الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عـناد وحــــــب`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
أسيل : بابا لأيمتى رح نبقى عايشين هون اوف والله تعبت من خدامه هالناس اللي ما بتقدر تعبنا
ابو أسيل: أخ يا بنتي اللي متلنا رح يبقو طول عمرن مقضيينها بخدامه الأكابر يابابا لك مالنا حدا وين بدنا نروح هون ربيتي وكبرتي وهون بيتنا مالنا مكان تاني
أسيل: لأ ليش مامنرجع على ضيعتنا
ابو أسيل :مستحيل بخاف بيت جدك يأذوكي شو نسيتي هنن السبب بوضعنا هاد لك قتلو امك بقلب بارد كلو لانو حبينا بعض واتزجنا غصب عنن هنن السبب هنن
أسيل: خلص بابا طول بالك مابقى افتح هالسيره بعرفك بتتذكر ماما وبتنزعج بس والله تعبت
ابو اسيل: تحملي يابنتي هيك قدرنا
الجزء الاول
ازدهار : شو ابو العبد بنت جديده كمان
ابو العبد: ههه تنتين مو وحده لك كأنو تؤام تعي شوفي
ازدهار: ياقلبي شو قصتن كمان
ابو العبد: هلق اول شي ماعرفنا اساميهن هي البنت جابتا مرا مقدره ومبين عليها الترف والزنكله حطتا مع مبلغ مالي كبير واتحفظت عن الاسباب وماتركت لألها اثر لو بيوم من الايام احتجناها ومتل ماعرفت مابتقربا البنت وهي التانيه جابا واحد كبير بالعمر قال هوي ماقدرتو يربي ولاد وهالبنت بتكون حفيدتو بس بعلاقه غير شرعيه لهيك رماها هون وراح
ازدهار: حسبي للله ونعم الوكيل شو ذنب هالاطفال اي ابو العبد شو بدنا نسميهن
ابو العبد :شو بعرفني خديهن وانتي سميهن
ازدهار: هاتن لشوف هاتن يي بسم الله مااحلاهن ماشاء الله لك حدا بيسخى بهيك بنات
ابو العبد؛ اوف ناس بحسرتن وناس بتكبن الله يقويكي
ازدهار: اي والله ياابو العبد حسبي الله ونعم الوكيل امم لك شوف هي البنت دخلت لقلبي يالله مااجملا هه ناعمه كتير رح سميها حور شو رأيك لك جمالا بيشبه جمال الحواري ومتأكده بس تكبر رح تكون بتجنن
ابو العبد: اي والله حلوه واسمها حلو وهي التانيه
ازدهار: امم وهي حلوه كمان رح سميها أشراق شو رأيك ليك وشا كيف منور
ابو العبد: ههه طول عمرك حنونه الله يقويكي وتربيهن
ازدهار: بتعرف اول مره بستلم بنتين بهالعمر صحيح شو اعمارهن
ابو العبد: هي (حور)عمرا كم يوم وهي (أشراق)شهر
ازدهار: ياقلبي عليهن بتعرف رح ربيهن سوا ليكبرو ويطلعو اخوات
ابو العبد: اي مو غلط وانتي ايمتى قلبك بدو يحن عليي
ازدهار: ههههه لك بعد الكبره جبه حمرا لك خلص انا اخدت نصيبي من هالدنيا انت بتعرف مابيجيني وولاد وزوجي القديم اتزوج عليي كرمال الولاد لهيك مااتحملت اطلقت منو واهلي مااستقبلوني لهيك قررت اتوظف بميتم كرمال عوض النقص اللي بحياتي وكون ام لكل هالاطفال الأيتام
ابو العبد: اي وانا متلك كمان عقيم وموظف هون منتزوج ومنربي هالاولاد سوا ومنكمل حياتنا
ازدهار: ممم مابعرف رح فكر كمان بلكي بتمل مني هه
ابو العبد: ههه لا مارح مل ورح انطر ههه فاضي ماوراي شي غير انطر عند البوابه ههه
اذدهار: طيب رح ادخل نيم هالبنات تعا دخل التانيه معي
دخلت ازدهار البنات ونيمتن على تخت واحد وصفنت فيهن امم يالله شو السبب انكن هون الله بيعلم
////رجوع////
ابو العز: ياابو اسيل ابوأسيل وينك لك رد يابني ادم
ابو اسيل عبيركد بسرعه قبل مايعصب البيك عليه
ابو اسيل: أمرني امرني يابيك
ابو العز: ساعه لترد اسماع بكره عندي حفله لرجال الاعمال مهمه كتير واي غلط او نقص رح يكلفك حياتك فهمان
ابو أسيل: حاضر بتأمر يابيك رح كون عند حسن ظنك
ابو العز: اي وكمان بتفهم بنتك كمان ام العز مو فاضيه لتعطيها الاوامر فبتفهم بنتك يكون كل شي من اكملو
(ابو العز رجل اربعيني سيئ بكل معنى الكلمه رجل استثمارات ومن ورا شغلو هاد وبالبمخفي بيشتغل بالممنوعات)
ابو أسيل: امرك امرك يابيك رح تكون متل مابدك
بيروح ابو العز وبيرجع ابو أسيل لعند بنتو
اسيل: شو بابا شو بدو هاد كمان صياحو عبا الدنيا
ابو اسيل: كالعاده في حفله ولازم نكون جاهزين
اسيل: اوف اوف بكره الحفلات بابا من شان الله قلو انو مابقدر اشتغل بكره قلو تعبانه
ابو اسيل: شبك بنتي ليه عصبتي هيك في شي من كل عمرك بتشتغلي من تم ساكت
اسيل: اه لأ بابا مافي شي بس عبتعب بالحفلات
ابو اسيل: لك بنتي البيك وبتعرفيه لك ياريت توقف الشغله على انو يطردنا الله بيعلم شو بيطلع معو لك لو تشوفي ابو سعيد كيف حالتو من ورا هالمتمرد لك حرقلو بيتو وكانت مرتو وابنو وفيه هوي ماتحمل يضل تحت رحمتو راح انتحر الزلمه
اسيل: لك شو اللي وقعنا بين ايديه انو مالقيتو شغل انت وماما غير هون
ابو اسيل: لك يابنتي وقت تزوجنا انا وامك هربنا ضلينا فتره اربع سنين هربانين بعدين قررنا نرجع قلنا خلص بكونو نسيو كان وقتا عمرك تلاتةسنين رجعنا وياريت مارجعنا اخ لو تشوفي كيف استقبلونا بالحب والاحضان وانا وامك مالناخبر شو مخبيه نفوسن الوسخه يوميتا اهلي مااستقبلوني بس اهل امك استقبلونا بليلتا امك وصتني فيكي كتير كانت خايفه من هدوء اهلا وفعلا نحنا ونايمين دخلو علينا وقتلا خالك بكل برود وكانو عبيدبح غنمه حسيت على صرخه امك قمت متل المجنون كان خالك فوق راسا وماسك السكين اطلع فيي وقلي قوم انقلع انت وبنتك احسن ماخلص عليكن شرفي نضفتو وهلق انقلع حملتك انتي
ونايمه ودموعي بعرض وجهي لك حتى ماخلوني ودعا لفيتك بحرامك الصغير وصرت اتذكر كيف كانت عبتوصيني فيكي ماقدرت اعمل شي خفت عليكي من خالك كان متل المجنون اطلعت واجيت لهون عالمدينه دورت على شغل للقيت هون بالزور شغلوني لانو معي طفله بس ام سعيد الله يرحما كانت طلع عليكي كتير واحيانا تنيمك عندا
اسيل: ياروحي يابابا كل هالشي شايل هم اخ الله ينتقم من كل ظالم واولهن خالي اللي قتلي امي وعيشني يتيمه خلص بابا رح اتحمل واصبر كرمالك
ابو اسيل: الله يرضى عنك يلا قومي نامي
(ابو اسيل:عمرو ٥٥سنه اسيل؛ عمرا ٢٥ سنه )
بصباح اليوم التالي الكل مشغول وعبيجهز للحفله
واسيل: بالمطبخ معجوقه بالتنضيف بتنزل ام العز
ام العز : شوو لهلق مو مخلصين لك بدي كل شي جاهز ومن احسنو عبتفهمو
الخادمات : تكرمي ياخانم
بيمرق النهار بين تنضيف وتحضير للحفله مع فريق خاص بتزيين الفيلا .
مساء بعد مابلش الكل بالاحتفال وحضور المدعووين
ابو العز : وينك ابو اسيل سماع بتاخد وحده من السيارات وبتروح بتجيب عدنان بيك
ابو اسيل: ليش يابيك هوي ماعندو سياره يعني
ابو العز: لك لا ياختيار بس هوي مابيعرف مكان الفيلا وهي تلفون بعت موقعو عليه يلا اتحرك ولا تجادلني
ابو اسيل: طيب يابيك امرك بس بدي روح لعند بنتي شوي بقدر يابيك
ابو العز: لا مابتقدر روح جيب عدنان بيك بعدين بتشوف بنتك
ابو اسيل: امرك يابيك(اخ قلبي مو مطمن عبيغلي ليش)
ابو العز: شو بلاقيك صفنت خلصني وراي ضيوف ناطريني بسرعه
بيركب ابو اسيل السياره بيشغل الجيهاز وبيتبع الاشاره
ابو اسيل: اوف من ايمتى كان يبعتني شووخطرلو مابعرف ياالله لروح جيبو وارجع هلق اسيل بتخاف لوحدا(هنن ساكنين بملحق الفيلا بيت صغيررخارجي)
ابو العز: بضحكه جانبيه هههه واخير الليله ليلتي لكن انا تمنعيني عنك ياكلبه بيرجع لمكان الحفله بيحكي مع مرتو
ابو العز: ياروحي انا طالع اخد حبه راسي واجعني اهتمي بالضيوف اي حياتي
ام العز: اي حبيبي بس لا تتاخر
ابو العز: لا لا مارح اتاخر بس اياكي تتركي الضيوف
ام العز: لا يي شو اتركن هههه يلا روح
دخل ابو العز عالفيلا على عيون زوجتو بس بيطلع من الباب الخلفي وبيروح لبيت ابو اسيل بيمشي بخطوات سريعه هوي وعبيتلفت بدق الباب على اسيل
اسيل: مين
ابو العز : هاد انا يابنتي فتحي بسرعه
اسيل بخوف: شوفي يابيك انا خلصت شغلي
ابو العز: لك مو وقت الشغل والحكي ابوكي عمل حادث
اسيل بخوف وبدون تفكير فتحت الباب وصرخت شووو
اطلع فيها ابو العز وضحك بخبث مسكا من ايدا ودخلا لجوا الغرفه
اسيل: شو بدك اتركني وين ابي لك بعد عني باباااا
ابو العز؛ هههه بعد عنك لك بدي خليكي تشتهي الموت ياكلبه لكن انا وقت المسك تمنعي حالك عني
اسيل: يابيك يابتطلع يابصرخ بلم الناس كلا عليك وساعتا رح تخسر سمعتك بعد عنني
مسكا من شعرا : ههههه اي لا تعذبي حالك مارح يسمعك حدا الكل مشغول بالرقص وهلق انا رح انشغل فيكي
قرب عليها اكتر وهيه تعيط بين ايديه تضربو بكل قوتا مابتعرف كيف عبتضرب المهم يبعد عنا بعد مقاومه وصراخ مسك مزهريه وضربا بجبينا لحتى غميت بين ايديه وارتخى جسما قرب منا واستباح شرفا كانت غماينه ومو حاسه على شي فاقت بلحظه وصرخت صوت هز اركان البيت بعد عنا ظبط تيابو وطلع
ضمت حالا وهيه عبتبكي ودموعا حرقو خدودا
اسيل" اه هاد اللي كنت خايفه منو وصار هاد اللي كان مخوفني يابابا ومو قادره احكيلك ياريت حكيت ياريت
بعد مده من الزمن بيرجع ابو اسيل مزعوج بيركن السياره وبيدخل لمكان الحفله بيدور على ابو العز بيلاقي واقف وعبيشرب كاس وبيضحك بيمشي لناحو
ابو اسيل: يابيك انا نطرت كتير ومالقيت حدا
ابو العز: ولا كانو عامل شي : اي بكون تأخرت عليه على كلن مشي الحال بتقدر تروح يلا اا
ابو اسيل :حاضر يابيك بالاذن
تركن ابو اسيل ومشي صار يحاكي حالو مستغرب لاول مره بيبعتو ليجيب شخص وصل ناح بيتو استغرب الباب مفتوح بالعاده بها الوقت بتكون اسيل مسكره الباب وبتكون متوتره ليش مابيعرف ابوها
بيدخل لجوا بيلاقي البيت مكركب بينادى على اسيل بدون استجابه منا بيدق باب غرفتا مابترد بيفتح الباب وبيشهق وبينادي
ابو اسيل :اسيييييل بنتتتتي
بيركد ناحا على الارض بتكون غماينه بيحاول يصحيها مابتصحى بينتبه لتيابا المقطعه وبيبكي اكتر وكانو فهم شو صار معا بيلفت نظرو بقعه دم تحت اسيل بيصير يضرب عراسو
ابو اسيل: لك اخ اخ لك مين عمل هيك فيكي يابنتي يااسيل ردي عليي يابي اسيل اصحي بنتي لك شو صار فيكي ياعمري قومي اصحي بيضل مكانو عبيبكي ويعيط لحظات بتصحى اسيل بتفتح عيونا بتقل وبتنادى بابا مالي دخل ماذنبي هوي عمل هيك هوي
ابو اسيل:اهدي ياعمري اهدي مين لك وبس قوليلي مين
اسيل: ببكاء وخوف : البيك البيك
ابو اسيل: ابو العززززززز
بهاةالاثناء بيدخل ابو العزز ومعو تنين
ابو العز: شوو سمعتك بتنادي عليي ولا غلطت بالسمع
ابو اسيل بغل وحقد هجم عليه: لك باحقير ياواطي ياندل لك بكل عين وقحه جاي لهووون ياكلب
ابو العز: هييي بعد ولاااك امسكووه اياك تغلط عبتفهم
ابو اسيل: لك والله لاشرب من دمك والله لافضحك اتركوني اتركوني اطلع افضحوو
ابو العز؛ ههههه لك مابتفضح غير بنتك وسمعتك بتصير بالاراضي انا بقدر طالع حالي متل الشعره من العجينه بس انت ههه ياحرام رح يضل راسك بالارض ومحدا بيسدق واحد متلك
ابو اسيل: لك ااااخ شو عملت فينا ياواطي روح ان شاء الله بتتلاقاها بولادك بخطيه هاليتيمه
ابو العز؛ اي خراااس دعا الكلاب مابيستجاب ابو صقر المصاري
طالع ابو صقررمصاري وزتن بوجهه ابو اسيل
ابو العز: هدول تعويض الك ولبنتك وهلق بتنقلع انت وياها قبل مايطلع عليكن الضو
ابو اسيل: لك اااخ ااخ فشرت ياندل خلي وسخك لئلك انا الي الله بس الله كبير بيجيك يوم
ابو العز: شووف ولاك كلامي مارح عيدو اذا بسمع منك كلمه طلعت لبرا ياويلك لخليك تشتهي الموت انت وبنتك وماطولو عبتفهم طلع نظره اخيره على اسيل وابتسم ابتسامه خبث
اسيل غرقانه بدموعا غمضت عيونا وقت اطلع فيها
طلع ابو العز بعد مانبهه على رجالو كمان
ابو اسيل: ياحسرتي عليكي يابنتي ياحسرتي اخ اخ قومي بنتي قومي لاتخافي انا معك
ضمت اسيل ابوها كانت بتفكر رح يعمل شي يأذيها بس كلامو هدا دقات الخوف اللي بقلبا وقلا ابوها انو ماذنبا ومارح يتركا بدلت تيابا اسيل بعد مااخدت حمام بكت فيه لنشفو دموعا ضبت شنتته تياب وطلعو هيه وابوها
بصباح اليوم التالي نادت ام العز على اسيل بس وحده من الخدم قالتا انها مو مبينه لاهيه ولا ابوها
نادت لابو العز
ام العز: حبيبي وينها مقصوفه الرقبه هيه وابوها
ابو العز: انا قلعتن
ام العز: اوف ليش
ابو العز؛ الواطي لقطو رجالي عبيحاول يفتح خزنتي وقت كنا ملتهيين بالحفله وقلعتو بدون شوشره بتعرفي سمعتي فوق كل شي
ام العز: اوف ماقصرت حراميه بس ماكان مبين عليهن
ابو العز: لاتخافي الا من هالشكيلات
مرر الوقت على ابو اسيل واسيل مالقو مكان يقعدو فيه صارو ينامو بالجامع لانو ماكان عندن مكان يلتجئولو والمصاري اللي مع ابو اسيل مارح يروحا على اجار اوتيلات ومالقى شغل لانو عمرو كبير
تعبت اسيل كتير دخلت بحاله نفسيه لبيوم امام الجامع انتبه عليها وعلى ابوها انن بيترددو عالجامع بالليل وبنهار بيطلعو
الامام: اخي ممكن اعرف ليش كل يوم بتنامو هون هلق هاد بيت الله ومرحب بكل مين بيدخل بس معليش اعرف قصتك انت وهالبنت اللي معك
ابو اسيل بحسره: والله ياشيخي قصتي قصه هي بتكون بنتي (وحكا كل شي صار معن )
الامام:لاحول الله لاحول والله وصلت يااخي رب العالمين بحبك انا بدي خادم للجامع يعني لنتضيف بيت الله وفي بقفا للحامع بيت صغير تابع للجامع وبينام فيه خادم الحامع بس بصراحه يمكن بااي وقت يجي حاليا هوي مسافر لعند ابنو شو ؤايك تقعد هون فتره انت وهالمستوره لوقت يرجع بحلا الف حلال
انبسط كتير ابو اسيل وقبل الشغل مباشره وراح خبر اسيل واخدن الامام على البيت واستلم ابو اسيل شغلو مباشر
يوم عن يوم اسيل عبتتعب وصحتا عبتتراجع دوخه استفراغ تعب كتير شغلات عبتصير معا وماكانت تعرف شو هالاعراض
ابو اسيل: بنتي هي مصاري واليوم بنروح لعند شي دكتوره تشوفك يابنتي عبتدبلي بين ايديي وماعبعرف ليش الله ينتقم من اللي كان السبب
اسيل: اه يابابا ان شاءىالله بينحرم نور عيونو
تاني يوم راحت اسيل عالدكتوره
الدكتوره بعد الكشف: مبروك حبيبتي الحمل عمرو شهرين
اسيل: شوو حامل
الدكتوره: اي حبيبتي شو بلاقيكي مافرحتي
اسيل بتوتر: اه لا لافرحت بس ماتوقعت هه يعطيكي العافيه بس معليش سؤال
الدكتوره : تفضلي حبيبتي
اسيل: بجوز ينزل بها العمر
الدكتوره: طبعا لا حرام الجنين عمرو شهرين وهاد اسمو قتل روح لانو صار في دقات قلب
اسيل؛ شكرا
طلعت من عند الدكتوره والدنيا مو واسعتا بكت كتير طول الطريق العالم تتطلع عليها بشفقه وهي ماكانت شايفه حدا رجعت الدنيا ضربتا كف تاني كانت محتاره كيف تخبر ابوها بس اول عن اخر رح يعرف
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`