الفصل 7
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نـعـم اشـتريت قـلبي`*
*❴🔢❵الـــبـــــــــــ❴7️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
جزء 7
بتفتح الخزانة وبتطالع بيجامة سودة يتبدل الفستان وبتوقف عالبلكون صافنة
جوى:لوين راح يا ترى
بتضل عم تستنى لاخر شي بتنعس طبعا ما ح تنام عالتخت مستحيل تتقبل الفكرة بتفرش عالارض وبتنام
بنص الليل بيدخل آدم وبلاقيها نايمة
ادم:هه كمان مابدها تنام ع التخت خايفة مني انو انا لو بدي منها شي ما كنت عملتو وخلصت
بيقعد عالتخت وبيتفرج عليها كانت متل الملاك غفيانة
ادم بيصحى ع حالو بيحط راسو وبنام حتى وهوي لابس البوط
بتمضى هالليلة ليبلش نهار جديد
بتصحى جوى بنقزة لتشوف الساعة بتلاقيها 9 بتقوم بتلاقيه نايم
جوى:حتى البوط مو شالحه
بتفتح باب الغرفة وبتنزل تتفتل بالبيت كانو الخادمات عم ينظفو من بعد عجقة العرس بتروح عالمطبخ بعد ما تجولت بالبيت
جوى:صباح الخير
الخادمات باستغراب متفاجئين :صباح النور
ليش معذبة حالك وجاي عالمطبخ شو بدك نحنا منجبلك
جوى بتبتسم:شبكن انرعبتو كانو شايفين شبح وازا اجيت عالمطبخ يعني مارح تروح قطعة مني
الخادمات بيضحكو ع عفوية جوى
راميا بتبتسم:لا ياخانم مو هيك بس مشان راحتك نحنا
جوى :طيب ....وين العالم ليش هيك فاضي البيت
راميا:السيد مالك راح عالشركة وسمية خانم هلق شوي وبتفيق وسالي نفس الشي هلق بتفيق
جوى:مابيفطرو سوا هدول
راميا:هههه مو دائما
جوى بتاخد وجه عالخادمات بالمطبخ وبتوقف معن تشرب قهوتها وهني كتير حبوها مانها متل اهل البيت ابدا
بتمرق سمية وبتشوفها بتنصدم
راميا :اهلين سمية خانم
سمية:جوى لحقيني عالصالون بدي احكيكي وبتمشي
جوى : انشالله خير😑.... ادعولي
كلن بيضحكو
بتروح عالصالون
جوى بتوقف مكتفة ايديها:اي سمية خانم شو بدك
سمية:شو هاد يلي شفته
جوى:ليش شو شفتي
سمية :لسا مبارح كان العرس من الصبح ططالعة من غرفتك وفوق هاد عاملة هالقعدة مع الخادمات بالمطبخ
جوى:المطلوب
سمية:انتي مانك بحارتك الشعبية
كل هالتصرفات بتغيريها احسنلك
جوى :انا هيك والله وانتو اخدتوني كنة عهالاساس ماني مضطرة غير حالي
سمية:بالله شو يظهر عليكي وقحة كمان
جوى:شوفي بقدر كون اكتر بنت محترمة بالدنيا وبقدر كون وقحة كتير انتو بقى ع حسب تصرفاتكن بختار شو كون
سمية :عنجد!!
جوى :هلق عن ازنك
بتطلع عغرفتها
سمية:ماشي .... انا عكل حال حكيي مع ادم مو معك
بتفتح باب الغرفة بكون ادم لابس البنطالون وعم يلبس التيشيرت بتنقز دغري بترجع بتسكر الباب وبتوقف قدام الغرفة ادم بيلبس الكنزة وبيفتح الباب بلاقيها عم تطلع ع جنب خجلانة
ادم:خلصت فوتي
جوى بتدخل
ادم: وين كنتي
جوى بمسخرة:عم نتعرف ع بعض انا وحماتي
ادم:ايوا واكيد حبيتيها
جوى:كتير
ادم:منيح
جوى :ادم بعد ساعة العملية
ادم:ضروري تكوني موجودة
جوى:شو برأيك
ادم:مو ضروري
جوى:ادم انت شو عم تحكي زواج وتزوجنا شو بدك
ادم:شوفي انا ما تزوجتك لحتى تكملي حياتك طبيعي هالمرة رح تروحي عالمشفى بس بعدين ابدا طلعة من البيت مافي وكل حركة بتتحركيها بكون عندي علم فيها وبإذني حتى النفس
جوى:عم تمزح مو
ادم:ليش في بيننا مزح يلا انا نازل ناطرك بالصالون
بيطلع وبيسكر الباب
جوى:ياربي دخيلك كل يلي بالبيت مريضين نفسيا انا شو عاملة ل الله جابني لهون
ادم بيدخل عالصالون كانو قاعدين سالي وسمية
ادم:صباح الخير
سمية وسالي:صباح النور
بيقعد وبياخد فنجانو القهوة
سالي : شو ياعريس كيف لقيت الزواج
ادم بمسخرة:بيجنن
سمية:ادم جوى ابدا مو عاجبتني
ادم:طلقها يعني
سمية:ادم عم احكي جد
ادم:ليش شو عملت
سمية:اليوم من الصبح لقيتها قاعدة بالمطبخ مع الخادمات وعم تاخد وتعطي ولما حكيتها وقلتلا مابيسوى لبنتي كانت عم ترد عليي بأسلوب ابدا مو زابط البنت مو حاسبة حساب لحدا وعم تتصرف ع كيفا
ادم:امي انتي اهم شي لا تتعاطي عم البنت ابدا.... تركيها بحالها انا بتصرف
سمية :شو بدك تتصرف لك البنت من اول يوم عم تورجينا انو مو سائلة عن حدا فينا
سالي:خلص ماما شو بدك فيها
ادم :اي وانتي سالي كيفو حبيب القلب
سالي:مافي متلو مبارح كتير كان مبسوط كانو عنجد كرها
ادم:انشالله
سمية:ايمت ناوي يتزوجك هاد التاني مشان بلكي تجيني هالجلطة وارتاح عاد
ادم:خلص امي روقينا عاد
سالي: بصراحة مبارح كان عم يقلي انو نحنا كمان بازم نتزوج عن قريب
ادم :خلي يجي يسهر عنا اليوم ونتفق ع موعد العرس
سالي:عنجد😍
ادم:أي
سالي:تمام رح خبره
بتنزل جوى لابسة بنطال جينز وكنزة سودة واسعة مع قبة خنق وكمام طويلة وبوط ابيض
جوى:انا جاهزة
سمية بصدمة:شو هاد يلي لابستيه في عروس بتلبس اسود من اول يوم
جوى:ما تزعلي حماتي لابستلك بوط ابيض
سمية:انتي كتير عم تتمادي كانو
بيوقف ادم وبيسحب جوى من ايدها
ادم:يلا عن ازنكن وبيطلعو
سمية:لك رح تجنني
سالي :لك خلص ماما ادم بيعرف يتصرف معها اتركيها انتي
سمية :اي كتير بيعرف
بيركبو بالسيارة
ادم:عندي الك خبر كتير حلو
جوى:خير انشالله
ادم:اليوم المسا جاي لؤي لنحدد موعد عرسهن جوى بتسكت ولمعة الحزن بتظهر ع عيونها
ادم: خطي الزلمة ماعاد يتحمل غار مننا
جوى:مطول!
ادم بيبتسم وبيشغل السيارة للمشفى
اول مابتوصل دغري بتركض وبتعانق امها
جوى:ماما شو بلشت العملية!
لميا بتوتر وعم تبكي:اي هلق بلشو
جوى:كل شي رح يكون منيح اهدي
لميا: وينو ادم
جوى:رح ليدفع الحساب
لميا:بنتي سامحيني 😭 تزوجتي واحد ما بتحبيه ورح تنجبري تعيشي معو كل حياتك
جوى:ماما انتي شو دخلك خلص هلق المهم تكون تالا منيحة
لميا:كيف عم يعاملك هوي واهلو اكيد عم يعذبوكي مو
جوى:مافشرو ما تخافي ما بسمح لحدا يغلط معي
لميا:بنتي انتي حاولي تسايريهن ما الك غير هالحل
جوى:انشالله
بيجي ادم
ادم:كيفك حماتي
لميا بنشافة:اهلين
ادم:والله مبارح ماكان ناقصو هالعرس غير حضورك
لميا:ما بكفي وجودها لجوى!
ادم :مبلى طبعا.... انا رايح عالفرع سالتن تحت قال بدها اربع ساعات العملية راجع بس تخلص اخدك جوى
جوى :حاضر
اربع ساعات من الخوف والتوتر كانو واقفين جوى ولميا ونايا معن عم ينطرو بقلق
بيوصلو ادم ورامي
رامي:ما خلصت
نايا:لسا
لميا قاعدة وجوى ساندة راسها ع كتفها الكل متوتر وعم يستنى برن موبايل ادم
ادم:اي ابي..... انا بالمشفى مع جوى مشان عملية أختها..... ايمت جاي هوي .... بعد ساعة.... طيب ماشي منخلص ومنجي.... باي
بيطلع الدكتور جوى وامها بيركض لعندو
لميا:طمنا دكتور
الدكتور:ألف الحمدلله ع سلامتها العملية نجحت كانت صعبة بس الحمدلله قدرنا ننجح
لميا عم تبكي دموع الفرح:ألف الحمدلله ألف الحمدلله شكرا كتير دكتور
الكل انبسط.. ادم كان يراقب تعابير وجهن ولا شعوريا انبسط معن مع انو لا بيعرفها لتالا
جوى:الحمدلله يارب .... دكتور ايمت بتصحى
الدكتور:بدها وقت رح نخليها تحت المراقبة كم يوم احتياطا وبعدين منخرجها
جوى:تمام يعطيك العافية دكتور
الدكتور:الله يعافيكي
ادم بيقرب لعندن
ادم:الحمدلله ع سلامتها
لميا:الله يسلمك شكرا الك
نايا ورامي:ألف الحمدلله ع سلامتا نحنا لازم نمشي
ادم : وحتى نحنا يلا جوى
جوى مابدها كانت حابة تضل مع امها بس اكيد مارح يقبل ادم حتى ما سألته
جوى:ماما انتبهي ع حالك انتي كمان وارتاحي
لميا:ماشي ياقلبي
جوى:يلا باي
لميا :الله معكن
بيطلعو كلن سوا ادم ورامي سوا وجوى ونايا وراهن
نايا:جوى شو مشان الشغل رح تتركيه
جوى:اكيد ازا عالمشفى وبالزور لخلاني بدك يخليني اشتغل
نايا: تروحي معي بكرة عالكافيه مشان تاخدي اجارك يلي ضل بما انك رح تتركي الشغل
جوى:لك مسامح ماني طايقة شي اسمو مصاري
نايا:ههههه لا هاد حقك
جووى:لكان جيبيلي ياهن وامرقي لعندي
نايا:طيب يلا سلام جووج
جوى:سلام يعيوني
بيطلعو ادم وجوى بسيارة ورامي ونايا بسيارة اول ما تقعد بتاخد نفس بوضح قدي ارتاحت واطمنت ع اختها ادم عم يسوق بتسند راسها لورا بتغمض عيونها
جوى:ادم .... رح نام كتير تعبت اليوم بس نوصل فيقني
ادم:بتامري مدام جوى
بالفيلا
مالك:اهلا وسهلا بست الكل
زهرة: ياروحي اشتقتلك كتير
مالك:والله واناااا يا امي المرة طولتي الغيبة صرلك سنة كاملة بالضيعة من دون ما تعمليلنا ولا طلة
زهرة:لك يا ابني مابعرف ليش بتكره هالضيعة كل قرايبينك هني وجو نقي العيشة هنيك بتشهي لو بدالك باخد هالمرة والاولاد وبطلع
سمية :هههه لا شكرا مرت عمي تفضلي شو رح تضلك عالباب
زهرة بنفسية(مابتحبها لسمية بتعرفها خبيثة):لا فايتة
بتنزل سالي من عالدرج وبتركض تعانق ستها بتعانقها وبيدخلو يقعدو بالصالون
زهرة:شو وينو ادم تزوج وماعاد نشوفه
سالي:هههه لا جاي عالطريق هوي وجوى
زهرة: كنت حابة احضر عرسه لحبيب قلبي بس خبرتوني فجأة لاقدرت زبط اموري شو صاير عليه لي بهالسرعة زوجتوه
مالك:والله يا امي ما لقناه غير جاي وعم يقلنا بدو يتزوج وحاببها للبنت ونحنا بدنا نفرح فيه فدغري عملنا العرس
زهرة:يلا خير انشالله تكون ظريفة البنت يلي اختارها
سمية بمسخرة:ع ذوقك بتعجبك
بيوصلو وبيوقف السيارة تلبك كيف بدو يصحيها بيفتل ناحها كانت نايمة بعمق خصلة شعرها ع وجها عم تزعجها كل شوي بتحرك وجها لتزيحها بيرفع ايده وبرجع شعرها عن وجها بيصفن بجمالها بنظرات اعجاب بيتلمس وجها بايده بتحرك حالها وكانو بلشت تصحى دغري بيرجع ايده
ادم:صحيتي
جوى بتفرك عيونها:وصلنا
ادم :اي يلا ننزل
جوى:يلا
وهني ماشيين
ادم:حكاني أبي وانا بالمشفى خبرني انو ستي جاي لعنا من الضيعة لهيك اكيد صرتي تعرفي شلون بدك تتصرفي قدامها نحنا منحب بعض مو ضروري توصل اخبارنا ع الضيعة
جوى:حاضر
بيدخلو وبيمسك ايدها
ادم وجوى:مسا الخير
الكل :مسا النور
بيروحو لعند زهرة ادم ببوس ايدها وبعانقها
زهرة:حبيب قلبي اشتقتلك
ادم:وانا اكتر ياست الكل
بيرجع وبتقرب جوى بتبوس ايدها
جوى:كيفك ستي
زهرة:اهلين حبيبتي ماشاء الله على هالجمال
جوى:تسلمي
تعالو اقعدو جنبي بيقعدو ادم بجهة وجوى بجهة
سالي برن موبايلا بتطلع وبترد
زهرة:مبروك زواجكن
جوى وآدم :يبارك فيكي
زهرة :ابنتي انتي شو بتدرسي
جوى:بدرس طب
زهرة:حلووو دكتورة العيلة
جوى:هههه اي
زهرة:بتعرفي انك بتدخلي عالقلب دغري كتير حبيتك اكيد ادم رح مكيف عليكي
ادم:اي لكااان مروق
جوى:يخليلي ياكي وانا كتير حبيتك
بتدخل راميا وبتضيف الكل قهوة
بتنزل سالي
سالي:هلق حكاني لؤي قال هوي عالطريق
زهرة:مين لؤي
سالي:خطيبي
زهرة:كمان انتي يافصعونة انخطبتي
سالي بتضحك
زهرة:والله يامالك وكبرو اولادك
مالك:شايفة
ادم:ستي رح تضلي عنا وتطولي هالمرة ها لانو طولتي لاجيتي
زهرة:والله احب ما عقلبي شوفكن بس بكره المدينة واجوائها
جوى:بهي معك حق مافي احلى من الضيعة
زهرة:والله مافي غيرك بيفهم من كل هالبيت
جوى وادم بتضحك
بيوصل لؤي وبيستقبلوه وبيقعد
زهرة:والله يااحفادي مانكن هينين منقيين عرسان بيجننو
سمية:طبعا أولادي حلوين ما ح ياخدو حدا مايكون بمستوى جمالهن
زهرة:اي طبعا واحفادي بقولو للقمر بعد لاقعد مكانك
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`