الفصل 11
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `لهيب الحب*
*❴🔢❵الـــبـــــــــــ❴1️⃣1️⃣والاخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#لهيب_الحب
#الجزء_الحادي عشر_والاخير
تاني نهار الين بعدها نايمة وغرقانة بنومها ..
بيرن تلفونها بترد وهي مغمضة عيونها ومنعوسة ..
الين : الو
زياد : يسلملي المنعوس انا
الين : صباح الخير حبيبي
زياد : صباح الفل يا روحي ، بعدك نايمة انا زمان فقت قومي جهزي حالك نص ساعة بكون عندك بدي اخدك ع الصالون ..
الين : ماشي حبيبي هلا بجهز ع السريع
زياد : ناطرك حياتي
***
الين فزت من تختها وبلشت تجهز بحالها وبعد ما خلصت نزلت تنطر زياد ليوصل ..
اهلها كانو مجهزين سفرة الفطور اكلت لقمتين ع الماشي وبس وصل زياد طلعت لعندو ..
الين بحماس : صباح الخير حبيبي
زياد بنظرات حب : صباح الفل يقلبي
الين : كيفك اليوم
زياد : مشتاقلك مووت
الين : وانا كمان اشتقتلك من امبارح
زياد : يا ووويلي
الين : ههههه يلا لا تنسى الخطوبة بكير لازم الحق اجهز حالي ..
زياد : معك حق يقلبي رح امشي ..
***
زياد وصلها لالين عالصالون وقبل ما تنزل ..
زياد : الين لا تخليها تطالعك حلوة كتير
الين بانزعاج : شوووو زياد
زياد : ههههه خلص ما حكيت شي اليوم معلش ..
الين : هههه يلا بس خلص بدقلك
زياد : اوك يا قلبي ..
الين نزلت ع الصالون وزياد رجع ع الفيلا يجهز اموره ..
****
الين قضت الوقت كلو بالصالون وزياد راح لعند الحلاق زبط شعراتو ولحيته ورجع ع الفيلا ليلبس البدلة ..
وبعد مرور ساعات ومع اقتراب موعد الخطبة العرسان صارو جاهزين ...
زياد بعد ما جهز اموره ولبس بدلتو راح اخدها لالين واول ما شافها ابتسم وانسحر بجمالها وانوثتها ..
الين : احم احم شو رايك
زياد : انو شو رايي ع بالي اخطفك واحبسك وما اخلي حد يشوف كل هالجمال غيري ..
الين : هههه لا انت الغيرة ضربت عقلك ع الاخر
زياد : انا ما كنت بعرف اني غيور كل هالقد
الين : هههه ماشي وصلني ع الصالة قبل ما نتاخر
زياد : نروح ع البيت نوصل الاغراض اللي معك
الين : لا هيك رح نتاخر باخدهن معي مو مشكلة
زياد فتحلا باب السيارة وسرق بوسة منها بس ركبت
الين : اووف منك زياد
زياد : لا تتافافي جمالك لا يقاوم
الين : هههه ماشي مرقتها
زياد : باقي ساعة ع بين ما تبدا الخطبة رح وصلك وانا لازم ارجع اجيب المحابس نسيتهن بالبيت ..
الين : ييي زياد كيف بتنساهن خلي حد من اهلك يجيبهن
زياد : ما حد رح يعرف مكانهن ما بتاخر يا قلبي وعد
الين برمت بوزها : ماشي ..
زياد وصلها لالين وقعدها بالغرفة وهو رجع ع الفيلا ليجيب المحابس ..
***
زياد بعد ما جاب المحابس ورجع ركض وطلع لعند الين لياخدها ويدخلو سوا ع الصالة ..
فتح الباب والين ما كانت موجودة ..
دخل ع الغرفة وانصدم جمد مكانه لما شاف فستان الخطبة ع الكنبة والين مو موجودة ..
زياد ما كان مستوعب اللي صاير وصار يتلفت يمين وشمال وكان عم ياخد نفسه بصعوبة ..
زياد : الين وينك وينك الين شو صار ليش هيك عملتي لوين رحتي وتركتيني بهيك يوم ..
زياد شعر ان الارض انهارت تحت رجليه قعد ع الارض وصار يصرخ : اليييييييين لييش هيك عملتي اكيد انا بكابووس ما عم سدق اللي صار مستحيل اكيد في غلط ..
زياد اتمالك نفسه بصعوبة وقام عن الارض ، انتبه ع رسالة موجودة حد الفستان ..
ركض فتحها وقراها : زياد لا تستناني فكرت انو فيني بس ما قدرت انسى انك عرفت وحدة اسمها الين وارجع لحياتك السابقة ..
زياد جسمه صار يرجف وما استوعب الشي اللي قراو ، مسك الرسالة وشقها وكان قلبو واجعه ومقهور كتير خصوصا ان ما فهم شو صار ..
الكل استعوق العرسان وطلعو يشوفو ليش لهلا ما نزلو ..
ابو غسان بصدمة : شو عم بصير هون وينها الين
زياد دموعه ع خده وما عم يحكي شي لما شافتو نهى ركضت لعندو ومسكتو من كتافو : زياد شو صار شو حالتك هي ..
زياد كل كلمات الوجع ما كانت توصف حالته وبكل قهر : الين تركتني وراحت ..
رنا : كييييف وينها الين شو صار كنتو طيرانين ببعضكن
ابو زياد : شو رح نحكي للضيوف والمعازيم هلا
ابو غسان : لازم نعرف وينها الين ، مستحيل تتصرف هيك بلا سبب ..
زياد بحرقة : كانت عم تكزب عليي طول هالوقت ، ما حبتني وما قدرت تسامحني لهيك تركتني ومشيت بهاد اليوم لدوقني الوجع والقهر ..
ابو غسان : الين ما بتعمل هيك
زياد بعصبية : بنتك عملت هيك وليكها الرسالة بتاكد على كل شي ..
ابو زياد : انا رح اتصرف مع المعازيم ورح اتحجج باي شي شو هالفضيحة هاي ..
ابو غسان صار يدق ع الفيلا جاوب واحد من الخدم ..
ابو غسان : الين رجعت شي ع البيت
الخادم : ايه رامز بيك
ابو غسان : يعني الين هلا بالبيت
الخادم : عم تضب بشناتيها
ابو غسان : كييف لوين رايحة
زياد : وينها الين وينها
ابو غسان : بالفيلا ..
زياد سمع هالكلمة وركض بسرعة لسيارته ركبها وساقها باقصى سرعة ..لما قرب من الفيلا كانت سيارة الين طالعة لحقها باقصى سرعتو ..
بعد شوي الين وصلت ع المطار بعد ما قدرت بصعوبة تدبر تذكرة لاميركا وتركت مفتاح سيارة مع الخدم بالفيلا لياخدو السيارة من المطار بعد ما تركت رسالة لاهلها ..
***
الين نزلت من السيارة واخدت شنتايتها ودخلت ع المطار ، زياد كان عم يراقبها وعيونه عم تقدح شرار ومتل الجمر ..
نزل من سيارته ولحقها لالين ..
الين كانت داخلة المطار وزياد كان وراها وقف على بعد خطوات منها وكان بحالة لا يرثى لها
وبصوت عالي كلو وجع وحرقة : اليييييييييييييييين
الين بس سمعت صوتو وقعت الشنتة من ايدها والتفتت لورا وصارو قبال بعضهن ..
الين بس شافت حالته هيك خافت وصارت ترجف وبلعت ريقها بصعوبة ..
الين : زياد
زياد ودموعه ع خده : لييش الين لييش
الين حالتو هاي حرقت قلبها ونزلو دموعها ..
زياد بغضب : عم قلك لييش جاوبيني
الين : كان لازم يصير هيك
زياد بغضب عامي على عيونو قرب منها ومسكها من ذراعها بقوة وضغط عليهن : ما عم افهم هالحكي انا شو هو اللي لازم يصير هيك لا تجننيني جاوبيني ليش هيك عملتي ، كنتي عم تضحكي عليي ما سامحتيني عملتي هيك لتكسريني وتوجعيلي قلبي ..
اذا هاد اللي بدك ياه ليكو صاااار صاااار ..
الين دموعها غرقو عيونها ودفشتو لزياد بعيد عنها : حاجتك تخبيييص انا سامحتك ونسيت كل شي ، من قبل حبيتك وعشقتك ولحد هلا ما كزبت ولا بيوم مشاعري كنت سادقة معك بكل شي عشناه ..
زياد بصوت عالي وغضب : اذن ليييييش هيك عملتي لييش ..
الين بجنون : بدك تعرف ليش هلا بعرفك ليييش
اخدت تلفونها من شنتايتها وفتحتو وحطتو قدام عيونه لزياد : احكيلي شو هاد اه شوو هاد ..
زياد اتوتر واتفاجئ كتير وبصوت متقطع : شو هدول انتي من وين جبتي هدول ..
الين : بوقت كنت ناطرتك بالغرفة لتجيب المحابس وصلوني هدول الصور ع رقمي ، صورك انت وساندي ببيتها ليش لما شفناها ما خبرتني ، لما شفت هالصور طار عقلي ما قدرت اتحمل قربك منها كل هالقد ..
زياد : الين هالصور ما بيعنو شي صدقيني هالشي قبلك بكتير وما صار بيناتنا اي شي متل ما انتي مفكرة ، كانت سهرة شباب وصبايا ووقتها اخدتهن للصور وانا نسيتو لهالموضوع لهيك ما خبرتك ..
الين : هيك شي ما بينتسى سيد زياد ، انا راجعة ع امريكا وانت فيك تكفي بحياتك اللي كنت عايشها قبلي انا ما رح عطلك عن شي بعد اليووم ..
حملت شنتايتها وبدها تمشي زياد وقف بوجهها : اي حياة بدي اعيشها بعدك ، ليش انتي مفكرة اني كنت عايش قبلك انا كنت ضايع ما عندي هدف ولا عندي حد عشان اعيش مشانو ، انتي غيرتيلي كل حياتي ازا هلا بتنفس بسببك وازا رحتي رح تاخدي هالنفس مني وما عاد اقدر اعيش .. لا تتخلي عني الين المرة الاولى تركتك تروحي من ايدي بس هلا ما رح اسمحلك ..
الين كان قلبها محروق اكتر من زياد ..
الين بوجع : انت مفكر انو سهل عليي هالشي بعد ما عشت احلى ايام حياتي معك اروح واتركك بس ما فيني اتحمل اعيش بهاد الشك والغيرة ، انت وعدتني ان الماضي ما رح ياثر فينا بس ليكك شفت شو صار والله اعلم شو مخبى كمان ..
زياد قرب منها لالين ومسكها من كتافها : الين لا تسمحي لهالشي يفرقنا ، ساندي عملت هالحركة قصدا لحتى تفرقنا لا تخليهن ينجحو يبعدونا عن بعض انا بوعدك انو حياتي وانا كلي رح كون ملكك انتي وبس بعد هلا وما رح اسمح لاي شي او لاي حد يعكر علينا سعادتنا بس ارجعي معي هلا بترجاكي الين ..
الين : بعد عني زياد انا رايحة تاخر الوقت ع كلشي ، اخدت شنتايتها ومشيت قدام عيونه وما قدر يتحرك من مكانه بقي عم يطلع عليها لحتى اختفت من قدامه ..
زياد النار كانت شاعلة بقلبو وحس انو خسرها لالين ، الكل كان عم يطلع عليه وشفقان على حالتو ، ركض لبرة وهرب من قدام عيون الناس ..
وقف قدام سيارته وصار يضرب وصار يضرب فيها بايدو وبرجله بكل قوته وعم يبكي ويصرخ : انا بستااااهل انا بستااااهل اللي صار فيي شفت اخر ولدنتك مفكر انو ربنا بينسى حدا لما كنت تتسلى ببنات الناس ، ليكك دقت نفس الوجع والعذاب ...
دخيلك يا رب بوعدك اتغير ع الاخر وما عاد ائذي اي حدا بس لا تاخد مني اكتر حدا بحبه رجعلي الين وما عاد بدي شي ..
بييجي صوت من وراه : ربنا استجاب لدعواتك
زياد بيلتفت بسرعة وبتكون الين واقفة وراه بيحملها من خصرها وبيضمها بقووة ..
زياد : الحمد لله الحمد لله يا ربي
زياد بينزلها لالين وبيمسكلا وجهها : بحبك كتير الين اوعك تفكري تبعدي عني مرة تانية هلا عرفت انو هالوجع كتير صعب وما بينحمل ، كيف قدرتي تتحملي كل هالفترة ..
الين : ما كنت عايشة بطول هالفترة ، حبك بس اللي رجع عيشني واعطاني امل عن جديد ..
زياد ضمها وصار يشم بريحتها وشعراتها : لهلا ما بسدق اني كان ممكن اخسرك وتبعدي عني ..الين : خلينا ننسى اللي صار ونبدا حياتنا من هي اللحظة
زياد : سامحتيني
الين : الحب الحقيقي بيسامح كل شي وبيتخطى كل شي ، وازا في شي اقوى من الحب معناها هاد ما بيكون حب ما هيك ..
زياد : انا عرفت قيمتك ومستحيل ابدلك بكل نسوان الدنيا بحبك الين ..
الين : وانا بحبك كتير ، شو صار بالخطبة
زياد : اني خطبة هو ضل خطبة بعد ما شردت العروس
الين : ههههه مو مشكلة رح نعوضها ونعمل احلى عرس بس بشرط بلبس الفستان اللي بدي ياه وبعجبني ..
زياد : لا لا لهون ووقفي هالشرط مرفوض ، لوقت العرس رح تكوني متحجبة وبتلبسي فستان مع حجاب ..
الين : بالمرة نقاب كمان
زياد : اي مو غلط يا ريت والله
الين دقتو ع صدرو لزياد ، وزياد مسكلا ايدا وبنظرات كلها حب ..
طلع المحابس من جيبتو وفتح العلبة ولبسها المحبس بايدها وباسلا ايدها ..
زياد : مو ضروري كل العالم يشهدو ع حبنا ، انا وانتي بنسد محل كل البشر لانو تنيناتنا بس بنعرف شو احنا لبعض ما هيك ..
الين هزت براسها وطالعت المحبس من العلبة ولبستو ل زياد : بحبك زياد ..
زياد : وانا بموووت فيكي ..
زياد شدها لالين وباسها ع شفافها وسط كل الناس ..
الين بعدت بسرعة : لك شو عم تعمل يا مجنون وين مفكر حالك ..
زياد : هههه اللي عندو الي شي يجي يحاسبني بعدين هيك لحظات رومانسية ما بتمشي ع الناشف هيك لازم بوسة ..
الين : هههههههه
زياد فتحلا باب السيارة لالين وركبها فيها وهمسلها بادنا : رح نكفي رومانسيتنا بعدين وليكني بحكيلك ما رح اصبر كتير العرس رح نعملو الشهر الجاي ..
الين : ههههه ماشي ماشي بس خلينا نمشي هلا
زياد : من عيوني يا عيوني
الين : زياد احكيلي بحبك
زياد : ما رح احكيلك بحبك ..
الين بزعل : لييش
زياد : لان كلمة بحبك استهلكوها كتير وقالوها كتير قبلنا رح دورلك على كلمة مختلفة ما حد حكاها قبلنا ، كلمة تختصرني انا وياكي ..
الين : اممممم شووهي
زياد : ما رح تكون بحبك وما رح تكون بموت فيكي ، امممم يمكن بعيش فيكي لا لا حتى هاي لا ما لقيت الكلمة بس انا متاكد انها اكتر من هدول كلهن ...
الين : مو مهم الكلمة المهم احساسك وصلني فيها ..
زياد : وانا هاد اللي بيهمني
زياد شغل سيارتو بعد ما رجع حب حياته معه ورجعو ع الفيلا ...
وابتداءا من هي اللحظة كل واحد فيهم عرف قيمة التاني واتمسكو ببعضهن كتير وحبو بعض ع الاخر وما حد قدر يدخل بينهم وعاشو بسعادة وهنا .......
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*