الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `لهيب الحب*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#لهيب_الحب
#الجزء_الثالث
الين كانت بغرفتها وعم تجهز بحالها ..
لبست فستانها الجلد الاسود القصير اللي كان بياخد العقل عليها ولابق ع جسمها كتير ..
فردت شعراتها وردت غرتها ع جنب وحطت حومرة لون احمر ..
وقفت قدام المراية وكان عندها ثقة كبيرة بحالها وجمالها ..
رجعت بذاكرتها ل ٥ سنين لورا ..
فلاش باك ***
بليلة كانو مجتمعين العيلتين سوا بعزومة ع العشا ببيت اهلها لالين ..
بعد ما خلصو عشا طلعو الين وزياد قعدو بحديقة الفيلا ..
زياد : ياه شو حلو الجوو بياخد العقل
الين كانت عم تتامل بالسما : اي كتير حلو ..
زياد : الين شو الموضوع اللي بدك تفاتحيني فيه ..
الين بخجل : في شي مو عارفة احبسو جواتي اكتر من هيك ولازم اخبرك ياه ..
زياد : احكي الين عم اسمعك في حد زاعجك او مدايقك ..
الين : زياد انت شو مشاعرك تجاهي ..
زياد استغرب كتير من السؤال : شو قصدك الين مشاعر شو ..
الين : زياد انا بحبك كتير انت بشو بتحس اتجاهي ..
زياد اتفاجئ ومتل اللي حد خبطو كف : الين شو عم تحكي حب شو هاد ..
الين : لا تحكيلي انك مو حاسس فيي ..
زياد بغرور وتكبر وقف من مكانه : انتي سمعانة حالك شو عم تحكي ، حب شو هاد اللي ممكن يكون بيني وبينك ما تفكري ازا احنا رفقات ممكن يصير بينا ..
الين اطلعي منيح ع حالك ع المراية معقول زياد يحب وحدة بهاد الشكل وهي البشاعة ، انا مرافقك لاني شفقان عليكي بس انتي عم يتهيالك شي تاني وعم ترسمي احلامك معي لهيك كان لازم افوقك ع حالك ، لا تحلمي يصير بيناتنا شي بيوم من الايام بتمنى يكون كلامي هاد فوقك ع حالك ..
زياد تركها ومشي والين جمدت مكانها وكانو عيونها غرقانة بالدموع ، قامت من مكانها وركضت على غرفتها رمت حالها ع التخت وصارت تبكي بحرقة ووجع كبير ..
****
باااك ***
الين جسمها انتفض بس تذكرت اللي صار معها وصارت تحكي مع نفسها : لساتو كلامك عم يرن رن باذني يا زياد وما نسيتو ولا بيوم وانت ازا نسيتو رح ذكرك فيه عن قريب ..
بهالوقت وصلو دار ابو زياد دقو ع جرس الفيلا فتحولهم الخدم واستقبلهم ابو غسان ومرته ..
ابو غسان : يا اهلا وسهلا بالحبايب شرفتونا ونورتونا ..
ابو زياد : اهلين بالغالي والله ..
ابو غسان : الحمد لله ع سلامة دكتورتنا الغالية ..
ابو زياد : الله يسلمك يا رب ، تفضلو ع الصالون وبنكمل حكينا ...
نهى ل رنا : الحمد لله ع سلامة الين اكيد الفرحة مو سايعيتك برجعتها ..
رنا : الله يسلمك حبيبتي ايه اكيد والله شايفتها ومو مسدقة ..
ابو غسان : كيفكم عمو زياد وتامر ..
زياد وتامر : الحمد لله عمو ..
اجت ملك وسلمت عليهم كلهن وقعدت ..
رنا : ملك حبيبتي خبري اختك انو ضيوفنا وصلو ..
ملك : حاضر ماما ..
زياد بهمس ل تامر : لسة الخانم بدها استدعاء رسمي لتيجي ..
تامر : اسكوت بلا فضايح ..
ملك طلعت ل تنده الين دقت ع الباب ودخلت ..
ملك : واوووو الين شو هاد الفستان بياخد العقل عليكي
الين : حبيبتي ملووكة ..
ملك : والله كلهن هلا رح يتفاجئو فيكي ..
الين : مين اجى
ملك : كلهن ..
الين : وزياد معهن
ملك : ايه ..
الين : خلينا ننزل اذن ..
ملك : يلا ..
الين اخدت نفس عميق وسكرت باب غرفتها ونزلت لتحت ....
بالصالة كلهن كانو عم يحكو ويضحكو سوا ..
لفت انتباهم صوت طقطقة الكعب اللي جاي ، عيون الكل صارت على الين وعلامات الدهشة والصدمة ع وجوههن ..
زياد كان اكتر واحد مندهش فيهم ، ضلو صافن بجمالها وبالتغيير اللي صاير فيها ، وما قدر يشيل عيونه عنها ..
زياد تلعثم بالحكي : مين هاي مستحيل الين ..
وضلت الين لعندهن : مساء الخير
الجميع : مساء النور ..
رنا : ماما سلمي ع دار عمك ابو زياد ..
مشيت سلمت عليهن واحد واحد ولما وصلت لعند زياد مدت ايدا ونظراتها كلن كانو ثقة وجرأة
الين : مرحبا زياد ..
زياد وبعدو مش مسدق : اهلين اهلين الين ..
الين راحت وقعدت قبالو لزياد وحطت رجل ع رجل ..
نهى : حبيبتي الين والله ما عرفتك شو عاملة بحالك ، حليانة وصايرة بتاخدي العقل ..
الين : تسلميلي خالة ..
زياد مع نفسه وعيونه كلها ع الين : مش معقول تكون هي الين نفسها ، اكيد في غلط اللي قدامي بتاخد عقل الواحد من راسه شو عاملة بحالها ..
ابو زياد : الحمد لله ع السلامة عمو الين كيف كانت الغربة معك ..
الين : والله يا عمو مزبوط اشتقت لاهلي كتير ، بس غسان هون عليي كتير الغربة ..
ابو زياد : المهم رجعتي وصرتي بين اهلك وناسك شو مفكرة تعملي هلا ..
الين : عم فكر افتح عيادتي الخاصة ان شاءالله ..
ابو غسان : احم احم خلينا نحكي بالشغل بعدين ، الين وملك خدو الشباب لبرة واقعدو بالحديقة اكيد اشتقتو لقعدات زمان ..
تامر : اه والله زمان عنك يا الينزياد لساتو قاعد من تم ساكت ومو مستوعب الصدمة ..
الين : تفضلو نطلع ع الحديقة ..
تامر بهمس ل زياد : ليش مبلم هيك قوم يلا ..
زياد : اه شو
تامر : امشي معي
زياد : ماشي يلا ..
...
طلعو ع الحديقة وقعدو ع مقعدين قبال بعضهن ..
تامر : ايه الين طمنينا عنك
الين : انا كتير منيحة تامر الك وحشة والله ..
تامر : تسلميلي ، عنجد فاجاتيني بهالتغيير ما عرفتك ..
زياد كان عم يراقبها ويتامل فيها وبطريقة كلامها وكان بعالم تاني ..
الين : هههه هيك صار
تامر : وانتي ملك كيف الدراسة معك ..
ملك : تمام والله عم اعمل اللي عليي
تامر : شدي الهمة بدنا نتيجة حلوة
ملك : ان شاءالله ..
تامر دقو ل زياد : اي زياد وين وصلت ..
الين اطلعت عليه وكتمت ضحكتها وكانت منتبهة انو ما شال عيونه عنها بالمرة ..
زياد بارتباك : اه ولا ع مكان ..
الين : ايه زياد وانت كيفك
زياد : انا تمام وانتي ..
الين : الحمد لله ..
زياد : كتير متغيرة
الين : وانت ع حالك ..
زياد : كيف يعني ع حالي
الين : يعني ما تغير فيك شي ..
زياد : ما عم اعرف ازا هاد مدح ولا ذم شو اعتبره ..
الين : لا تعتبره شي ..
زياد : ايه مو مهم اساسا ..
الين : وانا هيك رايي
تامر : احم احم مالنا ..
الين : ابدا انا عن ازنكم طالعة على غرفتي ..
ملك : ليش الين قاعدين ..
الين : هي القعدات ما بتناسبني كتير ، لولا انو ما حبيت خجل بابا ..
زياد بنرفزة : شو قصدك ست الين
الين : اللي سمعتو سيد زياد ..
زياد : اي لا ع شو نافخة حالك ومو شايفة حدا قدامك
الين : ايه مش يمكن هالطبع تعلمتو من اللي حواليي
زياد : بالناقص من هالقعدة اسااسا انا ماشي ..
الين : ايه فعلا بالناقص الله معك ..
رجع زياد وتامر ع الصالة وكان باين على زياد انو مزعوج كثير ..
زياد : بابا ايمتى رح نمشي ..
ابو زياد : كنا عم نستنا فيكم ..
زياد : ايه ليكنا اجينا خلينا نمشي ..
ابو زياد : طيب احنا بنستاذن منكم يا جماعة ..
ابو غسان : قعدة لا تمل والله خليكم قاعدين ..
زياد بعقله : اه لانو بنتك كتير بتحترم ضيوف ..
ابو زياد : بكرة عازمينكم ع العشا ع شرف دكتورتنا الين
ابو غسان : والله ما في داعي تغلبو حالكم ..
نهى : ما بنقبل اعذار بكرة بنستناكم انتو والصبايا ..
رنا : ان شاءالله حبيبتي ..
ابو زياد : يلا تصبحو ع خير بنشوفكم ع خير
ابو غسان وصلهن للباب وودعهم ..
***
الين طلعت على غرفتها بدلت تيابها وقعدت ع سريرها بيندق الباب عليها ..
الين : تفضل
ابو غسان : فيني فوت يا قمر
الين : اكيد حبيبي ..
ابو غسان : اكيد تعبانة وبدك ترتاحي ..
الين : معلش بابا القعدة معك بتسوى الدنيا ..
ابو غسان : الين يا اميرتي بدي اطلب منك طلب وبتمنى ما ترديني ..
الين بقلق: انت بتؤمرني بابا شو في ..
ابو غسان : ليكي يا بنتي انتي بتعرفي اني ختيرت والشغل صار بيتعبني وبدي حدا ياخد محلي ، اخوكي غسان مانو موجود وملك بعدها صغيرة ما الي غيرك ..
الين : بس يا بابا انت بتعرف انو انا حابة افتح عيادتي الخاصة ..
ابو غسان : بعرف حبيبتي بس بتقدري تاجلي هالموضوع شوي ، حاليا الشركة داخلة بمشاريع كبيرة خلينا نخلصها وبعدها فيكي تعملي شو بدك ..
الين : ازا كان بشكل مؤقت انا قبلانة بس ليكني عم احكيلك مو ع طول ..
ابو غسان : يسعدها اميرة البابا اللي ما بترفضله طلب ..
الين : ليش انا بقدر ، معناها بكرة الصبح بتنظملي اجتماع بس ع اساس انك انت اللي رح تحضرو ..
ابو غسان : شو مفكرة تعملي من اول يوم ههه
الين : هههه ولا شي بابا رح عرف الموظفين عليي
ابو غسان : اذن رح اتركك ترتاحي لانو بكرة ناطرك شغل تصبحي ع خير بابا ..
الين : تلاقي خير حبيبي ..
بعد ما طلع ابو غسان الين ابتسمت وصارت تحكي مع نفسها : ما كنت مفكرة بهالشي بس ليكها فرصة واجت لعندك يا الين وانتي لازم تستغليها منيح ...
الين طفت ضو الغرفة وغطت حالها ونامت ..
***
ابو زياد ونهلة قاعدين سوا بغرفة نومهم ..
نهلة : شفتلي ها الين شو صايرة بتاخد العقل ..
ابو زياد : ايه والله كتير حليانة ومتغيرة ..
نهلة : انتبهتلي ع زياد كيف اجتو الصفنة بس شافها ههه
ابو زياد : هههه ايه انتبهتلو ..
نهلة : انا رح ضل ورا هالموضوع ورح زبطهن لبعض ..
ابو زياد : وانا ما رح لاقي احسن من هيك نسب
نهلة : اذن توكلنا ..
ابو زياد : طفي هالضو خلينا ننام ، تصبحي ع خير
نهلة طفت الضو : وانت من اهلو ..
***
زياد كان قاعد بغرفتو ودمو محروق ع الاخر من الين وعم يفكر ويحكي مع نفسه : هلأ يا ست ألين بطلنا نعجبك يرحم ايام لما كنتي تتمني نظرة مني هلا القعدة معي ما عم تعجبك اي شو عليه ست الين ما رح مرقلك اللي عملتيه هيك ، الايام جاية ورح نتواجه كتير ..
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*