الفصل 10
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴0️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#بين اختيارين
#الجزء العاشر
صف سيارتو بمكان قريب من. منطقة الشريط الحدودي
حواليه شاحنات مصفوفة والدنيا معتمة بالمكان
كان بدو ينزل من السيارة
تزكر شغلة طالع تلفونو
وعمل اتصال
طوط، طوط،طوط،
جابر(بصراخ): وينها ليمار ولاه
سعيد(بخبث): ليماررر،اااخ على ليمار،ليمار خلص صارت الي،الليلة رح نقضيها سوا، رح تنام بحضني،ورح تكون الي،اييييه ياجابر ايه،شو رح قضي ليلة حلوة انا وياها
جابر: ليك ولاه بقتلك انا والله بقتلك وباكلك بسناني ازا بتساويلا شي
سعيد(بمسخرة); ههههه اي روح نقلع روح، لعما بعيونك شو جحش،قال بدو يموتني، انت بدك تموتني انت!! هههههه،عشنا وشفنا
جابر:سعيييييد،لاتلعب معي ،عقلي وبتعرفو،والله ازا مسكتك مارح ارحمك والله
سعيد: اي روح نقلع روح درمل،ماني فاضيلك
بيفصل الخط بوجهو وبيقلب لورا وبصير يضحك
سعيد:ههههههههههااااي، ياحرام،هلق بيكون قاعد عم يبكي ع حبيبة القلب،هههه يامسكين ياجابر
بيفتح باب السيارة وبينزل
وبيقرب ناح احد الشاحنات
بيكون فيها شبين
سعيد: يعطيكن العافية شباب
--: اهلين بالمعلم سعيد
سعيد:شوصار معكن؟ ايمتا رح تطلعو؟
--:معلم خبرونا انو في دورية جمارك عم تشدد عالتفتيش،،بس لبين ما يخف التفتيش ويلتهو، طالعين
سعيد:ميسرة يارب، مو خبيتو البضاعة منيح؟
--:كل شي تمام سيدي،
ماحدا رح يشك انو في حشيش،
مجرد شاحنة وناقلة خضرا
سعيد: حلو كتير الله يوفقكن،انا قاعد هون عند ابو الريم اشرلن باايدو ع بوفيه قريبة كتير من المكان الي هنن فيه وكمل:
بس بدكن تطلعو خبروني بدي اكشف عالبضاعة مرة تانية هيك بدو المعلم عابد
--: اي متل مابدك
سعيد: يلا موفقين
وبيتركهن وبيرجع بيروح بيدخل عالبوفيه ،،،
------------------
ببيت جلال
كانت رولا نايمة والدكتور جمبها عم يطمن ع وضعها
خلص فحص واطلع بجلال يلي كان قاعد جمبها عالطرف التاني
جلال:شو دكتور؟
الدكتور: مافي شي خطير، مجرد صدمة اكلتها،كتبتلا ع شوية ادوية،ياريت تجبلا ياهن عليها العافية
جلال:،الله يعافيط دكتور
حط الدكتور الراشيتا واخد شنتايتو وطلع
وراح وراه جلال لللباب
جلال: الله معك يادكتور شكرا كتير عذبناك
الدكتور:لاولو هاد واجبي
طلع الدكتور، سكر جلال وراه الباب
ورجع دخل لعند رولا وقعد جمبها
وفجأة بتبلش تهلوس وتحكي بصوت متعب
رولا: جابر،ليمار،وينك ياجابر ،جابر امي
مسك ايدها جلال وبلش يضربها ع وجها بهدوء ليصحيها
جلال:رولا عم تسمعيني، رولا مشان الله اصحي حبيبتي
رولا: جااابر، ابني،وينك ياا مي
جلال: رولا حبيبتي شبك، مشان الله اصحي حاكيني
واخيرا بتفتح عيونها وبتصفن بجلال شوي
وبتنفجر بالبكي
بياخدها جلال لصدرو وبيصير يهديها
جلال:خلص حبيبتي كرمال الله خلص، قليلي شبك ليش عم تبكي
رولا(عم تبكي):....
جلال: رولا مشان الله خلص،
بيضل عم يهديها وهي ماعم توقف بكي
---------------------
عند ليمار
بعد مااخدت دوش
كانت بالمطبخ عم تحضر عشا لسعيد
عم تحرك الطبخة وتبربر وتحكي مع حالها
ليمار:وكمان بدك سهرة واجواء ياابن الكلب،رح فرجيك السهرة عااصولها. يااحقير يااواطي،يلعن ابوك حقيير،مافشرت تلمسني،
سكبت الاكل بالصحون
وحضرت طاولة العشا ومدت ايدها ع جيبها
طالعت قنينة دوا اطلعت فيها وصفنت بحقد
ليمار:لشوف كيف رح تقرب عليي ياابن الحرام
فلاش بااك: بعد ماخلصت ليمار مكالمتها مع سعيد
رجعت التلفون للصيدلي
ليمار:شكرا كتير الك
---:العفو
ليمار(متلبكة): بلاقي عندك منوم عيار تقيل
---: اي في
ليمار: ممكن تنزلي وحدة
--:اي تكرم عينك
بيروح ع احد الرفوف وبيجبلا عبوة من الدوا وبيعطيها ياها
ليمار: شكرا كتير الك
قديش بدك؟
---:خمس تلاف لوسحمتي
طالعت من جيبها مصاري وعطتو ياهن
بااااك:
قربت ناح طاولة الاكل
حطت بااحد اطراف جاط الاكل من الدوا المنوم وحركتو منيح
قعدت عالكنبا وصفنت
كانت من جواها خايفة ومتوترة، بس عم تحاول تهدي حالها
رفعت راسها للسما وتنهدت
وعيونا دمعو
ليمار: يارب دخيلك لاتضرني، كون معي بكل لحظة،انت بتعرف ليش انا جيت لهون يارب، لاتخليهن يضروني،
نزلت راسها واطلعت عالساعة كانت الساعة حوالي ال: 9 المسا
ليمار: كانو تاخر هالحيوان،ان شالله مابيرجع يارب،يبعتلو قتلو نشالله
اما عند الشباب برا
كانو عم يحكو بين بعضهن
--:شباب كانو المعلم تاخر
--: هو قال بدي غيب كم ساعة، المعلم عابد طلب منو يكشف عن شاحنات الي رح تطلع اليوم
---: اي بس تاخر
--:بجوز لهلق الشباب ماطلعو
--:خير نشالله، وشوبدنا نعمل بهي يلي جوا(ليمار)
---;ولاشي شوبدك تعمل خلي عينك عليها منيح،لاتقوم تغدر فينا وتهرب
--: اي شو تهرب ماتهرب بقص رجلها ،قال تهرب قال
----------------------
عند سعيد
ضرب عينو ع ساعتو
كانت الساعة حوالي ال9 وكم دقيقة
سعيد: كانو الشباب تاخرو،مابدهن يطلعو يعني
ابو الريم: الجمارك اليوم كتير عم تدقق ع الحراسة والتفتيش،يعني ازا طلعو بهالوضع، رح ينمسكو
سعيد: لا الله لايقدر، معناها انا رح روح باينتا شغلتن مطولة، دخيل عينك ازا حدا من الشباب اجا لعندك، خبرو انو الليلة يضلو ناطرين، بس يشوفو الوضع مناسب، يطلعو
ابو الريم: اي تكرم عينك معلم سعيد
بيقوم سعيد من مكانو
سعيد: يلا بخاطرك،انا لازم امشي
ابو الريم: الله معك معلم
بيطلع سعيد من عندو وبيتوجه ناح سيارتو بيركب فيها وبيصفن وبيتزكر ليمار
وبصير يفرك ايديه ببعض
سعيد: لنروح عند الطيرة،احسن شي،اي ولي على قلبي انا،
بيشغل سيارتو وبيمشي،،
وهو مشغل اغاني هابطة وعم يترقوص ويغني
سعيد:شعراااتاااا ولووو عيونا ولو، جمالا ولو
ولما بيوصل بنص الطريق
بيعترضو طريقو شبين، لابسين مدني
ولافين مناديل ع راسهن
وهيئتهن هيئة مهربين
وعم يصرخو:يامعلم سعيد وقف، يامعلم
بيستغرب من وقفتهن بنص الطريق
بيوقف السيارة وبيجي لينزل
بيجو هنن لعندو
وبيوقفو كل واحد منهن من طرف
--:كيفك معلم
سعيد(مستغرب):مين انتو وشوبدكن
وفجأة بيفتحو ابواب السيارة وبيطالعو مسدساتهن وبيحاصروه من الطرفين
---:رفااع ايديك لفوق ولاك
سعيد(بخوف):لكك شو بدكن مني انتو
بينحرو واحد منهن بالمسدس ع راسو وبيصرخ فيه
--:ايديك لفوووق
بيرفع ايديه سعيد وبيستسلم
وفجأة بيجو 3 شباب
هيئتهن كانت غريبة ع سعيد
وبيوقفو قدام السيارة
وهون سعيد بيوقع قلبو وبيفهم
انو هو نكمش
بيقرب واحد منهم من السيارة وبيطلع ب سعيد بنظرات شماتة
سعيد(بخوف): مين انت
فادي: معك الملازم فادي من الامن الجنائي
بلع ريقو واتعرق واصفر وجهو
سعيد:ولييييي
فادي: ههههه رحت فيها بشربة مي يامعلم سعيد
بيطلع عالعناصر وبيصرخ فيهن
فادي: نزلوه وخدوه عالسيارة
بينزلو الشباب وبياخدوه ع سيارة الامن
بيكلبشوه وبيزتوه فيها وبيمشو
وبيجي واحد منهن بيركب سيارة سعيد وبيلحقهن،،،،
---------------------
عالحدود عند المهربين
اتعرقلت عملية التهريب
وكانت قوات الجمارك مشددة الحراسة عالسيارات يلي عم تمرق
بعدهن شاحنات جماعة عابد وسعيد مكانهم وماحدا منهم عم يتجرأ يمرق او يقرب ناح الحدود،
لااجل التفتيش الدقيق،
نزل واحد من الرجال من الشاحنة وراح، ناح بوفيه ابو الريم
دق الباب عليه ودخل
---:كيفك ابو الريم
ابو الريم: ياهلا تفضل
--:يزيد فضلك، كان بدي شوف المعلم سعيد،وينو مالي شايفو
ابو الريم: المعلم سعيد طلع من ساعة
شافكن تاخرتو بالطلعة، طلب مني اعطيكن خبر، انو تضلو الليلة عم تستنو، ازا مامشي الحال،وضل التفتيش دقيق، الغو التهريبة اليوم
--:طيب يعطيك العافية، بس هو ماقلك وين راح؟
ابو الريم: لاماقلي
--:طيب ماشي سلام
وسكر الباب وطلع من عندو ورجع عالشاحنة
كان رفيقو قاعد بالمقعد يلي جمبو
--:شوقلك المعلم؟
--:المعلم مو موجود، راح ،بس تركلنا خبر، انو نضل هون الليلة،
-------------------
عند انس
كان قاعد بمكتبو وعم يفكر بالعملية، يلي رح ينفذوها الليلة
انس(بقلبه): ماعم صدق ايمت شوفك يالميا،شتقتلك كتير، واخيرا رح نلتقي،واخيرا رح ترجعيلي ياروحي
قطع صفنتو دقة الباب
اطلع عالباب وحكا: تفضل
دخل احد العناصر لعندو :سيدي الملازم فادي
والعناصر رجعو ومعهن سعيد مهنا
انس(باابتسامة نصر): خليهن يدخلو
العنصر: امرك سيدي
طلع العنصر وبعد دقايق دخل فادي ومعو العناصر مكلبشين سعيد رموه بالارض
وضربو تحية لاانس: احترامي سيدي
قام انس من ورا مكتبو وقرب لعند فادي ودقلو ع كتفو وابتسم ابتسامة رضا
انس: برافو عليك يافادي احسنت
فادي: هاد واجبي سيدي
نزل انس لعند سعيد،يلي كان خايف وعم يبكي
وابتسم بشماتة
انس: يااهلا وسهلا بشريكو لعابد والله
سعيد(حاطت راسو باالارض):...
بيرفعلو انس راسو بقوة
وبتتغير نظراته
انس: وينها ليمار المولى ولاك
سعيد:مابعرف
انس:اممم، مابتعرف قلتلي،طيب اوكي، بصير خير
بيلتفت لعند العناصر وبيغمزهن
انس: نزلولي ياه لتحت
وخلوه يعرف وين مكان ليمار
سعيد(مرعوب):ياسيدي ببوس ايدك لا
انس (بصراخ); قربووو خدوه
بيقربو العناصر لعند سعيد وبيجروه لتحت
وهو عم يصرخ ويستنجد: دخيلكن لا ببوس ايدكن
بيبتسم انس وبتبين ع وجهو علامات الفرح
انس(بقلبه):وهي خلصنا من اول واحد
فلاش باك:
قبل كم ساعة
حمل انس تلفونو واتصل بجابر
انس: اي جابر جهز حالك ، رح نهجم الليلة
جابر: طيب سيدي. بس شو مشان ليمار؟
انس:شبها ليمار رح نقبض ع عابد،وهو رح يعترف بمكانها هي وسعيد
جابر:بس سيدي انا حكيتلك حتى تساعدني مابدي ياها تنضر. لبين ماننفذ العملية بيكون الي ضرب ضرب والي هرب هرب،وفهمك كفاية سيدي،
انس:طيب طيب ماتاكل هم، انت بس عطيني رقمو، وانا بتصرف
جابر:رح ابعتلك ياه برسالة،
انس: اوكي عم استناك
سكر الخط جابر وبعتلو رقم سعيد
وصل الرقم لاانس
دخل عليه واتصل، طووط،،طووط،،طوووط،،
سعيد: الو نعم
بيغير صوتو انس وبيحكي بصوت مختلف
انس; مرحبا،كيفك علاء
سعيد(مستغرب):مين علاء؟ عفوا النمرة غلط
انس:يعني انت مو علاء؟
سعيد:لا ماني علاء
انس:لكن مين معي؟
سعيد: مادخلك
وبيسكر الخط بوجهو،
بيصير يضحك انس
انس: اي شو عليه،مادخلني مادخلني،تكرم عينك
بيصرخ عالعسكري
انس:ياعسكري
بيدخل لعندو: حاضر سيدي
انس: بعتلي ورا الملازم فادي
العسكري: امرك سيدي
طلع العسكري وبعد شوي اجا الملازم فادي لعند
انس
قعدو وصار يحكو
انس: انا بعتت وراك يافادي، لاني بدي ابعتك بمهمة
فادي: خير سيدي شوالقصة
بيكتبلو رقم سعيد ع ورقة وبيعطيه ياها
انس: هاد الرقم بدي تتبعلي ياه
وتعرف مكانو
فادي:رقم مين هاد سيدي؟
انس:رقم سعيد المهنا،شريك عابد الكساب
فادي: اها، طيب ماشي سيدي،
انس:شوف شغلك وردلي خبر بااسرع وقت
فادي: عطيني نص ساعة وبكون كل المعلومات عندك
انس: الله يقويك
بيروح فادي وبيرجع بعد نص ساعة لعند انس
فادي:سيدي صاحب الرقم موجود، بمنطقة اسمها ال**** قريبة من الشريط الحدودي
انس: تمام معناها سماع شوبدي قلك
فادي: تفضل سيدي
انس: بتبعت تنين من شبابنا
وبتلسهن مدني، عالمنطقة يلي هو موجود فيها
بتعطيهن صورتو وبيراقبوه
اول مايكون لحالو ويصحلكن فرصة تمسكوه،بتمسكوه وبتجيبولي ياه لهون، بدون ماتحسسو اي حدا، باانكن امن، واذا بتمسكوه بطريقة سرية للغاية بيكون احسن
مابدي يوصل الخبر لعابد، مفهوم؟
فادي: امرك سيدي
انس: خلي العناصر يلبسو مدني،وانت كمان
فادي: متل مابدك
انس:شوف شغلك يافادي مابترجع الا وسعيد معك
فادي: ان شالله سيدي اوثق فيني
انس: الله يكون معك
بااااك:
بيقوم انس من مكانو وبيقعد ورا مكتبو
وبيطلع عالساعة وبيتوتر
انس:لهلق الساعة عشرة ونص. اففف وكانو الوقت ماعم يمضا ابدا
ياربي دخيلك ،يمشي هالوقت بقا
-------------------
وفعلا مشي الوقت ومرق 3 ساعات ونص
عند جابر
كان قاعد وعم يفكر ب يلي رح يصيروعم يطقطق اصابعو
متوتر ومقهور وخايف ع ليمار
وقلبو كل الوقت معها
ضوت شاشة تلفونو بااتصال من انس
بلهفة فتحلو الخط
جابر: احترامي سيادة النقيب
انس:جاهز ياجابر
جابر: جاهز ومستعد بس عم استنا كلمة منك
انس: كيف المعنويات
جابر: حديد سيدي
انس: مابدي توتر، نحن رح نكون برا ، اول ماتطلعو. رح نهجم ،
جابر: امرك سيدي، بس سيدي شو مشان ليمار؟
انس: اطمن مارح يصير عليها شي
جابر(مستغرب):ليش شو القصة
انس: لانو سعيد تم القبض عليه
بينت ع وجه جابر علامات الصدمة والفرح بنفس الوقت بس ماكان فهمان شي
جابر(بعدم استيعاب):عنجد عم تحكي؟
انس: اي عنجد
جابر: بس كيف هيك!؟؟
انس: ولو جابر، هاد سر مهني،ومافيني خبرك فيه، لما تتم العملية،ونخلص من عابد وجماعتو بخير وسلامة،يبقا بتعرف القصة،اصلا انت شوبدك المهم انو نمسك
جابر:طيب سيدي وليمار وين؟
انس: مامنعرف عنها شي، بس هلق الشباب عم يشوفو شغلن معو رح يخلوه ينطق بمكانا بالصرماية
جابر: ان شالله سيدي،شكرا كتير الك ممنونك
انس; هاد واجبي ياجابر، ،،،قلي هلق
جابر:شو
انس: الكل نامو؟
جابر: لامو الكل بينام هلق ،بس مافي حدا برا غير الحراس
انس: طيب ، اوعا حدا يحس عليكن ، اصلا نحن بدنا ساعة لنبلش. لبين ماتشرب الحراس الشاي وينامو
جابر: ولايهمك كل شي رح يكون متل مابدك ،بس انتو كونو جاهزين
انس: نحن طالعين هلق، وانت روح شوف شغلك يلا ،الله يقويك
سكر جابر التلفون وجهز حالو
حاول ينسى التوتر وقف على حيلو بكل قوة
وطالع من الخزانة كيس بودرة
وصفن فيه وتزكر الاتفاق يلي بينو وبين انس
فلاش بااك: بااول مرة اتصل فيها جابر باانس
جابر: سيادة النقيب، انا بدي اتعاون معك ،وحط ايدي باايدك،
انس(بااستهزاء): ههههه لك شوشايفني جدبة ولاك لحتى صدق كلامك،قلي لشوف شواللعبة الي بدك تلعبا عليي
جابر:سيدي انا والله مابدي العب عليك، انا عنجد عم احكي بدي اتعاون معك،لحتى تنقذ مرتك وتقبض ع كل العصابة
انس(بلهجة تهديد):ليك ولاه لاتشتغل فيني، قلي شوبدك
جابر: عنجد انا عم احكي،سيدي انا صح واحد من رجال عابد،بس صدقني انا عبد مأمور ،انا نجريت لهالطريق متل ماغيري نجر،ف بترجاك صدقني ،انا مستعد ساعدك بكل شي وخليك تقبض ع كل العصابة بس عندي شرط
انس(بااستهزاء): وفي شروط كمان، شو شرطك سيد جابر؟
جابر: برائتي،برائتي سيدي،مابدي انحبس متلهن
انس: لك بني ادم اذا انت عنجد عم تحكي وهي مو خدعة منك، اول ماتتعاون معي، وتحط ايدك باايدي ماحدا رح يقرب عليك،بس انت صادق ولا هي خطة من معلمك؟ لتوقعوني بشي مكيدة؟
جابر: لا لا والله العظيم انا صادق
انس; طيب انت فيك تجي لعندي؟!!
جابر: الاحسن انو نخطط عالتلفون
انس: خايف مني؟!! لاتخاف مارح ائذيك طول مانك صادق معي
جابر: سيدي خلص عالتلفون احسن، مابتعرف شو بصير
انس: طيب، معناها سمعني شو رح قلك
جابر: عم اسمعك سيدي
بالليل رح يكون تنفيذ خطتنا ، ورح تطلعو من النفق ،
انت قبل بساعة من التنفيذ ، بتحط للحراس يلي ع باب النفق مخدر باابريق شاي او اي مشروب،
بس ينامو ، بتجيب لميا والصغيرة، بتطالعهن من النفق ،وانا رح كون عم استناكن برا، ومعي عناصري ،
بتترك الباب مفتوح ، مندخل منتسلل لجوا المزرعة ،
وهداك الوقت بيكونو الامن محاوطين كل المنطقة،
وانا هيك بكون ضربت عصفورين بحجر، انقذت مرتي، ومسكت المطلوبين ،
جابر: وانا موافق
انس: مابدي خوف او ارتباك مابدي حدا يحس على شي
جابر: ولايهمك، انا مابخاف من شي
انس: وهو المطلوب، استنا رسالة مني
جابر: امرك سيدي
انس: يلا الله معك ،
بااااك:
جابر: اجا الوقت لحتى ذلك ياعابد، متل ماذليتني انت ورجالك،وصلت معكن المواصيل،لاامي،،ماشي اذا ماببكيكن دم
طلع من الغرفة ومعو كيس بودرة حطها بجيبو ونزل عالنفق
كان في شبين ، هدول موجودين على باب النفق من جوا ، بيراقبو الوضع مشان ازا حدا من الي موجودين بالمزرعة فكر يهرب
وبقلب النفق في شبين
بيراقبو الوضع برا المزرعة ، مشان ازا كان في شي هجوم عليهن ،
يتبع ...
تكملة البارت 10
جابر: كيفكن شباب
الحراس: اهلين معلم
جابر: مو جايني نوم ، قلت بجي بسهر معكن
الحراس: بتنورنا
جابر: رايح اعمل شاي ،اندهو للشباب يلي برا خليهن يجو
الحراس: نحن منعملا معلم
جابر: لا لا انا بحب اشربها من تحت ايدي ،
راح عالبوفيه ، حط مي وسكر باابريق الشاي وحطو عالنار،
بظرف دقائق غلت المي ، حط بقلبها الشاي
وصبها بكاسات ،
طالع البودرة من جيبتو وحط بكل كاسة معلقة وحركها منيح لتدوب
وصب كاسة شاي الو واخد الكاسات وطلع وزعهن عالشباب ، ،،،،،
--------------------
بالفرع
دخل انس لعند الشباب بالنظارة تحت
كانو الشباب معلقين سعيد من ايديه وعم يضربو
قرب منن انس وهو عم يمشي بفخر
كان لابس جعبتو ومجهز حالو للمعركة
انس: شو اعترف العينتين ولا لسا
فادي:سيدي اعترف، قال هي ببيت موجود عالتل الشمالي
بيقرب انس لعند سعيد يلي كان عم يتوجع من ضربات العناصر،وبيطلع فيه بشماتة
انس: يعني تضرب شو مصروع، كان فيك تعترف من الاول وتوفر ع حالك ضرب وتعذيب،ضروري توجع ايدين الشباب،هههههه
سعيد: .....
بيأشرلو انس ع جعبتو
انس: انا هلق رح روح وجبلك صاحبك ورفيق عمرك،بس قبل ماروح بدي ياك تعمل شغلة،
بيلتفت لعند العناصر
انس: جيبولي موبايلو لهالنشح
--:امرك سيدي
بيروح واحد من العناصر وبيجبلو التلفون وبيرجع
انس: فكولي ياه
بيفكو العناصر سعيد وبيقعدوه
بيقعد انس قدامو وبيوقف جمبو فادي
بياخد انس اصبعة سعيد وبيحطها عالبصمة
سعيد:سيدي شوبدك تعمل
انس: خراس وبلا اكل هوا
بيفتح انس ع جهات الاتصال
وبيوجه التلفون لسعيد
انس: طالعلي رقم حدا من رجالك يلي موجودين مع ليمار
سعيد:ليش
انس(بصراخ): مادخلك ولاه بلا اسئلة، قلتلك طالع الرقم
بياخد سعيد الرقم وبيطالع رقم واحد من الشباب
وبيعطي التلفون لاانس
انس(بياخد من التلفون): حلو كتير
سماع شوبدي قلك،هلق رح اتصل فيو
واول مايفتح الخط، بتقلو انو انت مارح تجي، وانو رح تبعت شبين ياخدولك ليمار لعندك شوفهمت؟
سعيد(متلبك): ليش بدك قول هيك
بيرفع ايدو انس وبيضربو كف
انس: انا موقلتلك بلا اسئلة،نفذ وبس
وبيلتفت لعند فادي وبيأشرلو وهو بيفهم عليه
بيجي فادي لجمب سعيد وبيحط المسدس براسه
فادي: اي حركة هيك ولاهيك بفضيه بمخك عم تفهم ،يلا لشوف شو قلك المعلم نفذ
سعيد(بيهز براسو وهو خايف ومرعوب): باامرك انا باامرك
بيتصل انس عالرقم وبيبلش يرن : طوط طوط
---: اي معلم سعيد،وينك تاخرت كتير
بينحرو فادي بالمسدس،(انو يحكي)
سعيد(بيحاول يبين طبيعي): كان عندي شغل ماقدرت اجي
--:سيدي شو مشان هي البنت؟
سعيد: رح ابعتلك شبين هلق، بس قالولك انو هنن من طرفي بتبعتلي ياها معهن لاني مارح اجي
--:ليش معلم؟
سعيد: لاتدخل نفذ وبس
--:اي متل مابدك معلم
سعيد: يلا روح،سكر
بياخد انس التلفون منو وبيتصدر لورا وبيبتسم ب رضا
انس: برافو عليك،عجبتني
سعيد(حاطت راسو بالارض):....
انس:فادي، بعات تنين من الشباب ولبسهن مدني
عااساس هنن رجال سعيد
وانت بتجهز دوريتك وبتستناهن لبين مايمرقو ليمار بتقبض ع كلابو لهالكلب
وبيأشر ع سعيد بعيونو،
فادي:امرك سيدي،اخد معي ملازم ميسم؟
انس; لاميسم سبقتني، ع موقع الكلب عابد،وانا هلق لاحقهن
فادي :موفقين سيدي
انس: التوفيق للجميع، يلا تحرك شوف شغلك
بيضربلو تحية وبيطلع من النظارة وبيقوم انس بيوقف ع حيلو بيطلع ب سعيد بيقرف وبيبزق بوجهو
انس:تفو عليك وع جماعتك الوسخة
وبيطلع من عندو وبيأمر العناصر يسكرو الباب،،،،
--------------------
عند جابر
كان قاعد مع الشباب وعم يستناهن
لحتى ينعسو
كانو لسا عم يشربو الشاي
مرق الوقت
وبلش ياخد مفعول الدوا
ويحسو الشباب بدوخة
----: ياشباب انا كتير دايخ
---; وانا كمان حاسس الدنيا كلا عم تفتل فيني
بلش جابر يمثل انو هو كمان دايخ لحتى ماحدا يشك فيه حط ايدو ع راسه
جابر: وانا حاسس بدوخة، افف شو الي صرلنا
--:والله مابعرف يامعلم شو عم يصير
وشوي شوي فقدو توازنهم وباارضهن غابو عن الوعي الاربعة
ابتسم جابر وقام من مكانو بسرعة
سطحهن جمب بعض
وطلع لفوق اتلفت حواليه ليشوف ازا في حدا
وطالع تلفونو واتصل باانس
جابر: سيدي الشباب باارضهن نامو
انس: انا عالطريق،خمس دقايق وبكون عندك، اول ماتطلع انت ولميا والصغيرة رح ادخل انا
جابر: تمام سيدي
انس: يلا الله معك
ضب التلفون بجيبتو
طلع عالسجن لعند لميا
فتح الباب ودخل لعندها كانت نايمة
قرب لعندها وصار يصحيها
جابر: لميا،،لميا قومي
فاقت مفزوعة واستغربت
لميا:شوبدك مني
جابر(بهمس): مابدي شي،قومي بدنا نهرب
لميا(مستغربة): نهرب؟ لوين؟
جابر: بدي رجعك لعند جوزك هو هلق برا عم يستنانا لبين مانطلع لحتى يهجم
صفنت وضلت ساكتة
وماجاوبت ب ولا حرف
جابر(مستغرب):شبك جمدتي،قومي هاتي الصغيرة وخلينا ننزل قبل ماحدا يحس
رفعت راسها واطلعت فيه بحزم
لميا:انا مابدي روح روح لحالك
جابر(بصدمة): لميا بلا جنان ،كيف يعني مارح تروحي، بدك تضلي هون؟
لميا: اي،بدي ضل، هون
جابر: طيب ليش؟ شو الي غير رايك،كنتي محروقة لتوصلي لجوزك
لميا: كنت، بس هلق مابدي،ازا ضليت هون او طلعت، مارح تفرق، هيك هيك رح عيش مع مجرم
جابر: لميا بربك ولو، بلا هالحكي،عم تشبهي انس،بهالوسخ عابد، قومي لنطلع بلا جنان،بسرعة قبل ماحدا يشتلق علينا
لميا:قلتلك مابدي روح خلص جابر
جابر: لك لميا، خلصنا بقا هاتي البنت وخلينا نطلع ، بكل الاحوال انس رح يقتحم المزرعة، بقا طلعي وخلصينا
لميا:....
جابر(بعصبية): لكك عصبتيني ها، خلصيني هاتي البنت وقومي
واخيرا استسلمت لميا
حملت بنتها وعطتها لجابر
وقامت من التخت
طلع جابر من الغرفة ومعو حياة، ولحقتو لميا
بهدوء تسللو لتحت
ودخلو عالغرفة يلي بتودي عالنفق
كانو الشباب غاطين بسابع نومة
طالع المفاتيح وفتح باب النفق
شغل كشاف التلفون ومشيو بالنفق المظلم
هيييك لحتى وصلو لبرا
كان انس عم يستناهن قدام فتحة النفق ومعاها عناصر
اول ماشاف لميا طالعة قلبو فز من مكانه تجمعت الدموع بعيونو وحس بشعور كتير حلو
قديش كان عم يستنا هاللحظة،قديش تعذب لحتى رجع شافها من جديد ركض لعندها بلهفة
غمر وجها باايديه وحكا بصوت حزين
انس: ياروحي انتي شو شتقتلك
لميا:....
انس: خفت عليكي كتير،خفت ماارجع شوفك، يالله شو تعذبت بدونك
ضلت لميا مستمرة بسكوتها ووجها العابس
الشي يلي خلا انس يستغرب من ردة فعلها الغريبة ويحس بالقلق
انس:شبك لميا؟ ليش ساكتة؟ هلق هيك بدك تستقبليني؟
لميا:...
انس:لكك احكي شبك، شوصايرلك؟
بترفع راسها وبتحكيه بنشافة
لميا:مو وقت الحكي هلق فوت نفذ عمليتك حضرة الضابط
قطع حديثهن جابر. لما اجا لعندهن ومعو حياة
جابر: الحمدلله ع سلامتهم سيادة النقيب
انس: الله يسلمك
بيطلع انس ع حياة وبيبتسم ابتسامة مليانة غصة
انس: فرجيني ياها جابر
بيقرب جابر لعندو وبيكشف الغطا عن وجه الصغيرة
بتكون نايمة
بيطلع فيها انس بحنية وحب وبينحني ببوس راسها
انس: ياقلبي انتي، متل الملائكة
جابر: سيدي لاحق تشوفها،فوت نفذ عمليتك
بيبعد انس عن حياة
وبيوقف بااستعداد،بيطالع من جيبتو مفاتيح
وبيناولهن لجابر
انس:خود هي مفاتيح السيارة
خود لميا والصغيرة
وخلي لميا تدلك ع بيتنا
انطرني هنيك،لبين ما اخلص من هالكلاب وارجع
جابر:امرك سيدي
انس: يلا تحركو بسرعة
جابر(للميا): يلا لميا خلينا نمشي
مشي جابر ومعو لميا والصغيرة
طلعو بسيارة انس
ركب جابر محل الشوفير ولميا والصغيرة ورا
جابر: ليش هيك استقبلتيه مو حرام عليكي،
لميا: مابيستاهل استقبلو احسن من هيك
جابر: له يالميا ،ليش هيك عم تحكي،فوق ماعمل كل هالشي لينقذك
لميا: ماطلبت منو يئذي،العالم ويخون مهنتو كرمالي
جابر: مافي داعي تطلبي هاد واجبو اتجاهك
لميا(بعصبية): واجبو؟، بربك جابر سكر عالسيرة
جابر: طيب امرك، من وين اطلع؟
لميا: طلاع من عاليسار
شغل السيارة ومشي ،،،،
----------
عند انس
دخل جوا المزرعة هو وعناصرو وتسللو لفوق ،
كانت المزرعة محاصرة من كل النواحي،
والعناصر كتار ،
اول ماصارو بقلب المزرعة مسك القبضة وحكا مع ميسم
حط القبضة بجيب الجعبة
و طلع على غرفة عابد دفش الباب برجلو ودخل
كان عابد نايم ،
قرب منو
شال كاسة مي وصبها عليه
عابد فاق مفزوع وتجلس
عابد: ااه شوفي
انس،(بسخرية):هههههه صباحو ياحب
عابد: مين ،شو ،مين انت؟
انس: ماعرفتني ياحبيبي ، انا انس، انس الي بدو يفرجيك نجوم الضهر، عم تحطني تحت الامر الواقع ، ياكلب
عابد(بخوف):انت ، شوو جابك لهون؟ كيف جيت؟
انس: من السما نزلت
عابد: انت شو بدك مني ،
انس(بحقد)؛ بدي كتيررر كتيرر، بس هلق مافي وقت لشي ، منخلص حساباتنا بالفرع ،عناصر تعو اشحطوه
عابد جن جنونو وكان ماعم يستوعب شو عم يصير فيه
قربو عليه العناصر وكلبشوه
حس انو هو انتهى جن جنونو وصار يصرخ
عابد: لااا تركوني، يااولاد الكلب موانا يلي بنحبس ،انا عابد عابد
انس: ههههه اي والنعم منك ،
طالع انس القبضة وحكا فيها مع ميسم
انس: ملازم ميسم امري العساكر بااطلاق النار
ميس
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*