الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `لهيب الحب*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#لهيب_الحب
#الجزء_الرابع
تاني نهار ..
بيرن المنبه عند زياد وبيفيق عشان يروح ع شغله ، بيجهز حاله وبيلبس بدلته الرسمية وبيرش من برفانه الغالي والفخم وبينزل من غرفته ..
اهلو مجتمعين ع سفرة الفطور ..
زياد بكشرة : صباح الخير
الجميع : صباح النور
ابو زياد : مال خلقتك مو فاردها من لما رجعنا امبارح ..
زياد : ما في شي
نهى : شفتلي الين شو صايرة بتجنن
زياد بغرور : ما انتبهتلا ..
الجميع : هههههه
ابو زياد : والله منظرك كان متل اللي حدا كب ع وجهو بنزين ..
زياد بنرفزة : خلصنا لا بتجنن ولا ع بالها قد ما تغير بحالها بضلها بشعة يلا تامر قوم ..
تامر : ماشي يلا
زياد : سلام
ابو زياد ونهى : الله معكم ..
****
الين بهالوقت جهزت نفسها لبست تنورة سودة قصيرة مع قميص ابيض وكعب اسود ، عملت لمساتها الاخيرة ونزلت من غرفتها ..
اهلها كانو مجتمعين ع سفرة الفطور ..
الين : صباح الخير
الجميع : صباح الورد
ملك : اوبااا رايحة ع الشركة هيك
الين : شو فيها
ملك : اي هيك الموظفين ما رح يعرفو يشتغلو ..
الين : هههه
ابو غسان : الين تعي لعندي
الين : ايه بابا
ابو غسان مسكلا ايدا ل الين وسلمها مفتاح سيارة : هي السيارة الك ..
الين بفرحة : عنجد بابا ما عم سدق شكرا كتير كتير وقربت منه وصارت تبوس فيه ، يعني هلا فيني اروح ع الشغل بسيارتي الجديدة ..
ملك : تتهني حبيبتي ..
رنا : ماما انتبهي وانتي عم تسوقي
الين : حاضر ..
ابو غسان : انا نظمتلك الاجتماع والكل ناطرك لا تتاخري
الين : اي يلا رايحة بااي ادعولي ..
طلعت الين لبرة وطار عقلها بالسيارة الحمرا اللي كان نفسها فيها من زماان ..
ركبتها بلهفة وكلها حماس وراحت ع الشركة ..
***
زياد وتامر وصلو ع الشركة بهالوقت ..
السكرتيرة بس شافتهن : زياد بيك تامر بيك في اجتماع محضرلو رامز بيك ونبه ع الجميع يكونو بغرفة الاجتماعات بعد ربع ساعة ..
زياد : ايه ماشي
تامر : اجتماع شو هاد
زياد : شو بعرفني كمان شوي بنعرف
تامر : معناها امشي نستنى مع الجميع ..
****
بالوقت هاد وصلت الين ع الشركة لبست نظارتها ودخلت ...
وصلت لعند السكرتيرة ..
الين : صباح الخير
يارا : صباح النور ، تفضلي بشو بساعدك
الين : غرفة الاجتماعات وين ..
يارا : عفوا
الين : دليني ع غرفة الاجتماعات وتعي معي
يارا : ايه تفضلي
***
الين فتحت الباب ودخلت و شالت النظارة عن عيونها ..
زياد كان متفاجئ ومصدوم من تواجدها وصافن فيها من فوق لتحت ..
الكل بغرفة الاجتماع عم يطلعو ببعضهن وصافنين ..
الين : صباح الخير للجميع ..
الجميع : صباح النور
تامر بهمس : شو عم تعمل الين هون ..
زياد : ادعي بس ما يكون اللي ببالي ..
الين وقفت قبال الموظفين بجرأة وثقة : واقفة قدامكم الين رامز السيد وهي بتكون بنته لرجل الاعمال رامز السيد ..
الجميع : اهلا وسهلا فيكي ..
الين : انا عملت هاد الاجتماع اليوم لاعرفكم على مديرتكم الجديدة ، وابتداء من هي اللحظة رح اخد مكان ابي بالشركة بالتالي كل الصلاحيات رح تكون معي وما في قرار بيمرق بدون موافقتي عليه ..
كانت عم تحكي هالحكي وعم تتطلع بعيونه لزياد وكانو تحدي ..
الين : بتمنى ما اكون عطلتكم عن اعمالكم الاجتماع خلص ، فيكم ترجعو لاشغالكم وفرصة سعيدة ..
الين تركتهم ومشيت ..
الين ل يارا : دليني ع مكتب بابا
يارا : ايه تفضلي ..
زياد وتامر بقيو قاعدين بغرفة الاجتماعات ..
زياد كان كتير مغيوض منها وعم ياكل بنفسه اكل : لك شفت هالثقة والجرأة اللي بعيونها كانها عم تتحداني فيهن ..
تامر : عنجد الين ما عادت الين شفتلي لبسها كيف صاير ولا ثقتها وجرأتها كلشي فيها متغير ..
زياد : ايه معك حق
تامر : بس جسمها واووو..
زياد بنرفزة : اخراس تامر
تامر : ههههه شو ليكون غرت لاني بتغزل فيها ..
زياد : شو عم تخبص ليش بدي اغار عليها ، انا قايم حاكيها بكفي مسخرة لهون ..
الين كانت قاعدة ع مكتبها وساندة ظهرها ع الكرسي وحاطة رجل ع رجل ومغمضة عيونها والسماعات باذانيها ..
زياد فتح الباب بدون ما يدقو ودخل عليها وكان معصب كتير ...
قفل الباب وراح وقفل قدامها ..
الين كانت مغمضة عيونها ومو منتبهتلو ..
زياد لما وقف قدامها بلع ريقه بصعوبة وتلبك كتير ..
اخد نفس عميق وقرب منها لالين ومسك بالكرسي بايديه التنتين وصار قريب كتير منها لالين ..
الين حست بشي غريب فتحت عيونها كان قدامها وقريب منها كتير وعيونه قبال عيونها بالزبط ..
الين اوسعو عيونها وشهقت : شو عم تعمل هون
زياد : منيح حسيتي عليي
الين : شيل ايدك وارجع لورا ..
زياد : ليش خايفة تضعفي قدامي ..
الين بصوت عالي : عم قلك شيل ايدك وارجع لورا ..
زياد ع طول شال ايديه ورجع لورا ..الين قامت عن الكرسي : انت شو مفكر حالك عم تعمل اه ..
زياد : انتي اللي شو مفكرة حالك عم تعملي ..
الين كتفت دياتها : ليش شو عم اعمل انا ..
زياد : اجيتي اشتغلتي بالشركة ما حكينا شي ، بس ع الاقل ستري ع جسمك ..
الين : ليه شو مالو جسمي مانو عاجبك ..
زياد : لا تستفزيني الين ..
الين : مو هاد اللبس اللي كنت تحبو ع البنات وكنت تضلك تحكيلي يا ريتك نحيفة وبتلبسي هيك لبس ، ليكني نحفت وعم البس هيك لبس وين المشكلة ..
زياد : الين لا تجننيني ما انتبهتي كيف الكل كان عم يطلع عليكي ..
الين ببرود : انتبهت وما بيهمني ..
زياد : عنجد انتي مو طبيعية وين الين اللي كانت تستحي من خيالها ..
الين : ما عادت موجودة ..
زياد : الين انتي ما بتعرفيني منيح بس عقلي يطلع ما عاد بدي اشوفك بهيك لبس هون بالشركة فهمتي ..
الين باستهزاء : حاضر زياد بيك امرك ههههههه
زياد تركها ومشي وكان معصب منها والين كانت مبسوطة وعم تضحك ..
الين بنفسها : ما عرفتك والله يا سيد زياد اي شو عليه ، بس ليش هيك تصرف وكانت ردة فعله ..
زياد رجع ع مكتبو وكانت عيونه عم تقدح شرار ومو شايف قدامه : هالبنت رح تجلطني ازا بتبقى يوم تاني بالشركة والله يا ست الين لو بقيتي ببشاعتك احسن من شكلك هاد اللي عم تعرضيلي بجسمك فيه ...
بس انا ليش هيك مقهور يعني وتعرضو شو دخلني ، كل البنات اللي بتعرفهم يا زياد هيك لبسهن اشمعنا ادايئت من لبس الين اووف ..
زياد قعد ع مكتبه وكمل شغله والين كانت عم تتفحص بالمشاريع الجديدة ...
زياد والين بقيو ساعات طويلة بمكتبهن عم يشتغلو ..
لما خلص وقت الدوام طلعو تنيناتهن والتقوا عند باب الشركة ..
زياد بسخرية : كيف كان يومك الاول ست الين ان شاءالله كل شي تمام ..
الين زورتو وما جاوبتو وراحت ركبت سيارتها ومشيت ..
زياد كان واقف مكانه ومغيوض كتير من تصرفها : ماشي يا ست الين هلا بطل يعجبك الحكي معي ، نسيتي كيف كنتي تركضي وراي وتضلك تطالعي بحجج لتحاكيني شو عليه انا رح ارجع اذكرك بكل هالايام ...
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*