الفصل 8
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴8️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
# بين اختيارين
#الجزء الثامن
دخلت فرح غرفة ليمار ومعها صينية اكل
انتبهت انو مو موجودة بالغرفة
صارت تتلفت حواليها
فرح: ليمار وينك
ياليمار، لعما وينها هي؟
حطت الصينية من ايدها
وطلعت لبرا الغرفة تدور عليها
دورت عليها بكل مكان
وصارت تسأل عنها كل افراد العصابة
وكلن ماحدا شافها
وبعد يأس باانها تلاقيها
راحت ع مكتب عابد دقت الباب و دخلت
شافها عابد متلبكة
عابد: شبك؟
فرح: معلم رحت لااخدلا الاكل لليمار متل ماقلتلي
عابد(بتسأول): اي؟؟؟
فرح: مالقيتا
قام عابد من مكانو وهو مصدوم
وقرب لعندها
عابد: شووو؟ كيف يعني مالقيتيها
فرح: دورت عليها بكل مكان وماكنت لاقيها
عابد(بعصبية): لككك وين بدها تكوون راحت؟!!
فرح: مابعرف يامعلم سالت الكل عنها قالولي ماشافوها
بيصير يفكر بينو وبين حالو وبيخطر عباله شغلة
عابد: وينو سعيد؟!!
فرح: من شوي وصل ليش معلم؟!!
عابد: ولااشي روحي على شغلك انتي
بيتركها وبيطلع وهو معصب وبيروخ ع غرفة سعيد
بيفتح الباب وبيدخل لعندو
وبيستغرب سعيد من دخلتو بها الهمجية
سعيد: ليش هيك داخل؟ شبك عابد؟
بيقرب منو وبيمسكو من قميصو
عابد:وين ليمار ولاه
سعيد(مستغرب): ليماار؟!! ماعم افهم عليك
عابد(بعصبية):سعييدد بلا كذب، اناا ماني جابر لتخبي عليي،قلي وين ليمار، لك ياحيوان بدك ياها انا مامنعتك عنها بس ليش تخفيها، قلي لشوف وين رحت فيها، ياويلك ياسعيد ازا بيكون قلبك حن عليها وهربتها
بينزل سعيد ايدين عابد وبيصرخ فيه وهو مصدوم
سعيد: لك عاابد فهمني انت عن شو عم تحكيي
عابد: لككك ياحيوان ليمار مختفية
سعيد(بصدمة): شووووو كيف يعني مختفية؟ وين راحت
عابد: يعني،انت مابتعرف وينها؟
سعيد: لككك لا مابعرف شو بدو يعرفني دورتو عليها؟!!
عابد: فرح سالت الكل عنها كلن ماشافوها وين بدها تكون اختفت؟ مو انت يلي خفيتا يعني عن عيون جابر؟
سعيد: الله وكيلك مو انا
عابد: وين بدها تكون راحت لكن؟
سعيد: مافي غيرو هالحقييير جابر اكيد هو يلي خفاها،وينو هالكلب والله. لااشرب من دمو
بيطلع سعيد من الغرفة وهو مو شايف قدامو وعم يدفش كل شي عم يطلع بطريقو وبيلحقو عابد
بيروحو ع غرفة جابر ومابيلاقوه هنيك
بيزيد جنان سعيد اكتر
بيخبط ايدو عالحيط وبيصرخ
سعيد: مانووو هووون الحقييير مافي غيررو
عابد(بصدمة): ياابن الحرام ياجابر،والله ازا بيكون عملها وهربها لحتى علق مشنقتو
بيطالع تلفونو وبيتصل بجابر
وبيكون سعيد واقف جمبو ومستني ع نار
وبعد مايرن الخط
جابر: اي معلم
عابد: وينك ولاه واطي
جابر(ببرود): عندي مشوار شوي وبرجع
عابد: ليكك ولاه حقير خلال خمس دقايق بدك تكون مزروع قدامي ومعك ليمار يااما والله العظيم
جابر(مقاطع):لحظة لحظة معلم، لاتهدد ايواا؟
ليمار مارح رجعها لحتى تضب هاد يلي عاملي فيها معلم (سعيد)، ومابنصحك تدورو عليها وتتعذبو لان مخبيها بقرنة الجن الازرق مابيعرفا
لهيك قعدو وارتاحو، وبس تضبلي رفيقك، هداك الوقت برجعها
عابد: لاانت عنجد ماعدت ستحيت، عم قلك بدك تنزرع قدامي ،يلا ولاه جيبا لهالكلبة وتعال والله ياجابر ازا مابتجيبا لعلق مشنقتك
وفجأة بيسكر جابر الخط بوجه عابد
عابد(بعصبية): سكر بوجهي الحيوان
سعيد : ياابن الحرام يااجابر لك والله لربي فيه القرود عم يخبيها مني الكلب
عابد: هدي سعيد،مابيقدر يعمل الي براسه، والله بموتو
سعيد(بحقد): انا بفرجيه لهالواطي،ازا ماببكيه دم عيب عليي
بيربت عابد ع كتف سعيد محاولة منو يهديه
عابد:خلص اهدا سعيد شبك قلتلك مابيسترجي يعمل شي
بيبعد ايدين عابد عنو
سعيد: تررركني مابدي اهدا
وبيحمل حالو وبيطلع وهو عم يصرخ
سعيد: لبزقك الدم ياجابر الحشرة
---------------
عند ليمار
بعد مايأست باانو حدا يرد عليها
قعدت مكانها وحطت راسها ع رجليها وبلشت تبكي
ليمار: لك انا شو عملت بحالي شوو لسا كل يوم بلاقي حالي بمكان. اااخ شو شتقتلك ياامي
وفجأة بتسمع صوت حركة مفاتيح عالباب
بتحس بالخوف وبترفع راسها
ليمار: ميين؟
بينفتح الباب وبيدخل جابر
اول مابتشوفو بيجن جنونها بتقوم لعندو وبتهجم عليه وبتمسكو من تيابو
ليمار: ليش جايبني لهون ماكفاك الي عملتو فيني هنيك،بدك تستفرد فيني؟!! شوبدك؟
جابر: اهدي ليمار
ليمار:مابدييي اهدااا قلي ليش جبتني لهون
جابر: طيب هدي شوي لنحكي انا جبتك لهون مشان احميكي
بتصير تدفشو وتضربو وهو يقاوم ضرباتها
ليمار: تحميني من شو انا مابطيقك شوبدك مني انت ها؟ ليش دائما لاحقني، وين ماعم كون عم شوفك قدامي، وين مابلتفت بلاقيك، ليش عم تلحقني ليش جبتني لهون قلي
بتكون لسا عم تدفشو بيمسكلا ايديها. وبيقيد حركتها وبيوقفها وبتصير هي تقاوم
ليمار: ولك تررركنييي قلييي لشوووف ليش جبتنييي لهوووون ليش
وبدون سابق انذار بيصرخ فيها صوت بيوقف قلبها
جابر(بصراخ): لكك لاني بحبكك بدي احميكييي منهن ،فهمييي ليمار فهميي،
بتنصدم وبتستسلم
وبيكمل هو بلهجة اهدا
جابر:لكك انا كل الوقت حواليكي لاني مابدي يئزوكي،لك هدول الكلاب كلن متكالبين عليكي، بدهن ياكي بدهن يوسخوكي، انا جبتك لهون لاني بدي خبيكي منهن ليمار كرمال الله فهمييي فهميي
بتضل صافنة بكلامو حصة
و بتصير تضحك تدريجيا
وشوي شوي يعلا صوت ضحكتها بينما جابر مستغرب من ردة فعلها
ليمار(وهي عم تضحك):بتحبني؟ هههههههه رح موت ياربي رح موت، وبدك تحميني منهن هههه
جابر(بعصبية): ليماااار بلا مسخرة
بتغير لهجتها وبتحكي بجدية
ليمار: مسخرة؟!! مسخرة شو جابر؟ من كل عقلك انت عم تحكي؟ لك ليش انت بالاصل بتعرف تحب؟! لك انت مابتعرف تحب، انت مابتعرف غير القسوة والعنف، انسان متلك مابيعرف الحب
جابر: مبلا بعرف وبعرف كتير،
ليمار: حاج حكيي فاضي جابر،لو كنت عنجد بتحبني وخايف عليي منهن ، كنت رجعتني عالبيت لعند اهلك مو جبتني لهون
جابر: مافيني رجعك عند اهلي ،
ليمار: وليش بقا؟
جابر: بخاف يكونو بيعرفو انك عايشة عندنا بالبيت ويئذو اهلي، لهيك جبتك لهون هالفترة،لبين مالاقي شي مكان خبيكي فيه
ليمار: جابر انت شو عم تعفس، انا مابدي ضل مخباية هون وهون انا بدي ارجع عند اهلي لشغلي وحياتي، مابدي ضل هيك
جابر: رح ترجعي نشالله بس مو هالفترة انتي بس اهدي
وبيقرب منها وبيحط ايديه. ع ايديها وهو عم يتطلع فيها بحب
بتنفعل ليمار وبتدفشو عنا
ليمار: اوعك تقرب مني جابر،
جابر(بحزن): ليش هيك عم تعامليني ليمار، انا شوعملتلك
ليمار(بضحكة مسخرة): هه مابتعرف شو عملتلي
اشرتلو ع شعرها
ليمار:هاد مين عمل فيه هيك!
جابر: انا اسف كنت مدايق،وانتي استفزيتيني ،ماحسيت ع حالي شوعملت
ليمار: حاج بقا جابر حاج بربك مابدي اسمع منك ولاشي صوتك بكره اسمعو،
وبيصير يقرب منها شوي شوي وبيحط راسو ع كتفها وبيحكي بصوت حزين
جابر: بس انا بحبك
ليمار: وانا بكرهك بكرهك جابر، بعمرك ماتتامل مني شي لاني بكرهك
بكرهك بعد السما عن الارض
ومستحيل انسا الي عملتو معي
بيشيل راسه عن كتفها وبيطلع فيها بنظرات حزينة
جابر: انا بعترف اني كنت قاسي كتير وضربتك وذليتك، بس انا كنت مجبور، بيوم الي اكتشفنا انو انتي ليمار، ماشفتي كيف عابد قلي ضربها وانا ماكنت عم رد عليه، ماكان عم يجي من قلبي ائذيكي وبيحط ايدو ع وجها وبيصير يتأمل جمالها
ويحكي
جابر: كنت عم قول بقلبي مو حرام هالجمال ينضرب وينذل،وغير هيك انتي من ريحة الحبايب كيف بدو يجي من قلبي اضربك،بس نجبرت عابد شخص مابخاف الله ،لو بيومها مانفذت كان بيمسح فيني الارض
ليمار(والدمعة بعيونها):وهلق كيف تجرأت تعصي اوامرو
جابر: هلق صارت الشغلة غير،صارت بتتعلق بالشرف، هاد سعيد حاطك براسه، وعابد كمان كان بدو يبيعك متل باقي البنات، وتنازلي عنك،فكرني متلهن بدي اتركك لغاياتي، بس لا انا مافيني ائذيكي ولا اعمل شي يمس شرفك،لاني عنجد بحبك، ومستعد موت الف موتة وماخليهن يقربو منك
بتضل ليمار صافنة بكلامو
ومصدومة فيه، معقول الشب يلي الكل بيخاف منو
ومن شرو بيطلع منو هيك تصرفات
معقول ورا هالقسوة في حنية
ليمار: مين انت جابر، مو هاد جابر يلي بعرفو، جابر الي بعرفو قلبو متل الحجر، جابر بس بيضرب
جابر: هاد يلي بتشوفيه، انتي مابتعرفيني من جوا،
لما كنتي تشوفيني عم اضرب البنات، فكرك كنت مبسوط، صدقيني كل ضربة كنت عم اضربها
ماكانت عم تنزل ع جسمهن،كانت عم تنزل ع جسمي انا ،انا يلي عم اتوجع اكتر منهن،لاني نحطيت بطريق بعمري ماتمنيت كون فيه
لاتشوفيني هيك،انا عم موت الف موتة، عم اكل اصابعي ندم ع كل مرة زعلت فيها امي،بس صدقيني مو كنت حاسس ع حالي شو عم اتصرف،كنت مراهق،ومابعرف الصح من الغلط
ليمار:....
جابر: ليش سكتي
ليمار: لانو مابعرف شو احكي
جابر: احكي اي شي
ليمار: بدي ارجع عالبيت
جابر(بعجز): صعب هالفترة
ليمار(بقهر): بس انا تعبت، مليت قرفت
جابر: مجبورين نصبر لبين مانعرف شو بدنا نساوي
ليمار: طيب وهلق شو؟
جابر: هلق رح روح شوف عابد يمكن طول لاارجع
ليمار: طيب قلي انت كيف جبتني لهون
جابر: مابتتزكري بالليل بعد مااجا سعيد وقلتلك نامي؟
ليمار: مبلا بتزكر؟
جابر: بعد مارحت ماقدرت نام ضليت طول الليل قلقان وعم فكر،اخر شي قمت اخدت مخدر. صحيتك وبخيت بوجهك وقت فقدتي الوعي جبناكي انا وسهيل وشبين لهون
ليمار: وماحدا حس عليكن؟
جابر: لاماحدا حس لاتخافي دبرنا امورنا
ليمار:...
جابر: يلا رح امشي
وبيلف ضهرو وبيجي ليطلع بيوقفو صوت ليمار: بدك تتركني هون؟
بيلتفت لعندها
جابر:شو الي،ساعة عم احكي ولابدك رجعك معي مشان سعيد ياخد غايتو
بتنزل راسها بالارض ومابتجاوب بشي
ليمار: ...
جابر: رح تضلي هون هالفترة
بيأشرلا باايدو ع خزانة
جابر: هون في مي واكل بس تجوعي طالعي وكلي
وبس بدك تفوتي عالحمام
سهيل برا دقي الباب وقوليلو
وبيرجع بيلف ضهرو وبيطلع من الغرفة وبيقفل عليها الباب
بتقعد ليمار بالارض وبتصير تبكيي
ليمار: لك شوعملت بحالي انا شو، ياريتني سمعت كلامك ياانس وماعملت الي براسي.
----------------
بالفرع
بيكونو ميسم وانس قاعدين سوا
وعم يتناقشو بمواضيع الفرع
ميسم: وشو منشان مرتك سيدي
انس(بحيرة):والله مابعرف ياميسم ايديي مربطة
ميسم: انا عندي فكرة
انس:وشو هي
ميسم: منبعت كم بنت من عنا منزرعهن بيناتهن
وهنن بيساعدونا
انس: وكيف هيك؟
ميسم: متل مابعتت ليمار لعندهن، او بطريقة بتشبها
انس: يازكية مابينفع
ميسم:وليش مابينفع
انس: لانو عابد صار بيعرف هالحييل من وقت ماكشفو ليمار، ف مارح تمشي معو هالاساليب
ميسم: طيب لكن شو بيطلع باايدنا نعمل غير هيك؟
انس:هففف والله مضروب ع راسي شوبدي اعمل ماعم اعرف ضايع، لك شقفة واحد مابيسوا صرمايتي،عاجز عن انو القي القبض عليه ،وكلو كرمال حياة مرتي وبنتي
ميسم: طول بالك سيدي وهدي وفكر بشي طريقة نطالعهن فيها من ايدين هالكلب
انس:ليش مين قلك ماعم فكر، بس ماعم لاقي طريقة تنفع، ومافيني ابعتلو حدا
لنص العصابة، لانو شغلت ليمار نكشفت وصارت واضحة عليه هالالاعيب
ميسم: معك حق،وكمان مافينا نحن نعمل شي يثير الشك بقلبو. حفاظا ع سلامة المدام
انس: ولك اخ بس اخ. بتعرفي شو عم يخطرلي
ميسم: شو
انس: عم يخطرلي روح اقتلو كل عيلتو، يااما اخطفلو حدا منهن مقابل يرجعلي مرتي
ميسم: سيدي شبك هلق هاد حل؟
انس: اي حل، لكن حلوة يلي عم يعملو معي هالابن الحرام، بس على كل حال، انا عاطيه مهلة هالاسبوع بس،واذا مابيسلمني مرتي وحياة ربي لحتى احرق قلبو على عيلتو هالابن الكلب
ميسم(بقلق): سيدي الله يوفقك لاتتهور
انس(بعصبية): لكك شو مااتهور شو، رح يصرلي قرابة شهر، لاحقو وعم اعمل كل شي بيرضيه لخلص مرتي من ايديه. اخر شي بيقلي بسلمك هي ع مزاجي،مارح اسكتلو انا ميسم وحياة الي خلقني لخليه يشتهي الموت هالابن الحرام ودوقو الامرين.، لك انا ماعاد اتحملل ماعاد اتحمل ميسم، بنتي اجت عالدنيا وماشفتا. ولدت عند العصابة بالوقت الي فيه انا كنت عم احلم انا اول واحد يحملا بعد ماتولدها امها، ضمها لصدري وادنلها، بس نحرمت من هالشي بسبب هالوسخ. ولسا بتقوليلي لاتتهور. بدي اتهور وكتييير كمان صابر هالكم يوم بس وازا مابيرجعها، هداك الوقت لكل حادث حديث
ميسم(بحزن): الله يحمل معك سيدي. والله انت مابتستاهل الا كل خير
--------------
بمكان تاني
صف سيارتو قدام باب بيتو
ونزل منها
ومن بعيد كان في حدا ملتم واقف وعم يراقبه
حمل تلفونو وعمل تلفون
---: هلق وصل عالبيت لحاله مامعه حدا،يمكن زوجتو بالبيت ماطلعت لمكان، طيب طيب ماشي
وسكر الخط وبقي عم يراقب
قرب جلال ع باب البيت حط المفتاح بالباب وفتح ودخل
والشخص لسا عم يراقبو
دخل جلال ع غرفة القعدة
كانت رولا قاعدة وايديها ع خدها ودمعتها ماعم تنشف اطلع فيها بنظرات عجز وقعد جمبها
وطبق ايديه ع بعض
جلال: بدك تضلي تبكي، لاايمتا رولا
رولا: لحتى الله يفرجا وترجع
جلال: الله كريم
رولا: مابين معك شي
جلال(بحسرة): ياريت
بتندار لعندو وبتقعد جنابي
رولا(تبكي): لك ليش ليش،بدفع نص عمري واعرف وين راحت وين ختفت، طيب ازا ماراحت ع لبنان وين راحت،ليش كذبت علينا ،شو عم يصير جلال بس قلي، اول مرة جابر ابن قلبي، وهلق ليمار،ليمار يلي كانت مصبرتني ع غيابو
كانت اعصابها منهارا ومع كل كلمة لغة جسدها عم تحكي وتعبر عن المها وحزنها
بينما كان جلال وجعو نفس وجعها بس عم يحاول يكابر ويبان بالمظهر القوي
اخدها لحضنو وحاول يهديها
وصار يحكي بصوت مليان حزن وغصة
جلال: خلص رولا خلص اهدي طولي بالك، ان شالله
رح ترجعلنا، ورح ترجع تزين حياتنا من جديد،ومو بس هي، جابر كمان انا عندي امل انو يرجع كمان
انتي بس دعيلهن، ادعي لربك يرجعولنا
رولا(بصوت مخنوق):ياارب يارب دخيلك ترجعهن،والله قلبي ماعاد يتحمل والله
جلال: روقي طولي بالك، كل شي رح يكون منيح بااذن الله
---------------
بالمزرعة
رفع ايدو عابد وضرب جابر كف
حط ايدو ع وجهو واطلع بعابد بكل عين قوية
وحكا بمسخرة
جابر: مابيوجع ، ماحدا بيعرف يضرب متل جابر
بيرفع ايدو التانية وبيضربو كف تاني اقوا من يلي قبلو
لكن جابر بيضل مثبت وعم يتطلع فيه بنظرات مستفزة
جابر: وقت بدك تضرب، وجع معلم، عدم المؤاخذة كف طفل صغير بيوجع اكتر
بيمسكو عابد من تيابو وبيشدو
عابد: ولكك حيوان حقيررر، شو صايرلك انت،مابقا تحسب حساب لحدا ،شو صايرلك جانن؟! من ايمتا انت بتقلل ادب معي؟
جابر: من وقت ما فلتت رجالك يامعلم، انا قلت وحكيت الف مرة انو ليمار ماحدا بيقرب عليها، بس ماحدا رد عليي، ف لاتلومني شو ماعملت
عابد: ان شالله بدنا نمشي ع كيفك ولاك حقير
جابر(بلهجة تهديد); مجبورين تمشو ع كيفي،لانو وحق الي خلقني، بحرق المزرعة فيكن،معلم انا ماعدت صغير،خلص جابر الصغير كبر، كبر كتيير، وصار بيخرب الدنيا
بتنهار اعصاب عابد
بيدفش جابر وبيصير يضربو
عابد:لك عم تهدد صرمايتي ولاه كلب، عم تهدد ياابن الكلب، شكلك نسيت مين انا، نسييت، لك انا الي بحرق الارض فيك ازا لسا بتعصي اوامري ولاه،يخرب بيتك ماعدت ستحيت ماعدت تهاب حدا،وين ليمار ولاه ليش ماجبتا معك
جابر(وهو عم يبعد ايدين عابد عنو); لوكان بدي قلك وينها ماكنت خبيتها
بيرجع بيهجم عليه عابد ليضربو لكن جابر بيتجرأ وبينزلو ايديه
جابر: خلص بقا عم توجع ايديك عالفاضي،ضرباتك ماعم يأثرو فيني
بتزيد عصبية عابد اكتر وبيمسكو من رقبتو
عابد: بدك تحكي وين ليمار ولاه والا بمسح فيك الارض
بيطلع فيه جابر بهدوء وبيهزلو براسه (برفض)
جابر: تسئ مارح احكي،
عابد: طيب ياجابر طيب،لنشوف ازا بدك تحكي او لا
بيتركو وبيدفشو عالارض
وبيصرخ وهو عم يطلع بجابر بحقد
عابد: يااارجاااال
بيجو تنين من الشباب لعندو:امرك معلم
بيأشرلن باايدو ع جابر
يلي كان قاعد بالارض وعم ينقل نظرو عليهن
عابد: خدولي هالكلب بتعلقوه من ايديه وبتضلووو عم تضربوه ليحكي وين خباها لهالبنت الصرامي،
بدي اصواتو توصل لعندي عم تفهموو
الشباب: امرك معلم
عابد: يلا لشوف خدوه
قربو الشباب من جابر وسحبوه من ايديه
واخدوه
قعد عابد ع الكرسي وصار ينفخ
عابد: لعماا بعيونو شو حيوان وبلا حس لعما ،بفرجيك ياجابر ازا مابخليهن يسلخو جلدك عن عضمك
دخلو الشباب عالسجن ومعهن جابر شلحوه من فوق وعلقوه وبلشو فيه ضرب
بينما هو كان عم يظهرلن انو ماعم يتوجع لحتى يستفزهن
جابر(بااستهزاء): شو هالضرب هاد مابيوجع اخس ع الرجال،عم تستقوو عليي وانا مجنزر، فكوني وفرجوني مراجلكن ياصيصانو لعابد هههههه
---:خراس وسد بوزك ولاه
جابر: اي على عيني رح اخرس، بس المعلم قال. بدو صواتي توصل لعندو، ف مابنصحك يعني
عصب منو الشب وصار يقوي ضرباتو اكتر بينما جابر كان مقوي حالو وعم يتحمل لحتى يقهرهن
بلش الشب يتعب،ولسا جابر ماعم يطالع صوت وعم يتحمل
جن جنانو ترك الكرباج من ايدو
ووقف قدام جابر ومسكو من وجهو
---:لك يخرب بيتك مافيك حس، ماعم تتوجع
جابر:لاوالله ياصاحبي، لان ضرباتك مابتوجع، مابتوجع ضربات الصيصان، ههههههه
وبلش يغنيلو ويضحك
جابر:هالصيصان شو حلوين عم يدورو حوالين عابد مبسوطين، ههههه
---(بصراخ):يخرب بيتك شو حيوان وبلا حس ولااااه،والله لموتك والله،
بيطلع ع رفيقو وبيصرخ فيه
---:ضربوووو ولاك ضربو،اسلخلي جلدو لهالحقير
بياخد الشب الكرباج من الارض وبيرجع بيضرب جابر بكل قوتو
وبيضل جابر عم يكابر ويستفزهن وهنن عم يضربوه
---------------
عند ليمار
بتكون قاعدة وطابة راسها ع رجليها
وفجأة بتسمع صوت صراخ رجال: لككك فكوووني،مشاان االله، خلوني روح ببوس ايديكن
الصوت بيكون جاية من الغرفة يلي جمبها
بتقرب ناح الحيط لتسمع اكتر
بيضل هو عم يصرخ وهي عم تسمع
فريد: لكك بترجاكن طالعوني والله تعبت، يامعلم جابر،دخيلك سامحني، والله تعبت، دخيلك خليني رووح
وفجأة بتسمع صوت سهيل دخل لعندو
سهيل:سد حلقك ولاه احسن ماسدلك ياه بصرماية
فريد: وينو جابر،كرمال الله قلو يخليني روح
سهيل:لكك خراس ولاه، ياويلك ازا بسمع صوتك، رح احرقلك لسانك،متل ماالمعلم حرقلك جسمك
بتنصدم ليمار وبتبعد،عن الحيط
ليمار(مستغربة): مين هاد ياترا، يخرب بيتك ياجابر شو مئذي، ماحدا خلصان من شرك، لعما بعيونو حارقلو جسمو للزلمة،،يالطيف شو شرير ومابخاف الله
-----------------
بالليل
كان عابد قاعد ولافف رجل ع رجل
وعم يتفرج
بيقوم عابد من مكانو وبيأشر للشباب يوقفر ضرب وبيقرب لعند جابر وبيطلع فيه ب شر
عابد: اي ياحلو، بدك تحكي وين رحت ب ليمار ولا مابدك تحكي
جابر: لا مابدي احكي، شو مابدك اعمول
عابد: مابدك تحكي!!
جابر: لا مابدي احكي ومستحيل احكي كلمة،لتعطيني عهد،انك ماتسلمها لااي رجال
بيهز راسو عابد بمسخرة وبيرفع ايدو وبيضرب جابر بوكس
عابد:ولك مافشرت بنص عينك ولاك، جكارة فيك بدك تحكي مكانها غصب عنك، وفوق هيك بدي خلي الشباب يمسحو الارض بشرفها قدام عيونك
جابر: قتلني معناها معلم، لاني مارح قلك وين مكانها
عابد: بس تكون الشغلة ع كيفك،
بيطلع بالشب يلي عم يجلد جابر وبيصرخ فيه
عابد: ضربووو ولاك
جابر(بضحكة مسخرة): اي ضروووب ضرووب مافي شي رح يخليني احكي
عابد: ايي منشوف ياكلب
بيرفع ايدو الشب وبيبلش جلد ع جسم جابر
وفجأة بيدخل سعيد
سعيد: وقفو تركوه
بيلتفت لعندو عابد مستغرب
عابد: شوالقصة سعيد
سعيد: عبوود خلي الشباب يفكوه
عابد(متفاجئ): ولي بقااا، مستحيل خليهن يفكوه
سعيد:معلش عبود معلش جابر شب كويس ومافي منو، وبدون مانضربو رح يحكي مكان ليمار ومو بس هيك رح يجيبها لعند رجلينا
وبيقرب من جابر وبيطلع فيه ب نظرات شر
بيضحك جابر وبيرفع راسو وبيطلع ب سعيد
جابر: لا واثق من نفسك كتير
سعيد(بثقة): طبعا لك جبروو
جابر: اي لاتعذبو حالكن مارح خبركن عن مكانها
سعيد:طيب طيب، بكراا منشوف،
بيلتفت لعند الشباب وبيصرخ عليهن
سعيد: تعو فكوه لهالحليوة
عابد(بصراخ): لككك ليش بدك تفكوو شو غير رايك
سعيد: بعدين بتعرف عبود، هديلي حالك،ووثاق برفيقك، يلاا شباب فكوه
---:(لعابد) شومعلم نفكو؟
سعيد: انا عم قلكن فكوه
بيكون عابد صافن بكلام سعيد ومستغرب من تصرفو الغريب، بس بحاول يسايرو ليفهم شو القصة
بيفيق من صفنتو وبيلتفت عالشباب
عابد: فكوه،لنشوف اخرتا
بيقربو الشباب من جابر وبيفكولو ايديه وبنزلوه
بيرمقو سعيد بنظرة مسخرة
سعيد: يي ع قلبي ياجبرو ضربوك كتير ما،والله لقص شواربهن هالحيوانات
بيضل جابر ساكت بيعطوه الشباب كنزتو بيلبسها وهو عم يحرك حالو بصعوبة وبيطلع بيمشي وبيتسند عالحيطان
ماعم يقدر يتحرك ع قد مااكل ضرب
صار يمشي بممر المزرعة وكل مايشوفو حدا من البنات فيه بشماتة، من زمان وهنن مستنين يشوفوه بالحالة من زمان حابينو يدوق الوجع يلي كان يدوقهن ياه، طخا راسو بالارض متل الي مالو عين يتطلع بحدا، وبقي ماشي لحتى وصل ع غرفتو، دخل لجوا وسكر الباب وقعد عالتخت
صفن بالعدم وعيونو كانت عم تحكي عالقهر الي جواته، كان في عالكوميدينا جمبو صمدية حمل الصمدية ورماها وصرخ بصوت عالي: عمممم تتكالبووو علييي ياكللاااااااب
--------------
اما عند عابد وسعيد
دخلو عالمكتب وقعدو
عابد: هات لشوف قلي ليش خليتنا نفكو لجابر ونوقف ضرب؟
سعيد:ههه لانو محضرلو ضربة بتوجع اكتر من الضرب بكتييير
عابد(بتساؤول): مافهمت؟؟؟
سعيد(ب شر): اي لاتستعجل عبووود، بكرا بتعرف
بيعصب عابد وبيصير ينفخ
عابد: هلق بدك تقلي شوفي ولا لا
سعيد: قلتلك لاتستعجل، بكرا لحالك بتعرف
عابد(بنفاد صبر): هففف طيب ماشي رح شوف شو مشاريعك، سيد سعيد
سعيد(بثقة): اي ستنا وشوف،وحياتك رح خليه يتمنا لوضل عم ينضرب ولو مات الف موتة قبل ماكان صار الي بدو يصير، ورح يجيب ليمار لعند صرمايتي
عابد: وهاد المطلوب، بدي استنا لشوف شوعم تخطط، مع انو لازم تخبرني بكل شي نحن شركاء
سعيد: لكك واحلا شرييك،بس حابب اعملك هي مفاجأة
كان في قنينة مشروب قدامو
شال قنينة المشروب وصب كاسة الو وكاسة لسعيد
عطاها الكاسة وابتسم
عابد: عم استنا مفاجئاتك ابوشريك، شراب
بياخد الكاسة وبيبتسم بخبث
سعيد: كاس تكسير راس جابر
بيطرقو الكاسات ببعض وبيضحكو
----------------
عند انس
كان قاعد قدام الابتوب
وعم يتفرج ع صور بنت
عمرها بحدود ال 18 سنة
كبس ع صورة الها وصفن فيها شوي
وابتسم ابتسامة صفرة
انس: لارا الكساب.
اختو الصغيرة للحقير عابد، هه اكيد بتكون مدللة كتير،
بيعمل زوم ع الصورة وبيصير يحكي معها
انس: انتي بقا ياانسة لارا، رح تروحي بضحية شر اعمال اخوكي،،يعنييي انا اسف، اخوكي ماخلا مكان للسلم، لهيك صار وقت الحرب، وانتي السلاح يلي رح حارب فيو عابد،
بيسلمني مرتي وبنتي،،بسلمو ياكي، مابسلمني ياهن،ورحمة اميي لحتى بكيه دم عليكيي،
تغيرت نظراتو للغضب وسكر اللابتوب بعصبية
ودفشو لورا
انس: كرمال السيد عابد،رح نقلب من امن ، لمافيا،بفرجيك ياعابد الكلب، والله لندمك والله
بيحمل التلفون، وبيتصل بعابد
عم يرن،،،،،،: اهلا بالنقيب والله
انس: ولاه وسخ، شو صار معك
عابد:بشو
انس(بصراخ):لككك مابتعرف بشو، مرتي. مرتي ياوسخ ايمتا بدك ترجعها
عابد(بمسخرة):والله ياانوس، قلتلك ع مزاجي، وقت الي انا بدي،
انس: ليك ولااه حقير، لاتتشاطر عليي والله بندمك انا والله،
عابد:مابتسترجي تعمل شي، لاني حلفتلك كم مرة انو اي شي ضدي مرتك رح اقتلها ورجعلك هي جثة
انس(بصراخ اكتر); ولكككك حيواان، حيوان لاتتشاطر، عليي عم قلك بندمك،شوف ولاه حقير،قدامك هالاسبوع بس، اليوم شو؟ سبت؟ ،ازا السبت الجاي لميا وبنتي مابكونو عندي،وحق الله لحتى اخرب بيتك،
عابد(بااستهزاء): شوفيك رح تعمل يعني!
انس: فينييي اعمل كتييير،انا انس ياعابد انس،
ليك ولاه انا حزرتك، ياويلك ازا للسبت مابتكون لميا بالبيت ياويلك،
عابد(ببرود): اي طيب طيب
وبيسكر الخط بوجهو ليزيد جنون انس
رما التلفون من ايدو لحتى نخبط بالحيط وصار يرمي كل شي موجود حواليه
ويصرخ: ياااابن الكللللللبب
----------------------------
بالليل
متسطحة وماعم تقدر تنام كل شوي تتقلب ع طرف وتحاول تغفى لكن بكل مرة كانت عم تفشل
وفجأة انفتح باب الغرفة قامت مفزوعة وخايفة. وصارت عيونها عالباب
جابر: لاتخافي شبك، هاد انا
ليمار: شو بدك ليش جاية بهالوقت
سكر الباب وقرب لعندها وهو عم يعرج ع رجلو
اشرتلو باايديها
ليمار:وقف لاتقرب
جابر: هههه لك شبك وليه، مارح اعملك شي
ليمار: لكن ليش جاية بالليل، طلاع لبرا والله بموتك ها
بيتجاهل كلامها وبيقرب بيقعد بلزقها وهي بتبعد عنو
ليمار: لككك شو مابتفهم انت
بيرجع بيقرب منها وبيمسك ايدها
جابر: لك جدبة شبك،موقلتلك انا اخر واحد بيفكر يئذيكي، ليش خايفة، انا والله مابدي اعملك شي، انا بس جيت اطمن عليكي
ليمار(بعدم رضا): والي بدو يتطمن عالتاني بيجي بنص الليل؟ !
جابر: ماقدرت اجي قبل هلق
بيكون ساند ضهرو باايدو وعلى وجهو في اثار كدمات
ليمار:شوهاد يلي ع وجهك،
بيحط ايدو ع وجهو ليتحسس الكدمات
وبيحس بالخجل، كيف
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*