الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `بين اختيارين*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#بين اختيارين
#الجزء الأول
انس شب عمرو ٢١ سنة شب طيب وطموح
بيدرس حقوق ،
وحلمو يلتحق بالكلية الحربية ويكون ضابط امني ،
انس يتيم الام والاب
وعايش عند خالتو يلي ماالو حدا غيرها من بعد الله
خالتو مرأة كبيرة ومريضة ،
واهلو ماتو قتل ،
وهاد السبب يلي خلاه يتمنى يكون ضابط
لحتى ،يدور ع يلي قتلو اهلو ويحاسبهن،
طلع انس على جامعتو وكان متنشط كتير
وصل على جامعتو وقعد على احد المقاعد بساحة الجامعة
وكان صافن شوي فجأة اجا حدا من وراه
وحط ايديه ع عيونو
--: مين انا ؟
انس : مين يعني قلبي وعمري
---(بدلع): اممم مين يعني؟
انس: لموشة الغليظة
لميا: مين لموشة؟
انس: حبيبتي ، خلص شيلي ايديكي بلا غلاظة
لميا: بتحبا للميا؟
انس (بعصبية): لك طبعا
لميا : شو طبعا؟
انس: مارح قلك لتشيلي ،
شالت ايديها وقعدت جمبو
واتطلعت بعيونو نظرة حب
لميا: شو طبعا؟
انس: طبعا بحبك وبموت فيكي
لميا: وانا بحبك
انس: مابدك تبطلي غلاظتك ؟
لميا: اممم لا
مسك ايديها ورفعلا شعرها واطلع فيها بحب
انس: بس بتعرفي ، انتي وغلاظتك وكل شي فيكي حلو
مسكتلو ايدو وصفنت فيه فجأة
بيقطع صفنتهن
صوت عابد الحقود : ياعيني ياعيني عالعشاق ، شو هالمشهد الرومنسي عينيي دمعو
وقف انس على حيلو وكان بدو يتهجم على عاابد
بس لميا وقفتو
انس: لك انت شوبدك مابدك تحل عننا ؟؟
عابد: لاا لا حبيبي مارح حل عنكن ،
لميا: لك انت شو بدك مننا؟
عابد: له يالميا له مابتعرفي شو بدي معقول ؟؟؟ ،
الي اكتر من سنتين بقلك انو بدي ياكي
عم اعمل المستحيل لحتى خليكي تحبيني وانتي ماعم تليني ، لك ليش ليش ،
شوفيني اطلعي فيني شو ناقصني ،
واشر بعيونو عاانس
عابد:لك هاد الساقط بشو احسن مني ؟ ،
انس(بعصبية):عابد احترم حالك احسن الك
عابد( بسخرية):له ياصوص له شايف طلع صوتك
انس(بتهديد): عابد ضب لسااانك
بيضم ضم ايديه ببعض واطلع باانس بتحدي
عابد: وازا ماضبيتو
هجم انس على عابد وضربو اول بوكس
وعابد ردلو ياه
لميا( بصراخ وخوف) : انس انس تركو الله يوفقك مابدنا مشاكل
انس(وهو عم يضرب عابد): انتي لاتدخلي
عابد: صايرلك عضلات وصاير تضرب ياصوص
انس: لك بتطلع ستين صوص
بدي فرجيك كيف الصوص بيكون ،
انس مسك عابد من قميصو ورماه عالارض
وبلش فيه ضررب هون بيوجعك وهون مابيوجعك ،
وعابد كان عم يحاول يردلو بس انس كان اقوا منو وصبغلو وجهو تصبيغ من الضرب ،
التمت كل الجامعة على صواتهن وحاولو يفكوهن من بعض ،
واخيرا خلصوهن
بعد ماعابد استوا من ضرب انس
وقف على حيلو واطلع باانس بنظرة حقودة ومليانة شرار
عابد: بسيطة ياابن الكلب انا بفرجيك منتواجه ،
انس( بسخرية): هه اي شوعليه ،
حمل حالو عابد وراح
وكانت عم تدور براسو افكار كتيرة
عابد بقلبه: بسيطة ياابن الحرام ازا مابخليك تبكي دم مابكون انا عابد ، والله لخليك عبرة ،
عابد طالب الحقوق سنة تالتة
شخص شرير ومتسلط
ابوه رجال مقتدر وغني
ورباه على انو شو مابيطلب بيتلبا وانو ماحدا بيقلو
لا وكل الناس تحت امرو ،
عابد بيحب لميا ، وبيضل يلحقها من مكان لمكان ويدايقها ،
وطبعا لميا بتحب انس ،
وهاد الشي يلي مخليه يحقد كل هالقد على انس ،
_____
رولا ست عمرها بحدود ال ٣٨ سنة
متزوجة من فنان تشكيلي اسمو جلال ، وعندها منو ولد عمرو بحدود ال ١٥ سنة
واسمو جابر ،بيعذبها وبيقهرها كتير
بتعرفو الشب بهالعمر بيكون مراهق وكتير بيعذب اهلو ،
دخلت رولا ع غرفة ابنها ومعها كاسة عصير
فتحت الباب عليه لقتو قاعد وحاطت السماعات باادنيه وعم يسمع اغاني ،
عصبت وحطت الكاسة من ايدها وصرخت فيه
رولا: جابر ‘
انتبه لوجودها وشال السماعات من دانو ببرود
جابر: نعم ماما
رولا(بعصبية):ليش ماعم تدرس؟
جابر: موجاي عبالي
رولا: والله؟ موجاي عبالك كتيرر حلو ، وانا يلي كل الوقت مفكرتك قاعد عم تدرس
جابر: قلتلك مو جاي عبالي
رولا: لك انت بدك تجنني انت ، لك ماعم تستوعب انك السنة تاسع ، ولازم تدرس مشان تنجح
جابر(بعصبية):امي انا لابدي ادرس ولابدي انجح
رولا: موعلى كيفك ،بدك تدرس غصب عنك
جابر: لاموغصب عني ، مافيكي تجبريني ع شي انا صرت كبير وبعرف مصلحتي
رولا: لاياسيدي ماصرت كبير ولا بتعرف مصلحتك ،
وهلق بتشيل هالبطيخ الراديو من ايدك و بتروح بتحط كتابك وبتدرس ،
وقف ع حيلو واطلع بكل وقاحة ،
وقلها ،
جابر: لا ماحزرتي ، الي بدي ياه رح اعملو وانتي مادخلك ،
طلع الدم ع راسها وماتحملت ومدت ايدها ،لتضربو كف ،مسكلا ايدها ونزلا
رولا (بصدمة)؛ لك انت منين جايب هالوقاحة منين
جابر: انتي يلي جبرتيني اتصرف هيك ،
رولا: لك لعما بعيونك ، لك انا ماشفت اوقح من هيك بكل حياتي، بدك تجبلي الجلطة انت ،
جابر (بسخرية):اي خلصيني هلق حاج دراما ،
استفزها كتير وحطت ايدها ع راسها
وصرخت: جاااابر طلاع لبرا ، روح من وجهي ، مابدي شوف خلقتك عم تفهم ،
جابر: اي بيكون احسن ،
برم ضهرو وطلع لبرا البيت
وهي ماتمالكت حالها
ارتمت عالكنباية وضلت تبكي وتبكي ، لحتى نشفو
دموعها ،،،،
_____
طلع جابر عالحارة
وكان مزعوج كتير وقف وسند ضهرو على حيط وحط راسو بالارض ،
مابيحس الا في ايد نحطت ع كتفو ،
التفت وشاف ابن الجيران يلي عمرو ١٨ سنة ،
فريد: شبك؟
جابر: .....
فريد: متخانق مع امك؟ ،
هز براسه جابر باايجاب
دقلو فريد ع كتفو وضحك بخبث
فريد: اي رووق مابدها كل هالقد
جابر: ....
مد ايدو فريد على جيبو وطالع علبة دخان ،
شغل سيجارة وعطاها لجابر
فريد: خود روق
جابر: مابدخن
فريد:هههههه ، اي خود حاجتك بقا، تضرب شو خروق ،
اطلع جابر بفريد نظرة غريبة ، واخد منو السيجارة
سحب اول سحبة وتدايق وصار يكح ،
فريد صار يتطلع فيه ويضحك بصوت عالي،
فريد: لك تضرب صحي ، اسحب منيح ، خليك رجال ، لاتكون حريمة ،
بلش جابر يسحب بالسيجارة ،
وفريد يشجعو ،
جابر: شوهاد شكلو دخان لف؟
فريد: هههه تاريك زكي ، ياسيدي هاد الدخان غير شكل، وحدة منو بتخليك تنسى الدنيا ومافيا ، وتسلطن وتروق ،
جابر(مستغرب): ....
فريد(بنظرة مكر): اسحب اسحب
____
ببيت انس
كان انس راجع ع بيتو
وباين عليه انو كتير ومدايق
دخل عالغرفة لعند خالتو وقعد جمبها ع التخت
وصفن
انس: مسالخير خالتي
رابعة(بقلق): مسالخير حبيبي ، خير شبك ليش هيك شكلك شبك؟؟
انس: مافيني شي خالتي تعبان شوي
رابعة : سلامة قلبك ياروحي احكيلي شبك
انس(بحزن):اااخ ياخالتي شوهالحياة هي ، لك
يعني لانو مالنا سند العالم بتتمقطع فينا ،
رابعة: خير خالتي مين عم يتمقطع فيك؟
انس: لك هاد الواطي عابد ، كل مابشوفني ، مع لميا بيجن جنونو ، وبيجي بيعمل مشاكل ، لك ماني طايقو ياخالتي ماني طايقو ،
رابعة: ابني الله يخليك لاتعلق معو موناقصنا مشاكل
انس: علقت معو وخلصت، اليوم بالجامعة مسكتو وضربتوو ، بس لسا مانفش خلقي
رابعة: الله يصلحك ياانس ، لك هدول ناس واصلين نحن مالنا قدهن
انس(بعصبية): قدهن ونص ،وازا لسا بيقرب عليي وعلى لميا بدي خلص عليه ، لعما سكتلو مرة ومرتين وتلاتة ، بس ماعااد اتحمل طفح الكيل ،
رابعة: طول بالك حبيبي كل شي بالرواق بينحل
انس: والله مو هيك الظاهر
وبيحاول يهدي اعصابو وبيلتفت لعندها بااهتمام
انس: اخدتي دواكي؟
رابعة : لاوالله ياخالتي
انس: ليش لك خالتي ، ؟
رابعة: لك ياابني والله الدوا ماعاد ينفع بشي ، انا ايامي قربت تخلص
مسك ايدها وباسها
انس(بحزن):خالتي كرمااال الله لاتحكي هيك ، لك انا مالي غيرك بكل هالدنيا ، والله ازا بصرلك شي بجن ،
رابعة: بعيد الشر عن قلبك ياخالتي ....
انس: يلا الله يوفقك قومي لحتى تتعشي وشربك الدوا
وبيعطيها ايدو وبجلسها
وبيطلع من الغرفة ليحضر العشا
بتصفن فيه رابعة وبحنيتو عليها
رابعة: الله يرضا عليك ياخالتي ويحميلي ياك
___
بالليل
كان جلال راجع من شغلو
وماشي مابين الحواري
وفجأة مابيسمع الا صوت بنت عم تصرخ
ياعمو ياعمو
التفت لوراه
وشاف بنت متل القمر بيطلع عمرها بحدود ال ١٣ سنة
شعر طويل وكيرلي وعيون سود متل الليل ، وبشرة بيضة بلون التلج ،
كانت عم تبكي وراسها مليان دم ، قرب لعندها ليشوف شبها
جلال: خير عمو شوفي شبك؟
ليمار: عمو انا خايفة
جلال: خير من شوخايفة؟
ليمار: عمو الله يوفقك خبيني، جوز امي قتل امي ، ولاحقني بدو يقتلني ، الله يوفقك عمو خبيني، بدون مبالاة مسك ايدها للبنت وصار يمسح ع راسها،
جلال: لاتخافي عمو ، مارح خلي يئذيكي انا معك
ليمار: خلينا نروح من هون هلق بيلاقيني ،
جلال: تعالي معي ، مارح يلاقيكي ،
اخدها وراح ، على بيتو بسرعة ، ،
فتح باب البيت
ودخل ومعو البنت ،
واول ماوصل ع غرفة القعدة
انتبه لرولا انها قاعدة وعم تبكي
جلال: مسالخير
اطلعت رولا على جلال وانتبهت لوجود البنت ، واتصرفت بعدم مبالاة
رولا: مسالنور
جلال: شبك ليش عم تبكي؟
رولا:...
جلال: جابر موهيك؟
رولا: ليش في غيرو ،
جلال: وينو هلق؟
رولا: من شوي رجع ودخل على غرفتو ،
جلال: طيب رح شوفو ،
رولا: قبل ماتشوفو، مين هالبنت ؟ ،
اتزكر انو جاب معو البنت قرب لعندها وحكا بصوت واطي، : هي بنت كنت ماشي بالطريق ماحسيت الا عم تصرخ عليي ، المسكينة جوز امها قتل امها، ولاحقها بدو يقتلها ، مااجا من قلبي اتركا بالطريق جبتا معي ، البنت كانت كتير خايفة
رولا: اي وهلق نحن شوبدنا نعملها ؟!
جلال: بدنا نتركا عندنا لبين مانعرف شوقصتها، ونحلها
رولا(بتذمر): اي لانو انا ناقصني مصايب مابكفيني ابنك ،
جلال: خلص هلق لفيها،
التفت لعند البنت واطلع فيها بحنان
جلال: تعي عمو تعي،
البنت كانت خايفة وعم ترجف ،
قربت لعندو بدون ماتحكي شي وقعدت جمبو
حط ايدو ع راسها ومسح بحنية
جلال: عمو انا هلق رح ضمدلك جرحك ، لبين مالخالة رولا تعملنا عشا ، بتتعشي وبتحكيلي كل قصتك ، اتفقنا؟
ليمار: عمو بس انا مابدي اكل ،
جلال: لامابصير ياعمو ، لازم تاكلي ،
ليمار: ....
جلال: يلاعمو ثواني وراجع لعقملك الجرح
قام جلال من مكانو وراح
، جاب شاش ومعقم
وقعد مقابيلا
جلال: قربي لعندي عمو
قربت لعندو
شال شقفة قطن وغرقها بالمعقم
وبلش يعقملا جبينها مكان الجرح
عقملا الجرح وضمدلا ياه ،
بينما رولا حضرت العشا اتعشو ، وقعد جلال مع ليمار ليسمع شوقصتها الكاملة ،،،
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*