طفله احتلت قلبي - الفصل 3 - بقلم عشق القاسم - مكتملة | روايتك

_*طفلة إحتلت قلبي(3)🌍💗.*_ في الصباح سامر صحي ومارس الرياضه وبعدين راح لهنا عشان يفتحلها بس أنصدم من الشافو لقي هنا ضامه نفسهاا جامد وسانده علي حيط ومغمضه عنيها يعني شكلها كان صعب جدا سامر ببرود : يلا يا بتاعه انتي قومي حضريلي أكل هنا : لا رد سامر ببرود : بقولك ايه دلع البنات ده ميخدش معايا انتي فاهمه يلا قومي هنا : لا رد سامر بدأ يقلق وخاف ليكون حصلها حاجة حط ايدوا علي كتف هنا لقي هنا وقعت بعد ما كانت ساندة رأسها علي الحيط سامر شلها ودخلها اوضه وحطها علي سرير وجاب ميه ورشها عليها وبرضو هنا مفاقتش مسك البرفان بتاعوا وشممهولها هنا فاقت وكانت مغمضه عنيها : ميه عايزة ميه سامر جاب ميه وشربهلها هنا فاقت وشافت سامر مقرب منها قامت بفزع : أنا أييه ال جبني هنا سامر ببرود : أنا مش فاضيلك قومي اعمليلي فطار ولما أجي الاقي الغدا علي موعدوا انتي فاهمه هنا بخوف : ف فاهمه سامر نزل علي سلم وانصدم من ال شافوا سامر بحب : تيته انتي جيتي امتي مها : من شويه يا سامر قولي انت عامل ايه أخبارك أيه مبقتش تسأل ياا رذل سامر بضحك : لسه بتقوليلي رذل مها : ايوة يا رذل سامر باس ايديها وقال : احم المهم انا عايز اقولك حاجه مهمه مها : خير ياحبيبي قول عايز أيه سامر بتوتر : أنا أتجوزت أمبارح ومراتي فوق مها بعصبية : أيه أتجوزت أمتي وازاي وفين ايه ال انت بتقوله ده أنت أكيد أتجننت سامر وقف وقرب منها بخوف عليها من انفعالها أهدي ياتيته والله الموضوع جيه بسرعه مها بعصبيه : انت أزاي تتجوز يا سامر من غير ما تقولي أيه ستك ماتت سامر حضنها وقال بحب : حقك عليا بس ده جواز مؤقت وكدا كدا انا هطلقها مها وقفت بغضب : كدا انا فهمت وعملتلك أيه بقي البنت الغلبانه دي عشان تعمل فيها كدا وحرام ال بتعملوا فيهاا ده انا سكتلك كتير وكنت بتجيب بنات كتير وسكتلك بس لحد هنا واوقف مش كلهم زي عمرو أفهم بقااا سامر اول ما سمع كدا جري برا الفيلا قبل ما يفقد أعصابه مها قعدت وقالت بعياط : منك لله يا عمرو أنت وهند دمرت أبنك ياعمرو منك لله وربنا يهديك ياحبيبي ____________________________________ هنا كانت في اوضه لبست بنطلون وبلوزة قصيرة كت وبعدين نزلت ملقتش حد و دخلت المطبخ ولقت اتنين ستات بيعملوا أكل انصدمت وقربت منهم وقالت : هو مش المفروض ان انا ال اعمل فطار ل سامر واحدة من ستات : سامر بيه مش موجود تؤامرني بحاجه ياهانم هنا كانت جعانه جدا لانها مكلتش من أمبارح وقالت بكسوف وابتسامه : بلاش هانم دي انا اسمي هنا قولولي هنا عادي ممكن تحضريلي أي أكله عشان انا جعانه الستات حبوها جدا لانها مش متكبرة اوووي زي سامر ودمها خفيف وبنت كويسه واحدة من ستات بابتسامة : طب حضرتك هتفطري مع الهانم الكبيره ولا لوحدك هنا باستغراب : هانم الكبيرة مين هو في حد هنا غيري واحدة من ستات : مها هانم تبقي جدة سامر هنا بابتسامة : ماشي يبقي هفطر معاها بعد أذنكم انا رايحه أشوفها وهنا كانت رايحه أوضه وقفها الستات : هي مش في الفيلا هي في الجنينه عند سامر كان بيسوق العربية وكان بيفتكر ال حصل زمان Flash سما بعياط : الحقني يا عمرو سامر عندو سخونيه جامدة عمرو : بقولك أيه هي مش ناقصكي مايموت ولا يولع انا مالي عمرو دخل اوضتو سما دخلت وراه وفضلت تترجاه عمرو بخبث : عايزني اجبلوا دكاترة صح سما بعياط : أه عمرو ببرود : بوسي رجلي سما عيطت جامد لانها بتتذل له عشان تعالج ابنها وكل ده وسامر شايفها وبيعيط لانو شايف أمو بتذل عشانو ومكنش قادر يعمل حاجه من كتر التعب سما بعياط باست رجلوا وعمرو ببرود مسك الفون ورن : الو ثواني تكونوا عندي وقفل الفون وقام ببرود طلع من الفيلا سما شافت سامر بيعيط سما مسحت دموعه وابتسمت بوجع : متعيطيش يا سامر عشان السخونيه متكترش عليك انا كويسه ياحبيبي وشالتو ونيمتوا علي سرير وفضلت تعملو كمادات لحد ما دكتور جي Back _________________________________ سامر وقف العربيه وطلع علي كورنيش وفضل يصرخ بأعلي صوتو وبيطلع الوجع ال جواه هنا كانت ماشيه وهي متوترة من مقابلة جدة سامر خايفة تكون قاسيه وجبروت زيو هنا طلعت برا الفيلا شافت ست كبيرة وجميله جدا ولما قربت منها أتفاجأت بــيها بتبتسم وقالتالها : تعالي يابنتي تعالي أقعدي جمبي هنا ابتسمت وقعدت جمبها ومكنتش عارفه تقولها أيه بس أتفاجأت ب مها وهي بطبطب علي ضهرها وقالت : انا ابقي مها جدة سامر وعارفه انك مراتو بس مكنتش أعرف انو اتجوز قمر كدا هنا ابتسمت وحست ان هي ارتاحتلها وقالت : شكرا ياتيته ده من زوقك وانا اسمي هنا مها بفرحه : الله كلمه تيته طالعة منك حلوة وحضنتها وهنا كانت فرحانه ان اخيرا حد بقي حنين عليها ابتسمت مها ومسكت ايديها وقالت بتعب : بصي ياهنا انا عارفه ان سامر اتجوزك غصب عنك وعارفه انك مش عايزة تبقي هنا ونفسك تهربي أنا معرفش انتي اتجوزتي انتي كمان سامر ليه بس صدقيني هو مش زي ما بيبنلك هو اه تشوفيه صعب وقاسي ومغرور ومعندهوش رحمه بس قسوته دي قناع بيداري بيه ضعفو وهو في الحقيقه أحن راجل في الدنيا بس تصرفاته دي غصب عنو عشان ال شافو مش قليل هنا هزت رأسها ومن جواها مستغربه من كلام مها ومش متخيله ان بني أدم ال شافتو ده وراه راجل حنين زي ماجدتو بتقول وكان عندها فضول تعرف السبب وكانت لسه هتسالها بس قاطعتها مها وهي بتقول : بصي يا هنا انا عايزة اطلب منك طلب هنا باستغراب : اتفضلي مها مسكت ايديها : بصي ياهنا انتي الوحيدة ال هتقدري تغيري سامر وترجعيه سامر القديم الطيب ارجوكي يابنتي رجعيه سامر الطيب هنا بخوف : ازاي ده صعب اووي مها بابتسامة : لا مش صعب طب هقولك تعملي أيه هنا : قولي مها بابتسامة : بصي**** هنا بلعت ريقها بخوف : لا مينفعش مها : عشان خاطري يابنتي هنا بابتسامة : ماشي عشان خاطرك انتي بس مها حضنتها : شكرا يابنتي عند سالي سالي كانت بتذاكر والباب خبط سالي : اتفضل ياسين بتمثيل الحب :ازيك يابنتي سالي بحب :الحمدلله يابابا ياسين : الدراسه عامله معاكي ايه سالي : الحمدلله يابابا ياسين قام وقف : محتاجه حاجه يابنتي انا خارج سالي بحب : لا يابابا عايزة سلامتك ياسين خرج ببرود شاف فريدة فريدة بصوت واطي : ال بتعملوا غلط يا ياسين انت لي بتعمل في بناتك كده سالي لما تعرف هتنقهر حرام عليك ال بتعملوا فيها وخلتني اعامل بنتي هنا بأسلوب زفت وخلتني اكرهها فيا لي يا ياسين لي ياسين مسك شعرهاا : بقولك ايه انتي هتحققي معايا ولا أيه وزقها وفتح باب الشقه وخرج ياسين بحزن : سمحيني يافريدة انا اسف وسامحوني ياهنا وسالي غصب عني ال بعملوا فيكم انا اسف ياحبيبه قلبي كل ده بعملوا غصب عني أنا أسف ___________________________________ بليل رجع سامر ودخل اوضتو وقلع الجاكيت ورامه علي الارض بأهمال ونام علي سرير بتعب وشاف هنا قاعدة وقالت بنعاس : هو انا هنام فين سامر ببرود : هنا كان بيشاورلها علي سرير هنا بشهقه : أيه لا لا انا هنام علي كنبه سامر بغضب : لو منمتيش جمبي نامي علي الارض هنا : تمام انا هنام علي الارض اهون من اني انام جمبك وهنا نامت علي الارض وراحت في نوم وسامر استغرب وفكر في نفسوا : ازاي في بنت كده دي البنات نفسها تتجوزني وابقا ملكها ازاي انتي غريبه كده نفض الفكرة من راسوا وتجاهلها وبعد وقت راح في النوم بعد ساعتين ونص تقريباً سامر صحي عشان عطش بس أتفاجأ بــــ*** يتبع... 🟩🟩🟩🟩🟩💞🟩🟩🟩🟩🟩🟩🟩🟩💞🟩🟩🟩🟩🟩🟩🟩🟩🟩