الفصل 9
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴9️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#بين اختيارين
#الجزء التاسع
دخل عابد لعند لميا وباايدو صينية اكل كانت لميا ماسكة الببرونة وعم ترضع الصغيرة
ابتسم وقعد جمبها بس هي تجاهلتو
عابد: جبتلك الاكل واجيت مشان نتغدا سوا
لميا:شكرا مالي جوعانة
عابد: هلق هيك بدك تخجليني يعني له يالموش
بتدايق ومنو وبتطلع فيه بعصبية
لميا: عابد شو بدك
عابد:ولو لموشتي،بدي،ياكي حبيبتي بدي ياكي،انا كنت عم استناكي لتولدي لحتى اخد راحتي معك،وهلق الحمدلله قمتي بالسلامة،ماضل في حجة صار لازم تكوني الي ،
حطت الببرونة من ايدها وسطحت حياة جمبها والتفتت ع عابد
لميا: لك عابد انت مابتمل، مابتتعب، لك انت شوو طينتك، لك سنين وانا عم ارفضك،مابقا تفهم ليش هيك عم تعمل ليش
بيحط ايدو ع شعرها وقرب منها
عابد: بس انا بحبك مو باايدي بعشقك،وبدي تكوني الي، ولو لليلة وحدة ليلة وحدة بس حسسيني انك ملكي،
لميا: فشرررت فشرت عابد،لك انت شايفني بلا شرف لحتى عم تطلب مني هالطلب
بيبعد عنها وبتتغير نظراته للحقد
عابد: انتي ليش دائما بتستشرفي عليي،
لميا(بعصبية): بستشرف عليك!! يعني انت عنجد مفكرني بلا شرف!
عابد: انس ايام الجامعة كان يجي لنص بيتك، وماكنتي تقولي شي كنتي مبسوطة
لميا: صح انس كان يجي لعندي، بس مالمسني ولاصار شي غلط بيناتنا لحتى تزوجنا
عابد: اي مابصدق هالحكي كذب
لميا: مو ضروري تصدق، ولابهمني ان صدقت او لا
عابد: طيب بس يكون بعلمك، انا مارح خليكي تطلعي من هون،لحتى اخد منك الي بدي ياه
وبيطلع فيها بخباثة وبيمسك وجها وبصير يتحسسو بااصابعو وبيقوم ليروح
عابد: سلام ياقطتي فكري بالموضوع ماشي!؟
بيلف ضهرو وبيطلع من الغرفة
بتكون صينية الاكل جمب لميا بتضل صافنة بكلام عابد وفجأة بتنهار اعصابها. بتدفش الصينية وبتصرخ
لميا: يااابن الحراااام ياقليل الشرف
بتصير حياة تبكي بتحملها بين ايديها لتسكتها بتضمها وبتصير تبكي معها
لميا: خلص ياماما خلص والله مو ناقصني انا
-----------------------
محطوطة بغرفة مظلمة تحت الارض تمها مسكر بقماشة ومقعدينا عالكرسي ومربطين ايديها ورجليها
عم تصرخ وتخبط برجليها عاالارض بس ماحدا عم يرد عليها
وفجأة نفتح الباب وظهر ضو
وبين هالضو ظهر سعيد كان داخل وباايدو كشاف
قرب شوي شوي ناحها وهي كانت مستغربة فيه
وقف قدامها وهو عم يتطلع عليها ب نظرات شريرة ويضحك شال القماشة من ع تمها اخدت نفسها وحكت
رولا(بخوف): مين انت شو بدك مني
سعيد: ههههههه هلق بتعرفي ياخالتو صبري شوي
بيفتح تلفونو وبيفوت عالكاميرا
بيشغل الفلاش وبيلقطلا صورة
رولا: لككك شو عم تعمل قلي لشوف مين انت،لي انا هون شو بدك مني
بيأشرلا باايد(تسكت)
وبيحط التلفون ع دانو بيكون عم يدق
سعيد: هووووش مابدي اسمع صوتك
--------------
بغير مكان
ضوت شاشة تلفون جابر بااسم سعيد
حمل الموبايل بانت ع وجهو علامات الغضب اول ماشاف اسمو
جابر: شو بدو هاد الكلب
فتحلو الخط وحط التلفون ع دانو
جابر:نعم
سعيد: الله ينعم عليك حبيب القلب،
جابر:شوبدك خلصني
سعيد:بدي سلامتك فتاح الواتساب حبيبي بدي فرجيك صورة بتجنن
جابر:صورة شو،
سعيد(عم يضحك) :افتاح بتعرف
فتح السبيكر ودخل عالواتساب
فنجر عيونو اول ماشاف صورة امو مربطة
صابتو الصدمة وصفن لوقت وسكت
وبعدها نفجر بالصراخ
جابر: ياااابن الكلللللب، شو بدك باامي ياوسخ يااااوااااطي
سعيد(ببرود): اهدا اهدا جبرو اهد حبيبي، وسمعني منيح
جابر: لككككك مابدي اهدا ليك ولاه هلق هلق بتفكها وبترجعها من محل ماجبتا ياااما وحق،،
سعيد(مقاطع): بس بس بس لاتكمل، سمعني منيح وروق، روق،
بيحاول يمسك اعصابو شوي جابر ويسمعو
سعيد: امك مارح اتركها الا بحال واحد، انا بدي ليمار، ومتى ماسلمتني ليمار، بسلمك امك وبرجعها لبيتها معززة مكرمة،اما ازا ماسلمتني ليمار فاانا رح اضطر اقتلك الوالدة
بتكون رولا عم تسمع الحديث ومو فهمانة شي
بيكمل سعيد كلامه
سعيد: بقا شو قلك جبرو
جابر(بحقد): فششرررت عينك تطول ضفر ليمار، وامي بدك تتركها غصب عنك
سعيد: لاياقلبي مافي شي بالغصب، شوف جبرو حبيبي انت،انا غير الحكي الي قلتو ماعندي، فكر منيح انا مارح اجبرك ع شي
انا حطيتك بين خيارين
يااما امك، يااما حبيبة قلبك، والك حرية الاختيار
يلا سلام ياحبي انت
وبيسكر الخط بوجهو وبيتركو جانن
وعم يكسر كل شي حواليه
جابررر: امييي ياوسخ، وصلت معك المواصيل لاامييي ،
خبط كل شي حواليه وكسرو وبعد ماخلص قعد بالارض وصرخ بصوت هز المكان كلو
جابر: اميييييييي، بترجاك ياربي لاتحطني بهالموقف،بترجاك لاتئذيني باامي،لك هي امييي يلي تحملت كل هالقرف كرمال مايصيبها مكروه لاهي ولاابي،وانت بتعرف اني كنت عم اتحمل كرمالهن يارب،كرمااالهن وبس
بصعوبة قام من مكانو والدمعة واقفة بطرف عينو طلع من غرفتو ومشي بخطوات سريعة ناح مكتب عابد دخل بدون مايدق الباب
وعابد استغرب فيه
عابد:ليش هيك داخل ولك بغل
كان جابر حاطت الشر بعيونو وعم يطلع بعابد وكانو بدو ياكلو بسنانو
قرب لعندو بكل جرأة ومسكو من تيابو
جابر: وين سعيد
عابد(بصدمة):شيللل ايدك ولااه قليل الادب
جابر(بصراخ): لككك عم قلك وين سعيد وين
عابد: شبعرفني ولاااه شيل ايدك احسن مااكسرها وعلقا برقبتك،
بيشيل ايدو جابر وبيبعد عنو وهو عم يلقط انفاسو
بيطلع بعابد بحقد،
وبيهز براسو
جابر: ماشي ماشي ياولاد الحرام، عملو وكترو،
وبيصرخ فيه :عملوووو وكترررررووووو
بيطلع من عندو وبيخبط الباب بقوة
بيظبط قعدتو عابد وبيضل مستغرب من تصرف جابر الهمجي
بيحمل موبايلو وبيتصل ب سعيد
طوط،، طوط،،، طوط،،،،،
سعيد: الو
عابد: سعيد وينك،شوالقصة،شو مساويلو لهالجحش لحتى مجومس هيك!!
سعيد:قصدك جابر
عابد: لك اي اي،شبو!! دخل لعندي متل التور الهايج عم يسال عنك
سعيد(بضحكة شر): هههههه انا موقلتلك محضرلو ضربة بتوجع كتير؟!
عابد:اي؟؟
سعيد: خطفتلو امو
عابد(بدهشة):يخررررب بيتك،مشان هيك مجومس!!!
سعيد:هههههاس طبعا
عابد(بخبث): يعلا عيونك شو داهية ياسعود،ووينك انت هلق
سعيد: بالبيت الي عالتل
عابد: حلووو والله هلق ليجنن جنونو ابو جبير.
سعيد: اي خليه يجن، لشوف بدو يسلمني ليمار ولا لا
عابد: هههه لا اكيد رح يسلمك،طالما الشغلة صار فيها امو
سعيد: مافي شك رح يسلم والصرماية ع راسو،هالكلب الحقير
عابد: بري عليك مابتقصر ابو سعود، الله وايدك ،
سعيد: يلا بتأمرني بشي شريك؟
عابد: سلامتك شروك، الله معك
سكر الخط وحط الموبايل قدامو وقلب لورا وصار يضحك ضحكة شريرة
عابد; خرجك ياجابر الكلب، هاد يلي بيتمادى مع الكبار ههههههه
-----------------
عند سعيد
جاب كرسي وقعد قدام رولا
وشغل سيجارة ولف رجل ع رجل
رولا: ياابني ببوس ايدك قلي مين انت،شوبدك مني ، ومين هاد يلي حكيت معو
سعيد: له ياخالة له، معقول ماعرفتي. مين
رولا: ببوس رجلك قلي ليش انا هون، وبعدين سمعتك عم تحكي عن ليمار، شبها ليمار الله يوفقك فهمني
سعيد: امممم رح قلك
كان في طربيزة قدامو مد رجليه عليها وتصدر لورا
سعيد: هاد ياستي، ملا انتي ،الشب الي حكيت معو، بيكون ابنك
انصدمت وبحلقت عيونها فيه ماكانت عم تصدق الشي يلي سمعتو نطقت بصعوبة وسالته
رولا: ابني؟؟
سعيد(بيهز براسه): اي ابنك
رولا: بس انا ماعندي غير ولد واحد ،ومختفي من زمان
سعيد: ايوااا، هاد هو نفسه
رولا(بصدمة): شو قصدك! !! ج ج جاااابر؟!!!!!
سعيد:اي جابر
رولا(بلهفة): وينو هو كرمال الله قلي، خليني شوفو الله يوفقك،نطف قلبي عليه الله يخليلك امك
قام من محلو وقرب منها
سعيد:شوفي ياخالة، اول شي انا امي ماتت من زمان،وتااني شي، والله مافيني خليكي تشوفي ابنك ، الا بحالة وحدة
رولا:شوهي
سعيد: بس يسلمني ليمار،هداك الوقت بخليكي تشوفيه
رولا: ليمار ماغيرها!!!
سعيد: اي اي ليمار المولى، بنتك يلي ربيتيها انتي
رولا(بعدم استيعاب): ليش ليمار وينها ؟ شو وصلها لجابر!!!!
سعيد: والله للااسف مالي خلق احكيلك شي،بس ابنك المصون يسلمني ياها، هداك الوقت هو خلي يفهمك كل شي، وهلق سلام انا رح روح نام،
بيشيل القماشة وبيبلش يسكرلا تمها فيها
رولا(تبكي): كرمال الله ياابني بس فهمني شو القصة
سعيد: خلاااص لاتعصبيني، قلتلك بعدين بتفهمي،ازا ابنك حنون عليكي وبيحبك عنجد، بيخلصك من ايديي
سكرلا تمها بالقماشة ولف ضهرو بدو يطلع
صارت تصرخ وصوتها مكتوم
التفت لعندها وصرخ فيها
سعيد: على نصتك ياااخاانم لاتوجعيلييي راسي، بلا ما استخدم اساليب تانية معك،
ورجع لف ضهرو وطلع من الغرفة
وتركها مكسورة الخاطر وعم تبكي ومحتارة
موفهمانة شي ومو عرفانة شو القصة وليش هي هون ،،،
---------------------
ماشي بشوارع الحارة وعم يدق عالجيران باب باب
وعم يسالهن عن رولا
دق كل ابواب الجيران يلي بالعادة بتروح لعندهن والكل اكدلو انهن ماشافوها رجع عالبيت بعد يأس قعد عالكنبا وصفن وكان قلقان و عم تدور براسه افكار كتيرة
جلال: وين راحت المرأة كمان،لككك بكل الحارة مو مبينة،اللهم جعلو خير يارب
حمل تلفونو وحاول مرة تانية يتصل فيها
وماكان في في رد وكان عم يطلع خارج التغطية رما التلفون جمبو وصار ينفخ
جلال:وينك رولا وينك،
-------------------------
بمكان تاني
قاعدة وضامة رجليها وحاطة راسها عليهن
فجأة بينفتح باب الغرفة
وبيدخل جابر
رفعت راسها اطلعت عليه ونصدمت لما شافتو داخل وعيونو حمر ووجهو حزين ودموعو نازلة ع خدو
قامت من مكانها وعيونها عم تراقبو بقلق سكر الباب وقرب لعندها وهي كانت عم تقرب ببطئ عليه
صارو قراب من بعض
صفنت فيه كان كتير ضعيف ومكسور اول مرة بتشوف الشب الي مليان جبروت مكسور لهالدرجة شو صاير ياترا شو الشي الي مخلي الحجر يبكي
ليمار(بصدمة): عم تبكي!؟
جابر:....
ليمار: اول مرة بشوف حجر بيبكي، شبك؟؟
سحب نفسو بصعوبة وكانو عم يطالع روحو وحكا بصوت مليان قهر
جابر:سعيد خطف امي،امييي وقعت باايديهن ياليمار
ماعاد حملوها رجليها قلبها كان رح يوقف من الصدمة
كان بدها تتاكد ازا الي سمعتو صح ولا غلط نطقت بصعوبة
ليمار: ان ان انت شوعم تحكي!!!!!
جابر: متل ماسمعتي،اميي صارت بين ايدين سعيد
ليمار: ليش؟ بس قليي ليش ،شوبدهن فيها جابر!!!!
جابر:شو بدهن فيها!!؟ ،عم يمسكوني من الايد الي بتوجعني،بدهن يكسرولي،ضهري،باامي مشان سلمهن ياكي
ليمار: اي اي انا جاهزة سلمني الهن جابر، بس كرمال الله خلي،يتركو ماما
جابر: انتي مجنونة شي!!!؟؟؟ بدك ياني سلمك لهالكلاب
بتبلش تبكي وترجف وبتنهار اعصابها وبتقرب منو اكتر
ليمار: اي اي انا رضيانة،شو بدهن يعملو فيني كل شي الا امي،دخيلك جابر كل شي الا امي ببوس ايدك
جابر(بقهر): ليمار لاتزيديها عليي،مافيني سلمك الهن مافيني،لك هدول بدهن يعتدو عليكي،بدهن يتاجرو بشرفك فهمي مشان الله
ليمار(بصراخ): ولك معلش معلش انا رضيانة، كل شي الا امي ببوس ايديك كل شي الا امي
بتنهار اعصابها اكتر وبتصير بتضربو ع صدرو بيضمها وبصير يهديها بس بيحس بحرقة اكتر وبصير يبكي ع كتفها
جابر: خلص بقا ليمار مشان الله خلص
ليمار(تبكي): لاماخلص،بدي امي جابر،كرمال الله خليني سلم حالي،احسن مايصرلا شي،بترجاك
جابر: لك ياليمار، هي امي كمان،انتي امك الي ربتك،بس انا امي يلي ولدتني وربتني،وتعبت عليي،لاتفكري بتخافي عليها اكتر مني ،وحياة الله،نكسر ضهري، بس كمان مافيني سلمك الهن،انتي مالك اي بنت،انتي البنت الي،حبيتا،انتي الي غيرتني وخلتني غير شخص،لككك انتي قطعة مني،شرفي وعرضي،كيف بدي ضحي فيكي ليمار قليلي كيف
بتبعد عنو وبتطلع فيه بحرقة قلب
ليمار:مو احسن ماتضحي باامك ؟؟،بعدين
انا مابادلك نفس المشاعر جابر،احسنلك تروح تسلمني وتخلص امك
ازا صار شي لاامك،رح تقضي حياتك كلها ندمان
اما انا فترة وبتنساني و
جابر(مقاطع):خلص خلص خلص حاج حكي فاااضي، مارح سلمك الا ع جثتي عم تفهمي،وحتى لو كنتي مابتبادليني نفس المشاعر،مستحيل ضحي فيكي وزتك هيك زتة
ليمار(بصراخ): ولككك يابني ادم فهام بقا،فهام،انزت انا هيك زتة احسن مايصرلا شي لاامك
جابر: انتي بترضي ع حالك؟ ؟؟ يخلوكي من رجال لرجال؟
ليمار(بغصة): اكيد لا،بس كمان مافيني خلي امي بين ايديهن،فهمني
جابر: انتي الي فهميني
بيحط ايديه عاايديها وبيقربا لعندو وبيحكي بصوت مكسور
جابر: انتي الي فهميني ليمار،انتي الي فهمي عليي
ليمار(بااستسلام): طيب خليك معند، بس وحق الي خلقني، ازا بصيبها مكروه لاامي لحتى بكيك دم ياجابر
انهارت اعصابو وشدها من تيابها وصرخ فيها
جابر: ولكككككك خلااااااص، بسسس سكتيييي، لك انتي مانك احن عليها مني، مابتحبيا اكتر مني عم تفهمي،لاتهددي وتتوعدي،مانك حريصة اكتر مني
دفشتو عنها وصرخت فيه
ليمار(بصراخ): مبلا حريصة، حريصة واكتر بكتير منك
بالوقت الي انت فيه درتلا ضهرك ومشيت، انا كنت جمبها عم قويها وساعدها وصبرها،ولككك انت 16 سنة، ولايوم ماكلفك خاطرك، تطمنها عليك ،من
بتحب ذكرك يوم الي تركت البيت شو عملت معها؟
وين لوين حنون عليها اه؟
من وين لوين؟؟
جابر: انا بعرف اني غلطت كتير معها،بس كنت مراهق مابعرف مصلحتي،اما بالنسبة لاني ماطمنتها عليي كل هالسنين،انا كيف بدي طمنا؟ بدك ياني اتصل فيها قلا مرحبا امي،انا عند العصابة والله وهددوني ازا برجعلك بيقتلوني وبيقتلوكي، ؟؟ هيك بدك ياني قلا؟ بدك عرض حياتها للخطر؟؟ بلا تنظير ببوس ايدك بقا
ليمار: طيب، مارح نظر عليك هلق،واصلا مو مهم هالحكي هلق،المهم تطالع امك من بين ايديهن،ولو كلف التمن اني انا روح الضحية،انا مستعدة ضحي بحالي كرمالا المهم مايصرلا شي
جابر: انتي خليكي ع جنب،انا رح اتصرف،
لف ضهرو واجا ليطلع من الغرفة
مسكتلو ايدو
ليمار: شو بدك تعمل قلي؟
صفن شوي وماكان في براسو اي طريقة
اطلع فيها بعجز وماجاوب ب ولا حرف
ترك ايدها ولف ضهرو وطلع من الغرفة بسرعة وقفل وراه
بقيت ليمار واقفة وجانن جنانها وعم تصرخ عليه
ليمار: لككك تعا لهووون، قلي وين رايح شو بدك تعمل
بتقرب عالباب وبتصير تخبط وتبكي
ليمار: لك جاااابر رد عليي،،قلي شو بدك تعمل،مابسامحك ازا بصير لاامي شي،مابسامحك عم تفهم، مابساااامحك طول حياتي
كان جابر ماشي بالممر وعم يسمع كلامها وعم يبكي،كز ع سنانو بقهر، وطرق ايدو بالحيط هو وماشي وكمل طريقو، ،،
--------------------
صارت الساعة 10 بالليل ولسا
جلال عم يستنا رولا ترجع
كان قاعد وعينيه معلقة بالسقف
وعم يشغل سيجارة ورا التانية
حس بالملل والضجر استنا كتير ومارجعت سال عنها بكل مكان بالحارة وماكان في عنها خبر
حس بخنقة فظيعة فك زر القميص الفوقاني وسحب نفسو
وفجأة صار يحكي مع حاله ومتل كانو واحد مجنون
جلال: اول مرة جابر قبل 16 سنة، وتاني مرة ليمار،وهلق رولا،لككك شوووعم يصير،كل يوم بفقد حدا، ليش هيكك؟ ماضل غيري ماختفيت، ماضل غيري
انهارت اعصابه وصار يصرخ ويكسر كل شي حواليه
جلال: لككككك يااااااارب،ليش هيك عم يصيييييرررر، لييييش، لك شو بدي اعمل، خبر الشرطة؟ لكككك اخ اخ، شوبدي قلهن، مرتي ختفت متل ماولادي ختفو؟؟،،،
انفجر بالبكي وحط ايدو ع وجهو، وصار كل شوي مرة يضحك مرة يبكي
جلال: وكاني الشرطة ماعندا شغلة غيري،انا وعيلتي،ههههه الله يستر ما شي يوم روح خبر الشرطة اني مختفي،ههههه وخليهن يدورو عني،،
ورجع يبكي من جديد ويحكي بحرقة
جلال: ياااارب،يااارب دخيلك ترجعلي ياهن كلن،رح اتركها الك هالمرة،رح اتركهااااا الك يارب، الك انت وبس، انت وبس ياااارب انت وبس
مسح دموعو ورفع راسو للسما
وحكا بحرقة قلب
جلال: انت وبس يارب
-------------------
دخل سعيد لعند رولا ومعاه اكل
جاب كرسي وطربيزة وقعد قدامها وحط الاكل عالطربيزة فكلا القماشة من ع تمها
واول مافكها
رولا: دخيلك ياابني قلي وينو جابر
سعيد: اهدي ياخانم اهدي،قلتلك لاتسالي لتطلعي من هون بتعرفي كل شي
شال اكل بالمعلقة واجا يطعميها
سعيد(بضحكة خبث): يلا هلق كلي مشان ماتموتي ههههه
رولا(تبكي): مابدي اكل، بترجاك جبلي ابني ،ببوس ايدك،والله قلبي فارط عليه
سعيد:اي لنشوف هو قلبو رح يفرط عليكي،ولامتل مابيقولو، قلبي ع ولدي وقلب ولدي عالججر
رولا(عم تبكي وتشهق): ااااخ ااخ بس، خليني شوفو بترجاك، او اقل شي خليني احكيي معو
سعيد: تكرم عينك، ماعندي مشكلة،،رح خليكي تحكي معو
حط المعلقة من ايدو وشال موبايلو اتصل بجابر وفتح السبيكر
ومن اول رنة فتح الخط
سعيد(بمسخرة): اف اف جابر شبك، من اول رنة فتحت الخط تقل حالك يازلمة
جابر:وين امييي ولاك وسخ
سعيد: بالحفظ والصون، ياقلبي انت
اول ماسمعت رولا صوت جابر غصت وحست بحرقة قلب واخيرا بعد هالسنين كلها عرفت عنو شي، واخيرا سمعت صوتو الي كانت متمنية تسمعو من زمان
حكت بصوت مليان حزن وحسرة
رولا: جااابر ابني،
وهو كمان اول ماسمع صوتها غص وتجمعو الدموع بعيونو
جابر: اميييي
رولا: وينك انت ياامي وينك،ليش تركتني كل هالسنين،ليش بعدت عني،كيف اجا من قلبك تحرق قلبي كيف
جابر: سامحيني امي، كرمال الله سامحيني والله غصب عني
رولا: ااااخ ياابن قلبي شوعملت فيني اخ
جابر: لاتبكي امي،اذا بتحبيني لاتبكي، مابتحمل دموعك
رولا:طالعني من هون اعمول شي منيح بحقي وطالعني من هون
جابر:وغلاوة عيونك رح طالعك،مابكون زلمة ازا بخليكي بين ايدين هالحقير
وفجأة سكر سعيد السبيكر وقطعلن حديثهن
حط الموبايل ع دانو وصار يتمسخر
سعيد(بمسخرة):ياحرام شو هالقصة الحزينة زعلتوني
جابر:شوووف ولاه، ازا امي بصرلا شي وحياة الي خلقني لحتى قطعك شقف واكل لحمك
سعيد:ههههه اي لابدك تطول بالك،
شوف ولاه معك 3 ايام بس
يااما بتسلمني ليمار
يااما بتترحم عاامك، يلاااا سلام ياجبرووو
سكر الخط بوجهو وتركو عم ياكل حالو من القهر
رما التلفون من ايدو وصار يضرب ع راسه
جابر:ياربي شوبدي اعمل شووو،هاد الي ماحسبتلو حساب،هاااد
----------------
بعد يومين
عند العصابة
كان جابر قاعد بغرفتو وعم يفكر بحل يخلص فيه امو من ايدين سعيد
وفجأة دخل لعندو عابد
فتح الباب عليه وفات
التفتت لعندو جابر
كان عابد جاي وعم يضحك وبعيونو نظرات شماتة
عابد: هههههههه، شووو ابو جبير،سمعنا قال الوالدة بزيارة عند سعيد
جابر:...
بيسكر الباب وبيقرب لعندو
عابد: اي انت الحق عليك الله يصلحك. يعني حدا قلك تروح تخبي ليمار ،شرف بقا هي امك راحت بين الرجلين، انبسط ،وكلو كرمال الست ليمار يازلمة،يازلمة قلة بنات، والله كل البنات هون بيتمنو كلمة منك،شوبدك بهديك البنت
بيكون جابر صافن بكلام عابد وعم يشتهي يقوم يخنقو
بيقعد عابد جمبو وهو عم يحكي بلهجة مستفزة
عابد: عنيد ومابتعمل غير الي براسك، الله يصلحك بس، ليك جابر بنصحك يعني تسلم ليمار ،لانو حرام الي مخطوفة بتضل امك، ومابصير تخليها تتعذب كرمال بنت متل ليمار،البنات بيروحو وبيجو،بس الام، مابتتعوض،
مابيعود بيتحملو جابر بيقرب ليمسكو من رقبتو بينزلو ايديه عابد
عابد:تسؤ تسؤ تسؤ،مابصير هيك، موعيب تطاول ع معلمك ياجابر!! عيب عليك الي عم تعملو غلط
جابر: بدك تقلي وينو سعيد والا! !!!!
عابد(ببرود):والا شو؟ جوج؟ بدك تقتلني!!! له له، مو عيب تقتل معلمك ،اخس عليك ياجابر، ماكنت بعرفك هيك
جابر(عم يفور ويغلي): لكككك حاج تلعبو بااعصابي حاج،خافو الله،لك مابتخافو يصير باامهاتكن متل الي عملتوه باامي،لك مافي بقلبكن رحمة،لك انا كل هاد القرف، الي عشت فيه معكن تحملتو كرمال سلامة اهلي، لك عملت كل شي بدكن ياه ،ضربت ظلمت، اخر شي هيك تعملو فينيي"!!
عابد(بجدية):والله الي بدو يلعب معنا ياجابر هيك بدو يصير فيه،انت الي بلشت،وانت الي بتتحمل نتيجة غلطك،
ماحدا قلك تخفي ليمار،
جابر: ولك الله يسطفل فيكن بس، الله يسطفل فيكن،
بيرفع ايدو بوجه عابد تهديد
جابر: شوف عابد،اووو يامعلم عابد،،شوف يازفت،
والله العظيم، ازا مابتقلي،وينو سعيد لحتى تندم
عابد(بمسخرة):شوبدك تعمل يعني! !!
جابر(بحقد): لك انا هلق بحرق المنظمة كلها ب يلي،فيها وحياة امي بحرقكن كلياتكن
بيبتسم عابد بااستهزاء وبيقوم من مكانو بيدقلو لجابر ع كتفو
عابد: صلي عالنبي حبي صلي عالنبي،التهور مابفيدك،بالعكس بزيد الطين بلة
وبيمشي بطريقو وبيجي ليطلع برا الغرفة بيوقف عالباب
عابد(ب شر): احسنلك، تسلم ليمار، وماتغامر بحياة امك، قد ماكان هي بتضل امك، ومافي اغلا من الام،تصبح ع خير ابو جبير هههههههههه
بيطلع وبيسكر الباب وراه
ليترك جابر عم يفور ويغلي من القهر،محتار باامرو قام من مكانو ووقف عالشباك
وصار يروح ويجي قدامو ويطقطق اصابعو
ويفكر ب شي حل يخلص فيه امو من ايدين سعيد ،بدون مايأذي. ليمار
وفجأة خطرت ببالو فكرة
ابتسم وهتف بفرح
جابر: لقيتهااا، لك انا كيف ماخطرتلي من الاول
فتح الخزانة وطلع تلفون ليمار
شغلو ودخل ع الاسماء وكان عم يدور بيناتهن
جابر: انس الصباغ انس الصباغ وينك ياانس وينك
واخيرا لقا اسمو دخل عليه بسرعة
ومشي ناح الباب وفتحو
وكان عم يشوف ازا في حدا برا
اول ما امن انو مافي حدا
دخل وسكر الباب واتصل باانس
عم يرن، ،،،،،،،،،
عند انس
كان بمهمة رسمية وعم يحقق بجريمة قتل
بااحدى الاماكن
اول مارن تلفونو وشاف اسم ليمار عالشاشة انصدم قام من مكانو بسرعة وطلع لبرا
فتح الخط ورد
انس: ليمار هاد انتي؟!! لك وينك انتي يابنت وين ختفيتي،شوعملو فيكي؟!
جابر: انا ماني ليمار
انس(مستغرب) :عفوا مو هاد رقم ليمار المولى؟ مين معي؟!!
جابر: انا جابر
انس(بصدمة ):مين جابر؟
جابر: جابر السيد،،بيقولولي الجلاد
انس(بتفهم): اهااااااا،اي اهلين والله بزلمة عابد الكساب،شوبدك ولاه حقير؟
جابر: سيادة النقيب، انا بدي اتعاون معك ،وحط ايدي باايدك،
انس(بااستهزاء): ههههه لك شوشايفني جدبة ولاك لحتى صدق كلامك،قلي لشوف شواللعبة الي بدك تلعبا عليي
جابر:سيدي انا والله مابدي العب عليك، انا عنجد عم احكي بدي اتعاون معك،لحتى تنقذ مرتك وتقبض ع كل العصابة
انس(بلهجة تهديد):ليك ولاه لاتشتغل فيني، قلي شوبدك
جابر: عنجد انا عم احكي،سيدي انا صح واحد من رجال عابد،بس صدقني انا عبد مأمور ،انا نجريت لهالطريق متل ماغيري نجر،ف بترجاك صدقني ،انا مستعد ساعدك بكل شي وخليك تقبض ع كل العصابة بس عندي شرط
انس(بااستهزاء): وفي شروط كمان، شو شرطك سيد جابر؟
جابر: برائتي،برائتي سيدي،مابدي انحبس متلهن
انس: لك بني ادم اذا انت عنجد عم تحكي وهي مو خدعة منك، اول ماتتعاون معي، وتحط ايدك باايدي ماحدا رح يقرب عليك،بس انت صادق ولا هي خطة من معلمك؟ لتوقعوني بشي مكيدة؟
جابر: لا لا والله العظيم انا صادق
انس; طيب انت فيك تجي لعندي؟!!
جابر: الاحسن انو نخطط عالتلفون
انس: خايف مني؟!! لاتخاف مارح ائذيك طول مانك صادق معي
جابر: سيدي خلص عالتلفون احسن، مابتعرف شو بصير
انس: طيب، معناها سمعني شو رح قلك
جابر: عم اسمعك سيدي
-----------------------
عند ليمار
كانت قاعدة وعم تبكي وعم تاكل حالها من القهر
كيف هيك المرأة يلي ربتها وحنت عليها واقعة بمشكلة بسببها وهي ماعم تقدر تعمل شي
صارت تضرب راسها بالحيط وتصرخ
ليمار: لككك انا السبب انا،انا يلي رحت لعندهن برجليي،والله ازا بصرلا شي مابسامح حالي،مابساااامح حالي،
حطت ايدها ع قلبها وصارت تضرب ورفعت راسها للسما
ليمار: دخيلك ياربي، دخيلك ،لاتئذيني فيها، خود روحي ولاتفرجيني فيها مكروه دخيلك يارب،بكفيني خسرت امي الحقيقية، مابدي اخسر امي التانية دخيلك يارب
كانت كل مرة عم تنهار اكتر كل ماعم تتذكر
كيف امها نخطفت بسببها
صارت تضرب ع حالها كفوف وتصرخ
ليمار: كلو مني انا كلووو مني،ان شالله بموت،ان شالله مابضل عايشة
ضلت هيييك ع هالحالة عم تبكي وتضرب ع حالها لحتى تعبت ونامت وهي قاعدة مكانها،
للصبح
فتحت عيونها اول ماضربت اشعة الشمس يلي جاية من الشباك الصغير ع وجها
كانت عم تحس بوجع راس وتعب وارهاق
اول ماصحصحت شوي رجعت تزكرت يلي صاير ب رولا ورجعت تبكي من جديد
قامت من مكانها وقرب لعند الباب بلشت تخبط عليه وتبكي وتصرخ
ليمار: في حدااا هووون؟،ياسهيل فتحلي، كرمال الله فتحلي الباب،بترجاك، ياااسهيل
اجا سهيل ع صوت ليمار ووقف قدام الباب من برا
سهيل:شبك ليمار ليش عم تصرخي في شي؟
ليمار(تبكي):سهيل فتحلي الباب ببوس ايدك
سهيل: ليش شوبدك؟ مابقدر افتحلك، المعلم جابر وصاني ماافتح الا ازا بدك تروحي عالحمام
ليمار: سهيل بترجاك حس فيني،انا امي مخطوفة، وواقعة بين ايدين سعيد،وبدو جابر يسلمني الو لحتى يتركها، واذا ماسلمني الو رح يقتلها، الله يوفقك فتحلي خليني روح سلم حالي، الله يوفقك
سهيل(بصدمة): ليمار انتي جنيتي،؟ والله المعلم جابر اذا بعمل هيك بيدبحني
ليمار: لككك ببوس ايدك ورجلك، داخلة ع الله وعليك،حط حالك محلي؟ حس فيني بترجاك،
تخيل امك مخطوفة وبدهن يقتلوها شو بتعمل
سهيل(بحزن): بحرق الدنيا ولابخليهن يئذوها او يلمسو شعرا منها
ليمار: معناها خلص،خليني روح سهيل،،الله يوفقك، الله يحميلك
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*