الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نـعـم اشـتريت قـلبي`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
الجزء3
جوى:واو طعمتو طيبة اكيد رح يعجب صاحب العيد ميلاد
الكل مصدوم من يلي صار اول مرة حدا بيتجرأ وبيعمل هيك مع ادم الكل كان عم يراقب وينتظر بخوف ردة فعلو آدم بكل هدوء بيقرب بيمرر اصبعته عالكيك نفس ماعملت جوى وبيقرب من جوى ليلمس وجها بايده المليانة كريمة بيمرر اصبعتو من جبينها لخدها لشفايفها هيي جمدت بارضها وعيونها عليه بكل صدمة بنفس الوقت حست من لمستو ونظراته الها كانو كهربا عم تمشي بجسمها
ادم:مو بس طعمتو طيبة كمان بفيد البشرة جوى بصوت عالي :انت كيف بتتجرأ !!
ادم بينزل ايدو لرقبتها ليرفع راسها لعندو
ادم:شوفي ياحلوة هاد درس صغير لتتعلمي تتواقحي مع يلي اكبر منك وبنصحك لا عاد تعيديها احسن ماحطك براسي
جوى:نزل اييدك
ادم :وازا ما نزلتها شو ح تعملي!
جوى:حابب تعرف
بترفع ايدها وبتضربو كف كل يلي بالمحل ايدهن ع تمهن من الصدمة
ادم بفلت ايدو ليحطها ع وخدو مكان الكف بيجي لحتى يحكي ليقاطعو تلفونو
كان المتصل سالي مافيو مايرد برد ع تلفونو بهي الاثناء بتكون جوى عم تنظف وجها من الكريمة
ادم:اي سالي
سالي بعصبية :آدم وينك الكل وصل والكاتو وانت ماهون
ادم:جاي انا ع الطريق
سالي:بسررعة
بيسكر التلفون
ادم:اعطيني واحد جديد متلو بسرعة
البياع بكل خوف :امرك آدم بيك ثواني ومنجيبو بيجي ليطلع لما يوصل جنب جوى هيي عالرغم من قوتها وجرأتها كانت خايفة لانو حست مصيبة كبيرة رح تصير وأدم مو اي حدا لينعمل معو هيك
ادم : الكف هاد رح يرجعلك بس بطريقتي الخاصة اوعك تفكري ممكن اسكت
جوى مابترد
بيحكي هالكلمتين وبيطلع بيركب بالسيارة وبيستنى لجيبو الكيك بيجي العامل بدخل الكاتو عالسيارة
ادم: تعا لهون
العامل:امرني يابيك
ادم:شو اسمها
العامل:مين يابيك
ادم:مين برأيك؟ هي يلي جوا
العامل:هي اول مرة بتجي لعنا بس كانت عم تحكي مع وحدة من الزباين واكتشفت انو اسمها جوى
ادم:جوى.... بتجيب كلشي معلومات عنها وبتاخد رقمي من المحل بتوصلي كلشي عم تفهم
العامل:امرك يابيك
ادم :ومابتحكي شي لالها
العامل:حاضر
بيشغل السيارة وبينطلق متل الصاروخ
البياع :اخ يا أختي شو عملتي انتي هاد ادم بيك مارح يحل عنك ليدمرك
جوى عم تتظاهر بالقوة
جوى:انا ما عملت شي غلط هوي يلي بلش يلا هلق عطيني قالب كيك شخصين
البياع:محرزة كرمال هيك قالب تعملي مشكلة
الكل صار يضحك
جوى:يعني مستهضم حالك!! يلا عطيني خلصني
البياع:حاضر
العالم بلشت توصل ويستقبلوهن الخادمات كان العيد ميلاد بجنينة الفيلا جنب المسبح
سالي بالصالون عم تروح وتجي متوترة وع شوي رح تبكي وجنبها ميس قاعدة
بينزل لؤي ليروح ع بيتو بس لما شاف وضع سالي بيقرب لعندا
لؤي:انتي منيحة
سالي لما شافته ابتسمت ابتسامة متصنعة
سالي: اي
لؤي:شكلك مو هيك
سالي:متوترة شوي
لؤي:ليش
سالي:اخي راح يجيب الكاتو والعالم بلشت توصل وهوي لسا
لؤي:حاكيتيه
سالي:اي قال عالطريق
لؤي:تمام كلشي رح يكون منيح أهدي وروقي الكل عم يستناكي ويستنى طلتك لازم تكوني مرتاحة وعم تبتسمي
سالي: مافيني ..بالي مع ادم خايفة يتأخر وينتزع العيد ميلاد
لؤي:لا انشالله بيوصل بوقتو .. شعرك انتزع شوي من قدام اقعدي لزبطلك ياه
سالي :يلا
بتقعد عالكنباية ولؤي واقف بيقرب وبيبزبطلا الغرة حس عليها كيف توترت بزيادة لما قرب منها
سالي قلبها رح يطلع من محلو اول مرة هيك بيعمل ....معقول حبته!!
لؤي:خالصين
سالي بخجل:يسلمو
لؤي:اهلا
مع دخول آدم
سالي:آدم لي طولت
ادم بعصبية:سالي خلص الكاتو وجبتو شو بدك
سالي:لي هيك عم تصرخ
ادم:مافي شي
بيطلع ع غرفتو بكل عصبية
لؤي:يلا بالاذن انا رايح
سالي: خليك احضر العيد ميلاد
لؤي استغرب من طلبها
لؤي: شكرا عالعزيمة بس عندي شغل
سالي:يعني مافي مجال
لؤي: ياريت بس والله لسا اليوم بلشت شغل
سالي:لكان رح شلك قطعة كيك بتوعدني بتجي بكرة بتاكلها بفضلك ارتحت وتحسن مزاجي وتوتري
لؤي: هههه طيب خلص بكرة بجي
سالي:اوك😁
بيدخل ع غرفتو وبيطبش الباب بيقعد ع تختو وبترجع ذاكرتو تذكرو بالكف
ادم:رح تندمي رح تندمي والله لدمرك انااا الضابط ادم عبد المجيد تعمل وحدة متلك معي هيك مارح اسكتلك لو بدي ادفع نص عمري ....ازا ما بخليكي تنزلي لتحت رجلي تترجيني سامحك مابكون اسمي ادم ....جوى.... الاسم يلي رح يضل ببالي لحد ما انتقم منك ومو اي انتقام
بتطلع من المحل ومعها الكاتو وبيلحقها من دون ما تحس العامل يلي بعتو ادم بتدخل عالبيت بيجي لعند بياع خضرة قريب جنب بيتها
العامل:يعطيك العافية
بياع الخضرة:اهلا تفضل
ببلش الاحتفال الكبير بعيد ميلاد السنيوريتا آدم نزل حضره مسايرة لاختو بس ماكان رايق ابدا
وبنفس الوقت ببلش الاحتفال الصغير بعيد ميلاد توتا بتدخل جوى ع الغرفة ومعها الكيك الصغير عم تغنيلها الام وتالا تفاجأو
تالا متفاجأة :يااااي جوى بحبك كتيييررر
جوى: وانا ياروح اختك
بيقعدو وبيحتفلو جوى ماكانت مرتاحة كانت خايفة بسبب الشي يلي صار
(بالكافيه يلي بتشتغل فيه جوى )
نايا:تفضلي
زبونة:شكرا
بتجي عينها عالباب وبتشوف رامي الابتسامة بترتسم ع وجها وعيونها عم يطالعو قلوب😍
بتمشي ناحه وبتعانقو
نايا:حبيبي ماتوقعت تجي
رامي:يعني مو مرغوب فيي
نايا :لك أنت ايمت ما اجيت مرغوب فيك ياعمريي الحلو
رامي:يخليلي قلبكك ياروحي.... اي ايمت بتخلصي شغل
نايا:هلق كنت رايحة جيب اغراضي وامشي
رامي:امشي اعزمك ع شي مكان
نايا:يلا
بتروح لتجيب اغراضها برن موبايلو لرامي
رامي:لك اهليين بالصاحب
ادم:كيفك رامي
رامي:تمام وانت
ادم:عايشين وينك
رامي:انا جيت اخد خطيبتي شي مشوار
ادم:ما فيك تجي كان بدي شوفك
رامي:ليش صاير شي
ادم:لا بس ماني رايق قلت بقعد معك شوي
رامي:طيب تعال معنا
ادم:شو بدو ياخدني معك متل ال....
رامي:حاشاك حضرة الضابط😂😂
ادم:يلا قحط الواحد ما بيستفيد منك بشي
رامي :ازا رجعنا بكير بدقلك
ادم:ماشي باي
رامي:باي
لؤي بالصالون قاعد بتخطر ببالو حبيبة قلبو وعقلو يلي ليحكيها يتطمن عنها بدقلا عالموبايل
لؤي:كيفوو حبيبيي
جوى:اهلين لؤي
لؤي:شبك لي حاسك مانك ع بعضك
جوى:لا مافي شي بس تعبانة شوي.... طمني عنك انت شو صار معك مشي حال الشغل
لؤي:مشي وبس لك انفتحتلنا طاقة فرج كبيرة
جوى:ليش شو صار
لؤي:تعرفتلك ع اغنى عيلة بالبلد والام والبنت عجبن شغلي كتير واقترحت عليي الام صير كوافيرهن الخاص
جوى:حلوو حبيبيي
لؤي:ازا ضليت واستمريت معن بغضون الشهر بصير معي تكاليف الخطبة
جوى:انشالله ياارب
لؤي:اي وانتي طمنيني كيف العيد ميلاد عايديلي ياها لتوتا
جوى:تقبر قلبي كتير انبسطت
لؤي:انشالله العمر كلو
جوى:تسلم لقلبي
لؤي:يلا عمري بدك شي اجت زبونة
جوى:سلامتك ياقلبي الله معك
بتخلص الحفلة الكبيرة وبصيرو يفلو العالم
ميس:يلا حبيبتي بدك شي
سالي:سلامتك ياقلبي خليني شوفك
ميس :اكيييد في تحقيق لازم حققو معك
سالي بتضحك:تحقيق شو
ميس :شو قصة هاد الكوافير الجديد
سالي:مين لؤي
ميس :اي لؤي
سالي:شو قصتو
ميس: ليش هيك احمريتي وليه شكلك عشقانتيه
سالي بخجل:لك كلي هوا ليش حلي اعرفه لاعشقه
ميس:حبيبتي العشق مابدو وقت
سالي:ما اغلظك
ميس:يلا بأي هلق بس في حكي معك هااا
سالي:ماشي ماشي روحي😂
بتودعها وبتدخل عالصالون بتلاقيهن امها وابوها واخوها سهرانين بالصالون
سالي:لك يخليلي عيلتي الحلوة كان عيد ميلاد بيجنن
مالك:دلوعتي معقول يكون عيد ميلادها كيف ماكان
سمية : حبيبتي العمر كلوو
سالي:يخليلي ياكن
ادم كان واقف جنب الشباك عم يحكي مكالمة شغل
سمية:حبيبتي شفتي شو مبدع هالكوافير
سالي:كتيير حبييت شغلو طالعة بتجنني ياريت عملي كمان شعري
سمية:قلتلو يصير كوافيرنا الخاص ووافق
سالي بصدمة فرح:عنجددد
سمية:اي لي كل هيك انبسطتي
سالي:اه لا ولاشي بس حبيت شغلو حسيتو مميز
سمية:اي
سالي:ماما معك كرتو او عنوان صالونو
سمية:ماعندو صالون اليوم اجى يبلش شغل عند الصالون يلي منشتغل عنده وصدفة شفته
سالي:حلوو مامعك رقمه طيب
سمية:مبلى شو بدك فيه
سالي: اي مشان ازا احتجت شي مرة اعمل شي مرةحكيه شو بدي يعني
سمية :طيب هلق ببعتلك ياه مسج
سالي:تمام
سمية:تمام انا نعست من الصبح ماقعدت يلا بدكن شي رايحة عالنوم
مالك:وانا قايم كمان يلا بونوي بنتي
سالي:بونوي
بيطلعو سالي بتسيف رقمه وبتصفن وهي مبتسمة بتتذكر اول مرة شافته وكيف لما قرب وعملها شعرها بيقاطع شرودها كف خماسي ع رقبتها من ورا
سالي بتنقز:أخ ادم ما اغلظك
ادم:وين شاردة ولييه
سالي:ولاشي بعدين تعى لهون هلق فضيتلك
ادم:والله مو عامل شي
سالي:ههههه لا عنجد شبك اليوم لي ما كنت رايق بعيد ميلادي صاير شي
ادم بتروح البسمة من وجهو
ادم:لا مافي شي
سالي:ها شفت حتى هلق راحت ابتسامتك يلي مجننة البنات لما سالتك😜 احكي شوفي
ادم:برجع بحكيلك انا نعست عندي بكرة مهمة يلا تصبحين على خير يا أختاه
سالي:اي اي تهرب وانت بخير 😑
بيمرق اسبوع سالي دائما كانت عم تتحجج تعمل موديلات وتسريحات جديدة بس كرمال تشوفه للؤي وبلشت تحبه وتتعلق فيه هوي ماعرفان بشي وما عندو مشاعر اتجاهها يلي هامو انو عم يجيه مصاري كتير منها أما آدم التهى بشغلو مانسي موضوع جوى بس كان الشغل يلهيه والعامل ماعاد قدر يوصل لشي لانو جوى عن جديد ساكنة بالحارة ماحدا عرف عنها شي
(بعد اسبوع)
جوى:صباحو لاحلى ام
لميا:صباح النور
جوى:راحت تالا عالمدرسة
لميا:اي ما عندك جامعة اليوم
جوى:لا بس رايحة بعد شوي عالشغل مبارح فليت بكير من الشغل ف داومت عني نايا واليوم انا رايحة ردلا ياهن
لميا :انتو ما بتسامحو بعض
جوى:لا انا وهيي بالشغل ماعناش يما ارحميني😂
لميا:😂😂😂
جوى:ماما ارجعتي رحتي عالدكتور مشان اختي
لميا:اليوم عنا روحة
جوى:انشالله خير
لميا:انشالله
جوى:اهم شي مانحتاج لعملية ويمشي الحال بالادوية
لميا :انشالله يارب
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`