الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#بين اختيارين
#الجزء الخامس
باليوم التاني
فاقت ليمار على صوت رنة موبايلها
فتحت عيونها نص تفتيحة حملت الموبايل
واطلعت عالشاشة مكتوب اسم النقيب انس
فتحت الخط وبسرعة ردت
ليمار: اي سيادة النقيب
انس: جاهزة؟
ليمار: اي جاهزة سيادتك
انس: رح ابعتلك تنين من العناصر لابسين مدني ، بتطلعي معهن عااساس هنن رجالو لاابو فارس
بيوصلوكي لحد باب المزرعة
ليمار: طيب ماشي
انس: سلام انتبهي ع حالك ولاتنسي لميا
ليمار: امرك سيدي بصير خير ان شالله
سكرت الموبايل وقامت بسرعة جهزت حالها
طالعت فستان كحلي لتحت الركبة
ولبستو
مع كندرة كعب عالي
واخدت الاغراض يلي بيلزموها
طلعت قعدت مع اهلها شوي وودعتهن
وطلعت من البيت
لقت سيارة العناصر مستنيتها
فتحت باب السيارة وطلعت
ليمار: فيكن تمشو
العنصر،شغل السيارة وانطلق
وهي قعدت وطالعت باروكة الشعر حطتها
وظبطت مكياجها
وحطت العدسات
وعملت كل شي ، بتقدر عليه لتبين مابتشبه حالها ،
وبعد حصة من الوقت وقفت السيارة قدام مزرعة عابد
نزل واحد من العناصر وحكا معا الحراس: قلو لمعلمك بيسلم عليك ابوفارس وبيقلك ان شالله تعجبك الهدية ،
نزلت ليمار من السيارة
وصارت تمشي وتتمايل ،وكانها شي بنت من بنات الليل
دخلوها الحراس لقلب المزرعة وصارت تتلفت حواليها يمين وشمال وتراقب الوضع
انتبه عليها واحد من الشباب: في شي ياانسة؟
ليمار: لا لا عم اتفرج عالمكان بس
طلعوها لقدام غرفة عابد وراحو
دقت الباب
عابد(من جوا): ادخل
فتحت الباب ودخلت وهي عم تتمايل وتحكي بدلع
ليمار : هاي يامعلم
اتطلع فيها عابد وقاسها من فوق لتحت
وابتسم ابتسامة رضا
عابد(بفرح): يااهلا وسهلا بضيوف ابو فارس
ليمار: انت عابد موهيك
قام من محلو وقر ب لعندها وهو عم يتفحصها من فوق لتحت
عابد: اي انا عابد خدامك
ليمار: اممم عبودي يعني
عابد: ايي متل مابدك ، انتي شواسمك
ليمار: انا ميمي ، مايا
عابد: اي اهلا وسهلا بميمي ،شرفتينا
ليمار: هه ثانكيو
عابد(بصوت منخفض ):والله هالاابوفارس هداياه محرزة
ليمار: قلت شي؟
عابد: لا ابدا قلت نورتينا
ليمار: ميرسي جد
عابد: ليش لساتك واقفة ارتاحي قعدي
ليمار: اه سوري اخدنا الحديث وانا واقفة
عابد: اي قعدي انتي صرتي وحدة مننا وفينا ،
قعدت عالكرسي قدامو ولفت رجل على رجل
ليمار: ماقلتلي سيد عبودي ، شوبدك ياني اشتغل هون؟
عابد: متل باقي البنات شويعني بدك تشتغلي
ليمار: نوو هيك مااتفقنا ، انا ماني متل باقي البنات ،
عابد: شه؟ ليش انتي موبنت
ليمار: هههه نو موهيك قصدي ، بس انا غير شكل ، انا من طرف ابو فارس
عابد: ايوووا اي على عيني، انتي شو بتشتغلي بالحياة غير ال....؟؟
ليمار: انا بشتغل اخصائية مكياج
عابد: حلو كتير ، معناها انتي هون رح تشتغلي ، تمكيجي البنات يلي عندهن سهرة ‘ وانتي ايمتا مابتحبي تطلعي معهن ، ماعندي مشكلة
ليمار: اوكي حلو الحكي
عابد: معناها اتفقنا
ليمار(مع غمزة)؛يس
عابد: فيكي تروحي تتعرفي عالصبايا
ليمار: اوكي ميرسي
قامت من مكانها وطلعت من عندو من الغرفة
وعم تدور براسها افكار كتيرة
ليمار(بقلبها):شوهالناس هدول ، بيحكو عن البنت وكانها بضاعة للبيع ،
كانت ماشية بالممر وسارحة باافكارها ومو منتبهة ع شي
فجأة بتخبط بحدا
جابر(بصراخ):وليه حيوانة موشايفة قدامك ،
رفعت راسها واطلعت فيه ،
وجمدت باارضها ، حست انها بتعرفو
حست انو وجهو موغريب عليها ، بس ياترا رح تتزكرو؟ بعد ١٦ سنة ،
جابر؛ ليش ماعم تردي وليك؟
ليمار(لسا عم تتطلع فيه): سوري مابقصدي مسيو
جابر: مسيو!!؟ انتي جديدة هون؟
ليمار(بدلع): اي انا اليوم وصلت ،انا من طرف مسيو ابوفارس
جابر(بسخرية):اي تشرفنا هه ،
ليمار: انت شواسمك؟
جابر: مادخلك وليه ، انضبي ونقلعي من هون
ليمار: حاضر مسيو ،
جابر: يلا حركي
مشيت بطريقها وصارت وراه
رجعت وقفت لما سمعت صوتو
والتفتت لعندو
جابر: وقفي
ليمار: نعم مسيو
جابر(بوجه عابس): ماقلتيلي اسمك؟
ليمار: مايا
جابر: ايوا ، اي روحي على شغلك
ليمار: اوكي
برمت ضهرها وهي مكركبة ومتلبكة
وجهو ابدا موغريب عليها ، نظرتو حتى صوتو ،
كل شي فيه حاسة انو بتعرفو ، بس ماعم تتذكر مين هو
ليمار(بقلبها):ياربي مين هاد مين ، والله حاسة اني بعرفو
____
بمكان تاني
كان انس قاعد بمكتبو وحاطت ايدو ع خدو
فتح تلفونو ودخل عالصور وصار يقلب بصور لميا ويتأملهن بحسرة
حس بغصة وحرقو قلب وبلش يتحسس الصورة باايديه
انس: وين رحتي وتركتيني ياحبيبة قلبي
ياعمري شوشتقتلك شتقت لصوتك
ياالله قديش حاسس الدنيا فاضية من بعدك،
قرب الموبايل لصدرو وضمو
غمض عيونوواخد نفس بصعوبة
انس: شو بدي اعمل ياالله لهمني ارشدني
مرتي حبيبة قلبي بين ايدين واحد مابخاف الله
مرتي يلي ماالي غيرها بخطر، شو بدي ساوي دخيلك ياربي الهمني
وفجأة رن التلفون فاق من صفنتو واطلع ع الشاشة بلهفة، كان الاتصال من عابد
فتح الخط وحط الموبايل ع دانه
عابد(ببرود): شو ياخواجة شايفك ، مارديتلي خبر مشان موضوعنا، ليكون بدك مرتك تضل عنا، شوف ازا بدك هالشي لعيونك
انس: عابد الشي الي عم تعملو غلط ورح يوصلك لحبل المشنقة
رفع صوتو وصار يضحك بسخرية وبصوت عالي::
عابد:ههههههههه حبل المشنقة قلتلي
انس(بصراخ):عاابد لاتستفزني ، مرتي بدك ترجعها ورجلك فوق راسك عم تفهم ولاك !!
عابد: اي طول بالك حضرة الضابط ، بدك تروق علينا
انس: لك انا هلق بجي بهد مقركن فوق روسكن وبحرقكن ،
عابد: لاحبيبي بدك تطول بالك لانو انا حزرتك، اي طلقة نار ضدنا ، رح تكلفك حياة مرتك ويلي ببطنها ،
انس نفد صبرو وتوتر وبلش ينفخ ويضرب ايدو بالحيط
انس: طب هلق قلي انت شوبدك
عابد: قلتلك بدي رجالي
انس: لنفترض طلعتلك رجالك بترجع مرتي؟
عابد: لا حبيبي ، انا قلتلك في طلب تاني
انس(بنفاد صبر): لككك شوهو الطلب التاني احكي ،
عابد:بدي ياك تجبلي من السجون عندك ، صبايا
انس: كيف يعني مافهمت؟
عابد: كلامي واضح ، عندك بالفرع في كتير بنات ، وانا بدي تجبلي منن شي ١٠ بنات ،
انس: وشو بدك تعمل فيهن؟
عابد(بسخرية):ههه بدي اعمل منهن كواج ، شوبدي اعمل يعني ، مشان الشغل
انس(بعصبية):لك شوانت جنيت؟
بدك ياني اناهربلك سجينات وابعتلك ياهن؟
عابد: اي ليش شوفيها
انس: شوف ولاك لاتحلم نفذلك اي طلب من يلي طلبتو
عابد: اوكي معناها جهز القبر لمرتك ، يلا باي يا...حضرة الضابط
طوط طوط طوط
رما التلفون قدامو وصرخ بقهر
انس: يلعن اخت هالشغلة ،
لك شواعمل ياربي شوساوي، لك انا واقع بين نارين
دخيلك يالله دخيلك ساعدني
___
بالليل
كانو الشباب والصبايا عند العصابة عاملين سهرة
الكل عم يرقص ويضحك ويحكي الا جابر كان قاعد لحالو وبعيد عنهن ،
شافتو ليمار من بعيد وراحت لعندو
ليمار: شو ليش قاعد لحالك
جابر: مابحب هالاجواء
ليمار: اي بس بتتسلا مع الناس
جابر: انا مابدي اتسلا مع حدا، وبعدين انتي شودخلك؟
ليمار: سوري، بس انا شفتك قاعد لحالك ، قلت بجي بشوف ازا لازمك شي
جابر: لا مالازمني شي روحي من وجهي
ليمار: اوكي،بس ع فكرة ، انت حدا كتير وسيم
جابر(بسخرية):والله؟
ليمار: اي
جابر: اي شكرا
ليمار: لا ولو عفوا
جابر: انتي ليش جاية لهون؟
ليمار: اممم مابعرف، يمكن لانو انا لازم يكون مكاني هون،
جابر: ايوا يعني متل مابيقول المتل الي متلنا تعو لعنا
ليمار: امم اكزاكتلي
جابر:شوهي بالله ؟
ليمار(بضحك):اكزاكتلي ، يعني بالضبط
جابر: ايوا ،اي
قطع حديثهن صوت واحد من الشباب كان جاي من بعيد وعيونو ع جابر
-- : جابر المعلم بدو ياك ،
لما سمعت هالاسم حست وكأنو حدا ضربها كف، انصدمت ورجليها مابقا يحملوها ،
وسرحت بخيالها ورجعت فيها الذكريات لقبل ١٦ سنة اول مرة دخلت فيها ع بيت جلال واول ماشافت جابر، وكيف استقبلها بطريقة بشعة ، الدموع تجمعو بعيونها ، وحست كانو سكين غزت بقلبها صفنت فيه لحتى تتاكد معقول هاد هو نفسو جابر،ابن الرجال الطيب الشهم يلي اواها ببيتو واعتبرها متل بنتو
اكدت بملامحو منيح ونصدمت صدمة عمرها
مشي جابر من قدامها وراح اتجاه غرفة عابد
وبقيت هي متبسمرة بمكانها وشاردة
ليمار(بقلبها):جاااابر ، معقووول !!!! ياالله كل هالسنين مختفي ، واخر الشي بيطلع هون ، بين المجرمين وتجار البشر، ياالله وينك ياماما تشوفي ابنك ، والله لتجن ازا شافتو هون ، لك وانا عم قوول وين شايفة هالوجه ، وين شايفة هالنظرات الشرسة ، طلعت انت ياجابر انت ابن جلال الطيب يلي كل الناس بتحلف بحياتو ، ياالله على هالدنيا
فرح: مايا تعالي عاوزتك شوي
قطعت افكارها فرح بصوتها
مسحت دمعتها وحاولت تبين طبيعي وراحت لعندها ،،
___
عم تركد بغابة مليانة اشواك
وحواليها وعلى دار مدارها نار مشتعلة
وفي رجال اشكالهن بتخوف عم يلحقوها
وكلهن عم يتنافسو مين بيمسكها اول
وهي مستمرة بالركد وعم تصرخ
ليمااار: يااامي دخيلك بدهن يقتلوني
انا مو منيحة ياامي انا مو منيحة انا بخطر
وبسرعة في حدا من الرجال يلي كانو عم يلحقوها مسكها وصار بدو يرميها عالنار
صرخت بااعلا صوت: ياااامييي دخيييلك ساعديني
،،
وفجأة صحيت رولا من نومها مفزوعة
تجلست وحطت ايدها ع قلبها
وهي عم تصرخ: بسم الله الرحمن الرحيم قل اعوذ برب الفلق
صحي جلال على صوتها مرعوب
قام تجلس ومسك ايدها
جلال: شبك رولا شوفي
رولا(تبكي): ليمار فيها شي ليمار بخطر اكيد
جلال: ليش شوفي شبك فهميني
رولا: شفتها بالمنام قالتلي انها مو بخير، كان في رجال عم يلحقوها
دخيلك ياجلال اتصل فيها ليكون صاير معها شي
جلال: وكلي الله يابنت الحلال،شوبدو يكون صاير معها لسا من ساعة حكت معك وطمنتك انها وصلت
رولا: مابعرف جلال قلبي مو مطمن اتصل فيها دخيلك
جلال:طيب طيب بس اهدي انتي
شال موبايلو من الكومدينا
وضرب على رقم ليمار واتصل فيها
عم يرن....: الو اي بابا
نترت رولا التلفون من جلال بلهفة بدون ماتستناه ليحكي شي
رولا: ليمار حبيبتي انتي منيحة ياامي؟
ليمار: امي انا منيحة شبك انتي ليش عم تبكي؟
رولا: اكيد انتي منيحة؟
ليمار: ماما وحياتك انا منيحة انتي شبك؟!
وبلحظتها دخلت السكينة ع قلب رولا وتنهدت براحة
رولا: الف حمد وشكر الك يارب،ديري بالك ع حالك ياامي الله يرضا عليكي
ليمار:طيب ماما حاضر بس مارح تقليلي ليش عم تبكي؟
رولا: امي شفت منام عنك مرعب،غلي قلبي عليكي
ليمار(بحب):ياعمري انتي هي على قد مابتضلي تفكري فيني وتاكلي همي
رولا: ياروحي ازا فيكي مافكرت بمين بدي فكر
ليمار: تقبري قلبي لاتخافي عليي،مافيني شي انا منيحة انتي بس نتبهي عحالك وع بابا وضلي دعيلي اي؟!
رولا: الله يحميكي ويبعد عنك ولاد الحرام ياحبيبتي
ليمار: يخليلي ياكي يارب،يلا ماما انا لازم سكر بدك شي؟
رولا:بدي سلامتك ماما
ليمار: سلمي على بابا ونامي وارتاحي انا منيحة
رولا: ماشي ياامي ماشي
ليمار: باي حبيبتي
رولا: باي
سكرت الخط ورولا حطت التلفون من ايدها ورجعت اخدت نفس عميق
رولا: هف الحمدلله اطمنت عليها
جلال: انتي من خوفك عليها رح تقضيها كوابيس ،يابنت الحلال سلميها لاالله ونامي ان شالله مابيصرلا شي. شوهي رايحة عالحرب
رولا: اه ياجلال موباايدي، بخاف عليها من النسمة، هي حبيبة قلبي، هي الله صبرني فيها ع غياب جابر، صح مافي شي بنسيني جابر
بس في شي بصبر، وليمار هي الي مصبرتني ع غياب ابن قلبي
صفن جلال ودمعو عيونو اول مانذكر اسم جابر
وحكا بصوت فيه غصة
جابر: ياترا هو عايش ولا ميت
رولا(بحزن): اكيد عايش، قلبي عم يقلي انو عايش، انا حاسة فيه
جلال: ان شالله يارب الله يسمع منك
رولا: امنية حياتي ارجع شوفو وضمو لصدري،بس بدي ياه يرجع وخليه شومابدو يعمل يعصبني يرفع ضغطي يعصي كل اوامري، بس يرجع لقلبي
جلال: الله كريم لك رولا الله كريم
رولا: اااخ بس دخيلك يارب
حط ايدو ع راسها وصار يمسحلا بحنية
جلال: سلامتك من الاخ،نامي حبيبتي رجعي نامي وصلي عالنبي
رولا: اللهم صلي عالنبي
اتسطحت ع مخدتها. وهو رجع تسطح وغطا حالو وغطاها ورجعو نامو،،،
___
كانت ليمار قاعدة على سطح المزرعة
وصافنة بموضوع جابر ودموعها عم يهرو ع خدودها وحدة ورا التانية
ليمار(بقلبها): ااخ ياامي شورح يصير فيكي ازا عرفتي وين ابنك، انا ماعم صدق ماعم استوعب
شو يلي جابو لهون، معقول يكونو استدرجوه متل مااستدرجو غيرو، ولاهو اجا باارادتو
طيب انا شو لازم ساوي، شولازم اعمل، كيف بدي رجعو لاامو وبرد قلبها، اااخ بس يارب دخيلك تكون معي
وفجأة سمعت صوت مشي
مسحت دموعها والتفتت لوراها
لترجع لشخصية مايا يلي اتقمصتها من اول مادخلت عهالمكان
كان واقف وعم يطلع فيها بوجهو العابس دائما
جابر: شوعم تعملي هون
مايا: دايق خلقي، قلت بجي بشم هوا
جابر: اممم هيك لكن
قرب لعندها بخطوات بطيئة وقعد جمبها وهو عم يتطلع فيها بنظرات غريبة كتير
جابر: قلتيلي اسمك مايا
ليمار: وي، مايا
جابر(بااستهزاء): وي كمان فرنساوية الاخت
حطت ايدها ع تمها وصارت تضحك بمياعة
جابر(بعصبية): نضبي وليه يقطع عمرك
ليمار(قطعت ضحكتها): سوري
قرب منها شوي وصفن بوجها الشي يلي خلاها تقلق من نظراته الها
برمت وجها عالطرف التاني
ليمار; ع شو عم تتطلع مسيو جابر
جابر: اكيد مو معجب بموديلك،انا بس مشبه عليكي
حست بخوف اكتر وضلت دايرها وجها عنو
خوفا منه لايعرفها
حط ايدو ع وجها وفتل راسها لعندو بعنف
الشي يلي خلاها تتوجع
ليمار: اخخ، مسيو جابر شوفي!!
جابر: مابحب لما كون عم اطلع بحدا يدير وجهو ويحكي،،متل كانو قرفان مني
وقت بكون عم احكي معك بتطلعي فيني
ليمار: امرك مسيو
شال ايدو من ع وجها وهي حطت ايدها مكان الالم
ليمار: ااخ وجعتني كتير،،شو انك قاسي
جابر(بمسخرة): اي حاج لعي، مامتي ليكك متل القردة
ليمار: مسيو ليش انت كتير عنيف هيك
جابر: مادخلك
وقام من مكانو ووقف على حيلو واشرلا باايدو
جابر: يلا لشوف نزلي ندفسي
ليمار: حاضر مسيو
قامت من مكانها ونزلت قدامو وهو لحقها وسكر باب السطح
وكان طول الوقت عم يتطلع فيها
وكانو مشبه عليها
دخلت عالغرفة تبعها
وسكرت الباب
وقعدت عالتخت
ضمت رجليها وشردت
ليمار:باينتو كتير مشراني، يخرب بيتو كان رح يكسرلي عضمة وجهي،،،
مدت ايدها للدرج يلي جمب التخت وطالعت موبايلها فتحتو
وبقيت سهرانة لساعات
كانت ليمار مدموجة بالتلفون وعم تتصفح فيس بوك
اطلعت ع ساعة التلفون كانت الساعة 2 ونص بالليل
حطت الموبايل من ايدها
ليمار; انا لازم شوف ازا الكل نايمين،لحتى روح بلش بشغلي الي اجيت كرمالو
قامت ليمار من ع تختها
وفتحت باب غرفتها لتراقب الوضع
كان الكل نايم ومافي اي حدا بالممرات
دخلت ع غرفتها جابت موبايلا وفتحت الكاميرا عالفيديو وبلشت تصور ، المكان يلي هي فيه ،
دخلت على غرف البنات وصورتهن بدون ماحدا يحس
طلعت لبرا
وصورت الحيطان يلي بالمزرعة ،
نزلت ع حديقة المزرعة وصارت تتمشا بين الزرع
ليمار: ضل زرع الحشيش ، بس هاد كيف بدي،صورو ، خلص شي نهار الصبح بغافلهن وبصورو ،
بينما كانت عم تمشي بين الزرع حس عليها حدا من الحراس
الحارس: هيي يابنت ليش مالك بغرفتك ،
بسرعة خبت الموبايل وردت عليه
ليمار: موجايني نوم
الحارس: اي طلعي على غرفتك مابدي شوفك هون
ليمار: اوكي حاضر
لفت ضهرها وطلعت لفوق دخلت ع غرفتها وسكرت الباب وستندت عليه وتنهدت براحة
ليمار: افف منيح ماشافني عم صور، لازم انتبه منيح،والله بياكلوني بلا ملح ازا كشفوني
راحت تسطحت بتختها وتغطت وطفت الضو يلي كان جمبها ونامت
____
قاعد وحاطت ايديه ع خده
والافكار والحيرة عم تقتلو
شو لازم يعمل شو التصرف الصح
انس(بقلبه): ياالله دخيل اسمك،انا مالي قد هالحمل
صعب عليي خون مهنتي يلي تعبت كتير لحتى حصلت عليها
وبنفس الوقت هي يلي مخطوفة بتكون مرتي
حبيبتي شقفة من قلبي مالي قد هالحمل يارب
مافيني اتركها تموت هي وابني، مافيني اتركهن، هدول كل حياتي
سحب نفسو بصعوبة
ونزلو دموعو بحرقة قام من مكانو وهو عم يبكي لعجزو وحيرتو والضيقة يلي هو
فيها
وقف عالبرندة ورفع راسو للسما وحط ايديه عالسور وصار يضرب عليه بقهر ويبكي ويصرخ
انس: ياااارب رحمني يااارب ،مو قد هالاختبار انا يارب يارب انا ضعيف
رغم كل شي وصلتلو انا ضعيف، ساااعدني يارب ،،
من قال ان الرجل لايبكي
يبكي الرجل عندما يبلغ التعب منتهاه
عندما تغلق جميع الدروب
ولايبقى سوا درب الخطيئة
يبكي الرجل لعجزه
امام كل الاشياء التي تجبره
ان يكون شخص اخر
شخص لايشبه ذلك الشخص النقي
الذي كان عليه سابقا ....
------------------
باليوم التاني
بالفرع
كان انس عم يحكي مع عابد عالتلفون
عابد: اي حبيب فكرت بالموضوع
انس(بوجه حزين): فكرت
عابد: وشوطلع معك؟
انس(بخيبة):انا موافق
ارتسمت ع وجه عابد ابتسامة نصر
عابد: اي هااا هيك انت عيني
انس: بس البنات بسلمك ياهن كل فترة وحدة ، حتى ماحدا يحس على شي
عابد: موافق، بس عمول حسابك ، مرتك مابترجع لتسلمني الكل ،
انس: وانا رح اعمل جهدي سلمك هنن عن قريب
عابد:كتير منيح ،ايمتا رح تسلمني الرجال؟
انس: شغلة كم يوم بس ،لبين مااعرف كيف بدي غطي اختفاءهن من السجن
عابد: بس استعجل شوي
انس: طيب
عابد: يلا انا مضطر سكر ،
طوط طوط طوط
انس: لك الله يلعنك شوحقير ووسخ
حط التلفون من ايدو
وقعد ع كرسيه ورا مكتبو
وحط ايديه ع راسه وصار يضغط لحتى يمحي كل الافكار البشعة من راسه
وفجأة ندق باب مكتبو
حاول يبين ع طبيعتو تصدر لورا
وعيونو صارت عالباب
انس: اتفضل
انفتح الباب ودخلت ميسم
ميسم: احترامي سيدي
انس: اهلين ميسم تفضلي
دخلت لعندو
وقعدت عالكرسي يلي قدامو
انس: شوفي عندك
ميسم: ولاشي جيت لااشوف شو قصتك بلاقيك سكتت عن موضوع عابد وعصابتو ،مع انو انت كنت كتير متحمس لتلقي القبض عليهن
تلبك وتكركب من جوا بس حاول يخبي ويبين طبيعي وثابت
انس: لاابالعكس، انا لاسكتت ولاشي، انا بس رح نام عالموضوع فترة زمان،
ميسم(مستغربة): اف وليش بقا
انس:رح قلك ليش،
بيفتح الباكيت وبيشغل سيجارة وبيعطيها وحدة
وبيشغلا هي
ميسم: احكي سيدي
انس: عابد هلق صار حاسبلنا حساب
واخد احتياطاتو من كل النواحي، لهيك
هجمتنا عليه بهالوقت لاحتقدم ولاحتأخر، لانو رح يكون مستعد لكل شي مننا، هي ازا مانصبلنا كمين، لهيك، لقيت انو هالفترة نتركو ،ولبين مايأمن انو ماعاد نقرب عليه،ساعتا منرسم خطة، ومنهاجمو من اول وجديد
ميسم: اي بس سيادتك، نحن صرنا منعرف فتحة النفق يلي هربو منو المرة الماضية
وبهالحالة فينا نهاجمو بااي وقت
اخد نفخة من السيجارة وحطها بالطبق
انس: غلطانة ياميسم ،فكري فيها منيح
وحسبيا بعقلك، عابد شخص ذكي كتير، ومابيستسلم بسهولة، مو معقولة يعني يرجع عالمقر، بعد وقت قصير من هجومنا عليه، بدون مايكون اخد كل احتياطاتو، يعني اكيد هو مانو غبي ليرجع يعرض حالو للخطر مرة تانية ويرجع عالمزرعة لومافي شي كبير براسو
ميسم(بتساؤول): وشو هالشي الكبير هاد؟!
انس: مابعرف ماني بعقلو لااعرف، بس الاظبط ياميسم، نتركو هالفترة ونهدي الامور
وبعدها منرسم خطة دقيقة ومنلقي القبض عليه
ميسم: انت هيك شايف؟!
انس: اي هيك شايف
ميسم(بشك):بس انا حاسة انو في شي تاني ياسيدي، مخليك تسكت هالفترة
انس(قلقان من كلامها):شوقصدك!؟
ميسم: مابعرف شو قصدي،انت ادرى سيادتك،
انس(باانفعال): ميسم ع شو عم تلمحي انتي
ميسم: سيادتك انا ابدا ماعم لمح لشي، بس انا حاسة انو صاير معك شي مخليك تسكت لعابد
وبتحط ايدها ع ايدو
وبتطلع فيه بنظرات توسل
ميسم: سيادتك ازا صاير معك شي حكيلي،بلكي بساعدك
بيحاول يخفي التوتر الي صابو من كلامها وبيشيل ايدو من تحت ايدها
وبيحكي وهو عم يتصنع القوة
انس: لا لا مافي شي، لوكان في شي اكيد كنت حكيت، بس مافي شي، وانا قلتلك ليش ساكت هالفترة لعابد
ميسم: يعني هلق انا لازم اقتنع انو مشان هيك بس سكتت، بعد ماكنت بدك تاكلو بسنانك!
بينفعل وبيشد ع قبضتو وبيضربها ع مكتبو
انس: شو سيادة الملازم!!؟ ليكون عم تشكي فيني يعني ،كون خايف من عابد او واقع تحت تهديد منو!! لتكوني مفكرتيني صوص!
ميسم: سيادتك انا ماقصدي هيك ابدا،انا بس عم قلك ازا في شي مخبيه عليي احكيلي، بلكي بساعدك
انس(بيتمالك اعصابو): ميسم لاتجننيني وتطالعي خلقي!!؟ عم قلك مافي شيي مافي شي فهمي
ميسم: طيب طيب سيدي امرك، متل مابدك، بس روق مابدها هالتعصيب
بيهدي اعصابو وبياخد نفس وبيظبط قعدتو
انس: ماشي الحال،
وبيرفع اصبعتو بوجها تحذير: بس ياويلك اذا بتعيديها ،
ميسم:امرك
انس:قليلي لشوف. شو صار مشان قضية الجريمة تبع المدرسة الداخلية
ميسم: لسا المشتبه فيهن ماحدا فيهن اعترف
انس:بدي الكل يعترف وتحت اي ظرف وبااسرع وقت عم تفهمي!؟
ميسم: امرك سيدي حاضر
انس: روحي على شغلك ازا خلصتي الحكي الي عندك،
بتطفي سيجارتها بالطبق وبتقوم بتوقف بااستعداد
ميسم: احترامي سيدي بالاذن
انس: اذنك معك
وبتلف ضهرها وبتطلع من عندو
وبيبقا انس قلقان ومتضايق من كلام ميسم
ومن الشي يلي اتفقو عليه هو وعابد
بيسند راسو على كرسيه وبيفك زر القميص
ليخفف شوي من ضيقتو والخنقة يلي بصدرو
بيحط ايدو ع صدرو وبيمسك بقميصو
وبيغمض عيونو وبيحكي بصوت مليان ضيق
انس: ياااارب ماالي غيرك يارب،سامحني ع كل شي بدو يصير، مو باايدي،يارب مشاعري غلبوني.
_____
عند ال AKS
بغرفة الصبايا
كانو الصبايا كل وحدة منهن عم تعمل شغلة
هي يلي قاعدة ع تختها وهي،يلي عم تمشط شعرها وهي يلي متسطحة
وبنفس الغرفة
قاعدة فرح ولافة رجل ع رجل وعم تراقب الرايحة منهن والجاية
وفجأة دخلت ليمار عالغرفة وتوجهت ناح فرح
ليمار: خير فرح قالولي انك بدك ياني
بتقوم فرح من مكانها وبتقرب لعند ليمار
فرح: مايا في اربع بنات اليوم بدي تجهزيلي ياهن وتطالعيهن حلوين
ليمار: ليش في زبونات جدد؟
فرح: اي طبعا
ليمار: اي اوكي ولايهمك ،
قربت لعندهن وحدة من البنات معصبة
ولحقوها البنات التلاتة
وقفت قدامهن وصرخت ع فرح: نحن اليوم مابدنا نطلع
فرح: بالله شو حبيبتي؟ شوالشغلة على كيفك
البنت: لككك اييي على كيفي، لكن على كيفكن ‘ لك ماحاجتكن بقا تذلو فينا ماحاج؟
فرح(بااستهزاء): اي حاج علاك مصدي وروحي جهزي حالك
البنت : مابدي روح
رفعت ايدها بوجها (تحذير)
فرح: لاتخليني انده لجابر بتعرفي شوبيعمل
البنت: اي ندهيلو ، شوبدو يعملي جابر ؟ بدو يموتنا يعني! ،دخيللك برتاح من هالعيشة
فرح(ب شر): هههه لا حبيبتي جابر مابيموتك، جابر بخليكي تشتهي الموت
كانت ليمار واقفة بيناتهن وعم تسمع الحديث ومتمعنة بكلامهن ومستغربة بالحكي يلي عم يحكوه ع جابر
ليمار بقلبها: يالطيف كل هالقد جابر مئذي ،لك هاد شوجابو لهالطريق شو؟
البنت: اعملي الي بدك ياه ، بس نحن مارح نطلع ولو بدنا نموت عم تفهمي
قربت فرح من البنت ومسكتلا خصلة من شعرها وصارت تمرر اصابعها عليها
فرح(بتحدي): طيب هلق منشوف ،
انا رح جيب جابر وارجع ،
بعدت عنها وطلعت من الغرفة لعند جابر
والبنت للحظة حست بالرعب وتذلذل بدنها
اتطلعت فيها ليمار وانتبهت انها خايفة
ليمار: شبكي شوصرلك؟
البنت: رح تنده لجابر،
ليمار: اي وشويعني؟
البنت : لك انتي لسا مابتعرفيه لهالزلمة ، قلبو من حجر ،
ليمار: روقي لاتخافي ، ان شالله مابصير شي
البنت: لكك كيف ماخاف هاد جابر
يبعتلو قطع لساني لحظة الي قلتلا اني مابدي روح
ليمار: يوو لك شبك، شو رح يعملك يعني!!
وفجأة قطع حديثهن صوت صراخ جابر: شووو قال سمعت ماحدا بدو يروح عالسهرة !! ،
البنات الاربعة ماتو رعبة لما شافوه جاي وباايدو كبل الكهربا ، وعم يشر من عيونو اللئم والحقارة
قرب لعندهن بخطوات بطيئة
جابر: بلاقي ماحدا جاوبني؟
اتدخلت ليمار لحتى تصلح الوضع
ليمار: لا لا مسيو جابر مافي شي من هالشي، البنات كانو عم يمزحو مع فرح ،
وغمزت فرح وقالتلها: موهيك فروحة؟
كان فرح واقفة ومتخنصرة وعم تطلع بلئم
فرح: لاياستي موهيك ، والبنات عم يتمردو عليي
جابر: ايوااااا ، معناها هلق صار لازم شوف شغلي انا ،
هجم عليهن متل الوحش وبلش يضرب فيهن بكبل الكهربا
وهنن يصرخو ويبكو
كانت ليمار مصدومة من المشهد يلي عم تشوفو
جابر؟ ابن الرجال والمرأة الطيبين يلي ربوها ، يكون هيك ،
حركت رجليها بصعوبة ومشيت لعندو
لحتى تخلص البنات من ايديه ،
قام جابر ضربها ودفشها عالارض
جابر(بصراخ):انتي نقلعي من هون وماتدخلي ،
كانت مرمية عالارض رفعت راسها واتطلعت فيه نظرة استحقار ، وللحظة تذكرت ، لما ترك البيت ودفشها عالارض
حاولت تقوي حالها وتوقف ع حيلها
وقفت وراحت عالحمام ،
وقعدت تسمع صوات البنات وهنن عم ينضربو وينهانو ، ع ايد شب مافي بقلبو ذرة رحمة ، ماقدرت ماتبكي
دموعها غلبوها وبكيت لحتى عيونها تورمو ،
بعد شوي بتسمع صوت جابر عم يندهلا
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*