الفصل 7
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `موسم النرجس*
*❴🔢❵الـــبـــــــــــ❴7️⃣والاخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#موسم النرجس...
#الجزء السابع الأخير..
- جمان: أنا رح ضل للمسا هون ورح أعمل حالي تأخر الوقت ورح أنام عندك وبس ينامو رح اتصل بأبو النور بياخدك للبيت وهاد المفتاح معي خديه
- سما بخوف: مين أبو النور؟
- جمان: رفيق باباا لا تخافي أنا بوثق فيه هو رجال كتير منيح
- سما: مااشي لازم خبر ضياء مو
- جمان: اي خبريه خليه يغيب عن الأنظار مشان تزبط القصة
- سما حملت جوالها وبعتتلو: كيفك ضياء..
- ضياء ردلها فوراً: تماام انتي كييفك
- سما: منيحة ليك ضياء بدي قلك شي
- ضياء: قولي
-سما: أنا رح أهرب من البيت لانو اخي بدو يرجعني لخليل ورح روح لعند رفيقتي وخليهم يفكرو اني هربت معك
- ضياء شاف الرسالة ودقلها بسرعة..
- سما ردت: الوو
- ضياء: انتي مجنونة شي
- سما: لييش
- ضياء: ليش لحتى تهربي لعند رفيقتك أنا عرضت عليكي هالشي خلينا نهرب عنجد سوا
- سما: مافيني ضياء وانتاا بتعرف ليش
- ضياء صفن وبعدها نطق: فهمت
- سما: انا رح أعمل هالشي عشان نكون مع بعض لهيك بدي ياك تختفي وتغيب عن الانظار مشان يفكر رائد اني هربت معك
- ضياء: ماشي رح أعمل اللي بدك ياه
- سما: انا هلق لازم سكر بدك شي؟
- ضياء: اي بدي
- سما: شو
- ضياء: بدي تقليلي انك بتحبيني
- سما اتطلعت بجمان واحمر وجها وجمان فهمت لحالها وطلعت من الغرفة..
- ضياء بحزن: مابدك تقوليها؟
- سما: بحبك ياروحي انتا
- ضياء ضحك: وأنا بحبك لموت
- سما: بعيد الشر عنك
- ضياء: لما تزوجتي موتيني
- سما: لا تقول هيك ، مافي رجال بيملكني غيرك تعدم الرجال من بعدك
- ضياء: بتعرفي شو جاي عبالي هلق؟
- سما: شو
- ضياء: بوسك حتى الخدر
- سما صار وجها متل الدم وماعاد عرفت شو تحكي
- ضياء: أمس لما صرت بوسك أنا ماكنت بعقلي الحب هو اللي كان مسيطر عليي
- سما: ضيااء خلص لا تحكي بالموضوع
- ضياء: ندمانة انك بستيني؟
- سما: ...........
- ضياء: عم حكيكي ندمانة؟؟
- سما: مابعمري بندم على لحظة قضيتها معك بس
- ضياء: بس شوو ؟ عم تفكري بهداك الحقير موو قولي ؟؟
- سما: لاا
- ضياء بعصبية: مبلى سمااا لاا تجلطيني
- سما: ليش معصب خلص شيلو من عقلك هو صار طليقي وصفحة وطويتها
- ضياء: كيف مابدك ياني عصب وهو كان زوجك عرفتي شو يعني زوجك يعني شاركك الهوا نفسو وكنتي قريبة منو يعني مسك ايدك وحاول يلمسك
- سما ابتسمت بسعادة من غيرتو عليها..
- ضياء: اي لا تحكي شي
- سما: انا رح سكر جمان الها ساعة واقفة برا عيب يلا باي حبيبي
- ضياء: لحظة لحظة .. افف فصلت.. حبيبي؟😍🫠 لك دخيل اللي خلقك اديش بحبك..
- سما وجمان قضو الليل عم يخططو كيف يهربو وبعدها خبرت سما أمها انو جمان رح تنام عندهم وأم رائد ماحكت شي بس رائد قلب وجهو ...
- جمان: ضبيتي كم قطعة تياب ؟ بلكي طالت القصة
- سما: لا ولله ماحسبت هالحساب رح قوم حط كم قطعة
- قامت وضبت شنطة صغيرة ورجعت قعدت تحكي مع جمان حتى الكل نامو وصارت الساعة12 ..
- جمان: يلا سما جاهزة؟ ابو النور صار باب البيت
- سما ضامة ايديها لبعض: خاايفة
- جمان: لاا تخافي
- سما: يلاا
- بوستها لجمان وودعتها و طلعت على رؤوس اصابعها وهي عم تتطلع حوليها وفتحت باب البيت شوي شوي وتركتو بدون ماتسكرو ع الأخير مشان مايطالع صوت وطلعت ركض ولقت التكسي فتحت الباب وركبت بتوتر..
- سما: مرحبا عمو
- ابو النور: اهلين يا بنتي
- سما: يلا امشي عمو
- ابو النور: يلا توكلنا على الله
- مشت التكسي وسما طول الطريق عم تدعي يزبط الموضوع هالمرة..
- ابو النور: لا تخافي يا بنتي نشالله رح تنجحي بالإمتحانات
- سما هزتلو براسها وهي مو فهمانة شي
- أبو النور: حكتلي بنتي جمان انو اخوكي مانعك من المدرسة وانتي حابة تدرسي وتحققي حلمك وتقدمي امتحاناتك لانو السنة الجاية عندك شهادة لهيك انا وافقت اجيبك حتى تقدمي الامتحان بدون مايمنعك اخوكي
- سما: شكراً كتير عمو
- أبو النور ابتسملها..
- سما بقلبها: مأقواكي يا جمان مدبرة القصة من كل النواحي ..
- بعد وقت وصلو ونزلها ابو النور ومشى ، طالعت المفتاح وفتحت وفاتت ، شغلت الأضوية كان بيت صغير بس حلو ومرتب فيه غرفتين ومطبخ وحمام ومرحاض..
- حطت شنطتها بالأرض وحملت الجوال وبعتت رسالة لجمان انها وصلت ولقت ضياء عم يبعتلها ويتطمن..
- سما: ضياء انا وصلت
- ضياء: الحمدلله ع السلامة
- سما: الله يسلمك
- ضياء: انتبهي على حالك رفيقتك معك مو
- سما: لا لحالي
- ضياء: كيييف لحالك؟؟ ماقلتيلي رح تهربي لعند رفيقتك
- سما: اي صح هاد البيت لأهلها بس مو ساكنينو
- ضياء: يا سلااام وانتي بدك تبقي لحالك؟؟
- سما: بس اليوم من بكرى رح تصير تجي لعندي جمان
- ضياء: اي هاتي العنوان جاي لعندك
- سما: لا مارح أعطيك ياه
- ضياء: لا تجننيني كييف بدك تضلي لحااالك
- سما: لك عادي البيت حوليه كلو سكن مافي شي بخوف
- ضياء: ولااا حرف بعتي العنوان
- سما: ماابدي
- ضياء: يا عفو الله ، لك ولله مارح قرب منك بنام كل حدا بغرفة منيح هيك؟
- سما: مو مقتنعة بحكيك بلكي ماسيطرت على حالك متل أمس
- ضياء: لك أنا بخاف عليكي من حالي بس أمس كنت مشتقلك كتير وكنت جانن انك تزوجتي ولما خبرتيني انو ما لمسك طار عقلي خلصنا بقى انسي
- سما: طيب رح ابعتلك ياه
- ضياء: ناطرك
- بعتتلو ياه وهو لبس بسرعة وحط المسدس على خصرو وطلع بالموتور بسرعة..
- سما كانت عم تروح وتجي بالغرفة ومتوترة وعم تتطلع ع الساعة اللي صارت 2 ..
وبعدين سمعت صوت موتور وقف باب البيت ، ركضت واتطلعت من الشباك وماشافت حدا وبعدها ماشافتو الا قفز قدامها وضحك ، هبط قلبها من الرعبة وعقدت بين حواجبها..
ضياء نقرلها ع الشباك انو فتحي الباب..
راحت فتحتلو ودخل ومعو كياس بيضا..
- ضياء: مسالخير
- سما: مسالنور شو هاد اللي بإيدك
- ضياء حطهم ع الطاولة وقال: أكل اشتريت وأنا جاي
- سما ابتسمت: خليني شوف
- فتحت الكيس الأول ولقت معلبات بأشكالها وجبنة ولبن وخبز وزعتر وسكر وشاي ، ضحكت وفتحت الكيس التاني ولقت بسكويت وشيبس ومارشميلو
- ضياء بإبتسامة: هدول إلك
- سما بفرح: شكراً كتيير
- ضياء مسك ايدها: تعي نرتبهم بالبراد
ابتسمت ومشت وراه ، فتحو البراد كان فاضي ضحكو التنين سوا وبلشو يرتبو الغراض فيه ، سما كانت حاملة الجبنة وبدها تحطها جوا البراد واصطدمت بضياء وضحكو سوا وبعدها صفنو بعيون بعض ..
- سما ابتسمت وبعدت: رح حطها بالبراد
- ضياء قعد ع الطاولة وصار يهز برجلو وهي عم ترتب الغراض..
- سما خلصت واتطلعت عليه: انا رايحة نام
- ضياء نزل ولحقها: وأناا وين بدي نام
- سما: بجيبتي
- ضياء: كهكهكه باايخة ، خدي الأمور بجدية أنا خاطفك عنجد
- سما: ههههههه
- ضياء وقف قدامها وصار يفرك ايديه: نحناا لحالنا هون وممكن استغلك لنوايا خبيثة
- سما مسكتو من خدو ومشيت قدامو
- ضياء ابتسم ومسك وجهو ولحقها: هلق جد وين رح نام ولو
- سما: هي الغرفة الي وهديك الك..
- ضياء: بس غرفتي ماافيها سرير يا ظالمة
- سما: هاد الموجود انتاا اللي عرضت تجي لهون ع أساس لتحميني بشو رح تحميني؟؟ هههه
- ضياء رفع قميصو وبان مسدسو على خصر بنطلونو
- سما حطت ايدها على تمها: مسدس؟ من وين جبتوو
- ضياء قرب راسو منها: جبتو لقوص أخوكي فيه بس ماحصلي الشرف
- سما: ضيااااء
- ضياء: لاا تخافي هاد للإحتياط والضرورة القصوى
- سما هزت براسها: طيب تصبح على خير
- ضياء مشي لورا وهو بيقول: وانتي من أهلي
- سما ضحكت وسكرت باب الغرفة ودخلت بالسرير وهي مبسوطة..
-------------------------------------------
- الصبح صحيت جمان على صوت أم رائد عم تقول: يلا يا صبايا نزلو على الفطور..
- نزلت ولقتهم قاعدين على طاولة الفطور..
- أم رائد: وينها سما ليش مانزلت معك؟
- جمان: ليش هي مو هون؟؟ انا نزلت وفكرتها عم تحضر الفطور معك
- رائد وقف: شووو سمااا وينهاااا
- جمان: ماا بعرف هلق فقت وكل فكري انها تحت معكن
- رائد: انتي بتعرفي شي؟؟؟
- جمان: لاا لااا مابعرف نمنا سوا وكلشي طبيعي وين بدها تكون راحت ليكون نزلت تشتري شي من الحارة..
- رائد حمل جاكيتو وطلع طاير يدور عليها وبعدها رجع ووجهو مابيتفسر..
- أم رائد: شوو ما لقيتهااا
- رائد: وينها رفيقتها؟
- ام رائد: راحت لبيتها
- رائد: ما الها أثر ، بنتك هالكلبة بدها تجلطني؟؟؟!! كييف بتطلع من البيت بدون ماتخبر حدااا ، روحي دقي على رشا ومعارفنا بيكون تخبت عند شي حدا منهم
- أم رائد هزت براسها وراحت ماخلت حدا وما سألتو وماحدا بيعرف وينها..
- رائد: ولله لموتهاااا
- راح لعند رشا يتأكد انو مو عندها وصار يدور هون وهون وارتفع ضغطو بالآخر مالقى خيار وصار يدق على بيت ضياء وفتحلو أبو ضياء..
- أبو ضياء: شوفي كل يوم جاي لبابنا؟
- رائد: ناديلي لضياء بدي ياه بكلمتين
- أبو ضياء: ضياء مو هون
- رائد احتقن وجهو: وينو؟
- أم ضياء: مابعرف مبارح طلع بنص الليل ولهلق مارجع وماعم يرد ع تلفونو
- رائد مسك راسو بإيديه وبعدها صرخ وضرب ايدو بالحيط وصارت تنزف..
- أبو ضياء: لك اهدى شبك
- رائد: لك ابنك خطف أختي خطفهاااا
- أبو ضياء: شوووو حاجتك كذب روح من هون يلا
- رائد: لك اختي مختفية كماان بشو بتفسر هالشي؟؟ ابنك الواااطي خطفهااا ولله لأشرب من دمو
- أبو ضياء: ولييش عم تقول خطفهااا بكون أختك هربت معوو نقلع من هوون ولاا ترمي بلاك عليناا
- ابو ضياء دخل وسكر الباب ورائد صار يتوعد ويسب..
-------------------------------------------
- سما صحيت ولقت ضياء واقف بالمطبخ ، اجى لعندها وباسها من خدها وهي ابتسمت
- ضياء: يسعدلي هالصباح
- سما: شو عم تعمل؟
- ضياء: كنت بدي أعمل فطور
- سما رفعت كمامها: خلينا نعملو سوا
- ضياء اتطلع فيها وابتسم بسعادة وبلشو يعدو الفطور وهنن بيضحكو وبيلعبو ❤️😂
- سما: يااااا فااار
- ضياء: وينو الفاار لا تخافي رح اقتلو
- سما ضحكت وطرقتو على كتفو: قصدي الابريق فاار يا مجنون
- ضياء مال عليها ومد ايدو وسكر الغاز
- سما اتطلعت فيه بعيون عم تلمع حب
- ضياء باسها من عينها وهمس: بعشق هالعيون وهالنظرات
- سما مشت من قدامو وقالت: مو احلى من عيونك بس بكفي غزل خلينا نفطر
- ضياء ضحك وشال الابريق وحطو ع الطاولة: يلا تفضلي
- قعدت مقابيلو وصارو ياكلو وهنن مبسوطين..
- ضياء حمل اللقمة وصار يقربها شوي شوي لعند تمها وهو عم يضحك وهي انقضت عليها وأكلتها من ايدو
- ضياء مسك ايدو: آآخ أصابعي
- سما: شبك؟
- ضياء: عضيتيهم يا مفجوعة مابتلبقلك الرومنسية
- سما:😂😂😂
- ضياء: لااا تضحكي
- سما وهي بتضحك: هي ضريبة الرومانسية
- ضياء باس أصابعو وغمزها: ضرب الحبيب زبيب
- سما: قليل أدب مش بإيدك
وهنن عم يحكو سمعو صوت الباب عم ينفتح ببطئ وحدا عم يفوت اتطلعو ببعض بخوف كبير بعدين سمعو صوت حدا بقول: سماا انا اجييت
- سما بفرح: هي جماان
- ضياء تنهد بإرتياح
- جمان: صباحوووو 😳😳 ضيااء شو عم تعمل هون
- ضياء: صباح النور ، سما خطفتني حتى تتزوجني
- سما ضحكت وضربتو على كتفو وجابت كرسي وقاعدتها لجمان معهم على الطاولة..
- جمان: سماا عنجد خطفتيه؟؟
- سما: ليك المجنونة صدقتو ، هو لما عرف اني لحالي هون اجى لعندي
- جمان: ياااا يعني انتو عنجد صرتو هربانين سواا
- سما: جماان عرفو اهلي مو ؟ شو صار احكي
- جمان: انا فقت الصبح وعملت حالي مامعي خبر واخوكي راح يدور عليكي وامك حملت الجوال وماخلت حدا ما سألتو اي بعدين انا رجعت ع بيتي ماعرفت شو صار بس ع الأكيد عرفو انكن سوا
- سما حطت ايدها على تمها: يا ويلي اكيد رائد جن ع الآخر ، انا بلشت خاف يا جماعة
- ضياء مد ايدو ومسك ايدها واتطلع فيها وحكى: لا تخافي وأنا جنبك أي ؟
- سما أخدت الأمان من عيونو وهزت براسها
- جمان كانت عم تراقبهم وهي مبسوطة وقالت بحماس: يا الله محلاااكن😍🥹
- سما وضياء اتطلعو فيها وابتسمو..
- خلصو فطور وقامو سما وجمان يجلو الجلي وضياء قعد بالغرفة وكل شوي يسألهم اذا خلصو..
- جمان: صرعلي راسي
- سما ابتسمت: يؤبر قلبي
- جمان ضحكت ورشتها بالرغوة وسما رشتها بالمي وصارو يلعبو ويضحكو ، ضياء سمع اصواتهم وقام وشافهم عم يلعبو صفن بسما وارتكى ع الباب وهو مبتسم وعم يتأمل ضحكاتها وشقاوتها ..
جمان انتبهت على ضياء وهمستلها: ليكي وينوو ..
- سما: تضربي اي
- جمان: روحي لعندو رح نظف المجلى وأجي
- سما: تمام
- مشت لعندو وهي خجلانة وهو لسا واقف على نفس الوضعية وعم يتطلع فيها..
لحقها وهو لساتو عم ينظرلها نفس النظرة..
- سما بخجل: ليش هيك عم تتطلع فيني
- ضياء: انسحرت
- سما: بمين؟
- ضياء: بالسماا
- سما ضحكت بنعومة
- ضياء: خليني آخد بوسة
- سما: لاا نحنا شو اتفقناا ؟
- ضياء: بس وحدة صغيرة
- سما: هئ
- ضياء: مابتحبي بوساتي؟؟
- سما ابتسمت بخجل شديد
- ضياء: بتحبيهم
قرب ليبوسها وهي مامانعت وفجأة بتجي جمان وبس تشوفهم بتقول بتنحرج وهنن كل واحد بصير بجهة
- سما: كاان في رغوة على خدي عم يمسحلي يااهن
- ضياء: اي صح
- جمان كتمت ضحكتها وقالت: اي فهمت
-------------------------------------------
- رائد كان طول الوقت عم يدور عليهن وطاقق عقلو وعم يسب وكل مايدق لسما بيلاقي جوالها خارج نطاق التغطية لانها كانت قافلتو..
وخليل كمان صرعو اتصالات ورائد يسب عليه ومايرد على الجوال..
اخر شي اخد عنوان بيتها لجمان وراح وأهلها حكولو انها مو بالبيت..
- أمها لجمان: يا ابني ليش عم تسأل في شي؟
- رائد: بصراحة شاكك انو بنتك عم تساعد أختي حتى تهرب
- أم جمان: مافهمت لوين تهرب
- رائد: مو مبارح نامت بنتك عند سما
- أمها لجمان: اي
- رائد: الصبح قمنا ومالقينا اختي بالبيت وقلبنا الدنيا عليها مالقيناها لهيك شاكك انو بنتك بتعرف شي
- أمها لجمان: هالبنت بدها تجنني خلص يا ابني اذا بنتي بتعرف شي انا رح خبرك فوراً ، عطيني رقمك حتى اتواصل معك
- رائد: شكرا خالتي ، سجلي عندك ****
-------------------------------------------
- جمان شافت اذا البيت ناقصو شي وتطمنت وراحت لبيتها..
- أمها: شو جمان نقلتي الواجبات من مرام
- جمان: اي
- أمها: فرجيني ياهن
- جمان توترت: شو بدك فيهم هلق ، انا فايتة على غرفتي ارتاح ...
- أمها اتطلعت فيها بتشكيك ولحقتها..
- أمها: بتعرفي مين اجى اليوم لعنا؟
- جمان: مين
- أمها: رائد أخوها لرفيقتك سما
- جمان بلعت ريقها وقالت بخوف: شوو بدو
- أمها: قال أختو هربانة مبارح من البيت وعم يدور عليها
- جمان: ....................
- أمها: انتي اجيتي من عندها الصبح بس ماحكيتيلي شي
- جمان: اه ؟ قلت شي مو ضروري
- أمها اتطلعت فيها بتركيز: جمان انتي مابتعرفي وينهاا ؟
- جمان: لااا شو بدو يعرفني
- أمها: انتي عم تحكي الحقيقة؟
- جمان: وليش لأكذب ماما
- أمها: اوعك يا بنتي نحناا مادخلنا بمشاكلهم وهي شغلة كبيرة مابدنا وجع راس
- جمان ظهرت عليها ملامح الخوف: طبعاً مادخلنا يصطفلو
- أمها بقلبها: نشالله مايكون شكي بمكانو ..
- تاني يوم رائد رجع ع البيت عم يكسر ويصرخ
- أم رائد: شبك شبك
- رائد: شرفي كل الحارة عم يحكو عن بنتك انو هربت مع واحد أزعر لك نفضحناااا ، ماعاد أقدر أطلع من البيت ، طلعي وسمعي شو عم يحكو..
- أم رائد: اهدى كلام الناس لا بقدم ولا بأخر
- رائد: ولله لأشرب من دمهم هالوسخيين
- جمان رجعت من المدرسة وفوراً بدلت تيابها واجت لتطلع..
- أمها: لوين؟
- جمان: رايحة لعند مرام ندرس
- أمها: اي روحي ياقلبي
- جمان انبسطت وطلعت ، لحقتها أمها ع البطيء وشافتها أخدت تكسي انصدمت واخدت تكسي هي كمان وقالتلو للشوفير: بسرعة الحق هالتكسي
- الشوفير: على عيني
- شافتهم بيسلكو طريق بيتهم القديم بلعت ريقها وشدت على ايدها وبالأخير وقفت التكسي قدام البيت ونزلت جمان وطرقت الباب وفي حدا فتحلها ودخلت..
- الشوفير: بدك تنزلي هون يا مدام؟
- أم جمان: اي اي بس ممكن تنتظرني دقيقة
- الشوفير: تمام
- نزلت مسرعة وقربت من البيت وسمعت اصوات ضحك ماعرفت تميزها ، حطت اذنها ع الباب وسمعت صوت سما وصوت شب وبنتها..
- حطت ايدها على تمها ومشت وهي بتهمس: الله لا يوفقك يا جماان
- طلعت بالتكسي واتصلت برائد وخبرتو انو عرفت وين اختو متخبية مع حبيبها..
- رائد: بسرعة بعتيلي الموقع
- أم جمان: رح ابعتلك ياه برسالة
- سكرت وقبل ماتبعتلو الموقع اتصلت بجمان وقالتلها: جمااان بسرعة تعاالي ع البيت حااسة حاالي دايخة
- جمان: شووو ماماا انا جااية بسرعة
- سكرت الخط ورجعت ع البيت وهي معصبة..
- سما: شوفي جماان ليش انخطف لونك
- جمان: ماماا تعبانة لازم رووح
- ضياء: عليها العافية
- جمان: شكرا الك يلاا بااي
-------------------------------------------
- رائد أول ماشاف رسالة الموقع حمل مسدسو وطلع بالسيارة وطار بأسرع مافيه ..
- ضياء وسما كانو آعدين وملانين وقررو يحضرو فيلم..
- ضياء: لا تجيبي فيلم رعب مشان ماتعملي فيها متل هديك المرة
- سما: هداك عنجد بخوف
- ضياء: ههههه جبانة
- سما: لاا مو جبانة يلا جكر رح نحضر هلق رعب
- ضياء: بربك لا
- سما: مبلى
- حطت الفيلم وقعدو قدام الشاشة وصارو ياكلو فوشار ، سما حست عليه كل شوي بيقرب منها أكتر ، ضحكت وقالت: حااج تلزق فيني
- ضياء: من الحمااس ليكي الشيطان وينوو
- سما: الشيطان بيناتنا 😂😂
- ضياء: مافي شيطان بوجودي انا هو شخصياً
- سما: وأنا الجنية
- ضياء لف ايدو على كتفها وضحك وقعدو يتابعو وهنن مبسوطين وفجأة رصاصة بتخرق الحيط بتخلي سما تصرخ من الخوف وضياء ينصدم..
- رائد من برا: اطلعووو احسن ماتموتو جوا هالبيت
- ضياء ضمها لسما بقوة وهي عم ترجف من الخوف
- رائد أطلق مرة تانية ع الشباك وتناثر الزجاج عليهن
- سما ببكاء: ضياااء شوو رح نعمل
- ضياء فوتها ع الحمام وقال: لا تطلعي من هون اي
- سما بخوف: وانتااا؟
- ضياء: لا تخافي رح كون منيح
- سكر عليها الباب وطلع مسدسو ومشى..
- رائد: يا ابن** اطلع انتااا وياها أحسن ما هد البيت على راسكن
- ضياء من جوا: مو ضياء المالك اللي بيستسلم
- رائد عصب وصار يطلق على الشباك ، ضياء انحنى ورا الكنبة وطالع مسدسو وصار يقوص هو كمان..
- ضياء: يااااا قليييل الشرف مارح أسمحلك تاخد سما مني
- رائد وهو بيقوص: اليوم راح تطلع مييت يا ابن***
- الجيران كانو عم يتطلعو من الشبابيك بخوف ...
- سما كانت مغطية راسها بإيدها وعم تبكي ...
- رائد: طلعي يا ساافلة طلعيييي
- ضياء ضرب رصاصة راحت تجي فيه لرائد ورائد صار يسب وخلص مخزنو وصار يعبيه..
- ضياء استغل الفرصة وركض ع الحمام ومسك ايدها لسما وطلعو من الباب التاني ..
- ضياء: رح نطلع ع الموتور تمسكي منيح
- سما طلعت وراه و مسكت فيه بقوة: يلااا
- ضياء طار فيها ورائد بلش يطلق ع الفاضي وبعدها خلع الباب ودخل ومالقى حدا وعرف انو هربو من الباب التاني وصار يصرخ بغضب وبعدين ركب سيارتو وراح فيها وراهم ..
- سما: ضياااء هي سيارة أخي جاية ناحيتناا
- ضياء اتطلع من المراية: يا ابن الحراااام لحقناااا
- أسرع ضياء كتير تارك وراه التراب عم يتطاير..
- رائد: اليووم رح أمسكن مارح خليكن تهربو يا كلاااااب
طار أكتر بالسيارة وهو معصب وبعدها طالع المسدس وأطلق رصاصة اجت جنب الموتور وهو ماشي..
- سما ارتعبت ورح تدخل جواتو لضياء ، ضياء حملها وحطها قدامو وسحب المسدس وصار يقوص على رائد اللي صارت سيارتو تهتز يمين وشمال..
- رائد: يلعن****
- ضل ضياء يقوص عليه حتى فجر دولاب سيارتو وكانت السيارة رح تقلب فيه..
- سما: ضياااء بكفي تركو
- ضياء اتطلع لقى سيارتو وقفت وصار الدخان يطلع منها..
- ضياء: تخلصنااا منو
- رائد نزل من السيارة واتطلع على الدولاب وصار يلعن وضرب السيارة برجلو وبعدين حمل الجوال واتصل بحدا
- رائد: اجمع الشباب كلهم وتعالو رح ابعتلكن الموقع وتسلحو بأي شي ...
- سكر الجوال ورماه لجوا السيارة وهمس: وين رح تروحو يعني ماضل غير الغابة ولله لأمسح فيكن الأرض ...
- ضياء نزل بنص الغابة وسما نزلت وهي بتتطلع حوليهاا
- سما: ضياء نحنا وين؟؟
- ضياء: بالغابة
- سما: يعني ضعناا
- ضياء: لا بس مافي طريق غير هالغابة الكبيرة
- سما: شو رح نعمل أنا خايفة
- ضياء: رح ندبر حالنا اليوم
حمل جوالو وصار يدق بس مافي تغطية ومشى لقدام حتى يلقطها ، سما لحقتو بخوف ومسكت فيه: ويين رايح؟
- ضياء: عم حاول القط التغطية
- سما هزت براسها وضلت جنبو
- ضياء: هاا لقطها
- ضياء: الوو شهااب
- شهاب: اهلين سيدي بشو بتأمرني
- ضياء: أنا بحاجة مساعدتكن جيب نمر وتعال على الموقع اللي رح ابعتلك ياه
- شهاب: أمرك سيدي
- ضياء: يلا انا رح سكر ...
- سما: مين هاد؟
- ضياء: واحد مابتعرفيه
- سما: وليش قلتلو يجي
- ضياء: لانو أخوكي الواطي ممكن يلحقنا لهون بأية وسيلة ونحنا بحاجة حماية
- سما صفنت ونزلت راسها: ليش حبنا صعب هالقد؟ ليش
- ضياء مسكها من كتافها ورفعلها راسها وقال: قد ماكان صعب رح ضل حارب حتى تصيري شريكة حياتي❤️
- سما ابتسمت وضمتو وهمست: الله يخليلي ياك ومايحرمني منك..
- بعد مدة كانو قاعدين تحت شجرة ضخمة والدنيا بردت ، شلح ضياء جاكيتو وحطو على كتافها..
- سما: أنا مو بردانة خدو
- ضياء: فستانك رقيق والدنيا برد لبسيه مابدي أسمع اعتراض
- سما ابتسمت ولبستو وقالت: شكراً حبيبي
- ضياء: هالكلمة بتاخد العقل
- سما مسكت وجهو واتطلعت فيه بتأمل وهمستلو: انتا اللي بتاخد العقل ، أقلك شي؟
- ضياء وهو بيتطلع فيها: قولي
- سما: انتاا كتير حلوو بحياتي ماشفت شب أحلى منك
- ضياء ضحك وصار جذاب أكتر ومال على اذنها وهمسلها: وانتي كنتي أحلى بنت بالمدرسة لهيك طبقتك😉
- سما طوقت رقبتو بإيديها وحكت بدلع: يعني حبيتني بس لجمالي
- ضياء حملها وقاعدها بحضنو وقال: لجمالك وغرورك ومنطقك و اجتهادك وكلشي فيكي
- سما سندت راسها على صدرو وغمضت عيونها وهو كان عم يشم شعرها بسكون..
- سما: قلبك عم يدق بسرعة
- ضياء: من العشق
- سما رفعت راسها واتطلعت فيه وبعدها باستو من شفافو
- ضياء: هلق مو بس عم يدق صارت حفلة جواتي
- ضياء مال لعندها ليبوسها وماسمعو الا صوت سيارة جاية ناحيتهم ، سما قامت بسرعة وضياء وقف يتطلع وبعدين قال: هدول شهاب ونمر
- سما فرحت وصارت تلوح بإيدها
- ضياء همسلها: صار الي عليكي بوسة ها
- سما ضحكت
- نزلو شهاب ونمر من السيارة واجو لعند ضياء اللي شرحلهم الوضع..
وهنن عم يحكو ماسمعو الا صوت رائد: طلعوو يا كلااااب
- سما بخوف: هااد رائد
- ضياء: شهاب نمر وقفو ورا الشجر ، سما تعي معي
- رائد صار قريب منهم ومعو 3 رجال ومعهم سلاح..
- رائد: طلعووو وينكن يا وسخيين ، محمد قوص
- محمد صار يقوص بشكل عشوائي والباقي صارو يدورو عليهن هنن ورائد..
- وشافهم واحد من رجالو وصرخ: رااائد هدول هنن
- رائد اجى بسرعة مع البقية ووقفو ورا الشجر ..
وضياء كان واقف ورا شجرة وسما وراه وشهاب ونمر كل واحد ورا شجرة..
- رائد: نحناا مارح نطلق النار ، سماا طلعي بدون مايروح دم
- سما اتطلعت بضياء بخوف وضياء همسلها: لاا تتحركي
حطت ايدها على تمها وصارت تكتم شهقاتها..
- رائد: سمااا طلعي أحسن مافضي المسدسات بروسكن
- رائد: هااد التحذير الأخيير اذا مابتطلعي رح يصير الدم للركب
- سما كانت ماسكة بقميصو لضياء بقوة وضياء اتطلع فيها وقال: جاهزة لحرب الحب؟
- سما هزت براسها: جاهزة أعلن الحرب..
- ضياء سحب مسدسو وأطلق رصاصة وبلش الرصاص يتطاير من كل الجهات ...
- رائد كان ثاير وعم يقوص بقوة وبعدها أشر لرجالو انو يقربو ، قربو وهنن مشتبكين..
- شهاب صاوب واحد منهم وطرق كفو بكف نمر ..
- ضياء: واصلو شباااب
- رائد أطلق رصاصة اجت جنب رجلها لسما اللي صرخت بخوف
- ضياء: يا ***** سمااا انتي منيحة؟
- سما: منيحة منيحة بس خفت لانو كانت قريبة مني
- ضياء: انا بفرجييكن ، صوب وأطلق رصاصة مرقت من جنب راسو لرائد ...
بعد وقت من الإشتباك فضت المخازن من الرصاص عند الطرفين..
- رائد: استسلمو احسن مانهجم وناخد البنت بالقوة
- ضياء: على جثتي مابتاخدها
- رائد أشر لرجالو: هجمو
- هجمو الطرفين على بعض وكل واحد علق مع التاني ، رائد تواجه مع ضياء وضربو بالبوكس
- سما: ضياااااء
- ضياء قام ودفشو لخبط بالشجرة وصار يضربو حتى نزف تمو وبعدها رائد تحرك ولكمو لضياء ببطنو وصارو يتضاربو
- اجى واحد من وراه لضياء وحامل عصاية وسما صرخت: ضيااااء انتبه
- ضياء التفت عليه ورفع رجلو وخبطو بين رجليه وهداك وقع بالأرض عم يتوجع..
- اجى التاني ومسك ضياء وضربو ورائد استغل الفرصة وصار يضربوه سوا ..
- سما: ضيااااااء لااا ضياااء
- اتطلعت بالأرض وأخدت العصاية من الأرض وركضت وضربت الشب على راسو حتى وقع بالأرض..
وماضل الا رائد اجى واستاولها بالكف ومسكها بقوة وصار يجرها على الأرض وراه ، اتطلعت وراها وهي عم تصرخ كان الكل بالأرض رجالو ورجال ضياء
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*