بين اختيارين - الفصل 7 - مكتملة | روايتك

*؏ــڜــٱق✍🏻 اڵــڔﯣايــات📚📖🧡* _*بإدارة محمـــــــود*_🧡 *`قصة اليوم `بين اختيارين* *❴🔢❵الـــبـــــــــــ❴7️⃣❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:جــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* *❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *📚*https://whatsapp.com/channel/0029VadbWnd89inYkEVrpG0C *📖📚؏ــڜــٱق✍🏻 اڵــڔﯣايــات📚📖* #بين اختيارين #الجزء السابع ببيت هاني عم يندق الباب فتح الباب هاني ولقا رولا قدامو ، وكان شكلها موطبيعي هاني(باارتباك):اهلين خالة رولا رولا: اهلين فيك ياابني ، فيني احكي معك ؟ هاني: اي اكيد خالة تفضلي فوتي دخلت رولا وقعدت وكان وجها مابيتفسر هاني: خير خالة شبك؟ رولا تبكي: ليمار ياهاني هاني: شبها خير ؟ رولا: ليمار صرلا كم يوم ماعم تحكي معي ومابعرف شوقصتها ، ماعم ترد عتلفوناتي ، لك والمفروض ترجع بقا من بيروت رح يصرلا اسبوعين هنيك هاني حس بالقلق بس حاول مايبين هالشي لرولا بلع ريقو بصعوبة وقلا: بتكون مشغولة خالة لاينشغل بالك ، بس تقدر بتحاكيكي رولا: بس انا قلبي على نار ،وبعدين شو هالشغل العظيم الي بخليا تسكر خطها كل هالمدة هاني: طولي بالك خالة ، ان شالله مافي شي رولا: يارب دخيلك الله يسمع منك، بس انا جيت لعندك قلت بلكي بتعرف شي عنها هاني: لا والله ياخالة علمي علمك ،طيب انتو شو عملتو؟ خبرتو الشرطة! حكيتو مع حدا هنيك؟ رولا: مبلا خبرنا الشرطة وحكينا مع ناس هنيك ماحدا بيعرف عنها شي عمك جلال اليوم راح يسال عنها عالحدود بلكي لاسمح الله رجعانة وصاير معها شي ولهلق مارجع قلت بشوفك انت اذا بتعرف شي عنها هاني: لاوالله ياريت لو بعرف شي رولا(عم تضرب ع رجليها):ياربي دخيلك وين اختفت البنت دار وجهو عالطرف التاني وهو خايف وقلقان هاني(بينو وبين حاله): ولييي لك شوبدي اعمل، قلا انو ليمار راحت عند العصابة،وليي والله لتنجلط من غير شي رح يجن جنانها عليها، الله يصلحك ياليمار ماصار الا عملتي الي براسك، ------------------ بالمزرعة كان الدكتور عم يفحص ليمار وجابر واقف جمبو ومتوتر وكل شوي يسألو: شو دكتور شوطلع معك؟ الدكتور: ازا بتريد خليني اعرف افحص المريضة ،بس يبين معي بقلك ، جابر: .... بعد دقايق شال الدكتور السماعة من ع ادنو ولتفت لعند جابر الدكتور: انهيار عصبي ، حالتها النفسية كتير سيئة والجسدية كمان، البنت صاير معها جفاف من قلة الغذاء ، هل يومين رح تعيش عالسيروم ، ولازم تضل تحت المراقبة ، ورجائا لاحدا يزعلها او يدايقها ، وانا هلق رح اكتبلا عااادوية وفيتامينات جابر: طيب يعطيك العافية الدكتور: الله يعافيك، عليها العافية ، طلعو جابر والدكتور برا الغرفة وطلعت بوجهن فرح جاية مستعجلة فرح: جابر لميا مابعرف شو صرلها عم تصرخ وتبكي ،يمكن بدها تولد ، جابر: دكتور خلينا نروح نشوفها ، راحو لعندها لقوها عم تبكي وتستنجد لميا: دخيلك يادكتور رح موت من الوجع الدكتور: الكل لبرا بس خلي وحدة معي مشان تساعدني، طلعو كلن لبرا وبقيت فرح معو الدكتور فحص لميا وبين معو انو صار موعد ولادتها الدكتور: يمكن تحتاج لعملية قيصرية فرح: اي وشو يعني؟ الدكتور: يعني انا ماعندي عدة فرح: دبرها دكتور الدكتور: لك شو دبرها عم قلك مامعي عدة ، كيف بدك ياني ولدها ؟ فرح: والعمل هلق؟ الدكتور: رح نستنا ساعة ، ازا ماحسيت انها بتقدر تولد طبيعي، بدنا ناخدها عالمشفى اجباري ،،، ---------------- بعد ساعتين كانت عم تتوجع وتصرخ بكل قوتها والدكتور عم يسحبلا الولد الدكتور: كمان شوي بقي شوي وبينزل لميا:ااااخ ياربي ماعاااد اتحمل وهديت واختفى صوتها اول ماضرب باادنها صوت صراخ طفل صغير رفع الدكتور الطفل قدام عيون لميا وهو عم يبتسم الدكتور: مبروك اجتك بنت كانت موجوعة كتير ، بس لما سمعت كلام الدكتور ابتسمت بمرار وبقيت عم تراقب البنوتة وهي عم تبكي اخدها الدكتور وغسلوها هو والبنات واعطوها للميا اخدتها لحضنها وصارت تتامل وجها الملائكي لميا: ياروحي انتي مااحلاكي دخيل هالوجه انا ياقلبي صارت تبكي البنوتة وتصرخ لميا: ياعمري انتي ،خلص ياعمري ليش عم تبكي، بدك تشوفي البابا ؟ ، والله موطالع باايدي شي ، التفتت لعند الدكتور يلي كان واقف جمبها لميا(بحزن): دكتور قلهن يرجعوني لعند زوجي ببوس ايدك ، الدكتور: .... لميا: ببوس ايدك دكتور ، لاتضل ساكت اطلع فيها الدكتور بعجز وطلع من الغرفة وهو ساكت ، مابيقدر يعمل شي ، ومابيقدر يساعدها حست بحرقة قلب ضمت بنتها لصدرها وسندت راسها لورا وبلشت تبكي لميا ؛ياربيييي دخيلك ، لاايمتا بدي ضل هون انا ، لاايمتا _____ بمكان تاني كان جابر قاعد جمب ليمار والدمعة بعيونو اول مرة بيكون ضعيف لهالدرجة ، كان ماسك خصلة من شعرها يلي قصلها ياه وعم يضمها جابر: دخيلك ياربي ، والله ماعاد عذبها، بس اشفيها ورجعلا صحتها ، والله ازا بصرلا شي مارح سامح حالي ، يارب هي الشي الوحيد ، يلي بملكو من ريحة اهلي، انتبه عحالو انو عم يبكي ، مسح دموعو وحاول يتماسك جابر: شبني انا، ليش كل هالقد محروق عليها؟ معقول كون بحبها؟ لا لا ،انا بعمري ماحبيت ،ولارح حب، بس ليش مهتم فيها؟ ليش نقهرت لماسعيد قلي انو بدو ياها؟ ليش انا هون جمبها هلق ؟ لك شو عم يصير معي، بعمري ماحسيت بهالشعور اتجاه بنت، كانت عم تبلش تفتح عيونها لقت حالها كتير تعبانة وعطشانة صارت تحكي بصوت متعب وتقلب راسها يمين وشمال ليمار: مي بدي مي كان جابر صافن لما سمع صوتها قلبو طار من الفرح، خبا خصلة الشعر و حمل كاسة المي قعدها وشربها باايدو شربت المي وبعدت ايدو عنها ليمار: ليش انقذتني ليش ماتركتني موت حط الكاسة ع جنب واطلع فيها جابر: لانو الي متلك مالازم يموتو ليمار(بحقد): بس الي بيكون بين ايدين واحد متلك، الموت ارحم الو جابر: ...... ليمار: منين اجتك هالرحمة ؟ ماانت كان بدك ياني موت؟ جابر: وغيرت رأيي ليمار:و انا لازم عيش على كيفك جابر: طبعا على كيفي ، على كيفي انا وبس ليمار: فكرت صار فيك شوية انسانية ، اتاريك هاد انت جابر: ارتاحي انتي هلق، مابصير تنزعجي ليمار: ليش قاعد جمبي لكن؟ جابر: مشان دير بالي عليكي ليمار: كتر خيرك والله، انا لما بتكون بعيد عني بكون باافضل حالاتي ، جابر:لا مارح بعد عنك، مارح اتركك وانتي بهالحالة ، بمرة من المرات، اول ماجيتي على بيتنا ، بتتذكري؟ يومها كنت مرضان كتير، وامي ماكانت بالبيت، انتي اجيتي وضليتي جمبي لحد مارجعت امي ليمار(بسخرية):اييي بتذكر وبيومها انت كنت عم تقلعني ،بس انا رفضت روح لانك كنت تعبان كتير جابر(باابتسامة):وهلق انا مارح روح ،رح ضل جمبك لتصيري منيحة ليمار: اه يعني هلق انت عم تردلي الدين؟ جابر: حسبيا متل مابدك ليمار:....رح اتحملك لشوف شو اخرتا معك ، ابتسم بوجها لااول مرة وهي كانت عم تطلع فيه ومستغربة دارت وجها عالطرف التاني وصارت تمتم بصوت واطي: شبو هاد؟ شكلو سخنان او صايرلوشي مافي بالعادة يضحك ،، ______ عند لميا دخل عابد لعندها كانت متسطحة وجمبها بنتها نايمة ابتسم اول مااطلع بالطفلة والتفت لعند لميا عابد: تربى بعزك ودلاك لميا: عن اي عز ودلال عم تحكي وانا هون؟ وبنتي اجت على هالدنيا وماشافها ابوها؟ عابد: مابظن رح تحبي يشوفها بعد اليوم ، بس عكل حال انا رح كون اكرم منك وخليكي تحكي معو لميا: ليش مارح حبو يشوفها؟ عابد: خدي احكي معو هلق،وبعدين بحكيلك ، رن على اسم انس وعطاها الموبايل انس: الو؟؟ لما سمعت صوتو صارت ترجف ونفجرت بالبكي انس: الو عابد؟ لميا: انس انا لميا انس( بلهفة):حبيبتي انتي منيحة ياروحي شو شتقتلك كيفك انتي؟ لميا: انس انا تعبانة انس: ياعمري وانا بدونك تعبان ، بس يلا هانت كل كم يوم وبتصيري عندي، مارح خليه لهاد الكلب يحرمني منك لميا: انس نحن صار عنا بنت انس(بحزن):شووعم تحكي؟ لميا: متل ماسمعت انس(بحقد): هالكلب ، ماصار الا خلاكي تولدي عندو ، كيف هي صحتها منيحة؟ كيف شكلها مين بتشبه؟ لميا: هي منيحة بس ناقصها تكون انت جمبها، بتشبهك كتير ، انس(بلهفة): شوو شوو سميتيها؟ لميا: لسا ماسميتها، ناطرة انت تسميها انس: سميها حياة كتير بحب هالاسم لميا(بحزن): متل مابدك كان عابد عم يسمع مكالمتهن وحس بالقهر والغيرة على لميا اخد التلفون من ايدها وحكا مع انس عابد: سماع ولاه ، لسا هالكلب الي عم تحكي عنو بدو يعضك كتير ، وصدقني انا رح رجعلك مرتك، بس لما رح ترجعلك، رح تتمنا انها مارجعت، سلام ياكبير سكر الخط واطلع ب لميا بعصبية لميا(بصراخ):لي سكرت بوجهو؟ عابد: بدك تعرفي ،شوعامل جوزك؟ لميا: شو عمل؟؟ احكي عابد: جوزك المحترم ، هرب شبين من رجالي من السجن وزور اوراق على اساس انو هنن انتقلو عالنيابة ، بس هنن بالواقع لا هنن رجعو لعندي ، ومو بس هيك، جوزك بعتلي عشر بنات من الفرع عندو ، سجينات يعني ،بعتلي ياهن مشان تاجر فيهن، مشان بيعهن متل ماعم بيع البنات الي عندي كانت لميا عم تسمع كلامو ومو مصدقة ، كانت عم تتمنا لو تكون بحلم مسكت بتياب عابد وحكت وهي مصدومة لميا: انت واحد كذاب عابد: لامالي كذاب، فيني هلق جبلك البنات وخليهن هنن يحكو، ومو بس هيك انا مسجل مكالمتي معو، والمكالمات بتثبت انو جوزك ، متورط. لميا: هو عمل هيك مشاني؟؟ عابد:.... لميا: جاوبني عمل هيك مشاني؟؟؟؟ عابد: اي مشانك ، بس مافي شي ببررلو عملتو، لانو بالنهاية ، البنات مالهن ذنب، وهو هلق اتطورط وانا فيني بااي لحظة افضحو وخلي حبل المشنقة يلف ع رقبتو ، بس انا ماعم اعمل هيك، لانو مابدي ياه يموت بدي ياه يحترق وهو عايش لميا: ماعم صدق ياربي ماعم صدق ، انس يعمل هيك؟؟؟ ومشاني؟؟؟ لك كانو انا طلبت منو، يئذي بنات العالم كرمال ينقذني، ليش هيك ياانس ليش عابد: لانو اناني اناني، ومابيهمو غير حالو لميا(بصراخ):لك خلص بقاااا تركني بحالي ماعاااد بدي اسمع صوتك ، طلاع لبرا طلااع عابد(بسخرية):اي طالع رح اطلع لبرا ، طلع لبرا وسكر الباب وتركها عم تبكي وتضرب حالها لميا: ليش هيك عم يصير معي انا ليش؟ ليش ياربي. _____ ببيت جلال رجع جلال عالبيت كانت رولا عم تحضر الغدا ركضت لعندو بلهفة ووقفت قدامو عم تستنا منو خبر يبرد قلبها كان ساكت وواضح ع وجهو علامات الخيبة رولا: شووو؟ جلال: .... رولا: ماعرفت شي عنها؟ جلال:... رولا(بقلق): احكي جلال كرمال الله رفع راسو وبلش يحكي بصعوبة جلال: سالت عنها عالحدود اللبنانية والكل اكدلي انو ليمار ماغادرت البلد بينت ع وجها علامات الصدمة مسكت باايدين جلال وادنيها كانت بدها تكذب يلي سمعتو رولا: شو يعني؟!!! جلال:.... رولا(بصراخ): لككك قلي شويعني فهمني،كيف يعني ماغادرت البلد؟! لكن وينها ليش ماعم ترد، وين ختفت ليش قالتلنا انو مسافرة ع بيروت، فهمني جلال فهمني ببوس ايدك جلال(بحيرة): مابعرررف مابعرف رولا انا متلك مابعرف شي رولا(بحزن):يعني خلص؟؟؟ ماعاد في ليمار كمان؟ اول شي جابر وهلق ليمار، ليش؟ ليش ياربي؟ جلال: رولا مشان الله ماتزيديها عليي ، وتركها ودخل لجوا انهارت اعصاب رولا رمت حالها ع الكنبة وحطت ايديها ع راسها وانفجرت بالبكي رولا : وينهن ياربي وينهن، ليش كل الي بحبهن عم يختفو،شو الذنب المرتكبتو لحتى عم يصير معي هيك، دخيلك ياربي ترجعهن هنن التنين، والله قلبي ماعاد يتحمل فراق ،دخيلك تبرد قلبي بخبر عنهن خيبة تليها الاخرى وكأن نصيبها من هذه الدنيا فقط الخيبات وكأنه كتب عليها الفراق كل ما اعتادت حزنا اتاها حزن اكبر،وكأن كل شيئ في هذه الدنيا كان يعاقبها على ذنب لم تكن تعلم ماهو .. ---------------------- كانت ليمار متسطحة بتختها وجابر قاعد ع جنبها ع الكرسي دخل لعندن عابد ووجهو مابيتفسر قرب لعند ليمار وبعيونو نظرات شر : شووو ياليمار؟ سمعنا انو كنتي بدك تموتي ليمار: اي والله هيك كان لازم ، بس شكلو مكتوب عليي ضل تحت رحمتكن عابد(بسخرية): اي شو بدك احسن من هيك نحن جماعة كويسين ، ومعدلين ليمار: اي واضح نقل نظراتو لجابر واطلع فيه بحقد عابد: وانت سيد جابر شوعم تعمل هون؟ جابر(متلبك): ..... عابد: لحقني جابر: امرك رمقو بنظرات غضب ودار ضهرو وطلع من الغرفة ولحقو جابر بسرعة اطلعت ليمار ع مكان ماطلعو بااشمئزاز ليمار:تف درب يسد مايرد منك الو __ عند عابد وجابر عابد(بعصبية): انا موقلتلك روح على شغلك؟ مين سمحلك تفكها ؟ وتجبلا دكتور؟ جابر: البنت كانت رح تموت اتركها تموت يعني؟ عابد: اييي تركها تموت ، ان شالله لجهنم الحمرا ، بعدين من ايمت انت؟ بتنقذ حدا عم يموت، من طول عمرك قلبك حجر شوصاير معك؟ ليكون عشقانها للبنت؟ جابر: عيب الواحد يعشق يعني ؟ عابد(بسخرية):ايوواااا ، معناها الي ببالي مزبوط جابر: ليش شو الي ببالك؟ عابد: انت من اول مااجت هالبنت ،وانت متغير، لا لا مو من اول مااجت من وقت ماعرفنا انها ليمار، تغيرت وكنت شاكك انو في شي بينك وبينها جابر: لا انت راح فكرك لبعيد، البنت بتكره الارض يلي بمشي عليها ، عابد: وانت بتحبا؟ اتلبك وحط راسو بالارض من سؤال عابد المحرج جابر: مابعرف عابد: بس سعيد بدو ياها للبنت وانا قلتلك اني رح اجرها انفعل ورفع راسو جابر(بعصبية):ايدو بكسرها ازا بيقرب عليها ،وانت كمان معلم مارح اسمحلك تخلي حدا يلمسا عابد(بضحك):ولسا مابتعرف ازا بتحبا ولا لا؟ جابر: ..... عابد: هلق انت من بين كل هالبنات مالقيت تحب غير هالجاسوسة الكلبة؟ جابر: على اساس البنات يلي عنا احسن عابد: اي احسن ، في عندك فرح، يازلمة بتموت عالارض الي بتمشي عليها؟ جابر: بس فرح اكبر مني ، وانا مابحس بشي اتجاها عابد: وهديك الجاسوسة بتحس شي اتجاها؟ جابر: القلب ومايهوى عابد: هههههه عنجد انت مين؟؟ جابر: انا جابر وماتغيرت ولا رح اتغير عابد: شوف جابر انا مني وعليي، خلص سحبت كلمتي ماعاد اجر ليمار لااي حدا كرمالك ولراعي مشاعرك بس ولانك غالي عليي بس سعيد مارح يسكتلك. وازا صار ماصار، انا اكيد مارح وقف معك واترك رفيقي وانا كمان لوحدا غيرك حاكي معي يلي حكيتو كنت قصيت رقبتو، بس انت لاني بحبك سكتلك جابر: وانا مابهمني، عملو الي بدكن ياه، بس انا عم قلك ازا سعيد بيقرب ناح ليمار خطوة بدي احرق الدنيا ، لاتستهين فيني انا بقدر جيب اجلكن ، عابد: وفيني اعتبر هاد تهديد؟ جابر: اعتبرو شو مابدك ، ترك الغرفة وطلع معصب وكان عابد مستغرب من ردات فعل جابر عابد: والله وكبرت ياجابر، وصرت بتخوف ____ رجع جابر لعند ليمار وشاف سعيد عندها دخل والشر بعيونو وكمش سعيد من رقبتو جابر: انت شوعم تعمل هون ولاك؟ سعيد: وانت شودخلك؟ جابر: شو دخلني؟ رح قلك شودخلني ، دفشو عالارض وبلش يضربو بدون وعي على وجهو وعلى بطنو ، كانت ليمار عم تطلع عليهن ومانها عرفانة سبب المعركة الي عم تصير قدامها ، اما سعيد ف كان جابر اقوى منو واستسلم لضرباتو القوية ،خصوصي انو جابر هو الجلاد تبع العصابة ، والضرب هي شغلتو ، وقف جابر عن ضربو لسعيد ومسكو من رقبتو واطلع فيه بشراسة وهمسلو: شوف ولاك كلب هي البنت، بتنساها، وازا برجع بشوفك هون رح كسرلك رجليك عم تفهم سعيد: ..... جابر: عم تفهم؟؟؟ هزلو براسو علامة موافقة فلتلو رقبتو وصرخ فيه: قوم انقلع سند حالو سعيد ووقف بصعوبة اطلع بجابر بقهر سعيد: الله يلعن ابو هالزمن يلي بخلي ولد متلك يمد ايدو عليي جابر(بسخرية):كنت فرجينا مراجلك. اطلع فيه بحقد وطلع من الغرفة وهو عم يعرج على رجلو ، خبط باب الغرفة بقوة ووقف قدامها سعيد: شوعليه ياجابر بفرجيك جوا ليمار: ليش هيك عملت فيه؟ جابر: لانو بدي احميكي منو؟ ليمار: هههههه جابر: ليش عم تضحكي؟ ليمار: تحميني منو؟؟؟؟ ، ليش ان شالله مفكر حالك احسن منو؟ جابر: ... ليمار: ليش سكتت؟ جابر: ماعندي شي قولو ليمار: جابر فيني اسالك سؤال؟ جابر: اسألي ليمار: ليش انت هون؟ جابر: لاني نجبرت كون هون ليمار(مستغربة): نجبرت ليش نجبرت مين جبرك؟ جابر: الدنيا جبرتني، هنن جبروني، ليمار: مين هنن؟ جابر: عابد ، سعيد. فريد بحلقت عيونها فيه ليمار: فريد ابن جيرانكن؟؟؟ جابر: ماغيرو ليمار: ليش شوعمل؟ جابر: هه قولي شو ماعمل، كل شي انا فيه هلق بسببو،الحيوان هو يلي جرني على هالطريق ليمار(بصدمة): فريييد؟ جابر: لك اي فريد ، لما كنت اتخانق مع امي كنت اطلع اقعد بالحارة ، هو يشوفني يجي لعندي ، كان دائما يحرضني عليها ويقلي لاتسمع كلمتها وعمول الي بدك ياه انت ، انت صرت كبير وماحدا بيحقلو يتدخل بحياتك ، كان كل يوم يعطيني سيجارة ويقلي دخن انت صرت رجال ‘كنت مراهق وطايش مابعرف شوعم اعمل ، بس هلق ووعيت ع حالي، وعرفت ليش امي كانت تشد عليي عرفت ليش ضربتني لما شافت الحشيش تحت مخدتي ، فهمت سبب خوفها وعصبيتها عليي، ماكان بدها ياني كون متل ماانا هلق ليمار(بحزن):نشفو دموعها ع غيابك جابر(بغصة): مابستاهل دموعها ، مابستاهل تبكي عليي ليمار: معك حق مابتستاهل حط راسو بالارض وسكت جابر:.... ليمار: وكيف وصلت لهون؟ رفع راسو وصفن بباب الغرفة وصارت تمر ببالو الاحداث يلي خلتو يوصل لعند العصابة بلش يحكي وهو معلق عيونو بالباب جابر: بمرة من المرات فريد قلي بدي روح اسهر مع رفقاتي، تروح تسهر معي، انا اول شي رفضت ، مشان امي ماتخانقني، بعدين هو قنعني، وانا رحت معو كنت مفكر انو شلة شباب عاديين ، بس لما رحت معو، جابني على هالمكان يلي نحن فيه هلق ، اول شي ماكنت فهمان شو القصة ، كنت عم شوفهن عم يحششو ويسكرو وماكنت فهمان شي ، ولابعرف مين هنن وشو هنن وليش هنن هون، ليمار(بمسخرة(: وهلق فهمت؟ بيهز براسو باايجاب ليمار: كمل؟ جابر: بيوم الي تخانقت فيه انا وامي، رحت لعند فريد قلتلو متخانق مع امي بدي ضل عندك، قلي مافيني اتركك عندي رح اخدك لمكان منيح ، رجع جابني لهون، بس هالمرة مو زيارة متل اول مرة ، هالمرة كانت الاخيرة ، بعد مادخلت لهون اكتشفت انو انا نضحك عليي، وانو فريد متفق مع الجماعة انو يسلمهن ياني، اول فترة كنت اشتغل ببيع المخدرات ، اول سنتين كنت روح قدام المدارس وبيع لطلاب الثانوي وبعدين صرت روح عالجامعات وبيع للطلاب يلي بيتعاطو ، بس بعد ماكبرت شوي عابد خلاني كون مسؤول عن البنات، صرت انا يلي اتحكم فيهن وابعتهن ، لعند الرجال ، ولما وحدة منهن تقلي لا ليمار (مقاطعة):كنت تضربها وتمسح الارض بكرامتها ، هالشي بعرفو ، جابر: ...... ليمار: انا عنجد مستغربة ، واحد ابوه وامو متل جلال ورولا يكون متلك ماعم تفوت بمخي جلال الهاشم يكون عندو هيك خلفة؟ حرك راسو بهدوء واطلع فيها بنظرات عصبية جابر: مو ملاحظة انك عم تهينيني وانا ساكت ؟ ليمار: ليش ساكت ليكني انا قدامك تعال اضربني ؟ جابر: .... ليمار: شو ليش سكتت؟ جابر: لانو الاحسن اسكت ليمار: بتعرف جابر؟ انا لو ماابوك يمكن كنت هلق وحدة من البنات يلي عم يتاجر بشرفهن ،بس الله دخيل اسمو بعتلي ابوك حطو بطريقي، لما كنت هربانة من زوج امي ، هو يلي انقذني من الهلاك ، وانا لو شو ماعملت مابوفيه حقو ، لك معقول ياجابر؟ معقول كل هالطيبة الي عند ابوك ، مانك ورتان منها ولو شوي؟ جابر: مين قلك؟ انتي شايفة الظاهر بس انتي مابتعرفي مين جابر من جوا قلبت لورا وصارت تضحك ورجعت اطلعت فيه بحقد ليمار: ولا بدي اعرف ، جابر: ...... ليمار: جابر انت لازم تطلع من هون انت مكانك مو هون جابر(بقهر): هه وين مكاني لكن ليمار: مكانك برا هالمزرعة ،مو هون ابن جلال الهاشم مابصير يكون هون جابر: مافيني اطلع من هون ماعندي خيار تاني ليمار: لو بدك كنت لقيت،بس انت عاجبك الوضع جابر(بعصبية): حاج اكل هوا ليمار،عم تحكي وكانو الشغلة هيك ولكك ازا تركتهن ورحت يااما رح يئذوني يااما رح يئذو اهلي مارح يتركوني بحالي فهمي، هدول ناس مابيخافو الله دارت وجها عنو وضحكت بسخرية ليمار: هه عااساس انت بتخاف الله يخزي العين فار دمو منها انتفض من مكانو ووقف مكان مادايرا وجها رمقها بنظرة غضب ولف ضهرو وطلع وهو عم يحكي جابر: احسن شي الواحد مايرد عليكي ،لانو ازا رديتلك ورديتيلي مارح يصير خير ابدا وطلع لبرا الغرفة خبط الباب ليمار(من جوا): ايدك وماتعطي سيد جابر ماعاد خاف من واحد متلك الله ياخدك شو بكرهك ضربت بدانو كلمتها كز عسنانو وشد ع قبضتو بس حاول يهدي اعصابه ويتحمل كلامها خبط ايدو بالحيط ومشي ،،،، --------------------- بكافيتريا مطلة ع شاطئ البحر ميسم: شوفي اخبار مشان المدام انس(بخيبة): الحقير قلي ايمتا مابدي برجعلك ياها ميسم(بقهر);لك ولسا ساكتلو سيدي؟! انس:شوبدك ياني اعملو يعني،مافيني اعمل شي مرتي عندو ميسم فهمي وبيغص وبيحكي بصوت مليان حسرة انس: وبنتي كمان بين ايديه ميسم(مستغربة):بنتك؟!!! اطلع فيها وهز براسو انس: لميا ولدت، وجابت بنت، بيخبط ايدو ع الطاولة وبيحكي بقهر انس: بنتي انولدت عند عصابة ميسم ميسم(بحزن): طول بالك سيدي،الله يردهن الك بالسلامة انس(بحسرة): ايمتا ايمتا ياميسم ميسم: الله كريم،بس نحن مالازم نضل هيك ماعم نعمل شي لازم نعمل شي لنرجعها انس:شوبدنا نعمل اي شي المهم مانتركها عندهن نحن لازم نفكر منيح ونخطط ونرسم خطة دقيقة بحيث ماتنئذا مرتك والصغيرة انس(بيأس): كل الطرق مقفولة لك ميسم ميسم: ولو كان، نحن مالازم نستسلم، انت هيك علمتني سيدي ولانسيت انس: لاا مانسيت، بس انا نكسر ضهري، مصدر قوتي اخدوها،مسكوني من الايد الي بتوجعني ميسم: طول بالك سيدي، رح نحاسبهن كلهن ،بس بدها شوية صبر انس: ان شالله، والله لحتى امسح فيهم الارض ولاااد الحرام كانت صافنة بعيونو المليانين قهر وعم تتامل وجعو يلي واضح ع ملامح وجهو ابتسمت بمرار وبدون ماتحس حطت ايدها عاايدو ميسم: طول بالك سيدي بتنحل بيهز براسو مسايرة وبيضل ساكت وصافن -------------------- عند ليمار كانت متسطحة بالتخت ولسا السيروم باايدها حست حالها ضجرانة ومالة سندت حالها بصعوبة وتجلست شالت خيط السيروم من ايدها وتسندت لتقوم من التخت حست بوجع بضهرها تزكرت ضربات جابر وحطت ايدها مكان الوجع ليمار: يبليك بتكسير ايديك ياجابر ياحيوان، ان شالله بتقاقي مابتلاقي،ان شالله بيعملوك وليمة للكلاب طعمرك شو بغل، كسرني الحيوان مشت بخطوات بطيئة وهي ساندة ضهرها وقربت لعند المراية وقفت قدامها وتأملت شكلها الجديد بعد ماشعرها نقص حست بالقهر حطت ايدها ع تمها وصارت تبكي وتتامل شعرها القصير الي كانت قصتو صبيانية رفعت راسها للسما وحكت وهي عم تبكي ليمار: لك ان شالله بيقصو ايدك ياجابر، يبعتلك حمى ماتقوم منها بعدت عن المراية وطلعت من الغرفة وهي مقهورة طلعت عالبرندة المطلة عالمزرعة ووقفت عند السور كان في كرسي ومحطوط عليها بارودة حملت البارودة وصوبتها عالشجرة يلي مقابيل عيونها وفجأة : شو الي طلعك من غرفتك اطلعت فيه بطرف عينها وماعطتو اهتمام سند حالو عالسور ودار وجهو لعندها انتبه انو حاملة البارودة غلط صار يضحك عليها الشي يلي استفزها وخلاها تدايق ليمار: ضحكنا معك سيد جابر حدا حكالك نكتة؟ جابر: لابس عم اضحك ع طريقة حملك للبارودة ليمار: اه والله؟! شبها ليش جابر: كلها غلط بغلط وبيقرب منها وبياخدها منها وبيعلمها الطريقة الصح جابر: هي هيك بتنحمل، تعي لعلمك عليها ليمار(بحقد): مابنصحك تعلمني لانو اول مااتعلم رح فضي كل شي فيها براسك جابر: له له هلق هيك، الله يسامحك بس ليمار: الله لايسامحني بيوقف جمبها وبيعطيها البارودة بتمسكها. وبتغمض عين وبتسكر عين وبتصوبها عالشجرة جابر: انتي ليش بتكرهيني ليمار(بمسخرة): عااساس مابتعرف يعني جابر: حابة تجربي تقوصي؟! ليمار: مادخلك بيحط اصبعتها عالزناد وبيفتحلا زر الامان وبيمسك البارودة معها جابر: فيكي تجربيا ليمار: هلق انا اجيت لشم هوا،ليش تجي تسم بدني رجاع لجوا ولو قرب منها اكتر لحتى لزق فيها وهمس باادنها جابر: مافيني اتركك لحالك بتطلع فيه بااشمئزاز وبتهمسلو ليمار: ليك بتبعد عني والا بالبارودة ع نص مخك من بعيد شافتهن فرح واقفين مع بعض وحست بالقهر والغيرة رمقتهن بنظرة حقد فرح: هييك لكن ياجابر، الي سنين عم الحقك وانت لاحق هالشرشوحة. ايي شوعليه. بصير خير ولفت ضهرها وراحت مشيت بطريقها عندهن: جابر: هلق هيك فوق ماني بدي احميكي بتحط البارودة من ايدها وبتدير حالها لعندو ليمار: تحميني من شووو؟ مافي حدا اخطر منك عليي ، مفكر حالك احسن منهن جابر: احسن بكتير، بس انتي ماعم تقدري ليمار: كرمال الله حاج علاك فاضي روح من خلقتي موناقصني عصب ويرتفع ضغطي جابر: ليش. لتعصبي ،شوعملتلك عم احكي معك بكل رواق ليمار: شوفتك لحالا بتسم البدن وبترفع الضغط بينزعج من كلامها وبيدير وجهو ع اطلالة المزرعة جابر: مو ملاحظة انك عم تطولي لسانك كتير وانا ساكتلك ليمار(بااستهزاء): وليش ساكتلي تعال خدني علقني وبلش فيني ضرب. ياااقبضاااي. او بقلك جيب ماكينة حلاقة وحلقلي شعري يلي باقي صارت وصارت كمل عليه بيحس بالندم من كلامها وبيحط راسو بالارض جابر:.... ليمار(بنظرة حقد): لكك ➖➖➖➖➖➖➖➖➖ .يـــــــــ͢ـོ͓ـــتبــــــــــــــོـ͓ـــ͢ــ؏ ➖➖➖➖➖➖➖➖➖ ❴📖❵↵*تنسيق مشرفين مجموعة: ❴📚❵↵*قصص وروايات عالمية📚🧡 ❴🧡❵↵*ننشر جميع انواع القصص والروايات العالمية حـب🧡. حـزن🧡. اكشن🧡. رعب🧡. ❴👑❵↵*أن كنت من عشاق ومدمني القصص مكانك عندنا🧡 ❴🧡❵↵*رابط المجموعة للاشتراك: https://whatsapp.com/channel/0029VadbWnd89inYkEVrpG0C ` ➖➖➖➖➖➖➖➖➖ *❴🧡❵↵ *مـــحمـــود* 🧡 ➖➖➖➖➖➖➖➖➖ *❴📝❵↵تـنـسـيـق:جــــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* https://whatsapp.com/channel/0029VadbWnd89inYkEVrpG0C ` *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*