الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `موسم النرجس*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#موسم النرجس ...
#الجزء الثالث...
-سما ت اذن من المدرسة وطلعت مع ضياء..
- ضياء ناولها الخوذة وأخدتها منو وصارت تلبسها وماتعرف..
- ضياء ابتسم وشالها عن راسها وصار يبعدلها شعراتها عن عيونها وسما غمضت عيونها..
- سما جواتها: احساس أصابع ايديه على بشرتي عم تصيبني بالقشعريرة الحقيقية..
- حطلها الخوذة وقال: هيك زبطت
ضحك ونقر خوذتو بخوذتها بخفة وصار يتطلع بعيونها بعيون عم تلمع..
- سما: يلاا نمشي
- ضياء ركب على الموتور وقللها يلا طلعي ، سما ركبت وراه وهي خايفة لانو أول مرة بتطلع على موتور وأول ما انطلق مسكت بقميصو بخوف ..
ضياء مسك ايدها وحطها على بطنو وقال: تمسكي منيح..
سما حضنتو بايديها التنتين وفي ابتسامة ظهرت على تمها وقلبها صار يخفق..
- ضياء كان مبسوط رغم انو كان زعلان بس مزاجو كلو تبدل ، اتطلع على ايديها اللي محاوطين خصرو وأسرع أكتر..
- سما: وقف هوون
- ضياء وقف: شوفي؟
- سما: بدي أشتري باقة ورد
- ضياء ابتسم: لا تعذبي حالك
- سما: مافي عذاب ولا شي ، بدك تجي معي؟
- ضياء مد ايدو قدامها وقال: السيدات أولاً
- سما مشت قدامو وابتسمت..
- دخلو المحل وبلشت سما تتنقل من نوع لنوع وضياء واقف على جنب وبيتأملها
- ضياء همس: مو عارف أميزها عن الورد 🌸
- سما وهي عم تنسق باقة من الورد حست على شي بيدغدغ وجها اتطلعت ولقت ضياء وحامل وردة نرجس وعم يمررها على وجها ومبتسم..
- سما بفرح: نرجس
- ضياء قدملها ياها: هي الك
- سما ضحكت بنعومة: يسلموو ، بس كيف لقيتها موسم النرجس خلص..
- ضياء وهو بيتطلع جوا عيونها : موسم النرجس مابيخلص عندي ..
- سما أخدتها من ايدو وتشكرتو مرة تانية وراحت دفعت حق الباقة وطلعو للمشفى..
- بالمشفى كانت أمو لضياء مستلقية على السرير وباين التعب على وجها..
- ضياء: ماماا شوفي مين اجى يزورك..
- أم ضياء اتطلعت على سما بتعب وابتسمت: أهلين يابنتي ..
- سما: عليكي العافية خالتو
قعدت وحطتلها باقة الورد على الطاولة جنب راسها..
- ضياء: ماما سما جابتلك باقة ورد حلوة كتير
- سما ابتسمت وخدودها احمرو من الخجل..
- أم ضياء مسكت ايدها لسما: يسلم ايديكي يا عمري..
- سما مسكت ايدها وابتسمت بارتياح: الله يسلمك ..
- قعدو شوي وبعدين طلعو لانو الممرضة قالتلهم انو المريضة لازم ترتاح..
- ضياء: أبي وينو كان هون لما أنا طلعت
- سما: بجوز راح يجيب شي من البيت
- ضياء: اي ممكن
- سما صارت تتطلع على الأطباء بفرح ..
- سما: أديش حلو المريول الأبيض
- ضياء: تجربيه؟
- سما: كيف؟
- ضياء: تعالي معي
- راحو لغرفة تياب المشفى وضياء مسك واحد وقللها : خدي لبسيه..
- سما بفرح: بلكي كشفونا
- ضياء: مابصير شي يلا جربيه..
سما مسكتو بفرح ولبستو فوق تياب المدرسة وصارت تتطلع على حالها وتضحك بحماس..
- ضياء كان في ابتسامة صغيرة على وجهو وصافن فيها ، قاطعت شرودو لما عطتو واحد وقالت: لبسو انتا كمان
- ضياء: لا أنا بلاه
- سما: لك يلاا بدي شوفو عليك..
- ضياء ماحب يخجلها ولبسو ...
- سما: واااو مأحلاه عليك
- ضياء: وانتي لايق عليكي
- ضياء سحبها لقدام مراية طويلة وكانت واقفة قدامو وهو وراها..
- سما بإنبهار: شكلنا أطباء بإمتياز
- ضياء: أطبااء
- سما: عجبتك الكلمة ؟
- ضياء: مابعرف
- سما اندارت عليه وقالت: ضياء بدي ياك تكون دكتور..
- ضياء صفن بعيونها وبلشت دقات قلبو تعلى
- سما: اذا أنا ما حققت حلمي بتكون انتا حققتو الي وعدني
- ضياء: بوعدك
- سما كانو عيونها مدمعين ، تحركت وشلحت المريول ورجعتو وهو كمان وطلعو لبرا ...
ورجعت سما للبيت وكل الوقت كانت حزينة وخاصة بس تتذكر حلمها بالطب..
- سما: معقول ماحقق حلمي طيب من وين اجاني هالشعور ! هلق مشواري أطول ولضياء أقصر نشالله يحقق هالحلم..
قامت وتذكرت زهرة النرجس شالتها وفتحت درج من الخزانة وطلعت دفتر كبير وفتحتو بالصفحة الأولى كانت ملزقة وردة نرجس ومكتوب تحتها ( الزهرة الأولى زهرة التعارف)
وبالصفحة التانية كان في وردة نرجس تانية ملزقة ومكتوب تحتها( الزهرة الثانية زهرة الإعتذار)
وبالصفحة الثالثة لزقت الوردة اللي بإيدها وكتبت تحتها ( الزهرة الثالثة زهرة الإنجذاب) ...
ابتسمت ورجعت الدفتر لمكانو وسكرت الدرج..
- مرو كم يوم وسما بتروح على المدرسة وبترجع بتدرس دروسها وطول الوقت بتتطلع من الشباك وهي حاطة القلم بتمها..
كانت حاسة انو شغفها اختفى من لما بطلت تشوف ضياء قدامها..
- سما: معقول كلشي عم حس فيه وهمي؟؟ لاا هالشي حقيقي أي أنا حاسة فيه بكل دقيقة .. أناا بحب ضيااء ، غمضت عيونها وهي حاطة ايدها على قلبها وعم تستشعر دقاتو...
- ضياء كان كل الوقت جنب أمو وعم يعتني فيها ، هي كانت تطلب منو يروح لمدرستو وينتبه على دراستو بس أهم شي عندو كانت صحتها..
- أم ضياء: انتا بتحبها لسما؟
- ضياء ابتسم: كيف عرفتي
- أم ضياء: من نظراتك الها ، يلا صير ادرس وصير بالجامعة ورح أخطبلك ياها..
- ضياء فرح كتير ومسك ايدها وباسها وحطها على وجهو: الله يخليلي ياكي يا أحلى أم بالدنيا
- دخلت الدكتورة وضحكت: شكلها أم ضياء مبسوطة اليوم .
- أم ضياء: اي ولله مبسوطة ابني صار شب وفرحانة فيه
- الدكتورة: الله يخليلك ياه يارب ، يا ابني أمك صارت كتير منيحة وصار فيكن تخرجوها..
- ضياء انبسط: تماام شكرا كتير ..
----------------------------------
- كانت سما قاعدة حد الشباك وحاطة السماعات بأذانها بملل وفجأة انتبهت لحركة تحت ، اتطلعت ولقت تكسي أجرة ونزل منها ضياء وأبوه وسندو أم ضياء لجوا ، وضل ضياء وحاسب صاحب التكسي..
- سما شالت السماعات من أذانها بسرعة وفتحت الشباك ونادت بصوت عالي: ضياااء
- ضياء اتطلع لفوق وضحك: مرحباا
- سما فتحت باب غرفتها ونزلت طيران لتحت..
- سما بفرح: كيفك
- ضياء: مبسوط
- سما: أناا شفتها يعني أمك اجت للبيت
- ضياء: هههه أي خلص صارت منيحة
- سما: الحمدلله على سلامتها
- أبوه من جوا البيت: يا ضياء
- سما: يلا أنا رايحة
- ضياء: سماا
اتطلعت عليه بلهفة ، ضياء اتطلع بعيونها وابتسم: بشوفك بكرا الصبح..
- سما بسعادة: بشوفك..
- راحت ركض للبيت وتفاجأت بأمها جوا الباب..
- سما حطت ايدها على قلبها: نقزتيني
- أمل: وين كنتي؟
- سما بتوتر: أناا اختنقت من الغرفة ونزلت شميت شوية هوا
- أمل: ايواا ، في شي ؟ وضعك مو عاجبني
- سما: لا أبداً ماماا ، أنا رايحة أدرس..
- أمل: تعالي بدي نقعد سوا صرلنا زمان ماقعدنا أم وبنتها..
- سما: طيب رح جيب بزر لنتسلى
- قعدو وصارت أمها تسألها عن رفقاتها وعن علاقتها مع زملائها لانها كانت بدها تعرف اذا حابة حدا من المدرسة عشان حاسة بتغير بتصرفاتها بس سما ماحكت الا عن رفقاتها البنات ومواقفهم اللي بتضحك..
----------------------------------
- تاني يوم فاقت سما متحمسة بشكل كبير وأمها عم تتطلع فيها ومستغربة..
- سما: ماماا تتذكري الضفيرة الكبيرة اللي كنتي تعمليلي ياها ؟
- أمل: أي؟
- سما قعدت قدامها وعطتها المشاطة وقالت: عمليلي ياها هلق..
- أمل أخدت المشاطة وهي مستغربة وعملتلها ياها وقامت فوراً واتطلعت على حالها بالمراية وابتسمت
- سما: حلوة كتيير يسلم ايديكي ماماا
- اتطلعت مرة تانية بالمراية وتناولت أحمر الشفاه واجت لتحط وقاطعتها أمها..
- أمل: عم تتحمري؟!
- سما: اي بدي حط شوي
- أمل: لاا تحطي عيب وليك
- سما: ماماا لا عيب ولاشي أنا صرت صبية وصار عمري 17 سنة
- أمل: لساتك صغيرة ولله اذا شافك رائد بيقبرك
- سما: بلييز
- أمل: شو صايرلك انتي ليكون عشقانة
- سما بسرعة: لاا ضروري كون عشقانة نحنا البنات بنحب نهتم بنفسنا وجمان وريم بحطو مكياج كل يوم على المدرسة الله يسامحك يا ماما ، خلص ماعاد بدي حط
- أمل اقتنعت بكلامها وقالت: يصطفلو مادخلنا فيهم بس انتي حلوة لحالك مو بحاجة ..
لبستها الحقيبة المدرسية وقالت: يلا انتبهي على حالك..
- سما غافلتها وحطت قلم الحمرة بجيبتها: حاضر ماما ..
وطلعت من الباب مشت شوي واتطلعت حوليها وطالعت قلم الحمرة ومسكت المراية وبلشت تلون شفافها بسرعة وبعدين سمعت صوت من وراها مباشرةً : عم تحطي حمرة؟؟
نقزت والتفتت عليه وهو بس شافها فرط من الضحك وماعاد يوقف
- سما بانزعاج: لك شبك ليش عم تضحك؟؟؟
- ضياء وهو بيضحك أشرلها على تمها..
- رفعت المراية وشافت حالها وحست بالحرج الشديد لانو حمرتها كانت طالعة برا تمها ومنظرها بيضحك..
صارت تدور بحقيبتها على محرمة وعم تتمنى الأرض تنشق وتبلعها..
- سما بقلبها: ياريتني سمعت كلام ماما بلا هالشرشحة 😫 لك ويين المناديل يا الله !!
وهي منشغلة ماشافت الا ضياء رفعلها راسها بإيدو وبالإيد التانية صار يمسح تمها وهي عم تتطلع فيه بعشق..
ضياء رفع ايدو لأنفو وشمها: اممم ريحتو حلوة ، خلينا نشوف الطعم ..
حط اصبعو بتمو وقال: يا ويليي طعمتو بتجنن
- سما رح تموت من جرأتو وماكان منها الا قالت: مااايع ، وتركتو وركضت وهي خجلانة منو ..
- ضياء كان ماشي وراها ببطئ قال بصوت عالي: لا تركضي كتيير هلق شعراتك الحلوين بيخربو..
- سما مسكت شعرها وضحكت بخفوت..
ركض ضياء وصار جنبها ومشو جنب بعض وهنن بخبو ضحكاتهم...
- بالمدرسة كان عند ضياء الحصة الأولى رياضة وطلعو ولبسو اللباس الرياضي عبارة عن كنزة حفر بيضا وشرط أبيض وبلشو يركضو على نسق واحد..
- عند سما كان حصة رياضيات والمعلمة عم تشرح على السبورة..
- المعلمة: انتبهو شباب صبايا هاد الدرس مهم كتيير وسؤال منو اجباري بالامتحان..
الكل هزو بروسهم وصارو يتطلعو عليها بانتباه..
- سما انتبهت انو في حركة بالباحة اتطلعت ولما شافت ضياء بيركض صفنت فيه وصارت تراقبو بعيونها..
- المعلمة: سماا
- سما اتطلعت عليها: نعم
- المعلمة: طلعي حلي هالمسألة لرفقاتك
- سما: اه ؟ أي
طلعت ووقفت على السبورة ومعها القلم وصارت تعصر مخها وبعدين بلشت تكتب وخلصت ..
- المعلمة: غلط الحل غلط
- سما حست بالإحراج
- المعلمة: تعي روان حليها وانتي سما خليكي واقفة هون تعلمي كيف رح تحلها..
طلعت روان وحلتها بكل سهولة ..
- المعلمة: هيك صح برافو روان ..
روان اتطلعت بسما وابتسمت بمجاكرة وسما رح تنفجر..
- المعلمة: فوتي سما بس تاني مرة انتبهي عليي وأنا عم أشرح الدرس..
- سما هزت براسها وفاتت وهي معصبة من حالها أول مرة بكون عقلها مشوش ..
- ريم بهمس: شبك سماا
- سما: مافي شي
- عند ضياء كان بيلعبو كرة قدم والصبايا واقفين على جنب وكلهم بشجعوه وبيهتفو باسمو وهو مبلش يسجل أهداف..
- خلصت حصة الرياضيات عند سما وطلعت المعلمة وكل البنات صارو على الشبابيك..
- ريم: شو كل هالضجة تحت ؟
- اتطلعت مع رفقاتها ولقو ضياء قفز وهو بيضحك وراح ضرب كفو بكل البنات اللي واقفين على جنب ومادين ايديهم وعم يشجعوه..
- جمان: هالبنات من صفو ليكي كيف عم يهتفو بإسمو ويشجعوه
- سما شدت بإيدها على الشباك وقالت بعصبية: شو بدنا فيهم مجانين هدول
- دخل أستاذ اللغة عليهم وضرب على الباب: انزلو من على الشبابيك رح نبدا بالحصة..
قعدو كلهم وبلشت حصة جديدة...
----------------------------------
- بالرجعة كانت سما مع رفقاتها وحست حدا مسكها من حقيبتها من ورا ، اتطلعت ولقتو هو ..
- ضياء: صبايا معلش تتركونا بدي حاكيها كلمتين
- ريم وجمان: طبعاً
- سما: خير شو بدك؟ عيب عليك تقول لرفقاتي هيك
- ضياء: انتي ليش معصبة
- سما انتبهت لطريقتها بالحكي: لا ماني معصبة
- ضياء: معصبة
- سما: ماني معصبة
- ضياء: معصبة
- سما صرخت: مااني معصبة عم قلك
- ضياء: تمام ، بكرا رح قلك شي على حيط المدرسة
- سما: مافهمت
- ضياء: بكرا بتفهمي
- مشى وتركها واجو رفقاتها وصارو يسألوها ويتغامزو وهي عم تفكر بكلامو..
- تاني يوم راحت للمدرسة واستغربت انو ما شافت ضياء الصبح ولما وصلت للمدرسة لقت الطلاب متجمعين وفي حالة غريبة وشافت ريم وجمان ..
- سما: صباحو شوفي ليش الكل متجمع هيك
- ريم: تعي شوفي
- دخلت بين الطلاب ولما اتطلعت قدامها وقف قلبهاا كان على الحيط مكتوب بحبك بشكل كبير وتحتها مرسوم زهرة نرجس صغيرة ، سما وقفت متحجرة وأنفاسها عم تطلع وتنزل بسرعة..
- جمان: يا ترى مين اللي كاتبها
- ريم: أديش رومانسي😍 نياالها المقصودة
- سما ماكانت سامعة الا دقات قلبها وعم تتذكر كلامو : رح قلك شي على حيط المدرسة..
- اجى المدير ومعو عصاية وبعد الطلاب ولما شاف الحيط عصب كتير ..
- المدير: أعمال الشغب والمراهقين وتخريب ممتلكات الدولة هي ماعاد تخلص ..
- سما طلعت من بينهم وكأنها مو هي كل جسمها عم يرجف وقلبها عم يضرب ضرب ، حطت ايدها على صدرها لتهدي العاصفة اللي جواتها..
وبعدين شافت ضياء نزل من على الموتور وشال الخوذة وزبط شعرو بإيدو ، شافها من على بعد مسافة وابتسم بطريقة ساحرة وغمزها..
ومن هاللحظة سما عشقت ضياء حد الجنون❤️
المشاعر كلها تدفقت وعملت صلة متينة بينهم..
بس سما قررت ماتعترف باللي عم تحس فيه خوفاً انو يأثر على دراستها أو يكون عشق مؤقت متل ماحكتلها أختها لهيك بالتجنب اختبرت مشاعرها..
صارت تدرس أكتر وتضل منزلة الستارة على شباك غرفتها والصبح تطلع بكير على المدرسة هيك لحتى كانت رايحة لغرفة المعلمين وماحست الا حدا سحبها على جنب ولزقها بالحيط..
- سما: ضياااء
- ضياء: أي ضياء اللي عم تتهربي منو
-سما بعدت من بين ايديه: تركني بدي روح على غ
ضياء قاطعها وسحبها من جديد للحيط وقرب منها أكتر وهمس جنب أذنها: الكل شاف الكلمة وانتي ماشفتيها بقلبك؟
-سما: تركني رووح
-ضياء: أناا بح
- سما بسرعة حطت إيدها على تمو: لا تقولها
- ضياء بعدلها ايدها وباسها من أصابعها وهي ارتجفت وسحبت ايدها وخبتها ورا ظهرها..
- ضياء: ليش خايفة قولها
- سما سحبت حالها وركضت لبعيد..
وضياء واقف مكانو ضرب ايدو على الحيط بقهر..
- سما كانت عم تركض وحاسة حالها تغيرت كتير شو هالمشاعر اللي عم تحملها جواتها هي أكبر من الحب بكتير ..
- سما: ليش ماعم أتحمل ! كلامو ولمساتو عم يخلوني طير لبعيد كتير..
- وهيك ضلت سما تقاوم بصعوبة وتعاني لوحدها حتى حست انو أيامها عم تمر سيئة اذا ما حاكت ضياء ومشت مع ضياء وقلبها دق مع ضياء..
- وبيوم بالمدرسة اجى ضياء يسأل عنها وقالتلو جمان: لحالها ورا المبنى وتخانقت معنا مدري شو صايبها هالأيام مزاجها زفت
- ضياء: مااشي
- تركهم وركض يدور عليها ولقاها قاعدة لحالها وضامة رجليها لراسها ..
- ضياء: سمااا
- رفعت راسها وكانو دموعها نازلين ..
- ضياء: سمااا
- ركض لعندها وضمها لصدرو ..
- ضياء وهو بيلمس شعرها: لا تبكي أنا جنبك..
- مسكلها وجها ومسح دموعها بإيدو وقال: أنا بحبك سمائي..
- سما اتطلعت فيه بهيام وعيونها عم يلمعو من أثر الدموع..
- ضياء: لا تقاومي اتركي خوفك اتركي قلبك يدق..
- سما: أناا
- ضياء: انتي ؟
- سما: أنا بدي روح
- مشت مسرعة لحقها ضياء وجذبها من ايدها: مارح أسمحلك تهربي هالمرة
- قرب منها وباسها برقة من خدها وهو مغمض عيونو وابتسم ..
- ضياء: هلق هربي
- سما اتطلعت فيه وهي واقفة مكانها..
- ضياء: بدك أعطيكي وحدة تانية؟
قرب منها وهي بسرعة البرق ركضت لبعيد وماعاد بينت..
سما مسكت خدها وصارت تضحك متل الطفلة..
- جمان اجت لعندها: شو من شوي كنتي بتصرخي وهلق عم تضحكي؟! شو صاير معك انتي؟
- سما ضحكت: مادخلك انتي
- جمان: ولله مجنونة
----------------------------------
- بالبيت كانت سما طول الوقت صافنة وعقلها بضياء سيطر على كل ذرة منها..
وفجأة شافت حدا رمى شي على الشباك ، فتحتو واتطلعت ولقت ضياء تحت وأشرلها انو تنزل..
- سكرت الشباك وترددت تنزل ولا لأ بس مشاعرها هزمتها وزبطت حالها على المراية ونزلت بسرعة ولقتو واقف وحاطط ايديه بجيبو وعم يستناها خلف البيت..
ولما شافها فتح ايديه على وسعهن وهي ركضت لعندو وضمتو بقوة ، رفعها عن الأرض وصار يلف فيها وهي عم تضحك وبعدين نزلها ولسا ايديه على خصرها وايديها حول رقبتو..
- سما وهي بتلقط نفسها: ضيااء
- ضياء: عيونو
- سما: أنا واقعة بالحب
- ضياء شدها من خصرها ولزقها فيه: مين بتحبي؟
- سما: بحبك ضياء
- ضياء حس حالو بحلم من السعادة وضحكلها بحب
- ضياء: حاسس حالي بخياال !
سما: لا هي أحلى حقيقة بعيشها..
- ضياء: انتي أحلى شي بحياتي ..
قرب ليبوسها وهي حطت ايدها على تمها بخجل ، ابتسم وباس ايدها وهمس: بمووت فيكي..
- سما: أناا صار لازم روح هلق ماماا بتصير تدور عليي
- ضياء: طيري
----------------------------------
- راحت سما للبيت وضلت طول نهارها مبتسمة وعم تكتب على دفتر مذكراتها..
وتاني نهار زبطت حالها ونزلت على الوقت لتحت واتطلعت مالقت ضياء ، وقفت شوي وماطلع بعدين مشت وهي زعلانة وماحست الا حدا شدلها شعراتها ، اتطلعت وراها وشافتو..
- ضياء: رايحة بدوني؟
- سما: استنيتك وماطلعت
- ضياء: ايواا
مشو بصمت ومو عارفين شو يحكو وايديهم من حركة المشي عم تتلامس على الخفيف وكل شوي يتطلعو ببعض ويرجعو يتطلعو على الطريق ، ضياء مسك ايدها وشبك أصابعو بأصابعها..
- سما ابتسمت بخجل
- ضياء: شعور حلو جداً
- سما: هاا
- ضياء رفع ايدو اللي ماسكة إيدها وقال: أصابعنا متداخلة مع بعضها
أشر على صدرو وكمل: وقلوبنا عم تنبض بنسق واحد..
- سما: ضياء بدي كون معك دائماً
- ضياء: رح كون معك لو شو ماصار ، وعديني ماتتركيني
- سما: بوعدك ياقلبي
- ضياء اتطلع جوا عيونها: بحبك وبحب كلشي فيكي من أول ماشفتك هدمتي كل حصوني اللي بنيتها ، كسرتي غروري وخليتيني أسير عيونك الخضر
- سما صار قلبها يدق من كلامو وتوترت
- ضياء: سماا
- سما: أي
- ضياء: انتي دائي ودوائي ومرضي وشفائي ، صباحي ومسائي ، صيفي وشتائي ، ناري وهوائي ، راحتي وشقائي ، معزوفتي وغنائي ، بكِ تحلو الحياة يا سمائي🩵
- سما تلون وجها باللون الوردي وكل كلمة حكاها كانت تخترق قلبها وتسكن جواتو ، رفعت حالها وطبعت بوسة على خدو ، ضياء انبسط وأشرلها على خدو التاني ، ضحكت وباستو منو بحماس ومشو وهنن مبسوطين ولما وصلو قريب من المدرسة فلتت سما ايدها منو وقالت: هلق صار لازم روح باي ضيائي
- ضياء ابتسم على كلمة ضيائي وبعدها مسك ايدها من جديد: وليش مابنفوت على المدرسة هيك
- سما: لانو الكل رح يشوفونا ويوصل الخبر لأخي ولله وقتها ببطلني من المدرسة
- ضياء انزعج: لا خلص لكان خلينا نفوت كل واحد لحالو
- سما: لاا تزعل
- ضياء: مو زعلان
- سما: زعلان
- ضياء: مو زعلان
- سما: مبلى زعلان
- ضياء: أيي زعلت يلاا عطيني بوسة قبل ماتروحي لأرضى
- سما ضحكت وقربت لتبوسو من خدو وماشافتو الا باسها بسرعة من تمها ، حطت ايدها على تمها وصار وجها أحمر متل الدم من الخجل رفعت حالها وطرقتو كف صغير
- سما: كيف بتعمل هييك ، قلييل أدب لك انتاا..
تركتو وركضت بطريق المدرسة..
- ضياء قال بصوت عالي: بحبببك
- سما اتطلعت وراها وهي بتركض ورجعت اتطلعت قدامها واحساس جديد عم يولد جواتها..
- وبالمدرسة كانت كل الوقت حاطة راسها على المقعد وعم تتذكر لحظة اللي باسها رغم انها كانت لثانية وحدة الا انو قلبها لهلق عم يدق وكأنو وقف الزمن من لما لامست شفافو شفافها..
- جمان: سماا
- سما: أي
- جمان: اتطلعي عليي وقيمي راسك من على المقعد..
- سما: نعم جمان
- جمان: شبك؟ انتي متغيرة كتير انتي منيحة؟
- سما صفنت: منيحة
- جمان: حكيلي شبك؟
- سما: ..................
- عند ضياء كمان كان طول الوقت صافن وعم يبتسم وصار يهتم بدروسو وبالاستراحة مايطلع من الصف ويقعد يدرس..
- باسل رفيقو: قووم يا زلمة كرهتني الدراسة حااجتك
- ضياء: تركني أنا لازم حقق حلمي
- باسل: لك أي حلم هااد انتا من ايمت بتدرس هيك
- ضياء: من هلق
- باسل: ليش
- ضياء: بدي أدخل كلية الطب
- باسل صفن فيه وبعدها فرط من الضحك
- ضياء: نقلع لبرا باسل لا تلهيني يلااا
- باسل طلع وهو بيضحك
- جمان ضلت وراها لسما وبدها تعرف اذا اللي براسها صحيح ولا لأ لانو شاكة انو تكون سما عم تحب ضياء ..
- جمان: ريم تعاالي سما بدها تحكيلنا شي
- ريم: اجيت يلاا احكي
- سما: بتوعدوني هالحكي يضل سر بيناتنا؟
- جمان وريم: وعد
- سما بخجل: أناا بحالة حب
- جمان وريم اتطلعو ببعض بصمت وبعدها صرخو صوت واحد بحماس
- سما: هس صارو البنات يتطلعو علينا
- جمان: ضياء مو
- سما هزت براسها بخجل
- ريم: نيااالك يا الله بتجنننو انتوو
- جمان: احكيلنا ايمت اعترفلك..
- سما: تقريباً من شهر
- ريم: كيف قلك يااها
- سما: كتبلي ياها على حيط المدرسة
- ريم صرخت بصدمة: يعني كنتي انتي؟؟؟؟؟
- سما سكتتها: وطي صووتك أي أنا..
- جمان: هالضياء مو بس قمر ورومنسي كمااان
- سما بغيرة: عاجبك؟
- جمان بضحك: ههههه دخيلو الغيوور ، لا الله يخليه لحبيبتو
- سما بفرح: ويخليلي ياكي ياعمري..
- لما انتهى الدوام لحق ضياء سما كل الطريق وصار يتحركشها وهي عملت حالها زعلانة لانو باسها وصارت تتدلل عليه..
- ضياء: لك خلصنا بقى ماعاد عيدها
- سما: ...........
- ضياء: طيب اتطلعي فيني بس
- سما بقلبها: أنا اذا اتطلعت فيك رح أعلن استسلامي لهيك مارح أتطلع
- ضياء: انتي ليش عنيدة هيك ، تمام رح خلصك مني وروح..
تركها ومشى واجت لتناديلو وسكتت وزعلت عليه بس ضلت على موقفها..
- بالبيت كانت سما عم تحل واجباتها خلصت كلشي ونزلت تقعد بالجنينة مع أمها وهنن قاعدين سمعت صوت ضياء من ورا الحيط عم يدرس ..
- سما: ماماا كأنو بابا جوا عم يناديلك؟
-أمل: لا ماحدا نادالي أبوكي من شوي طلع لعند رفقاتو
- سما: امممم ، ماماا قومي فوتي لجوا ودقي لرشا قليلها تجي صرلها زمان ما اجت لعنا
- أمل: دقي انتي
- سما: أنا؟ أي أنا وياها متخانقين بس اشتقتلها لازم انتي ماما تجمعينا
- أمل: آخ منكن بتضلو متل الولاد الصغار ، لكان رايحة دقلها..
- سما: اي يلاا
- راحت أمها وفوراً طلع ضياء على السلم واتطلع عليها ونقزها
- سما حطت ايدها على قلبها: تضرب اي! ارتعبت
- ضياء: ههههههههه
- سما: غليظ
- ضياء: مو قدك
- سما: شو بدك مو ع أساس زعلان مني؟
- ضياء: وانتي شو بدك؟ ليش عم تطفشي أمك لتحاكيني مو ع أساس زعلانة مني
- سما اتطلعت فيه وفرطت ضحك..
- ضياء صافن بضحكتها: ياعمري انتي
- سما تلاشت ضحكتها وهمست: ليش هيك عم تتطلع
- ضياء: عشقااان
- سما: عشقان مين
- ضياء: سما مرااد ، لك يؤبرني اللي بيتدلل ، ليكي استني لحظة وراجع
- سما: لوين؟
- ضياء: لحظة بس
- سما وقفت وكل شوي بتضحك لحالها
- ضياء من فوق: بست
- سما اتطلعت: أي
- ضياء طالع كرتونة كبيرة وعطاها ياها
- سما متفاجئة: شو هااد ؟
- ضياء: هلق امسكي مني
- سما حطت السلم وطلعت كم درجة وتناولتها منو
- سما: ضياء شوفي جواتها؟
- ضياء: روحي لغرفتك وفتحيها
- سما حملتها وركضت وبعدين التفتت وراها وبعتتلو بوسة على الهوا وهي بتضحك ، ضياء طار عقلو فيها وصار قلبو ينبض أكتر..
- سما دخلت الفيلا واتطلعت حوليها لقت أمها قاعدة بالصالون وغرقانة بالحكي مع رشا ، مشت على رؤوس أصابعها وطلعت على الدرج وكملتها ركض للغرفة من الحماس وقفلت الباب ، قعدت على السرير وحملت المقص وسمعت صوت من جوا الكرتونة متل اللحن تحمست وصارت تفتح الكرتونة بسرعة كبيرة ولما فتحتها انصدمت !!
كان في قفص فضي مسكتو ورفعتو قدامها لتشوف عصفور زاهي الألوان بقلبو ، حطت ايدها على تمها وصارت تضحك من فرط السعادة ..
- سما: عصفور 😍 ايي هااد عصفور أيي ليكو
قربت لعند القفص ونقرت العصفور بإصبعها وأصدر صوت حلو كتير وصار يغرد..
سما قفزت من الفرح وهي بتضحك وكأنو الدنيا مو واسعتها ، رجعت تتأمل القفص بشغف وانتبهت لورقة معلقة بالقفص من جوا ، أخدتها وفتحتها وردت شعراتها لورا أذنها وقرأتها: مرحبا سما أنا عصفورك المزعج الجديد ، رح يتعين عليكي تحطيلي الحبوب الخاصة صبح ومسا وتغيريلي المي تلات مرات باليوم ، بالمناسبة فيكي تسميني شو مابدك وفيكي ماتسميني..
خلصت قراءة وضحكت من جديد ..
- سما: يا الله أديش لطيف ضيائي بحبك بحبببك
- أمل صارت تفتح الباب من برا: سماا سمااا فتحي ليش مقفلة الباب
- سما قامت بسرعة وخبت القفص فوق الخزانة وفتحت الباب..
- أمل: ليش مقفلة الباب مو بالعادة
- سما: كنت عم بدل تيابي
- أمل: اي رشا قالتلي رح تجي
- سما: اه حلووو انبسطت
وهي بتحكي صار العصفور يغرد ..
- أمل: شو هالصوت؟
- سما: مافي شي بكون من جوالي
- أمل: تمام
شوي ورجع طلع صوت تغريد..
- أمل: لك هالصوت جاية من خزانتك
- سما: ماماا هاد جوال شبك
- أمل دخلت لجوا وعرفت الصوت جاي من فوق الخزانة..
- سما ماعاد تقدر تخبي ونزلتو من فوق وقالت بفرح: ليكي شو جابولي ريم وجمان
- أمل بتشكيك: معقول جابولك ياه؟ شو المناسبة؟
- سما: أي جابولي ياه لعيد ميلادي
- أمل: بس عيد ميلادك مر من شهرين
- سما توترت: لاا
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*