الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#بين اختيارين
#الجزء الثاني
جلال: اي عمو حكيلي شوقصتك؟
كانت ليمار خايفة ومتلبكة وعم ترجف
لاحظ عليها جلال وحاول يعطيها شوية امان
حط ايدو ع كتفها بحنية
جلال: احكي عمو لاتخافي
رفعت راسها واطلعت بعيونو لقت فيها شي من الراحة وبلشت تحكي بصوت عم يرجف
ليمار: عمو انا بابا توفا من سنتين ،
وتركلنا ورتة صغيرة
بعد فترة من وفاتو امي تعرفت ع رجال ،
وتزوجتو ،
اول فترة كان يعاملها بطريقة منيحة بس. بعدين صارت تعاني منو كتير
الزلمة طلع بيلعب قمار ،
كان كل الوقت يرجع سكران ويضربني انا وامي ويصرخ علينا ،
وكل مايكون خسران باللعبة
يجي يتخانق مع امي ويشلحها مصرياتا
هييك لحتى فلست وماضل عندها شي
غير .....
جلال: ليش سكتي كملي؟
ليمار: وماضل عندها غير انا ،
رجع اليوم وكان كتير معصب ، وهجم عليي بدو ياخدني ..
جلال: شو كملي ؟
ليمار: كان خسران باللعبة وبدو ياخدني لعند رجال ، لحتى يسد خساراتو
،انصدم جلال من كلام ليمار واحتار
وبلش يتطلع يمين وشمال
جلال: اي شوصار؟
ليمار: امي اجت لحتى تحميني منو وتمنعو ياخدني
قام ضربها ، رجعت قامت لتخلصني من ايديه ، دفشها واجا راسها عالحيط، وفقدت الوعي و...
غصت بالبكا ودموعها ملو خدودها
قرب لعندها وحضنها بحنية وبلش يهديها
جلاال: لاتبكي عمو، احكيلي شوصار بعدين ،
ليمار: بعدين التفت لعندي وصار يطلع فيني نظرات شرسة ، ضربني بكمر البنطلون على راسي ،
قمت انا وبلحظة قوة دفشتو وبعدتو عني
وكنت كتير خايفة فتحت الباب وهربت ، ضليت عم اركض من حارة لحارة هييك لحتى لقيتك ،
وهي هي كل قصتي ، والله ماعم اكذب عليك ياعمو ،
اطلع جلال ب ليمار بحزن ، وحس باانو البنت صادقة وماعم تكذب
جلال: لاحول ولاقوه الا بالله
ليمار: عمو الله يوفقك مابدي ارجع لعندو ،
جلال: اطمني عمو مارح رجعك لعندو ، صدقيني ، بس عمو قليلي ، انتي متاكدة انو امك ماتت ؟
ليمار: مابعرف ، بس كانت مفتحة عيونها وماعم تتحرك ،
جلال: طيب عمو اهدي ، هلق روحي نامي، ومنشوف شو بدنا نعمل
ليمار: يعني انت مارح ترجعني لعندو؟
جلال: شوهالحكي اكيد لا ، خلص اهدي ولاتخافي ،
اخدها جهزلا غرفة وغطاها وخلاها تنام وراح على غرفتو ،
كانت رولا قاعدة عم تستناه
رولا: شو نامت؟
جلال: اي نامت، مسكينة قصتها بتقطع القلب
رولا: وهلق هي رح تضل عندنا؟
جلال: وين بدك ياني روح فيها؟ البنت احتمت فيني
رولا: .....
جلال: شو شبك؟
رولا: ولاشي ، بس انو كان ناقصنا مصايب نحن مابكفيني جابر وهم جابر
جلال: لاهم ولاشي ، بدك تتحمليه ، الولد عم يمر بفترة مراهقة ، ولازم تعرفي تتعاملي معو ، يعني يارولا ياحبيبتي ، مابصير تجيه بالصراخ والبهدلة ، تعي معو بالهداوة ، وان شالله ببطل يعذبنا
رولا: لك ياجلال انت بتعرف انو ماضل طريقة ماتعاملت فيها معو،وهو ماعم يفهم عليي ولا عم يستوعب،
جلال: معلش حبيبتي ، حاولي قد مابتقدري ، هاد ابننا ازا نحن ماتحملناه مين بدو يتحملو ، صبري عليه معلش
رولا: الله يصبرني بس
قرب منها وباس جبينها وابتسملا
جلال: هدي اعصابك ونامي ،
رولا : طيب تصبح على خير
جلال: وانتي من اهلو
تسطحت وتغطت
وهو سند حالو عالتخت وبلش يفكر بقصة ليمار بحزن
____
باليوم التاني
فاقت رولا ، وحضرت الفطور ، وراحت لتفيق جابر دخلت لعندو ، وصارت تصحيه ،
وهو كان فايق بس عامل حالو نايم
رولا: جابر
جابر: ....
رولا: يلا حبيبي قوم الفطور جاهز
جابر: ....
رولا: حبيبي بعرف انك فايق ، قوم يلا
جابر: مابدي قوم تركيني
رولا: ياعمري لساتك زعلان مني
جابر: .....
حطت ايدها عليه لتفتلو لعندها
رولا؛ طب قوم اطلع فيني وحاكيني
بعد ايدو عنها
جابر: مابدي تركيني ،
رولا: هلق هيك بدال ماانت تراضيني ، انا عم راضيك؟
جابر: ماحدا عم يطلب منك تراضيني ، تركيني وروحي هتمي بهديك البنت ،
رولا( بااستغراب):انو بنت؟
جابر: البنت يلي جابا بابا ، اصلا انا المسا سمعت كل شي
رولا: حبيبي هي بنت مسكينة وابوك حب يساعدها ، معقول عم تغار منها؟ انت صرت شب
جابر: اي بهالشغلات صرت شب ، بس اني اخد قراراتي لحالهن ، هون انا بكون صغير ومابعرف مصلحتي ،
رولا : هههه طيب حبيبي قوم خلينا نفطر هلق وبعدين منحكي بهالموضوع
جابر: مابدي احكي بشي
رولا: بلا عناد هلق قوم معي ،
جابر(بعصبية): قلتلكك مابدي
قامت وقفت قدامو ومسكتو من ايدو
رولا(بضحك): بس تكون الشغلة على كيفك
سحبتو من ايدو واخدتو عالفطور
كان جلال قاعد جمب ليمار
اطلع فيهن بنظرة باانزعاج
وقال: صباح الخير ،
اطلع جلال بجابر وابتسم،
جلال: صباح الخيرات حبيبي ،
ونقل نظرو لليمار واشر ع جابر: ليمار ، هاد ابني جابر ، اكبر منك ب سنتين،
قربت ليمار لعند جابر
واطلعت فيه وابتسمت ابتسامة صغيرة
ليمار: مرحبا
اطلع فيها نظرة حقد ،
وقعد على كرسيتو بدون مايرد عليها .
جابر: شوصار بالشاي ماما انا جوعان كتير ،
حست ليمار بالاحراج ورجعت لمحلها
اما جلال فنزعج من جابر، بس سكت لحتى مايحرجو
اطلع ب ليمار بحنية
جلال: كلي عمو كلي
مسكت معلقتها وبلشت تاكل وهي عم تطلع مرة بجلال ومرة بجابر بااحراج
___
بالجامعة
كان انس طالع يحضر محاضرة ،
اتصادف بطريقو بعابد ومعو رفيقو
وقفو بوجه بعض واتطلعو ببعض نظرات تحدي ، استمرت لثواني وبعدها انس مشي بطريقو بدون اي ردة فعل تانية ،
سعيد: شو شريك مابدك تردلو ياها؟
عابد(بحقد): رح ردها بس يجي الوقت المناسب ، موانا يلي بسكت عن حقي،
ضلو عم يطلعو فيه لحتى اختفى عن انظارهن
شد عابد ع قبضتو وابتسم ب شر
عابد: شو عليه ياانس انا بفرجيك
____
طلع انس على قاعة المحاضرات
وكانت لميا قاعدة على احد المقاعد ، شافها. من بعيد وراح لعندها وقعد جمبها
انس: صباحو ياحب
لميا: يسعدلي صباحك حبيبي
انس: كيفك اليوم
لميا: انا تمام وانت
انس(بوجه عابس): كنت منيح لحد ماشفت هداك الزفت عابد
لميا ( بخوف):بس ماتكونو رجعتو علقتو😐
انس: لااطمني ، بس والله ناويلو على بهدلة ،
لميا: كرمال الله انس بلا مشاكل ،
انس(بعصبية): بالله بلا مشاكل، لكن خليه يضل يدايقك واسكتلو
لميا: بكرا بيمل وبيبطل يلحقني ،
قطع حديثهن لما دخل ع قاعة المحاضرات صوت الدكتور :صباح الخير ياشباب
انس ل لميا بهمس: بيمل لكن !، خلص هلق لفيها اجا الدكتور...
وطالع اوراقو وكتبو وحطهن قدامو والتفت عالدكتور
____
بمكان تاني ،
كان جابر ماشي بالحارة ،
وبالصدفة شافو من بعيد فريد وركض لعندو
فريد: جابر
التفت جابر لعندو : نعم؟
فريد: وينك يازلمة الك يومين مو مبين ،
جابر: احكي شوبدك مني
فريد: شبك ولو هدي علينا ‘ تشرب سيجارة؟
جابر: ....
فريد: شبك سكتت؟؟ ،
طالعلو سيجارة وشغلا وعطاه ياها
جابر: ازا بشوفني بابا ، بيمسح فيني الارض
فريد: اي لاتخاف مارح يشوفك، بعدين انت صرت كبير وماحدا ، بيحقلو يتدخل فيك ،
اخد جابر السيجارة من ايد فريد وبلش يسحب ،
فريد: ايوا هالمرة احسن من المرة الماضية هههه
جابر:....
فريد: شو رايك اعطيك علبة ، تتركا معك ،
جابر: لا مابقدر بخاف حدا يشوفها
فريد؛ لك حاجتك بقا ، ويشوفها ، لك انت صرت زلمة وماحدا بيحقلو يتدخل فيك ،
جابر؛ وقديش بدك حقها ؟
فريد(بنظرة خبيثة):له له بزعل منك ها ، هي هدية مني الك
جابر: ومن ايمتا في بيناتنا هدايا؟
فريد: ياسيدي اعتبر من هلق ،
جابر: ياسيدي شكرا
فريد: ليك جابر، انا اليوم رايح اسهر مع رفقاتي ، شو رايك تجي معي؟
جابر: لامعلش مابقدر ضل برا البيت كتير ، مشان اهلي
فريد(بنرفزة): هي هيي علينا كل شغلة اهلي اهلي ، لك كم مرة بدي قلك. ماحدا دخلو فيك ، لك شبنا جابر لاتكون خروق ، خلي شخصيتك قوية ،
جابر؛ طيب ايمتا السهرة ؟
فريد: عالساعة ١٠ بالليل
جابر: لاا لا مابقدر
فريد: تسطفل ولو ، خليك هيك خليك خايف من اهلك متل الارنب ،
انا ماشي ،
برم ضهرو فريد وراح بطريقو
،وقفو صوت جابر : وقف فريد ،
فرح فريد وابتسم ابتسامة كلها خبث واطلع بجابر
فريد: خير؟
جابر: خلص بروح معك
فريد: اي ها هيك انت عيني ، هاد جابر الي بعرفو ، خليك رجال ،
جابر: بس مابقدر اتاخر كتير
فريد: لعيونك مامنتأخر ، يلا هلق بدك شي لازم روح
جابر: لاسلامتك
فريد: يلا بشوفك المسا
جابر: الله معك ،
مشي فريد بطريقو وهو عم يحكي بينو وبين حالو : ههه والله ونقشت معنا ، شكلو الشب بلش يستوي ههههه ،
طالع تلفونو من جيبتو وعمل مكالمة
فريد: الو اي حبيب ، حبيب الولد بلش يستجيب معي ، هههه واليوم المسا رح جيبو معي ، مشان تتعرف عليه انت والشباب ،طيب ماشي ياحب، باي
وسكر الموبايل وابتسم بخبث
_____
بالجامعة
كان انس قاعد مع لميا
بالكافتيريا فجأة بيرن تلفونو
اطلع عالشاشة لقا اسم بنت الجيران
استغرب من اتصالا
لميا: مين ؟
انس: هيفا بنت جيرانا ‘ شوبدها ياترا؟
لميا: طب رد عليها
حمل التلفون ورد عليها
انس: اي هيفا ،
بلشت تبين علامات الصدمة على وجه انس
ولميا عم تتطلع عليه ونشغل بالها
انس: شو عم تحكي انتي؟؟؟ كيف صار هيك؟؟؟؟ ،
وفجأة وقع التلفون من ايدو ودموعو بلشو ينزلو ،
لميا: شوفي حبيبي ؟؟؟
انس:....
لميا : انس شبك حبيبي؟؟
انس: خااالتي
لميا(بقلق):شبها؟؟
،تركها ومشي والدمعة بعيونو
وهي لحقتو
لميا: انس لوين رايح؟؟
كان عم يركض متل المجنون وهي ضلت لاحقتو
لحد ماوصل عالبيت ،
دخلو عالبيت ، وكانو الجيران متجمعين
بالبيت ، وهو دخل والدمعة بعيونو ، والكل عم يتطلع فيه بحزن ويقلو: الله يرحمها ،
هون عرفت ليمار انو خالتو توفت شهقت وحطت ايدها على تمها
دخل انس لعند خالتو عالغرفة ، ولقا النسوان عم يكفنوها
انس: وقفووو ،
تركوه وطلعو لبرا ، ودخلت لعندو لميا ،
قعد جمب جثة خالتو وبلش يتأملها بحزن
انس: ليش ياخالتي ليش ،والله بكير ،امي وابي تركوني ، كل الدنيا تركتني ، وانتي كمان؟؟ ليش ، كل هالقد انا سيئ ، لحتى كلكن عم تتركوني ، لك كللل هالقد انا سيئ ،
قربت لعندو لميا بحزن وحطت ايدها على كتفو
لميا: خلص انس مشان الله
انس: لميا مشان الله كل هالقد انا سيئ ؟؟
لميا: لاياحبيبي انت مانك سيئ
انس: ليش الكل عم يتركني ليش ،
لميا: انا مارح اتركك وحياة عيونك مارح اتركك
انس: لك انا شو بدي اتحمل لااتحمل ،
لميا: طول بالك ياعمري الله يرحمها ،
حمل حالو وطلع برا الغرفة
والحزن مالي قلبو ، خالتو لاانس هي الحدا الوحيد يلي ضللو من بعد مامات اهلو ،
وكانت صدمة موتها قاسية عليه كتير...
_____
ببيت جلال
كان جابر قاعد عم يتفرج عالتلفزيون ،
شافتو ليمار من بعيد وراحت لتحاكيه ،
كانت حاسة بالوحدة كتير ، وحابة تحكي مع حدا
وقفت جمبو وشبكت ايديها ببعض
ليمار(بخجل): ممكن اقعد
اتطلع فيها جابر بطرف عينو
ومارد بااي شي
ليمار(بااحراج):على شو عم تتفرج
جابر: .....
ليمار: انا اسفة بس كنت حابة اقعد معك ازا مافيها احراج ،
اطلع فيها وقام من محلو ومشي وهو متنرفز
جابر: هففف يا الواحد حتى ببيتو مابياخد راحتو ،
كان جلال طالع من غرفتو وشاف تصرف جابر و
اتدايق كتير ولحقو على غرفتو ،
دخل لعندو وسكر الباب ،
وجابر لما شافو نزل راسو بالارض
جلال(بعصبية): معلش افهم ليش هيك عم تتعامل مع البنت؟
جابر: .....
قرب لعندو وقعد مقابيلو
جلال: شو ليش ساكت؟
جابر: شوبدي احكي ؟
جلال: ليش عم تعاملها لليمار بهالقسوة ؟
جابر(بعصبية):لانو مابطيقها ، ليش هي عندنا خليها تروح لعند اهلها ،
حس جلال بالحيرة وحاول يهدي لهجتو شوي مع جابر وقعد جمبو
جلال: يابابا انت مابتعرف انو البنت ماعندها اهل؟
جابر: مبلا بعرف
جلال: اي ووين بدك ياني زت البنت مزال بتعرف؟
جابر: خليا تروح تعيش بالميتم ، نحن شو دخلنا فيها
جلال: هلق بابا بدي اسألك سؤال
جابر: تفضل
جلال: ازا انت شفت انسان عم يغرق ، وانت فيك تنقذو من الغرق ،؟ شو بتعمل بتنقذو ولا بتتركو يغرق؟
جابر: ازا بقدر انقذو ليش لا
جلال: تمام معناها ، وانا هيك عم اعمل مع ليمار ،
جابر: يعني هي لاايمتا بدها تضل عندنا؟
جلال: لاالله يفرجها
جابر: بس انا ماعم حب وجودها
جلال: حبيبي انت حر لاتحب وجودها بس لاتكسر بخاطرها ،
جابر(بمسايرة):ماشي بحاول
جلال: الله يرضا عليك ، يابابا، نحن البشر معرضين كتير لاانو نمر بمواقف بشعة ، واحيانا منحتاج حدا يكون جمبنا بهالمواقف ،
يعني متل مانحن ساعدنا ليمار ، وهي بهالموقف ، شي نهار نحن يمكن ننحط بشي موقف بشع ، واكيد رح نحتاج حدا يساعدنا ،
بقا الله يرضا عليك ، لابقا تدايق البنت
جابر(ابتسامة متصنعة): .... خلص ماشي .
جلال: يلا انا رايح شوفها بتكون زعلت منك ،
طلع جلال برا غرفة جابر ،
ودور على ليمار بكل البيت ومالقاها جلال: ليمار وينك عمو؟ ،
شافتو رولا : خير شوفي؟
جلال: شفتي ليمار شي ؟
رولا: لاماشفتا بتكون بغرفتها
جلال: مالقيتها بكل البيت
رولا( بااستغراب): وين بدها تكون راحت البنت؟
جلال: شوبعرفني ،
رجع عمل جولة بالبيت كلو ومالقا البنت ،
وقرر يطلع يدور عليها برا البيت ،
وين بدها تكون راحت ياترا ؟؟
______
كان جلال ماشي بالشوارع
وعم يدور على ليمار ،
فجأة لمحها من بعيد قاعدة على رصيف
ركض لعندها متل المجنون ،
وقعد جمبها
جلال( ب لهفة): ليمار
اطلعت فيه وبعيونا حزن
جلال: ليش تركتي البيت ؟
حطت راسها بالارض
ليمار(بحزن): جابر مابدو ياني ،معكن ، وانا مابقدر اقعد على قلب حدا
جلال: عمو مين قال هالحكي ، بالعكس جابر كتير قلبو طيب ، بس هو هيك طبعو مغرور
ليمار: بس جابر مامغرور ، جابر من وقت يلي فتت على بيتكن وهو مابيطيقني ،
بلش يمسح ع راسها بحنية وابتسم بوجها
جلال: لاياعمو بالعكس ، انتي غلطانة ، جابر كتير حبك ، وهو ندم كتير عالتصرف يلي عملو معك
ليمار : بس
جلال: بلا بس يلا خلينا نروح عالبيت ، الخالة رولا عم تحضر الغدا
ليمار: عمو انا بدي دور على قبر امي
جلال: ماشي عمو من عيوني بس هلق خلينا نروح عالبيت
مسكلا ايدها واطلع فيها بحنية ،
ليمار: عمو جلال
جلال: نعم؟
ليمار: فيني قلك بابا
دمعو عيونو وبدون مبالاة ضمها لصدرو
جلال: اكيد حبيبتي ، فيكي
ليمار(بفرح): انت احلا اب بكل الكون
جلال: ياحبيبة قلبي وانتي احلا بنت بشوفها بحياتي
بعد عنها وسحبها من ايدها
جلال: يلا تعالي بدنا نروح عالبيت
قامت على حيلها ومشيت معو لحد ماوصلو عالبيت
____
المسا
جابر: امي انا رايح عند بيت جيرانا ابو فريد
رولا: خير شوفي ؟
جابر: فريد عزمني عالسهرة عندو
رولا: اي ماشي بس ماتتاخر
جابر: لاماما اكيد
رولا: طيب حبيبي روح ،
قرب لعندها وباس راسها
جابر: بحبك
رولا (بضحك):ههه يي عليك شومحتال ،
طلع جابر من البيت
وكان فريد عم يستناه بااخر الحارة
ساند حالو ع عامود الكهربا وعم يدخن
وصل لعندو جابر شال السيجارة من تمو ورماها
فريد: شو جاهز
جابر: اي اكيد
فريد: يلا خلينا نمشي
جابر: قلت لاامي اني سهران عندكن
فريد: مومشكلة يلا خلينا نروح ،هلق منتاخر عالشباب ،
مشيو بطريقهن لبين ماوصلو للشارع العام اخدو تاكسي وطلعو
وصلو لقرنة مقطوعة ومتطرفة عن المدينة
وقفت التاكسي ونزلو منها تنيناتهن
جابر; لوين هلق؟
فريد: امشي معي
ضلو عم يمشو لحتى
نزلو بوادي ومشيو فيه مسافة كبيرة شوي
اول مادخل جابر عالقرنة حس بالرعب ، وماقدر الا مايسأل
جابر: لوين جايبني فريد؟
فريد: امشي وانت ساكت ، هلق بس نوصل ، بتعرف
جابر: بس المكان بيخوف
فريد: اي امشي وبلا جبن ،
بااخر الوادي في جبل كبير مليان شجر ،
طلعو عالجبل بصعوبة ونزلو بوادي
تاني هييك لحتى وصلو لمزرعة
كان مكان عمارها غريب شوي
حواليها حراس كتير
وناس اشكالهن بترعب
دخلو على قلب المزرعة
استقبلهن شب عمرو بحدود ال ٢٦ سنة
حامد: هلااا فريدووو
فريد: لك اهلين بشيخ الشباب
انتبه حامد لوجود جابر
وصار يتطلع فيه من فوق لتحت
حامد: مين الشب؟
فريد(غمزو بخباثة): رفيقي جابر، شب على كيف كيفك ،
حامد(بتفهم): اهااا يااهلا وسهلا ، شوبدنا نضل عالباب تفضلو عالسهرة
التفت فريد ع جابر واشرلو
فريد: يلا جابر
دخلو عالمكان يلي كانو مجتمعين فيه الشباب
وكان جابر مستغرب بالمكان والناس الموجودين وعم يتلفت يمين وشمال ،
كانت اشكالهن غريبة
هاد يلي مربي دقنو ومبالغ فيها
وهاد يلي مربي شعرو متل البنات
وهاد يلي حالق عالصفر ومافي ولاشعرة بوجهو
وكلن كانو قاعدين وعم يدخنو ويسكرو
قعد جابر ع احد الطاولات وضل عم يتطلع بالمكان والي فيه بنظرات استغراب
اجا فريد لعند جابر وباايدو كاسة مشروب
قعد عالكرسي الي مقابيلو
فريد: شوعجبك الوضع ؟
جابر: هدول كلن رفقاتك؟
فريد: اي ليش مستغرب
جابر: مستغرب لانو مافي حدا منهن بعمرك ،كلن اكبر منك
فريد: اي سيدي الرفقة مادخلها بالعمر ،
اطلع فريد بكاسة المشروب وابتسم ب شر
وعطاها لجابر
فريد: خود اشرب
جابر: لا لا انا مابشرب مشروب
فريد:هههه تضرب شوخروق صحيح انك ترباية نيدو ،لك خووود كلها كاسة
جابر: لا لا مابدي
فريد: لك خدها مارح تندم
جابر: بس
فريد: لك بلا بس خود
جابر اخد الكاس من فريد
وشرب اول شفة
كشر وبعد الكاسة عنو بقرف
جابر(بقرف):طعمتو كتير سيئة
فريد: ههههههه اي معك معك بتتعود ، شربها كلها ،
جابر: مابدي موطيب ،
ومد ايدو ليعطيه الكاسة
فريد: لك اشربها ، لعما شو سهيان ،
بصعوبة قدر جابر يشرب كاسة المشروب
وكان كل الوقت فريد عم يتطلع فيه بسخرية وحقد ،
فريد: اتسلا مع الشباب انا هلق برجع
جابر: ماشي ،
راح فريد على احد الغرف بالبيت
دق الباب واجاه الرد بالدخول
فريد: مرحبا معلم
مجهول: اهلين ، جبت الشب؟
فريد: اي جبتو وحامد شافو
مجهول: ودخلك بيقدر ينفذ طلباتنا
فريد: ولو معلم تركو عندي ، وحياتك لخليه رح يصير متل الخاتم بااصبعك
مجهول: برافو عليك هاد المطلوب ،
واكيد انا مارح انساك ، ورح كافئك مكافئة محرزة ، واصلا المعلم عابد كتير مبسوط منك ،
لانك عم تقدم كل شي عندك ، لحتى منظمتنا تصير فوق الريح
فريد: ولو يامعلم انا خدامك انت والمعلم عابد ،.
____
بعد مرور ايام
انس بعد ماماتت خالتو تعبت نفسيتو
وبقي فترة قاعد بالبيت،
كان الوقت الصبح
وكان انس نايم
واذا بفيق على صوت رنة الجرس
قام من التخت وهو مو مصحصح مشي بخطوات تقيلة ناح الباب
وصل لعندو وفتحو
طلعت بوجهو لميا
ابتسمت بوجهو ابتسامة عريضة وتخنصرت
لميا: صباحو
ابتسم ابتسامة صغيرة
لميا: شبك مابدك تقلي تفضلي؟ بروح ها !
انس: لا لا شوتروحي تفضلي ،
دخلت وسكرت الباب واطلعت فيه بحب
وضمتو
لميا: شتقتلك
انس: وانا كمان
بعدت عنو واطلعت فيه بعتب
لميا: لاايمتا بدك تضلك هيك؟
انس: بدك تضلي واقفة هون ؟ فوتي خلينا نقعد ،
لميا: مابدي اقعد ، روح جهز حالك
انس: ليش لوين العزم ؟
لميا: عالجامعة يعني لوين
انس(بزعل): لا لاماني،رايح
لميا: انس بلا غلاظة روح البس يلا
انس: ماجاي عبالي روح
قربت لعندو وصارت تدلع
لميا: حبيبي كرمالي ، يعني لاايمتا بدك تضلك هيك؟
والله حلك ترجع لحياتك
انس: تعبان يالميا ، ليش هيك حياتي انا ربيت يتيم كل عمري ، واخر شي المرة يلي ربتني كمان تركتني وراحت ، ماضللي حدا
لميا(بزعل):الموت حق علينا ، وهي ارادة الله ، بعدين شوهي مالي حدا طيب وانا شو ؟
انس: انتي كل حياتي انتي قلبي
لميا: تؤبرني ، معناها يلا روح جهز حالك ، بدنا ندرس بقا بكرا منرسب
انس: ههه ماشي
شدتو من خدودو وباستو
لميا: تسلملي هالضحكة يلا ناطرتك انا
انس(بحب): اي باامرك انا لموشتي
لميا: اي دخيلو انا
واشرتلو باايدها: يلا روح
انس: مابطول 5 دقايق
ولف ضهرو ودخل لجوا
بينما هي قعدت تستناه باارض ديار
-------------------
ببيت جلال
كانت رولا عم ترتب البيت
دخلت على غرفة جابر لترتبها
شالت الشراشف من فوق التخت لحتى تغسلهن
وانصدمت لما شافت علبة دخان
حملتها بسرعة وفتحتها ،
ولقت انو السجاير الي جواتها مانها سجاير عادية
شهقت بصوت عالي ودموعها تجمعو بعيونا
رولا: شووو هااد حشيش ،،ابني انا عم يدخن حشيش!!! دخيلك ياربي دخيلك
قعدت باارضها وصارت تضرب ع وجها ،
رولا: ولي ياربي شوهالمصيبة ، ياربي الولد رح يروح من بين ايديي ، رح يروح من بين ايديي
______
بعد ساعات
رجع جابر من مدرستو
ودخل عالبيت وصار ينادي لاامو
جابر: ماما شوطابخة جوعان كتير ،
كانت رولا قاعدة عم تستناه بغرفتو
دخل عالغرفة وتفاجئ بوجودها
جابر: ماما شوعم تعملي هون؟
رولا: ....
جابر: امي فيكي شي؟
وبلمح البصر قامت رولا من محلها ووقفت قدامو
وعيونها عم يقدحو شرار
رفعت ايدها وضربتو كف قوي
وهو نصدم بردة فعلها
جابر(بعصبية): امي شبك؟ ليش عم تضربيني؟؟؟
رولا (بصراخ): مابتعرف ياكلب مابتعرف
جابر: لك شبك ليش عم تصرخي؟
رولا: رح قلك ليش رح قلك يابهيم
طالعت علبة الدخان وفرجتو ياها
رولا: هي شو ولا؟؟؟
انصدم جابر وارتعب وماعاد يعرف شو يجاوب
رولا( بصراخ):لك رد عليي شوهاي
جابر: انتي شوشايفة؟
رولا: والله شايفة انك بدك ترباية من اول وجديد ‘لك لعما بعيونك بدك تجبلي الجلطة انت ، بدك تموتني
جابر: امي لابدي موتك ولاتموتيني ، انا حر بعمل الي بدي ياه ،
رولا: بتعمل الي بدك ياه؟
رجعت رفعت ايدها وضربتو كف تاني
جابر(بصراخ): امي بكفي بكفي تعامليني بهالطريقة ، انتي مادخلك فيني انا صرت كبير وبعرف شوعم اعمل
رولا: بتعرف شوعم تعمل ياكلب بتعرف شوعم تعمل؟ عم تشرب حشيش وبتقلي بتعرف شوعم تعمل ،
مسكتو من قميصو وصارت تضربو ،
استجمع قواه ودفشها عنو وقعت عالارض ،
فتح باب الغرفة ولقا ليمار بوجهو
دفشها هي التانية عالارض
ومشي وصل لعند باب البيت ووقف والتفت لجوا
جابر(بصراخ): ليكي انا هلق طااالع وماعاد ورجيكي وجهي ، لحتى تتعلمي مرة تانية تضربيني ،
طلع برا البيت ، وسكر الباب بقوة
وقفت ليمار على رجليها وراحت عند رولا
ليمار: صرلك شي مااما؟
رولا (تبكي):الله ياخدني الله ياخدني لاارتاح
ليمار(بحزن):ماما مشان الله لاتبكي ،
قربت لعندها وضمتها وصارت تبكي اكتر
رولا: موباايدي ، موباايدي ، ياربي دخيلك رح يجنني هالصبي ،،،،
ليمار: معلش ماما كرمالي طولي بالك
رولا: اه اه منك ياااجابر شوعم تعمل فيني اه
ضمتها ليمار اكتر وصارت تمسحلا ع شعرها لحتى تهديها
بس ماكان في شي عم يبرد النار الي بقلبها
___
بالجامعة
كانو لميا وانس قاعدين بالكافيتريا
عم يشربو قهوة ويحكو
شافهن عابد من بعيد ومات غيرة وبلش يضغط على ايديه بحقد
عابد: انا بفرجيكن ياكلاب ، ياحقيرين
وكمل طريقو وهو عم يراقبهن هيك لحتى طلع من الكافيه
بينما لميا وانس قاعدين مقابيل بعض ومبسوطين
لميا: حبيبي بدي منك شغلة
انس: انتي بتأمري
لميا: بدي ياك تجي لعندي المسا ، في كم شغلة بدي ياك تساعدني فيهن
انس: متل شو هالكم شغلة يعني؟
لميا: يعني متل شو؟ ، كم شغلة بالدراسة صعبانين عليي
انس: اي شوعليه
لميا: يعني رح تجي
انس(بوجه مبتسم): اي ازا بتستقبليني
لميا(بفرح): ييي لك انت بتنور ياعمري
حط ايدو ع ايدها وبعيونو نظرات حب
انس: يخليلي قلبك شوبحبك
لميا: وانا كمان بحبك ياروحي
__
بمكان تاني
عم يندق
باب بيت فريد
راح فريد. وفتح الباب وتفاجئ بوجود جابر
فريد: اهلين جابر ،خير شبك ليش هيك وجهك !؟
جابر: امي عرفت اني عم دخن
فريد: اي وشو يعني ؟
جابر(بعصبية): لك شو شويعني بهدلتني وضربتني وقومت الدنيا على راسي
فريد: ههههه وانت شوعملت ؟
جابر: شوبدي اعمل يعني؟ تركت البيت
فريد(ببرود): والمطلوب هلق؟
جابر: المطلوب انو انا مابدي ارجع عالبيت ،وبدي ضل عندك
فريد: والله بعتزر ياابو الجبر ، مافيني خليك عندي ، بتعرف انا عايش مع اهلي
جابر: اي والحل؟ انا مابدي ارجع عالبيت ، لحتى علمها تضربني مرة تانية
فريد: عندي حل
جابر: وشو هو؟
فريد: شو رأيك تروح لعند الشباب الي اخدتك لعندهن من كم يوم ،
جابر: اي بس انا ماحبيتهن
فريد(بسخرية): بالله شو اي موضروري تحبهن ههههه ، احسن ماتضل بالشوارع
جابر(بيأس)؛طيب ماشي ،
فريد: انطرني خمس دقايق لاالبس ومنروح
جابر: ماشي ،
دخل فريد لجوا وهو مبسوط
انو مخططاتو بلشت تتنفذ
غير تيابو ووقف قدام المراية
وابتسم بخبث: والله وعملتا يافريد، واستدرجتو لهل جدبة جابر
وقلب لورا وصار يضحك ضحكة شريرة
فريد: ههههههه مسكين ياجابر
لبس جاكيتو
وطلع لبرا
كان جابر عم يستناه قدام الباب
فريد(اشرلو بعيونو): خلينا نمشي
ومشيو بطريقن
ليضل فريد ماشي ورا جابر وعم يضحك ب سرو ويتمسخر ع جابر يلي وقع بمكيدتو، بينما جابر المسكين مو دريان بشي ومفكر فريد بحبو ورايد مصحلتو.
بسم الله الرحمن الرحيم
ومن الناس من يعجبك قوله في الحياة
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*