الفصل 11
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴1️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#بين اختيارين
#الحادي عشر
كان عابد معلق من ايديه
وكان واقف وراه المساعد وعم يعذبو
فجأة انفتح باب الزنزانة ودخل انس
انس(بسخرية): اهلا وسهلا بعابد والله ، نورتنا صديقي، لاتواخذني كان بدي استقبلك انا بنفسي ، بس كنت مشغول،
عابد: انس مشان الله ارحموني، هدول عناصرك من مبارح لهلق نازلين فيني ضرب ،
انس(بمسخرة): له له له، ليش هيك ياعساكر، ليش هيك يامساعد برهوم ، شوهاد يلي عم اسمعو؟ ضيفنا عم يقول انكن ماعم تدللوه ، دللوه ياشباب هاد عابد بيستاهل كل خير،
العناصر: امرك سيدي ،
صارو يضربوه اقوا من قبل وهو يصرخ ،
وانس يضحك بصوت عالي ويقلهن: دللوه هاد ضيف عزيز ،
وبعدين قرب منو ومسكو من رقبتو واطلع فيه بحقد
انس: طلعو وتركوني معو لحالي
عابد: انس مشان الله بكفي
انس: بكفي؟ بكفي لكن ،
شال الكرباج وصار يضربو فيه على بطنو
وهو يصرخ ويترجاه
عابد: مشان الله خلص ياانس
انس: لاا ماخلص لك انا ازا بشرب من دمك هلق مابكفيني ، مابينشفى غلي ، ياحقيرر ،ماصار الا خليتا تكرهني ،
عابد: انت بتستاهل، انت اخدتها مني من الاول ، وكا ن لازم تتحاسب
انس: لك هي بالاصل ماكانت بتحبك ، لااخدها منك ،
عابد: لو ماكنت موجود كانت حبتني، بس انت خربت كل شي،
انس: ماشي ياعابد ، ماشي ازا مابخليك تشتهي الموت ،يااكلب
بيتركلو رقبتو وبيروح لوراه
وبيبلش فيه ضرب وتعذيب
وبيصير عابد يصرخ
وكل مايتوجع اكتر
انس يزيد بضربو اكتر
انس: بدي طالع كل قهري فيك،ياابن الحرام
عابد(يبكي):ببوس ايدك تركني والله ماعاد اتحمل الله يوفقك
بيتجاهلو انس وبيضل عم يضربو
انس : تحمل يااواطي تحمل مني،تحمل
----------------
عودة ع بيت جلال
ليمار: وهي كل القصة
كانو رولا وجلال مصدومين
من الكلام يلي سمعوه
انتفض جلال من مكانو وهو معصب من ليمار
جلال: لك انتي مجنونة انتي،كيف بتعملي هيك،كيف بتروحي لعندهن برجليكي،كييف؟!!
ليمار: سامحني بابا،سامحني والله بعرف اني غلطت
بيرجع بيقعد جمبها
وبيطلع فيها ب لهفة
جلال: يعني هلق ابني جابر عايش؟
بتبتسم وبتهزلو براسها
ليمار: اي عايش
بتسالها رولا يلي كانت كل الوقت عم تبكي
رولا: ووينو هلق ليش مااجا معك،مزالك عم تقولي العصابة نمسكت
ليمار: ماما جابر سلم حالو
رولا(بقهر):لكك ليش ليسلم حالو ليش،
ليمار: لاتخافي ماما،رح يرجع بااسرع وقت،النقيب انس، قال انو مارح يطول بس لبين مايسولو وضعو ويوقعوه على تعهد،بعدين جابر انجر عهالطريق جر،يعني مارح يطلع عليه شي، صدقيني،
بترفع راسها للسما وبتدعي بقلب محروق
رولا: يارب دخيلك،الله يسمع منك يارب
جلال(بحزن): ماني مصدق،ابني انا كان واحد من افراد عصابة؟!! ليش هيك ليش؟!
ليمار:هاد نصيبو بابا،ماتزعل، بكرا نشالله بيرجع ،والله بيعوضكن عن كل الايام المرة يلي عشتوها بلاه
جلال: قليلي كيف صاير شكلو؟ حلو،بشع؟ كيف تصرفاتو ؟ لساتو طايش؟
بتبتسم وبتصير تحكي
عن جابر وهي عم تتذكر كل شي عملو معها الحنية والقسوة وكل شي
ليمار: بالشكل ،بيشبهك كتير بابا،
بس من جوا،مابيشبه الا حالو،مابتعرفو قاسي ولا حنون، ماقدرت افهم شكلو من جوا
تخيل هيك،الشخص المتوحش يلي قصلي شعري وعذبني وكنت رح موت بسببو،هو نفسو يلي انقذني من ايدين هدوك الكلاب
ماقدرت فسر شخصيتو،ولااعرف هو شو،
منيح ولاسيئ،
جلال: الله يصلحو ويهديه بس
رولا: انا بدي روح شوفو
ليمار: ماما مافي داعي،هو رح يجي عم قلك
رولا: وبلكي مااجا
ليمار: رح يجي والله رح يجي،انتي بس طولي بالك،
رولا(تبكي): ولككك اخ اخ منين بدها تجي طولة البال،احترق قلبي ع غيابو،
بتكون ليمار قاعدة بينها وبين جلال
بتقرب من رولا وبتضما وبتصير تبكي معها
ليمار: خلص حبيبتي روقي تقبريني
بيقرب منهن جلال وبيحضنهن تنيناتهن
جلال: الله لايحرمني منكن،ويخليلي ياكن ياشمعات حياتي
-----------------------------
بالفرع
كان انس عند العميد عادل
وحاطت راسو بالارض وعم يطقطق اصابعو
متوتر ومتلبك وموقدران يبلش بحديثو
عادل: شو ياانس،شبك؟ شوالشي يلي قلتلي بدك تعترف فيه
بيرفع راسو انس وبيحكي وهو متلبك
انس:سيدي،انا عملت شي غلط،وبدي اعترفلك فيه وانا مستعد لااي عقاب بتعاقبني ياه
عادل(مستغرب): عملت شي غلط؟! بس انت مابتغلط ياانس
انس: مافي حدا مابيغلط ياسيدي،وانا صدقني كنت مجبور اعمل هالشي
عادل: طيب احكي فهمني شو القصة
بيقوي قلبو انس
وبيبلش يحكيلو كل شي صار معه من اول مانخطفت لميا، لوقت ما سلم البنات لعابد
العميد بينصدم وبتظهر ع وجهو علامات الانزعاج
بيقوم من مكانو وبيخبط ايدو عالطاولة
عادل:لكككك انت مجنون شي
انس: سيدي الله يوفقك اهدا،انا والله كنت مجبور، ماكان قدامي حل،غير اني اعمل الي بدو ياه،كنت خايف ع مرتي،حط حالك محلي،سيدي الله يوفقك،يمكن تتفهمني
عادل:لكك شو بدي افهم شووو؟ الي عملتو كبير،كبيير كتير ياانس
انس(بندم):بعرف سيدي والله بعرف، بس شوكان طالع باايدي اعمل
عادل: للااحول ولاقوة الا بالله،لاحول ولاقوة الا بالله العلي العظيم
انس:سيدي اهدا الله يوفقك
بيحاول عادل يهدي اعصابه شوي
وبيقعد
عادل: لما عابد خطف مرتك، ليش مااجيت وخبرتني؟! ولك ماكنت ساعدتك،واقل شي عرفنا شو نتصرف،ليش تتصرف من راسك لييييش؟!!
انس:سيدي كانت ايديي مربطة، عابد سكرها بوجهي من كل الجهات،انا بوقت الي بعتت ليمار المولى بينااتهن عااساس هي من طرف ابو فارس،
كان كل قصدي،انو تساعدني هرب لميا،،
بس ماكنت حاسب حساب انو يكشفوها،ووقت كشفوها،ماضل عندي حل تاني غير اني اخضع ليلي بدو ياه،لاني عابد مابقا تمشي معو هالحيل هي،
عادل: ولككك ياغبي،،لوكنت حكيتلي كنا فكرنا بشي حل،مو هيك تروح تتصرف من راسك ،وكانو ماعندك كبير
انس:سيدي انا غلطت وبعترف ،بس صدقني غصب عني، كنت خايف ع مرتي ويلي ببطنها،وسيدي انت بتعرف انو انا مالي غيرها،لهيك كان خوفي عليها زيادة عن اللزوم ماقدرت غامر بحياة مرتي بااي شكل من الاشكال،لهالسبب عملت يلي عملتو،سامحني سيدي
بيصير عادل ينفخ ويتلفت يمين وشمال وبيضل ساكت
بيطلع فيه انس بقلق
انس:سيدي رح تسامحني
بيطلع فيه عادل بعصبية
عادل: عم قلبها يمين وشمال،ماعم تظبط معي، كتير كرهتك انس كتيير، لانو التصرف الي تصرفتو كتييير غبي
انس: بعرف سيدي،بس بوعدك مايتكرر الشي يلي عملتو
عادل:بعد شو؟ بعد ماكسرت ثقتي فيك!!! ؟ انت ياانس تخبص هيك خبصة! انت! وانا يلي كنت قول عنك انك من احسن الضباط وكنت قول لحالي،هالشب الو مستقبل،
انس(بحزن): انا اسف سيدي،بس جرب مرة تحط حالك محلي،رح تحس فيني،انا ماعم برر غلطي ابدا،بس انا عم قلك اسباب الغلط
عادل: يعني انا هلق شو لازم اعمل فيك؟!
بيحط راسو بالارض وبيحكي بصوت مكسور
انس:الي بدك ياه سيدي
بيطلع عادل ب انس بغضب
وبيصرخ
عادل:ياابني ياعسكري
بيدخل لعندو العسكري: امرك سيدي
عادل: شيل الرتبة من ع كتافو ونزلي ياه لتحت،
العسكري: امرك سيدي
بيضل انس ساكت وحاطت راسو بالارض
مابيقدر يحكي شي ولايعمل شي
لانو هو بيعرف انو غلط
قرب لعندو العسكري وشال الرتب من ع كتافو
وسحبو لينزلو لتحت
وهنن طالعين كان داخلة ميسم لعند عادل ونصدمت لما شافت منظر انس
ميسم:سيادة النقيب؟!!! لوين اخدينك! !!
بقي،ساكت وماجاوب ب ولا حرف
كمل طريقو العسكري وراح واخد معو انس
دخلت ميسم لعند عادل وسكرت الباب
وقفت قدامو منفعلة ومقهورة
ميسم:شوهاد عمو؟ ، لوين اخدين انس؟!!!
عادل(بعصبية): انس غلط ولازم يتحاسب
ميسم: لاعمو لا، ع شو بدك تحاسبو،حرام عليك،
هو كان مجبور يعمل الي،عملو،صح غلط، بس مقابل هالغلط،هو سلمكن عصابة كاملة،حرام تظلمو حرام والله حرام،حط حالك محلو، يمكن لو كنت مكانو كنت عملت اكتر من هيك،كرمال الله عمو ،والله النقيب انس مابيستاهل الا كل خير
عادل(مستغرب): وانتي ليش كل هالقد،محروقة عليه؟!!،لتكوني بتحبيه يابنت؟!
ميسم: لا موقصة بحبو،بس انا كتير بحترمو،ومعجبة بشخصيتو،وملاقيتا ظلم انو ينحبس
بيكون عادل عابس
تدريجيا بترتسم ابتسامة على وجهو
الشي يلي بخلي ميسم تستغرب
ميسم: ليش عم تضحك؟!
عادل: عم اضحك على طيبة قلبك،
قديشك بنت طيبة،ومابتحبي حدا ينضر
ميسم:سيدي عنجد لانو انس، ضابط شريف،بس الظروف جبرتو يغلط
عادل: ع كل حال اطمني،انا بس رح اعملو فركة ادن، مشان مايرجع يكرر هالغلط،الي غلطو
ميسم(بفرح):عنجد؟! يعني مارح تخبر سيادة اللواء بشي!!!
عادل: لامارح خبرو،واصلا متل ماقلتي هو صح غلط،بس عمل شي كتير منيح بحق الوطن،
يعني عصابة كبيرة،متل عصابة الAKS سلمنا ياها، ف مارح يتحاسب ذنبو مغفور،بس انا مارح خبر اللواء بعملتو،لانو هو ناوي يرفعو من نقيب لرائد،وازا قلتلو انو انس غلط هالغلطة،رح يلغي الفكرة،وانا مابدي،يلغي الفكرة،انس انا بحبو كتير وبعتبرو بغلاوة ابني،وبدي،ياه يكون بااعلا المراتب
بتدخل الفرحة لقلب ميسم بتقوم من مكانها وبتقرب لعندو وبتضمو
ميسم:شكرا كتير عموو،انت احسن حدا بشوفو بحياتي،، دخيل قلبك شو طيب
عادل: هههه،بس هالمرة رح سامحو بس ازا بيكرر غلطو ياويلو
ميسم: اكيد مارح يكرر غلطو اكيد،
عادل: ان شالله بتمنا هالشي
ميسم: ايمتا رح تطلق سراحو؟!
عادل: خليه يومين تلاتة مشان يتربى
ميسم: حرام عمو يومين حاج
عادل: اي،باامرك سيادة النقيب
بتبعد عنو وبتطلع فيه بتساؤول
ميسم:سيادة النقيب!!! ؟؟؟
عادل: اي ليش مستغربة،،ماانتي كمان كنتي مع انس،
ميسم (بفرح): يعني انا هلق رح يصير اسمي، النقيب ميسم؟ !
عادل(بيهز براسو باايجاب): اي نعم، هيك رح يصير اسمك
ميسم: ياااه، عنجد مو مصدقة
عادل: بتستاهلي كل خير انتي،،حبيبتي
ميسم: يخليلي ياك ياعمو،ومايحرمني منك
----------------------
المسا
قاعد بغرفة ديقة ومظلمة
وعم يفكر بكل شي صار معه مقهور ومتدايق ومفكر انو حياتو وقفت هون وخلص هي النهاية
نفتح باب النظارة
ودخل عسكري
حطلو صينية اكل وطلع وسكر الباب
صفن بصينية الاكل بقهر
وابتسم ابتسامة صفرا
انس: هي اخرتك يا انس، تصفى بالسجن،بعد كل شي صار فيك، لسا ضل ناقصك تنسجن،وتتعامل متل المجرمين،
قام من مكانه واخد صينية الاكل حطها قدامو وقعد صفن فيها لدقايق
انفعل ودفشها من قدامو
انس: مابدي اكل،مو انس يلي بياكل هيك، مو انس يلي بينذل
---------------------
كان قاعد وباايدو موبايلو عم يتصفح فيس بوك
مرق قدامو خبر عاجل
وقف عندو
وبلش يقراه بصوت عالي
هاني: القبض على كامل عصابة ال AkS على رأسهم رئيسهم. المدعو : عابد الكساب
صفن وابتسم بفرح
هاني: حلووو كتير،معناها ليمار بتكون خلصت منهن،الحمدلله يارب
وفجأة اندق باب بيتو
قام من مكانو وراح فتح الباب
واول ماشاف الضيف يلي عالباب
اتفاجئ وارتسمت الابتسامة ع وجهو
هاني: هاد انتي وليه مجنونة
ليمار(بدلع): بربك زميل بربك،ماا الي فقدة!!
هاني: الك فقدة وبس، يخرب بيتك، موتينا رعبة عليكي،دخلي دخلي خلينا نحكي جوا
دخلت لعندو وسكرت الباب
وسلمت عليه
هاني: الحمدلله ع سلامتك وليه خوفتيني عليكي
ليمار: الله يسلمك يارب
هاني: لابقا تعيديا وليه، والله بموتك
ليمار: خلص ماعاد عيدا التوبة
بتحط اصبعتا ع تما وبتبوسا
بينتبه هاني انو شعرها مقصوص وبيسالها
هاني:وبعدين ماقلتيلي ليش قاصة شعرك متل الصبيان شوقصتك؟!
ليمار: هلق بدنا نضل واقفين هون!
هاني: دخلي دخلي، التهيت معك ونسيت قلك تفضلي
دخلو عالصالون وقعدو مقابيل بعض
هاني: ع فكرة قبل ماتدقي الباب بتكة كنت عم اقرا خبر القبض ع جماعة عابد
ليمار: الله لايردن كلاب
هاني: قليلي انتي شو صار معك، ليش ختفيتي
ليمار(بحزن):اااخ شو صار فيني، تبهدلت يا هاني
هاني: يالطيف ياليمار شو اكلت هم ماترجعي، اهلك المساكين قلبو الدنيا عليكي ،وامك تسالني ازا بعرف عنك شي، وانا اتهرب وقلا لامابعرف،خفت كتير،قلت والله ازا عرفت انك رايحة عند عصابة لتنجلط
ليمار: كلو مني الله لايعطيني العافية،شو بحط حالي بكل موقف
هاني: شفتي انك هبلة ومتهورة؟! خرجك الله لايقيمك
ليمار(باانزعاج): هلق هيك!! الله يسامحك بس
هاني: ماقلتيلي شوقصة شعرك،وشو صار معك لحتى تاخرتي وماعد بين عنك ولاخبر، كشفوكي ما؟
ليمار: طبعا كشفوني، ودوقوني الويل
هاني(بحماس): احكي احكي لشوف شو الي صار
بلشت تحكيلو الي صار معها من لما كشفوها جماعة عابد،لااخر لحظة وهو عم يسمعها بحماس
------------------
متسطح ع احد التخوت بالنظارة وعيونو معلقة بالسما
عم يفكر بينو وبين حالو وعم يحلم باايام حلوة،
وشغلات مابيعرف ازا بتتحقق او لا
جابر(بقلبه): ماني مصدق ايمت ارجع شوف امي وابي،والله اشتقتلن كتير،ماعاد اقدر استنا اكتر من هيك ،ياررب تمضي هالكم يوم بقا، وارجع اجتمع بااهلي،اهلي يلي حترق قلبهن ع غيابي
بتخطر عبالو ليمار بيحس بغصة وحرقة قلب وبيصير يدعي بقلبو
جابر: وليمار كمان،يارب،حنن قلبها عليي،
وخليها تحبني،انا وحياة اسمك بحبا من كل قلبي، وبدي ياها، لاتخليها تضل حاقدة عليي،انا مابقدر عيش بدونها ولالحظة،هي صارت كل حياتي
دار وجهو عالطرف التاني واطلع بباب النظارة واخد نفس عميق
جابر(بقلبه):مالي غيرك يارب
غطا حالو بالبطانية وحاول ينام
ويحلم ببكرا جديد خالي من كل الماضي الاسود يلي عاشه
ستضحك لنا الايام
رغم كل ذلك السواد الذي عشناه
وسنحيا تلك الاحلام الصغيرة التي خبئت
ايسر صدورنا، اليس كل شيئ بيده الله؟!
اذا لاداعي للقلق، فقط تفائل ،وسلمه،جل احلامك،،💙
،،،،
-------------------
عند هاني وليمار
هاني(بصدمة): يااخ كل هالشي صار معك!
ليمار: اي والله ياهاني
هاني: يلا الحمدلله ع سلامتك كمان،منيح انو رجعت شفتك بخير
ليمار: الله يسلمك يارب
بيبتسم بوجها وبيهتف
هاني; صحي الي عندك خبر حلو كتير
ليمار: خير شوفي!!
هاني: مدير القناة سالني عنك،
وطلب مني انو اتواسطلو عندك لحتى ترجعي عالقناة
ليمار(مستغربة): افف شو الي غيرو،ماهو يلي قلعني
هاني: اي قلي انو هو كان معصب وندم لانو حكاكي بقسوة،وطلب مني اعتزر منك بالنيابة عنو ورجعك عالقناة،
ليمار(باانزعاج): اممم هيك لكن،
هاني: شوقلتي،لكن! بترجعي عالقناة؟
ليمار: مابعرف لسا اخدة موقف. وبعدين انا بنت كرامتي فوق كل شي،مابتحمل حدا يبهدلني
هاني: مابدي مابعرف ليمار،الله يوفقك رجعي،الرجال غلط واعتذر
ليمار(بتردد): تركني،فكر
هاني: مابدها تفكير وليه،رجعي وخلص،الزلمة ندم لانو عصب عليكي وطلب مني رجعك ،
ليمار:....
هاني:شوقلتي!!؟؟
ليمار: خلص عين خير
هاني: بدي كلمة
بتبتسم وبتستسلم
ليمار: خلص موافقة رح ارجع
هاني(بفرح): يعنييي 🤩🤩 رح نرجع زملاء
ليمار: هههه اي رح نرجع، كرمالك بس
هاني: ولككك على عيني احلا زميلة،معناها جهزي،حالك من بكرا رح تجي عالقناة
ليمار: لك لاشو بكرا،بدي كم يوم لاارتاح، وظبط شعري،ولاقيلي شي افكار جديدة،لحلقات برنامجي،شو الشغلة شوربة !!
هاني: ماشي ماشي،المهم انك رح ترجعي،
---------------------------
ببيت لميا
اجاها تلفون من ميسم
وخبرتها انو انس انحبس
حست بالقهر حطت التلفون من ايدها وغصت بدموعها
كانت عم تحس بالندم وتأنيب الضمير
انهارت بالبكي وصارت تضرب حالها كفوف
لميا: كلو بسببي،انا السبب،انا، هو عمل كل شي كرمالي عمل كل شي حتى ينقذني، واخر شي انا استقبلتو اسوء استقبال، وقسيت عليه،واخرتا شوو،اخرتا صفي بالحبس،وكلو كرمالي انا،وبسببي،ياريتني ودعتو ياريتني ماقسيت عليه،
مابكفي كل شي صار فيه،جيت انا وزدتها عليه،لككك الله ياخدني،
سمعت صوت بنتها عم تبكي بالغرفة مسحت دموعها و قامت من مكانها
دخلت لعندها عالغرفة وحملتا بين ايديها
لميا(تبكي): خلص ماما خلص والله مو متحملة انا
ضمتها لصدرها وصارت تهزها لتهدا
رفعت راسها للسما ودعت بقلب محروق
لميا: يارب تفك اسرو وترجعو بالسلامة،دخيلك يارب،انا بعرف اني،قسيت عليه،بس موباايدي،نقهرت كتير لما دريت بعملتو، ،،،،
قعدت عالتخت وحطت حياة جمبها
فتحت موبايلها ودخلت ع صورة لاانس
اتأملتها بحرقة وضمت الموبايل لصدرها
لميا:تقبر قلبي نشالله
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*