الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `لهيب الحب*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#لهيب_الحب
#الجزء_السادس
الين رجعت لعند اهلها وكان وجهها ما بيتفسر ، الكل انتبه عليها ..
رنا : ماما فيكي شي وجهك لونه مخطوف
الين بتوتر : لا ماما ابدا بس انا حاسة بتعب خلينا نمشي
رنا : ماشي حبيبتي ، يلا ابو غسان خلينا نمشي..
ابو زياد : عاد قاعدين لسة
ابو غسان : قعدة لا تمل والله بس صار لازم نمشي
ابو زياد : اكيد النا قعدات تانية سوا
ابو غسان : اكيد ان شاءالله ، يسلمو ايديكم ما قصرتو
ابو زياد : ولو ما عملنا شي من واجبكم ..
ابو غسان : تصبحو ع الف خير
ابو زياد : تلاقو الف خير يا رب ..
وصلوهن للسيارة ورجعو دخلو ع الفيلا ..
زياد بالوقت هاد اجى من الحديقة ..
نهى : زياد انت شو حكيت مع الين لطلعت لونها مخطوف هيك ..
زياد ما جاوبها وضل طالع على غرفتو ..
نهى : اكيد زعلها ودايقها ل هالبنت ..
ابو زياد : الله يهديه لهالولد ..
***
الين كانت بالسيارة وشاردة وعم يحاكوها وهي مو مركزة معهن ..
ملك دقتها ل الين : عم يسالك بابا ازا انتي منيحة
الين : ايه بابا انا منيحة ما فيني شي بس تعبانة شوي
ابو غسان : يلا ليكنا وصلنا هلا بتنزلي بترتاحي وما بيعود فيكي شي ..
الين : ايه بابا ..
***
زياد طلع على غرفتو بدل تيابه ورمى حالو ع سريره ، حط ايده تحت رقبته وضلو صافن بالسقف وعم يفكر بكلام الين وصار يحكي مع نفسه : ما قدرت اتحمل شوفها بهالحالة كل كلمة حكتها وهي عم تطلع بعيوني كانت متل السكين عم تغرز بقلبي لازم استغل فرصة ان قريبة مني بالشركة واقدر اخليها تسامحني وبعدين انا متاكد انو هي بعدها بتحبني بس مجروحة كتير مني ومش قادرة تنسى اللي صار ..
الين وصلت ع الفيلا وضلت طالعة على غرفتها بدون ما تحكي ولا كلمة ..
دخلت على غرفتها وقفلت بالمفتاح بدلت تيابها بسرعة ورميت حالها ع سريرها وحضنت مخدتها بقوة ، على الرغم من تظاهرها بالقوة غدروها دموعها ونزلو لانو كانت موجوعة كتير وكابرت ع حالها طول الوقت ..
كانت عم تبكي بحرقة وتحكي مع نفسها : لييش هيك يا زياد ليش هيك عم تعمل فيني ، انا ما كانت مخططاتي هيك اول ما رجعت لهون ، ما فيني اضعف وارجع اعيش نفس الضعف والمعاناة من اول وجديد وما فيني ارجع الين القديمة ..
قربك مني عم يوجعني كتير لهيك انا لازم ابعد عنك بكافة الاشكال وما اسمحلك تقرب مني خطوة وحدة ، والا نار حبك رح ترجع تحرقني عن جديد وانا ما فيني اتحمل هالشي ..
تنيناتهن بقيو وقت طويل يفكرو بالشي اللي صار معهن ، وكل واحد فيهن نام وبراسو خطط جديدة وقرارات جديدة ح ينفذها ...
***
تاني يوم الين فاقت من نومها وجهزت حالها وطلعت من الفيلا ، وزياد جهز اموره وراح ع الشركة ..
زياد وصل قبلها لالين وسأل السكرتيرة ازا وصلت الين وخبرها بس توصل تخبرو ..
بعد لحظات وصلت الين وضلت داخلة على مكتبها ..
السكرتيرة دقت ل زياد وخبرتو ..
الين فاتت ع مكتبها شلحت جاكيتها وبقيت واقفة قبال الشباك ومكتفة ايديها ..
اندق الباب عليها بهالوقت ..
الين : فوتي يارا ..
زياد : وازا زياد ما فيه يفوت
الين بنرفزة : اطلع لبرة زياد ..
زياد : الين بدي احكي معك
الين : انا ما بدي احكي معك ، بقيت ترد عليه وهي لافة وجهها وظهرها اله ..
زياد ما سمعلها وقفل الباب ودخل ، الين فكرتو انو طلع لبرة ..
التفتت وكان واقف وراها ..
الين بخضة : اووف منك زياد حكتلك اطلع لبرة ما بدي حاكيك ..
زياد : وانا ما رح اطلع لبرة بلا ما احاكيكي ..
الين : بتوقع خلص كلامنا امبارحة
زياد : لاء ما خلص مشيتي قبل ما نكفي حكينا ..
الين : لو سمحت زياد بعد عن طريقي ولا بقى تحاكيني ، لا تفكر انو ممكن نرجع رفقات متل قبل مستحيل نرجع اي شي ، انا وانت ولاشي سوا زملاء بالشغل وبتمنى تلتزم بهالحدود معي ..
زياد بعصبية : حاجتك الين عم تضحكي ع حالك بهالحكي ، حكتى لو ما حاكيتي وكابرتي انا فهمان كل شي ..
قرب منها ومسكها من كتافها ووقف قبالها : انا بعرف بعدك بتحبيني ، ليكي كيف جسمك عم يرجف لما المسو ودقات قلبك بتزيد لما قرب منك ، نظرات عيونك كلها حب وشوق قد ما كابرتي شو ما عملتي وقد ما خبيتي ما فيكي تغيري هالحقيقة ..
الين جن جنونها وصارت تضرب ع صدرو بقوة وتصرخ : انا بكررررهك ما بحبببك اطلع من هووون واطلع من حياتي حاجتك تعذبني هيك انا ما بدي منك شي بس اتركني عيش بسلام وما بقى تذكرني بوجعي ..
صارت تمسك بالاقلام والملفات وبكل شي موجود ع الطاولة وترمي فيهم ع الارض : اطلاااااع اطلااااااع وما عاد تفرجيني خلقتك ...
زياد كان مصدوم من ردة فعلها وبنفس الوقت حس بقهر ووجع وما كان نفسه يتركها وهي بهاي الحالة بس خاف انو تجن اكتر ازا حاكاها او رجع قرب منها ..
تركها ومشي مع انو كان نفسو ياخدها لحضنو ويطبطب عليها ..الين قعدت على كرسي المكتب وصارت تاخد بشهيق وزفير لتهدا : خلص الين اهدي اهدي مرقت ما عاد يقرب منك ، ما عاد تضعفي قدامه ما عاد تسمحيله يرجعك لنقطة الصفر عن جديد ..
زياد راح ع مكتبو وكان عم يحس حاله مخنوق صار يفك بغرافتو وقعد ع كرسيه سند ظهرو ع الكرسي وغمض عيونه وحاول يهدا ..
بعد شوي فتح عيونه وصار يحكي مع نفسه : زياد انت ليش بدك تسامحك ، جرحت كتير بنات وما اهتميت اشمعنا الين هلا في نار عم تاكلك وبدك تسامحك وتنسى اللي صار ، معقول تكون حبيتها لا لا بس انت اكيد حسيت بغلطك وبدك تصلحو هاد هو لا اكتر ولا اقل ...
***
الين بعد ما هديت كان في شغل لازم تخلصه وزياد كمان حط تركيزو كلو بالشغل ورجع يشتغل ..
زياد وهو عم يقلب بالملفات كان في مشروع بحاجة لتوقيع الين عشان يسلمو بعد هيك ..
زياد مع نفسه : هلا ما بينفع ارجع لعند هالمجنونة رح تقيم الدنيا ع راسي ، بس لازم اخد التوقيع كيف كيف اه لقيتها ببعت الملف مع يارا لتوقع عليه ..
زياد راح لعند يارا وطلب منها تدخل وتاخد توقيع الين ع الملف وترجع تسلمو اياه ..
يارا استاذنت ودخلت لعند الين ..
الين : ايه يارا احكي
يارا : زياد بيك بعتلك هاد الملف لاخد توقيعك عليه لانو لازم يسلمو للمشروع اليوم ..
الين : اه هاتي اوقعه
وقعتو الين واعطتو ل يارا : يا ريت تخبري زياد بيك ان التواصل بيناتنا بعد اليوم رح يكون عن طريقك وبس ..
يارا : حاضر انسة الين ..
مشيت يارا وراحت سلمت الملف ل زياد ..
زياد : يسلمو ، ما حكت شي
يارا : خبرتني انو التواصل بيناتكم بعد اليوم حيكون عن طريقي ..
زياد بعصبية : فيكي تطلعي لبرة ..
زياد صار يحكي مع حالو : عم تزوديها الين ما بدها كل هالقد ، عنجد هالبنت جنت كتير بهالغربة بس معلش رح لاقيلك شي طريقة اتصرف فيها معك ..
الين خلصت شغلها واخدت غراضها ورجعت ع الفيلا ..
زياد طلع من مكتبو ..
زياد ل يارا : لساتها الين بمكتبها..
يارا : مشيت من شي نص ساعة زياد بيك
زياد : اووف منك الين رح تجننيني ..
زياد طلع من الشركة وركب بسيارته ورجع ع الفيلا ..
لما رجع زياد كان تامر قاعد مع اهله بالصالة وعم يحكو ..
ابو زياد : ابن حلال
زياد : مساء الخير شو فيي
ابو زياد : عم نحكي عن الين
زياد : عن شو عم تحكو عن الين
ابو زياد : بدنا نطلبلك ياها
زياد بدهشة : شوووو مستحيل
نهى : قرار نهائي
زياد : ايه
نهى : يعني انت ما بتشعر بشي تجاهها
زياد بغرور : لاء طبعا
نهى : ايه معناها رح نطلبها ل تامر
زياد لما سمع هالكلمة فقد صوابه وصار يصرخ : شووو عم تخبصوو الين وتامر سواا ما بتزبط
ابو زياد : ليش ما بتزبط
زياد : ما بتزبط وخلص وبتسكرو ع السيرة وما عاد تفتحوها ..
تامر : بس انا بدي ياها وما بدي سكر ع السيرة
زياد جن جنونو وركض لعند تامر ومسكو من ياقتو وبصراخ : انت جنيت كيف بتفكر بالين بهي الطريقة انت ما بتعرف انها بتحبني ..
تامر عم يحاول يستفزو وبصوت عالي : بس انت ما بتحبها ..
زياد بصوت رجولي خشن وعالي : امبلااا بحبها مين قلك ما بحبها ..
تامر اطلع على اهله وصار يضحك وكلهن صارو يضحكو سوا ..
ابو زياد : وليكك وقعت بالفخ سيد زياد
زياد استوعب المقلب ودفشو ل تامر ع الكنبة : شو بتفكرو حالكم عم تعملو ..
نهى قربت منه ومسكتلو وجهو بحنية : زياد حبيبي يرضى عليك صار وقت تفرحنا فيك ، وليكنا اخترنالك بنت ما رح تلاقي متلها وانت طلعت بتحبها ليش معترض
زياد : بس يا امي
نهى : بدون بس يا روح امك ، البنت كانت تحبك وما زالت ..
زياد : شو عرفك
نهى : اللي ما بيشوف هالشي بيكون اعمى ..
زياد : بس الين عم تتجاهلني وما عم تقبل تحكي معي كيف بدها تقبل تتزوجني ..
ابو زياد: انت احكي ايه وما عليك من الباقي ..
زياد : ما بعرف
تامر : ازا ما بدك انا بطلبها
زياد : اخراس تامر ازا بوصلك بموتك بايدي
نهى : شو حكيت
زياد : انا موافق بس الين
ابو زياد : اترك الموضوع علينا ، رح نزورهم المسا ونفاتحهم بالموضوع ..
نهى : والين رح تكون الك لا تقلق
زياد : وازا بترفض
نهى : انت رح تقنعها بحبك
زياد : ما عم تقبل تسمعني ..
نهى : لاقي شي طريقة جديدة
زياد : ماشي ماما انا رح اطلع على غرفتي وانتو اعملو اللي بدكم ياه ، اللي بيهمني الين ما ترفضني ..
نهى : ماشي حبيبي
زياد طلع على غرفته وقفل الباب ع حاله وشعر بتوتر وصار يروح ويجي بالغرفة ويفكر ويحكي مع نفسه : معقول اكون تسرعت اني قبلت ، الين هلا مو طايقتني كيف رح تقبل تتزوجني ..
بس انا عنجد طلعت بحبها وفكرة انو تكون مع حد تاني طيرتلي عقلي ، هلا لازم افكر بشي طريقة اكسب ثقتها وقلبها عن جديد ...
بالوقت اللي كان زياد قاعد بغرفته وعم يفكر ، اهله جهزو نفسهن وراحو لعند اهلها لالين مشان يفاتحوهم بالموضوع ...
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*