الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `لهيب الحب*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#لهيب_الحب
#الجزء_الخامس
رجعت الين ع الفيلا وكانو اهلها مجتمعين بالصالة ..
دخلت الين وراحت لعندهن ..
الين : مساء الخير
ابو غسان : مساء الفل حبيبتي كيف كان الشغل
الين : تمام بابا ما لقيت صعوبة بشي ..
ابو غسان : الحمد لله طمنتيني ..
الين : لا تقلق ..
رنا : ماما اليوم معزومين عندار عمك ابو زياد ع العشا
الين : ماما انا مو عبالي اروح
رنا : كل العزومة ع شرفك كيف ما بدك تروحي ..
ابو غسان : عيب بابا
الين : طيب ماشي
رنا : جهزي حالك ع بكير
الين : ماشي ماما ، ملك تعي معي نختار شو بدنا نلبس ..
ملك : اي يلا ..
****
زياد رجع ع الفيلا وكانت الفيلا معجوقة بالتحضيرات ..
زياد : ماما شو فيي
نهى : شو نسيت انو عازمين الين واهلها المسا ..
زياد : ايه انا ما رح كون موجود ..
نهى : ما رح تتحرك لمكان لاني وقتها رح ازعل منك وما عاد حاكيك ..
زياد بنرفزة : رح ابقى عشانك ماما ..
نهى : يرضى عليك حبيبي اطلع على غرفتك ارتاح شوي وبعدها جهز حالك بدي تكون انيق ..
زياد : ابنك دايما انيق ماما
نهى : ايه بعرف تقبرني
زياد : انا طالع على غرفتي ارتاح شوي ..
***
ملك والين طلعو على الغرفة وقعدو ع سريرهم وصارو يحكو ..
ملك : الين ليش هيك تصرفتي مع زياد وتامر مبارح ..
الين بهروب : مانو شي مهم ..
ملك : بتعرفي تامر كتير منيح بس زياد كتير عم اسمع عنو حكي مو منيح ..
الين : حكي متل شو
ملك : انو نسونجي وبيضل من بنت لبنت وكتير بيضحك ع بنات وبيتركهم ..
الين بغصة : اي متل ما هو ما تغير عليه شي ..
ملك : شو رح تلبسي الليلة ..
الين : فستان قصير
ملك : لوين قصير يعني
الين : للركبة ههه
ملك : اي لا تقصري اكتر دخيلك ..
الين : ماشي هههه
ملك : خلينا نجهز حالنا عشان نطلع غير شكل ..
الين : ايه يلا ..
****
الين وملك بلشو يجهزو بحالهن ..
الين طلعت من خرانتها فستان لون زهر بارد ستان للركبة وكمه ثلثين ..
عملت ميكب خفيف ولبست الفستان وفردت شعراتها ، طلعت بكامل الاناقة والجاذبية ..
ملك : واوو يا الين عنجد يوم عن يوم بتفاجئيني بجمالك ..
الين صارت تلف وتدور : ايه كيف طالعة
ملك : بتطيري العقل
الين : وانتي يا قلبي بتجنني طالعة ..
ملك : من بعد حلاكي ما في حلى ..
الين : تسلمييلي يا روحي يلا ننزل اهلك بكونو ناطرينا ..
***
الين وملك نزلو لتحت وكان ابو غسان ورنا ناطرينهم ..
الين : احنا اجينا ..
ابو غسان : شو هالحلاووة يا بنات
رنا : قمرات حبيباتي ..
الين : تسلموولي ما انحرم منكم يا رب
ابو غسان : ولا يحرمنا منك يا قلبي ..
رنا : خلينا نمشي بلا ما نتاخر
الين : اي يلا ..
***
في الفيلا عندار ابو زياد
زياد متمدد ع تختو نهى دقت الباب عليه وفاتت ..
نهى : زياد انت بدك تجنني يلا قوم جهز حالك الجماعة هلا بيوصلو ..
زياد : اي يوصلو لازم استقبلهم انا يعني
نهى : بلا غلاظتك زياد ، سحبتو من تختو وفتحتلو خزانته واختارتله بنطلون كتان كحلي مع قميص ازرق ..
نهى : هدول بيجنوو يلا البسهم وانزل
زياد بتافاف : ماشي ماما ..
نهى تركتو ومشيت وزياد بلش يبدل بتيابه ...
***
بالوقت هاد وصلو دار ابو غسان ع الفيلا دقو ع الجرس ، استقبلهم ابو زياد ونهى وتامر ..
سلمو ع بعضهن ودخلو ع الصالة ..
الين كانت عم تدور بعيونها ع زياد وتحكي بنفسها : معقول مانو موجود ..
الين وقفت : خالتو انا بدي ادخل ع الحمام ..
نهى : ايه تفضلي حبيبتي اكيد متزكرة وينو ..
الين : ايه ايه متزكرة
الين طلعت لفوق وكانت عم تتلفت يمين وشمال بلاش حظ يشوفها ..
وصلت لعند غرفة زياد ووقفت ورا الباب وقربت اذنها مشان تتسمع ازا موجود جوا ..
الين بنفسها : اووف ليه ما عم اسمع شي ..
زياد فتح الباب وكانت الين لساتها ع وقفتها ..
الين نزلت راسها وضغطت ع سنانها وكانت محرجة كتير من الموقف اللي صار ومش عارفة كيف رح تبررو ..
زياد كان مصدوم ومتفاجئ : الين شو عم تعملي هون وليش واقفة ورا الباب هيك ..
الين اتلبكت وتوترت كتير : انا كنت عم دور ع الحمام ونسيانة وينو عن اذنك ..
لفت حالها بدها تمشي مسكها من ذراعها وفوتها ع الغرفة وسكر الباب ..
الين : شو عم تعمل زياد شو هالتصرف
زياد : فكرك رح تمرق عليي هالحركات شو عم تعملي ورا باب غرفتي ..
الين : حكتلك شو كنت عم اعمل ، قربت من الباب بدها تطلع سبقها وقفلو بالمفتاح ..
برمت لورا بدها تبهدلو كان واقف وراها وقريب كتير منها ..
الين بتوتر : زياد افتح الباب وبلا حركات ولدنة ..
زياد ما كان عم يسمعلها وصار يقرب منها اكتر لحد ما لزق فيها ..
الين بطلت قادرة تاخد نفسها ..
الين بنفس منقطع : زيا..د بلا ولدنة بعد عني ..
زياد قرب منها اكتر وصار يشم بريحة عطرها ويهمسلها : حتى لو بدي ابعد عنك ريحتك بتشدني اكتر واكتر ..الين غمضت عيونها واستجمعت قوتها ودفشتو عنها ورفعت ايدها وضربتو كف ع وجهو رن بكل الغرفة ..
الين : هاد درس صغير الك عشان ما ترجع تقرب مني مرة تانية ، لا تفكر اني ممكن اضعف قدامك وانسى كل شي عملتو فيي ، انا مو متل الاشكال اللي بتعرفها لا تخلط بينا ... فتحت الباب وطلعت من الغرفة ..
زياد كان واقف بمكانو وحاطط ايده ع وجهه ومصدوم من اللي عملتو الين : هيك صفت يا الين ماشي مو زياد اللي بنضرب ومن بنت ورح فرجيكي ، بس انت التاني شو صارلك ما سدقت وشفتها وقربت منها هيك شو كنت عم تعمل يا زياد بس مع هيك ما كان لازم تمد ايدها ..
الين طلعت وكانت عم تتنفس بصعوبة وكانت حاطة ايدها ع قلبها : اخ منك يا قلبي كنت مفكرة انك نسيتو من زمان وما عاد تضعف قدامه ، ليش هيك عم تعمل فيي هاد الشخص اذاك كتير وجرحك كيف بعدك قادر تدقلو كيف كيف حاجتك ضعف قدامه عاد ..
استجمعت قوتها ونزلت لعند اهلها ع الصالة ..
نهى : استدليتي ع الحمام حبيبتي
الين بارتباك : ايه ايه خالتو ..
نهى : وينو زياد ما شفتيه ..
زياد : انا هون ماما ..
نهى : اهلين حبيبي تعال سلم ع ضيوفنا ..
زياد : اهلا وسهلا عمو كيفك ..
ابو غسان : اهلين حبيبي
زياد : كيفك خالتو رنا ..
رنا : يرضى عليك حبيبي
زياد : كيفك ملك
ملك : تمام زياد ..
زياد وقف قبال الين مشان يسلم عليها والين ما كانت ع بعضها لسة ..
زياد مد ايدو : كيفك الين
الين مشان ما تلفت نظر مدت ايدها وسلمت ع زياد : تمام
زياد ضغط على ايدها لالين بقوة ..
الين : زياد شو هالترحيب الحار ايدي لو سمحت ..
الجميع : هههههه
ابو زياد : لتكسر ايدها للبنت بالراحة عليها ..
زياد زورها لالين لان ما توقعها تحكي شي وفلتلها ايدا ..
ابو زياد : تفضلو ع العشا السفرة صارت جاهزة ..
قعدو ع السفرة وزياد قعد جمبها لالين بالعمدن ..
الين كانت رح تبدل مكانها بس ما حبت تلفت نظر ..
ابو زياد : تفضلو ما بدكم عزومة البيت بيتكم ..
زياد : الين شو احطلك بالصحن ..
الكل متفاجئ من تصرفات زياد مع الين ..
الين تلبكت : ما في داعي بحط لحالي
زياد : ابداااا العزومة هي ع شرفك ولازم ندللك
الين كانت عم تزورو ومندهشة من تصرفو ..
زياد : رح حطلك ستيك انتي بتحبيه ..
نهى : زياد بعدو متزكر شو بتحب رفيقته شوفو محلاهن سوا ..
رنا : اه والله رفقتهم كانت غير شكل ..
زياد بهمس ل الين : رفيقتي صارت تضربني وتمد ايدها عليي ..
الين بهمس : اي لسة قليل عاللي عملتو ..
زياد : كيف طاوعك قلبك تمدي ايدك ع الشب اللي بتحبيه ..
الين بنرفزة : اخراس زياد اللي قدامك مو بنت مبارح بنت اليوم بتكرهك وبتموت منك ..
زياد : هههه صدقت شفت كيف نفسك انقطع بس قربت منك ..
نهى : بشو عم تتهامسو اتعشو وبعدها احكو قد ما بدكم
زياد : اي بس نخلص بدي اسرقها ل الين منكم عاوزها بموضوع ..
الين دقتو ل زياد وبهمس : ما ضل شي نحكي فيه
زياد : لسة في اشياء كتير ما حكينا فيها ..
رنا : ايه اكيد فيكم تحكو بشو ما بدكم ، بس هلا خلينا ناكل ...
زياد : اي معك حق خالتو ..
الين كانت مغيوضة بس مو قادرة تحكي شي وعم تفكر بعقلها : لشو عم ترسم يا زياد شو هالتصرفات هي ..
كملو اكلهن وبس خلصو انتقلو للصالة قعدو ..
زياد : الين خلينا نطلع ع الحديقة نقعد ..
الين : خلينا قاعدين هون
رنا : ماما اطلعي مع زياد شو بدكم بقعدتنا مواضيع الشباب دايما غير ..
زياد : ايه الين عاوزك بموضوع ..
الين باستياء : ماشي
زياد : تفضلي معي ..
زياد اخدها لالين وطلعو ع الحديقة وبس وصلو ..
الين بنرفزة وعصبية : شو هالتصرفات هي لشو عم تخطط ، شو بدك تحكي معي ما ضل بيناتنا حكي ..
زياد حط ايدو ع تمها ليسكتها : اسكتي ليش بتصرخي رح تفضحينا ..
الين عضتلو ايدو ..
زياد : اااخ لك مجنونة شو عم تعملي شو هالتوحش اللي صايرة فيه ، اللي بيشوف كل هالجمال ما بيخطرلو تصرفاتك الهمجية هاي ..
الين بعصبية : قلتلك لا تقرب مني وما تلمسني ..
زياد : ماشي اهدي ممكن نقعد ونحكي
الين : شو بدنا نحكي ..
زياد : اووف الين روقي خلصنا تعالي نقعد
الين بتافاف : ايه عم اسمعك ..
زياد : ما رح احكي معك لتروقي
الين : انا ما بروق هيك بضلني منرفزة
زياد : معناها ما رح احكي
الين : بلاش انا رايحة ..
زياد وقف قدامها : لا لا خلص مشاني اقعدي خلينا نحكي برواق ..
الين : ماشي
زياد قعد ع المقعد وحط ايدو ع المقعد : تعي اقعدي جنبي ..
الين وافقت وقعدت حدو : شو الموضوع احكي يلا
زياد : معقول عم تكرهيني كل هالقد
الين : ايه
زياد : لا تجاوبي هيك اطلعي بعيوني وجاوبيني ..
الين اطلعت بعيونه ل زياد وهون حست حالها ضاعت بعيونه اللي كانت مشتقتلهم كتير وعم تكابر ع حالها ..زياد كمان كان عم يطلع بعيونها وكان لاول مرة بينتبه ع السحر والجمال الموجود فيهم واللي ما كان شايفهم من قبل ...
زياد وبعدو عم يطلع بعيونها : عنجد بتكرهيني من قلبك
الين بعفوية : ما بكرهك ..
زياد : جرحتك كتير ما ..
الين : كتير كتير
زياد : بتسامحيني
الين فاقت من شرودها بعد هالكلمة ووقفت من مكانها : اسامحك بهالبساطة شو عملت مشان اسامحك ، انت لهلا مو وعيان شو عملت فيي ولك انت كسرتني وجرحتني هزيت الثقة اللي كانت موجودة عندي ، كبريائي صار بالارض بسببك ..
بقيت لايام واشهر كل يوم انام ودموعي ع خدي ، ما قدرت انسى ولا كلمة قلتلي ياها ، الشي اللي كان عم يقتلني من جوا اكتر شي انو هالحكي هاد طلع من اقرب حدا لروحي واول واخر حدا حبيته ..
من بعدك ما قدرت احب حدا ، ما عاد وثقت بحدا صرت اشوف الكل متلك وبيشبهوك وبلحظة ممكن يكسروني ويجرحوني عن جديد ، لهيك كنت دايما عم اهرب وما اسمح لحدا يقرب مني كل هاد بسببك انت هلا عرفت كلماتك شو عملت فيي وبكل بساطة جاي تحكيلي بتسامحيني ..
تركتو الين ومشيت وزياد بعد كلماتها انقهر وحس بوجع كبير وعرف بوقتها قديش غلط بحقها وكسرها ...
زياد مع نفسه : يا الله يا الين كلماتك حرقتلي قلبي حرق ، معقول انا السبب بكل هالوجع والحزن اللي بعيونك عنجد ما توقعت انو كلماتي الطايشة بوقتها عملت فيكي هيك ، انا لازم اخليها تسامحني لانو بعد اليوم ما فيني اعيش بعد ما سمعت هالكلمات منها ...
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*