الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `موسم النرجس*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#موسم النرجس...
#الجزء السادس..
- سما صحت بكير ونزلت تعمل فطور..
وبلشت تحضر الفطور وهي عم تفكر وقلقانة وفجأة ما حست الا خليل ضمها من ورا ودفن راسو برقبتها..
- خليل: سماا بدي يااكي
- سما صارت ترجف وحاولت تبعدو عنها وماتقدر
- خليل: تركي من ايدك ولحقيني ع الغرفة
- سما: طيب
- تركها وراح للغرفة وهي صارت تتنفس بسرعة من الخوف ..
- سما: ياربي ليش هيك عم يصير معي؟؟ ماعندي قبول تجاهو عم أقرف حالي لما يقرب مني..
صفنت وتذكرت ضياء كيف كانت تذوب بين ايديه وترغب فيه لدرجة جنون..وكيف كان يسمعها أجمل كلام وينظرلها بعشق ، هالشي كلو ماعم تحسو مع خليل عم تحس انو راغب بجسدها وفقط..
- سما: بس خليل زوجي وطبيعي يكون هيك ، لازم أصبر أكيد رح أتعود عليه..
- أخدت الفطور وراحت لعندو..
- خليل: ماقلتلك مابدي أفطر
- سما: لازم تفطر مابصير
- خليل حمل الصينية وحطها على جنب وقرب منها وهمس: بدي ياكي انتي
- سما بخوف: أأناا
- خليل: لا تخافي مني
- سما اتطلعت فيه وحستو وحش ورح يفترسها وقامت وقفت وصارت ترجع لورا وهو يقرب منها حتى لزقت بالحيط وهو حاصرها هون قلبها صار يدق وتذكرت ضياء وغمضت عيونها وصارت تتخيلو قدامها ، خليل فكرها مستسلمة الو ، قرب أكتر وباسها بعنف وخشونة ، سما حست عليه فتحت عيونها ودفشتو بكامل قوتها عنها..
- سما بدموع: بعددد عنييي
- خليل بعصبية: لك شبكك
- سما: لااا تقرب
- خليل عصب وحملها ورماها ع السرير وصار يشلح قميصو..
- سما: أوعك لااا
- خليل: رح آخدك ان رضيتي ولا مارضيتي
- سما: أناا أناا بالدورة الشهرية..
- خليل وقف مكانو وتجمد وقال: شوو ، كيييف؟
- سما: أي الصبح إجتني
- خليل: لك الله ينزع صباحك ..
- سما تكومت على حالها وصارت تبكي وتدعي بقلبها تتخلص من هالورطة..
- خليل بغضب: ايمت بتخلصي منهاا؟؟
- سما بخوف: أسبوع
- خليل: اسبوووع؟؟؟ أنا بدي أتحمل أسبوع كامل؟؟
- سما: بترجاك فهمني
- خليل لبس قميصو: خلص قومي من هون ساوي أي شي
- سما قامت وهي بتتطلع وراها وخايفة
- خليل: وشهر العسل رح ألغيه وبنرجع للبيت
- سما: أي
- خليل عم يحاكي حالو: مابتعرف تاخدلها دوا لتأخرهاا شو هالبنات هي..
- سما بالمطبخ كانت ماسكة راسها وعم تبكي: ياربي شو هالمصيبة هااد ، هلق كذبت بعدين شو رح أعمل شوو
- سمعت صوت رسائل ع الواتس فتحتو ولقت أختها وأمها باعتين ليطمنو..
- سما بعتت نفس الرسالة للتنين وقالتلهم انو مشي الحال..
- أم رائد لما شافت الرسالة كانت عم تبكي وبعتت لسما: لو تشوفي يا سما شو عم يصير فينا💔
- سما: شوفي؟؟ احكي ماما قلقتيني انتي منيحة؟؟
- أم رائد: أخوكي أخدوه الشرطة ..
- سما: رائد!! لييش شو عامل؟
- أم رائد: ولاد الحرام متهمينو بالمخدرات وسيارت مسروقة ومدري شوو 😭 الله لا يوفقهم عم يفترو على ابني
- سما: اهدي ماما لا تبكي أكيد رح يتأكدو انو مادخلو ويتركوه وبيرجعلك سالم غانم..
- أم رائد: خايفة عليه خاايفة
- خليل: يا سمااا
- سما: ماما خليل عم يناديلي رح شوفو
- أم رائد: اي حبيبتي شوفي زوجك
- سما سكرت الجوال وراحت لعندو
- خليل: جهزي حالك رح نرجع للبيت
- سما: يلا
- لبست تيابها وراحو بالسيارة للبيت..
----------------------------------
- رائد: كذب هالحكي كذب أنا السيارات اللي ببيعها مو مسروقة
- المحقق: والمخدرات اللي كانت بمكتبك
- رائد بصراخ: مو إلي مو إلي
- المحقق: لاا ترفع صوتك
- رائد: انتو جايبيني لهون تضحكو عليي؟؟ أناا بريء من هالتهم
- المحقق: لا تنكر الدلائل ضدك
- رائد وقف: عم قلك أنا بريءء
- المحقق: اقعد ولا تعلي صووتك ، الظاهر مارح تعترف ، معناها استنى المحكمة ..
- تركو المحقق وطلع واجو تنين سحبوه ورجعوه للزنزانة ..
- ضياء كان قاعد على كرسي هزاز وصافن والسيجارة بإيدو..
- دخلت أمو لعندو: ضيااء لإيمت رح تضل هييك..
- ضياء: ليفرجها الله
- أم ضياء: صرلك غايب عن جامعتك شهر والكل بسألني عنك..
- ضياء: مين عم يسأل
- أم ضياء: رفيقتك ريتا بتضل تدقلي قلقانة عليك
- ضياء: لا تردي عليها
- أم ضياء قربت وقعدت جنبو: سما تزوجت يا ابني خلص انساها لا تعمل بحالك هيك كرمال حدا
- ضياء: سما ما دخلها
- أم ضياء: شو رأيك أخطبلك
- ضياء قام واتطلع فيها: خطبة؟؟ وين أنا ووين انتي؟؟
- أم ضياء: شو رأيك بريتا
- ضياء: أمي طلعي من راسي
- مشى وهي عم تحكي لحالها..
- ضياء مسك الجوال وبعت تسجيل صوتي لرقم من الأرقام..
----------------------------------
- سما وصلت ع البيت وبعد ما قعدت وارتاحت شافت رقم غريب وباعتلها رسالة صوتية ، حطت السماعات بأذانها وفتحت الصوت نقلبت وتلخبطت حطت ايدها على قلبها وهي حاسة بالقشعريرة اللذيذة..
رجعت عادت الصوت مرة تانية وقلبها لسا بيدق..
كان صوت ضياء وعم يقول فيه: كيفك شو أخبارك ياعروس..
حست بالخنقة بصوتو المهيب بس رغم هيك كان احلى صوت بتسمعو بحياتها كأنو إجى متل النسمة بعز الحر🩵🩵
- سما كتبتلو بإيد عم ترجف: منيحة كيفك انتاا
- شاف الرسالة فوراً وشافتو يكتب الآن ابتسمت وصار قلبها ينبض بشدة..
- ضياء: كيف بدي كون منيح وحبيبتي مع حدا تاني
- سما احترق قلبها وكتبت: ضياء كون منيح مو مشاني مشان حالك
- ضياء كتبلها بقهر: صرتي متزوجة؟ صرتي الو؟
- سما ماعرفت شو ترد عليه وسمعت صوت خليل سكرت الجوال وقامت..
- ضياء لما ماشاف ردها فهم لحالو ونزلو دموعو وصار يكسر كلشي حوليه ويصرخ 💔💔 كان مجرد التخيل انها مع حدا تاني يحرقو حرق بنار الغيرة..
- سما لصار الليل حتى قدرت تفتح جوالها ولقتو باعتلها: مبروك يا عروس مبروك..
صارت تبكي من قلب محروق وتدعي ع كل حدا كان السبب بفراقهم..
وكتبتلو رسالة طويلة ودموعها عم تنزل..
- ضياء لما سمع صوت جوالو بسرعة مسكو وصار يقرأ..
- سما: ضياء أنا بتمنالك حياة سعيدة وبتمنى تلاقي حدا يشاركك حياتك ويسعدك..
نساني ضياء ولاعاد تبعت على رقمي بترجاك ، أنا صرت امرأة متزوجة بتمنى تتفهم هالشي وتحترمو وشكراً لانك تطمنت عليي ...
- ضياء كل كلمة كان يقرأها يحسها سكين مسمومة عم تفوت بنص قلبو ، رمى الجوال بكل غضب على الحيط ونام ع الأرض بضعف..
- أم ضياء كانت شايفتو وعم تبكي واتصلت بريتا وخبرتها عن حالتو..
- ريتا: طيب أنا جااية
- أم ضياء: اي مشان الله رح يروح من بين ايديي حالتو مأساوية😭
- ريتا ركبت تكسي وبسرعة اجت ودخلت لعندو ولقتو بالأرض والجوال جنبو مكسور..
- ريتا: ضيااء يا قلبي قووم معي
- ضياء: ريتا تركيني
- ريتا: أنا مارح أتركك أبداً
سحبتو من ايدو وساعدتو ليقوم وينام على السرير وشربتو مسكن..
- ضياء بتعب: ريتا انتي بنت كتير لطيفة وقلبك طيب بس لا تضلي معي أنا شب مشاكلي كتيرة
- ريتا مسكت ايدو: أنا بحبك ورح ضل معك لو شو ماكانت ظروفك
- ضياء دار وجهو لتاني جهة وغمض عيونو..
- بعد مانام طلعت ريتا من الغرفة ولقت أم ضياء بوجها وضمتها بحنية..
- ريتا: خالة بدي أسألك
- أم ضياء: تفضلي
- ريتا: ضياء بحب بنت مو
- أم ضياء: اي وياريتو ماحبها
- ريتا: ليش
- أم ضياء: من لما حبها ما تهنى لحظة ، حبهم متل اللعنة..
- ريتا بعيون مدمعة: مافينا نجمعهم؟
- أم ضياء: هالشي مستحيل هي تزوجت لبرا البلد
- ريتا نزلت راسها وحكت: ضياء بحبها كتير بحياتي ماشفت حدا بحب هالقد
- أم ضياء: الله لا يوفقها هدتلو حيلو اذا الحب هيك مابدنا ياه ، بنتي خليكي جنبو أي
- ريتا بحزن: ماشي
----------------------------------
- أم خالد عرفت انو ابنها ومرتو ماراحو لشهر العسل وراحت لعندهم ع البيت فجأة وكانت سما بالبيجاما وخليل قاعد على الجوال وعم يلعب بوبجي..
- أم خالد: شو هاااد ، بنتي شوو لابسة انتي؟؟ هاد منظر عروس جديدة؟؟ وانتاا خليل خير عريس قاعد ع الألعاب؟؟ وليش مارحتو ع شهر العسل؟؟
- خليل قام بسرعة ومسك سما من خصرها: ماما قعدي مافي شي بس راحت علينا الطيارة لهيك مارحنا😅
- أم خالد صارت تتطلع فيهم بتفحص..
- سما فلتت حالها بسرعة وقالت: اهلا وسهلا مرت عمو ، ماري وينك عمليلنا نسكافيه
- ماري: أمرك ستي
- أم خالد: روحي البسي شي حلوو شو هاللبس هااد؟
- سما اتطلعت ع حالها وقالت: هيك مرتاحة مرت عمو
- أم خالد تزاورتها وبعدها طلبت منها تروح قال بدها تحكي مع ابنها على انفراد..
وبعد ماراحت اجى خليل لعندها ..
- خليل: انتي كييف بتردي بوجه أمي؟؟
- سما: مارديت ولاشي ماقلتلها غير اني مرتاحة بالبيجاما
- خليل بعصبية: بس تطلب منك امي شي بتنفذيه من تم ساكت فهمانة؟
- سما: أنا بلبس اللي بحبو ماحدا بيتحكم فيني
- خليل: ايواا بعدين انتي من الأساس ليش مشرشحة حالك الخزانة فوق مليانة تياب لبسي
- سما بإنزعاج: أنا مو مشرشحة بعدين ليكك انتا كمان لابس بيجاما
- خليل: أنا رجال أما انتي بنت لازم تكوني مزبطة حالك دائماً ..
- سما اتطلعت فيه بغضب ومشت وتركتو..
- سما: اجت أمو وحفظتو كلمتين وصار يخانقني هاد اللي كان ناقص كمان لاحقيني شو بلبس اووف يااا..
- قعدت بالغرفة وسكرت الباب وهي معصبة وحاكت رشا اللي عرفت من صوتها انها معصبة وسما خبرتها اللي صار ورشا قالتلها لازم تصبري وتسايري لانهم رح يدققو عليكي بالفترة الأولى وبعدين بصير عادي..
----------------------------------
- ضياء فاق ولقى ريتا نايمة ع الأرض جنبو وبعدين حست وفاقت..
- ريتا: ضيااء وين رايح؟؟
- ضياء: قومي روحي على بيتك
- أخد المسدس وطلع وريتا راحت تخبر أم ضياء ، ضياء نزل لتحت مسرع و اتطلع على بيت سما بحرقة ، رفع راسو وتخيل سما عم تضحك وتأشرلو من شباك غرفتها ، صرخ بكل قوة وطالع المسدس وصار يقوص على سيارة رائد المركونة قدام الباب ، وصار الزجاج يتطاير منها ، طلعت ام رائد وصارت تصرخ ..
- أم رائد: ساااعدوني سااااعدوني ، الله لا يوفقك سياارة ابنيي
- ضياء بعصبية: لك بعتو بنتكن بعتوهاااا ، حرمتوني ضو عيوني ..
- الجيران تجمعو وصارو يسمعو الحكي ويتناقلوه..
- ريتا صارت تسحبو من ايدو وهو لسا عم يتخانق مع أم رائد..
- أم رائد: خراااس يا حقيير ، بنتي الله عوضهااا بزلمة بجننن
- ضياء: قصدك ملياان مصااري لك الله لا يشبعكن
- أم رائد: يا قليييل الأدب والحياا عم تغلط معي؟؟
- ضياء ترك الكل وركب الموتور وطار فيه..
----------------------------------
- سما كانت قاعدة ع المرجوحة وصافنة واجت لعندها ماري وحاملة صندوق
- ماري: يا ستي وصلك هالصندوق من شركة توصيل..
- سما مسكتو وقالت: شكراً فيكي تروحي
- فتحت الصندوق وفاحت منو ريحة بتعرفها منيح ، صفنت لحظة وغمضت عيونها وضمت الصندوق لقلبها..
- سما بهمس: حبيبي حبيبي
- فتحت عيونها وطلعت اللي بقلب الصندوق كان كتاب ، مسكتو بعدم تصديق وقفزت من الفرح..
- سما: جريمة في قطار الشرق ، اجاثا كريستي ، النسخة الأصلية..
موو مصدقةة كتاب من النسخة الأصلية😍😍😍
صارت تلمسو بإيدها وضمتو بقوة وبعدها فتحتو ووقعت منو ورقة ، انحنت ولقطتها وقرأتها وصارو ينزلو دموعها ..
كان مكتوب: حلم من أحلامك شاءت الأقدار أهديكي ياه بعرسك🖤 مبروك سمائي..
- سما صارت تشم الورقة وتبوسها ببطئ وهي بتبكي وبعدين سمعت صوت خليل وخبت الورقة بجيبتها..
- خليل: ليش عم تبكي؟؟ شو هاد كتاب؟؟ من مين؟؟
- سما مسحت دموعها: أختي باعتلي ياه تذكرتها ونزلو دموعي
- خليل: ايوا ، طلعي جهزي حالك رح نروح لعند أهلي
- سما: خليها لغير يوم تعبانة
- خليل: مافيني أكسر كلمة أهلي عزمونا مو حلوة ماتروحي يلا روحي لبسي
- سما مشت قدامو وهي مقهورة..
----------------------------------
- رائد: طااالعوني وينكننن
- الشرطي: شبك ولاااك
- رائد: بدي أحكي مكالمة ضروريةة
- الشرطي: ممنوع الحكي
- رائد: بعرف ممنوع
- الشرطي: لكاان ليش عم تفتح تمك نقبر جوا وانخرس..
- رائد: استنى استنى
- الشرطي: شوفي؟
- رائد: عطيني جوالك أحكي منو
- الشرطي: انتاا مجنوون شي
- رائد: اذا بتخليني أحكي رح أعطيك مصاري كتير ، ليك وين مخبيهم
- الشرطي: كيف مفوت مصاري معك؟؟
- رائد: مادخلك قول موافق؟؟
- الشرطي اتطلع حوليه وعطاه الجوال وقال: بسرعة
- رائد اتصل بأمو : ألو أمي مامعي وقت كتير سمعيني منيح أنا لازم أدفع مبلغ كبير حتى أطلع من هون
- أم رائد: أديش؟
- رائد: 300مليون
- أم رائد: شووو من وين بدنا نجيب هيك مبلغ؟؟
- رائد: اذا ما دفعتو رح يحاكموني وأكيد رح عفن بالسجن ، أمي اتصلي بخليل صهرنا وطلبي منو يحولك المبلغ..
- أم رائد: بيعطينا؟؟
- رائد: أكيد أساساً هو ملياردير هدول من طرف الجيبة..
- الشرطي: يلااا ماخلصت
- رائد: فهمناا ، اي أمي حاكيه بسرعةة يلا بااي
- سكر الخط وطلع مصاري وعطى الشرطي اللي أخدهم وريالتو شاطة..
----------------------------------
- سما كانت قاعدة مع غنى وأمو وأبوه لخليل بعدين اجت منى من برا..
- منى: أخي هوون يا مية أهلا وسهلا..
ركضت وضمتو وصارت تبوسو وسلمت على سما بنشافة وبرود وقعدت معهم..
بعد شوي قامت غنى تجيب تلفونها من غرفتها وضلت منى مع سما..
- منى: ماني عرفانة على شو تزوجك أخي لا جمال ولا مال..
- سما: هالحكي إلي ؟
- منى: ليش في حدا غيرك قدامي ؟
- سما بصبر: أولاً من ناحية الجمال عندي جمال وأحلى منك ومن ناحية المال كمان عندي صح مابيتقارن باللي هون بس عندي والحمدلله..
- منى نغاظت منها لأبعد حد واتطلعت فيها بقهر كانت سما عم تشرب عصير قربت منها قصداً وخبطت فيها حتى اندلق العصير على فستانها..
- منى ببكاء: لاااا فستااني الجديييد لييش عملتي هييك..
- اجى خليل على الصوت وفوراً ركضت منى لعندو وعم تتصنع البكاء..
- خليل: شبك ياروحي؟
- منى: سماا
- خليل: شبهاا
- منى: دلقت على فستاني العصير
- خليل: شوو ، سماا لييش هيك عملتي؟؟
- سما بغضب: أختك عم تكذب أنا ماعملت هيك هي دلقتو ع حالها
- منى بدموع: صح كنا عم نتخانق بس مو تعملي هيك معي😭
- خليل مسحلها دموعها وسما واقفة مصدومة ..
- خليل: سما اعتذري منها
- سما بعصبية: ماارح أعتذر
- خليل: اعتذري من أختي
- سما: عم قلك ماارح أعتذر بلط البحر انتا وياهاا
- أم خالد دخلت من برا: شو هاااد عم تقللي من احترام زوجك؟؟
- سما: لا مرت عمو
- أم خالد: خلييل كيف بتسمحلها تعلي صوتها علييك ، ربيها وعلمها الأدب يلا..
- سما: أنا مرباية ببيت أهلي مو بحاجة حدا يربيني
- وهي بتحكي ماشافت الا خليل مد ايدو وطرقها كف قوي ، حطت ايدها على خدها اللي صار أحمر ونزلو دموعها..
- أم خالد: اي هيك كون رجال لا تسمحلها ترفع صوتها بوجهك..
- سما نزلو دموعها ما توقعت يكون خليل بيسمع كلامهم لهالدرجة وكأنو روبوت..
- سما تركتهم وطلعت وهي حاطة ايدها على خدها..
- أم خالد: لحقهااا وخدها ع البيت..
- خليل: رايح
- طلع خليل بالسيارة ولقاها بالشارع ماشية وعم تبكي حن عليها وندم..
- خليل: ماكان لازم أضربها قدامهم شو صرلي؟
نادالها: سماا سماا تعي طلعي رح نروح ع البيت..
سما تجاهلتو وبقيت ماشية وهو نزل من السيارة وجابها غصب عنها وحطها جوا السيارة ..
- خليل: انتي اضطريتيني أضربك ليش لتكبري راس خلص اعتذري من منى وخلصنا
- سما حست انها مو طايقتو جايلها رغبة ترمي حالها من شباك السيارة وتخلص منو بس تماسكت وبقيت ساكتة ومتجاهلة كلامو حتى وصلو البيت وهي نزلت فوراً وطلعت ع الغرفة وقفلت على حالها الباب..
- خليل: لييش قفلتي؟؟
- سما: ............
- خليل: طيب أنا رح ضل بالغرفة التانية وانتي خدي وقتك بالزعل بس تخلصي من الدورة تعي لعندي أي حبيبي..
- سما حست بالقرف منو فوق كل اللي عملو عم يقللها تعي لعندي بكل وقاحة..
- خليل كان قاعد وعم يلعب بوبجي وماشاف الا أم رائد عم تدقلو مكالمة فيديو
- خليل: شو بدها هي
- رد عليها وهو مبتسم وهي كذلك وبلشو يطمنو على بعض ومن هالحكي..
- أم رائد: يا ابني انتا بتعرف انو رائد بالسجن
- خليل: اي الله يطالعو بالسلامة
- أم رائد: الله يسلمك يا ابني ، بدي أطلب منك طلب وخجلانة
- خليل: مابدها خجل مرت عمي انتو ع العين والراس اطلبي شو مابدك ورح يكون حاضر قدامك
- أم رائد: ابني بحاجة مبلغ ليطلع من السجن
- خليل: أديش المبلغ
- أم رائد: 300 مليون
- خليل بصدمة: 300 مليون !
- أم رائد: نحنا مو قدرتنا ندفعو يا ابني ورائد يا حبيبي مظلوم مو عرفانة شو أعمل
- خليل: خلص مرت عمي لا تقلقي بكرى بكون المبلغ عندك
- أم رائد بفرح: ماني عرفانة كيف بدي كافيك انتاا شب بتجنن الله يرزقك أضعافو ياارب
- خليل: ولو مرت عمي الغالية نحنا عيلة وحدة
- بعد ماتشكرتو ألف مرة سكر الخط وتنهد ..
- خليل: ناقصني شحادين أنا ؟ بلشنا من هلق شحدة بس يلا كلو بهون كرمال هالقمر اللي جوا ..
- ضلت سما جوا الغرفة وماتطلع منها أبداً وبس تجوع تطلب من ماري تجبلها وجبة وخليل طول وقتو ع الألعاب ...
- سما كانت ماسكة الجوال وعم تقلب فيه بملل وفجأة بتشوف رسالة اجتها من رقم مو محفوظ ، دخلت وشافتها كانت رسالة وحدة عبارة عن كلمة كيفك ..
ردت الحمدلله بس مين معي؟ ، شافتو يكتب الآن واجتها الرسالة: أنا ضياء
- سما صار وجها أحمر وتركت الجوال من ايدها وهي عم تشد على ايدها..
ضياء صار يرسللها : وينك؟ ليش ماعم تردي؟ شكلك مابدك ياني أبعتلك..
- سما مسكت الجوال وبعتتلو بسرعة: مبلى بدي ياك
- ضياء شاف الرسالة وصفن فيها وقلبو صار يدق..
- سما: بقصد عادي يعني
- ضياء: بدي أسمع صوتك
- سما: ضياء مابصير
- ضياء: مابهمني بصير ولا لأ
- صار يدقلها وهي توترت وحطت الجوال وضع اهتزاز وركضت وحطت اذنها ع الباب ورجعت حملت الجوال وايديها بترجف..
- ضياء بعتلها: يلااا ردي
- سما ردت وحطت الجوال على اذنها وقلبها رح يخرق صدرها من النبض..
- ضياء: كيفك
- سما: منيحة
- ضياء: سماا
- سما بأنفاس سريعة: نعم؟
- ضياء: انتي مابتحبيه
- سما: مين
- ضياء: زوجك
- سما: ضياء بترجااك
- ضياء: انتي بتحبيني إلي
- سما: ضياااء
- ضياء: نمتي معو
- سما: بكفي ضيااااء
- تلخبطت وفصلت بوجهو ورجع يدقلها وكتبلها: خلص مارح أتدخل بخصوصياتك ردي
- سما تجاهلت وقامت تشرب مي وهي مقهورة ورجعت مسكت الجوال ولقتو كاتبلها: خلص لا تردي تتهني مع زوجك انسي اني حكيت..
- سما صارت تبكي وتهمس: ماقدرت خليه يلمسني لاني شفتك فيه ، أناا بكرهو وروحي متعلقة فييك ...
- ضياء ترك الجوال على جنب وتسطح على ظهرو وصفن بالسقف بعدها غمض عيونو وصار يتذكر أيامهم اللي قضوها سوا ويبتسم لا إرادياً..
-------------------------------------------
- بعد يومين رائد دفع المبلغ وطلع من السجن ورجع للبيت وأمو وأختو احتفلو فيه ..
- ضياء كان طالع ع الموتور وشاف رائد باب البيت وانصدم..
- ضياء: شووو عم تعملل هوون يا واطي
- رائد ابتسم: رجعت لبيتي
- ضياء هجم عليه ومسكو من قميصو: انتااا كييف طلعت يا كلب
- رائد: دفعت وطلعت
- ضياء: من ويين جبت المصااري
- رائد بلهجة مستفزة: من صهري مسند ظهري
- ضياء ضربو بالبوكس وقعو ع الأرض..
- ضياء: يا قليييل الشرف بعت أختك وعم تستفيد منهااا
- رائد: لو كنت عاطيك ياها ماكنت استفدت بليرة ولاهي تنعمت بالمصاري بس هلق عايشة فوق الرييح
- ضياء نزل لعندو ومسكو من قميصو وضربو بالبوكس
- ضياء: يا ** بلكي هي مابتحبووو بلكي هو وااطي متلك
- رائد: صهرنا آدمي مو متلك شقفة واحد صايع
- ضياء سحب المسدس عليه ورائد تفاجئ وبلع ريقو
- ضياء: بدك ترجعهاااا طلقهااا منو
- رائد هز براسو وهو بيضحك: مابقدر خليل بموت فيهاا
- ضياء عصب أكتر وخرطش المسدس: بدك ترجعهاااا أحسن مافضي المسدس برااسك
- رائد: فضيه براسي ومارح ترجع سما بحياتها لهون ..
- ضياء صرخ بأعلى صوتو ورفع المسدس وصار يقوص بالسماا
- طلعت أم رائد ع الصوت وصارت تصرخ وسحبت رائد لجوا وهو مبسوط على وجعو لضياء..
-------------------------------------------
- بعد كم يوم..
- خليل وهو بيدق على سما الباب: طلعي اسبوعك خلص يلااا
- سما كانت قاعدة بالزاوية وعم ترجف وكل مايدق تنقز بخوف
- خليل: اذا ما بتطلعي لأكسر الباب عليكي
- سما تشجعت وقالت: أناا مابدي يااك
- خليل اجتو بالصدمة: شوو ، مابهمني بدك ولا لأ اذا مابدك ليش سافرتي لعندي كزوجة لكااان
- سما ببكاء: أخي جبرني
- خليل بغضب: الله يلعنك انتي وأخوكي..
صار يضرب ع الباب بقوة وسما مرعوبة..
- خليل: فتحييي فتحي وليييك
- سما: تركني بترجااااك
- خليل تجاهل توسلاتها وخلع الباب وفات لجوا وسحبها بالغصب لغرفتو ودخل وقفل الباب وراه..
- سما: لا لا بترجااك لااا
- خليل وهو عم يقرب: أنا دفعت بلاوي لأخوكي مهر ومبارح دفعتلو لطلع من السجن وبدك ياني أتركك !
- سما نزلو دموعها: بترجاااك أنا مابدي أتزوج أخي جبرني
- خليل: خرسي ولاا حرف ، سلميني حالك ومارح تكوني الا مبسوطة..
- سما حملت كاسة المي وكسرتها بالأرض وحملت شقفة قزاز وحطتها على ايدها وهي بتبكي
- خليل: لك شووو عم تعمليي يا غبيةة
- سما: اذا بتقرب مني بقطع وريدي وبخلصكن مني
- خليل: سمعيني تركي من ايدك وخلينا نتفاهم
- سما: لااا مارح نتفاهم أناا مابدي ياااك طلقني
- خليل: طيب طيب بطلقك بس سلميني حالك ليلة وحدة
- سما بصراخ: شو مفكرني لعبة بين ايديك
- خليل: أنااا دفعت مبالغ كبيرةة واخر شي تروحي هييك
- سما: كلوو رح يرجعلك رح أتخلى عن كلشي المهر والذهب وكلشي بس طلقني
- خليل: والمبلغ اللي دفعتو مبارح لأخوكي
- سما: بوعدك رجعلك ياه
- خليل: بس أناا بدي ياكي
- سما: لاا تقرب
- خليل: خلص وقفت ، خلص أنا رح خليكي ترجعي لعند أهلك رح أعطيكي مهلة بلكي بيرجعلك عقلك..
- سما: والطلاق؟
- خليل: يا حبيبتي الطلاق مو سهل خلينا نعطي حالنا فرصة ، رح ترجعي لعند أهلك وبتفكري منيح بقصتنا ماشي؟
- سما هزت براسها
- خليل: أنا طالع بس لا تقفلي الباب
- سما: حجزلي تذكرة لبكرى
- خليل: لهالدرجة مستعجلة؟
- سما: اي
- خليل: ماشي
- خليل طلع وهي بسرعة ركضت وقفلت الباب وراه ..
- خليل: ناقصني مجانين أنااا ، شكلها رح تعذبني كتيير بس يلا مابعد الصبر الا الفرج ..
- سما قعدت تستنى خليل ليجي وجايبلها تذكرة كانت بس بدها ترجع لبلدها وأهلها حاسة حالها هون مخنوقة..
وهي عم تفكر سمعت صوت اشعارات الواتس بجوالها مسكتو وشافت ضياء باعتلها رسائل كتير..
- ضياء: كيفك
- ضياء: كيفك اليوم
- ضياء: طمنيني عنك انتي منيحة؟
- ضياء: اي لا تردي أنا الحمار اللي عم أبعتلك
- ضياء: ملتهية مع زوجك؟ عم يذوبك متل ماكنت أنا أذوبك؟ عم يبوسك متلي؟ عم يحضنك؟
- ضياء: سماا عم تموتيني ع البطيء لا تعملي فيني هييك
- ضياء: اليوم شفت أخوكي وطالع من السجن بمصاري زوجك ! هههه الدنيا وسخة وسخة كتيير
- ضياء: نسيتي حبك الأول؟ نسيتي ضياء؟ عمت على عيونك المصاري؟ كرهتك أناا كرهتك
- سما حطت ايديها على وجها وصارت تبكي ومسكت الجوال وحذفت الرسائل ، راحت للشباك فتحتو ووقفت صار الهوا يدخل وشعراتها يطيرو..
- سما: وينك يا بابا لو انك بالحياة ماكان صار فيني هيك 💔
- ضياء شافها ماردت همس: حقييرة ، وحظر رقمها بعصبية كبيرة وسمع صوت ريتا عندهم ، نادالها واجت لعندو وفوراً سحبها من ايدها وصار يبوسها بقوة
- ريتا بعدتو عنها بالغصب: شبك شبك؟؟؟ ليييش هيك عم تعملل
- ضياء: ريتاا تتزوجيني؟؟
- ريتا وقفت مصدومة
- ضياء: شوو؟ مو انتي بتحبيني؟ وافقي وخلينا نتزوج بسرعة..
- ريتا بدموع: اي بحبك بس مابقبل بشب قلبو عند وحدة تانية
- ضياء: بس أنا بدي أنساها وعم أعرض عليكي تكوني شريكتي بالحياة
- ريتا: مارح تنساهاا
حطت ايدها على قلبو وقالت: هي هوون
وحطت ايدها على راسو: كمان هوون ، انتاا بتعشقها
- ضياء: لك شوو بدك فيهاا انتي مابدك ياني؟؟
- ريتا: لا
- ضياء: مابدك تتزوجيني؟
- ريتا: لا
- ضياء قعد بإنكسار على السرير وهي طلعت وتركتو ....
-------------------------------------------
- خليل جبلها التذكرة لسما وقللها خديها..
- سما: فوتها من تحت الباب
- خليل تنهد وفوتلها ياها..
- خليل: بكرى جهزي حالك ورح وصلك للمطار
- سما: لا ارتاح رح خلي ابو عبدالله يوصلني
- خليل: بدك تروحي مع الشوفير وزوجك موجود؟
- سما: رجاءاً خليل
- خليل: ماشي
- سما طلبت ماري وقالتلها تجهزلها شنطة السفر ...
- تاني يوم الصبح طلعت سما مع الشوفير ع المطار وهي مبسوطة
- خليل اتصل برائد وخبرو بالموضوع ورائد جن جنانو..
- رائد: لك ايمت بعتتها؟؟
- خليل: من شوي
- رائد: لك كيييف بتبعتهااا
- خليل: لك كانت رح تعمل بحالها شي قلت بعطيها مهلة تفكر
- رائد: لك عم عم تكذب عليييك اذا رجعت لهون ماعاد ترجعلك بنوب
- خليل: شوووو
- رائد: لك أيي روح لحقهااا
- خليل سكر وطلع بأقصى سرعة للمطار وصار يدور عليها وراح سأل الموظفة قالتلو انو طيارتها طلعت..
خليل مسك راسو وقعد على مقعد من المقاعد ودقلو لرائد وقلو اللي
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*