الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `موسم النرجس*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#موسم النرجس..
#الجزء الرابع...
- سما تجمدت مكانها من الخوف وماعاد قدرت تنطق ..
- رائد: لك انطقي يا كلبةةةة
- سما: ب بترجاك راائد أأنااا
- رائد قرب منها وصار يضربها برجليه
- سما بصراخ: بابااااااا يا باباااااا
- رائد: صرخي ماا حدا رح يسمعك ولله لأدفنك اليوم يا واطية..
- سما قامت وهي بتبكي وركضت على الدرج لحقها رائد متل النار ومسكها من شعرها..
- سما ببكا: تركني أمانة
- رائد جرها من شعرها لغرفتها ودفشها لجوا وفات وقفل الباب وراه ، وتناول خيزرانة من فوق الخزانة ، سما بلشت ترجع لورا وهي مرعوبة ورائد كان وجهو متل السم..
- رائد: وهلق احكيلي وين كنتي مع ضياء الواطي اليوم
- سما برجفة: مين حكالك هالحكي أنا أناا ماكنت مع ضياء..
- رائد هجم عليها وضربها بالخيزرانة بعصبية وصرخ: وعم تكذبي يا وسخة ..
- سما صرخت من الوجع
- رائد: هلق بدك تعترفي ويين كنتي مع ال*** اليووم
- سما بوجع: أناا كنت رفيقتي ريم وفيك تسألهاا
- رائد هجم عليها من جديد وصار يضربها بالخيزرانة بدون رحمة وصار يقول: رفيقتك بذاتها خبرتني إنك كذبتي على الكل ورحتي مع هالسافل على المدينة ..
- سما انصدمت: ريم؟
- رائد بعد عنها وصار يمسح وجهو من العرق: أي ريم الصبح دقتلي وخبرتني ، لك انتي وحدة وسخة
- سما صارت تبكي أكتر من صدمتها برفيقتها ومن الضرب اللي تعرضتلو..
- فلاش باك..
- لما دقت سما لريم وخبرتها انو تتستر عليها فصلت الخط ونزلت دمعة من عينها مسحتها بسرعة ورمت الجوال من ايدها..
- ريم: رايحة معو ع المدينة لكاان ، لييش ماحبني إلي ليييش ، لهون و بس بكفي عذاب مارح أقعد ساكتة مابكون اسمي ريم اذا مابخربها عليكن..
- ريم كانت عشقانة ضياء ولما عرفت انو بحبها لسما كانت تتظاهر انو فرحانة لرفيقتها بس من قلبها كانت عم تدعي طول الوقت عليها بالموت !
بنرجع للحاضر ، رائد قعد قدامها على الكرسي وبلش يستجوبها..
- رائد: وهلق حكيلي ويين رحتو اليوم ، اتطلع على شعراتها الرطبين وتيابها وهمس: أخدك على الفندق متل العشيقة؟؟
- سما عصبت ووقفت وصرخت وعيونها كلها دموع: خرااااس يا حيوااان فشررت
- ضياء قبض على رقبتها بإيديه وصار يلفح متل الحية: انتي بلااا شرف
- سما صار وجها أزرق واختنقت بين ايديه
- رائد: ابن الكلب استدرجك ليعلم عليي ..
- رائد: لك ياا واااطية حطيتي راااسي بالأرض ، ضحك عليكي وأخذ شرفك وحط راسي بالأرض..
- كانت رح تفقد الوعي فلت ايديه عنها وصارت تاخد نفسها بصعوبة وتسعل
- سما بصعوبة: ضيااء ما ما لمسني ضياا ء بحبني
- ضياء قام وبلش يضربها بالخيزرانة وهي صارت تصرخ يا بابا ساعدني بس كانو امها وأبوها بالسهرة ورائد كان عم ينتظرها على أحر من الجمر ليفرغ كل قهرو فيها..
- سما بصعوبة: بت ت رجاك رحمني بترجااك
- ضياء كان قاعد مع أهلو وسمع أصوات من بيت سما ركض للشارع وسمع صوت سما عم تصيح وصوت ضرب وتكسير ، ركض بسرعة على بيتهم لقى الباب مفتوح طلع ركض على الدرج وصار يدق على الباب بقوة ويصرخ: اتركهاا يا واطييي اتركهاا وواجهني ..
- رائد لما سمع صوتو ترك سما بالأرض مشوهة وفتح الباب ومسكو لضياء من قميصو: يا * عم تلعب على أختي
- ضياء اتطلع لجوا وشاف سما بهالحالة وقلبو تقطع عليها ضرب ضياء بالبوكس وصرخ: ليييش هييك ضاربهاااا ياااا ابن**
- سما بصوت ضعيف: ضياء
قالت هيك وفقدت الوعي من شدة الضرب اللي تعرضتلو..
- ضياء: سماااااااااا
- رائد ضربو بالبوكس طلعلو الدم من تمو وضياء جن من العصبية والقهر وردلو ياها وعلقو مع بعض..
رجعو أبو رائد وأم رائد من السهرة وانصدمو بالأصوات طالعة من بيتهم ، فاتو ولقو رائد وضياء دمهم حميمهم ولسا عم يتضاربو ورائد عم يسبو بأبشع الألفاظ
- أبو رائد: شو عم يصييير هووون
- أمل: دخلت على غرفة سما وحطت ايدها على قلبها: سماااااا بنتيييي سمااااا
- رائد وهو منزل راسو: هالواطي أخد أختي للمدينة وضحك عليهاا وفهمك كفاية يا أبي
- أبو رائد تجمد مكانو من الصدمة ..
- ضياء بصعوبة: أناا بحبهاا وما لمستهاا أنا بدي أطلبها منك ياعمي على سنة الله ورسوله خلينا نتزوج لأثبتلك صدق نيتي..
- أبو رائد وقع بالأرض وماعاد قدر يتنفس..
- رائد: أبي أبيييي أبي
- ضياء: عمي انتاا منيح ؟ رح أتصل بالاسعاف
- رائد قام وضربو بوكس ودفشو: انقلع من هوووون لااا تتدخل بحياتنااا كلوو بسببك يا حقييير
- اجى أبو ضياء على الصوت وصار يسحب ضياء غصب عنو من البيت..
- بعد دقايق اجى الاسعاف ونقلو أبو رائد وسما للمشفى وأم رائد عم تبكي..
- ضياء كان قاعد بالبيت وحاطط ايديه المجروحة على وجهو وصورة سما ماعم تروح من بالو ...
- أم ضياء: استهدي بالرحمن يا ابني مابصير الا الخير
- ضياء هز براسو وطلع لغرفتو ..
- بالمشفى طلع الدكتور من عند أبو رائد وقللهم انو صابتو جلطة خفيفة من الصدمة ..
- الدكتور: لازم من هاللحظة ماتخلوه يعصب أو ينفعل او يزعل انتبهو
- أم رائد مسحت دموعها: شكرا دكتور
- عند سما كانت الممرضة عم تعقملها جروحها وسما عم تبكي على البطيء..
- الممرضة: يكسر ايديه اللي ضاربك لك لهالدرجة؟ كل جسمك مورم وعينك لا سمح الله كانت راحت..
- سما زاد بكاها ودموعها عم تلهب جروحها أكتر
- الممرضة: اهدي حبيبتي اهدي ..
- أم رائد دخلت والممرضة طلعت ..
- أم رائد مسكت ايدها: كيف صرتي؟
- سما هزت براسها وعيونها حمر من الدموع
- أم رائد: كلام رائد صحيح؟ ضياء الكلب نام معك؟
- سما بصوت مبحوح: لك لييش مانكن عم تصدقوو ضيااء بحبني هو مابيعمل هييك يا الله انتي شبك ..
صارت تبكي بصوت مسموع وأمها شفقت لحالها واجت ضمتها
- سما ببكا: ضيااء مابيعمل هييك
- أمل وهي بتطبطب عليها: خلص اهدي صدقت كلاامك اهدي..
- بالمشفى كان رائد جانن وعم يروح ويجي وعقلو عم يتخيل سيناريوهات ، ضرب ايدو على الحيط والكل صارو يتطلعو عليه..
- رائد: خييير كل واااحد يلتهي بحاااالوو
الناس فكروه مجنون من نظراتو ومنظرو وتيابو المشققة وعليها دم..
وفجأة طلع لقسم التوليد ..
- أبو رائد صحصح وراحت أم رائد تشوفو وسما كانت صافنة بكل اللي صار كأنو حلم بحياتو ماحدا رفع ايدو وضربها كف وهلق هي نايمة بالمشفى من كمية الضرب اللي تعرضتلو من أخوها وهي عم تفكر دخلت لعندها دكتورة وقفلت الباب وراها..
- سما: شوفي؟
- الدكتورة: لا تخافي أنا بس رح أفحصك
- رائد كان واقف قدام الغرفة وصار يسمع صوت صراخ أختو من جوا ..
- الدكتورة: لك اهدي يلااا
- سما: بعدي عنيييي مامااااا مامااااا
- الدكتورة ضربتها أبرة وسما انكتم صوتها وفقدت وعيها وهي عملتلها الفحص وطلعت..
- رائد: طمنيني دكتورة
- الدكتورة: أختك بنت
- رائد تنهد ومسح جبهتو: شكراً الك
- الدكتورة تزاورتو: مو عيب عليك تشك فيهاا لك هي ضلت ساعة ماتخليني أكشف عليها ، ضربتها ابرة منوم لقدرت أعمل الفحص ، ياويلك من الله
- رائد: حضرة الدكتورة انتي عملتي شغلتك وأخدتي أجرتك وفوقهم حبة مسك لهيك لاا تتدخلي بشي مابخصك يلا تفضلي
- الدكتورة مشت وهي عم تتطلع فيه بقرف..
- رائد ارتاح شوي بعد ماسمع الدكتورة بس لساتو ناقم على ضياء..
- سما فاقت ولقت حالها بسريرها بالبيت..
- سما: أمممم
- أم رائد: فقتي ياروحي؟
- سما كان حلقها نشفان: مي بدي مي
- قامت أمها وعطتها كاس ، شربتو سما وبعدين تذكرت آخر شي صار لما دخلت لعندها الدكتورة وقالتها لازم أفحصك..
- سما: ماماا نحنا ايمت رجعنا من المشفى؟
- أم رائد: من شي ساعتين في شي ياروحي؟
- سما: لما رحتي تشوفي بابا دخلت لعندي دكتورة نسائية وصارت بدها تفحصني وضربتني ابرة وماعاد حسيت على شي..
- أم رائد: دكتورة نسائية؟؟
- سما هزت براسها
- أم رائد طلعت لبرا وسألت رائد عن الموضوع وقلها انو هو بعتها للدكتورة
- أم رائد: اي وشو النتيجة؟
- رائد: مافيها شي متل ماهي
- أم رائد: الحمدلله
- رائد: بس أنا بفرجيه لهالواطي لخليه يندم على اللي عملو
- أم رائد: اهدى رائد ابوك صحتو مو منيحة مابدنا نقهرو أوعك
- رائد شد على ايدو وزفر بعصبية..
- سما: شو ماما سألتيه؟
- أم رائد: اي هي الدكتورة كانت بدها تشوف اذا في اصابات بهديك المنطقة
- سما هزت براسها ونزلت راسها وغمضت عيونها ، غطتها أم رائد وطلعت لبرا..
- سما كانت عم تبكي تحت البطانية وكل ماتتذكر كيف رفيقتها اللي بتوثق فيها طعنت بظهرها ووشت فيها كانت تبكي أكتر..
- ضياء طول الليل كان سهران وراسو رح ينفجر من التفكير ، قام وقف واجى ليطلع ومسكو أبوه
- أبو ضياء: وين رايح
- ضياء: رايح أطلبها منهم مارح خليها بين ايدين عديم الرحمة السافل
- أبو ضياء: الشغلة لسا تازة اهدى هلق بكونو معصبين ورح ترجعو تتقاتلو ، اهدى وخليها للأيام وتبردالقصة وبوعدك روح أخطبلك ياها براسي
- ضياء: بس مافيني ضل قاعد هييك انتا ماشفت كيف كان ضاربها
- أبو ضياء: روحتك رح تزيد الطين بلة ورح تعمللها مشاكل للبنت ويفش قهرو فيها اقعد عم قلك..
- ضياء رجع لجوا وقلبو عم يتوجع على سما..
- تاني يوم فاقت سما على أشعة الشمس عم تضرب بوجها ، تحركت بصعوبة واتطلعت حوليها لتاخد جوالها مالقتو ، قامت من على السرير وهي عم تتوجع وحركت الباب ولقتو مقفول صارت تحركو بقوة وتضرب على الباب
- سما: فتحولييي فتحوو البااب ماماااا مااماا فتحيلي
- اجت أمها وحاكتها من ورا الباب: سماا بترجاكي وطي صوتك رائد نام
- سما صارت تضرب بزيادة: فتحيلي فتحيلي الباااااب
- أمل: مابقدر أفتحلك المفتاح معو
- سما برجاء: بترجاكي فتحيلي لا تحبسوني
-أمل: انتي مو محبوسة رح أفوتلك الأكل والدوا على موعدو
- سما: وين جوالي
- أمل: رائد أخدو
- سما: ماماا ساعديني أمانة
- أمل: فهمي عليي مافي حل تاني اهدي ولا تطالعي صوت بضل هالشي أحسن مايضربك وقتها ماحدا رح يفكك منو أبوكي تعبان وأنا مابقدر وقف بوجهو
- سما: باباا ، بابا كيف صار
- أمل: عم يتحسن رح يصير منيح ، المهم هلق ابقي هادية ولا تصرخي وتعصبيه لأخوكي..
- سما تراجعت وتسطحت بالسرير وهي مكسورة
- أمل: سما سماا وين رحتي؟ ليكي أنا رايحة لعند أبوكي متل اتفقنا أي !
- بوقت الظهر انفتح الباب ودخلت أمها ومعها الأكل ودوا ..
- سما: طالعيه لبرا مابدي أتسمم
- أمل: مابصير لازم تاكلي مشان تشربي الدوا
وبلشت تصر عليها وتحاول معها وسما مارضت تحط لقمة بتمها..
- سما: كلكن شكيتو فيني انتي ماماا معقول تفكري فيني هييك لك انتي ربيتيني لييش هيك لييش
- أمل: يلا كلي
- سما صرخت: مااابدي ، طلعي لبراا طلعيي طلعي وحبسيني
- أمل: اهدي لاا تصرخي
- سما: طلعي متل ما اجيتي وقفلي الباااب يلااااا
- أمل تركت الأكل والدوا وطلعت وقفلت الباب وراها ، سما صرخت وضربت صينية الأكل بالأرض وانهارت أعصابها..
- سما: يارب مووت وارتااح
- مرو يومين على نفس الحالة وسما صارت نفسيتها صفر ورائد كان قاعد تحت وعم يستمتع لما يسمع صراخها ..
- رائد: اي جني بقلب الغرفة لحاالك ..
- سما كانت قاعدة ورا الباب وكلشي حوليها مكسر وعم تضرب ضربات خفيفة على الباب وتقول بصوت ضعيف: فتحولي..
- أبو رائد سمع صوتها وحن عليها وراح لعند رائد: عطيني المفتاح
- رائد: أي مفتاح أبي؟
- أبو رائد: حاجتها البنت رح تطق جوا بكفي حرام عليك
- رائد: أبي بنتك فضحتنا بالحارة وعم تقول حرام؟ فكر باللي ساوتو ووقتها رح تشوف انو معي حق ، لازم تعرف غلطها
- ابو رائد: صح هي غلطت غلطة كبيرة بس ولله قلبي عم يوجعني عليها
- رائد: معلش أبي خليها تعرف غلطها كلها كم يوم ورح أفتحلها
- أبو رائد: بعد يومين اذا مافتحتو رح أفتحو أنا بإيدي
- رائد: خلص متل مابدك انتا بس ريحلي حالك ..
- تاني يوم سما وقفت واتطلعت على المراية ، وجها البريء كان مليان خدوش وكدمات تحولت من اللون الأزرق للأرجواني صارت تلمسهم وتأن من الوجع..
- العصفور بالقفص صار يغرد مشت ووقفت عندو وقالت: ضياء أنا رح موت بدونك ، لا تتركني بدونك أنا تعبانة تعبانة كتيير..
- مشت ووقفت عند الشباك ورفعت الستارة وصار يفوت الهوا ، ضلت واقفة ساعات بنفس الوقفة حتى شافت ضياء طالع من البيت ، صارت تلوح بايديها حتى انتبهلها..
- ضياء لما شافها قلبو انقسم نصين كان شكلها متغير 180 درجة وكأنو صرلو سنين مو شايفها ، أشرلها انو تنزل ، سما صارت تبكي وقالت: لاا تتركني ضياء لاا تتركني..
- ضياء دمعو عيونو وماعاد عرف كيف بدو يوصللها كلامو واجتو فكرة ، أشرلها بإيدو انو راجع ودخل لجوا وطلع ومعو دفتر فاضي وقلم ، وشق ورقة صغيرة وكتب عليها: لا تبكي أكتر بغلاوتي عندك ماتبكي ، أنا مارح أتخلى عنك وغصب عنو لهالكلب رح آخدك..
حمل حجر صغير من الأرض وجعلك الرسالة عليه ولزقها ورماه على غرفتها..
- سما أخدتو بسرعة وفتحت الورقة وقرأتها وصارت تبكي وتضحك ، جابت قلم وكتبت على الوجه التاني للورقة: كيف رح تاخدني؟؟
ورمتها بنفس الطريقة ، قرأها ضياء وكتبلها: رح نتزوج..
- سما شافت الرسالة وحست بالسعادة رغم وضعها المأساوي ، كتبتلو: كيف ورائد؟
- ضياء بعتلها: رح يوافق غصب عنو لا تقلقي ، لو شو ماصار مارح أتخلى عنك
- سما كتبتلو: بحبك كتيير
- ضياء: وأنا بحبك سمائي..
- وهيك صارو يتواصلو سما وضياء بس بحذر شديد ..
- بعد يوم ..
- أبو رائد: ليش لهلق مافتحت على أختك هات لهون المفتاح
- رائد: رح أفتح ليش خايف على هالمغضوبة كل هالقد
-أخد المفتاح ولحقو أبوه ، فتح الباب وفات وسما نقزت وبعدت من جنب الشباك وخبت شي وراها..
- أبو رائد كان عم يتطلع فيها بعيون مدمعة ورائد كان عم يرصد توترها وفجأة راح للشباك وسمع باب ضياء تسكر ، ركض لعندها وقال: شو مخبية وراكي؟؟
- سما بتوتر: ولاشي
- رائد: طالعي اللي بإيدك
- سما: مافي معي شي
- رائد هجم عليها وأخد اللي بقلب ايدها لقاه حجر وعليه ورقة ، اتطلع فيها باستحقار وفتح الورقة وقرأها وبلش وجهو يحتقن..
- أبو رائد: شوفي؟ شوفيها الورقة شبك؟
- رائد: تفضل شوف ابن الكلب شو كاتبلها
- أبو رائد حط نظارتو: رح تكوني إلي غصب عن أخوكي الواطي لا تقلقي بحبك..
- رائد عصب بزيادة وراح ضربها بالكف وبلش فيها ضرب من كل الجهات..
- أبو رائد قرب وبعدو عنها: لك بكفي تركهاااا
- رائد رجع قرب وصار يضربها وهي تبكي وتتوسل بأبوها..
- رجع ابو رائد وصار يحاول يبعدو عنها ورائد دفشو ووقع بالأرض..
- أبو رائد: عم تضرب أبوك؟ عم تضربني يا رائد ؟
- رائد: بكفي انتاا ماعاد تتحكم فيني أنا رح أعمل اللي بدي ياه
- أبو رائد صار يتنفس بسرعة
- رائد: من هون ورايح كلمتي اللي رح تمشي بالبيت واذا حدا بيتعرضلي مايلوم الا حالو حتى انتاا
- أبو رائد حط ايدو على قلبو وصار يتنفس بصعوبة..
- رائد: مارح تمرق كلمتك عليي انتا خلص عهدك ، وأنا رح ربيها لهالحشرة..
التفت عليها وصار يضربها وهي تبكي وهون أبو رائد ماكان قدران لا يتحرك ولا ينطق وصار وجهو أزرق ووقع على الأرض ودخلت أم رائد على الأصوات وشافتو وصارت تصرخ ، ترك رائد سما وصار يحاول يصحيه ونقلوه للمشفى من جديد..
- كانو الكل برا وعم يبكو خصوصاً سما حست انو بيوم وليلة كل حياتها نقلبت وتحولت لجحيم ، اجت رشا عم تركض وصارت تسألهم: شبو بابااا لك احكوو ، سماا حكيلي شو اللي وصلكم لهالحالة ، سما ارتمت بحضنها وصارت تبكي..
- رشا: أنا بعيدة ومو عرفانة شو عم يصير حتى اجى سامي وقلي لحقي أبوكي ع المشفى أنا انصدمت لك شو صاير معكن..
- سما وهي بتنشق: ر رائد كان كاان عم يضربني وتدخل باباا ليفكني منو ورائد بعدو وصرخ عليه ورجع يضربني وباباا ساءت حالتو..
- رشا نزلو دموعها وحطت ايدها على تمها..
- سما وهي بتبكي: كلوو بسببي باباا هون بسببي
- رشا: لييش صار هييك ليش رائد ضربك؟؟؟
- سما اتطلعت بالفراغ: لانو طلعت مع ضياء على المدينة
- رشا انصدمت: لك لييش أنا مانبهتك من قبل ليش ضيعتي حاالك
- سما: بس أنا عنجد حبيتو وهو بحبني بصدق ماكانت مشاعر مراهقة متل ماقلتيلي ، أناا حاولت حاولت أتجاهل مشاعري وقاومت بس بالأخير الحب اللي بقلبي زاد ، رشا أنا بعشقو لضياء ومابتخيل حياتي بدونو
- رشا اتطلعت بعيونها وحست بصدق مشاعرها ضمتها لصدرها وصارت تبكي معها..
- طلع الدكتور وكلهم ركضو لعندو..
- أمل: طمني كيف صار زوجي؟؟
- سما: بابا منيح مو
- الدكتور: تعرض لجلطة قلبية قوية للأسف ، الأعمار بيد الله..
- أمل صارت ترجف: شو يعني ..
- الدكتور: العمر الكن المريض توفى ..
- أمل صرخت صرخة هزت المشفى ودخلت بنوبة بكاء هستيرية وسما ورشا صارو يبكو بشدة ..
- سما: لاااااا بدي بابااا لاااا بابا ما مااات عم يكذبو باباااااااا
- رشا صارت تحضنها وهي بتبكي متلها ، ورائد قعد بالزاوية وصار يبكي بصوت مسموع وهو بيتذكر كيف صرخ عليه ودفشو وبعدين قام متل المجنون ووقف قدام سما اللي اتطلعت فيه وعيونها متل الجمر من البكا
- رائد: باباااا ماات بسببك ، بسببك ماااات
- سما انتفضت وصرخت فيه: بابااا مارح يساامحك مات وهو غضبان عليييك
- رائد عصب واجى ليضربها وقفت رشا قدامها وحاولت تكون قوية: هلق مو وقت الخناق باباا جوا طلعت روحو وانتو عم تتخانقو ، غصت بالحكي وصارت تبكي وكملت: مابصير اللي عم تعملوه ..
- تاني يوم الساعة11 شيعو جثمانو وطلعو بالجنازة بس الرجال ومن أولهم رائد وبس رجعو أقامو مراسم العزاء بالبيت ..
- ورائد أخد سما من ايدها وحبسها بغرفتو..
- رائد: خليكي هون يا كلبة لاا تحلمي تطلعي
- سما ببكا: بترجااك لا تعمل هيك بدي كون مع ماماا هي بحاجتنا
- رائد: خرسيي لو انك ميتة بدالو لبابااا
- سما قعدت ورا الباب وصارت تبكي على فقدان أبوها ..
- سما: أنا فقدت سندي راح باباا اللي بحبوو ميين رح يسندني ميين اللي رح يعطيني الحنية ، باباااااا وينك يا بابااا
- تحت كان صوت القرآن عم يطلع من البيت والنسوان قاعدين بالصالون والرجال بالمضافة وكان رائد واقف وعم يستقبل الرجال..
- أم رائد كانت قاعدة ووجها خالي من اية تعبير ودموعها عم تسيل على وجها وأخواتها قاعدين حوليها وعم يهدوها ..
وحدة من الجيران: سمعت انو الرجال مات من ورا بنتو
- اللي جنبها: كييف؟
- وحدة تانية همست: اليوم الصبح كانو عم يقولو انو بنتو ضحك عليها ابن الجيران
- قالت الأولى: اي هاد الشب الحلو الأزعر ضياء ابن ام ضياء والباب ع الباب
- التانية: يا لطيف الله يستر على بناتنا ، موتت أبوها
- اجت أختها لأم رائد وقالت: شو عم تتهامسو انتي وياها هاد عزا مو عرس
- وعطتهم كل وحدة قرآن وقالتلهم قرأو بنوبكم ثواب
- عند الرجال كان رائد قاعد ومنزل راسو واجى حدا وقلو: عظم الله أجرك ، رفع راسو واجى ليرد وانصدم ، كان ضياء ولابس جاكيت أسود ووجهو تعبان ..
- رائد بهمس: انتااا كييف بتتجرأ وبتجي لهووون ، انقلع لبرا أحسن ماقوم وأدفنك بأرضك..
- عمو مسكو من ايدو وقلو: اهدى رائد ليك كيف الناس عم تتطلع عليك..
- رائد شد على ايدو: نقلع من بيتي يا واطي
- عمو لرائد مسكو لضياء من ذراعو وطلعو لبرا وقلو: تفضل لبرا مابدنا مشاكل
- ضياء هز براسو ومشى وانتبه للصالون اتطلع من بعيد وماشاف سما بيناتهم قلق عليها وصار بدو يتطمن عليها ومو عرفان كيف ، وللحظ شاف رشا طالعة من الصالون لابسة أسود ..
- ضياء: مدام رشا
- رشا سمعت حدا نادالها اتطلعت عليه منيح وبعدها قربت لعندو: انتاا شو عم تعمل هوون اذا شافك رائد لتصير مشكلة الها أول ما الها آخر ، أنا بترجاك تطلع حالاً
- ضياء: سما كيفها هي وين هلق؟
- رشا تجاهلتو ومشت ، ضياء ركض ووقف قدامها: لا تعملي هيك فيني رح أنفجر اذا ماعرفت وينها
- رشا تعاطفت معو وقالت: هي فوق رائد قفل عليها بالغرفة
- ضياء مسح وجهو من العصبية وتماسك : بدي حاكيهاا
- رشا مشت: مستحييل
- ضياء: فهميني خليني حاكيها كلمتين بس
- ضياء بعيون مدمعة: بدي عزيها
- رشا نزلو دموعها : تعال معي ..
طلعت على الدرج وهي بتتطلع حوليها وضياء لحقها ووقفت قدام غرفة من الغرف وقالت: هي جوا ، حاول تحاكيها من ورا الباب لانو المفتاح مع رائد
- ضياء ضرب على الباب: سماا سماا أناا هوون
- سما: ضياء ضياااء
- رشا تركتهم ووقفت بأول درج لتراقب ..
- سما صارت تبكي وتلمس الباب: ضياااء ضيااء مات باباا
- ضياء نزلو دموعو: العمر الك ، كوني قوية سما اصبري
- سما: ماعاد فيي أتحمل أكتر ، يارب موت وارتاح
- ضياء وايديه على الباب: لا تحكي هييك ، سماا قوي قلبك أكيد ابوكي مابحب تكوني هيك
- سما: تعبت كتير ضيااء تعبت
- ضياء: أنا معك رح شاركك وجعك وحزنك
-سما وهي بتنشق: ياريت لو فيي ضمك وأبكي على كتفك
- ضياء صار يبكي: بوعدك طالعك من هون ياعمري..
- رشا كانت عم تسمع حكيهم وعم تبكي وحاطة ايديها على تمها ، مسحت دموعها وقالت: يلا ضياء بكفي هيك
- ضياء مسح عيونو وقال: أنا صار لازم روح
- سما ببكا: لاا تتركني
- ضياء تقطع قلبو: مارح أتركك ، رح أترك قلبي عندك يلا ديري بالك على حالك..
سما صارت تبكي ووقفت وصارت تضرب على الباب وضياء نزل ركض لتحت ودموعو نازلين..
- ضياء: ديري بالك عليها واحميها من أخوها
- رشا: لا تقلق أنا رح ضل حدها ..
- طلع ضياء من البيت وراح ..
- مرو يومين وخلص العزا وسما لسا محبوسة بقلب الغرفة..
- رشا: رائد خلص بكفي طالع أختك من جوا حرام عليك
- رائد: رشا لا تتدخلي خليكي على جنب
- رشا: أمي احكيلك كلمة مو معقول تضل البنت جوا الغرفة لك نشفو دموعها
- أمل: .................
- رشا صارت تهزها: أمي اصحي لاا تعملي بحالك هييك
- أمل: ..................
- رشا: لا حول ولا قوة الا بالله
- أمل كانت عم تتطلع بالفراغ ووجها جامد بدون أية ملامح..
- سما كانت نايمة ورا الباب وعم تهمس بضعف: باباا باباا ارجع..
- رشا ماعادت عرفت شو تعمل لهيك اتصلت بزوجها: سامي تعال على بيتنا رائد لازم ينحطلو حد ..
- بعد دقايق اجى سامي وصار يحاول مع رائد مشان يفتحلها لسما بس رائد كان معند وبالآخر تخانقو ..
- سامي: سما هلق بدها تطلع من جواا عم تفهم
- رائد بصراخ: شو انتاا أخوها ولا أنااا ، هي أمور عائلية لا تدحش أنفك فيهاا فهمااان
- سامي: انتا الحكي مابينفع معك..
تركو وطلع لفوق وقال: سماا لا تقربي من الباب رح أخلعوو
- سما حست انو اخيراً انفرجت عليها وبعدت من ورا الباب..
- سامي جاب المطرقة وصار يضربو ..
- رائد لحقو وصرخ: انتاااا شووو عم تعمللل
- سامي وهو بيضرب على الباب: رح طالعها
- رائد وقف قدامو : خلص نزل المطرقة رح أفتح
- سامي تنهد وقلو: افتح بسرعة
- طالع المفتاح من جيبتو وفتح الباب ووقف على جنب ، سما لما شافت الباب انفتح قامت ركض وضمت أختها بقوة وصارت تبكي..
- رشا: اهدي ياعمري خلص انتي معناا
- أخدتها ونزلو لتحت وصارت تطعميها وتشربها وتغسلها..
- سامي: رح آخد سما وخليها تقعد عند أختها هالفترة
- رائد: أووعك على جثتي مابتطلع من هالباب
- سامي: ما رح أمن عليها عندك انتا هلق معصب ورح تفش قهرك فيها
- رائد: أنا مارح قرب عليها لو بدي أضربها كنت ضربتها بس كرهتها مو طايق شوف وجها حتى..
- سامي: طيب أنا رح أمشي
- طلع سامي واجى لياخد رشا معو بس هي ماقبلت
- رشا: حبيبي أنا بدي ضل هالفترة جنب أمي وأختي عذرني مافيني أتركهم
- سامي: معك حق طيب ديري بالك على حالك وعلى أهلك أنا رايح
- رشا قامت ضمتو وودعتو ومشى..
- مر أسبوع والبيت ساكنو الحزن والأسى وأمل دخلت بإكتئاب حاد كانت ماتحكي الا قليل وماتاكل وتضل عم تبكي وسما نحفت بزيادة وعيونها حاوطتهم هالة سودا من الحزن ورشا كانت الوحيدة اللي أقوى منهم كانت مضطرة تقوي قلبها حتى تسندهم ليجتازو هالوقت العصيب أما رائد فكان طول الوقت بالبيت ومراقب سما بكل تحركاتها وكان ممنوع عليها تدخل غرفتها وتطلع للحديقة وللشارع وللسطح وكان جوالها بعدو معو ..
- سما حست بالإختناق من هالوضع لانو رائد صار يتحكم فيها بعد موت أبوه وصارت تصرفاتو مستفزة كتير ومزعجة على أية شي كان يقوم ليضربها بس رشا تمنعو..
- ضياء كان ناطر ليمر أربعين يوم على وفاة أبو رائد حتى يروح ويطلبها ويخلص هالكابوس ، رشا كانت مرسال بين ضياء وسما وتوصل أخبارهم لبعض لهيك ضياء ارتاح انو سما ماعادت محبوسة..
- مرو أربعين يوم على وفاة أبو رائد الأيام مضت بسرعة خيالية الشي اللي تغير انو أمل تحسن وضعها شوي وصارت تحكي متل قبل..
ضياء كان ناطر على نار حتى يجي هاليوم جمع رجال عيلتو وأبوه و المختار والشيخ وراح ليطلب سما..
- رائد: هالواطي مابفوت بيتي
- الشيخ: صلي ع النبي يا ابني واستهدي بالرحمن مابصير تحكي هيك
- رائد: انتاا بتعرف يا شيخي هو شو عمل ؟
- الشيخ: اي بعرف وباب التوبة مفتوح يا ابني والشب رايد أختك بالحلال
- رائد: على جثتي مابيتم هالزوااج
- ضياء عصب وحكى: لك انتاا من شوو مصنووع انتاا ماعندك رحمة؟
- المختار مسكو من ايدو وقال: اهدى يا ابني خلينا نحنا نحكي ،
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*