الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `نقطة ضعفي*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#نقطة ضعفي
#الجزء-الرابع
فاقت على صوت دقة الباب.. حست على حدا محاوطها بايديه.. بالاول ما كانت مستوعبة هيا وين ومين حاضنها بهالطريقة.. بعدت عنو برعب..
عزام: شبك
رزان: مين سمحلك تقرب مني بهالطريقة.. و وين أنا..
عزام: في بالخزانة تياب.. لبسي وتعالي منشان ننزل نتعشا..
رزان: طلاع برا بالاول.. منشان ألبس
عزام: لا تجننيني.. محلاني وانا طالع برا عم استنا مرتي تلبس..
رزان: انا ماني مرتك.. على مين عم تضحك.. بعدين ليش مفهم الكل اني مرتك..
عزام بعد ما قام وصار يقرب منها: لانو أنتي عنجد مرتي..
رزان: كيف مرتك ليك لاتعصبني..
..
مشي شوي وفتح الكومدينة وطلع منها ورقة.. وعطاها لرزان..
رزان: شو هاد
عزام: عقد جوازنا وهاد توقيعك عليه
رزان: بس أنا ماوقعت.. وماني موافقة عهالجوازة..
عزام: المهم هلق أنتي مرتي.. وخلصنا
رزان: بس
عزام بمقاطعة: سمعي.. راح نضل هون فترة قصيرة.. بهالفترة ما بدي حركات هيك ولا هيك.. والى أنتي صرتي بتعرفي منيح عزام شو ممكن يعمل.. أنا نازل خلصي ولحقيني..
رزان: بدك ياني أنزل لحالي وانا مابعرف حدا هون..
عزام: جننتيني شو بدك.. ضل ولا روح..
رزان: خلص ضل هون راح فوت البس بالحمام..
..
فتحت الخزانة.. كان فيها غراض كتيرر.. أخدت فستان باللون الأخضر.. وفاتت لبست بالحمام.. وطلعت وكانت بدها تمشط شعرها.. وقت وقف وراها واخد المشط من أيدها.. وصار يمشطلها شعرها بهدوء.. ربطلها ياه جدولة.. وقرب طبع قبلة خفيفة على رقبتها.. مسك أيدها ونزلو لتحت.. كانو العيلة كلهن بأنتظارهن.. بلعت ريقها وهيا عم تشوف البعض او الكل تقريباً عم يطلع عليها بغضب.. كانو هيا يلي قتلتلهن أبنهن.. مو أخوها.. قربت وبلشت تسلم عليهن واحد واحد.. البعض سلم عليها بأبتسامة.. والبعض سلم عليها بأنزعاج.. قعدو على طاولة الأكل.. وعزام لساتو ماسك أيدها..
رزان بهمس: عزاام تركلي أيدي
عزام بعد ماطنشها: اي جدي عمي فراس حكا معي مبارح وقال يا بكرا يا بعد بكرا جايين زيارة لهون..
الجد: أي منيح..
حنان: حبيبتي رزان ليش ما عم تاكلي
رزان: لا عم اكل..
عزام قرب وهمسلها: ليش ما عم تاكلي
رزان بنفس الهمس: ماني جوعانة..
عزام: كلي احسن ما أنا طعميكي بأيدي
رزان: خلص عم قلك ماني جوعانة..
..
شال المعلقة وملاها أكل.. وحكالها تفتح تمها..
رزان بخجل: عزام شو عم تعمل باكل لحالي..
عزام: فتحي تمك يلاا..
..
اكلت اللقمة وهيا خجلانة من نظراتهن الها..
..
مرق يومين.. وعزام بلشت تتحسن معاملتو مع رزان.. ويمكن بلش يتعلق فيها.. رزان تعودت عالعيلة وأجوائهن وصارت صحبة مع ميادة ومريم.. اليوم الكل مشغول بجيت فراس وولادو..
..
كانت واقفة وعم تساعدهن بالأكل.. ومبسوطة بأجوائهن.. كانو عيلة مترابطة كتير.. والأنثى بهالعيلة بحقلها تعمل يلي بدها ياه.. مو متل اهلها يلي كانو يعاملوها على أنها خدامة..
..
حنان: أتاريكي بتعرفي تعملي كتير أكلات
رزان: أي ماما من أنا وصغيرة صارت تعلمني..
هالة فاتت عالمطبخ: شو خلصتو
حنان: اي الأكل صار جاهز يسلم ايديها رزان ساعدتني كتيرر..
هالة: اي منيح.. رزان.. عزام برا بالجنينة قاعد لحالو روحي قعدي معو..
رزان: ماشي
..
طلعت من المطبخ عالجنينة.. لقتو قاعد بأيدو فنجان قهوة وشارد.. قعدت جنبو ماحس عليها..
رزان: عزام.. عزاام
عزام: هممم
رزان: بشو شارد
عزام وهوا عم يتأمل جمال عيونها بعد ماضربت عليهن الشمس: فيكي
..
".. قهوتي تكادُ ان تنتهي..
وبن عيناكَ لا ينفذ..
أأرتشفُ من فنجاني؟.. أم من ناظريكِ؟.. فأنا الهائم بين رموش عينيكِ .." 🤎
..
رزان: نعم
عزام: لا ولا شي
رزان: عزام أنت شو لسا بدك مني.. هي أنتقمت.. رجعني عند اهلي..
عزام: أنتي أيمت بدك تفهمي انو اهلك مابدهن ياكي..
رزان: بس أنا بدي ياهن..
عزام: خلص أهلك بتنسيهن..
رزان: أنت بتقدر تنسى اهلك؟
عزام: اهلي شي.. واهلك شي تاني
رزان: بس
عزام بمقاطعة: خلصص سكري عالسيرة..
رزان: بكرهك
عزام: شعور متبادل..
..
مرق الوقت.. وكانو الكل على أستعداد لوصول فراس وعيلتو..
..
عزام: رزاان شو صرلك ساعة عم تعملي بالحمام
رزان: يلا خلصت
..
طلعت من الحمام.. كانت لابسة فستان ديق باللون الاسود.. وكعب بنفس لون الفستان.. شعرها رافعتو رفعة بسيطة.. مع مكياج خفيف..
..
وقف وهوا عم يتأملها.. كانت حلوة كتيرر..
رزان: كيف حلوو؟
عزام: أممم ما اشبك شي
رزان: هلق هيك..
عزام: احمم.. يلا تأخرنا بكونو وصلو..
..
نزلو لتحت.. كانو فراس وعيلتو وصلانين.. قرب عزام وسلم عليهن..
فادي ابن فراس وهوا عينو على رزان: شو مين هالحلوة..
عزام مسكها من خصرها وبأنزعاج: هي رزان مرتيرندة بنت فراس: ليش أنت تجوزت مامنخبر..
عزام: تجوزنا عالسريع..
فراس: عذرني عزام لانو ماحسنت اجي على عزا أمجد.. ما كانت صاحتلي الفرصة.. وبسرعة أول ماصحتلي نزلت منو منعزيك ومنو منجي زيارة..
عزام: عادي عمي.. واهلا وسهلا فيكن..
شادي: وكيف اتجوزت واخوك ماصرلو شي ميت..
الجد: شيلونا من هالحكي وتعالو الأكل برد..
..
قاعدين كلهن بالصالون.. والضجة معبايا المكان.. الكل كان عم يحكي من جها.. وعزام عينو على رزان ومعصب من نظرات فادي لالها.. قرب منها وهمسلها..
عزام: طلعي بدلي الفستان
رزان: ليش شبوو
عزام مسكها من أيدها: تعالي معي
رزان: تركني مابدي بدلو.. عاجبني كتير..
عزام بغضب: رزاان أمشي معي عالغرفة..
رزان: ما بدي..
..
شالها وطلعها لفوق.. وسط أنظار الموجودين..
..
رزان بخجل: كيف هيك بتشيلني قدام الكل..
عزام: أنا وقت بحكي معك بتسمعي.. كتير عاحبك الفستان موشايفتيه.. كيف مكسمك تكسيم.. فوتي بدليه لشي وسيع..
رزان: بس
عزام بعصبية: رزاان
رزان: فايتة فايتة لا تعصب..
..
مرقت الأيام.. عزام عم يعصب كتير وهوا عم يشوف كيف فادي عم يتقرب من رزان.. رزان ورندة مو طايقين بعض.. لانو رندة كل شوي بتخانق رزان.. عزام بلش يتعلق برزان بس عم يحاول يقنع حالو.. انو هاد مجرد تعويد.. يعني تعود عليها لا أكترر..
..
كانو قاعدين.. مريم وميادة ورزان ورندة.. بالجنينة.. وعم يحكو..
رندة: رزان بتعرفي انو عزام كان يحبني نحنا وصغار
رزان: لا والله ما بعرف..
رندة: يئبر ئلبي شو كان جنتل هوا وصغير.. ولساتو هيك.. بتعرفي عزام كان بيستاهل وحدة أحسن منك..
رزان: أي لااااا لهون وبس.. أنتي ماعدتي تتركي جوزي بحالوو..
..
قربت ومسكتها من شعرها.. وبلشت ضرب فيها.. وميادة ومريم عاملين حالهن عم يخلصوها من بين أيدين رزان..
..
فات عالغرفة لقاها قاعدة ومنزلة راسها.. قرب عليها ورفع راسها.. لقا جرح صغير بطرف عينها..
عزام بغضب: شبكي.. مين عامل فيكي هيك
رزان: مافي شي
عزام: رزااان أحكي
رزان: رندة
..
نزل بعصبية قبل مارزان تكمل كلامها.. هوا شايف كيف رندة عم تعامل رزان بس انها تضربها لهون وبس..
عزام بغضب: رندةةةةة
رزان: عزاااام سمعني
هالة: خير خير شو في
عزام بأنفعال: مين سمح لرندة تمد أيدها على مرتي.. سمعوني من هلق يلي بمد ايدو او بيغلط على رزان لأحسب الله ماخلقو.. مرت عزام مابتنضرب..
..
لتفت لوراه ووقف مصدوم أول ماشاف رندة.. يلي كانت حالتها حالة.. وجها مليان جروحة.. وشعرها منكوش.. تيابها مشقوقين.. اطلع على رزان يلي كانت واقفة وعم تبتسم..
..
رزان: 🙂
رانيا أمها لرندة: شوف مرتك شو عملت ببنتي.. نحنا جايين لهون زيارة.. هيك يصير فينا.. أنا راح احكي مع فراس يحجزلنا على أول طيارة..
..
مسك رزان من أيدها وسحبها وراه.. فوتها عالغرفة وقفل الباب.. صارت ترجع لورا بخوف.. وهوا يقرب أكتر لحتى وقعت عالتخت.. حاصرها بأيديه..
عزام: شو هاد يلي عاملتيه
رزان: هيا بلشت يالأول
عزام: شو يلي صار.. وأحكي الصراحة..
رزان بأنفعال: لسا كل ماشافتني قاعدة ورايقة.. بتصير بتزعجني.. على جوزك كان يحبني أنا وصغيرة.. وجوزك كان جنتل.. وجوزك بستاهل أحسن منك.. ومابعرف على شو أخدك.. عقلي ماعاد تحملني وعصبت..
عزام بأبتسامة: اممم يعني أنتي غيرانة
رزان: لا طبعاً بس يعني نرفزتني فقط لا غير..
عزام بضحكة وهوا عم يتزكر منظر رندة: هههههه معقولة أنتي هيك مشوهتيها.. ماكنت متوقعك بهالوحشية
رزان: أنا مابكون بهالوحشية.. غير مع يلي بأذوني..
عزام: اهمم وممكن تعملي فيني هيك مثلاً
رزان: ما بعرف.. يمكن
عزام بعد ما بعد عنها: جهزي حالك.. لانو هاليومين راجعين عالبيت..
رزان: ليش بدنا نرجع.. أنا كتير مبسوطة هون..
عزام: بلا كتر حكي وعملي متل ما عم قلك.. أنا نازل حل المصيبة يلي عاملتيها..
..
طلع من الغرفة.. شوي وندق الباب وفاتت مريم..
مريم: عندك شي
رزان: لا تعالي.. صار شي تحت؟
مريم: مرت عمي بعدها مصرة.. تسافر ورندة عم تشتكيكي لجدي.. وعزام تحت عم يدافع عنك.. أما شو طلع عزام بحبك لو تشوفي هلق شلون عم يدافع عنك..
رزان بسخرية: هه أي..
..
شوي وحست رزان بغثيان.. قامت وفاتت عالحمام وهيا عم تستفرغ..
مريم: رزاان شبك فيكي شي
رزان بعد ماطلعت من الحمام: ما بعرف صرلي فترة حاسة بدوخة وغثيان
مريم: لا تكوني حامل.. لانو هي اعراض الحمل
رزان: لا مستحيل أكيد ماني حامل..
مريم: ليش مستحيل.. عزام ماقرب عليكي
رزان وهيا عم تتزكر هديك الليلة ببغض: مبلااا
مريم: اييي..
رزان: وكيف بدي أتأكد
مريم: راح انزل جبلك كاشف حمل منشان تتأكدي
رزان: طيب ماشي لا تتأخري..
..
طلعت مريم.. وتسطحت رزان عالتخت.. وهيا عم تفكر شو بدها تعمل أذا عنجد طلعت حامل.. وعم تدعي يكون مجرد مغص....
مرق الوقت..
وقفت وهيا مصدومة..
طلعت من الحمام.. كانت مريم ناطرتها..
مريم: شوو
رزان: حامل
مريم بفرح: أي منيح.. بس يعرف عزام راح يطير من الفرح
رزان: مريم.. بدي منك مساعدة
مريم: شو
رزان: بدي أجهض الولد
مريم: شوووو
رزان: مريم فهميني أنا مابحسن جيب ولد.. مستحيل جيب ولد لعزام..
مريم: ليش.. عم قلك عزام منيح
رزان: بدك تساعديني ولا لاء
مريم: أنا مستحيل شارك بهيك شي
رزان: طيب متل ما بدك
مريم: رزان.. زعلتي
رزان: مريم ساعديني.. أنتب مابتعرفي عزام شو عمل فيني.. بدي رجع ولو جزء صغير من كرامتي.. بوعدك ما حدا يعرف.. بس أنا هلق ماني جاهزة كون أم
مريم أخدت نفس: طيب كيف بقدر ساعدك
..
مرق الوقت فات عزام لقاها نايمة.. قرب وتسطح جنبها..
عزام بهمس: شو عم تعملي فيني.. ليش هيك عم حس بقربك
..
.. تاني يوم ..
مريم: مامنطول.. ساعة ومنجي..
عزام: حكيت لاء
مريم: طيب ليش ليكو السوق مانو بعيد كتير..
عزام: مريم حلي عني..
مريم: مارح روح لحتى توافق أخدها معي..
عزام: ماشي.. بس خدو معكن تنين من الحرس.. وأذا طولتو أكتر من ساعة.. أنتي يلي راح تاكليها
مريم: مارح نطول.. يلا راح اطلع قلها تلبس..
عزام: ماشي
..
مريم: يلا قومي لبسي عالسريع
رزان: وافق
مريم: أي وافق
..
طلعو من البيت.. ووراهن تنين من الحرس..
رزان: اي وين اخدتيني هلق
مريم: في وحدة هون بعرفها بتعمل عمليات إجهاض.. راح اخدك لعندها ومنحكي للحراس انو هي رفيقتنا.. رزان فكري قبل مانوصل.. هي روح يلي بدك تقتليها..
رزان: انا أخدت قراري
..
وصلو على بيت المرا.. ودقو الباب فتحتلهن وحدة.. كبيرة بالعمر.. فاتو ورزان خايفة.. وعم يخطرلها تتراجع.. بس بترجع بتتزكر يلي عملو فيها عزام..
..
.. عند عزام ..
عزام بغضب: شو قصدك
الحارس: سيدي أنا بعرفها لهالمرا.. هي بتعمل عمليات إجهاض.. مرت أخي اجت عملت عملية عندها.. وأنا وقت شفتهن فاتو لعندها.. قلت لازم خبرك.
عزام: جاي لعندك.. بعتلي العنوان
..
عزام بقلبو: اذا بكون يلي عم فكر فيه صح.. لحتى خليكي تتمني الموت وماتلاقيه..
................
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*