الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `ليتك لم تنتقم*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#ليتك_لم_تنتقم
#الجزء_الرابع
غيرت تيابي وقربت لعندا
زين : شوق يا شوق
شوق : اممم
زين : قومي لبسي مشان ننزل لتحت
شوق : اييي شوفي كرم حاج غلاظة
زين : انا مو كرم انا جوزك
شوق فتحت عيونها وشهقت وقت شافت زين ناحها : انت ششو عم تساوي هون
زين : نحنا اتزوجنا بعدين كيف هيك مالك متذكرة
شوق : ما بعرف مالي متذكرة شي ……… بعد بدي قوم
زين : اتفضلي
قمت على الحمام واخدت تيابي معي اتحممت ولبست فستان زهر قصير مونس وفردت شعري وحطيت مكياج خفيف كتيير مشان بين العروس الفرحانةة ولبست كلاش اببض كان زين طول ماعم اتمكيج عيونو علي عشرة على عشرة خلصت ونزلت انا وياه وقت وصلنا للدرج التاني …………
زين : مسكي ايدي مشان اهلي
شوق : بس قدام اهلك واصحك تفكر تاخد وج
زين : تمام متل ما بدك
مسكتلها ايدا يلي كانت صغيرة كتير وناعمة وحسيت قلبي وقف من كتر ما دق نزلنا على غرفة القعدة كانو عم يجهزو الفطور
شوق وزين : صباح الخير
خولا ويونس : صباح الفل
معن : كيفن العرسان
شوق غصبت حالها تضحك : الحمدلله بخير
زين : على كيف كيفك هههههه
منى : الله يهنيكن يارب ويفرح قلبكن
الكل : آمين
جهزو الفطور مع الخدامة جيهان (عمرها بين الاربعينات زوجها متوفي وكان ناطور المزرعة عند يونس وماعندها ولاد وملامحها كتير حنونة)
ـــــــــــــــــــــــــــــــــــــــــــــــــــــــــ
زين : ماما ناوليني الجبنة
خولا : تفضل
معن : شو صهر مالك مقرر تروح شهر عسل
زين اتطلع بشوق وقال : لاء بدنا نأجلها شوي
منى : ليش اخي خير في شي
شوق عم تسمع وماعم تحكي أبداً
زين : لا مافي شي بس في كم شغلة بالشركة لازم خلصن
يونس : روح ابني ولا تاكل هم شي انا بزبطن
زين : لا ابي معلش خليني انهي اموري
يونس : على راحتك
خولا : شوق حبيبتي ليش ماعم تاكلي
شوق : مالي نفس
خولا : خير فيكي شي بنتي
شوق : لاء الحمدلله
خولا : خدي هي اللقمة من ايدي
شوق : يسلم ايديكي مرت عمو
زين : عن اذنكم …… شوق لحقيني على الغرفة
شوق كبتت غضبا ولحقتو : خير شو بدك
زين : ما بدي شي بس مشان اهلي
شوق : اممم
زين : بدك شي
شوق : ………
زين : بخاطرك
شوق : ………
طلع زين من الغرفة وقعدت شوق تبكي وتتحسر على حالها غفيت وهي عن تبكي
دق دق دق
منى : بسم الله ليكون صايرلها شي ليش ماعم ترد
دقت وقت شافت شوق ماعم ترد فتحت الباب لقت شوق متسطحة وباين عليها بكيانة
منى : شوق حبيبتي شوق
فتحت عيونها : اه راسي عم يجعني
منى : سلامتك خير فيكي شي
شوق جلست قعدتها وحكت : لا ابداً
منى : حبيبتي لا تستحي مني او تخبي عني احكيلي عتبريني اختك
شوق : ……
منى : زين زعلك او دايقك
شوق : ……
منى : احكيلي دايقك شي مبارح ؟؟
شوق : لاء ابداً بس انا متدايقة شوي
منى : ليش ؟
شوق : مالي متعودة نام برات البيت
منى : اذا بدك خلي امك تجي
شوق : بشوف
دقت شوق لامها ***
شوق : مرحبا
سحر : اهلين حبيبتي كيفك
شوق : الحمدلله مشتاقة
سحر : كيفو زين
شوق غصت : منيح بسلم
سحر : فيكي شي
شوق : لاء بس ما بدك تجي لعندي
سحر : هلأ عالعصريات بجي
شوق : اي أهلا وسهلا
سحر : يلا بدي سكر لانو بدي جهز الغدا
شوق : تمام يعطيكي العافية
سحر : الله يعافيكي باي
سكرت الموبايل ونزلت لتحت
شوق : يعطيكي العافية
خولا : اهلين بنتي الله يعافيكي
شوق : ساعدك بشي
خولا : اي بنتي الله يرضى عليكي خدي عجنيلي هي
شوق : يلا بس لغسل
طبخوا شيش برك واستنوا معن ويونس وزين لحتى يجوا
دق دق دق
جيهان : اهلا وسهلا يا خانم تفضلي
سحر : اهلين فيكي
خولا : زارتنا البركة اي يا مية أهلا وسهلا فيكي
سحر : اهلين فيكي
خولا : تفضلي
اجتمعوا النسوان وبلشوا يحكوا ويضحكوا
فاتت شوق وهي حاملة العصير
شوق:اهلين وسهلين ماما اشتقتلك وبكيت
سحر:وانا كمان ياقلبي
خولا:حبيبتي شوق خدي امك وتفضلوا خدوا راحتكن بغرفتك
شوق:ماشي مرت عمي
طلعت شوق وامها عالغرفة
سحر:خير بنتي شبك مو على بعضك
شوق:مافيني شي امي بس اشتقتلكن
وبتبلش بكا
سحر:عاملك شي زين مزعلك؟
شوق:أبدآ ورسمت ضحكة كذابية
شوق:طمنيني كيفو اخي وخطيبتو؟
سحر : الحمدلله مناح
شوق : اي الحمدلله وكيفا تيتة
سحر : بتسلم
بيجو زين ومعن ويونس
يونس : السلام عليكم
خولا : وعليكم السلام
بتنزل شوق وامها من على الدرج
سحر : السلام عليكم
الكل : وعليكم السلام
خولا : يلا اتفضلو على الاكل تفضلي ام كرم
سحر : ان شاءالله غير مرة
خولا : يمين عظيم ما بتروحي الا لتاكلي
سحر : طيب ماشي
سحر : كيفك يا عريس
زين : الحمدلله مرت عمي
سحر : الله يوفقكن ويريح بالكن
خولا : آمين
يونس : بدنا نقضيها حكي يلا اتفضلوا برد الاكل
قعد زين ناح شوق وصار يطعميها بأيدو رغم انو لاحظ قديش منزعجة من تصرفو
دردشو شوي وبعدين راحت ام شوق على بيتها
بالليل طلعت شوق على الجنينة وصفنت بالسما وتذكرت كلشي صار معها متل شريط فيلم صارت تبكي
اجا زبن من وراها ولفها من كتافها
زين : ليش الحلو زعلان
شوق : زين مشان الله بعد عني ما بتحمل تكون قريب مني
زين : يا لطيف كل هالقد بتكرهيني
شوق : بكرهك اكتر من ما بتتصور
زين : بس انا صلحت غلطي
شوق : صح انت صلحت غلطك بس انت جرحت روحي والروح وقت بتنجرح صعب كتيير تترمم
زين حط ايدو على ايدين شوق : مشان الله قليلي شو ساوي لترضي والله انا ندمان زين الازعر راح شو ذنبي اذا انا عشقتك والله بموت فيكي وما بتحمل شوف دمعة منك
شوق : انت بدك سعادتي
زين شد على ايدها : اي
شوق : طلقني
زين قام ايدو من على أيدين شوق : الا هي
شوق : فهمني شو بدك بوحدة بتكرهك
زين : كل يلي بدي ياه شوف عيونك كل يوم
شوق : ليش انا
زين : لانك ملاك
شوق : وانت شوهت هالملاك
زين : ما كنت بوعي
شوق : وانا شو ذنبي
زين : ذنبك اني حبيتك
شوق : والنعم من هيك حب
زين سكت وصار يتطلع بالسما قامت شوق وطلعت على الغرفة تحممت و لبست قميص نوم موڤ قصير لفوق الركبة بشوي ونامت ……… طلع زين بعد شي ساعة على الغرفة شاف شوق نايمة ومبينين تقريباً كل رجليها قرب على التخت وشم شعرها ريحتها بتاخد العقل تمنى لو كانت قاعدة بحضنو وعم يلعب بشعرها ويبوسها فاق على حالو وقام من ناحها فرش على الارض ونام
فاقت شوق الصبح قبل زين غيرت تيابا ونزلت لتحت
ــــــــــــــــــــــــــــــــــ
شوق : صباح الخير
خولا ومنى : صباح النور
خولا : زين لساتو نايم
شوق : اي نايم ما حبيت ازعجو وفيقو
خولا : طلعي حبيبتي فيقي مشان يشرب القهوة معنا ويروح على الشغل
شوق تلبكت : يلا
طلعت لفوق وهي عم تتأفأف ييي علينا هلأ ضروري فيق السيد زين افف
ــــــــــــــــــــــــــــــــــ
شوق قربت لعند زين : زين يازين قوم
زين : امم
شوق : قوم شراب قهوة امك عم تسأل عليك
زين : قايم
شوق : يلا بقى قوم
قمت على الحمام غسلت وجي وفرشيت سناني
كانت شوق قاعدة على طرف التخت
زين : جيبيلي القهوة لهون زكاتك
شوق دارت وجها لعندو : بالله لتكون صدقت حالك
زين : ههه ما صدقت حالي بس حبيت شوفك وانتي معصبة
شوق : وان شاء الله عجبتك
زين قرب منها : عجبتيني كتير وخاصاً وقت غرزت غمازتك
شوق توترت وبعدت من عنو بسرعة
شوق : مطول
زين : يلا خلصت
نزلو لتحت
خولا : اهلين ابني صباح الخير
قرب لعندها وباس ايديها : صباح النور يا ست الكل
خولا : الله يخليلي ياكن وما يحرمني منكن ويسعدكن
شوق قربت لعندها وباستها من راسا : والله يخليلنا ياكي يارب
ــــــــــــــــــــــــــــــــــ
مرق شهرين على زواجن وزين دائماً يحاول يتودد من شوق بس شوق كانت تصدو متل العادة ……… جودي وسالم صارو يحبو بعض واعترفلا سالم بحبو وهي كانت بتبادلو بنفس المشاعر …… فرح وكرم حددو موعد العرس بعد عشر ايام من هلأ وقررت خالت كرم تجي وتحضر عرسو هي اكبر من سحر بخمس سنين وعندها ايمن اكبر من كرم بسنة وهنن رفقات كتير وامو اتطرت تسافر مشان شغل زوجها
على العصريات بتجي الخالة وسحر لعند شوق مشان تباركلها
ــــــــــــــــــــــــــــــــــ
جيهان : اهلا وسهلا فيكن تفضلو …… خولا خانم اجت ام كرم
خولا : يا مية اهلا وسهلا تفضلو …… ما عرفتينا
سحر : أي والله نسيت اختي ام ايمن
خولا : تشرفت فيكي تفضلي
ام ايمن : يزيد فضلك
خولا : عن اذنكن بدي نادي لشوق
سحر : ولا يهمك خدي راحتك
طلعت خولا لعند شوق
ام ايمن : والله باين هالجماعة اكابر
سحر : اي اكابر ومحترمين
ام ايمن : كيفا بنتك مع زوجا
سحر : الحمدلله مبسوطة
ام ايمن : اي والله الحمدلله
خولا : بنتي اجت امك وخالتك ام ايمن
شوق : عنجدد
خولا : اي
شوق : طيب شو البس
خولا : والله لو شو ما لبستي بتضلي اميرة
شوق قربت لعندها وباستها : الله يخليلي ياكي
خولا : والله انتي متل بنتي منى واعز
نزلت خولا
طالعت شوق فستان قصير لفوق الركبة بمنيح اسود ومن ورا فتح والقبة مدورة ناعم كتير فردت شعرا وتمكيجت مكياج ناعم ولبست كلاش اسود ونزلت
ــــــــــــــــــــــــــــــــــ
راحت لعند خالتا وضمتا وبلشو يبوسو بعض
شوق : اشتقتلك كتير
ام ايمن : والله وانا شتقتلك كتير يا عمري
شوق : كيفو عمو وايمن
ام ايمن : الحمدلله بسلمو اليوم في قابل يجي ايمن يشوفك
شوق : ان شاءالله يجي كتير مشتاقتلو
ام ايمن : تؤبري قلبي شو حليانة
شوق : عيونك الحلوة
فاتت جيهان وضيفة العصير
قعدو النسوان يدردشو ويضحكو ويتذكروا شو كان يصير معن ويحكو لخولا ومنى
خولا بتاخد شوق على جنب : شو زين ما بدو يجي على الغدا
شوق : لاء مرت عمو قلي اليوم بدو يتأخر هو وعمي
خولا : ايواا
ــــــــــــــــــــــــــــــــــ
بيندق الباب وبيجي كرم وايمن
جيهان : اتفضلوا
كرم وايمن : مرحباا
شوق : اهلين ايمن كيفك
ايمن : الحمدلله كبرانة يا فصعونة
شوق : شو غليظ … اكيد بدي اكبر كم سنة الك مو شايفني
ايمن : اووو اكتر من ست سنين
شوق : شو رأيكن نقعد برا بالجنينة
ايمن : اي حلو
كرم : يلا
طلعنا على الجنينة وقعدنا نتذكر ايام زمان
ايمن : تتذكر وقت كنا عم نلعب طابة وشوق نزلت وانا شطت الطابة على راسا
كرم : يي ما بنسى هداك اليوم صوتا ملا الحارة واكلنا اتلة حشك ولبك من ورا راسا
شوق : والله محدا قلكن تشوطو الطابة عليي يا حقراا
ايمن : والله كانت احلى ايام
كرم : اي والله
بهالوقت بيجي زين ووقت شاف شوق لابسة قصير وعم تضحك وفي واحد غريب كان في عقل وطار راح بسرعة لعندن
زين من بين سنانو : مين حضرتك
شوق : ابن خالتي ايمن
زين : تشرفنا
زين مسك ايد شوق وشد عليها واخدها على الغرفة
ايمن : شبو هاد
كرم : شبعرفني بكون غار عليها
ايمن : غار عليها مني
كرم : اي لانو ما بيعرفك
ايمن : والله شوق متل اختي واعز
كرم : بتمرق
ــــــــــــــــــــــــــــــــــ
طلع زين على الغرفة وسكر الباب حصر شوق بين ايديه وحكا من بين سنانو : ليش هيك لابسة
شوق كابتة غضبا : وشو دخلك
زين : والله دخلني يا مدام لاني زوجك
شوق : على ورق
زين : شوق لا تجنني ليش هيك لابسة قدامو
شوق : قلتلك ما دخلك بعدين هو ابن خالتي ومتل اخي
زين : اهلين اخي اصحك تلبسي هيك تاني مرة
شوق : ما دخلك حل من عني ياه ودفشتو
زين رجع حصرها وباسها من تمها بس هي البوسة غير كانت ناعمة كتير ورومنسية شوق استسلمت لقبلتو ورخت جسما
بيندق الباب عليهن زين دغري ببعد عنها وشوق يا دوب استجمعت حالها …… بيفتح الباب
خولا : نزلوا امي مو حلوة تتركوا الضيوف
زين : يلا امي دقيقة
سكر الباب
زين : بدلي تيابك مشان ننزل لتحت
شوق : بلاها هلق مو محرزة غير تيابي
زين : قلتلك غيريهن
شوق : يا اخي حل عني مابدي غيرن
زين : اولاً انا مو اخوكي وتانياً ما بتنزلي لحتى تغيرين
شوق : يييي علينا ……… طلاع لبرا
زين : ليش ؟؟
شوق : شو ليش مشان غير تيابي
زين : ما بقدر اطلع هلأ بكون معن هون …… خلص لبسي وانا داير وجي
شوق : اففف
كان زين واقف ناح الخزانة
شوق : بعد شوي
بعد زين شوي
قربت شوق تاخد تياب وزين كان واقف وراها تماماً قرب من رقبتها واخد نفس عميق شوق ما تحركت ابداً بلش زين يطبع قبلات ناعمة على رقبتها صارت حرارة شوق الف ودقات قلبها تسارعت كتيير
شوق : زين مشان الله بعد
زين مستمر
شوق : بعد عني
لفت وجها لعندو
شوق : فهمني شو بدك مني
زين : بدي ياكي
شوق : ……
تركتو شوق وراحت على الحمام بدلت تيابا
شوق : فيك تساعندي برفع السحاب
زين : اي طبعاً
وهو عم يرفعلا السحاب اتحسس ضهرا بايدو وهي عم تقاوم بصعوبة كبيرة طبعاً هي كانت بتقدر ترفع السحاب بس عملت هيك مشان تلوعو اكتر واكتر
شوق : يسلمو
زين : الله يسلمك …… يلا ننزل
شوق : ثواني لعدل مكياجي
زين : ضروري
شوق : اي ضروري
شوق : يلا خلصت
زين زلغط : لللللليش
شوق : هههه
ــــــــــــــــــــــــــــــــــ
نزلنا لتحت
زين : مساء الخير
الكل : مساء النور
قعدو يحكوا ويضحكوا وزين مو طايق ايمن ابداً ……. اجا يونس ومعن وانضموا للحديث
ــــــــــــــــــــــــــــــــــ
خولا : امانة عيدوها مرة تانية
ام ايمن : ما بوعدك لانو بعد عرس كرومة رايحة
خولا : الله ييسرلك
ام ايمن : بخاطرك
خولا : الله معك
سحر : امانة تعي لعنا
خولا : ان شاءالله بجي
سحر : يلا السلام عليكم
خولا : وعليكم السلام
كرم وايمن : بالإذن
خولا : الله معكن
شوق : عيدا ايمون
ايمن : ان شاءالله …… بكرا جهزي حالك بدنا نروح مشوار
شوق : من هلأ جااهزة
ايمن : منحكي
شوق : اوك
ــــــــــــــــــــــــــــــــــ
زين : شو يا مدام عم تخططوا وبدكن تروحوا ولا كأنو انا موجود
شوق : اي وشو دخلك بالنص
زين : بالله شو دخلني
شوق : سكر السيرة مو حابة اتخانق هلأ
زين : مافي روحة
شوق : مو على كيفك بدي روح وبعدين لا تنسى اني رايحة مع اخي وابن خالتي يعني مو رايحة مع حدا غريب
زين : اذا مصرة كتير انا بدي روح كمان
شوق : روح بس اذا بتدخل فيني على الطالعة والنازلة بتشوف شي ما بيعجبك
زين : يماما خوفتيني اي وشو بدي شوف يعني
شوق : شي ما بيعجبك
زين : متل شو يعني
شوق : ييي علينا شو دبقة خلص قلتلك شي ما بيعجبك نقطة
زين : صحي شو بدك تلبسي على عرس اخوكي
شوق : ما بعرف بدي انزل انا وجودي على السوق ونشتري
زين : ايوا
شوق : تصبح على خير …… بليز اطفي الضو
زين : وانتي من عيلتو
تسطح زين وهو عم يفكر بشوق لايمتى بدك تضلي هيك اخخ بس لو تنعاد البوسة يا الله ريحتها بتجنن نام زين وهو عم يفكر بشوق وشوق متلو نامت وهي عم تفكر فيه
ــــــــــــــــــــــــــــــــــ
متل العادة الصبح فطروا الرجال وراحوا على الشغل
تواعدت شوق مع جودي مشان يروحوا على السوق
نزلنا على السوق
جودي : يؤبر قلبي شو بحبو
شوق : ايمتى بدو يخطبك
جودي : ما بعرف بس عن قريب ان شاءالله …اي وانتي شو اخبارك مع زين
شوق : عال العال
جودي : بتحبي
شوق : شو هالسؤال اكيد بحبو
جودي : تعي نشوف هاد الفستان كأنو حلو
شوق : يلا
وقضيناها من محل لمحل وبعد ما خلصنا غراضنا كلن قعدنا بالكفتريا
شوق : سمعي بدي قلك شغلة مخبيتها عنك من زمان
جودي : احكي شغلتي بالي
شوق : ما بتزعلي لانو ما خبرتك
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*