الفصل 2
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵ذكرى وجع*
*❴🔢❵الـــبـــــــــــ❴3+4❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
تاليا (الجزء الثالث)
@rwayate
بهاء: شوي .. يسلمو
تاليا: الله يسلمك .. شو يلي صار معك
بهاء: ما بعرف.. كابوس او واقع يلي شفتو .. ما بعرف .. دم كتير وقواص وصريخ .. ضجة كبيرة جواة راسي
تاليا: صار لازمك دكتور نفسي .. رح ابعتك بكرة لعند رفيقي
بهاء: وبشو رح يفيدني الدكتور النفسي
تاليا: كيف بشو رح يفيدك .. هو بيعرف شغلو منيح .. لا تخاف
بهاء: ففففففف .. ماشي
تاليا: نام هلا وريح حالك
بهاء: ماشي .. يسلمو كتير
تاليا: عشووو .. ما عملت شي .. يالا تصبح ع خير
وهي طالعة من غرفتو ..
تاليا: بابا .. يعطيك العافية
ابو تاليا: الله يعافيكي يا بنتي .. شو كيف بهاء هلا
تاليا: مانو منيح .. عم يكوبس
ابو تاليا: قلك شي
تاليا: عم يشوف دم وقواص وصريخ
ابو تاليا: بس ما يكون وراه شي قصة
تاليا: الله اعلم بابا .. حاكيتو هلا لاخدو عند الدكتور نعيم .. اكيد رح يساعدو
ابو تاليا: برافوو عليكي .. كتير منيح .. وانت من بكرة بترجعي لشغلك ع المشفى .. حاج اهمال ..
تاليا: حاضر بابا
تاني نهار .. فاقت تاليا ع بكير .. لبست تيابا وجهزت حالا .. وطلعت ع غرفتو لبهاء ..
دقت الباب .. بس ماحدا جاوبا .. رجعت دقت كمان ما جاوب ..
تاليا: ياربي .. بس ما يكون صايرلو شي .. رح فوت
فتحت الباب وفاتت وهي كتير خايفة عليه .. بس ما كان موجود .. دقت باب الحمام وكمان مانو موجود .. وقفت بنص الغرفة وهي عم تسال حالا..
تاليا: وين بيكون راح .. لك ما بيعرف حدا ولا بيعرف شي
وهي عم تحاكي حالا وسرحانة دخل بهاء ع الغرفة وسكر الباب من غير ما ينتبهلا ...
وع تسكيرة الباب نقزت تاليا ..
تاليا: مييين
بهاء: تاليا .. اسف ما شفتك
تاليا: جيت لشوفك بس ما لقيتك
بهاء: طلعت لاتمشى شوي
تاليا: اي كتير منيح .. غير تيابك لنطلع سوا ع مشوارنا
بهاء: ماشي .. يالا
غير تابو بهاء وطلع لعندن ع الصالة .. كانو كلن قاعدين ع السفرة ليفطرو..
بهاء: صباح الخير
ابو تاليا: صباح النور يا ابني .. يالا الفطور برد
قعد بهاء معن ع السفرة وبلش بالاكل ..
ام تاليا: كيف كانت ليلتك .. ان شاء الله ارتحت يا ابني
بهاء: الحمد لله .. يسلمو كتير .. عم عزبكن معي
ابو تاليا: شو هالحكي هاد .. لا تقول هيك بزعل منك ها
خلصو فطورن وطلعو سوا لعند الدكتور نعيم ..
دخلو ع العيادة .. ودخلتن السكرتيرة فورا..
تاليا: كيفك دكتور نعيم
وقربت منو وسلمت عليه ..
نعيم: اهلا وسهلا بدكتورتنا .. شو يلي زكرك فينا هههه
تاليا: بهاء .. الفضل لالو ههههه
اشرت لبهاء وهي عم تحكي .. قرب بهاء من نعيم وسلم عليه ..
بهاء: يعطيك العافية دكتور
نعيم: الله يعافيك .. اهلا وسهلا
تاليا: انا رح اتركن تاخدو راحتكن .. رح روح ع دوامي .. وقت تخلصو دقلي نعيم لو سمحت
نعيم: اي حاضر .. من عيوني
طلعت تاليا وبقي نعيم وبهاء بجلستن..
تاليا (الجزء الرابع)
@rwayate
اشر نعيم لبهاء ليقعد ع الكرسي.. تفضل رتاح
بهاء: شكرا
قعد بهاء وهو متوتر ومتلبك .. اطلع فيه نعيم وتبسم ..
نعيم: الناس بيخافو منا نحنا الدكاترة النفسيين هههه
بهاء: هههههههه .. اي يمكن
نعيم: اي وانت ليش خايف مني ههههه
بهاء: لا ابدا مو منك .. بصراحة انا .. انا خايف من حالي
نعيم: شعورك هاد طبيعي لايا شخص فاقد ذاكرتو .. ع العموم انا ما بحب اتعامل مع مرضاي بطريقة رسمية .. يعني عتبرني رفيقك .. رفيقك وبس
بهاء: ان شاء الله
نعيم: شو رايك تقعد ع الكرسي هونيك لتسترخي
واشرلو ع الكرسي الخاصة بالمرضى .. كرسي جلد اسود طويلة ..
وقف بهاء من مكانو واتوجه ع الكرسي .. تسطح عليها .. مسك نعيم مسجلة الصوت وشغلا وتوجه لعندو ..
نعيم: مرتاح؟
بهاء: اي شكرا
نعيم: تفضل .. خبرني بشو بتفكر
بهاء: ما بعرف .. ما في شي محدد
نعيم: قبل شوي قلتلي بانو خايف من حالك .. ليش خايف من حالك .. وشو الصورة يلي راسما لحالك
بهاء: خايف كون شخص سيئ .. خايف كون مالي عيلة .. انا .. انا ضايع وتايه .. ما عم اقدر اتزكر ايا شي غير صريخ ودم
نعيم: صريخ شو
بهاء: ناس كتيرة .. عم يصرخو ويندهو .. بس ما عم اقدر ميز شو عم يحكو .. وطفل صغير .. صغير كتير عم يبكي .. ودم بكل مكان .. واديي .. اديي كلن دم .. انا مجرم .. اكيد مجرم .. ليش الدم ع اديي ازا ما كنت مجرم .. انا مجرم .. اي مجرم
كان بهاء عم يحكي وهو مغمض عيونو وجسمو عم ينتفض ...
حط ايدو نعيم عليه .. بهاء .. خلص بكفي .. فتح عيونك
فتح بهاء عيونو يلي كانو حمر كتير ومليانين دموع ..
نعيم: بهاء .. مو شرط وجود الدم يكون معناه انك مجرم .. يمكن شي تاني .. لا تستبق الامور
بهاء: ان شاء الله .. بس .. لايمت رح ابقى هيك
نعيم: ما زالك بلشت تتزكر .. ان شاء الله ما رح تطول .. بس اهم شي بانو تخبرني بكلشي يبتتزكرو .. شو ما كان .. ولا تخاف الحكي يلي بينا ما رح يطلع لايا مخلوق
بهاء: تمام دكتور
نعيم: ممممم .. ما بعرف ليش رتحتلك .. باين رح نكون رفقة
بهاء: الي الشرف دكتور
نعيم: رح اطلبلك قهوة
بهاء: يا ريت .. بس تكون سادة
طلب نعيم تنين قهوة .رجع كمل الحكي مع بهاء..
نعيم: اي .. خبرني.. كيف شفتا لتاليا
بهاء: اااخ .. ما في منن هالجماعة .. ستقبلوني ببيتن .. وعم يعتنو فيني متل الولد لصغير .. جماعة كتير اكابر
نعيم: هني هيك ع طول .. جد ما في منن
دردشو سوا اكتر من ساعتين .. تنيناتن رتاحو لبعض وهالجلسة كتير ريحتو لبهاء ..