الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نـعـم اشـتريت قـلبي`*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
جزء6
ادم:هلق صار فينا نمشي
بيطلعو وبينطلقو بسيارتو عالمشفى
بتركض فورا لعند امها
جوى:ماما شو صار
لميا عم تبكي:قال الدكتور هي نوبة الكلية حدد العملية آخر الاسبوع رح تضل اختك بالمشفى هالاسبوع لبين ما نعملا شو نعمل جوى
جوى:خلص ماما مشي الحال
لميا:كيف
ادم:انا رح اتولى كل تكاليف العملية حماتي
لميا:نعم!! جوى شو عم يصير
جوى:ماما رح اشرحلك كل شي اهدي
ادم بيسحب جوى لجنب
ادم :انا رايح هلق فهمي أمك بكل شي وقليلا انو العرس رح يكون قبل عملية اختك تمام حبيبتي
جوى:قبل العملية ادم بس خلينا ناجلو لبعد العملية
ادم:انا يلي بحدد وانا قلت قبل يعني قبل وجهزي حالك بكرة رح جيبك تتعرفي ع بيت حماكي كمان مو زابطة نتزوج من دون ما تتعرفو
جوى دموعها عم تنزل: بس يا ادم
ادم:يلا انا رايح
بيجي ليمشي
ادم:اي صح واليوم بتنهيلي قصتو لهاد لؤي
وبيطلع
جوى عم تبكي بتجي امها
لميا:جوى شوفييي
جوى:بتحكيلا كلشي
لميا:شووو كيف بتقبلي كيييف
جوى:خلص ماما خلص شو طالع بايدي بخسر اختي هااا
لميا عم تبكي :ياعمري انتيي
جوى:ماما انا رايحة مشوار
لميا:لوين
جوى:برجع بخبرك باي
بتطلع وبتبعت للؤي مسج لتشوفه
بيدخل ادم عالفيلا
ادم :مسا الخير
سمية ومالك :اهلين ابني
ادم:منيح مجتمعين لازم خبركن بشي
سمية:شو في
ادم:انا رح اتزوج
الكل بصدمة
سمية:كييف
ادم:متل ما سمعتو
مالك:كيف فجأة ابني
ادم:رح قلكن بتسمعو وما بتحكو شي لخلص سالي اليوم اجتها الحالة النفسية وكسرت كلشي اجيت لشوفها لحقتها بآخر لحظة كانت رح تقتل حالها
سمية :شووو ليش هيي صرلها فترة منيحة ليش هيك صار
ادم:سالي وقعت بحب لؤي الكوافير ولما اجت لتعترفلو رفضها وطلع حابب بنت تعرضت لصدمة من هالشي واكيد رح تعمل بحالها شي ازا ما اخدتو ماكان في قدامي حل غير انو أجبر البنت يلي بتحبو للؤي تتزوجني لحتى يتركها لؤي لانو ازا ما تركتو هيي هوي مستحيل يتركها وهيك منفرقهن وبيتزوج سالي لما يشوف حبيبتو تزوجتني
مالك :انت شو عم تحكي بدك تدمر حياتهن
ادم:لكان نخسر سالي
سمية:بس هوي ما بحبها ممكن يعذبها
ادم:لا بالعكس رح يصير يدللها جكر بحبيبتو
سمية:هيك قولتك
مالك بصدمة:انتو من كل عقلكن عم تحكو لك متخيلين الكارثة يلي عم تعملوها مشان سالي
سمية :والله انا لما يتعلق الموضوع بحياة بنتي بدمر الدنيا كرمالها
مالك : وانت ادم حياتك كمان رح تتدمر لما تجبر بنت تتزوجك لا أنت بتحبها ولاهيي بتحبك
ادم : مابهمني الحب هاد يلي عم تحكي عنو آخر همي
سمية:وكيف رح توافق تتزوجك البنت
ادم:وافقت وخلصت
مالك:كيف
ادم: ههههه حبتني
عند لؤي وجوى
لؤي: رح احكي انا اول بيرجع انتي
جوى :احكي
لؤي:شايفة البنت يلي حكتني الصبح وانتي نقزك قلبك منها طلع معك حق اجت اليوم واعترفتلي انو بتحبني بس انا رفضتها وقلتلا انو انا بحب بنت وقريبا رح نخطب وتركتا وطلعت حبيبتي ماتزعلي بوعدك ماعاد اتواصل مع هالعيلة ابدا
جوى كانت عم تحبس دمعتها
لؤي:شبك جوى
جوى:سامحني
لؤي:جوى احكي شوفي
جوى:لؤي انا رح اتزوج
لؤي:كيف مين وليش شوفي جوى احكي
جوى:رح أتزوج ادم اخوها لسالي
لؤي بصدمة:شووو انتي شو عم تخبصي
جوى: لؤي انا قررت وخلصت بترجاك انساني
لؤي بصرخ:كرمال المصااري مو.... لك انا كنت اليوم الصبح بنفس موقفك بس اخترتك انتي مو المصاري بتعرفي ليش لأني بحبك أما انتي شو شوية مصاري قدرو يبعدوكي عني
جوى:يمكن
لؤي :يمكن! طيب ماشي لكان لاعمل متلك لكان واتزوجها لسالي حلو هيك منصير قرايب بنفس العيلة
جوى:لؤي اسكووت
لؤي:بس انو شو وصل ادم لالك
جوى(حكتله السيناريو يلي علمها ياه ادم):اجى اكتر من مرة لعنا عالكافيه وعجبتو وعجبني
لؤي:هه رح جن ماتوقعتك هيك.... مشان هيك آخر فترة صرتي تتناشفي معي وما نلتقي كتير
جوى:اي
لؤي:ماتوقعتك لهدرجة رخيصة مو انتي جوى يلي كنت حبها معقول شوية مصاري يغروكي
جوى :لؤي انا تعبت من حياة الفقر الحب لحالو مابكفي
لؤي:وين جوى يلي كانت مابدي شي من هالدنيا عيب تكوون معي وينهاااا
جوى:انا لازم امشي وبترجاك تمسح رقمي وتنساني
بتطلع بسرعة وبتتركو بحالة الصدمة
لؤي:معقوول معقوول هي جوى وانا يلي كنت تارك الكل كرمالها تطلع هيك بتنشرى بالمصاري ماشي ياجوى ماشي قال وانا جاي موعرفان شلون بدي قلها يلي صار معي اليوم قاعدة عالبلكون عم تستنى اخوها باحر من الجمر
ادم:يسعدووو
سالي:ادم اخيرا اجييت احكي شو صار معك
ادم:بكرة بالكتير بتلاقيه عم يحكيكي يعتذر ويطلب ترتبطي معو
سالي:عنجدد .. شو عملت
ادم:هه طبعا عنجد معقول اخوكي ادم ماينفذ يلي براسه
سالي:شو صار احكي
بيحكيلا كلشي
ادم :لهيك جهزيلي حالك عرس اخوكي الاسبوع هاد
سالي:ادم كيف رح تتزوجها وانت ما بتحبها
ادم :مو بس انا حتى هيي مابتحبني
سالي:مابهمني هيي المهم انت
ادم:ماتخافي رح اتزوجها مابهمني انا الحب المهم انتي تكوني سعيدة
سالي:كتيير بحبك
بعانقها ما بدي يلي صار اليوم يرجع يتكرر انتي مابتعرفي شو بعمل انا ازا بصرلك شي
سالي:ادم مافيني كتير حبيته اول مرة بحرب شعور الحب وانرفض حسيت الدنيا وقفت
ادم:ياعيوني انتي
بيجي نهار جديد حامل معو الأحداث الكتيرة
بتصحى ع رنة موبايلا بتفتح عيونها المتورمين من ليلة قضتها بكي
جوى : اي نايا
نايا: كيفك
جوى:عايشة
نايا:كيفها تالا طمنيني شو صار
جوى:شو عندك تعي لعندي بما انو اليوم عطلة
نايا:انا عالباب ع فكرة قومي افتحيلي
جوى بتبتسم:يلا
بتستقبلا وبيقعدو
نايا:وينن أمك وتالا
جوى:بالمشفى تالا مبارح اجتها نوبة الكلية ورح تضل أسبوع لبين مانعمل العملية
نايا:مشي الحال دبرتو مصاري
جوى:اي لكان
نايا:كيف جوى احكي شو بدي اخد منك الكلام بالتنقيط
جوى بتحكيلا كل شي
نايا:ادم ادم ماغيره
جوى:شو بعرفك فيه
نايا:هاد رفيقو لرامي مشان هيك اخد رقمك مبارح وانا كنت مفكرته شخص منيح
جوى:انتي عطيتيه رقمي وحكتيله عن وضعي برافو نايا برافو خربتي الدنيا
نايا:والله ماكنت بعرف كنت مفكرة بدو يساعدك من قلب ورب
جوى:يلي صار صار
نايا:وعنجد انتي وافقتي جوى هاد بدو ينتقم لانك كسرتيله غروره قدام الكل ماعم يتزوجك محبة فيكي
جوى:اي بعرف ينتقم يعمل يلي بدو ياه ماعاد يهمني شي غير انو تالا تكون منيحة
نايا:ولؤي عنجد قولتك ببتزوجها لسالي
جوى بدمعو عيونها:اكيد هلق بكون موطايقني يا الله يانايا تمنيت موت ولاشوف نظرة الخيبة بعيونو لالي مبارح
نايا بحزن :يا عمري انتييي
برن موبايلا
جوى:هه تفضلي هلق بلش الجحيم
نايا:مين هاد
جوى:ادم
نايا:ردي لنشوف شو بدو
جوى:الو
ادم:ابعتيلي عنوان بيتك
جوى:صباح النور....شو بدك بعنوان بيتي
ادم:معقول رح تصيري مرتي بعد اسبوع ومااعرف بيتكن
جوى:لا مومعقول
ادم:وجهزي حالك جاي اخدك
جوى:لوين
ادم:مافي داعي تعرفي يلا عم استنى المسج بالعنوان
وبيسكر التلفون
جوى:مجنون وربي
نايا:شوفي
جوى :جاي ياخدني
نايا:لروح انا مو حابة شوفه
جوى:انا يلي حابة
نايا:ياقلبي اتحملي ازمة وبتمرق
جوى:اي بتمرق بعد ماموت
نايا:بعيد الشر وليه يلا انا رايحة
جوى:الله معك
بالفيلا
سمية : رح جن اخرة ولادي عرسان من ادنى طبقة بالمجتمع
مالك:هاد يلي هامك من كل القصة
بتنزل سالي
سمية :سكر عالموضوع اجت سالي
سالي:صبااحووو
مالك:صباح النور
سمية:اهلين بنتي
سالي:صحيح انو ادم رايح يجيب حبيبتو ليعرفنا عليها
سمية:اي
سالي:متحمسة لاتعرف ع مرت اخي
مالك : كتير مبسوطة سالي
سمية بتنكز مالك:طبعا رح تنبسط اخوها عم يتزوج حتى انا طاير عقلي
سالي: انشالله تكون ظريفة
بيوصل وبصف السيارة بيمشي وهوي قرفان من هالحارة
يدق الباب بهي الأثناء بيطلع لؤي من بيته وبشوفه بضل واقف بعيد يراقبن
بتفتح جوى الباب بتشوفه للؤي بس مابتورجيه انو انتبهتله
جوى عم تمثل كرمال يكرهها لؤي
جوى:اهليين حبيبي
وبتعانقه ادم مصدوم
ادم:شو صار بعرف الموضوع صعب عليكي بس مو لدرجة نفقدي عقلك بكير من هلق
جوى وهيي معانقتو: لؤي واقف من بعيد عم يراقبنا
ادم ببادلها المعانقة
ادم: شطورة بلشتي تفهمي
بيطلعو بالسيارة وبينطلقو
لؤي :هه اي شو هاد ياجوى ماشي بيرفع تلفونه وبحاكي سالي
سالي بتكون عم تشرب لما شافت مكالمته بتتشردق
سالي عم تضحك:بهالسرعة
بترد
سالي :الو
لؤي:كيفك سالي
سالي :شو دخلك
لؤي:بعرف زعلانة مني ممكن شوفك ونحكي
سالي:شو بدك تحكي
لؤي:مارح يمشي الحال ع التلفون خليني شوفك
سالي:ماشي
بالسيارة عم يسوق باعلى سرعة متل العادة
جوى:بطئ شوي ليش كل هيك مسرع
ادم:انا هيك بسوق
جوى:مابدك تقلي لوين ماخدني
ادم:شوفي انا بكره كتير يلي بيسالو
جوى: شويعني
ادم:يعني بدك تتعودي مابقى تسألي
جوى:عنجد
ادم :وصلنا يلا انزلي
بينزلو بتطلع باستغراب عالفيلا منظرها من برا كان ساحر
جوى:هلق عرفت .... هاد الجحيم يلي كما باقي عمري فيه مو
ادم:مو يلا امشي نفوت
بيدخلو وبتستقبلن راميا
راميا:اهلا وسهلا تفضلو
بيدخلو وجوى بدال ماتكون مدهوشة بجمال الفيلا كانت عم تطلع بقرف
بيدخلو عالصالون كانو واقفين مالك وسمية وسالي عم ينتظروهن
ادم:مرحبا
جوى مابتسلم
الكل :هلا
ادم:هي جوى
سمية:اهليين بابني وكنتنا
جوى بتخامس الكل مع ابتسامة مصطنعة
وبتوقف شابكة ايديها جنب ادم وملامح وجها بتعبر عن انو مو معاجبها الوضع وعينها ع سالي كان عبالها تضربها نفس الكف يلي اكلو اخوها
سمية :تفضلي جوى ارتاحي
جوى:لا شكرا مرتاحة هيك
مالك:ما بيسوى هيك تضلي واقفة
جوى:ضلت عالوقفة عادي كلشي بيسوى
سالي بلغة مستفزة :اخي عرفان تنقي كتير حلوة كنتنا
جوى كان بدها ترد بس بيقاطعها ادم
ادم:يلا ماما نمشي
سمية:اي يلا ابني
بيطلعو
جوى:لوين رايحين
ادم:يظهر بدك وقت لتتأقلمي قلتلك مابحب الاسئلة
جوى :اه صح اسفة
بيركبو بالسيارة سمية دغري بتسبق جوى وبتقعد قدام جنب ادم
جوى بتبتسم ع تصرفها
جوى:وكانو قاتلة حالي لاقعد جنبو بتفتح باب السيارة وبتقعد ورا
سالي :بدك شي بابا وانا رايحة مشوار
مالك:سلامتك
بيوصلو ع شركة الازياء يلي لسمية
بيدخلو الكل كان عم يتطلع عليهن و عرفو بانو ادم رح يتزوج بروحو على قسم فساتين العرائس
قمر:اهلا وسهلا
سمية:اهلين فيكي سمية طالعي كلشي فساتين اعراس لنختار
قمر:من عيوني شو طلبك ياخانم كيف الموديل بتحبيه
جوى:ازا في لون اسود بكون كتير منيح مشان يناسب الوضع
سمية مصدومة من جوابها
ادم ليصلح الموقف بيقرب من جوى وبحاوط خصرها بايده
ادم:هههه حبيبتي المهضومة شو بحبها
سمية:طالعي كلشي قمر ونحنا منختار
قمر :حاضر يامدام
بالكافيه
سالي :اي لؤي احكي شو عندك
لؤي :سالي انا كتير اسف مشان مبارح وندمان يمكن تسرعت بجوابي
سالي:عنجد ...أي وشو المطلوب
لؤي:تتزوجيني
سالي انصدمت :شووو
لؤي:سالي انا اكتشفت انو انتي يلي بحبك البنت يلي كنت مرتبط معها ما كان حب يمكن كان تسلاية حتى هيي اكتشفت انها مابتحبني وهلق رح تتزوج ورح تنصدمي لما تعرفي لمين سالي:مين
لؤي :اخوكي ادم
سالي:عنجدد يعني هيي نفسها جوى
لؤي:اي المهم هلق جاوبيني لساتك بتحبيني
سالي:مع انك ما بتستاهل بس صدق ماعم اقدر اكرهك
لؤي :لكان خلينا نخطب
سالي:بهالسرعة !
لؤي:اي
سالي:طيب لكان اليوم تعى لعنا واحكي اهلي
لؤي:ماشي
بيمضي هالاسبوع بتحضيرات للعرس ولؤي بكون خطبها لسالي وبيجي يوم العرس قبل عملية تالا بيوم
لابسة فستانها الابيض كانت طالعة متل الملاك عالرغم من ملامح الحزن بوجها بس كان جمالها طاغي ع كل شي بيدخل عالغرفة لياخدها وينزلو سوى عالجنينة يلي عملو فيها العرس أكبر وافخم العائلات والضباط كانو حاضرين وعم ينطرو العرسان
لما دخل وشافها سحرته بجمالها بس غروره كبرياؤه وهدف زواجه منا ماخلوه يبين اعجابه فيها
ادم:جاهزة
جوى:كتير
ادم:يلا لكان ننزل وأهم شي ماتنسي انو هاد الزواج بعيون الناس لازم يبين انو عن قصة حب كبيرة يعني الابتسامة ما لازم تفارق وجهك
جوى:والله مافيني اتحكم بتعابير وجهي
ادم:معناها بصير فيكي يلا امشي
بيدخلو بطلتن يلي قدرت تنال نظرات الإعجاب من قبل كل الموجودين باستثناء لؤي يلي كان لازم هوي يلي يكون مكان ادم بس طبعا كان عم يتظاهر بانو مو هامو وعم يهتم بسالي جوى شافته وعرفت انو عم يمثل كان عبالها تركض وتحكيله كلشي بس مافيها بيقعدو وبتقعد امرأة بالخمسين والشهود يلي كانو نايا ورامي
المرأة:جوى الأحمد بتقبلي تتزوجي ادم عبد المجيد بكل رضاكي ومن دون تحت أي ضغط او اجبار
جوى بتسكت ماقدرت تقول اي
المرأة : بتقبلي يابنتي
ضلت ساكتة آدم توقع منها هيك تصرف
ادم:حبيبتي شوي مزعوجة لانو اختها بالمشفى وبكرة عمليتها (بيطلع عليها وعم يبتسم ابتسامة تهديد )مو هيك يعيوني
بتاخد نفس وبتبتسم بتهزلو برأسها
المرأة طيب رح ارجع واسألك جوى الاحمد بتقبلي تتزوجي ادم المجيد بكل رضاكي
جوى بتغمض عيونها وبتجاوب بكل حزن:بقبل
الكل بصفق
المراة: ادم عبد المجيد بتقبل تتزوج جوى بكل رضاك
ادم:بقبل الكل بيصفق
المراة:وانتو بتشهدو
رامي ونايا:منشهد
المراة:تمام بعلنكن زوج وزوجة
بتعطي دفتر العيلة لجوى بتاخدو وبتوقع بسرعة وبتعطيه لادم بيوقع
بيوقفو مقابيل بعض بيقرب وببوسها من جبينها وبيتصنعو لبعض بابتساماتهن
بيمرق العرس كان عرس ملكي وراقي كتير سالي كانت طايرة فرح ولؤي عم يمثل انو مبسوط
بيدخلو سوا ع غرفة ادم يلي صارت غرفة ادم وجوى
بيدخل وراها وبيسكر الباب كانت خايفة من هاللحظة من الاول قلبها عم يدق بسرعة بس عم تتظاهر بالقوة وهوي بيتطلع عليها وبشوفها قديش متوترة بيقرب لعندا بكل برودة ليوقف قدامها وعيونه عليها متقصد يزيد توترها بيقرب اكتر وبيرفع ايده ليرجع خصلات شعرها من وجها لورا اذنيها بكل هدوء وبرودة قلبا بتعلى دقاتو وبتبلع بريقها كان عم يدور ببالها ( لا بترجاك انت بتكرهني وانا بكرهك ليش ليصير شي بيناتنا لا) بيبتسم بخبث لما شاف وضعها بيقرب لعندا اذنها وايده بتنزل من شعرها لايدها تتلمسها وبيهمس:لهدرجة خايفة....(بتضل ساكتة ) طالعة كتير حلوة محتار شلون رح بلش (بتعلى أنفاسها لتفضح خوفها) بيبستم بخباثة وبيرجع
ادم: بس بصراحة ابدا مو حابب اعمل معك شي بيطلع وبيتركها
جوى بتاخد نفس :ولييي كنت رح موت
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`