الفصل 3
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵ذكرى وجع*
*❴🔢❵الـــبـــــــــــ❴5+6❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
تاليا ( الجزء الخامس)
@rwayate
بعد ما خلصت الجلسة ستاذن بهاء من نعيم ليطلع..
نعيم: لوين بدك تروح
بهاء: ما بعرف .. يمكن ع المشفى ويمكن ع البيت
نعيم: وكيف رح تروح .. رح دقلا لتاليا
غص بهاء .. اي تمام
انتبه نعيم عليه كيف غص واختلفت ملامحو ..
نعيم: الو .. اي تاليا .. اي خلصنا .. تمام .. اي مو هلا .. لبعدين بخبرك
سكر الخط نعيم واطلع ببهاء ..
نعيم: بهاء .. شعورك بالحرج شي طبيعي .. بس هالشي مؤقت .. وكلشي رح ينحل .. وهالجماعة ما في منن .. ما في داعي للحرج
بهاء: ضروري شوف شي شغلة لاشتغل واطلع من هالجو
نعيم: اي كتير حلو .. وانا رح حاول ساعدك ع قد ما فيني
بعد بشوي وصلت تاليا .. دقت لنعيم ليطلع بهاء .. واستاذن من نعيم وطلع ..
فتح باب السيارة وركب حدا لتاليا وهو كتير مزعوج..
بهاء: مرحبا
تاليا: اهلا اهلا .. كيفك
بهاء: منيح
تاليا: لك شبك .. شو صاير .. ما رتحتلو لنعيم
بهاء: بالعكس .. كتير رتحتلو .. بسسس
تاليا: بس.. بس شو
بهاء: والله عم اخجل منك .. كتير عم عزبك
تاليا: ففففف .. لك فكرت صاير شي .. انا كتير مبسوطة هيك .. لا تقلق
شغلت السيارة ومشيت .. وطول الطريق وهني عم يدردشو وخبرا بانو حابب يشتغل شي شغلة ..
تاليا: كتير حلو .. رح خبر بابا ليشفلك شي شغلة
مشت الايام ووضع بهاء متل ما هو ما تغير .. كل يوم يفيق ع نفس الكابوس .. صريخ وقواص ودم .. هالشي كان كتير موترو وما كان يرتاح غير وقت يكون عم يحكي مع نعيم .. او وقت يكون مع تاليا .. يلي صارت جزء من حياتو .. تعلقو تنيناتن ببعض .. تاليا كانت كل ما تعرفت عليه اكتر تعشقو اكتر .. وبهاء ما كان فهمان ع حالو .. هو بيحبا او برتحلا او شو .. يمكن الخربطة يلي هو فيها مانا مخليتو يفهم حقيقة مشاعرو اتجاها .. ويمكن الخوف من حقيقتو يلي رح تظهر شي يوم ويلي ما بيعرف عنا شي هي يلي مخليتو ملبك ومخربط..
كانو ع طول سوا .. ويحكو ويفضفضو لبعض..
تاليا: بهاء .. هلا وقت تتزكر رح تتركنا وتروح
بهاء: ههههههه .. اي لحتى اتزكر بالاول .. وبعدا بقرر
لمعو عيونا لتاليا واطلعت فيه..
تاليا: بس ... بس .. انا .. انا ما بدي تتركني
تلبك بهاء وزادت دقات قلبو .. بس سيطر ع حالو لحتى ما يبينلا هالشي ..
بهاء: تاليا .. انت انسانة رائعة بكل معنى الكلمة .. مثقفة .. وقلبك طيب ونشيطة كتير .. و.. و.. و حلوة .. حلوة كتير
حمرو خدودا لتاليا واطلعت فيه .. بس هو ما قدر يحط عينو بعينها .. ونزلن بالارض ..
تاليا ما قدرت تتحمل اكتر .. بدا تخبرو بمشاعرا لترتاح .. صرلا اشهر عم تتقلا بحبو ..
قربت منو ومسكت ايدو .. رجف قلبو .. ورجفت ايدو معو ..
تاليا: بهاء .. ليش هيك متوتر .. وليش ما عم تطلع فيني .. بهاء .. انا .. انا من وقت شفتك بالمشفى لاول مرة .. من وانت بالغيبوبة دخلت لقلبي وسيطرت ع كل مشاعري .. انا .. انا كتير بحبك .. ما عاد فيني خبي اكتر
سحب ايدو وهو متلبك كتير ..
بهاء: تاليا .. انا ما فيني اوعدك بشي .. انا ما بعرف شي عن حياتي .. يمكن كون انسان سيء .. ويمكن كون مرتبط .. او متزوج .. ما فيني امشي معك بهابمشاعر ..
تاليا وقت حكالا هيك حست حالا كتير تسرعت .. وجرحت كرامتا .. وقفت بسرعة وتركتو من غير ولا كلمة وراحت ع غرفتا والدموع بعيونا ...
تاليا: يا الله منك تاليا .. لك انت غبية .. غبية كتير .. لك ليش لتحطي حالك بهيك موقف لييييش
بهاء كتير نزعج من حالو .. اااووووف .. لك شو عملت انا .. شو عملت ..
هالليلة كانت كتير صعبة عليهن تنيناتن .. تاليا نامت وهي عم تبكي وبهاء نام وهو عم يفكر كيف رح يحلا مع تاليا وكيف رح يطلع بوشا ..
تاليا (الجزء السادس)
@rwayate
قواص كتير .. صوت رصاص عم ينزل حدو .. وشب باول عمرو قوصو ونزل جثة قدامو ...
حكي كتير حواليه ما فهم منو شي .. وبعد هالضجة هاي .. صار كتير هدوء .. وشاف بنت كتير حلوة .. قربت منو وطبعت بوسة ع خدو وتحركت شفافا وحكت شي ..
فاق مفزوع من النوم ..
بهاء: مجرم .. مجرم .. انا مجرم .. قاتل .. قاااااتل
ركض ع الحمام وحط حالو تحت الدوش .. عم يحاول يخفف من خوفو وتوترو .. حقيقتو بلشت تظهر .. ويلي خايف منو حقيقة وواقع.. هو مجرم .. مجرم كبير .. وقااتل ..
طلع من الحمام ولبس تياب وطلع من البيت .. كانت الشمس لساتا ما طلعت .. صار يركض باقصى سرعة .. عم يركض ليحاول يهرب من الشي يلي بلش يوضح .. يهرب من حقيقتو .. ومن واقعو ..
تعب كتير .. وقف وحط اديه ع ركبو ..
بهاء: مجرم .. قاااتل .. لك اااخ .. ااااخ
رجع ع البيت دخل غرفتو واخد دوش ودق ل نعيم..
بهاء: الو نعيم .. كيفك .. فيني شوفك هلا
نعيم: صاير شي
بهاء: اي صار .. ضروري شوفك
نعيم: ماشي .. سبقني ع العيادة .. رح اجي فورا
سكر الخط معو وطلع من البيت .. وراح ع العيادة ..
بعد بشوي وصل نعيم .. وقف سيارتو ونزل ..
نعيم: خير شبك .. لك ليش هيك وشك
بهاء: هلا بخبرك
دخلو ع المكتب .. وبهاء كتيير متوتر .. صار يمشي بالعيادة .. رايح جاي وهو عم يفرك باديه ..
قعد نعيم ع كرسي المكتب وشغل المسجلة .. شبك .. شو صاير
بهاء: يلي كنت خايف،منو يا نعيم بلش يوضح
اهدى وتعا اقعد هون ..
قعد ع الكرسي قبالو وكمل حكي ..
بهاء:انا مجرم يا نعيم .. قتلت شب .. قوصتو .. ومات قدام عيوني .. لك انا قااتل
نعيم نصدم .. ماشي روق هلا .. واهدى وخبرني بكلشي شفتو
خبرو بهاء وهو متلبك وعم يحرك باديه يمين وشمال ..
نعيم: بهاء .. قبل لتتزكر كلشي ما فيك تحكم ع حالك .. ولا تتوتر هيك .. انت ضروري تبلش تشتغل.. وقت تبلش شغل نفسيتك رح تتحسن .. وما رح تضلك تفكر بهالامور
بهاء: بكرة بكون محل الموبايلات جاهز .. ورح بلش فيه
نعيم: كتير حلو
ضلو عم يحكو ونعيم عم يهدي ببهاء لاكتر من ساعتين ..
نعيم: وهلا بعد ما روقت صار وقتي انا
بهاء: وقت شو
نعيم: ممم .. فيني خبرك شي
بهاء: شبك دكتور
نعيم: انا رح احكي معك بصفتي صديق .. مو دكتور .. هالمرة انا بدي فشلك قلبي
بهاء: اي طبعا تفضل.. لشوف كيف رح عالجك ههههه
نعيم: هههههههه
بهاء: هات لشوف
نعيم: انا كتير تعبان .. صرلي سنين عم حاول طالعا من قلبي .. بس ما عم بقدر .. كل مالا عم تتغلغل بقلبي اكتر .. تعبتني كتير
بهاء: مين هاي
نعيم: تاليا