الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#بين اختيارين
#ااجزء السادس
بعد ساعة
عند عابد
كان قاعد على كرسيه وعندو جابر
رن تلفونو حملو وشاف اسم انس عالشاشة
ابتسم بخبث واطلع بجابر
عابد: هه العينتين اتصل ليطمن
وفتح الخط
عابد: يااهلا باانوس والله
انس(بحقد): وصلوك رجالك؟،
عابد:وصلو شطور لك انوس وبتسمع الكلمة ههههه
انس:شو لسا بدك
عابد:بتعرف شو بدي منيح،مافي داعي ارجع عيد
انس: عابد بس يلي عم تطلبو مستحيل ،لك الي عم تقولو صعب يصير
عابد(ب شر) : قد ماكان صعب مو اصعب من انك تفقد مرتك هههه ياسيادة النقيب
انس(بيتمالك اعصابو):عابد انت مارح تأذيها للميا ما!؟
عابد: قلتلك اني مارح ائذيها اذا بتنفذ الي بدي ياه
انس: مهلني كم يوم، انت طالب عشر بنات مو وحدة او تنتين لحتى ، جبلك ياهن بهالسرعة
عابد: طيب رح اعطيك يومين زيادة يعني صار معك اربع ايام ،
انس: ماشي
عابد: يلا هلق روح ، ولاتنسا الاتفاق بيناتتا ، ودير بالك اي غلطة بتروحك وبتروح مرتك ، لهيك مابنصحك تتشاطر وتلعب بديلك ابدا
يلا قحط هههه ،
سكر التلفون وكان جابر جمبو ،
عم يتطلع فيه
عابد: شبك لي عم تطلع؟
جابر: عم يدور براسي سؤال
عابد: وشوهالسؤال خواجة جابر؟
جابر: انو نحن فينا نجيب عشر بنات بنهار واحد، وغير هيك مو لازمنا بنات ليش عم تطلب من انس؟
عابد(بسخرية: هههههه ، مزبوط نحن فينا نخطف باليوم ١٠ بنات واكتر ، وكمان مالازمنا بنات، بس انا هيك عم اعمل قصدا ، لاني بدي ذلو لهالزلمة، بدي وسخو ، بدي خليه يطلع بحالو بالمراية يقرف ،
جابر: شوعامل معك؟
عابد: من طول عمرو شايف حالو، عليي وعاملي حالو احسن واحد بالدنيا ، من طول عمرو بحسو بيستحقرني، لا وفوق هيك البنت الي حبيتا سرقها مني
جابر: بس هي مابتحبك وهو اجا سرقها، هي لوبتحبك ماكانت تزوجتو اصلا
عابد: لولا وجودو كانت رح تحبني، بس وجودو هو الي خرب كل شي هالتافه ،
جابر: مابعرف انت ادرا
عابد(بحقد):لك اي انا ادرا ، ازا مابخرب حياتو مابكون اسمي عابد ، وحياة عيوني لخليها تقرف من سيرتو
جابر: ....
----------------
بالسجن عند ليمار
كانت ليمار لسا معلقة من ايديها
وعم تأن من الوجع
فجأة نفتح باب السجن ودخل سعيد
بخطوات بطيئة قرب من ليمار
وهو عم يتطلع فيها بنظرات شريرة
صار قريب منها كتير
بلش يتفحصا بعيونو من فوق لتحت مسكلها فكها ورفعلا وجها وصفر
سعيد: يااامحمد،شو هالجمال كلو، لك وليه انتي منين جايبة كل هالحلاوة
ليمار(بصوت متعب): تركني بحالي
سعيد: يبلاني بعدمي ازا بتركك، وليي لك انتي حورية بشرفي حورية،
ليمار(بمسخرة): بشرفك؟! ليش انت عندك شرف! ؟
سعيد:لك وليي على قلبي انا. حتى طولة لسانك حلوة
بيترك وجها وبصير يلمس ع شعرها الطويل المموج
ويقربو منو ويشمو
سعيد:ياااه شو هالشعر هاد ، لك كل شي فيكي حلو،مافيكي ولاغلطة
ليمار: لككك تركني ياابن الحرام، حل عني
سعيد: لك انا بس بدي،افهم جابر الكلب كيف اجا من قلبو يضربك لك حدا بيضرب هيك ملاك،
بس ولايهمك، اليوم رح خليه يفكك، ورح نقضي الليلة سوا
وبيقرب من خدها ليبوسها بتحاول تبعدو و بتصرخ فيه
ليمار:فشرت ياقليل الشرف
بيتركها وبيبعد عنها شوي
سعيد: طيب رح اتركك ع راحتك هلق طبيعي هلق تكوني خجلانة، بس شوي شوي بتتعودي ياقلبي
وبيدير ضهرو ليمشي بيرجع بيتطلع فيا وبيغمزها
سعيد: لاتنسي،موعدنا المسا
وبيضحك ضحكة شريرة بصوت عالي: هههههه يقبرني انا
وبيلف ضهرو وبيطلع من السجن
وبيسكر الباب بيتوجه ناح غرفة عابد
بيدق الباب وبيدخل
كانو لسا جابر عند عابد
سعيد: مسالخير
عابد جابر: مسالخيرات
عابد: اهلين باابو سعود والله
قعد عالكرسي يلي مقابل جابر
سعيد:شو الاخبار شوفي مافي
عابد: عال العال، انس هرب الشباب
سعيد: حلوو يعني نفذ اول خطوة
عابد: نفذها وبدو ينفذ التانية ورجلو فوق راسو
سعيد: بلكي كان عم يضحك عليك
عابد: لامابيسترجي بيعرف منيح انو اي حركة بتخسرو مرتو
سعيد: سيدي خير نشالله. الله يقويك عليه
وبيلتفت لعند جابر يلي كان عم ينقل نظرو عليهن تنيناتن
سعيد: وانت سيد جابر؟ !
جابر(مستغرب):شبني انا!!؟
سعيد:شوهاد يلي عاملو ب ليمار المولى؟! لك يخرب بيتك كيف سخيت فيها! ! موحرام هيك جمال يتعذب
بيقلب عابد لورا وبيضحك وبيطرق ايديه ببعض
وبينزعج جابر وبيزور سعيد
عابد: هههههه لك باينتك طامس فيها لك سعود
سعيد: اخخخ ولك طامس وبس عليي الحرام شي،بجنن ،صحي عابد شو ناوي تعمل فيها! ؟
عابد: ولاشي بدي اجرها لشي زبون مدسم،لانو هيك بنت حقها دهب
سعيد: اي لا لا لا بدك تسمحلي فيها كم يوم انا احق. فيها لك اي لعما اي شو هاد ياابن الحلال سحرتني عليها عيون
يبعتلا حمى عهالعيون، ولاالخدود ولا الشفايف
ولا الشعر ياعفو الله على شعرها ،لك ولييي ع بعضي ولييي
عابد: ههههه اي هدي هدي لاتتأمل اتطولها هلق
سعيد(مستغرب):ليش بقا!!!
عابد: قلتلك بدي اجرها لزبون مدسم
الصبح حكيت معو ووعدتو ابعتلو صورها يشوف قبل مايشتري
سعيد: طيب خليلي ياها الي كم يوم قبل
عابد: لاماحزرت ،لترجع من عند الزبون اعمول الي بدك ياه
بيكون جابر صافن وعم يسمع حديثهن يلي كان عم يسم بدنو
ماقدر يتحمل طريقة حكيهن عنها
انتفض من مكانو وصرخ فيهن
جابر: ماحزرت لاانت ولاهو، الايد يلي بدها تنمد عهالبنت بدي،اكسرها وعلقها
ولو كنتو اكبر مني ومعلميني،
بيطلع فيه عابد مستغرب ومصدوم
عابد: انت كيف بتتجرأ تحكي هيك!؟
بيخبط ايدو عالطاولة وبيصرخ
جابر: ماااني خايف لامنك ولامنو،
وبيرفع ايدو بوجهو تهديد
جابر:ليمار ماحدا بيقرب عليها والا والله بحرق هالمقر كلو والي فيه
سعيد: لاانت فعلا ماعدت ستحيت
بيقوم عابد من مكانو وبيقرب من جابر
عابد: انت ليش مابدك حدا يقرب عليها ولاه!؟شوقصتك؟
جابر:هيك مابدي حدا يقرب عليها
عابد:طيب شو السبب ! غريبة بعمرك ماسالت على بنت انت ولامانعت انو حدا يقرب عليها، شو الي مخليك تمنعنا عن هالبنت بالذات
بيتلبك وبينزل راسو بالارض
عابد: جاوب لشوف شوقصتك! !؟؟
جابر:مافي لاقصة ولاشي، كل القصة انو هي البنت مابدي حدا يقرب عليها
عابد: عاجبتك وبدك ياها!!؟؟ لاالك؟
جابر:...
عابد: قلي ازا عاجبتك، فيك هلق تروح تفكها وتعمل فيها الي بدك ياه وقضي معها وقت قد مابدك، مارح مانع،انت مدلل عندي، وبماانك ولامرة قربت ع بنت رح اسمحلك فيها هي
بيرفع راسو جابر وبيطلع بعابد بااشمئزاز
جابر: انا مالي متلكن ولابفكر متل ماانتو بتفكرو، ومستحيل اغتصب بنت واستغلها
بيهز راسو عابد(بمسخرة) وبيصير يحك دقنو
عابد: تمام تمام،
وبيطلع فيه بتساؤول
عابد: طيب ياشريف مكة شوقصتك انت لكن ؟! ليش مابدك حدا يقرب عليها!
جابر:هيك عقل مزاج
شوف معلم، بتفهمو لهالعينتين
وبيأشر باايدو ع سعيد
جابر: انو ليمار مابيقرب عليها وعالسجن ازا دخل رجلو رح اكسرها،
بيقوم سعيد من مكانو وبيقرب ع جابر وبيرمقو بنظرة تحدي
سعيد: بالله شو! سيد جابر؟ طيب وازا قربت؟
بيقرب منو جابر بهدوء وبيمسكو من قميصو وبيطلع فيه بحقد
جابر: لحتى خليك تشتهي الموت، واحرمك تقرب ع. مرأة، واقلبك من سعيد لسعاد،
وبيضحك بوجهو ب شر وبيكمل
جابر: وفهمك كفاية معلم
وبيلف ضهرو وبيطلع من الغرفة
بيفور دم سعيد وبيصرخ فيه
سعيد: شو عليه لك جابر،انا بفرجيك، الي براسي بدي اعملو ولو بتطبق السما عالارض ولو بكلفني هالشي حياتي،رح اعملو
بيصرخ عليه جابر من برا
جابر: منشوف يامستر سعيد منشوف
سعيد: يااه لعما بقلبو مااوقحو
وبيلتفت لعند عابد يلي كان مستغرب من تصرف
سعيد: هالكلب قويان ها؟! بدك تسكتلو!!
عابد: فشر ولك سعود فشر،وحياة مارح يصير غير الي بدنا ياه، لاترد عليه
سعيد: لعما بعيونو لعما، وبيهدد كمان الوسخ كبران راسو
عابد: بسيطة بسيطة منكسرلو ياه، هديلي اعصابك انت
وبيحط ايدو عاايد سعيد
بيصير سعيد ينفخ
سعيد: هفف سملي بدني هالحيوان
دقلو ع كتفو وابتسم بوجهو
عابد: ماعاش الي يسم بدنك روقنا سعووود،،
------------------
دخل ع غرفتو وخبط الباب بقوة وقعد ع كرسيه
شبك ايديه ببعض وحط راسو بالارض وشرد
بالكلام يلي حكوه عابد وسعيد عن ليمار
كان الكلام لسا عم يحز بقلبو متل السكين
جابر(بحقد): الكلااب، كانو عم يحكو عنها وكأنها شي شغلة للبيع
فتح موبايلو
ودخل على صفحة ليمار عالفيس بوك
وصار يقلب بين صورها ويتأمل جمالها
يلي من زمان كان بيفتنو من اول ماطلعت عالتلفزيون وصارت اعلامية
عينيه تجمع فيهن الدموع وكز ع سنانه
جابر: مارح اسمحلهن يوسخوكي لو شو ماصار، لومهما كلفني التمن، لك مابكون زلمة ازا بخلي حدا يلمسك
وفجأة بيرن التلفون
بيفتح الخط وبيقربو من دانه
جابر: شوصار معك
---:معلم انا واقف قدام بيته
جابر: وشفتوه!؟
--:لاوالله لهلق
جابر: طيب اول مايطلع بتمسكوه وبتاخدوه محل ماقلتلكن، وخبروني
--:اي باامرك معلم
جابر: يلا شوف شغلك
وبيسكر الخط
وبيحط الموبايل قدامه
وبترتسم ع وجهه نظرات شريرة وبيصفن
بوقت سابق
فلاش باك:
كان جابر قاعد مع كم شب من شباب المزرعة
جابر: شباب بدي منكن خدمة كفو؟!
الكل :لعيونك معلم بترخصلك الروح امور
جابر: انتو بتعرفوه لفريد لحام ؟!!
صفنو وصارو يتطلعو ببعض بتساؤول
مجهول: مين فريد معلم؟!
جابر: شكلكن مابتعرفوه انتو لهالكلب
سهيل: معلم جابر مين هاد؟
جابر: هاد واحد وسخ كتير ،والي معو تار قديم وبدي اخدو منو
رافي:بدك نقتلو معلم؟ لعيونك
جابر: لا لا لا مابدي تقتلوه،
مجهول: لكن شو بدك!
جابر: بدي ياكن تخطفولي ياه
اطلعو الشباب ببعض مستغربين واطلعو فيه
مجهول : معلم بدك نجيبه لهون!!
بيهز براسه (نفي):
جابر:لا
مجهول: لكن شو؟!!
جابر: انتو خطفوه وانا بعطيكن عنوان بيت
تاخدوها عليه، وهنيك بقلكن شو تعملو فيها
مجهول: اي باامرك معلم لعيونك
جابر: هلق بعطيكن موقع بيته
ومن بكرا بتروحو بتلطولها هنيك
واول ماتطلع من البيت بتاخدوها مكان ماقلتلكن
بااااك
جابر: اجا وقتك ياسيد فريد انا بفرجيك كيف رح خلي امسح فيك الاراضي ياابن الحرام،
-------------------
باليوم التاني
ببيت مهجور ومتطرف عن المدينة
قاعد ومشغل سيجارتو وعم يشربا وهو صافن
فجأة بيجي واحد من الشباب
لعندو
سهيل:معلم جابر الامانة وصلت
جابر(بشرود): دخلوه
بيروح الشب وبينده لرفقاتو
بيدخلو الشباب ومعهن شخص مغطى،وجهو بقماشة
ومسكريلو تمو بقطن ومربط وبيرمو قدام جابر
بيكون هو عم يرجف وعم يصرخ
بيبتسم جابر بحقد
وبيقرب منو
بيرفع عن وجهو القماشة وبيشيل
بيطلع فيه الشخص مصدوم
جابر; اهلا وسهلا بفريدو والله، اهلا وسهلا بجار الرضا
وبيشلو القطن من تمو
فريد(عم يلهت): مين انت!!؟
جابر: له يافريد له، ماعرفتني!!! اخس ياجار
بيصفن فريد اول مابيسمع كلمة جار وبيطلع
بجابر واول مابيتزكر ملامحو
بيصفر وبيتعرق
فريد: جابر!!!!؟
بيمسكو جابر من رقبتو وبيجرو لعندو
جابر: المعلم جابر كسار راسك ولاه
فريد(بتئتئ مرعوب):شششششو بدك مني؟ !!
جابر:ولو ياجار الرضا!! في بيناتنا حساب لازم نصفيه
فريد: حساب شو ماعم افهم عليك
جابر: اي بسيطة بخلي الشباب يفهموك
بيمسكو من شعرو وبيجرو بقوة وبيلتفت لعند الشباب
جابر: عملو الي قلتلكن عليه
اخدوه الشباب وسطحوه على تخت حديد
وربطوه من ايديه
قرب جابر لعندو وباايدو سكين قربها من عيون فريد
وفريد من خوفو صار يصرخ
فريد: لاااا ببوس ايدك لا ياجابر
بيضربو جابر كف
جابر: المعلم جابر ولااك
فريد:ببوس ايدك بس قلي شو عملت معك
جابر:مابتعرف يااخو الشريفة شو
هلق رح عرفك
بيجيبولو الشباب غاز سفاري
بيشغلو وبيحط السكينة عليه وبيزداد توتر فريد
فريد:لككك شو بدك تساوي يامجنون
جابر: هلق بتعرف حبيبي لاتستعجل
وبيصير يقرب السكين شوي شوي عليه
انهارت اعصاب فريد وصار يصرخ
فريد: ببوس رجلك لاتعملها ،انا بعرف اني غلطت واستدرجتك،واستدرجت كتير شباب لعند عابد،بس انا ندمت والله ندمت
جابر: هههه موعااساس مابتعرف شو عامل معي
فريد: بعرف بعرف ببوس ايديك سامحني
جابر: اوك رح سامحك
بيفتحلو ازرار القميص
وبيلزق السكين الحامية بجسمو
عينين فريد طلعو لبرا من الالم صرخ بااعلا صوتو: ااااااااااااااااخ
اصوات صراخو هزت المكان
بينما جابر كان عم يتلذذ ب صوتو
شال السكينة واطلع فيه بحقد
جابر: هي بس عقاب صغير ع يلي عملتو فيني
لسا ماخلصنا
فريد(عم يخبط برجليه):لككك تركني مشان الله تركني
رجع حما السكين ولزقها بجسمو
جابر: وهي كرمال دموع امي ع غيابي
فريد: لكككك ااااخ، لك كرمال الانبيا تتركني
جابر(بيهز راسو):رح اتركك رح اتركك
وبيرجع بيحط السكين بمكان تاني وبيصرخ فيه
جابر:وهي كرمال كل بنت انجبرت اني اضربها
مابيعود جسم فريد بيتحمل الم النار الي عم يلزقها جابر فيه،بتخونو قواها وبيغيب عن الوعي
بيمسكو جابر من وجهو وبصير يضربو
جابر:قوووم ولااه كلب قومم اصحأ عاملي حالك متت
بيضل عم يضربو ليصحا وبيتزكر كل شي مر فيه بسببو بتنهار اعصابو وبيصير يضربو اكتر ويصرخ
جابر: ولككك قوووم، قوووم ياحشرة قوم بدي صفي حسابي معك،لسا مابرد قلبي،
بيجو الشباب وبيشدوه عنو
مجهول: معلم خلص هدي اعصابك
جابر:لككك تركوني
سهيل :معلم الزلمة غاب عن الوعي خلص تركو
جابر: ابننن الحرام الواطي ازا بشرب من دمو مابيبرد قلبي
رافي:عمول فيه الي بدك ياه بس تركو هلق واهدا خلص
بيشدوه وبيقعدوه عالكرسي
بيكون هو عم يحاول يكون متماسك
بيجبلو واحد من الشباب كاسة مي
بيشربا وبيضل عم يراقب فريد بحقد وغل
-------------------
بالفرع
كان انس قاعد ورا مكتبو وعم يراجع حساباتو
انس(بقلبه): بقيان تلات تيام بس
ازا ماسلمتو يلي بدو ياه لعابد. مابعرف شو ممكن يعمل. يالله شوبدي ساوي،،طيب انا كيف بدي هربهن للبنات
وكيف بدي غطي غيابهن من السجن
والله الشغلة كبيرة، كبيرة كتير
حط ايديه ع راسو وصار يضغط عليه لحتى يصفي ذهنو من الافكار المشوشة والبشعة
انس: هففف ياربي دخيلك رح طق رح جن، شوبدي ساوي،قول للعميد عن يلي صار؟! لك شوبدو يعملي العميد، وياترا رح اضمن حياة مرتي بعد مايخبر، شو رح يساويلي مارح ينفعني بشي،عابد وصلني لطريق مسدود،
ياالله دخيلك تساعدني يارب
قام من ورا مكتبو وطلع لبرا
مشي بخطوات ثقيلة لبرا الفرع
كان مخنوق ومهموم ويادوب قدران يمشي
ابواب الدنيا كلها مسكرة بوجهو
وقف قدام الفرع ورفع راسو للسما غمض عيونو وسحب نفسو بصعوبة
انس(بقلبه):ياارب رحمتك
اتوجه ناح سيارتو
ركب فيها ومشي،،،،،،
----------------------
قاعدة بمكانها وساندة ضهرها عالحيط
ايديها مربطين ووجها شاحب وجسدها متعب من القعدة يلي الها مدة عليها
صافنة وعم تبكي وعم تفكر بوضعها يلي صارت عليه
لميا(بقلبها): يالله وحق اسمك تعبت ،لاايمتا بدي ضلني هيك انا لاايمتا، ماعاد اتحمل الي انا عليه،،
شتقت لاانس شتقت لحياتي شتقت لشغلي،لاايمتا بدي ضل هون عهالحالة،معقول يجي ابني عالدنيا وانا هون بين ايدين هالكلاب، ااااخ ياترا شو صاير فيك ياانس، شوعم تعمل لحتى تطلعني من هون
ااااخ يارب دخيلك تخلصني من يلي انا فيه
-----------------
دخل انس على بيتو
وتسطح عالكنبا
فتح موبايلو ودخل ع صورو هو ولميا
وصار يتأملهن بحزن
وقف عند صورة الو والها
كانت ع شاطئ البحر
كانت حاطة راسها ع صدرو
وعم تضحك قرب التلفون منو وضمو
انس: ااخ قديش شتقتلك يانبض قلبي،حياتي كلها فضيت من بعدك، ياروح الروح والله الدنيا بدونك سودا ومظلمة
وبيرجع بيتطلع بالصورة وبيعمل زووم ع لميا
بيدمعو عيونو وبيغص
انس: رح رجعك لو شومابدو يصير يصير،رح رجعك ولو كلفني التمن البشرية كلها، مستعد اعمل كل شي حتى رجعك لحضني،ياعمري انتي
جلس حالو وقعد وحط الموبايل من ايدو
اخد سيجارة من الباكيت وصار يدخن
وبراسو عم تدور الف فكرة وفكرة
فاق من افكارو وحمل الموبايل وعمل اتصال
عم يرن،،،،،:
--:اهلين بالنقيب والله
انس:انت وين
---:مكاني حبيب وين بدي كون
انس: انا جاي لعندك
--(بمسخرة): خير نقيبو شايف جياتك لعنا كترانة،ليكون حبيتنا،هههه ونحن كمان حبيناك
انس(بعصبية): بلا مسخرة ولاه،
---:امرك نقيبو امرك
انس: جمعلي رفقاتك، انا شوي وبكون عندك
---:اي بتنور نقيبو ،لاتتاخر عم استناك
سكر الخط انس
وقام من مكانو بسرعة وفتح باب البيت ليطلع
وفجأة بتطلع بوجهو ميسم
بيوقف متفاجئ فيها
ميسم: شو كانك طالع؟!
انس: اي والله شوفة عينك
ميسم: بس انا جاية احكي معك ضروري
انس:بخصوص شو
ميسم: بدنا نحكي عالباب؟
بيستسلم لرغبتا
وبيأشرلا باايدو
انس: تفضلي
-------------------
بالمزرعة
بالسجن
كان لساتها معلقة من ايديها
دخل لعندها سعيد
وقرب منها وهو عم يتطلع فيها بنظرات مو نضيفة
سعيد:ولييي على قلبي بعدهن مربطينك،
ليمار:....
بيقرب منها لحتى يلزق فيها وبيمسكلا وجها
سعيد: كان بودي قضي معك وقت ياقمر
بس ابو عبيد طلب مني اني طول بالي شوي
وانا مابحب زعلو،
وبيحط ايدو ع شعرها
سعيد:ييي ان شالله بيقبروني هالشعرات
ليمار(بااشمئزاز): ان شالله
سعيد: ياعمري انتي ليش كل هالقسوة عليي
وبيقرب وجهو من وجها ونظراتو الها بتكون مليانة وسخنة وفجأة بينفتح باب السجن
بيلتفت سعيد لعند الباب
بيكون جابر عم يقرب منو شوي شوي والشر عم ينقط من عيونو
بيهجم ع سعيد وبيمسكو من تيابو
جابر:شكلك انت ماعاد تستحي
بينزلو سعيد ايده
سعيد: ايدك طولانة على اسيادك لك جابر
بيرجع جابر بيمسكو من قميصو
وبيهمسلو
جابر: انا موقلتلك لهون مابتقرب لك كلب
كيف دخلت
سعيد:لاانت فعلا ماعدت ستحيت
سعيد بيبعد ايدين جابر عنو وبيرفع ايدو ليضربو
جابر بيمسكلو ايدو وبيفتلو ياها لوراه
سعيد(عم يتوجع);ياابن الحرام انت قدها
جابر(بثقة): قدها وقدود معلم
بيمد ايدو ع جيبة سعيد وبيطالع مفتاح السجن
بينما سعيد بيكون عم يقاومو
سعيد:لككك شوعم تعمل
جابر: هي مشان ماترجع تجي لهون ابدا ياواطي
وبيصير يدفشو لبرا السجن
واول مايصير برا بيرميه عالارض
جابر: جرب تاني مرة تقرب لهون
وبيرجع بيدخل عالسجن وبيسكر الباب
بيكون سعيد قاعد قدام الباب ولسا مصدوم من تصرفات جابر
سعيد(بصراخ): بسيطة ياجابر، ازا مابعلق مشنقتك عيب عليي
وبيقوم من مكانو وبينفض تيابو وبيمشي وهو عم يسب ع جابر
جوا السجن
بيكون جابر واقف جمب الباب
وعم يتطلع ب ليمار
ليمار: الي بشوفك كيف قلعتو لسعيد عني،بيقول انو انت شريف ومانك متلو، لك ماانت اوسخ منو بمليون مرة
جابر:.....
ليمار:شو بلاقيك ساكت
بيقرب منها بخطوات بطيئة وبيوقف قدامها
وبيطلع فيها بعدم رضا
جابر: الحق مو عليكي، الحق ع يلي دافع عنك وماخلا هالحقير
(وبيأشر باايدو لبرا):يغتصبك ويذلك
ليمار(بمسخرة): هه قال يعني انت شريف ومابترضا بالغلط،مزالك شريف ليش هداك اليوم كنت عم تضرب البنات لحتى يروحو عالذل برجليهن
جابر: خرسي وماتدخلي
ليمار: ليش مااتدخل؟! من ايمتا صرت شريف؟! وصرت ماترضا بنت تنذل؟!
بيقرب منها وبيمسكها من رقبتها
جابر: شو بدك انتي؟ خليه يجي؟! يشوف شغلو يعني؟! شكلك عاجبك الترتيب وبدك ينمسح بشرفك الارض ياحضرة الاعلامية
ليمار(بنظرات حقد):فشرررت، فشررت ياحقير ياوسخ ،شو مفكرني بلا شرف متلك
كلام ليمار بيضرب ع اعصابو
بيشيل ايديه عنها وبيضمهن ببعض
وبيحاول يحكي ببرود
جابر:شكلو جلدك عم يحكك لك يابنت
ليمار: اي عادي ضروب ،استعرض بطولاتك ياقبضاي
جابر(بنظرات تحدي): مانك خايفة يعني
ليمار: مابخاف من واحد جبان وندل متلك
جابر:لاانتي فعلا ماعد تزوقي
وبيرفع ايدو وبيضربها كف بكل قوتو
ليمار:زلمة يخزي العين
بيمسكها من فكها وبيثبت عيونها بعيونو
وبتكون نظراتو الها شرسة
جابر: لسانك مابتطوليه عم تفهمي!!؟ والا والله العظيم بسلخ جلدك عن عضمك
ليمار(بقهر); بتعملها بتعملها سيد جابر، واحد واطي متلك بيعمل كل شي
جابر(بصراخ); ولككك عم قلك خررسيي
ليمار: مابدي اخرس، وماني خايفة منك عمول الي بدك ياه
جابر: مانك خايفة،اي شو عليه
بيترك وجها وبيدفشها بقوة
وبيجيب الكرباج وبيبلش فيها جلد على ضهرها
ليمار(بصراخ):لك انتت شو طينتك من شو مصنوع؟
جابر: من يلي بدك ياه
ليمار: لك انت مابتستحي عحالك عم تستقوي على بنت مربطة بجنزير ، مفكر حالك زلمة، لك لو الرجولة بالضرب والتعنيف، كان اكتر البنات رجال، كلياتنا منعرف نضرب،
جابر: اي بس ماحدا بيعرف يوجع متل جابر
ليمار: طبيعي، لانو نحن بشر، اما بالنسبة لجابر فهو وحش وحش بصورة انسان ،
جابر: اي صح انا وحش ورح اثبتلك هالشي
طلع لبرا وغط شوي ورجع
وباايدو مقص قرب منها ومسكها من شعرها
وبلش يقصلا ياه
حاولت ليمار تقاومو وتبعدو عنها بس ماكانت بتقدر
ليمار(بصراخ):لك شوعم تعمل يامجنون
جابر: بدي قصلك هالشعرات الحلوين ، لحتى، تخففي غرور شوي
ليمار: لك ياكلب بعد عني
جابر: رح بعد ، بس خليني خلص
ضلت تصرخ وتبكي ليبعد عنها بس هو لاشفقة ولا رحمة قصلها شعرها كلو بعد ماكان لااخر ضهرها صار لعند ادانها
خلص قص ورما المقص من ايدو واطلع فيها وابتسم بخبث
جابر: وهيكك بنكون خلصنا نعيما ليمار خانم
ليمار(تبكي):لك انت واحد واطي واطييي
جابر(بيمسكها من رقبتها): كلمة تانية بجيب السيخ وبشوهلك هالوجه الحلو عم تفهمي وليه
ليمار: بتعملا مابستغرب عنك شي لانك كلب
جابر: لك سديه لبوزك والله بموتك
ليمار: لك موتني الموت ارحم من العيشة مع ناس متلكن
جابر: هيك برأيك؟
ليمار: لكك اي اي
جابر: معناها رح اتركك عايشة ، انا مابدي ياكي ترتاحي ، يلا سلام ياقطة ،
ترك رقبتها وانحنا لتحت
شال شعرها من الارض واخدو معو وطلع وسكر باب السجن ،طلع بوجهو واحد من الشباب: شو كنت عند الطيرة؟
جابر: طيرة شو ؟
--: شوهاد يلي باايدك؟
جابر: متل مانك شايف شعر بنت
اطلع بالشعر وعرف انو هاد شعر ليمار انصدم وانفعل
--(بعصبية):يخرب بيتك قصيتلا شعرها
جابر: اي ليش عندك مشكلة؟
----: لك شلوون ماعندي مشكلة ،
جابر: وشومشكلتك بالله؟
---: مشكلتي انوالبنت عاجبتني، وبدي ياها لمزاجي ،
جابر: ايوا؟ لمزاجك قلتلي، شوف عيني بتبعد عن هالبنت وبتنسا انها موجودة احسن ماتشوف شي مابيعجبك
---(مستغرب): وليش بقا؟ !
جابر: مادخلك لكك على جثتي مابتلمس هالبنت
----:ايي شوعليه ياجابر، منشوف
جابر: اي منشوف ،
راح وهو معصب
وضل جابر واقف قدام باب السجن وعم يحاول يمسك اعصابو ، كلام الشب زعجو ووترو، وخلاه يحس بشعور غريب اتجاه ليمار، شعور انو هو مسؤول عن هالبنت، وهو الوحيد يلي بيحقلو يعمل فيها شو مابدو
كز عسنانو وسد ع مسكة باب السجن وديق عيونو
جابر(بهمس): ياولاد الكلب، الشاطر الي بدو ينهش فيها
ولككك بموتها ولابخلي واحد فيكن يلمسا
--------------------
عودة عند انس وميسم
كان انس جاي من المطبخ
ومعو صينية قهوة
قرب من ميسم وضيفها
انس: تفضلي
ميسم: ماكان في داعي تعذب حالك سيادتك
انس: لاولو عذابك راحة اهلا وسهلا
بيحط فنجانو قدامو وبيقعد
وبيعم السكوت لشوي
ميسم: ليش ساكت انا ماجيت لنضل ساكتين سيادة النقيب
انس: كتير منيح، وانا عم استناكي لتحكي، لاانو انتي يلي عندك حكي مو انا
ميسم: اي صح انا يلي عندي حكي
انس:معناها فوتي بحديثك
بتاخد رشفة من فنجان القهوة
وبتكون متوترة بتستجمع قواها وبتبلش تحكي
ميسم: سيادة النقيب الصراحة وبدون لف ودوران
ومقدمات،بدي قلك اني بعرف انو المدام مخطوفة من قبل عابد وجماعتو، وجاية لحتى ساعدك
بيكون انس عم يشرب من فنجانو
بينصدم وبيترك الفنجان من ايدو
انس(بصدمة):انتي شوو عم تحكي!!!
ميسم: متل ماسمعت
بينفعل وبينتفض من مكانه
انس: وكيف عرفتي!!؟
ميسم: عفوا سيدي بس انا مافي شي بيخفا عليي بالفرع وبعرف كل شي
انس(بصراخ): اهاااا شي حلو ياحضرة الملازم ،عم تراقبيني يعني
ميسم: فيك تقول هيك
انس: قليلي لشوف كيف عرفتي!!؟ خبريني
ميسم: اهدا وقعود لحتى احكيلك
انس:ولكككك مابدي اهدا احكي
ميسم: مارح اقدر احكي طول مانك منفعل
بيحاول يمسك اعصابو بياخد نفس عميق وبيقعد
وبيحط ايديه ع راسو
انس: احكي لشوف كيف عرفتي
ميسم: بيوم الي اجيت لعندك وسالتك،ليش سكتت عن موضوع العصابة بتتزكر؟
انس: اي بتزكر
ميسم:بوقتا، قبل ماادخل لعندك سمعت صوتك عم تحكي عالتلفون كان صوتك عالي وسمعت بعض الحكي يلي حكيتو،بوقتا مافهمت شو القصة بالظبط بس الي فهمتو انو كنت عم تحكي مع عابد
وانا هون صار عندي دوافع اني اعرف شو القصة
راقبت خطك وسمعت كل المكالمات بينك وبين عابد ومن خلال هالشي عرفت
بينفعل وبيصير ينفخ
ويهز براسو
انس: حلو كتير، عم تتجسسي عليي
ميسم: انا اسفة، بس كان بدي اعرف شو القصة
بيطلع فيها بعدم رضا
انس: وان شالله عرفتي ورتحتي
ميسم: عرفت بس مارتحت
انس(بعصبية):شو المطلوب مني ميسم
ميسم:الصراحة انا جيت لااعرض عليك مساعدة، بلكي منحل هالقصة بدون ماتغلط
انس: اممم وكيف بقا؟!!
ميسم: يعني مثلا نحاول نوصل لحدا من افراد العصابة، وننسق معو بلكي بساعدنا نلقي القبض عليه
انس
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*