الفصل 4
_*طفلة إحتلت قلبي(4)🌍💗.*_
بعد ساعتين ونص تقريباً سامر صحي عشان عطش بس أتفاجأ بـهنا كانت نايمه وعاملة تترعش من البرد حس بنغزة في قلبوا اول ما شافها كدا مش عارف ايه سببها ولقي نفسو بيقرب منها وبيحاوطها بأيديه وشالها وهو بيتفرج علي ملامحها وشعرها الطويل حطها علي سرير براحه وسابها وراح يشرب ميه وطلع نام جنبها وحضنها بتملك
عقلوا : أيه انت هتحن ولا أيه
قلبو : ما يحبها دي طيبه وتستاهل تتحب
عقلوا : متسمعش كلامو ياسامر أوعي تقع تحت سحرها ومتنساش انها من نفس الصنف
قلبو : مش كلو زي بعض
سامر تجاهل كلامهم وأخدها في حضنو ونام
تاني يوم صحت هنا وحست انها متكتفه فتحت عنيها ولقت نفسها في حضن سامر وشها في وشو اتخضت ودرجات قلبها علت لدرجه انها حاسه انها سامعاه بودانها واستغربت ازاي هي جت هنا اتكسفت وفضلت بصاله وهي بتتفرج عليه وهو نايم وشافت ملامحو ال أسرتها وخلتها تبتسم من نفسها زي المجنونة ومش عارفه ليه حاسه انها مش خايفة مع انها متوقعتش انها ممكن تبقي في حضنو كدا وتبقي مبسوطة وحاسه بالأمان وانها مش خايفة منو وفكرت انو جايز بعد ماسمعت كلام جدتو وانو انسان كويس وحنين جايز كلامها ده خلاها تفكر تقرب منو عشان تعرف ايه ال خلاه قاسي كدا
فاقت من سرحانها علي صوتو وهو كان مفتح عنيه وباصص في عنيها وهي كانت سرحانه ومش واخدة بالها انه صحي لقته بيقولها كلام جرح قلبها قالها بسخريه : يعني ساكته يعني ومعملتيش حاجه لما صحيتي ولاقتي نفسك في حضني ولا أنتي عشان واخدة علي كدا ومش أول مرة ليكي
هنا بصتلوا وحست انها أتجرحت اوووي وان قلبها أتكسر وهي بصاله دمعه نزلت من عنيها علي خدها وهو كان متابعها وهو حس بنغزة في قلبوا وندم علي ال قالو ومن جواه عمل كدا عشان يداري علي شكلوا قدامها و ميدهاش أمل
هنا مردتش علي كلامو وبعدت ايدو وقامت من جنبو ودخلت الحمام ووقفت ورا باب الحمام وهي حاطه ايدها علي وشها وعامله تعيط علي كلامو المجرح فضلت تعيط فترة وبعدين قامت وراحت عند الحنفيه تغسل وشها ال احمر من كتر العياط وبصت لنفسها في المرايا ال بكلمه منو خلتها تتبل وتطفي وقررت انها تبعد عنو وتتجاهلوا تماماً خرجت من الحمام ملقتهوش غيرت هدومها وفتحت الباب أوضه وخرجت
_________________________________
نزلت هنا عالسلالم لقت سامر قاعد علي السفرة هو وجدتو بيفطروا مها شافتها وابتسمت وقالت بحب : تعالي يا هنا ياحبيبتي اقعدي افطري معانا هنا قربت منها ولاحظت مها شكل وشها ال باين عليه العياط وبصت لسامر بعتاب وسامر تجاهل نظرات جدته مع انو اخد باله من هنا وهي نازله ووشها منفوخ من كتر العياط بس مبصلهاش وكمل فطار
وهنا قعدت في الكرسي ال جنب جدتها وقصاد سامر هنا وهي بتفطر اتفاجأت بحد بيدخل الفيلا بصت لقت مامتها وبابها وسالي
سالي كانت بتبص للفيلا بانبهار وبصت لهنا بحقد وقالت لنفسها : يابختك عايشه في فيلا كبيره ال كل بيحلم فيها
هنا اول ماشافتهم افتكرت معاملتهم ومقدرتش تكتم عياطها غصب عنها عيطت جامد وكأنها بتقولهم : لي عملتوا فيا كده
امها وابوها حزنوا عليها لكن تظاهروا بجمود وقالوا بتمثيل ببرود : أزيك
هنا عيطت اكتر لانهم لسه برضو محسوش فيها ولا حضنوها لا وبيكلموها ببرود تجاهلتهم وطلعت جري علي اوضتهاا وسامر وجدتو أستغربوا ايه سبب عياط هنا كده بس سامر رجع لقسوتو وقعد علي كنبه وحط رجل علي رجل وقال ببرود : خير
فريدة وياسين : خير ان شاء الله بس احنا كنا جايين نطمن علي بنتنا
هنا مكنتش لسه راحت اوضتها واول ماسمعت كده مقدرتش تستحمل ونزلتلهم وقالت بشجاعه وعتاب ودموع وضحكه فيها وجع : بنتكم هههههه ضحكتوني والله انتم عايزين مني ايه مش بعتوني بالفلوس ومشغلني عندكم في البيت زي الخدامه مع اني بنتكم ولا مرة حسستوني بأمان ولا مرة حضنونتوني ولا مرة ادتوني أهتمام ولا مرة حسستوني بحنانكم وكل مره بتشوفوا دموعي عمركم مامسحتوا دموعي دايما بتجرحوني وبتضربوني بصت لسالي وقالت دايما مهتمين ب سالي وانا لا انا مش غيرانه من اختي لانها في الاول وفي الاخر اختي انا هفضل احبها برغم معامله اختي ليا دايما بتعاملني بقسوة دايما تقولي انتي بتاخدي كل حاجه ليكي بس بالعكس ياسالي انا مأخدش حاجه انتي ال واخدة الحب والاهتمام من عيلتك الا انا وفضلت تعيط جامد من القهرة وكملت ايه عايزين مني ايه تاني ارحموني بقاااا انا تعبت تعبت وطلعت جري علي اوضتها وقفلت الباب
سالي حست بحزن علي اختها ولاول مرة تحس كده وفي نفس الوقت حست بفرح من كلام اختها عليها انها بتحبها وبتعتبربها أختها
وياسين وفريدة كانوا حزنين جدا كانوا نفسهم يصرخوا بأعلي صوتهم ويقولوا كل ده غصب عننا ومشوا بقهرة
وسامر حس بوجع بقلبوا عليها وحس انها بتمر في نفس ال بيمر بيه وحس انو زودها معاها بس تجاهل الموضوع ده وأخد بعضوا وأتجه للشركه ومها قعدت وحطت ايديها علي راسها وفضلت تعيط علي حال سامر وهنا
عند سالي
سالي دخلت اوضتها وفضلت تفكر بكلام اختها وقد ايه هي عانت بس اتجاهلت الموضوع ده وفضلت تذاكر
أنا=« *أيه انتي معندكيش قلب عمرك ما هتحسي بأختك خالص 😒*»
فريدة دخلت اوضتها بتعب وحطت ايدها علي راسها وفضلت تعيط وقالت : يااه لو تعرفي اني مجبورة علي كدا
وياسين كان قاعد في الصاله وفضل يفكر في كلام بنتوا وقد أيه هو زودها معاها وحرمها من حنانهم
__________________________________
في الشركه
سامر دخل الشركه بكل غرور وغضب
سامر دخل مكتبوا وكان عمال يفتكر ال حصل
Flash
عمرو كان عامل يضرب سما بالحزام جامد ومسك شعرها جامد وفضل يجرجها علي سلم وقال بزعيق : أنتي مالك أنتي اجيب نسوان اجيب ال انا عايزوا ملكيش دعوه انا حر في حياتي وبص لملاذ وسامر وقال بغضب وزعيق أكتر : وبعدين احنا مكناش متجوزين علي سنه الله ورسوله عشان تجيبلي عيال انا اتفقت معاكي ان متجبيش عيال والله اعلم العيال دول من مين مني ولا من واحد تاني
سما بعصبيه : أخرررررس انا عارفه اني كنت بغلط زمان وده كان بسبب أهلي وبعدين انت عملت علاقه معايا وكانت اخر مرة اعملها لاني اكتشفت اني حامل منك وبعدين اتجوزنا علي سنه الله ورسوله عشان محدش يقول عننا حاجه وحشه
سامر وملاذ كانوا بيبصوا لمامتهم بصدمه معقول مامتهم كانت بحقارة دي وكانت رخيصه
عمرو بزعيق : برافواا عليكي بتعترفي في نفسك برافوا برافو ده أيه الجرائه ال عندك دي ياشيخه وطلع برا الفيلا
وسامر كان بيعيط عشان اموا كانت كده
سما بصتلهم وحضنتهم : اسفه يا ولادي انا غلطت زمان بس اتعلمت بس بحبكم والله يا ولادي انتوا اغلي حاجه عندي في الدنيا
سامر كان بيعيط ومش قادر يصدق ال سمعوا وطلع من حضنها وطلع علي اوضتو
وسما بصتلوا بحزن
Back
_________________________________
سامر كان بيحاول يشغل نفسوا عشان ينسي اوجاعوا ال ملاحقه في كل مكان بس أتعصب جدا لما شاف****
يتبع ....
🟩🟩🟩🟩🟩💞🟩🟩🟩🟩🟩🟩🟩🟩💞🟩🟩🟩🟩🟩🟩🟩🟩🟩