ع غيابك صرتي حاكي حالي
لميا: الله لايفرقنا بقا،ياحبيبي ولايحرمنا من بعض
انس;امييين ياروح الروح امين
بيمسكلا وجها وبيطلع بعيونها وبيمسحلا الدموع
انس: خلص لابقا تبكي،مابحب شوفك دموعك
لميا: انت مسامحني!!
انس: انا مازعلت منك لسامحك ياقلبي،كل شي منك بتقبلو مستحيل ازعل منك او احقد عليكي
لميا: دخيل قلبك شو طيب وحنون
بيبسلا راسها وبيرجع بيغمرها بين ضلوعو وبيشد عليها
انس: بعشقك انا لموشتي
لميا: وانا كمان
بترتسم ع وجهو علامات الفرح وبيبعد عنها وبيأشرلا ع الرتبة يلي ع كتفو
انس:صح ماباركتيلي ! جوزك صار رائد
بترتسم ع وجها علامات السعادة وبتحط ايدها ع تمها وبتشهق
لميا: ياااا عنجد عم تحكي،حبيبي
انس(بفخر):شوفة عينك لموشتي. اطلعي منيح عالنسر
لميا: ياقلبي انت ريتو الف مبروك،عقبال ماشوفك عميد
انس(بغرور): تسئ،،لواء بدي
لميا:لاتزعل وجنرال كمان ان شالله،انبسط
انس: جنرال؟!! ليش لا حاكم انا بيلبقلي،موهيك حبيبتي؟ !
لميا: هيك ونص ياروحي
التفت لعند حياة يلي كانت مسطحة عالكنبا وعم تلعب وتكاغي لحالها
ابتسم بحنية
وقرب من لميا وباسها من خدها وغمزها
انس: صار دور بنوتي هلق ، انتي بتفضالك المسا
وسحبها من ايدها وقعدها
جمبو عالكنبا وقعد هو جمب حياة
حملها بين ايديه وصار يتأملها
بحنية الاب ع ضناه
بيحط اصبعتو باايدها وهي بتمسكها بكل براءة
انس: ياروحي انتي ياتقبري قلب ابوكي، حياة بابا،
لك ايمت بدك تكبري وتناديلي يابابا ايمتا ياقلبي ايمتا
بيضما لصدرو وبصير يبوسها ويشم ريحتها
انس: مااحلاها هالريحة،الله يحميلي ياكي ياروح البابا
بتقرب لميا منو وبتحط راسها ع صدرو
لميا: حاج بقا بلشت غار انا ها،اوعك تحبها اكتر مني،بموتك والله
انس: انا مابحب حدا اكتر منك، يابنت قلبي، انتي رقم واحد بقلبي
لميا: اممم ومين رقم تنين بقا
انس: مابدها ذكا، اكيد هالبنوتة الحلوة يلي جبتيلي ياها،الله لايحرمني منكن
لميا:ولايحرمنا منك ويديمك فوق راسنا لااخر العمر،ياحبيب قلبي
انس: بحبك بجنون لميا
لميا: وانا بموت فيك،بتنفسك
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*