الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `موسم النرجس*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#موسم النرجس
#الجزء الخامس
وبعدها دخل الحمام ووقف تحت المي الباردة وضل طول وقتو تحت الدوش وأمو قلقت عليه وخافت ليكون عمل بحالو شي جوا وصارت تضرب على الباب وتناديلو ولما شافت ماعم يرد صارت تبكي وتضرب على الباب أكتر وبعدها انفتح الباب وطلع ضياء ووجهو ذبلان ومتعرق..
- أم ضياء مسكت وجهو بخوف وقالت: حراارتك مرتفعةة ضياااء انتاا منييح؟؟
- ضياء هز براسو وكأنو مو بوعيو
- أم ضياء ساعدتو حتى يمشي لسريرو بس فجأة وقع من بين ايديها بالأرض وهي صارت تصرخ وتحاول تفيقو وبسرعة دقت للإسعاف ..
- سما سمعت صوت زمور سيارة الاسعاف واتطلعت من شباك الصالون وانصدمت لما شافت ضياء على النقالة وعم يدخلوه على السيارة..
- سما حطت ايدها على تمها وصارت تبكي
- سما: ضيااااء لااا كلوو بسببي أناا لازم موت وريح العالم مني ، يااربي أنا ماعاد أقدر أتحمل..
حطت ايدها على قلبها اللي صار يوجعها عليه وانحنت على ركبها وصارت تنتحب..
- أم ضياء وأبوه كانو قاعدين قدام غرفة ضياء وعم ينتظرو الدكتور ليطمنهم حتى طلع وصارو يسألوه وهنن خايفين..
- الدكتور: لا تقلقو ابنكن صار منيح ، كان متعرض لإجهاد عضلي زائد مع هبوط بالضغط هلق عطيناه منوم رح يضل نايم لبكرى
- أم ضياء بخوف: ليش المنوم
- الدكتور ابتسم: حتى يرتاح جسمو من التعب هو بحاجة هالشي بشكل أساسي..
- أبو ضياء: فينا نشوفو دكتور؟
- الدكتور: اي طبعاً
- دخلو لعندو وأم ضياء صارت تبكي..
- أبو ضياء: حاجتك بكاء خلص اطمني ضياء صار منيح
- أم ضياء: يلعن أبو البنات لك شب طول بعرض نايم هالنومة بسببها لو ماحبها وتعلق لهالدرجة ماكان صار هيك ، لو ماسكنا بهديك الحارة ماكان شافها لك الله يلعن هديك الساعة..
- أبو ضياء: لو تفتح عمل الشيطان شبك استهدي بالرحمن قولي الحمدلله اللي مرت هيك ..
- أم ضياء: لا حول ولا قوة الا بالله..
قربت وباست راسو وطلعو لبرا..
- سما ماقدرت تنام من قلقها على ضياء وبالأخير حطت مخدات تحت الشرشف وجهزت حالها وطلعت ع المشفى..
- سما: لو سمحتي فيني أعرف رقم غرفة المريض ضياء المالك..
- الصبية: لحظة ، اي بالغرفة 269
- سما تشكرتها وطلعت بالمصعد وبلشت تدور على الغرفة حتى شافت حالها قدامها ، اتطلعت من الشباك ومالقت في حدا عندو لهيك دخلت..
قعدت جنبو وصارو دموعها ينزلو
- سما: اسفة ضياء
مسحت دموعها ورجعو ينزلو من جديد : انشالله أنا ولا إنتاا ..
قربت وصارت تلمس شعرو بطرف ايدها : أنا مضطرة أعمل هيك صدقني فراقك صعب متل الموت ، نحنا جربنا كل الوسائل ومانفع يمكن القدر ضدنا ومو مكتوبلنا نكون لبعض..
- حطت راسها على طرف السرير جنب ايدو وغمضت عيونها : أدمنتك وصرت ماشي مع دمي ، هالشي ماعم ينقص عم يزيد ، بقربك عم يزيد لهيك لازم أبعد لانو عاطفتي عم تسحبني الك من دون وعي..
- اخدت نفس ووقفت ومشت ناحية الباب ، رجعت التفتت عليه وطلعت لبرا مسرعة..
- بعد اسبوعين..
- ضياء بعد مارجع من المشفى قرر يتجاهل شعورو ويرجع يكفي حياتو طبيعي مثل ما سما عم تعمل بس الجرح اللي بقلبو ماعم يلتئم والكل لاحظ عليه انو صاير جدي كتير وبارد بالتعامل..
أما سما فكانت عم تعد أيامها لسفرها ولبداية جديدة بحياتها فرضتها عليها الظروف..
كانت كل يوم تقعد مع أمها وأختها أكتر حتى تشبع منهم لانو رح تبعد عنهم كتير ، رشا طول الوقت كانت بتوعيها انها لساتها صغيرة على هالخطوة بس كانت مصرة..
- رشا: شو ذنبو ضياء حتى تتركيه وتتزوجي
- سما: ما الو ذنب بس صدقيني هو رح ينساني لانو رح أختفي من هون نهائياً
- رشا: يعني لهيك وافقتي تتزوجي على الكويت
- سما: اي كان البعد الخيار الأنسب ، يا رشا البعيد عن العين بعيد عن القلب
- رشا: طيب وخليل؟
- سما: شبو
- رشا: انتي مابتحبيه
- سما: مو المهم الحب المهم التفاهم
- رشا: لا وعم تحكي بثقة كماان
- سما ابتسمت
- رشا: ولله قلبك قوي ومو سألانة عن حداا
- سما: لكااان
- رشا اجاها اتصال من سامي وقامت تحكي وسما نزلت دمعتها اللي كانت مخبيتها و مسحتها بسرعة..
- سما بقلبها: قلبي مو قوي قلبي عم يرجف من الخوف ومن القلق ومن التعب ومن العشق المستحيل🖤 !
- بالجامعة طلع ضياء هو ورفقاتو على التدريب بالمشفى ودخلوهم يتفرجو على كيفية عملية استئصال الزائدة الدودية لمريض والبنات بلشو يعملو حالهم قرفانين من الدم..
- الدكتور بحزم: اذا كل هالقد قلبكن ضعيف ليش عم تدرسو طب ؟ يلاا قربو كلكن لهون وعطوني الأدوات اللي بقلكن اسمهاا وتابعوني منيح وأنا عم أشتغل..
- ضياء قرب وصار ينظر بتركيز وبعدها ماحس الا على زميلتو ريتا عم تتطلع فيه بدون توقف..
- ضياء وعيونو على العملية: زميلة ريتا ركزي بالشغل
- ريتا: اي مركزة لا تقلق عليي
- ضياء: مو قلقان بس مابحب حدا يتطلع فيني هيك
- ريتا بقلبها: أديش مغرووور اففف
- الدكتور فتح بطن المريض والبنات صرخو بصوت واحد وضياء حس بحدا لزق فيه وضمو ، اتطلع ولقى ريتا حاضنتو ومغمضة عيونها ، ضياء تذكر سما لما كانت تحضنو وبعدها عنو وصرخ: ميين مفكرة حاالك حتى تضميني؟؟؟ احكييي؟؟
المتدربين كلهم صارو يطلعو فيه مصدومين وريتا صارت تبكي وركضت لبرا ولحقوها زميلاتها..
- الدكتور: انتوو لسا بعمر المراهقة؟؟ اعقلو شوي عيب هالتصرفات..
- ضياء ندم انو خجلها قدام الكل وراح يدور عليها ليطيب خاطرها وما لقاها وتاني يوم شافها بالكلية وقعدو واعتذر منها وسامحتو وطلبت منو يكونو رفقات وهو وافق ..
- ريتا: ضياء انتا صاير معك شي؟ أنا دائما بحسك حزين ومزاجك سيء
- ضياء: أي
- ريتا: احكيلي
- ضياء: مابحب أحكي فيه خلص انسي قومي نفوت ع المحاضرة..
- وهيك صارت رفقتهم يوم عن يوم تقوى بس ريتا كانت بتحمل مشاعر تجاهو وهو بس بيعتبرها رفيقة..
وصارت ريتا تجي لعندو على البيت ويدرسو ويتدربو وبيوم كانت سما طالعة على السوق وشافت ضياء ومعو بنت وعم يضحكو ، حست بنار عم تشعل جواتها وتكويها كان أبشع شعور بتشعرو وبلش قلبها يغلي وبدها تعرف مين هالبنت..
- سما: رح روح لعندهم واعرف مين هي اي رح روح ، لاااا شو آخدني لعندو وشو دخلني فيهم اي لازم اعمل حالي مو شايفة يصطفل .... لااااا ماعم أقدر أتحمل لازم أعرف هي ميين
- مشت لعندهم وهي متوترة وقالت: مرحباا
- ضياء: .........
- ريتا: أهلاً
- سما: أنا سما بكو..ن
- ضياء قاطعها: بتكون جارتنا بالحارة
- ريتا بإبتسامة: تشرفت بمعرفتك
- سما بقلق: شو يا ضياء مابدك تعرفنا مين هالحلوة؟
- ضياء حط ايدو على خصرها وقربها منو: هي حبيبتي
- ريتا اتطلعت فيه وهي مصدومة..
- سما لما سمعتو حست بسكين انغرزت بقلبها واجت لتمشي وداخت وراحت توقع..
- ريتا ركضت ومسكت ايدها: انتي منيحة؟؟
- ضياء كان عم يتطلع عليها بخوف..
- سما رفعت ايدها ومشت وكأنها مو بالدنيا..
- ريتا لضياء: شبها؟
- ضياء ماسمعها كان عم يتطلع على سما هي وماشية
- ريتا بخجل: ضياء أنا حبيبتك؟؟
- ضياء: شو ؟ أي لا
- ريتا صفنت: شبك ضياء ضيعتني معك ، ليش قلت لبنت الجيران اني حبيبتك؟ انتا بتحبني؟
- ضياء بعصبية: لااا نحنا رفقة وبس ..
- ريتا: لكان لييش قلت هيك
- ضياء: ماابعرف
- ريتا بصراخ: انتا بتحبها لهي البنت موو جاوبني!!
- ضياء: هشش ميين انتي لتحاسبيني وتستجوبيني؟؟
- ريتا: اسفة خلص مارح أسأل
- ضياء: اذا مزعوجة من تصرفاتي فيكي تنهي رفقتنا
- ريتا: لاا لا مو مزعوجة خلينا رفقات
- ضياء مشى وهي لحقتو ..
----------------------------------
- سما كانت حابسة حالها بالغرفة واعدة تحت الشباك وعم تبكي بصوت مسموع ، صار عصفورها يطير ويغرد وهي اتطلعت عليه وصارت تبكي أكتر واجى الليل وهي لسا على نفس القعدة ووجها شاحب من كتر الدموع المالحة..
تذكرت لما مسكها من خصرها ورجعت دخلت بنوبة بكاء جديدة من الغيرة..
- رائد: نقلعي فتحي الباب وطلعي أمك قلقت عليكي ، مو وقت الدراما انو ياي رح أتزوج واترك أهلي
- سما مسحت وجها وفتحت الباب ورائد لما شاف شكلها صرخ فيها: الله يلعنك هلق هاد منظر عروس؟؟ لشوو بكيانة حتى عيونك منفخين هالقد صايرة بتقرفي ، مسك خصلة من شعرها وقال بقرف: وهاد شعرك لييش هيك فايت ببعضو !! لو اني محلو لخليل مابشتريكي بورقة..
- سما عصبت وأشرت على بطنو: هااد شوو ؟؟ كرشك كأنو حامل بتوأم ، وايديك ليش هيك مافي عضلات بنوب !! ولا شعراتك مزيتين تقول صرلك شهر مو محممهم ، وأنا عم قول ليش ماحدا عم يتطلع فييك ..
- رائد كان عم يسمعها ومصدوم وهي اتطلعت فيه واستوعبت شو حكت ورجعت لجوا وقفلت الباب بسرعة خارقة..
- رائد ضرب على الباب برجلو: لو سفرتك مو بعد بكرا كنت كسرت الباب عليكي وفتت طعميتك قتلة مابتحلمي فيها بس يلا هالمرة مرقتي يا كلبة
- سما كانت معصبة ورائد عصبها أكتر لهيك فشت قهرها بالكلام ونفست عن غضبها شوي..
- تاني يوم كانو كل قرايبها مجتمعين حتى يودعوها حتى جمان رفيقتها اجت.
- جمان بدموع: كيف رح تروحي وتتركيناا
- سما: لا تبكي ياقلبي تعي لحضني تعي..
ضمتها وهي بتمنع حالها من البكاء ...
وهيك مر هاليوم على سما بالتوديع وضب حقيبة السفر.. واجى الليل وضلت سهرانة وماغمضت عينها من التفكير كان أكتر شي عم تفكر فيه هو ضياء ..
- سما: مارح شوفو أبداً مارح شوف ضيائي وهو رح يصير الضياء لوحدة تانية💔 وانا رح كون السما لحدا تاني..
فاتت تحت الحرام وصارت تبكي بخفوت..!
تاني يوم فيقها رائد..
- رائد: يلااا قومي بعد ساعة موعد سفرتك يلااا
- سما: ماابدي
- رائد: ولله بدفنك بأرضك نقلعي قوميي
- نفض عنها الغطا وهي اتطلعت فيه بكره وقامت بملل غسلت وجها وأكلت لقمتين نزلو على قلبها متل السم وراحت لبست تيابها وقالت: صرت جاهزة
- رائد: يلا طلعي ع السيارة لاحقك
- أم رائد ركضت عليها وضمتها لصدرها بقوة وصارت تبكي بشدة..
- سما صارت ترجف: بكفي ماماا حرقتي قلبي
- أم رائد ببكاء: كيف بدي قضي أياامي بدونك كييف
- سما نزلو دموعها: رح تتعودي ..
- رشا كانت واقفة على جنب وعم تقاوم دموعها وكانت مابدها تودعها لانو بتحس انو تقيل عليها ، ركضت سما لعندها وارتمت بحضنها متل الطفلة
- سما ببكاء: بحبك رشااا
- رشا ضمتها بقوة: وأناا كماان ، ديري بالك على حالك وكوني قوية ، حاكينا دائماً لا تخليني أشتقلك😭
- سما: رح أجي بأقرب فرصة بوعدكن
- رائد اجى وسحبها من ايدها وهي مشت وهي بتبعتلهم بوسات ممزوجة بالدموع..
وانطلق بالسيارة وسما صافنة وفجأة صرخت: وقف وقف
- رائد: لك شبك
- سما نزلت ركض وقالتلو: نسيت شي رح جيبو
وراحت ركض للبيت وطلعت ع الدرج وأمها وأختها لاحقينها..
- دخلت غرفتها وركضت لعند القفص وكان العصفور بحالة فوضى عم يطير ويزقزق..
- سما: اسفة اسفة رح آخدك معي رجعت حتى آخدك
- رفعت حالها وأخدتو وهي بتلهث..
- رشا: هاد العصفور من ضياء مو
- سما: .....
- رشا: انتي لهلق بتحبيه
- سما التفتت عليها: بحبو اي الحب الحقيقي مابينتهي
- رشا: لا تظلمي خليل معك
- سما: أنا تأخرت لازم روح
- ركضت لبرا وطلعت بالسيارة ..
- رائد: هلق رجعتي مشان هالبطيخ
- سما: يلا سوق
- انطلق فيها للمطار وهي عم تتطلع بالشباك كأنها عم تودع شوارع البلد وهي عم تتطلع مرق حدا ع موتور وحاطط خوذة ، ضلت هي تتطلع فيه وهو يتطلع فيها حتى اختفو عن النظر..
- سما بقلبها: ضياااء
- بالبيت كانت رشا قاعدة بحضن أمها والتنين عم يبكو وبعدين ماسمعو الا بجرس البيت عم يقرع بسرعة..
- رشا مسحت دموعها: أنا رح شوف مين..
- فتحت الباب وانصدمت بضياء واقف وبإيدو خوذة..
- رشا: ضياء؟
- ضياء بقهر: ايمت عرسها؟
- رشا: ........
- ضياء بصراخ: ايمت عرسها سمااا
- رشا: سما هلق راحت للمطار رح تسافر
- ضياء بصدمة: تساافر؟؟؟
- رشا: ليش مابتعرف انو رح تتزوج على الكويت
- ضياء حس رجليه ماعاد حملوه: الكويت؟؟
- رشا عم تتطلع فيه بحزن: اي هلق راحت
- ضياء تركها وراح ركض ركب على الموتور ورمى الخوذة بالأرض وطار بالموتور بسرعة قصوى..
- بالمطار كانت سما قاعدة وناطرة ليصير موعد طيارتها وبعد 5 دقايق مشت بضعف حتى تركب بالطيارة وبعدها سمعت صوت شل حركتها ووقفلها قلبها...
: سمااااااا
التفتت لوراها ولقت ضياء واقف بعيد وعم يتطلع فيها نظرات كلها قهر وعتب وعشق..
- وقفت مكانها وهي عم ترجف ورح تبكي وماشافتو الا ركض ناحيتها وهي تركت شنطة السفر وركضت بسرعة لعندو حتى التقت الأجساد وضمو بعض بقوة كبيرة ، كان هاد الحضن أقوى حضن لإلهم لدرجة شعرو بالألم بضلعوهم من قوة الحضن..
- ضياء ببكاء: لاا تسافري سماا هربي معي لااا تروحي سما ماافيني عيش بدونك
- سما: أناا بحبك
- ضياء: وأنا بعشقك لاا تروحي هديك البنت مانها حبيبتي أنا كذبت لا لا تصدقي ، تعالي معي وخلينا نتزوج لوحدنا
- سما سكتت وصوت بكاها كان عالي
- ضياء: موافقة تتزوجيني؟
- سما ببكاء: أي أي
- فلتها من حضنو وباس راسها ومسك ايدها وطلعو برا المطار وفجأة شافو رائد بوجهم وفوراً سحب المسدس من خصرو ورفعو بوجه ضياء..
- رائد: ويين رايحين ؟ مفكرين اني رح أتركم تنبسطو؟؟
- ضياء شد على ايد سما أكتر وهي صارت تبكي ..
- رائد اتطلع فيها: اطلعي على طيارتك
- سما بقيت واقفة وضياء متمسك فيها
- رائد: عيارو طلقة وحدة اذا بتحبيه عنجد بتطلعي ع الطيارة..
- سما وقعت بنار وصارت تحاول تفلت ايدها
- ضياء: لاا تروحي سما هاد عم يكذب
- رائد أطلق رصاصة ومرقت من جنب رجلو لضياء والناس صارت تصرخ وتهرب وسما صارت تبكي..
- سما بتوسل: بترجاااك لاا تعمل هييك تركناا
- رائد قرب أكتر وصرخ: عم قلك طلعي بالطياارة
- سما صرخت وفلتت ايدها من ضياء: الله يلعنك خلص طالعة طاالعة تركووو
- رائد: ركضي يلااا ، انا مو متحرك من هون حتى تطلعي
- ضياء: يا * ، سماااا سمااااااااااااا
- رائد: اركب موتورك ونقلع من هوون
- ضياء: لو بقي بعمري يوم سما رح تكون معي ، مفكر اذا سافرت وتزوجت رح أتركهاا لاا مارح أتركهاا
- رائد: اي يلاا طير من هون
- سما طلعت بالطيارة وقعدت وطول الرحلة عم تبكي والبنت اللي جنبها شفقت لحالها وصارت تعطيها مناديل وبالأخير أخدت حبة مسكن وغفيت على أثرها..
- ضياء لما رجع كان رح يعمل حادث من سواقتو المتهورة وبعدين راح لعند زلمة عطاه مصاري وقدملو صندوق مستطيل ، فتحو وتناول المسدس من جواتو ومشى..
- سما وصلت مطار الكويت ونزلت وهي حاسة بالضياع وفجأة شافت خليل واقف وبيستناها وبس شافها ركض لعندها وضمها بحب وهي بقيت متجمدة..
- خليل: نورتي الكويت ياعمري ، مو مصدق اني شفتك وأخيراً 😍
- سما: .............
- خليل: شبك ياحياتي؟
- سما: تعبانة شوي من الرحلة
- خليل: سلامتك من التعب ياعيوني ، هاتي الشنطة والقفص عنك
- سما: الله يسلمك
- خليل: يلا خلينا نمشي خالد برا ناطرنا بالسيارة..
- سما اتطلعت فيه بإستفهام
- خليل ابتسم: خالد أخي الكبير هلق رح عرفك عليه أساساً كل أخواتي هون عدا شادي رفيقو لرائد بالبلد وهو اللي عرفت عن طريقو أخوكي وبعدين انتي..
- سما ابتسمت بتعب: تمام
- طلعو من المطار واتجهو لتكسي فخمة لونها رمادي ، فتحلها خليل لسما وقال: تفضلي حبيبتي..
- سما دخلت وقالت: شكراً
وهو طلع جنبها وقعد وخالد اتطلع عليهن وهو مبتسم: اهلين مرت أخي كيفك
- سما: اهلين فيك تمام الحمدلله
- خليل: خالد اطلع على بيتي
- خالد: مارح تروح لعند أهلك؟
- خليل: مبلى بس سما تعبانة خليها ترتاح شوي بعدين بنروح لعند أهلي
- خالد: ايوا يلا لكان رح أمشي..
- مشت السيارة وسما طلعت راسها من الشباك وصارت تتطلع على الأبنية والشوارع بإنبهار كان كلشي حلو وفيه مظاهر التطور..
- خليل: عجبتك الشوارع؟
- سما وهي بتتطلع: اي كتيير
- خليل: بكرى مارح خلي مكان بالكويت الا وآخدك عليه
- سما ابتسمتلو ورجعت تتطلع بإعجاب..
- وبعد مدة وصلو ونزل خليل ونزل الشنطة والقفص وفتحلها الباب: يلا حبيبي هاد بيتنا
- نزلت سما واتطلعت قدامها على الفيلا الكبيرة اللي قدامها بذهول..
- خالد من جوا السيارة: يلا أنا رايح اخي
- خليل: الله معك أخي
- كان في باب كبير خليل رن الجرس وفوراً انفتح الباب من قبل تنين رجال ..
- خليل: يلا حبيبتي
- مشت جنبو على الطريق المرصوف المؤدي للفيلا اللي جوا ، وحواليه الشجر المصفوف بتساوي ، سما كانت عم تتطلع هون وهون ماكانت متوقعة يكون خليل عندو هيك فيلا..
- وبالأخير وصلو على الفيلا وكان الباب مفتوح ودخلو..
- خليل بحب: نورتي بيتك ياعروس
- سما بتوتر: منور بوجودك
- خليل: دخيلو الخجلان ، يا ماري وينك
- حضرت خدامة قدامو وقالت: نعم يا سيدي
- خليل: هي سما زوجتي
- ماري انحنت وقالت: أهلاً يا ستي ..
- سما: اهلين فيكي
- خليل: ماري خدي الشنطة لفوق والقفص كمان
- ماري: بتأمر سيدي
- طلعت الخدامة لفوق وخليل لحقها هو وسما..
- خليل: هي غرفتنا
- سما اتطلعت على الغرفة بذهول كان أثاثها كلو باللون الأبيض وعم يلمع لمع وفيها كلشي بتحلم فيه أية بنت ومزينة بالبالونات والورد الأحمر..
- خليل: عجبتك؟
- سما: حلوة كتير
- خليل: بتحبي تشربي شي حبيبي؟
- سما: مي نشف ريقي
- خليل: ليكها المي هون ، ماري حضريلنا كاستين نسكافيه ، لسا ماحضرتو الغدا؟
- ماري: من عيوني ، سيدي عشر دقايق وبكون جاهز ع الطاولة..
- خليل: تمام
طلعت ماري وسكرت الباب وسما قعدت على الكنبة بتوتر وخليل اجى لعندها ومسك ايدها وباسها ، سما سحبت ايدها بإنزعاج واضح ، خليل قرب منها أكتر ليبوسها وهي صفنت وتخيلت ضياء وفوراً بعدت ووقفت..
- خليل: اسف انتي تعبانة ولسا ما ارتحتي
- سما: ولاا يهمك
- اندق باب الغرفة طرقات خفيفة..
- خليل: فوتي ماري
- دخلت وضيفتهم العصير وطلعت..
- خليل: اليوم بالسهرة رح آخدك وتتعرفي على أهلي وأخواتي وبكرى رح نعمل العرس وبعدها شهر العسل
- سما: عرس؟؟
- خليل: اي طبعاً رح أعملك أحلى عرس
- سما : ...............
- خليل: لا تقلقي رح تكوني أحلى عروس بالدنيا
- سما ابتسمت بمسايرة
- ماري ضربت على الباب وفتحت وقالت: الغدا جاهز سيدي
- خليل: يلا خلينا ننزل نتغدا
----------------------------------
- ضياء كان بنادي الملاكمة وعم يضرب على الكيس بقهر والعرق عم ينزل من وجهو وجسمو وبعدين صار يرن جوالو اتطلع عليه وشاف اسم ريتا ، تركو وكمل ضرب على الكيس..
- ريتا: وينو هااد افففف
- ضياء خلص من النادي وطلع وراح لمكان فاضي وحط قارورة فاضية بعيد عنو وطالع المسدس وصاوب عليها وأطلق بس اجت الطلقة بعيدة عنها رجع حاول وكمان ماصابها وهيك ضل يحاول حتى صابها .. وريتا مبلشة تدقلو بالآخر أغلق الجوال ورماه على جنب..
كان منهمك بالتدريب طول النهار والليل..
- عند سما بعد ما تغدت طلعت للغرفة وحاكت أهلها مكالمة فيديو وطمنتهم انها وصلت ..
- رشا: فرجيناا الغرفة
- قامت سما وهي ماسكة الجوال وصارت تفرجيهم وهنن مبهورين..
بعد ماخلصت خبرها خليل تجهز حالها عشان ياخدها لعند أهلو ويعرفها عليهن..
فتحت شنطتها ولبست فستان بيج لتحت الركبة الو كمام ولبست عليه عقد وحلق وكعب أبيض مشبك وحطت ميكب بسيط وتركت شعرها مفرود ، اتطلعت على المراية برضا قبل ماتنزل خطرلها تفتح الخزانة لتشوف شو فيها ولما فتحتها انصدمت كانت مليانة تياب فخمة على مقاسها وقطع كتيرة لانجري ، خجلت وسكرت الخزانة بسرعة ونزلت لتحت وطلعت مع خليل بسيارتو وأخدها لعند أهلو..
- خليل: هاتي ايدك
- سما توترت وبعدت
- خليل: لا تخافي الكل رح يحبوكي
- سما هزت براسها ودخلو لجوا على الصالون ..
- خليل وسما: مسالخير
- الكل ردو: مسالنور
- سما اتطلعت على الموجودين وتمايزتهم بالنص كان في امرأة كبيرة بالعمر والتجاعيد اخدة حقها من وجها وكانت مبتسمة ، باينة انها أمو لخليل ..
وجنبها قاعد عجوز مسن وأصلع بس وجهو منور واستنتجت سما انو أبوه لخليل..
والباقي كانو تنين صبايا و تلات شباب منهم خالد..
- خليل أشرلها تمشي معاه حتى وقف عند أبوه وقال: هاد أبي أبو خاالد
- سما سلمت عليه: كيفك عموو
- أبو خالد: اهلين يا بنتي
- خليل: وهي أمي أم خالد
- سما اجت لتسلم وماشافت الا أم خالد مدت ايدها قدامها حتى تبوسلها ياه ، سما اتطلعت باستغراب وبعدها باست ايدها وحطتها على راسها..
- أم خالد: الله يرضى عليكي يابنتي..
- خليل: وهاد هادي أخي أصغر مني بسنة
- سما صافحتو: تشرفت بمعرفتك
- هادي: وأنا أكتر مرت أخي
- خليل: وهاد فادي أبو الطيور
- فادي ضحك: ليش في أحلى منهم
- سما: تشرفت بمعرفتك
- فادي: النا الشرف
- خليل: ع فكرة سما عندها عصفور حلو كتير بس تجي لازم تشوفو
- فادي: عنجد؟ لازم شوفو فوراً شوقتني
- خليل: ضل شادي رفيق أخوكي هاد الصغير بالشباب ..
- غنى ومنى: شو نسيتنااا
- خليل ضحك: لاا اجاكن الدور ، شوفي يا سما هدول توأم العيلة غنى ومنى وآخر العنقود..
- سما بدهشة: عنجد؟ مو باين انهم توأم
- غنى: لاننا توأم مو حقيقي
- منى: لهيك مابنشبه بعض
- سما: تشرفت فيكن
- غنى ومنى: ونحنا أكتر
- منى: عيونك عدسات؟؟
- سما ابتسمت: لا طبيعيات
- منى: مابصدق باين عدسات
- غنى نكشتها: لك شبك هدي ع البنت
- منى بهمس: مو شايفتيها كيف شايفة حالهااا
- غنى: بالعكس البنت متواضعة وبتجنن سكتي
- سما شافتهم يتهامسو وحست انها غريبة بين الكل حتى اجى خليل وطلب منها تقعد وقعد جنبها..
- عند ضياء رجع على البيت ونام بتيابو وحذائو على السرير والصبح فاق ولبس أسود بأسود وطلع على الموتور بسرعة وراح لمكان شبه مهجور والتقى بزلمة بأول الثلاثين وقدملو تنين شباب كل أجسامهم أوشام وعضلات ..
- ضياء: هدول خرج اعتمد عليهن؟
- الزلمة: هدول عز الطلب ..
- ضياء: اتفقناا شو أسمائكم انتا وياه..
- نطق الأول: شهاب
- قال التاني: نمر
- ضياء : شهاب نمر لحقوني بدي قلكن شو تعملو
- شهاب ونمر: حاضر سيدي
----------------------------------
- سما وخليل نامو عند أهلو والصبح فيقوها البنات ..
- غنى: قومي سماا
- سما قامت: صباح الخير
- غنى: صباح النور
- منى: شو ناطرة قومي بعد شوي رح نروح ع صالون العناية بالبشرة عشان بشرتك مو نظيفة
- سما لمست وجها: عنجد؟
- غنى: لك لاا تصدقي مشالله عنك بشرتك بتجنن
- منى بلؤم: لا فيها زيوان ورؤوس سوداء وهالات سوداء مابدنا عروسة أخي تخجلنا قدام الناس قبل المكياج رح ننظفلك بشرتك
- سما انزعجت من حكيها: يمكن فيها هالات سودا بس لانو بالفترة الأخيرة ماكنت نام أما زيوان ورؤوس لا
- منى: عم تكذبيني؟؟
- غنى: سماا تعي نفطر تحت ماما عم تنتظرنا
- سما نزلت معها ولحقتهم منى وكل شوي تنتقد سما بكلشي قدام الكل والشي اللي استغربتو انو خليل عم يضحك على كلامها !
- خليل: الله عليكي يا منى ، اصحك تزعلي حبيبتي منى بتحب تمزح كتير
- سما: لا عادي
- غنى بهمس: لك ليش مستلمتيها للبنت لسا مبارح شفتيها لساا
- منى: ماشفتي كيف أخي جانن فيهاا لا وكمان خايف ع زعلها يابعدي
- غنى: غيرانة؟
- منى: فشرت أنا مابغار من هيك شكالات شرشوحة
- غنى: خلص خرسي خلينا نكمل فطورنا على خير
- خلصو وراحو الصبايا على صالون للعناية بالبشرة وعملو تنظيف للبشرة وحطو ماسكات وزيوت ، سما صارت بشرتها بتجنن وعم تلمع ..
- غنى: رااحة نفسية
- منى: اي كتيير
- سما: شكراً انبسطت كتير
- غنى: العفو ، نشالله دائماً مبسوطة ياروحي..
- منى: شكلك أول مرة بتفوتي ع صالون عناية
- غنى تزاورتها وعصبت منها
- سما: لا طبعاً مو أول مرة بس الصالونات هون شغلها أفضل بكتير من اللي بالبلد
- منى: صحلك تتدللي ولله
- سما: شو قصدك انتي؟؟
- غنى: سمااا تأخرناا الكوافيرة ناطرتنا بالبيت يلاا
- عند ضياء كان قاعد وماسك سيجارة ونمر شغلو ياها..
- ضياء: الرقابة رح تجي بكرا الصبح وتفتش مكان الشغل ، لهيك انتو المسا بنص الليل بتقتحمو المكان وبتحطو هالكيس بين الملفات على الرفوف..
- شهاب: شوفي جواتو الكيس؟
- ضياء: مخدرات
- شهاب بلع ريقو: مخدرات؟؟ اذا انمسكنا بنروح فيهااا
- ضياء: مارح تنمسكو اذا نفذتو الخطة متل ماعم قول
- نمر: أنا جاهز
- ضياء: وحش
- شهاب اتطلع فيهم: وأنا جاهز..
- ضياء: هيك هاا ، تاخدو سيجارة؟
----------------------------------
- سما كانت قاعدة مع غنى ومنى وكل وحدة منهم مستلمتها كوافيرة خاصة..
- الكوافيرة لسما: خلصت الميكب والشعر ، روحي لبسي الفستان وتعي خليني أشبكلك التول
- غنى بإعجاب: طاالعة بتاخدي العقل نيالوو خليل😉
- منى بغيرة: متلها متل أي عروس لا تبالغي غنى
- الكوافيرة: للأمانة بتجنني يخزي العين وعيونك مشالله لونهم بيسحر💚
- منى كانت رح تنفجر من الغيرة..
- سما بإبتسامة: انتو الحلوين خجلتوني ولله
- راحت لبست الفستان وراحت غنى ساعدتها بالسحاب وبعدها الكوافيرة زبطتلها التول واتطلعت بالمراية ومو مصدقة انو طلعت حلوة هالقد..
- سما بفرح: شكرا الك شغلك بجنن كتير حلوو
- الكوافيرة: عفواً ياحلوة
- سما كانت فرحانة
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*