الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `موسم النرجس*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
#موسم النرجس
#الجزء الثاني..
- سما: ضيااء هوون لاا كما
- ضياء ابتسم من طرف تمو وقال: هلق بلشت العطلة
اجو رفقاتو وكملو سباحة..
- سما كانت واقفة على جنب وشايفتو كيف عم يسبح ويضحك ومقهورة
- رشا اجت وقعدت جنبها: تجاهليه لا تنزعي مراقك
- سما: انتزع ومشي الحال
- رشا: قومي رح نطلع بالسفينة
سما: اي بس مو انتي بتخافي
- رشا: رح أتشجع ومعي سامي كمان
- سما: تمام
- راح طلعو بالسفينة وكانت مليانة ناس ، وقفت سما على طرفها وقعدت تستمتع بهوا البحر وزرقتو واتطلعت بين الناس وانصدمت وكتمت غيظها وضياء كان عم يلوحلها بإيدو مع ضحكة ، سما دارت وشها للبحر وعصبت: لااا حقيير ، خلص سما لا تعصبي خليكي هادية لا تعطيه أهمية..
خلصو الجولة بالبحر واجت لتنزل كان زحمة كتير اجى ضياء من وراها وشدلها شعرها بشقاوة وضل ماشي ، سما عقدت بين حواجبها من العصبية وكانت رح تلحقو وتضربو بس تماسكت ونزلت مع أهلها..
- رشا: وين رائد ؟ معقول شافو لضياء
- سما: مابعرف راح مع سامي ، تعالي نشوف شو عم يبيعو هنيك
- راحو يشوفو وكان مكان لبيع البوظة
- رشا: أكيد بدك على ليمون وحليب
- سما ابتسمت: طبعاً
- اشترو بوظة وأخدو طاولة وأعدو ياكلو ، ضياء كان ماشي مع رفقاتو ولمحهم
- ضياء: شباب تاكلو بوظة؟
- راحو اشترو وأخد ضياء الطاولة اللي بجنب طاولة سما وأعد وبس شافتو سما تشردقت وهو صار يضحك
- رشا: سوسو ؟
- سما وهي عم تتطلع فيه بحقد: اي
- رشا: كأنو ضياء عم يلحقك قصداً
- سما: أي مشان يغيظني
- رشا: لا مو هيك قصدي
- سما اتطلعت فيها وقالت: شو قصدك لكان
- رشا: حاسستو عم يلحقك لانو بدو يكون معك بنفس المكان
- سما ضحكت: بربك رشرش هاد واحد صايع وفوق ما جرحني عم يتقصد يقهرني أكتر
- رشا: بلكي حابب يعتذر
- سما: لو بدو يعتذر كان اعتذر مو هيك بعدين أنا مارح اقبل اعتذارو
- رشا: بلكي هي طريقتو بالاعتذار وانتي مو فهمانتيه
- سما: قيمينا من سيرتو مو حابة عكر مزاجي قومي نروح ع الشاليه
- رشا: بس لسا ما خلصتي البوظة؟
- سما: صدت نفسي يلا قومي
- قامو هنن التنين وضياء انزعج لما شافها ماشية ..
- سما: بهي الطريقة بس مابشوفو لك حتى برحلتي ماتهنيت بسببو مضطرة اقعد بالشاليه عشان ماشوفو ..
وهي قاعدة اجى رائد معصب لانو صادف ضياء على الشط وصار يسب عليه ، سما كتمت ضحكتها
- رائد: وانتي ليش عم تضحكي؟ أجي أكسرلك سنانك ولييك
- سما: ماني عم أضحك
- رائد: نقلعي من وجهي
- طلعت سما وهي بتضحك : وجود ضياء مو بس معصبني لحالي كمان رائد انهز بدنو يلا معلش🤣
- مرو اربع ايام وسما طول الوقت قدام عيونو لضياء ووين ماتروح يتعمد يظهر قدامها ويلفت انتباهها..
باليوم الخامس كانو اهلها مجتمعين وعم يحكو بأمور مابتفهم فيها ملت وحملت حالها وطلعت لبرا وهي حاملة سماعات الأذن الكبار ، قعدت قريب من الشاليه واختارت غنية من الجوال وحطت السماعات وغمضت عيونها وانسجمت مع الغنية وبعد شوي ماحست الا حدا شال السماعات عن أذانها ، فتحت عيونها بانزعاج وشافتو قدامها عم يبتسم..
وقفت وهي معصبة لأبعد حد ومسكتو من ياقة قميصو وصرخت: لك شوو بدك لسااا انتا وااحد حقير وماعندك إحساااس انتاا حقيير لك تركني بحااالي انتا ماعندك دم أكيد ماعندك يلاا انقلع من هوون !!
خلصت كلامها وصارت تلقط أنفاسها ووجها أحمر من العصبية..
ضحك ضياء وقال: اذا لسا عندك شي قوليه
- سما: لك انتاا..
- ضياء: أناا شوو؟ هيك تعادلنا مو
- سما ماعرفت شو تقول وماشافتو الا قرب منها وحطلها شي ورا أذنها وقال: آسف أنا آسف ..
وتركها ومشي مستعجل ..
- سما كانت متحجرة ومافي شي عم يتحرك فيها الا بوبو عينها وبعدين حركت ايدها ورفعتها على شعرها ونزعت الشي اللي حطو على شعرها وتفاجئت بزهرة نرجس..
--------------------------------
- بليلتها حصل شي غريب لسما ماقدرت تنام وكأنو في شي مانعها من النوم ، تركت سريرها وقامت على رؤوس أصابعها وطلعت برا الشاليه وصارت تتمشى على الشط بالليل ، حست بلسعة برد وحطت ايديها على كتافها وضلت ماشية وهي عم تستنشق هوا البحر🩵
رغم برودة الجو بس كان منعش جداً وصوت البحر وسط الهدوء جميل جداً ، ماكان في حدا على الشاطئ غيرها لانو الوقت متأخر ، لمحت ظل حدا جاية من الجهة المعاكسة ناحيتها وعم يصفر ، خافت ودارت ظهرها ورجعت رجوع وهو صار يلحقها ..
- سما بقلبها: وليييي هاد أكيد شي واحد سكراان لازم وصل على الشاليه قبل مايوصل لعندي
- صار تمشي مشي أشبه بالركض وهو صار يمشي وراها بسرعة أكبر وهي بلشت تتعرق رغم برودة الجو من الخوف وبعدين ماحست عليه الا مسكها من خصرها من ورا ولزقها فيه ، هي جمدت من الرعب وبقي نفسها عم يطلع وينزل بقوة وماكان منها الا انقضت على ايدو وعضتو بكل مافيها من عزم وهو صار يصرخ ومن وسط صرخاتو سمعت: لك أناا ضياااء تركي ايدي آآآخ
- فلتت ايدو وهو مسك ايدو وصار ينط😂
وبعد العديد من المناقشات قعدو على مقعد من المقاعد..
ضياء: متوحشة إيدي صارت متل سيخ الناار
- سما: شو بعرفني انك انتاا فكرت شي واحد سكران
- ضياء: آخ ايدي
- سما اتطلعت على ايدو: عم توجعك؟
- ضياء: كتير
- سما وقفت: أنا رايحة جبلك مرهم من عنا
شدها ضياء من ايدها بقوة وقعدها بحضنو على رجليه وقال: لا تروحي ! انتي سامحتيني مو ؟
سما بعفوية لمست وجهو وهمست: انتا شقي كتير
صفن فيها وهي وعيت على حالها وكيف لامسة وجهو وقاعدة على رجليه ، اتطلعت فيه بإفتتان ولقتو عم يقرب منها وغمض عيونو ، قامت بسرعة عنو وخلتو يفيق من حلمو..
- سما: أناا لازم لازم روح
- ضياء: روحي
- رجعت للشاليه وقلبها عم ينتفض جوا ضلوعها وكل ما تتذكر جرأتها تعصب من حالها وتجلد ذاتها..
- سما: لك انتي شو صرلك؟؟ هلق شوو رح يفكر فيكي!! سمااا ويين عقلك؟؟!! معقول بكلمة منو أنا كسرت الحواجز اللي بيناتنا !! الله يلعنني مأغباني اوووفف اصحي على حالك سما اصحي قبل مايفوت الأوان ...
دخلت بسريرها وصارت تتقلب من جهة لجهة وقلبها ماهدي ، غطت راسها بالبطانية وغرقت مع أفكارها..
ضياء ضل قاعد على الشط وصافن بالبحر وبعدين قام مشى وهو حاطط ايديه بجيبو وظهرت ابتسامة على شفافو..
- تاني يوم رجعو سما وأهلها على البيت والكل كانو مبسوطين بهالرحلة
- رشا: سما شبك من وقت مارجعنا ومانك على بعضك
- سما: معقول أنا مابعرف حاالي
- رشا: مافهمت
- سما: هلق الانسان ممكن يعمل شي لا شعورياً يعني هيك شي نابع من حماسو
- رشا: بصراحة أي
- سما: كيف
- رشا: يعني مثلاً العشاق مابيقدرو يسيطرو على مشاعرهم وعادة بيعملو أفعال تلقائية صادرة من حبهم
- سما تلخبطت: عشاق؟ لاا يعني هاد حكي فاضي لا تصدقيه
- رشا: قال ماصدقو لك أنا عشتو شخصياً
- سما: مع مين
- رشا ضحكت: شو مع مين ؟ ههههه مع زوجي سامي لما كنا نحب بعض بالجامعة
- سما: ليش شو هو الحب؟
- رشا: سوسو انتي من ايمت بتهتمي بهالمواضيع ليكوون
- سما وقفت وصارت ترتب غرفتها: لا بس فضول مو أكتر
- رشا تمايزتها: اه فهمت
----------------------------------
بعد يوم كانت فيه سما طول الوقت على الشباك شافت سيارة صفت باب بيت ضياء ونزل منها ضياء ونزل غراضو ، سما دق قلبها أول ماشفتو والدقة تبعتها دقات متناغمة وسريعة ، ضلت مراقبتو بعيونها حتى فات لبيتو..
- سما حطت ايدها على قلبها وصارت تحاول تضبط هالشعور اللي عم يجتاحها
- حطت ايدها على جبهتها وقالت بقلبها: لك شو هالشعور اللي عم حسو غريب كتير ! معقول كون مريضة؟ بس مافي مرض هيك أعراضو !! ليكون مرض نفسي😭
حملت الجوال وهي بتبكي واتصلت بأختها وبعد شوي اجت رشا فوراً ودخلت لعندها وغلقت الباب وراها ..
- لما شافتها سما ركضت لعندها وضمتها ودموعها نازلين ، قاعدتها رشا على الكنبة ومسحتلها دموعها
- رشا بحنية: لك لشو هالبكي يا عمري يلاا اهدي
- هديت سما بس بقيت شهقاتها
- رشا: وهلق احكيلي شو صاير لانو مافهمت شي على التلفون من صوت البكا
- حكتلها سما كلشي صار واللي عم تحس فيه ، رشا كتمت ضحكتها بالغصب..
- سما بقهر: أنا معي مرض نفسي مو
- رشا قربت منها أكتر وقالت بوضوح: لا يا عمري هاد مو مرض نفسي انتي مافيكي شي
- سما: لكان
- رشا: الشي اللي عم تحسي فيه كل البشر بحسو فيه بهالعمر
- سما: كل البشر؟
- رشا: كلنا مرينا بهي الأحاسيس بفترة المراهقة
- سما: بس أنا ماني مراهقة أنا كبرت
- رشا: لا ياعمري انتي بعدك بفترة المراهقة
- سما: وأنا شو لازم أعمل
- رشا: انتي عليكي تتحكمي بمشاعرك الوهمية
- سما: وهمية؟
- رشا: أي يا سما هي المشاعر شي مؤقت وبتروح
- سما: عنجد فيني أتحكم فيها وبتروح؟
- رشا: طبعاً
- سما: طيب شو منسميها
- رشا: اممم فيكي تقولي مشاعر المراهقة
- سما صارت تردد الاسم ببراءة
- رشا: انتي عليكي هلق تضلي متل قبل تهتمي بدراستك وتحطي هدفك قدام عينك
- سما: تماام ، بتعرفي رشرش انا كتير ارتحت بحكيك شكرا لانك طمنتيني
- رشا بإبتسامة: تعالي لهون دخيل هالخدود شو طيبين
- سما: ههههه لك لا تدغدغيني
----------------------------------
- مرت الأيام واليوم هو اليوم الأول للفصل التاني ، لبست سما تياب المدرسة وودعت أمها وانطلقت للمدرسة..
- ضياء كمان لبس وجهز حالو و طلع على الموتور للمدرسة..
- سما كانت عم تتمشى وسمعت صوت موتور جاية من بعيد وبعدين وقف جنبها
- ضياء: ركبي لوصلك
- سما بدون ماتتطلع فيه: شكراً بس بدي أمر على ريم وجمان لنروح سوا
- ضياء مشى جنبها بالموتور على البطيء وقال: اي شو فيها بوصلك لعندن
- سما: لا مابدي مشكور
- ضياء: ليش ماعم تتطلعي فيني
- سما: عم اتطلع عادي
- ضياء: شبك
- سما: انتاا شبك خلص روح لا تضل ماشي ورايي هيك
- ضياء: ماخصك الطريق مو ملكك..
- ضل ضياء ماشي وراها وعم يحاكيها وهي ترد باقتضاب أو تتجاهل هيك لوصلت عند مفرق الطريق واجو رفقاتها ومشو جنبها وصار يضحكو ويتهامسو وهي حست بالخجل وبعدين ماشافوه الا طار من جنبهم بالموتور تارك وراه التراب بالجو..
- سما: اف رح أختنق يخرب بيتو شو مصرووع
- ريم: هههه مأحلاااه
- جمان: وليك سما ليش كان ملاحقك ع الدعسة في شي بيناتكن؟؟
- سما: شوو لاا أنا مابطيقو
- ريم: صدقتك! مستحيل حدا يكره واحد متلو
- سما: شو مافي عنكن سيرة غيرو ! هاتو لشوف وين رحتو بالعطلة؟
- بالمدرسة كانو البنات عم يسلمو على بعض والشباب على بعض بعد غياب طويل ..
بصف ضياء أول ما دخل الاستاذ وبلش بالدرس هو حط راسو على المقعد ونام😂 وماصحي الا على صوت رفيقو انو خلصت الحصة !
أما عند سما دخل استاذ الانكليزي وجايب معو علامات الامتحان ..
- الاستاذ: بنبلش بصاحب العلامة التامة بالصف
- البنات والشباب: مين استااذ سما ولا روان؟
- الاستاذ: سما
- سما فرحت وصارت تضحك والبنات صارو يباركولها وأهداها الأستاذ شهادة امتياز منو ليشجعها تداوم على الاجتهاد..
- بنفس الوقت كان في عيون عم تراقبها بحقد واللي هي روان منافستها بالصف
- روان بقهر: هلق وحدة متل هي بتاخد أكتر مني
- رفيقتها بهمس: طولي باالك
- بالاستراحة كانت سما هي ورفقاتها قاعدين وعم تفرجيهم الشهادة بفرح وعلى الطرف الآخر ضياء مع رفقاتو وعينو عليها ..
وبعد كم دقيقة اجت روان ومعها حبيبها يزن من الصف الثاني الثانوي وحاملة كوب قهوة بإيدها وتعمدت تمر من قدام سما وتوقع القهوة على شهادتها..
البنات نقزو وسما اتطلعت على الشهادة اللي خربت وتيابها تلوثو..
- سما صرخت: لييش عملتي هييك
- روان: اسفة حبي مو بقصدي
- جمان: هي كذابة سما لا تصدقيها
- سما: انتي عملتي هيك قصداً ؟؟؟؟!!!
- قربت روان منها وهمستلها جنب اذنها: أي قصداً بلطي البحر
- سما فار دمها ومسكتها من شعرها بقوة وصارت تشدها وروان ماسكتها من ايديها وعم تتألم
- روان: يززن بعدها عنيي
- يزن قرب وصار يحاول يفلتها منها ويصرخ على سما: تركيهااا وليييك
- ضياء عصب لما شافو بيصرخ عليهاا وهجم عليه وضربو بالبوكس على تمو : لك لااا تقرب عليهاا ولاااك ، روان فكت حالها وصارت تتقاتل مع سما وضياء مع يزن والتمو شباب وصبايا المدرسة حوليهم وصارو يصفرو ويصفقو وبعدين اقتحم المدير التجمع وشافهم ...
----------------------------------
- المدير: انتاا ويااه عاملين حلبة مصارعة بالمدرسة شوو مابتفهموو
- ضياء: يا حضرة المدير هو
- المدير: خرااس ولاااك خليني كفي كلامي
- سما اتطلعت بضياء وحست بالذنب ..
- المدير: انتو الأربعة معاقبين لساعتين
- يزن: شو العقاب استاذ
- المدير: خرااس ولااك لا تقاطعني
- يزن حط ايدو على تمو انو خلص خرست😂
روان وسما كانو عم يتطلعو ببعض بكره وكل وحدة بتتزاور التانية..
- المدير: أولاً رح تمشو مشية البطة من أول الباحة لآخرها مرتين
- روان: مرتيين كتير هييك
- المدير: كنتي حسبي تصرفاتك قبل ماتعملي فيها جون سينا بالمدرسة
- سما صارت تضحك على السكت
- المدير: العقاب الثاني هو تنظيف مكتبي بعد الانصراف
- الأربعة اتطلعو ببعضهم بحسرة انو رااحت عليهم..
- المدير: يلا روحو
- سما: على الصف؟
- المدير: لا ياعيني نفذو المطلوب وأنا هون مراقبكم..
- طلعو الأربعة من مكتب المدير وهنن عم يتذمرو وبلشو بالعقاب الأول اللي هو المشية الأصعب مشية البطة..
كانو الشباب أسرع من البنات وكانت روان آخر وحدة..
- المدير: لاا توقفو أسرع أسرع
- سما رح تموت من الشوب والتعب: آخ رح أتبخر يا ماما رجليي
- ضياء: شدي حيلك
- روان: حبيبي لاا تتركني وراك استنى
- يزن: كرمالك رح أخفف من سرعتي حتى تصيري جنبي يا فلذة كبدي
- سما: يع رح أتقيأ من كلامهم
- ضياء: اخرس انتا وياها
- سما: اسفة ضياء هاد كلو بسببي
- ضياء بتعب: ولا يهمك هلق خلينا نخلص من هالمصيبة
- سما اتطلعت على مكتب المدير وقعدت بالأرض : آآخ ارتاح ضياء المدير دخل لجواا
- ضياء قعد مكانو وصار يلهث ويمسح وجهو
- روان: اف عطشاانة
- يزن: رح أخطف رجلي وأجيب قنينة مي
- ضياء: أوعك تقوم من مكانك المدير عصبي
- يزن: شو مفكرني جبان متلك أنا بعمل كلشي لعيون الحب😉
- روان بعتتلو بوسة وسما عم تتطلع عليهن بقرف
- تحرك يزن وراح ليجيب مي وبعدين طلع المدير لعندهم وهنن فوراً تحركو وكملو مشي..
- المدير: انتو ناقصين وين الشب التاني؟
سكتو وماجاوبوه ، وبعدين شافو جاي عم يضحك ومعو قنينة مياه معدنية ولما لمح المدير اختفت ابتسامتو..
- المدير: يا أهلا وسهلا تعال تعااال
- يزن: أناا أناا
- كملو هنن مشية البطة ويزن انتهى فيه الأمر عم ياكل فلقة🤣
- بعد ماخلصو العقاب الأول قعدو يرتاحو ويشربو مي
- المدير: ارتاحو وتهيئو لانو بعد انصراف الطلاب بدي مكتبي عم يلمع لمع بكرا بدي أجي وأعمل اختبار النظافة بدي أمرر ايدي على البلاط اذا بيطلع معي ذرة غبرة ماتلومو الا حالكن !
- سما تشردقت بالمي وضياء صار يضربلها على ظهرها بخفة..
- بعد ما خلص الدوام وكل المدرسة انصرفت من طلاب ومعلمين ومعلمات ، انطلقو الأربعة وماسكين أدوات التنظيف..
سما صارت تقش الأرض والغبار يطلع ..
- روان صارت تسعل: يقطع عمرك ليش هيك طلعتي التراب بالجو
- سما ضربتها بالمقشة على رجلها: لا تفتحي تمك
- يزن: لا تضربي حبيبتي!
- ضياء مسكو من ايدو: لا تتدخل بين البناات
- وهيك بلشو الشباب يطالعو الغراض وكل شوي يتقاتلو بالحكي ، والبنات صارو يكنسو ويشطفو ويضربو بعض..
- سما: ضياء حول المي على السقف ليك اديشو نشح
- ضياء: يلا
- حولو على السقف وصارت المي تنزل عليهن وضياء خلع التيشرت فوراً
- سما اتطلعت على جنب بخجل ..
- يزن: هوووو انتا كيف بتشلح هيك قدام حبيبتي
- ضياء ضحك بمسخرة: غطيلها عيونها
- ضياء: شو نظف هيك؟
- سما: بالزاوية في وسخ وين السلم
- حطو ضياء وطلع عليه وصار يمسح وسما ماسكتلو ياه ..
- ضياء: شو راحو؟
- سما: أي يلا انزل
- نزل ضياء وبآخر كم درجة وقع ونزل فوقها لسما وصارو يتطلعو ببعض بتوتر
- روان صارت تصفق: براافوو ختمتو المياعة
- سما دفشتو عنها وقامت بسرعة وقالت: خرسي انتي
- وبعد شغل دام شي ساعة خلص وقعدو على جنب يرتاحو والمكتب قدامهم عم يضوي ضوي..
- يزن مسك ايد روان وصار يبوسها: ايدين حبيبتي بينلفو بالحرير يعطيكي العافية
- روان: يخليلي عضلاتك حبيبي
- ضياء وسما عم يتطلعو ببعض بتقزز على كلامهم
- ضياء: يلا سما خلينا نمشي
- مدلها ايدو اتطلعت فيه وبعدين مسكت بإيدو ووقفت ..
وبعدها كل واحد رجع لبيتو ، سما أول مادخلت بلشت امها تسألها ليش تأخرت..
- سما: قصة طويلة خليني أرتاح وبعدين بحكيلك كلشي ماما
- رائد طلع من غرفتو: انتي وين كنتي فلتانة ولييك
- سما بعصبية: احترم حااالك
- رائد: تعي ضربيني كفين لعمى شو وقحة ! هلق قولي لشوف وين كنتي؟؟
- سما: مامااا معقول ساكتيلوو
- أمل: عم يحكي هيك من خوفو عليكي يا ماما
- سما بعصبية: كنت بالمدرسة معاقبة ارتحتو هلق!
قالت هيك وطلعت لغرفتها ركض وطبشت الباب ، لحقها رائد معصب وفتح الباب عليها وصرخ: مفكرتيني ولد صغيير لتضحكي عليي بهالكذبة ! هلق بدك تحكي وين كنتي ولييك
- سما جنت وصرخت: عم قلك بالمدرسة اسأل مين مابدك لعمى!
- رائد: اذا مابيطلع كلامك صحيح لعلق مشنقتك يا تافهة
- طلع ولحقتو سما وقفلت الباب وراه ورفعت شعرها بقهر بايديها وبعدها دخلت ع الحمام وطلعت نامت..
- رائد تأكد من أخوات رفقاتو انو أختو كانت معاقبة لانو تعالقت مع بنت وهيك ريح حالو وتطمن..
- تاني يوم الصبح كان ضياء ناطر على الموتور ولما شاف سما طالعة على المدرسة لحقها فوراً
- ضياء: صباح الخير
- سما: صباح النور
- ضياء مد ايدو وسحبلها الربطة عن شعرها وماشافت شعرها الا وبينزل على كتافها..
- سما بصدمة: لك انتاا شو دخلك بشعري؟!
- ضياء: هيك احلى
- سما ربطتو بعصبية مرة تانية وقالت: مو شغلتك لاا تقرب على شعري ..
- مشى جنبها وهو بيتأملها..
- سما بدون ماتتطلع: لاا تمشي جنبي
- ضياء: قلتلك ركبي مارضيتي
- سما: أي مابدي أركب الشغلة مو بالغصب
- ضياء: ليش انتي هيك
- سما: ليش مو عاجبتك ؟
- ضياء: لا
- سما: هاد اللي بدي ياه يلا روح لا تلحقني عيب عليك
- ضياء مارد عليها وبقي ماشي جنبها وهي عم تتطلع قدامها ومو عاطتو اهتمام..
وبعد ما اجو رفقاتها دور الموتور وماعاد يبين..
- ريم: شو يا سما ضياء كل يوم بيلحقك كأنو حاطك براسو
- سما: لا حبيبتي طمني حالك هو مو لاحقني بس نحنا جيران بنمشي بنفس الطريق مو أكتر
- جمان: كيف قضيتو عقابكم مبارح حكيلنا ههههه
- سما: لو تشوفو روان وحبيبها مأغلظهم
----------------------------------
- بالصف...
- ريم: بعد يومين احتفال تكريم الطلاب
- جمان: متحمسة كتيير
- ريم: من شطارتك متحمسة هههههه هي الاحتفالات مو النا لبعض ناس😉
- سما: لك حاج ترمو عليي كلام شو فيها اذا كنت بحب الدراسة
- ريم: مافيها شي بس راعي مشاعرنا شوي😕
- سما: ريم انتي زعلانة؟؟
- ريم ضحكت: لك عم أمزح شبك ههههه آخر همي الدراسة
- جمان: شو رح تلبسي بالحفل؟؟
- سما: ماعندي شي جديد شو رأيكن تروحو معي اليوم ع السوق
- جمان وريم: اي بنروح
----------------------------------
- بصف ضياء كانو الشباب والبنات عم يحكو عن الاحتفال ومتحمسين..
- ضياء: على شو متحمسين اذا ماحدا من صفنا رح يتكرم
- رفيقو: نحنا متحمسين مشان البنات يا حبيب بكرا بتلاقي الحفل أشكال ألوان
- ضياء: فيها وجهة نظر
صفن وتذكر سما وابتسم ..
- رفيقو: انتاا على شو عم تبتسم؟
- ضياء: شي مابتعرف فيه لهيك مارح أحكي..
- رفيقو حطلو راسو على المقعد وقال: لكاان ناام
----------------------------------
- بعد الظهر اجو ريم وجمان ورا سما وطلعو على السوق وصارو يفوتو على مول ويطلعو من مول ...
- جمان: آخ تعبت معقول لهلق ماعجبك شي
- ريم: ماكنت بعرف لهالدرجة ذوقك صعب ، لو بعرف ما اجيت معك
- سما: لك حاج تزنو وتنقو خلص خليكن هون وفوتو اشترو بوظة وارتاحو أنا رح شوف هالمحلين وبس
- ريم: شو جمان
- جمان: امشي ولله ماعاد قدرانة خلينا نرتاح
- كانت ماشية على الرصيف وماحست الا بصوت موتور مألوف جنبها ، رفعت راسها حتى تشوف منيح لانو لابسة قبعة صيفية..
- ضياء رفعلها ايدو
- سما: انتا شو عم تعمل هون
- ضياء: كنت بالسوق عم جيب كم غرض لأمي
- سما: ايوا فهمت
- تركتو ودخلت على المول وصارت تبحث بين هالفساتين بملل وطلعت على الطابق التاني تشوف غير شي ..
كانت واقفة ومحتارة بين ثلاث فساتين نفس الموديل بألوان مختلفة أبيض وفضي وأحمر..
وماشافت الا حدا من وراها حط ايدو على الفستان الأبيض وهمس جنب اذنها: خدي هاد رح يليق فيكي..
- دخل عطرو جواتها وغمضت عيونها وبعدين وعيت على حالها وقالت ولساتها دايرة ظهرها: انتا ليش لحقتني لهون..
- ضياء حمل الفستان وعطاها ياه: يلاا روحي قيسيه
- سما نظرت للفستان بين ايديها وضياء أشرلها على غرفة القياس..
- دخلت ولبستو وطلعت كان ضياء صافن وعم يتطلع بغير جهة ..
- سما: احم احم
التفت عليها وطارو عيونو وصارو يتفحصوها وهي توترت من نظراتو وبعدين أطلق تصفيرة طويلة وهي انحرجت..
قربت وحطت ايدها على تمو..
- سما وهي بتتطلع حوليها: هس فضحتنا
- اتطلعت عليه ولقتو عم يتطلع فيها بعيون عم تلمع صفنت فيه وقامت ايدها ببطئ عن شفافو ..
- سما: أنا رح روح ريم وجمان ناطريني عند محل البوظة
- ضياء: رح تاخدي الفستان؟
- سما: اي عجبني
- ضياء: قصدك لانو عجبني أنا
- سما بتوتر: لاا أنا عجبني قبل ماتجي
- ضياء: تمام تمام
- سما: يلا باي
- ضياء غمزها: باي يا حلو
- سما دارت ظهرها ومشت وبعدها ابتسمت: مأميعو
----------------------------------
- بعد يومين...
كانت المدرسة فاتحة أبوابها والطلاب والأهالي عم يتهافتو للداخل..
كانت الباحة مزينة من كل الجهات ومصفوفة بالكراسي والطاولات وصوت الأغاني مرتفع مع حماس الطلاب ، دخلت سما مع أمها وأختها وأبوها وأخدوا طاولة وصارو يتابعو الفعاليات على المسرح من رقص وشعر وألعاب خفة💃
- سما: ماما أنا رايحة دور على ريم وجمان
- أمل: روحي حبيبتي
- دخلت سما المبنى وصارت تدور بالممرات وماشافت الا حدا سحبها لجوا المخبر ولزقها على الحيط
- سما عم تتنفس بسرعة: ضياء؟
- ضياء اتطلع فيها بسحر: طالعة بتجنني اليوم
- سما وهي بترجف ومو قدرانة تبعد: ش شكراً
- ضياء حط ايدو جنب راسها وهمس: اهدي شبك
- سما: ما ما فيني شي
كانت بدها تمشي وتتركو بس ماقاومت وصارت تتطلع فيه وكل مانها عم تنجدب أكتر لإلو حتى صار وجهو بلزق وجها وهنن التنين عم يتنفسو بسرعة فجأة تذكرت حكي أختها: هي مشاعر وهمية !!
صحيت على حالها وفتحت عيونها ولقتو مغمض عيونو وكأنو بغير عالم رجعت غرقت فيه وبعدها بالغصب دفشتو عنها وطلعت لبرا ركض وهي بتحارب مشاعرها ونبضات قلبها ..
- أمل: لك طولتي شو مالقيتيهم؟
- سما قعدت وهي ملخبطة وهزت براسها بالنفي
- رشا مالت عليها : شبك حاسة فيكي شي تغير
- سما: نعم؟ شو اللي تغير؟
- رشا: وجهك عيونك مدري شي غريب
- سما مسحت وجها: لاا مافي شي عم تتوهمي
- اجو ريم وجمان لعندهم وصارت تحكي معهم ورشا عيونها عليها وحاسة في شي..
وبعدها سكتو الكل لما طلع المدير ومسك الميكرفون ..
- المدير: بدايةً أهلا وسهلا فيكم جميعاً بحفل تكريم طلاب مدرستنا العريقة
- الكل صارو يصفقو وبعدين كمل حكي..
- المدير: بشرفني اني أقوم بتكريم الطلاب الأوائل على المدرسة من الصف الأول الثانوي والثاني الثانوي والثالث الثانوي لانهم فخرنا وهنن اللي رح يكونو أمل الوطن وسندو..
رجعو الكل صفقو من جديد ..
- المدير: وهلق رح بلش بإعلان الأسماء اللي بيطلع اسمو يتفضل على المنصة..
الأول على الأول الثانوي الثانوي الطالبة سما أحمد مراد..
سما حطت ايدها على تمها وصارت تضحك ونزلو دموعها وأمها وأختها وأبوها صارو يباركولها ويضموها ...
واشتعلت المدرسة تصفيق وتصفير..
صعدت على المنصة ولسا الكل عم يصفق ويصفر ويهتف ، سلمت على المدير وباركلها وناولها هدية مغلفة بشكل أنيق وشهادة امتياز كبيرة ، حملتها ورفعتها بفرح والكل صار يصفق بقوة شافت أهلها شقد مبسوطين ورفقاتها من الصف ، لمحت ضياء وركزت عيونها عليه لقتو بيضحك بشكل ساحر وبعدين صار يصفرلها بقوة ، ضحكت ووقفت على جنب لانو المدير رح يذيع الاسم الثاني
- المدير: هلق الثاني على الصف الاول الثانوي الطالبة روان عيسى العيسى
- طلعت روان وهي رافعة مناخيرها وأخدت الشهادة ووقفت جنب سما وزورتها
- روان: بوعدك اخر السنة كون أنا الأولى
- سما: تمام
- وهيك أعلنت كل الأسماء من كل الصفوف ..
وجابو مصور خاص وصورو الطلاب المتفوقين صورة جماعية..
وبعدين نزلو وكملو الحفل مع الفعاليات القائمة كانت المدرسة كأنها مهرجان زاهي الألوان ، كانت سما واقفة مع رفقاتها وعم يباركولها وياخدو صور..
اجى ضياء من بعيد
➖➖➖➖➖➖➖➖➖
.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*